Skip to main content

Posts

Showing posts from April, 2013
malkakulu_youtube_page malkakulu_facebook_page

මෝටර් රථවල සිරස් ලාම්පුවල විශාල පෙරළියක් ළඟදීම! වැහි වෙලාවට පාර හොඳට පෙනෙන නව ක‍්‍රමයක්!

මේ ක‍්‍රමය සැකසූ අය කියන්නේ ඒ අනුව වැහි දිනවල පාර නො පෙනීම නිසා සිදු වන අනතුරු හා ඒවායින් සිදු වන මරණ වළක්වා ගන්න පුළුවන් කියලයි. ඕනෑම තද වැස්සක් අතරින් මග හොඳට පෙන්වන විස්මිත සිරස් ලාම්පු විශේෂයක් තමයි. මේ සඳහා යොදා ගන්නේ. ඒ ලාම්පු දැල් වුවා ම රියැදුරාට වැස්ස විනිවිද පෙනෙන්න පටන් ගන්නවා.

උසස් තාක්ෂණය යොදා ගෙන කර ඇති මේ නව නිර්මාණයට අනුව සිරස් ලාම්පූවලට ක‍්‍රම වේදයක් සකස් කර තියෙනවා, වැටෙන වැහි බිඳු නො පෙන්වන්නත්, ඒවා බිමට වැටෙන විට සිරස් ලාම්පුවල ආලෝකය ඒවාට නො වැටීමටත් හැකි වන විදියේ.

මේ විස්මිත සිරස් ලාම්පු තැනූ අය කියන්නේ මේවා දැල් වූ විට වැස්ස කෙතරම් තද වුනත් වැහි බිංදු නො පෙනී මහ මග හොඳින් පෙනෙන්නට පටන් ගන්නා බවයි.

විද්‍යාඥයෝ කෝස්ටාරිකාවෙන් අලූත් කෘමියෙකු සොයා ගනිති! ඇසට නො පෙනෙන තරම් පුංචියි!

පීටර් පෑන් නමින් ප‍්‍රකට ‘කිසිදාක නො වැඩුණු ළමයා’ ගැන ඔබ අසා ඇතුවා නිසැකයි. ස්කොට්ලන්ත ජාතික ලේඛක ශී‍්‍රමත් ජේ. එම්. බාරී (J.M. Barrie) විසින් ලියූ ‘පීටර් පෑන්’ (Peter Pan) චරිතය ඇතුළත් කතාවල ආ ටින්කර් බෙල් (Tinker Bell) නම් පුංචි සුරංගනාවි ඔබට මතකද?

එහෙමත් නැත්නම් වොල්ට් ඩිස්නි චිත‍්‍රපටවල සංකේතය වූ ටින්කර් බෙල් පුංචි සුරංගනාවි ඔබට මතකද? මේ සුරංගනාවිගේ නමින් තමයි, මේ පුංචි ම කෘමියා නම් කර තියෙන්නෙ. මේ කෘමියා අයත් වන්නේ අසරමැස්සන් (fairyfly) ගණයකටයි. (‘අසර’ යන වදන ‘සුරංගනා’ යන අරුත දෙන්නක්.) ඒත් ටින්කර් බෙල් පුංචි සුරංගනාවි තරම් මේ අලූතින් සොයා ගත් මැස්සා පහසුවෙන් දැක ගන්න පුළුවන්කමක් නැහැ.

ඌ ඉතා දුර්ලභ සතෙක්. ප‍්‍රමාණයෙන් ඉතා කුඩා මේ සත්ව විශේෂය සොයා ගෙන තියෙන්නේ කොස්ටා රිකා රටේ වනාන්තරවලින්. ඔවුන් සත්ව විද්‍යාත්මකව හඳුන්වන්නේ ‘ටින්කර්බෙල්ලා නැනා’ කියලයි. හොඳින් වැඩුණු මෙම කෘමියකුගේ මිලිමීටරයකින් හතරෙන් එකකටත් අඩුයි. ඒ කියන්නෙ මයික්‍රෝ මීටර් 250කටත් අඩුයි. ඒ වනාන්තරවල බිමයි, මේ සතා ජීවත්වෙන්නෙ.

ඉතා කුඩා ‘ටින්කර් බෙල්ලා නැනා’ (Tinker Bella Nana) නම් මේ කෘමියා දිගින් මිලිමීටර් කාලටත් …

තාරකා විද්‍යාඥයන්ගේ අලූත් ම සොයා ගැනීම: තරු තනන කම්හලක්!

පසුගියදා තාරකා විද්‍යාඥයන්ට විශ්වය සිසාරද්දී අමුතු ම දෙයක් හමු වුණා. ඒ තමයි විශාල වශයෙන් තරු නිපදවා පිට කරන දැවැන්ත තාරකා කම්හලක් හෙවත් තරු පැක්ටරියක්!

