Skip to main content

Posts

Showing posts from November, 2012

මෙන්න! තවත් ඔබ නුදුටු දසුනක්! මවගේ කුස තුළ ඈනුම් අරින බිලිඳෙක්!

ගර්භාෂය තුළ හොඳින් හැදී වැඞී දරුවකු බිහිවීමේදී, එනම් කලලයක් භ‍්‍රෑණයකු දක්වාත් භ‍්‍රෑණයකු බිලිඳකු දක්වාත්, බිලිඳා මෙලොව එළි දකින තෙක්, දීර්ඝ කි‍්‍රයාවලියක් සිදු වෙනවා. විද්‍යාඥයන් සොයා ගෙන තියෙනවා, මවගේ ගැබෙහි සිටින නුපන් දරුවා ඉක්කා ගැසීම, ගිලීම, අතපය දිග හැරීම ආදිය ගැබ තුළදී කරන බව. ඒ විතරක් නොවෙයි, ඈනුම් පවා අරින බව දැන් සොයා ගෙන තියෙනවා.

ගැබ තුළ සිටින නිරෝගී භ‍්‍රෑණයන් 15 දෙනකුගේ චතුර්මාන (4D Scan) පරිලෝකන රූප අධ්‍යයනය කළ උතුරු ඩර්න්හැම් හා ලැන්කැස්ටර් යන විශ්ව විද්‍යාලවල පර්යේෂකයන් පිරිසක් සිතන්නේ භ‍්‍රෑණයකු මෙසේ ඈනුම් ඇරීම වර්ධනයේ වැදගත් තැනක් ගන්නා කි‍්‍රයාවක් බවයි. ඔවුන් වැඩිදුරටත් කියන්නේ එවැනි කි‍්‍රයාවක් නිරීක්ෂණය කිරීමෙන් දරුවකුගේ නිරෝගී භාවය වෛද්‍යවරුන්ට මැන ගත හැකි බවයි.

අපි‍්‍රකාවට ගිය ආඬි හත් දෙනාගේ කතාව - අපි‍්‍රකානු ජනකතාවක්

‘ගෝත‍්‍ර නායක තුමාගෙන් පණිවිඩයක් ලැබුණා. සිය ගෝත‍්‍ර ජනතාව වෙනුවෙන් නායක තුමා සාදයක් පවත්වන්න තීරණය කරලා! හෙට හවස හැමෝම එන්න! එන හැම කෙනකුම තල් වයින් බෝතලය බැගින් ගේන්න කියලත් ඒ පණිවිඩයෙන් කියැවුණා. පණිවුඩකරුවන් හැම තැනම ඒ පණිවුඩය අරන් ගියා.

මේ වගේ සාදවලදි සාමාන්‍යයෙන් කෙරෙන්නේ වැසියන් එක් එක්කෙනා ගෙනියන තල් වයින් බෝතල නායක තුමාගේ මිදුලේ තබා තියෙන විශේෂ ලොකු භාජනයකට, එනම් තාලියකට, ය තමා අතින්ම දැමීමයි.

විසි වන සියවසේ මහා ප‍්‍රාඥයා වූ ඇල්බට් අයින්ස්ටයින්ගේ මොළය අපට වඩා වෙනස් ද? එහි අබිරහස අලූත්ම අධ්‍යයනයකින්!

ඇල්බට් අයින්ස්ටයින් අසාමාන්‍ය බුද්ධිමතකු වූ කෙසේ ද? මේ අසාමාන්‍ය බුද්ධිමත් භාවයට හේතුව වෙනත් අයට නැති, ඔහුගේ මොළයේ ඇති, සුවිශේෂ ලක්ෂණ කිහිපයක් නිසා යයි වෛද්‍ය විද්‍යාත්මක අලූත්ම අධ්‍යයනයකින් හෙළි වී තියෙනවා.

මෙම අධ්‍යයනයට සහභාගි වූ පර්යේෂකයන් මේ සඳහා අයින්ස්ටයින්ගේ මොළය තවත් සාමාන්‍ය මිනිස් මොළ 85ක් සමග සන්සන්දනය කර බැලූවා.

පර්යේෂකයන් විශ්වාස කරන්නේ අයින්ස්ටයින්ගේ සංජානන හැකියාවන් නංවාලීමට ඔහුගේ මොළයේ සුවිශේෂ හැඩයන් උපකාර වූ බවයි.

සාප්පුවලට ඔත්තු බලන ඩමි මෝස්තර නිරූපිකාවන් ඇවිත්! රෙදි තෝරන්න සාප්පු යන්නේ බලා ගෙනයි!

