Skip to main content

Posts

Showing posts from July, 2013

හදවත් සුවපත් කරන්න රත්තරන්! ඊශ‍්‍රායල් ටෙල් අවිව් සරසවියේ අලූත් සොයා ගැනීමක්!

ඊශ‍්‍රායලයේ ටෙල් අවිව් විශ්ව විද්‍යාලයේ පර්යේෂකයන් රන්වලින් ගත හැකි අලූත්ම ප‍්‍රයෝජනයක් සොයා ගෙන තියෙනවා.

රත්තරන් දැන් ඔවුන් හදවත් සැත්කම්වලට යොදා ගන්නවා.

විද්‍යාඥයන් රන්වලින් කළ නැනෝ තන්තු යොදා ගෙන හෘද පටක මැසීම සිදු කරනවා. එවිට හෘද අකරණවල දී බාහිරව යැවෙන විදුලි සංඥා මගින් හෘදයේ කි‍්‍රයාකාරිත්වය යථා තත්වයට පත් කිරීමට හැකියාව ලැබෙනවා.

ජනාකීර්ණ වීදියක පහසුවෙන් ‘ලිස්සා යා හැකි’ පරිසර මිතුරු වාහනයක්!

නගරවල වෙසෙන හෝ නගරවල වැඩට යන අයට මුහුණ දීමට සිදුවන වාහන තදබදයට තවත් අලූත් තාලේ පිළියමක් දැන් ඇවිත්. ඒ තමයි, මේ අලූත්ම වාහනය, ස්කෲසරය (scrooser).

මේ වගේ නව නිපැයුම් කීපයක් ගැන ඔබට අපි ‘මල්කැකුළු’වලින් කීවා, ඔබට මතක ඇති. මේක ඒ හැම එකකටම වෙනස් අලූත් ම විධියේ එකක්. මෙය පරිසර හිතකාමී වාහනයක් කියලයි හැඳින්වෙන්නෙ.

මේ නව වාහනය නිර්මාණය කළ අය කියන්නේ මේ හරිම පහසුවෙන් පාවිච්චි කළ හැකි, නගරය පුරා ‘ලිස්සන පුවරුවකින්’ යනවා වගේ ගමන් බිමන් කළ හැකි අපූරු වාහනයක් බවයි. මෙයට නගරයේ ජනාකීර්ණ වීථියක වුනත් පැයට හැතැප්ම 2ක් හා 15ක් අතර වේගයකින් යා හැකියි.

මේ නව යානයේ සැලසුම, තනා ගෙන ඇත්තේ ළමා ස්කූටරයත්, තනිරෝදයේ සෙග්වේ යානයත්, බයිසිකලයත්, යන තුන් ආකාරයම එක් කිරීමෙනුයි. මේක පදවන්න බලපත‍්‍රයක් ගන්නට අවශ්‍ය වන්නේ නැහැ. හෙල්මට් එකක් පලඳින්න ඕනැත් නැහැ.

මේ පුංචි යානය පදවන්නේ ඔබ පාදයෙන් දෙන ‘කික්’ එකෙන් හා බැටරියක බලයෙන්. වරක් ‘චාජ්’ කළා ම දවස් 25ක් නගරයේ එහා මෙහා යන්න හොඳටම ඇති. සාමාන්‍ය බැටරි චාජරයකින් මෙය චාජ් කරන්න යන්නේ පැය තුනක් විතරයි.

වසර 10,000ක් පැරණි දින දර්ශනයක් හමුවෙයි! ලොව පැරණිම කැලැන්ඩරය මෙයද?

පුරාවිද්‍යාඥයන් විසින් සොයා ගෙන තියෙනවා ලෝකයේ මෙතෙක් හමුවුණු පැරණිම කැලැන්ඩරය, එක්සත් රාජධානියේ ස්කොට්ලන්තයෙන්.