එය නම් කර ඇත්තේ ‘එච්එෆ්එල්එස්3’ (HFLS3) කියායි. පෘථිවියේ සිට ආලෝක වර්ෂ බිලියන 12.8ක් ඈතින් තමයි, පිහිටා තියෙන්නේ. එයින් වසරකට තරු හෙවත් සුර්යයන් 3,000ක් පමණ නිපදවනවා.

එය අපේ ක්ෂීර පථයට වඩා 2,000ක් විශාලයි.

‘එච්එෆ්එල්එස්3’ (HFLS3) කියා නම් කර ඇති මේ තරු කම්හල පිහිටා ඇත්තේ පෘථිවියේ සිට ආලෝක වර්ෂ බිලියන 12.8ක් ඈතිනි. එය වසරකට තරු 3,000ක් පමණ නිපදවයි. මෙහි පසුබිම් රූපයෙහි ඇත්තේ අහසෙහි ‘එච්එෆ්එල්එස්3’ ගැලැක්සිය පිහිටි කලාපය හර්ෂෙල් අභ්‍යවකාශ දුරේක්ෂයෙන් ගත් හර්ෂෙල් ස්පියර් පිළිබිඹුවක්. කුඩා කොටුවෙහි මැද තිතක් මෙන් ඇත්තේ ඒ ‘තරු කම්හල’ මැද කොටුවෙහි ඇත්තේ එහි විශාලනය කිරීමක්. ඉහළ වමේ ඇති කොටුවේ රූපය ඒ ගැලැක්සියේ රේඩියෝ/මිලිමිටර/සබ්මිලිමිටර් ක‍්‍රමයෙන් ලබා ගත් තවදුරටත් විශාලනය කළ පිළිබිඹුවන්. ඉහළ දකුණේ ඇත්තේ කාබන් මොනොක්සයිඞ් අණුවලින් විමෝචනය වන විකිරණ දැක්වෙන දැවැන්ත දුරේක්ෂ පද්ධතියකින් ගත් වර්ණාවලීක්ෂයක්. එයින් එහි පිහිටිම හඳුනා ගත හැකියි.

ආජෙන්ටිනාවේ ශීත හිමගිරේදී හමු වූ විස්මිත මමි තුනේ කතාව!

ආජෙන්ටිනාවේ කෞතුකාගාරයක දැනට ප‍්‍රදර්ශනය කෙරෙන යොවුන් වියේ මමියක් තියෙනවා. ඒ මමිය කෙතරම් සුරැකිව තියෙනවාද කීවොත් ඒවා ඊජිප්තුවේ දී හමු වූ මිසර මමිවලට වඩා වෙනස්. ඒ නිසා ම ඒවා විද්‍යාඥයන්ගේ අවධානයට ලක් වුණා.

ඒ එක මමියක් හැඳින්වෙන්නේ ‘ලා ඩොන්සෙලා’(La Doncella) කියලයි. එහි අරුත ‘කන්‍යාවිය’ නැත්නම් ‘යෞවනිය’ යන්නයි. තවත් විධියකින් කීවොත් ‘නාඹර කෙල්ලක්’ ඇය මිය ගොස් ඇත්තේ මීට වසර 500කට පෙරයි.

ඔබ ඇවිදින විට හැඩය හා පාට වෙනස් වෙන ඇඳුමක්! විස්මිත ඉලෙක්ට්‍රොනික නිර්මාණයක්!

‘කර්ම චැමලියන්’ (Karma Chameleon) නමින් ව්‍යාපෘතියක් දියත් කරලා තියෙනවා, කැනඩාවේ මොන්ටි‍්‍රයෙල්හී කොන්කෝඩියා විශ්ව විද්‍යාලයෙන්. මේ ව්‍යාපෘතිය මගින් කෙරෙන්නේ ඉලෙක්ට්‍රොනික රෙද්දක් වියා ඇඳුමක් නිර්මාණය කිරීමයි. ඒ මගින් සිරුරේ ඇති තාප ශක්තිය ගබඩා කර ගත හැකියි.

මේ නවෝත්පාදනය පසුපස සිටින කණ්ඩායමේ අපේක්ෂාව වුණේ හැඩය හා වර්ණය වෙනස් කළ හැකි ඇඳුමක් නිර්මාණය කිරීමයි. ඔබේ සිරුරේ ශක්තියෙන් ජංගම දුරකථනයක් ‘චාජ්’ කළ හැකි කමිසයක් තැනීමත් ඔවුන් එහිදී ලත් එක් ජයග‍්‍රහණයක්!

ඇඟලන තැනැත්තාගේ චලනයන් අනුව හැඩය හා වර්ණය වෙනස් වන ඇඳුමක් නිර්මාණය කරන්නට කැනේඩියානු විශේෂඥයන් පිරිසක් සමත් වී තියෙනවා. ‘ඇක්රෝබැට් ඞ්රස්’ (Acrobat Dress) නම් මේ ඇඳුම වෙස් පෙරළිය හැකි ඒ ඇඳුම් කට්ටලවලින් එකක්.