රෙදි සාප්පුවල, විලාසිතා මන්දිරවල, කවුළුවල, රෙදිපිලි ප‍්‍රදර්ශනාගාරවල ඔබේ නෙත් සිත් ඇද ගන්නා ඩමි නිරූපිකාවන්, ඩමි විලාසිතාවියන්, අජීවී මෝස්තරකාරියන් ඔබ කොතෙකුත් දැක ඇති. ඒවා දෙස ආසාවෙන් බැලූ අවස්ථාත් ඕනෑ තරම් ඇති.

ඒත් පරිස්සම් වෙන්න! මේ විදියේ ඩමි දැන් ඔබේ තොරතුරු සපයන ඔත්තුකාරියන් වෙලා! ඔබ ගැන තොරතුරු සපයන්න ඔවුන්ගේ එක් ඇසකට දැන් වීඩියෝ කැමරාවක් සවි කරලා. සාප්පුකාරයාට ඒ මගින් දැන ගන්න පුළුවන්, ඔබ කොයි වගේ කෙනෙක්ද, වැඩිපුර මිල දී ගන්න කැමති මොන වගේ දේවල්ද යනාදී තොරතුරු.

ගුවන්තොටුපළවල ආරක්ෂක පද්ධතීන්වලට යොදන, අපරාධකරුවන් හඳුනා ගන්න භාවිත කරන තාක්ෂණයයි, මේ ඩමි විලාසිතාවියන්ටත් යොදා ගෙන තියෙන්නෙ.

පිටතින් බැලූ විට මේ ඩමි විලාසිතාවියන් අනෙක් සාමාන්‍ය ඒවා වගේමයි. ඒත් එහි එක් ඇසකට වීඩියෝ කැමරාවක් සවිකර තියෙනවා. ඒ සාප්පුවට යන එන අයගේ වයස, ගැහැනු-පිරිමි බව හා ඔවුන් අයත් වන්නේ කුමන ජනවර්ගයටද කියාත් දැන ගත හැකි, මුහුණු අඳුනාගත හැකි, මෘදුකාංගයක්ද ඊට එක්කර තියෙනවා. මේ විශේෂ ‘අයිසී’ (EyeSee) ඩමි විලාසිතාවියක් ඩොලර් 3,200ක් තරම් මිලකට අලෙවි කරන බවයි, ඒවා නිපදවන ඇල්මැක්ස් ආයතනය කියන්නේ.

අයිසී ඩමි විලා…

මාරක එබෝලා වයිරසය දැන් වාතයෙනුත් පැතිර යන තත්වයක් ඇති වෙලා! නව පරීක්ෂණයකින් හෙළි වෙයි!

එබෝලා (ebola) වයිරසය වෙනස් වෙමින් පවතින බවත් එය වාතයෙන් පැතිරී යා හැකි තත්වයට පත්විය හැකි බවත් මෙම අලූත්ම පරීක්ෂණයෙන් හෙළිවී තියෙනවා. මෙයත් ඩෙංගු වගේ වයිරස විශේෂයක්.

මුලින් පිළිගැනීමක් තිබුණා, මේ එබෝලා වයිරසයට කිසිම බේතක් හරියන්නෙ නැහැයි කියලා. මේ වයිරසය මිනිසාගේ සිරුරට ඇතුළු වුණු ගමන්ම ඉතා ඉක්මනින් සිරුර තුළ රුධිර වහනයන් සිදු වී අවයවයන් ගණනාවක් අකි‍්‍රය වීමෙන් මරණයට පත් විය හැකි බවට විශ්වාසයක් තිබුණා. ඒ වගේ ම වයිරසය පිළිබඳව අප දැන සිටියේ එය බෝ විය හැක්කේ ආසාදිත රුධිරය ශරීර ගත වීමෙන් පමණක් බවයි කියලයි.

ඒත් මේ තත්වය වෙනස් විය හැකි බව කැනේඩියානු පර්යේෂකයන් පිරිසක් විසින් කළ පරීක්ෂණ කීපයකින් හෙළි වී තියෙනවා. ඔවුන්ගේ එක් පරීක්ෂණයකින් එබෝලා වයිරසය ආසාදනය වූ ඌරන් ගෙන් එම රෝගය ඍජු සම්බන්ධයක් නැතිව වඳුරන්ට සම්පේ‍්‍රෂණය වූ බව හෙළි වුණා.

මෙම මාරක එබෝලා වයිරසය වැළඳුණු විට උණ ඇති වී සිරුරේ ඇතුළත ඉන්ද්‍රියයන් අකි‍්‍රය ව නොකඩවා රුධිරය වහනය සිදු වී ආසාදිතයා මරණයට පත් වෙනවා. එය දැන් වාතයෙනුත් බෝ විය හැකි බවයි කියන්නේ.