එහි ඇබර්ඞීන්ෂයර් පාළු බිමකින් තමයි, මේ ඉපැරණි කැලැන්ඩරය හමු වී තියෙන්නෙ. එහි එකෙල්ලට පොළොවේ සැකසූ වළවල් 12කින් සඳේ කලාවන් දැක්වෙන බවත්, ඒ අනුව වසරක කාලයක් තුළ චන්ද්‍ර මාස ගණනය කළ හැකි බවත් ඒවා හඳුනා ගත් පුරාවිද්‍යාඥයන් අර්ථ දක්වනවා.

මේ පුරාවිද්‍යා පර්යේෂක කණ්ඩායම බර්මින්හැම් විශ්ව විද්‍යාලයට අයත් පිරිසක්. මේ ස්මාරක වළවල් වසර 10,000ක් පැරණි යැයි ඔවුන් විසින් හඳුනා ගෙන තියෙනවා. ඒ අනුව ලෝකයේ මෙතෙක් හඳුනා ගෙන ඇති වසර 5,000ක් පැරණි කැලැන්ඩරයට වඩා මෙය දෙගුණයකින් පැරණි යැයි ඔවුන් විසින් තහවුරු කර ගෙන තියෙනවා.

බර්මින්හැම් විශ්ව විද්‍යාලයේ පුරාවිද්‍යා පර්යේෂක කණ්ඩායමක් විසින් සොයා ගෙන ඇති වසර 10,000කට පෙර පැවතියේ යැයි සැලකෙන ලොව පැරණිම කැලැන්ඩරයට අයත් පුරාවිද්‍යා සලකුණු පිහිටි ස්ථානයයි. එහි වළවල් සකසා ඇති ආකාරය ඇතුළෙහි දක්වා තියෙනවා. වසරකට අයත් චන්ද්‍ර මාසත් සඳේ කලාවන් පිහිටන ආකාරයත් ඒවායින් ගණනය කළ හැකි යැයි කියැවෙනවා.

අතින් ලියන විට හරි වැරදි කියා දෙන විස්මිත පෑනක්! අකුරක් වැරදුනොත් පෑන වෙවුලනවා!

ජර්මන් නව නිපැයුම් කරුවන් දෙදෙනකු විස්මිත පෑනක් නිපදවා තියෙනවා, අතින් ලියන විට නිවැරදි අත්ෂර වින්‍යාසය කියා දිය හැකි.

මේ අකුරු හරියට ඉගෙන ගන්න උදවු කරන පෑන නම් කරල තියෙන්නේ ‘ලර්න්ස්ටිෆ්ට්’ (Lernstift) කියලයි. ජර්මන් බසින් එහි අරුත ‘ඉගෙන ගන්නා පෑන’ යන්නයි.

ඒ පැන ඇතුළේ ක්ෂුද්‍ර පරිගණකයක් හා විශේෂ සංවේදකයක් සවි කරල තියෙනවා, ලියන විට කරන චලනය හඳුනා ගෙන අකුරේ හැඩය තේරුම් හැකි විධියට. වැරදි අකුරක් ලිව්වොත් පෑන වෙවුලන්න පටන් ගන්නවා.

මේ පෑන ඇතුළේ ‘වයි-ෆයි’ (Wi-Fi) උපාංගයත් තියෙනවා, ඒ නිසා මේ මගින් ලියන දේ ස්මාට් ෆෝන් එකකට හෝ පුද්ගලික පරිගණකයකට රැහැන් රහිතව එසැණ යවන්න පුළුවන්. එනම් මෙයින් ලියන ඕනෑම දෙයක් අන්තර්ජාලය හරහා උත්පතනය (upload) කරන්නත් මේ මගින් දුරස්ථව සිටින අයකුට අකුරු ලියන හැටි කියා දෙන්නත් මෙයට හැකියාව තියෙනව.

ජර්මන් නව නිපැයුම් කරුවන් දෙදෙනකු විසින් තනා ඇති විස්මිත පෑන. ‘ලර්න්ස්ටිෆ්ට්’ ලෙස නම් කර ඇති මෙයට අකුරුවල හරි වැරදි ලියන විට කියා දෙන්න පුළුවන්.

තාරකා යුද්ධයකින් පසු උපදින රත්තරන් - අලූත්ම අධ්‍යයනයකින් හෙළි වෙයි!