පෘථිවියට වඩාත් සමාන තවත් ග‍්‍රහ ලෝක දෙකක්! පිළිගන්න මහ පොළොව-1 හා මහ පොළොව-2!

පෘථිවියට වඩාත් සමාන තවත් ග‍්‍රහ ලෝක දෙකක් ඉතා දුරින් පිහිටි තරුවක් වටා යන බව තාරකා භෞතික විද්‍යාඥයන් විසින් අලූතින් ම සොයා ගෙන තියෙනවා.

අලූතින් සොයා ගෙන ඇති කෙප්ලර් 62 සෞර ග‍්‍රහ පද්ධතියේ ඇති මේ ග‍්‍රහ ලෝක පාෂණ හා අයිස් වලින් නිර්මිත යැයි සොයා ගෙන ඇති බැවින් ඒවායේ ජලය ඇතැයි ද විද්‍යාඥයන් විශ්වාස කරනවා.

කෙප්ලර් 62ඊ හා කෙප්ලර් 62එෆ් යන ග‍්‍රහ ලෝක දෙක සුර්යයාට බොහෝ සේ සමාන වූ තරුවක් වටා භ‍්‍රමණය වන, අලූතින් සොයා ගෙන ඇති ග‍්‍රහ ලෝක පහ අතරින් ජීවීන්ට හිතකර පරිසරයක් බිහි විය හැකි දුරකින් පිහිටි ඒවා බව දැන් තහවුරු කර ගෙන තියෙනවා.

ඈත පිහිටි තාරකාවක වටා යමින් සිටින, අලූතින් සොයා ගත් කේප්ලර් 62ඊ හා 62එෆ් යන ග‍්‍රහ ලෝක දෙක අපේ පෘථිවියට බොහෝ සේ සමාන විය හැකි යැයි තාරකා විද්‍යාඥයන්ගේ විශ්වාසයයි. මේ රූප සටහන සිත්තරකුගේ නිර්මාණයක්.

මෙන්න ඉතිහාසය අලූතින් ම ලියන මෝටර් රථය! - ‘ඇස්ටන් මාටින් හයිඩ‍්‍රජන් හයිබි‍්‍රඞ්’ හරිත රිය!

ඔබ ජේම්ස් බොන්ඞ් චිත‍්‍රපට දැක ඇත්නම් ඇස්ටන් මාටින් (Aston Martin) මෝටර් රථයත් දැක ඇතුවාට සැකයක් නැහැ. ඒ ඇස්ටන් මාටින් වර්ගයේ අලූත් ම රථය දැන් කලඑළි බසින්න සූදානම්. මෙය මෝටර් රථ ඉතිහාසය අලූතින් ලියවෙන අවස්ථාවක් වෙනවාට සැකයක් නැහැ.

මේ නවතම මෝටර් රථය එන්නේ හරිත රථයක් හෙවත් පරිසර මිතුරු රියක් ලෙසටයි. මෙය අන්තර් ජාතික මෝටර් රථ ධාවන තරග පථයක දී එක් වටයක් සම්පූර්ණ කිරීමට යන ලොව ප‍්‍රථම හයිඩ‍්‍රජන් බලයෙන් ධාවනය වන රිය ද වෙනවා.

හයිබි‍්‍රඞ් හයිඩ‍්‍රජන් රැපිඞ් එස් (Hybrid Hydrogen Rapide S) කියා නම් කොට ඇති ඇස්ටන් මාටින් වර්ගයේ අලූත් ම මෝටර් රථය මේ වසරේ දී ජර්මනියේ නූර්බර්ග්රින්හි දී පැවැත්වෙන 24 පැයේ මෝටර් රථ තරගාවලියට එක් වීමට නියමිතයි.

ජර්මනියේ නූර්බර්ග්රින් නගරය ෆෝමිලා වන් ග්‍රොන්ද් පී‍්‍ර මෝටර් තරගවලට ප‍්‍රසිද්ධයි. මෙවර එම තරගාවලියට එක් වීමට නියමිත මෙම රථය නිපදවූ බි‍්‍රතාන්‍ය මෝටර් රථ සමාගමේ සියවස් උළෙල ද යෙදී ඇත්තේ මේ වසරටයි.

ඉතිහාසය අලූතින් ලියන ‘හයිබි‍්‍රඞ් හයිඩ‍්‍රජන් රැපිඞ් එස්’ හරිත රිය - ජර්මනියේ නූර්බර්ග්රින් හිදී තරග බිමට බසින්න සූදානම්.

ගල් අත් පොරව නිසා මානවයාගේ අත දැන් තියෙන තත්වයට දියුණු බව කියන අලූත් සොයා ගැනීමක්!