රාති‍්‍රයට දිළිසෙන, අනාගතයේදී ඔබේ රියට විදුලි ඉන්ධන ලබාදෙන, සුපිරි මහා මාර්ගයක්!

විදුලියෙන් ආලෝකමත් වුණු, කාලගුණ වාර්තාව ගෙනෙන ස්මාර්ට් පාරක්! ඔබේ කාරය විදුලියෙන් දුවන එකක් නම් චාර්ජ් කර ගන්නත් පුළුවන්. රාති‍්‍රයට දිළිසෙන, අනාගතයේදී ඔබේ රියට විදුලි ඉන්ධන ලබාදෙන, සුපිරි මහා මාර්ගයක් ලබන වසරේදී එරට මාර්ග පද්ධතියට හඳුන්වා දෙන්න නෙදර්ලන්තය සූදානම්.

මෙයට දැනටමත් ‘හොඳම අනාගත සංකල්පය’ට හිමි නෙදර්ලන්ත සැලසුම් සම්මානයත් දිනා තියෙනවා. ඉදිරි වසරවලදී එරටට මේ ප‍්‍රකාශ සන්දීප්ත (photo-luminescent) මාර්ග සලකුණු හඳුන්වා දීමට නියමිතයි.

එසේම කාලගුණයට ප‍්‍රතිචාර දක්වන තීන්ත භාවිතයෙන් මාර්ගයේ ලිස්සන ස්වභාවයන් හා අනතුරුදායක තත්වයන් රියැදුරන්ට මතු කර දැක්වීමටද බලාපොරොත්තු වෙනවා.

විදුලියට ප‍්‍රමුඛතා දෙන මං තීරුවක් - මේ මගින් විදුලි රිය පදවන අයට අතර මග රිය නවතා මහා මාර්ගයේ උපකාරයෙන් එහි බැටරි පණ ගන්වා ගන්න පුළුවන්.

වසර 5,500කට පෙර සිදුවූ මිනීමැරුමක් බි‍්‍රතාන්‍ය කෞතුකාගාරයෙන් හෙළිවෙයි!

මේ මිසර තරුණයා මිය ගියේ පිහියා ඇනුමකින් ද? දැන් ඔබටත් මේ අත්දැකීමට එකතු වෙන්න පුළුවන්!

වසර 100ක් තිස්සේ බි‍්‍රතාන්‍ය කෞතුකාගාරයේ ප‍්‍රදර්ශනයට තබා තිබුණු පුරාණ මිසර මමියක් පිළිබඳ අබිරහසක් සොයා ගැනීමට නව පර්යේෂණයකට හැකි වී තියෙනවා. මේ පරණ මමිය තරුණ අයකුගේ එකක්. මෙහිදී හෙළිදරවු කර ගෙන ඇත්තේ ඔහු මියගිය ආකාරයයි.

යුද්ධයක් නොමැති සාමකාමී කාලයක මේ තරුණයා මියගොස් ඇත්තේ දරුණු පිහියා ඇනුමකින්. මේ බව දැන් එහි යන අමුත්තන්ට පරිගණක තිර ස්පර්ශ කිරීමෙන් ප‍්‍රත්‍යක්ෂ කර ගන්න පුළුවන්.

මේ මමිය අයත් මිසර ජාතික තරුණයා හැඳින්වෙන්නේ ‘ගෙබෙලීන් මිනිසා’ කියා නමුත් ඔහුගේ රතු පැහැති හිසකේ නිසා ඉඟුරු යන අරුතැති ‘ජින්ජර්’ නම් වූ සුරතල් නාමයක්ද කෞතුකාගාරයේ අය ඔහුට යොදා තියෙනවා. ඔහුගේ උරපතු ඇටය අසලින් පිහියා ඇනුමක සලකුණක් දක්නට පුළුවන්.

මේ මමියේ සුවීක්ෂ රූප පසුගිය සතියේ සිට බි‍්‍රතාන්‍ය කෞතුකාගාරයට යන නරඹන්නන්ට දැක ගන්න පුළුවන්. ඒ පරිගණක තිරය ස්පර්ශ කිරීමෙන් ජින්ජර්ගේ සිරුරේ කොටස් හා එහි ඇතුළත දසුන්වල සමීප දසුන් දැක ගන්න පුළුවන්.

ලෝකයේ දුප්පත්ම ජනාධිපතිවරයා කවරෙක්ද? ඔහු සුළු මුදලක් තියාගෙන මුළු පඩියම පිනට දෙනවා!