අපි රන් අගය කරන්නේ කරුණු කීපයක් නිසයි. එකක් එහි ඇති අලංකාරය. ඒ වගේ ම ආභරණ තැනීමාදියෙහි දී ඇති ප‍්‍රයෝජනය එහි වැදගත්ම අංගයයි. ඒ විතරක් නොවේ ලොව ඇති දුර්ලභ මූල ද්‍රව්‍යයක් ලෙසත් එය අපට වැදගත්. මුල්‍ය හුවමාරුවල ප‍්‍රධාන සාධකයත් එයයි.

ඇමරිකානු විද්‍යාඥයන් පිරිසක් හෙළි කර ගෙන ඇති අලූත් ම තොරතුරු අනුව අනෙක් කරුණු සියල්ලට ම වඩා රන් අපට වැදගත් වෙන හේතුවක් දැන් සොයා ගෙන තියෙනවා. පෘථිවියේ ඇති සියලූ ම රන් අපට ලැබී ඇත්තේ ඉතාමත් දුර්ලභ සිදුවීමක් නිසයි. ඒ අනුව එය මිය ගිය තරු දෙකක් එකට හැපීමෙන් පසු උපන් දෙයක් ලෙසයි සැලකෙන්නේ.

ඇමරිකානු විද්‍යාඥයන් හෙළි කර ගෙන ඇත්තේ, පෘථිවියේ සියලූම රන් නිපදවී ඇත්තේ බොහෝ කලකට ඉහත සිදු වූ මළ තරු දෙකක් එකටෙක ගැටීමෙන් කියලයි.

ඇයි අපි තරහ ගියාම එකිනෙකාට කෑ ගහ ගන්නේ?

හින්දු සාධුවරයෙක් ගංගා නම් ගඟ දෙසට යමින් සිටියේ ස්නානය කිරීම පිණිසයි. ඔහු පසුපස ගෝල බාලයන් පිරිසක් ද යමින් සිටියා.

ඒ යන අතරමඟ ගං ඉවුරේ තැනක එක පවුලකට අයත් පිරිසක් රණ්ඩු වෙමින් සිටියා. ඔවුන් සිටියේ කෝපයෙන් දැවෙමින් එකිනෙකාට කෑකෝ ගසමින්.

සාධුවරයා ගෝලයන් දෙසට හැරී සිනාවක් මුහුණට නඟා ගෙන මෙසේ ඇසුවා: ‘ඇයි මේ මිනිස්සු තරහ ගියාම එකිනෙකාට මහ හඬින් බැණ අඬ ගහන්නේ?’

ඇමරිකාවේ නිදහස් දා සමඟ බැඳුණු විස්මිත කරුණු දහයක්!

ඇමෙරිකා එක්සත් ජනපදයේ නිදහස් දිනය ජූලි 4 වැනිදාට යෙදී තිබුනා. ඒ හා බැඳුණු විස්මිත කරුණු 10ක් ‘ටුඬේ අයි ෆවුන්ඞ් අවුට්’ නම් වෙබ් අඩවියේ දක්වා ඇත. ඔබ මෙතෙක් නොදැන සිටි තොරතුරු ගණනාවක් ම එහි ඇතුළත් වෙයි.

අපේ සෞරග‍්‍රහ මණ්ඩලයට වල්ගයක් තියෙනවා! ඉබෙක්ස් යානය පොළොවට දත්තවලින් හෙළිවෙයි!

නාසා ආයතනයේ අභ්‍යවකාශ යානයක් පසුගියදා විස්මිත දෙයක් දැක්කා. කාලයක් තිස්සේ අපේ විද්‍යාඥයන් විසින් ඇතැයි සැක කළ, අප කිසිදාක නුදුටු දෙයක් තමයි, එසේ දැක්කේ. ඒ වෙනත් කිසිවක් නොව අපේ සෞරග‍්‍රහ මණ්ඩලයේ වලිගයයි.