අලූතින් ම සොයා ගත් පොසිලයකින් මිනිස් අත අද පවත්නා විධියට පරිණාමය වූ අන්දම හෙළිදරවු කර ගැනීමට විද්‍යාඥයන් පිරිසක් සමත් වෙලා.

මෑතක් වන තෙක් මෙය රහසක්ව පැවතුනා. අපේ මුතුන්මිත්තන්ගේ අත වර්තමානයේ පවත්නා ආකාරයට ආයුධ අල්ලා ගෙන හසුරුවන්නට හැකි වන අයුරින් කෙසේ දැයි පැහැදිලි කර ගන්න බැරිවයි විද්‍යාඥයන් සිටියේ.

කෙසේවෙතත්, අලූතින් සොයා ගත් හස්ති ඇටයකින් පරිණාමයේ මෙතෙක් අපට අබිරහසක්ව පැවති කොටස සම්පූර්ණ කර ගන්නට ඔවුන් සමත් වී තියෙනවා.

මිනිසා අවි ආයුධ හොඳින් හසුරුවන්නට හැකි වන පරිදි පරිණාමය මගින් අත දියුණු කර ගත් අන්දම අලූතින් ම සොයා ගත් පොසිලයකින් හැකි වී තියෙනවා.

හිත නැත්නම් අත නැතුවට කමක් නෑ. මේත් හිත උණු වෙන කතාවක්!

මේ බලූ සුරතලා උපන්නේ නත්තල් දාට කලින් දා 2002 අවුරුද්දේ. උපදින කොට ම තිබුණේ කකුල් දෙකක් විතරයි. ඒ නිසාට ඌට ඇවිදීමට පුළුවන් කමක් තිබුණේ නෑ. එයාගෙ අම්මටත් මේ පැටියා එපා වෙලා තිබුණෙ.

එයාගේ මුල් අයිතිකාරයත් හිතුවා මේ වැඩි කලක් ජීවත් වෙන එකක් නැහැ කියල. ඉතින් එයා හිතුවා මෙයාව ‘සදාකාලිකව නිදි කරවන්න.’

ඒත් වාසනාවකට වාගේ ඊට කලින් මෙයාට මෙයාගේ දැන් අයිතිකාරයා හමු වුණා. එයා අයිතිකාරයෙක් නෙමෙයි, අයිතිකාරියක්. නම ජූඩි ස්ටි‍්‍රන්ෆෙලෝ. ජූඩි හිතුව මෙයාව හදා වඩා ගන්න ඕනෑ කියල.

තවත් නස්රුදින්ගේ කතා දෙකක්!

මිනිසෙකුට මෝඩ විය හැකි සීමාව?
නස්රුදින් හිටිය ගම්වල මිනිස්සු තම තමන්ගේ වී වුනත් ගබඩා කළේ ගමටම පොදු එකම ගොඩනැගිල්ලකයි.

එක දවසක් එහි දී නස්රුදින් අසල්වැසියන්ගේ වී එයාගෙ මලූවලට පුරවද්දී අහුවෙලා නඩුකාරයා ළඟට අරන් ගියා.

”මං මෝඩයෙක්, මං ඒ ගොල්ලන්ගෙ වි අඳුනන්නෙ නෑ.” නස්රුදින් එහි දී කිව්වා.

”එහෙනම් ඇයි ? තමාගේ වී අනිත් අයගෙ මලූවලට දැම්මෙ නැත්තේ ?”

”ආ! මං මගෙ වී අඳුනනවා. මං එච්චර මෝඩයෙක් නෙමෙයි.” නස්රුදින් කිව්වා.

ඇඟිලි සලකුණවලට වගේ ඔබ හෙළන හුස්මටත් තැනක්! අලූත්ම අධ්‍යයනයකින් හෙළි වූ රහස්!

ඇඟිලි සලකුණුවලට වගේම තැනක් ඔබ පහත හෙළන හුස්ම පොදටත් තියෙන බව ඔබ දන්නවද? ඇඟිලි සලකුණ වලින් වගේම ඔබ පහත හෙළන ඔබේ හුස්ම පොදෙනුත් ඔබව හඳුනා ගන්න පුළුවන්. මෑතදී කෙරුණු අලූත්ම අධ්‍යයනයකින් තමයි, මේ තොරතුරු හෙළි වී තියෙන්නෙ.

මේ අධ්‍යයනය වාර්තාව පළ වී ඇත්තේ ‘ප්ලොස් වන්’ (PLOS ONE) නම් අන්තර් ජාල විද්‍යා ජර්නලයේ යි. මූත‍්‍ර හෝ රුධිර පරීක්ෂාවකින් රෝග තත්වයන් සොයා ගන්නවා වාගේ වෛද්‍යවරුනට රෝග නිර්ණය කිරීමට මෙය යොදා ගත හැකි යැයි එම වාර්තාවෙහි සඳහන් වෙනවා.