මේ කතාව එන්නෙ උරුගුවේ රටෙන්. ඒත් අපට කතාව ඇහෙන්නෙ එංගලන්තයෙන්. එංගලන්තයේ දේශපාලනඥයන් කීප දෙනකුටම පසුගිය වසර දෙක තුන තිස්සේ රාජ්‍ය මුදල් වංචාකිරීම් හා අනිසි ඉපැයීම් පිළිබඳ චෝදනා එල්ල වුණා. ඇතැම් අයට සිර දඬුවම් පවා නියම වුණා. ඒ බව වාර්තා කරන අතර ඬේලි මේල් පුවත්පතේ පළ වූ මේ විස්තරය මෙහෙම පළ කරන්න අප කල්පනා කළේ ඔබටත් හිතන්න දෙයක් මෙහි ඇති නිසයි.

ගිනි පෙට්ටියක් තරම් කුඩා ප‍්‍රක්ෂේපණ යන්ත‍්‍රයක්! සාක්කුවේ දමා ගෙන යා හැකියි!

ගිනි පෙට්ටියක් තරම් කුඩා ප‍්‍රක්ෂේපණ යන්ත‍්‍රයක් දැන් තනා තියෙනවා. සාක්කුවේ දමා ගෙන යා හැකි එමගින් අනාගත පින්තූර ප‍්‍රක්ෂේණයේ පෙරළියක් සිදු වේවි.

ලන්ඩනයේ සමාගමක් මේ විස්මිත ප‍්‍රක්ෂේපණ යන්ත‍්‍රය තනා ඇත්තේ ඉන්ස්ටග‍්‍රම් (Instagram) වැඩ සටහන ඔස්සේ හුවමාරු කෙරෙන ඡායාරූප ප‍්‍රක්ෂේපණය කරනු පිණිසයි. ‘ප්‍රොජෙක්ටියෝ’ (Projecteo) කියා නම් කොට ඇති මේ ප‍්‍රක්ෂේපණ යන්ත‍්‍රයේ මිල ඩොලර් 15ක් පමණ වෙනවා.

ඉන්ස්ටග‍්‍රම් ක‍්‍රමයට කොඩැක් පටල පටියට මුද්‍රණය කොට තනා ගන්නා විනිවිදකයක් භාවිත කරමින් ප‍්‍රජෙක්ටියෝ නම් මේ ප‍්‍රක්ෂේපණ යන්ත‍්‍රයට යොදා ප‍්‍රක්ෂේපණය කළ හැකියි.

විසෙන් විස නැසීම වෙනුවට විසෙන් වේදනාව නසන ඔසුවක්! දිවි මකුළු විසෙන් තනන්නක්!

වේදනා නාශක තැනීමට කරන අත්හදා බැලීම් කරන්නට දිවි මකුළුවකුගෙන් විෂ ගන්නා අවස්ථාවක් තමයි, මෙහි ඇති පින්තූරයෙන් දැක්වෙන්නේ. ඊළඟ පරම්පරාවේ වේදනා නාශක තනනු ලබන්නේ දිවිමකුළු විසෙන්. නැත්නම් වෙනත් විසකුරු සර්පයන් ලබා ගෙන්නා විසෙන්.

ලොවපුරා විද්‍යාඥයන් දැන් සාර්ථකව අත්හදා බැලීම් කර ගෙන යනවා මාරක සර්පයන් හා දිවිමකුළුවන් වැනි උග‍්‍ර විෂ සහිත සතුන්ගේ විෂ උපයෝගී කර ගෙන, දැඩිසේ වේදනාවට පත්ව සිටින අයගේ, වේදනාව සමහන් කරන්නට හැකියාව ඇති ඖෂධ නිපදවන්නට.

මේ පිළිබඳ ප‍්‍රදර්ශනයක් පසුගියදා ලන්ඩනයේ විද්‍යා කෞතුකාගාරයේ දී ආරම්භ වුණා. එය 2013 ජූලි මාසය තෙක් පැවැත්වීමට නියමිතයි. ’වේදනාව රහිත අනාගතයක්’ යනුවෙන් නම් කර ඇති ඒ ප‍්‍රදර්ශනයෙන් වේදනාව අඩු කිරීම හා අනාගතයේ සහන සැලසීම යන විවිධ අංශවලින් ලෝකය මෙතෙක් ලබා ඇති ප‍්‍රගතිය දැක ගන්න පුළුවන්.