අපේ විද්‍යාඥයන් බොහෝ කලකට පෙර අපේ සෞරග‍්‍රහ මණ්ඩලයටත් ධූමකේතුවකට වාගේ වල්ගයක් තිබිය යුතු යැයි මතයක් පළ කර තිබුණා. අභ්‍යවකාශය හරහා යන ගමනේ දී අපේ සෞරග‍්‍රහ මණ්ඩලය පසුපසින් අංශු ධාරාවක් ගලා යා යුතු යැයි ඒ න්‍යායෙන් කියැවුණා.

ඒ න්‍යාය සැබෑවක් බව දැන් මේ විස්මිත දසුනත් සමග ඔප්පු වී තියෙනවා. නාසා ආයතනය විසින් යවා ඇති ඉබෙක්ස් (IBEX) යන කෙටි නමින් හැඳින්වෙන අන්තස්තාරීය පර්යන්ත ගවේෂක අභ්‍යවකාශ යානය (Interstellar Boundary Explorer) විසින් ප‍්‍රථම වතාවට මේ සෞරග‍්‍රහ ගෝලය හෙවත් සූර්ය බුබුළ මුදුනේ පටන් විහිදී සෞරග‍්‍රහ මණ්ඩලය පසුපස ඇදී යන වල්ගය දැක තියෙනවා.

මේ රූප සටහනේ සුදු තිතකින් දැක්වෙන්නේ අපේ සූර්යයායි. ඒ වටා ඇත්තේ අභ්‍යන්තර සූර්යගෝලයයි. පසුපසින් ඈතට විහිදී යන්නේ වල්ගයයි. නිල් පැහැයෙන් දැක්වෙන්නේ බාහිර සූර්යගෝලය සහිත කොටසයි. ඒ කලාපයට සූර්ය බලපෑම ඉතා සුළුයි.

මීට පෙර දම්පාට තක්කාලි ආවා! දැන් දොඩම් පාට රාස්ප්බෙරි (රටකැටැඹිල්ල) ඇවිත්!

උද්භිද විද්‍යාඥයන් විසින් නව රටකැටැඹිල්ල ප‍්‍රභේදයක් හෙවත් රාස්ප්බෙරි (raspberry) විශේෂයක් ලොවට හඳුන්වා දී තියෙනවා. අනාගතයේ දී පෘට් සැලඞ් රසවත් කරන්න වගේ ම වර්ණවත් කරන්නත් මේ නව පලතුරු විශේෂය නිසා හැකියාව ලැබෙනව.

මේ නව පලතුර පෙනුමෙනුත්, රසයෙනුත්, ප‍්‍රමාණයෙනුත් එහි රතු ප‍්‍රභේදයට සම්පූර්ණයෙන් ම සමානයි. නමුත් මෙහි දොඩම් පැහැති වර්ණය ඉතාමත් සිත් ගන්නාසුලූයි.

මේ නව පලතුරු ප‍්‍රභේදය නම් කර ඇත්තේ ‘ ඕටම් ඇම්බර්’ (Autumn Amber) කියලයි. ‘සරත් සමයෙහි හමුවන රඹ පැහැය’ අරුත් දෙන ඒ නමින් හැඳින්වෙන මේ නව ශාකයෙහි ඵල හටගන්නේ සෑම වසරකම සරත් සමයෙහියි.

උද්භිද විද්‍යාඥයන් විසින් නිර්මාණය කරන ලද නව රාස්ප්බෙරි (රටකැටැඹිල්ල) ප‍්‍රභේදයයි, මේ.

17 හැවිරිදි යුවතියක අතින් බිහිවෙන ලෝකයේ ලොකුම ලිලී මල මෙන්න!

උද්භිද විද්‍යාඥයන් යෝධ ශාක විශේෂ දෙකක් පරපරාගණය කොට ලෝකයේ විශාලතම ලිලී ශාකය බිහි කරන්න කළ උත්සාහයක් ගැන කතාවක්, මේ.