හුස්ම පහත හෙළන ආකාරය වෙනස් නොවන නිසා ප‍්‍රතිඵල ඇසිල්ලකින් ලබා ගන්න පුළුවන්. එසේ ම නිර්වින්දන හා මත් ද්‍රව්‍ය භාවිතය පිළිබඳ පරීක්ෂණවලටත් එය යොදා ගත හැකියි.

ප‍්‍රශ්වාස වාතයේ ඇති සංයෝග ඇඟිලි සලකුණු වගේම පුද්ගලයාට ආවේණික දෙයක් ලෙස අලූත් ම අධ්‍යයනයකින් කියවෙනවා. එහි ඇති පරිවෘත්තීය සංයුතිය අනුව පුද්ගලයාගේ සෞඛ්‍යය ගැන, පිළිකා වැනි රෝග තත්වයක් ඇද්ද යන වග දැන ගන්න පුළුවන්.

ලෝකයේ වේගවත් ම විදුලි කාරය දැන් ඇවිල්ලා! වේගය පැයට කි.මී. 249යි!

ලෝකයේ වේගවත්ම කාරය නම් කර තියෙන්නෙ, ඩෙට්රොයිට් ඉලෙක්ටි‍්‍රක් එස්.පී:01 කියලයි. එය නවීන යුගයට හඳුන්වා දුන් මුල් ම විදුලි කාරය වූ ටෙල්සා රෝඞ්ස්ටර් ස්පෝට්ස් කාරයට අභියෝගයක් වෙතැයි විශ්වාස කරනවා. ටෙල්සා කාරය හඳුන්වා දුන්නේ ස්පීඞ් එක්ස්, පේපැල් යන ආයතන ආරම්භ කළ බිලියනපති ව්‍යාපාරික එලන් මස්ක් විසින්. දැනට වෙළඳ පොළේ ඇති ආකර්ෂණීය විදුලි කාරය එයයි.

ඩෙට්රොයිට් ඉලෙක්ටි‍්‍රක් එස්.පී:01 විදුලි කාර් මාදිලියෙන් කාර් 999ක් විතරයි, ඩෙට්රොයිට් ඉලෙක්ටි‍්‍රක් ආයතනය නිපදවන්න බලාපොරොත්තු වෙන්නෙ. එය නිපදවන්නේ ලෝටස් සමාගමේ විධායක පිරිසකගේ සැලැසුමකට අනුවයි. වසර 100ක් පැරණි සන්නමක් යළිත් පණ ගස්වා ගැනීමට ඔවුන් එක් වී අලූත් සමාගමක් පිහිටෙව්වා, මීට වසර පහකට විතර ඉස්සරින්.

ලෝකයේ වේගවත්ම විදුලි කාරය, ඩෙට්රොයිට් එස්.පී.:01 - උපරිම වේගය පැයට හැතැප්ම 155ක් (කි.මී. 249ක්).

ඔබ සැමට සුභ අලුත් අවුරුද්දක් වේවා..!

මල් කැකුළු වෙතින්...!

වසර මිලියන 190ක් පැරණි ඩයිනොසෝර බිත්තර පොසිල තොගයක් හමුවෙයි!

මෙතෙක් හමු වී ඇති පැරණිතම ඩයිනොසෝර කැදැලි බිම එයයි. පර්යේෂකයන් කියන විදියට මේ ඩයිනොසෝර කැදලි අනික් පැරණිම කැදැලිවලට වඩා වසර මිලියන 100ක විතර පරණයි!

මෙය හමු වී ඇත්තේ දකුණු අපි‍්‍රකාවේ කළ කැණීම්වලදියි. ගෝල්ඩන් ගේට් හයිලන්ඞ්ස් ජාතික වනෝද්‍යානයේ කළ කැණීම්වලදියි. මාසොස්පොන්ඩිලස් (Massospondylus) නම් දිගු ගෙලක් හා වලිගයක් ඇති ඩයිනොසෝර වර්ගයේ සතුන්ගේ පොසිල හමු වූ බිමක තිබිලයි, මේ බිත්තර තොගය හමු වුණේ.

විශේෂඥයන්ට මේ ස්ථානයෙන් හමු වූ ඉඟි හා සාක්ෂි වැනි දේ නිසා ආදීම ඩයිනොසෝරයන්ගේ ප‍්‍රජනන චර්යාවන් පරිණාමය වූ අන්දම ගැන නිගමනවලට එන්නට හැකි වේවි.

මාසොස්පොන්ඩිලස් ඩයිනොසෝරයන්ගේ කැදැලි බිම සිත්තරකුට පෙනුන හැටි!

ලෝක දේශපාලනයේ පරමාදර්ශී කාන්තාව - මාගරට් තැචර් (‘යකඩ ගැහැනිය’) ජීවිතයෙන් සමුගනියි.