ලන්ඩන් විද්‍යා ප‍්‍රදර්ශනයේ දී කි‍්‍රස් ලෝරින් නම් තාක්ෂණවේදියා වේදනා නාශක නිපදවීමට දිවි මකුළුවකුගෙන් විෂ ලබා ගන්නා හැටි පෙන්වූ අයුරු

මේ තමා ඔබේ අයිෆෝනයට එක්වන අලූත්ම උපාංගය! ඔබේ ස්මාර්ට් ෆෝනයෙන් එන හඬ මේ නළාවෙන් වැඩිකොට දිය හැකියි!

අයිෆෝන් ග්රැමෆෝනයේ තියෙනව පැරණි ග්රැමෆෝනයේ වගේ මලක්. ඒකෙන් තුන් හතර ගුණයක් හඬ වැඩි කර දෙන්න පුළුවන්.
මේ ග්රැම් අයිෆෝනයක්! ඔබේ ස්මාර්ට් ෆෝනයේ එන සංගීත ශබ්දය වැඩිකොට දිය හැකියි!

මෙය ඇමරිකානු සැලසුම් ශිල්පියකුගේ නිර්මාණයක්. මෙහි ඇති කෞතුක ලක්ෂණය නිසා ඉක්මනින් ජනපි‍්‍රය වේවි කියලයි, හැමදෙනා ම කියන්නෙ.

ඔබට තියෙන්නේ මෙහි පාදමේ ඇති ඉඩකඩෙහි ඔබේ ස්මාර්ට් ෆෝනය තියන එක විතරයි. යා කිරීමක් හෝ විදුලි බලය සැපයීමක් හෝ අවශ්‍ය වන්නේ නැහැ. ඒ ෆෝනයේ හඬ තුන්හතර ගුණයකින් වැඩි කර දෙනවා.

මේ අතීත උපාංගයේ නව සංකල්පය ඇමරිකාවේ සැන් ෆ්රැන්සිස්කෝහී සිටින ගෘහ භාණ්ඩ සැලසුම්කරුවකු වූ මැට් රිච්මන්ඞ්ගෙන්. ඔහු මේ සැලසුම සකසා ගත්තේ ඊස්ට් බේහී කෞතුක භාණ්ඩ අලෙවි සලකින් ලබා ගත් විස්සේ දසකයේ මල සහිත පැරණි ග‍්‍රමෆෝනයකින්.

නවසීලන්තයේ හොබිටන් සිනමා ගම්මානය බලන්න ලොව පුරා සංචාරකයන් වැල නොකැඞී! ඒ ගමනට ‘මල් කැකුළු’ත් එක්වුණා!

නවසීලන්තයේ වැඩිම අලෙවියක් ඇති පොත බයිබලයවත්, නවසීලන්ත රගර් කණ්ඩායම වූ ඕල් බ්ලැක්ස් ගැන ලියැවුණු පොතක්වත් නෙවෙයි. ඒ ‘ලෝඞ් ඔෆ් ද රිං’ (Lord of the Ring) සිනමාවට නැඟූ තැන බලන්න එන සංචාරකයන්ට අලෙවි කරන මාර්ගෝපදේශක අත්පොතයි.

මීට වසර 11කට පෙර නිෂ්පාදනය කළ, චිත‍්‍රපට අධ්‍යක්ෂ පීටර් ජැක්සන්ගේ මේ ‘ලෝඞ් ඔෆ් ද රිං’ චිත‍්‍රපට මාලාවේ මුල්ම චිත‍්‍රපටය නවසීලන්තයේ පමණක් නොව ලොව පුරා සිනමා ලෝලයන්ගේත් ආදරය එකසේ දිනා ගත්තා. චිත‍්‍රපට ති‍්‍රත්වය තනා නිම කළ පසු ඒ චිත‍්‍රපට තැනූ ගම්මානය බලන්න ලොව නන් දෙසින් ජනතාව ගලා එන්න පටන් ගත්තා. දැන් එය නවසීලන්තයේ අංක එකේ සංචාරක ආකර්ෂණය බවට පත් වෙලා!

ඒ ගම්මානය දැන් හැඳින්වෙන්නේ හොබිටන් කියලයි. පීටර් ජැක්සන් පසුගියදා මේ ගම්මානයේ තවත් චිත‍්‍රපට ති‍්‍රත්වයක් හැදුවා. එහි මුල් චිත‍්‍රපටයේ මංගල දර්ශනය නොවැම්බර් 28 වැනිදා නවසීලන්තයේ අගනුවර වූ වෙලින්ටන්හිදී පැවැත්වීමට නියමිතයි. පීටර් ජැක්සන් පදිංචිව සිටින්නේ ඒ නගරයේයි.

නවසීලන්තයේ මටමටා හී ඉදිකර ඇති හොබිටන් සිනමා ගම්මානයයි, මේ.