ආධුනික උද්භිද විද්‍යාඥවරියක් වන 17 හැවිරිදි හැනා රොජර්ස් (Hannah Rogers), බි‍්‍රතාන්‍යයට අයත් ලොකුම දූපත වූ අයිල් ඔෆ් වයිට් (Isle of Wight) හී වෙන්ට්නෝර් උද්භිද උද්‍යානයේ විශේෂඥයන් හා එක්ව ඇමසෝනියානු වෝටර් ලිලී ශාකයක් පරාගණය කරන්න සමත් වෙලා තියෙනවා. ලෝකයේ දැවැන්ත ශාක අතර එකක් වන මේ ජලජ ශාකයේ මල් පිපීම වසරකට රාති‍්‍ර දෙකකට සීමා වෙලයි තියෙන්නෙ.

රාති‍්‍ර කාලයේ සැරිසරණ ස්ක‍්‍රෑබ් (කුරුටු) කුරුමිණියන් තමයි, මේ ශාකය පරාගණය කරන්නේ. ඒ මල පිපී පවතින රාති‍්‍ර දෙක තුළ මුල් රාති‍්‍රයේදී ඒ මලෙන් අන්නාසිවල සුවඳට සමාන සැර සුවඳක් නිකුත් කරනවා. ඒ සුවඳට තමයි, ස්ක‍්‍රෑබ් කුරුමිණියන් ඒ කරා ඇදී එන්නේ.

මේ ශාක ලෝකයේ විස්මය පසුගියදා පිපුණේ බි‍්‍රතාන්‍යයේ අයිල් ඔෆ් වයිට් දූවේ පිහිටි වෙන්ට්නොර් උද්භිද උද්‍යානයේදියි. මහ රෑ පිපෙන මේ මල ඇගේ අතින් ම පරාගණය කළේ හැනා රෝජර්ස් කියන 17 හැවිරිදි වීර තරුණියක්.

ඔබත් කවදා හෝ හඳට යන්න සිහින මැව්වද? දැන් මෙන්න ඒ සිහිනය හැබෑ කර ගන්න අවස්ථාවක් ළඟඳීම!

නව ව්‍යාපෘතියක් ඇරඹෙනවා, ඔබට ම සැලසුම් කර ගෙන, ඔබ විසින් ම තනා ගෙන, උඩු ගුවනට යැවිය හැකි, හඳ බලා යැවිය හැකි, අභ්‍යවකාශ යානා තැනීමට ඔබට පහසුකම් සපයන විධියේ වැඩ සටහනක්. මේක අදහන්නත් බැරි තරම් හීනයක් වගේ දෙයක්.

ඒත් මේ සාක්කු අභ්‍යවකාශ යානා ව්‍යාපෘතිය යන අරුත් ඇති අලූත් ම අභ්‍යවකාශ වැඩසටහන වූ ‘පොකට් ස්පේස්ක‍්‍රාෆ්ට්’ (Pocket Spacecraft) ව්‍යාපෘතිය ඇරඹුවාම මෙය තවදුරටත් හීනයක් වෙන්නේ නැහැ.

‘පොකට් ස්පේස්ක‍්‍රාෆ්ට්’ ව්‍යාපෘතිය සැබෑ කර ගන්නට දැනටමත් අරමුදල් සොයන්න ‘කික්ස්ටාටර්’ වෙබ් අඩවිය යොදා ගෙන තියෙනවා. ඒ අනුව දහස් ගණනක් දෙනාට තමන්ගේම සීඞී තැටියක ප‍්‍රමාණයේ අභ්‍යවකාශ යානයක් කක්ෂ ගත කරන්න පුළුවන්.

නම්‍යශීලී ඉලෙක්ට්‍රොනික යෙදූ පොලිමයිඞ් තැටියක් තමා අභ්‍යවකාශ යානය හැටියට භාවිත කරන්න සැලසුම් කරල තියෙන්නෙ. එය ප‍්‍රමාණයෙන් සීඞී තැටියකටත් කුඩායි. කඩදාසියක් තරම් තුනියි.