බි‍්‍රතාන්‍යයේ ප‍්‍රථම සහ එකම අගමැතිවරිය ඇයයි. බි‍්‍රතාන්‍ය වැසියන්ගේ පමණක් නොව, මුළු ලෝකයේම ගෞරවයටත් ආදරයටත් පාත‍්‍ර වූ ඇය වඩාත් ප‍්‍රකට ‘යකඩ ගැහැනිය’ යන අන්වර්ථ නාමයෙනි. කොන්සවර්ටිව් පක්ෂයට නායකත්වය දෙමින් පිට පිට තෙවරක් බි‍්‍රතාන්‍යයේ අගමැති ධුරය හෙබවූ ඇය මාගරට් තැචර්ය. මහ රැජන විසින් ආදිපාද පදවියකට උසස් කිරීම නිසා මියයන විට තැචර් ආදිපාදවරිය ලෙසින් හඳුන්වනු ලැබීය. දීර්ඝ කාලයක් පුරා අයහපත් රෝගී තත්ත්වයෙන් පීඩා විඳි ඇය, පසුගිය 8 වැනිදා මෙලොවින් සමුගත්තේ මොළයේ ඇති වූ ආඝාත තත්වයක් නිසාය. මිය යන විට ඇගේ වයස අවුරුදු 87 කි.

පැහැර ගෙන යාම් වළක්වන වළල්ලක්! ස්වේච්ඡා සේවකයන්ට තාක්ෂණික ආරක්ෂාවක්!

ලෝකයේ අලූත් ම සන්නිවේදන නිපැයුම මෙයයි. සන්නිවේදන තාක්ෂණයේ විශිෂ්ට නිපැයුමක් ලෙස මෙය හඳුන්වන්න පුළුවන්.

මේ නව නිපැයුම, අනතුරක දී ලොවට ම ඒ බව හඬ ගා කිව හැකි බ්‍රේස්ලට් එකක් එහෙමත් නැත්නම් අතේ පලඳින වළල්ලක්! චන්ද්‍රිකා මඟ සෙවුම් තාක්ෂණයේ පිහිටෙන් කි‍්‍රයා කරන මේ නව මෙවලමෙන් ස්වේච්ඡා සේවකයකු හදිසි ප‍්‍රහාරයකට ලක් වුවහොත් ඒ බව එසැණෙන් ලොවට ම හඬ ගා කියන්න පුළුවන්.

මෙසේ දැනුවත් වීම කරන්නේ ෆේස් බුක් හා ට්විටර් මගින් අන්තර් ජාලය හරහායි. ලෝකයේ මිලියන ගණනක් දෙනාට එසැණෙන් දැන්විය හැකියි. ඒ එක්කම තත්පර කීපයක් ඇතුළත ලොව පුරා මාධ්‍ය දැනුවත් කිරීමක් ද කළ හැකියි. මේ සියල්ල කරන්නේ ඒ නව බ්‍රේස්ලට් එක මගින් ස්වයංකී‍්‍රයවයි.

නතාලියා ව්‍යාපෘතියේ බ්‍රේස්ලට් චන්ද්‍රිකා මඟ සෙවුම් තාක්ෂණයට සම්බන්ධ කරලයි තියෙන්නෙ. ඒ මගින් ස්වේච්ඡා සේවක පැහැර ගැනීමක දී එසැණෙන් ලොවට ම දැනුම් දිය හැකියි.

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට …

කුඩා කැංගරු පැටියෙක් මෙලොව එළිය දකින විස්මිත මොහොත විදු ඇසින්!

බේබි වොලිබියා නැත්නම් කුඩා කැංගරුවා (ජොයියා කියලත් කියනවා) මවගේ පැස තුළට බඩ ගාන්නට ඉගෙන ගන්නේ ගර්භාෂයේ සිටියදියි. කැංගරුවකු ගැබ තුළ වැඩෙන හැටි වීඩියෝවකින් බලන්න! මෙන්න ඔබටත් අවස්ථාවක්.

උච්ච සමාධානය සහිත අතිධ්වනික පරිලෝකනයන් යොදා ගෙන ඕස්ටේ‍්‍රලියාවේ මෙල්බෝන් විශ්ව විද්‍යාලයේ පර්යේෂකයන් විමසීමක් කළා, ඇස් නොපෙනෙන, ලෝම රහිත කලලයන් මවගේ පැස තුළ යන ආකාරය පුහුණු වූ හැටි ගැන.

අනෙක් සියලූ ම මාසුපිලාවන් හෙවත් පැසිපොව්වන් වගේ ම වොලබියන්ටත් (කුඩා කැංගරුවන්ටත්) කලල අවස්ථාවේ සිට ම මවගේ පැස වෙතට බඩ ගා යාමේ හැකියාව තියෙනවා. පැස තුළ ඇති තන පුඩුවලින් කිරි උරා බී මාස කීපයක් ඔවුන් ඒ තුළ වැඩෙනවා.