ඞී. ඇස්. සේනානායකට දුර පෙනුනු හැටි! නිදහසට පෙර දේශපාලන රස කතා - 2

1948 අපි ලැබූ නිදහසට පෙර අපේ රටේ දේශපාලනයේ රසකතා හුඟක් තියෙනවා. මේ කතාවත් මම කුඩා කාලෙ අපේ තාත්තගෙන් අහපු එකක්. ඒත් මෙහි පළවෙන්නේ ඒ කතාව ම ‘අයිලන්ඞ්’ පුවත්පතේ පළවුණු ආකාරයටයි. මේකත් අමිත අබේසේකර කියන සුප‍්‍රකට විකට චිත‍්‍ර ශිල්පියා ලියූ එකක්. ‘මගේ දිවයින’ යන අරුත් ඇති ‘මයි අයිලන්ඞ්’ නමින් පළ වූ ඒ ඉංගිරිසි තීරු ලිපි මාලාව පොතක් හැටියටත් පළ වී තියෙනවා. ඔහු ඒ කතාව ලියා තිබුණේ මෙහෙමයි:

දිනක් මා ඇසුර පි‍්‍රය කළ මිතුරෙක් මා හමුවන්න ආවා. ඔහු සිංහල සිනමාවේ ආරම්භක නළුවන්ගෙන් කෙනෙකු වන මයිකල් සන්නස් ලියනගේයි. ඔහු අපේ දෙවැනි සිංහල චිත‍්‍රපටය වූ ‘අසෝකමාලා’හි දුටුගැමුණු රජුගේ මහ සෙනෙවියකු වූ ‘විපුල සෙනෙවි’ ලෙස රඟපෑවා. ඔහු ඇසූ පිරූ තැන් ඇති, කතාබහට පි‍්‍රයමනාප පුද්ගලයෙක්. පැරණි ආගිය කතා කියන්නට දක්ෂයෙක්. ඒ වන විට අසූවෙනි දශකයට පිවිස සිටියත් ඒ බවක් ඔහුගෙන් පළ වුණේ නැහැ.

යුරෝපයේ සිට දකුණු ඇමෙරිකාවට ගොස් බ‍්‍රසීලයේ ගංගාවක දැවැන්ත සර්පයකු සමග පිහිනයි!

මේ කතාව ලෝකයේ විශාලතම සර්පයා සමග පිහිනන්න ගිය අභීත කිමිදුම්කරුවකු ගැනයි. එයා පසුගියදා ස්විට්සර්ලන්තයේ ඉඳලා දකුණු ඇමෙරිකා මහාද්වීපයට ගියා. ඒ ගියේ බ‍්‍රසීලයේ මාටෝ ග්රොසෝ දෝ සුල් පළාතටයි. දස දිනක සංචාරයක් සඳහා ඒ ගිය ගමනේදී තමයි ඔහු මේ ත‍්‍රාසජනක අත්දැකීම ලැබුවේ.

ඔහු මේ ත‍්‍රාසජනක ගමන ගියේ, ඒ බිහිසුණු සත්වයාගේ අඩවියට ගියේ ආත්මාරක්ෂාවට කිසිම අවියක් රැගෙන නෙවෙයි. ඔහු රැගෙන ගිය එකම අවිය කැමරාව විතරයි. ඔහු 53 හැවිරිදි ෆ්රැන්කෝ බැන්ෆි (Franco Banfi). හොඳ කිමිදුම්කරුවෙක්. කැමරාශිල්පියෙක්.

ඔහු සොයා ගියේ නම ඇහුනමත් බය හිතෙන සර්පයෙක්! ඒ තමයි ඇනකොන්ඩා (Anaconda)

ප‍්‍රහාරයකට ලෑස්තියි! අභීත කිමිදුම්කරුවකු වූ ෆ්රැන්කෝ බැන්ෆි ඌට මේ විදියට ළං වුණේ දිය මතුපිටට හිස දමා ගොදුරක් සොයා විපරම් කළ අවස්ථාවේදියි.