‘පොකට් ස්පේස්ක‍්‍රාෆ්ට්’ ව්‍යාපෘතිය මගින් දහස් ගණනකට මේ සීඞී තැටියක ප‍්‍රමාණයේ තමන්ගේ අභ්‍යවකාශ යානයක් උඩුගුවනට යවන්න අනාගතයේ දී පුළුවන්. මෙය මිමී 80 ක විශ්කම්භයක් ඇති මිමී විස්සෙන් පංගුවක් තරම් තුනී තැටියක්. සුර්ය කෝෂ, පරිගණකයක්,…

මේ ජූලි මාසේ 19 වැනිදා නාසා ආයතනයට සුවිශේෂ දවසක්. සූර්යග‍්‍රහණයක් අස්සේ එදාට පෘථිවියේ ඡායාරූපයක් ගන්නවා.

එදාට ඔවුන් සෙනසුරු ග‍්‍රහයා වටා යමින් තිබෙන කැසිනි-හියුජින්ස් (Cassini-Huygens) අභ්‍යවකාශ යානයේ කැමරාවලින් අපේ පෘථිවියේ වඩාත් පැහැදිලි ඡායාරූපයක් ගන්න සැලසුම් කරල තියෙනවා. ඒ පින්තූරය ගන්න අවස්ථාවේ කවුරුත් කර කර ඉන්න වැඩ නවත්තල එළිමහනට ඇවිත් අහස දෙස බලා අත් වනන්න යැයි නාසා ආයතනය දැනටමත් ඉල්ලීමක් කරලයි තියෙන්නෙ.

1997 ඔක්තෝබරයේ සිට කැසිනි යානය සෙනසුරු වටා කක්ෂයක යමින් තියෙනවා. කලින් අවස්ථා කීපයකදීම සෙනසුරු වටා යමින් පෘථිවියේ ඡායාරූප ගත්තද ඒවා එතරම් පැහැදිලි වුණේ නැහැ. එයට හේතුව සූර්යාගෙන් විහිදෙන ආලෝකයෙන් ඒ පින්තූර ගැනීමට බාධා පැමිණීමයි. ඒත් මේ මාසේ සෙනසුරුට පෙනෙන පූර්ණ සූර්යග‍්‍රහණයක් සිදු වෙනවා. ඒ අවස්ථා හිරු මුවා වන නිසා පෘථිවිය හොඳින් දැක ගත හැකි වේවි කියා විද්‍යාඥයන් විශ්වාස කරනවා. ඒ නිසයි මේ කටයුත්ත සූර්යග‍්‍රහණය දාට යොදා ගෙන තියෙන්නෙ.

සෙනසුරුට පෙනෙන දුර්ලභ සූර්යග‍්‍රහණය යෙදී තිබෙන්නේ ජූලි 19 වැනිදාටයි. ඒ මොහොතේ කැසිනි යානයේ ඇති අති සංවේදී කැමරා උපකරණවලින් සූර්යාලෝකයේ බාධාවකින් තොරව අපේ පොළොවේ පැහැදිලි ඡායාරූපයක් ගත හැකි වේවි.

දැනට නව වසරක් තිස්සේ සෙනසුරු කක්ෂයක යන කැසිනි කලින් ගත…

අනාගතයේ එන නිවාසයක් කෙබඳු වේවිද? මෙන්න එවැනි නිවාසයක් එංගලන්තයෙන්!

එංගලන්තයේ ලන්ඩන් නගරයේ සමාගමක් අනාගතයේ බිහිවන නිවසක් නිර්මාණය කර තියෙනවා. මේක අපේ මතු පරපුර ජීවත්වන හැටි අද දැක ගන්න තියෙන හොඳම අවස්ථාවක්.

මේ අපූරු නිවස නිර්මාණය කරල තියෙන්නෙ කෝන්ෆ්ලේක් (Cornflake) කියල සමාගමක්. මේ නව නිවස නම් කරල තියෙන්නෙත් ඒ නමින්මයි.

දැනට නිපදවා ඇති අලූත් ම තාක්ෂණය මේ නිවසට එක් කර ගන්නට මේ සමාගම යොමුවෙලා තියෙනවා. ඒ නිසා අලූත් ම මෙවලම් මෙහි දී ඔබට දැක ගන්න පුළුවන්.