මෙල්බෝන් විශ්ව විද්‍යාලයේ ආචාර්ය ජ්‍යොෆ් ෂෝ කියන්නේ, ”මේ ඉතා කුඩා පැටවුන් ‘කුස’ තුළින් ලොම් අල්ලා ගෙන පැස තුළට යන ගමන හරිම විස්මිතයි.” කියායි.

කුඩා කැන්ගරු මවගේ පැස තුළ කැන්ගරු බබාලා! උපන් හැටියේ මේ පැටවා හැඳින්වෙන්නේ ජොයියා කියලයි. උපදින විට මීමැස්සෙක් විතර ඇති. තේ හැන්දකට කීප දෙනෙක් දමන්න පුළුවන්. හොඳින් වැඞී නැති ඒ කුඩා පැටවු මවගේ ‘කුස’ තුළින් එළියට ඇවිත් පැස තුළට යන ගමන විස්මයජනක එකක්.

මෙන්න! හමුවන්න! සමුදුර ගැන කියා දෙන්න ලොවපුරා යන දිය කිඳුරිය!

මෝරුන්, ලොඩියන් ආදී මුහුදු ජීවීන් සමග මුහුද යට පිහිනමින් යන ඇය සැබෑ දිය කිඳුරියක් වගේමයි. ඇයට හුස්ම අල්ලා ගෙන, අපහසුවක් නැතුව, අඩි 115ක් මුහුද යට මිනිත්තු පහක් විතර රෑඳී ඉන්න පුළුවන්.

ඇය නමින් ලින්ඩෙන් වොල්බර්ට්. ඇගේ අඩි 6ක් දිග වලිගයත් සමග, පූර්ණ කාලීන වෘත්තීය දිය කිඳුරියක් ලෙස ලොවපුරා සැරිසරනවා. ඇය ඒ සංචාරවලදී සාගර සංරක්ෂණය හා අධ්‍යාපනය පිළිබඳ වැඩ සටහන්වලට සහභාගි වීමට නියමිතයි.

දැනට 32 හැවිරිදි ඇය දැන් නිදහස් කිමිදුම් කාරියක්. ඒ වගේම මෝස්තර නිරූපිකාවක්. ඇගේ දිවියේ එකම ප‍්‍රාර්ථනය සිය හැකියාවන් යොදවා සාගරය හා එහි ජීවීන් රැක ගැනීම සඳහා ලෝකවාසීන් උනන්දු කරවීමයි.

ඇය ඇමරිකාවේ කැලිෆෝනියා ප‍්‍රාන්තයේ ලොස් ඇන්ජලීස් නගරයේ පදිංචිකාරියක්. ”මම හැදුණෙ වතුරෙන් උපන් දරුවෙක් ගානයි. මගේ මාපිය දෙදෙනාම පිහිනුම් තරඟවලින් දිනපු දක්ෂ පිහිනුම්කරුවන්.”

”මං හැම ගිම්හාන නිවාඩුවකට ම මුහුදේ පීනන්න ගියා. මං වතුරට ඇදිලා ගියේ කාන්දමක් වගෙයි. නිදහස් කිමිදුම්කරුවකු ලෙස ඒ කී‍්‍රඩාවට එක් වුණේ වසර දහයකට ඉස්සරයි. ඒ දවස්වල ඉඳලම පුහුණු වීම් පටන් ගත්තා.”

”නිදහස් කිමිදුම් කී‍්‍රඩාව සියයට 70ක් මනෝවිද්‍යාත්මකයි. වතුරේ කිම…

පොළොව වටා තුන් වැනි වැන් ඇලන් විකිරණ පටයක් බිහි වෙයි! විද්‍යාඥයන්ගේ විස්මිත අත්දැකීමක්!

පෘථිවිය වටා තුන් වැනි වැන් ඇලන් විකිරණ පටයක් හමු වී ඇතැයි අභ්‍යවකාශ ගවේෂණ යානාවලින් හෙළිදරවු වී තිබෙනවා. එයින් විද්‍යාඥයන්ට ඉඩ ප‍්‍රස්තාව පැදිලා තියෙනවා, සූර්ය සුළං අපේ පෘථිවියට ව්‍යසන ඇති කරන්නේ කෙසේද? කුමන අවස්ථාවන්හිදී ද? යන පැනවලට පිළිතුරු සොයා ගන්නට.

වැන් ඇලන් විකිරණ පට (Van Allen radiation belt) කියන්නේ අපේ පෘථිවිය වටා අභ්‍යවකාශයේ විහිදී ඇති මුදු හැඩැති විකිරණ වළලූ විශේෂයක්. අපේ ග‍්‍රහයා ආවරණය කර ගෙන මෙවැනි වළලූ දෙකක් ඇතැයි මෙතෙක් සොයා ගෙන තිබුණා.