මඬ නාගෙන සිටි තරුණ ගොවියා සෝල්බරී සාමිට තරු පෙන් වූ හැටි! : නිදහසට පෙර දේශපාලන රස කතා

නිදහසට පෙර අපේ රටේ දේශපාලනයේ රසකතා හුඟක් තියෙනවා. මේ කතාව මම කුඩා කාලෙ අපේ තාත්තගෙන් අහපු කතාවක්. ඒත් මෙහි පළවෙන්නේ ඒ කතාවම මඳක් වෙනස් විදියකට ඉංගිරිසි පුවත්පතක පළවුණු ආකාරයටයි. ඒ ලේඛකයාට ගරු කිරීමක් හැටියටයි, මගේ කතාව නොකියා මේ කතාව පළ කිරීමට අදහස් කළේ. මේක ලියා ඇත්තේ අමිත අබේසේකර කියන සුප‍්‍රකට විකට චිත‍්‍ර ශිල්පියායි. මොට්ටපාල, ගොබ්බසේන, රාළහාමි ආදි චරිත කලකට ඉස්සර ලංකාදීපයෙන් සිංහල පාඨකයන්ට ‘අමිතගේ විකට විට’ ඔස්සේ ගෙනා ඔහු මේ කතාව ලිව්වේ ‘මගේ දිවයින’ යන අරුත් ඇති ‘මයි අයිලන්ඞ්’ නමින් පළ වූ ඉංගිරිසි තීරු ලිපි මාලාවටයි. ‘ද අයිලන්ඞ්’ පුවත්පතට ලියූ ඒ තීරු ලිපි එකතුව පොතක් හැටියටත් පළ වී තියෙනවා.

ලෑස්ති වෙන්න! අමුතුම අමුතු රියකින් ගමනක් යන්න! අනාගත විද්‍යා ප‍්‍රබන්ධ කතාවක් කාරෙකක් වගෙයි!

මේක ඇස් අදහන්න බැරි තරම් දෙයක්! විශේෂයෙන් තැනූ මෝටර් රථයක්. මේක ඇනවුම් කරලා තියෙන්නේ විවිධ මාදිලියේ නවීන මෝටර් රථ ගණනාවක හිමිකරුවෙක්.

ඔහු මේ සඳහා වැය කරන මුදල පවුම් 75,000යි. කලින් ‘මල් කැකුළු’වලින් පෙන්නූ පෝෂේ 911 මාදිලියත් අලෙවි කළේ මේ මිලටමයි.

මේ අනාගතවාදී මෝටර් රථය සැලසුම් කර නිර්මාණය කර ඇත්තේ ‘කිට් කා මයික්’ යන අන්වර්ථ නාමයෙන් හැඳින්වෙන නව මෝටර් රථ සැලසුම්වලට කීර්තියක් දිනා සිටින මයිකල් වෙටර් (Michael Vetter) නව නිපැයුම්කරුවායි. (ඔබට මතකද ‘කිට් කාරය’ ආවෙ නයිට් රයිඩර් රූපවාහිනි කතා මාලාවෙ)

මෙය දැනට මහමග දුවන හැම කාරෙකකටම වඩා වෙනස් එකක්. හැබැයි මේක ඊටී විද්‍යා ප‍්‍රබන්ධයේ ආ යානයකට වඩා ‘මයිනරි රිපෝට්’ චිත‍්‍රපටයේ ටොම් කෲස් පදවන කාරයට වඩාත් සමානයි. ‘බැක් ටු ද ෆියුචර්’ චිත‍්‍රපටයේ ඩි ලොරේන් කාරයට වඩා හුඟක් ඉරියෙන් ඉන්න, සුපිරි ධාවනයක් සහිත මෙයට විද්‍යා ප‍්‍රබන්ධවලට කැමති ලෝලයන් පිස්සු වට්ටන්න තරම් පෙනුමක් හා වේගයක් තියෙනවා.

මේ පිටසක්වළ යානයක් නෙවෙයි. අමුතු මාදිලියේ කාරයක්. මිල පවුම් 75,000ක්.

විනිවිද දැකිය හැකි කාරයක්! පදවන්නාට වීදුරුවලින් තැනූ කාරයක් වාගේ දැනෙනවා!

‘ඩයි අනදර් ඬේ’ නම් ජේම්ස් බොන්ඞ් චිත‍්‍රපටයේ වීරයා මිදුණු විලක් මත දී අදිසි රියක් අධි වේගී මෝටර් රථ ලූහුබැඳීමකදී විදුලි වේගයෙන් පදවා ගෙන යන දර්ශනයක් එනවා.

ඒ වගේ කාරයක් සැබෑ ජීවිතයේදීත් එලවන්න අවස්ථාව ලැබෙන්නයි යන්නෙ. මෙම ‘විනිවිදක’ රිය ජපන් පර්යේෂකයන් පිරිසකගේ නව නිර්මාණයක්.

ජේම්ස් බොන්ඞ් දිය මිදුණු විල මැදින් විනිවිද රිය පදවා ගිය අයුරු. ඒ වගේ හැබෑ රියක් දැන් ජපාන පර්යේෂක පිරිසක් නිර්මාණය කර තියෙනවා.

උඩු ගුවනින් ඔබට පණිවිඩයක්! ‘හායි! අපි දැන් ඔබේ නිවසට ඉහළින් යනවා. එළියට ඇවිත් බලන්න!’