ඔබේ අවශ්‍ය වෙලාවට බිත්තිය කරකැවී මීටර් දෙකේ රූපවාහිනී තිරයක් සහිත නැරඹුම් මැදිරියක් මතු වෙනවා. ආභාසී ආරක්ෂකයෙක් (virtual security guard) ඉන්නවා ඔබේ නිවස දිවා රාති‍්‍ර මුර කරන්නට.

මේ නව නිවසට යොදා ඇති විස්මිත උපකරණ සියල්ල අභ්‍යවකාශ තාක්ෂණය නිසා අපට ලැබුණු දේවල්.

එක්සත් ජනපදයේ තාක්ෂණික සමාගමක් වූ කෝන්ෆ්ලේක් තනා ඇති මේ අනාගත නිවස පිහිටා ඇත්තේ ලන්ඩන් නගරයේ ටොටෙන්හැම් කෝට් පාරේ. එහි විසිත්ත කාමරයේදී ඔබ විත‍්‍රපටයක් බලන්න තේරීමක් කළොත් ඔබ අවට ආලෝකය ඉබේට ම සකස් වෙනවා.

මහ මඟ වාහන තදබදයට පිළියමක්. තනි රෝදේ වාහනයක්!

තනි රෝදේ වාහනේ හැටියට අප මෙතෙක් දැන සිටියේ විල්බරෝවයි. ඒත් නවීන ලෝකයට තවත් තනි රෝදයේ වාහනයක් ලබන මාසේ එනවා. එය නම් කර ඇත්තේ රීනෝ (RYNO) කියලයි.

මේක දැකපු ගමන් ඔබට මතක් වේවි, ‘සෙග්වේ’ (Segway) කියන වාහනය. ඒ ගැනත් අපි ඔබට ‘මල් කැකුළු’ තුළින් තොරතුරු ගෙනාවා මීට කලින්.

තනි රෝදයක් ඇති මේ අලූත් ම වාහනය විදුලි බැටරියකින් තමයි, කි‍්‍රයා කරන්නේ. ධාවන වේගය පැය සැතැපුම් 25ක්. ඒකට පුංචි ඉඩකින් වුනත් රිංගලා යන්න පුළුවන්. ඒ වගේම පුංචි ඉඩක ගාල් කරන්නත් පුළුවන්. ඒ සඳහා මුදල් අය කරන්නෙත් නැහැ.

මේ තමා රිනෝ තනි රෝදේ ස්කූටරය. බැටරියෙන් දුවන්නෙ. පැ.කී.මී 40ක (පැ.හැ. 25ක) උපරිම වේගයකින් ගියෑකි.

විසිල් හඬින් කතා කරන මිනිස්සු ඉන්න රටක්! සිල්බෝ උරුමය රැක ගන්න පියවර!

මේ විසිල් භාෂාව හඳුන්වන්නේ සිල්බෝ (Silbo) කියලයි. කැනේරි දූපත්වලට අයත් ලා ගොමේරා (La Gomera) කියන දූපතේ අය තමයි, සිල්බෝ කියන විසිල් භාෂාව භාවිත කරන්නේ.

බොහෝ කලකට ඉහත ඒ කියන්නේ 16 වැනි හා 17 වැනි සියවස්වලදී මේ භාෂාව මේ මුළු දුපතේම අය කතා කළා. දැන් අභාවයට යමින් තිබෙන නිසා එය රැක ගැනීමට විශේෂ වැඩ පිළිවෙළක් දියත් කරල තියෙනවා.

මේ විසිල් භාෂාවට ඇත්තේ ස්වර දෙකේ සිට හතර දක්වා ගණනක් හා ව්‍යඤ්ජන හතරක් පමණයි.

කැනේරි දූපත්වලට අයත් ලා ගොමේරා දූපතේ සෑම ප‍්‍රාථමික පාසලකම මේ සිල්බෝ විසිල් භාෂාව අනිවාර්යයෙන් ම උගන්වනවා, ඒ පුරාණ භාෂාව මළ බසක් වීම වළක්වා ලනු පිණිස.

වසර 100කට මෙහා සිදු විය හැකි විස්මිත දේ - විද්‍යාව කියන ආශ්චර්යමත් අනාවැකි!