ඒවා සොයා ගනු ලැබුවේ 1958 දී ඇමරිකානු භෞතික විද්‍යාඥයකු වූ ජේම්ස් ඇල්ෆ‍්‍රඞ් වැන් ඇලන් විසින්. ‘එක්ස්ෆ්ලෝරර් -1’ චන්ද්‍රිකාව මගින් ඉහළට යැවූ විශේෂ උපකරණවලින් තමයි, වැන් ඇලන් විසින් ඒ විකිරණ වළලූ සොයා ගනු ලැබුවේ. ආරෝපිත අංශුවලින් පිරි එවැනි කලාප දෙකක් පෘථිවියට ඉහළින් ඇති අවකාශයේ චුම්බකගෝලය වටා විහිදී ඇති බව ඔහු පෙන්වා දුන්නා. ඒවා වැන් ඇලන් පටි නමින් හැඳින්වෙන්නේ ඔහුට ගෞරවයක් වශයෙනුයි.

දැන් අලූතින් තුන්වැනි විකිරණ කලාපයකුත් ඇති වූ බව පසුගියදා සොයා ගත්තා. සූර්ය කුණාටු ඇති විට හා වෙනත් අභ්‍යවකාශ කාලගුණික වෙනස්වීම්වල දී ඒවාට ප‍්‍රතිචාර වශය…

අලූත් වෛරසයක්! සාර්ස්වලටත් වඩා භයානකයි! සිරුරේ ග‍්‍රන්ථීන් ගණනාවක් ඉක්මනින් විනාශ කරනවා!

මේ නව වෛරසය දැනටමත් ලොව පුරා 11 දෙනකු බිලි අරන්. මේ පිළිබඳව පර්යේෂණ පවත්වන විද්‍යාඥයන් කියන්නේ සිරුරේ ප‍්‍රධාන ග‍්‍රන්ථීන් ගණනාවක් අකි‍්‍රය කර ඉක්මනින් රෝගියා මරණයට පත් කරන බවයි.

මේ අබිරහස් කොරොනා වෛරස (corona virus) මාදිළිය මතු වී ඇත්තේ මැදපෙරදිගෙනි. තවමත් මෙය හඳුනා ගෙන මාස හයක්වත් ගත වී නැහැ. සාර්ස් (Sars) වගේ මේ මාදිළියට නමක්වත් දමා නැහැ. ඒ වෛරස අයත් කොරෝනා (corona) පවුලේ නමින් තමයි හැඳින්වෙන්නේ.

බි‍්‍රතාන්‍යයේ මේ වෛරසය වැළඳුණු දෙවැනි රෝගියාත් මිය ගිය බව ලෝක සෞඛ්‍ය සංවිධානය කියනවා.

අති භයානක මිනීමරු වෛරසය - මේ ඒ කොරානා වෛරසයේ මයික්‍රොස්කෝප් පිළිබිඹුවකි.

අලි කුරුලූ බිත්තරයක් වෙන්දේසියේ! වටිනාකම රුපියල් 58 ලක්ෂයක් විතර වේවි!

ලෝකයේ ලොකුම ඔම්ලට් එක හදන්න පුළුවන් බිත්තරය මේකයි! සාමාන්‍ය කිකිළි බිත්තරයක් වගේ සිය ගුණයකටත් වැඩියි කියලයි කියන්නෙ.

සෙ.මී. 30ක් උස, සෙ.මී. 21 විෂ්කම්භයක් ඇති මේ බිත්තරයක්, එංගලන්තයේ දී මේ සතියේ වෙන්දේසි කරාවි. ලන්ඩනයේ කි‍්‍රස්ටීස්හි වෙන්දේසියට තබා ඇති මෙය අර්ධ වශයෙන් පොසිල බවට පත් වූ අලි කුරුලූ බිත්තරයක්.

මේ බිත්තරයේ අයිතිකාර කුරුල්ලා හැඳින්වෙන්නේ ඉපියෝනිස් (Aepyornis) කියලයි. ඌ අඩි 11ක් උස පැස්බරෙක් වැනි සතෙක්. 14 වැනි හා 17 වැනි සියවස් අතර කාලයේ දී මැඩගස්කරයේ විසූ පියෑඹිය නො හැකි මේ කුරුල්ලා අද වඳ වී ගොස් ඇත්තේ මිනිසාගේ ගොදුරක් වීම නිසා කියලයි කියන්නෙ.

එංගලන්තයේ වෙන්දේසියට තබා ඇති ඉපියෝනිස් බිත්තරය පරීක්ෂා කරන එහි සේවිකාවක්. මෙය අර්ධ වශයෙන් පොසිල බවට පත් වූ නො බිඳුණු බිත්තරයකි.