‘තව වසර 30ක් විතර යන විට මිනිසාට හැකි වේවි සම්පූර්ණ මොළයම උත්පතනය (upload) කරන්න. ඒ වගේ ම මිනිසාට ඩිජිටල් ක‍්‍රමයට අමරණීය වෙන්නත් ඒ වන විට හැකි වේවි.’ මෙහෙම කියන්නේ ගූගල් ආයතනයේ විද්‍යාඥයෙක්.

ඔහු නමින් රේ කුර්ශ්වීල්. (Ray Kurzweil) ඔහු තමයි, ගූගල් ආයතනයේ ඉංජිනේරු අංශයේ අධ්‍යක්ෂ වරයා. රේ කියන විධියට අපේ සිරුරේ හැම කොටසක් වෙනුවට යාන්ති‍්‍රකව තනන කොටස් අනාගතයේදී එක් කළ හැකි වේවි. හැබැයි ඒ හීනය හැබෑ කර ගන්න නම් තවත් අවුරුදු 90ක් විතර යාවි.

රේ කුර්ශ්වීල් මේ අනාවැකි පළ කළේ පසුගිය දා ඇමරිකාවේ නිව්යෝක් නුවර පැවති අන්තර්ජාතික සම්මන්ත‍්‍රණයකදීයි. ඒ සම්මන්ත‍්‍රණය හඳුන්වා තිබුණේ අනාගතය ලෝකය 2045 අන්තර්ජාතික සමුළුව (Global Futures 2045 International Congress) කියායි.

ගූගල් ආයතනයේ ඉංජිනේරු අංශයේ අධ්‍යක්ෂ රේ කුර්ශ්වීල් කියන්නේ 2045 වන විට මිනිස් මොළය මුළුමනින් ම පරිගණකයකට ඇතුළත් කළ හැකි බවයි. එය හැඳින්වෙන්නේ තාක්ෂණිකව අපූර්වතාව(singularity)කට පත්වීමක් ලෙසයි. මේ බව ඔහු පළමුවරට හෙළි කළේ නිව්යෝක් නුවර පැවති අනාගත දැක්මක් ලෙස හැඳින්වූ සම්මන්ත‍්‍රණයකදියි.

මේ සියවසේ විශිෂ්ටතම සංගීත භාණ්ඩය මෙන්න! ඕනෑම සංගීත භාණ්ඩයක හඬක් නැංවිය හැකියි!

තනි වාදකයකුට වාදනය කළ හැකි අලූත් ම වාදක භාණ්ඩ කට්ටලයක් සහිත අලූත් ම වාදක සංගීත භාණ්ඩයක් දැන් තනා තියෙනවා. විසි එක්වන සියවසේ විශිෂ්ටතම සංගීත භාණ්ඩය ලෙස එය සැලකිය හැකියි. ගිටාරක සිට වයලීනය තෙක් ඕනැම තත් භාණ්ඩයක් මෙමගින් වාදනය කළ හැකියි. පියානෝවක් හෝ ඞ්රම්ස් කට්ටලයක් ලෙසත් වාදනය තරන්න පුළුවන්.

මෙය තනා ඇත්තේ නෑෂ්විල්හී සංගීතඥයෙක්. විශ්ව විද්‍යාල කථිකාචාර්යවරයෙක්. විවිධ සංගීත භාණ්ඩ රැසක ශබ්ද ඇතුළත් මේ අමුතුම සංගීත භාණ්ඩය හැඳින්වෙන්නේ ‘ඉන්ස්ට්රුමන්ට් වන්’ හෙවත් ආර්ටිෆෝන් (Artiphon) කියලයි.

මෙයට සංගීත භාණ්ඩ ගණනාවක හැකියාව තිබුණත් එතරම් බර නැහැ. ගිටාර් එකක් වාගෙ උරහිසෙහි එල්ලා ගෙන හෝ උකුලේ තියා ගෙන වාදනය කළ හැකියි. වාදක භාණ්ඩය අනුව සුදුසු ඉරියව්ව ඔබට පහසු විධියට යොදා ගත්තෑකි.