මේ පණිවිඩය ඔබට එන්නේ නාසා ආයතනයෙන්. අන්තර්ජාතික අභ්‍යවකාශ නැවතුම්පොළ පිහිටුවා වසර 12ක් ගත වන මේ මොහොතේ කෙරෙන විශේෂ සේවාවක් ලෙසයි, මේ පණිවිඩය එවන්නේ.

මේ නව සේවාව ඔවුන් හඳුන්වන්නේ ‘ස්පොට් ද ස්ටේෂන්’ (Spot the Station) නම් ‘අභ්‍යවකාශ නැවතුම්පොළ දකින්න’ යන අරුත් ඇති නමකින්. ඔබට ඔවුන් මේ පණිඩය එවන්නේ හරියටම අන්තර්ජාතික අභ්‍යවකාශ නැවතුම්පොළ ඔබේ නිවසට ඉහළින් යද්දීයි.

අහසේ බැලිය යුතු අත දැනගත් පසු, ඔබට දුරදක්නයක් නැතිව වුවත්, එය පහසුවෙන්ම දැක ගත හැකියි.

පාන්දරට හා සැන්දෑකාලයේ දී ඉක්මනින් අහස හරහා යන ආලෝකයක් ලෙස මෙය දැක ගත හැකියි.

අන්තර්ජාතික අභ්‍යවකාශ නැවතුම්පොළ පිහිටුවා 12 වසරක් පිරීම නිමිත්තෙන් තමයි, ‘අභ්‍යවකාශ නැවතුම්පොළ දකින්න’ යන වැඩ සටහන දියත් කර තියෙන්නෙ.

යුරෝපයේ උසම ගොඩනැගිල්ල රුසියාවේ මොස්කොව් නගරයෙන්! ඒත් එයට ලෝකයේ උසම ගොඩනැගිලිවලට කිට්ටු කරන්නවත් බැහැ!

ලන්ඩනයේ ශාඞ් (Shard) ගොඩනැගිල්ල යුරෝපයේ උසම ගොඩනැගිල්ල ලෙස යුරෝපයේ අනෙක් සියලූ රටවල ගොඩනැගිලි අබිබිවා අහස උසට මෙතෙක් නැගී සිටියා. ඒ අභිමානය මාස කීපයකට වඩා පැවතුණේ නැහැ. දැන් රුසියාවේ මොස්කොව් නගරයෙන් ඊට අභියෝගයක් එල්ල වෙලා!

මොස්කොව් නගරය මේ අභිමානය යළි දිනා ගත්තේ ‘මර්කරි සිටි’ (Mercury City) නම් වූ කාර්යාල හා නිවාස ඇතුළත් උසම ගොඩනැගිල්ලක් ඉදිකරමිනුයි. පසුගියදා මෙය විවෘත කළා.

තඹ පැහැති වීදුරුවලින් ආවරණය කර ඇති එය මීටර් 338ක් (අඩි 1,109ක්) උසයි. ලන්ඩනයේ මීටර් 310ක් උස ශාඞ් ගොඩනැගිල්ලට වඩා අඩි 92ක් උසින් වැඩියි.

ඉහළට පෙනෙන හැටි - මොස්කොව් නගරයේ මර්කරි සිටි කුලූනු ගොඩනැගිල්ල දැන් යුරෝපයේ ඇති උසම ගොඩනැගිල්ලයි.

ලෝකයේ ප‍්‍රථම බයෝනික කකුලෙන් ලොව උසම ගොඩනැගිල්ලක තට්ටු 103ක පඩිපෙළක් නගියි! විද්‍යාවේ තවත් විස්මිත ජයග‍්‍රහණයක්!

ඔහුගේ කකුලක් නැති වුණා, මෝටර් සයිකල් අනතුරකින්. ඊට පස්සේ ඔහුට කෘති‍්‍රම කකුලක් ලැබුණා. ඒක නිකම්ම නිකම් කකුලක් නෙමෙයි, බයෝනික පාදයක්. ඔහුගේ සිතිවිලිවලට අනුව කි‍්‍රයා කරන පාදයක්. මේ සැක් වවුටර්ගේ ඒ අපූරු කතාවයි.

ඔහු පසුගියදා මේ විස්මිත පාදය සමග තට්ටු 103ක් උස ගොඩනැගිල්ලක පඩිපෙළ තරණය කළා. චිකාගෝ නගරයේ විතරක් නොවෙයි මුළු උතුරු ඇමරිකාවේම උසම ගොඩනැගිල්ල වූ විලිස් ගොඩනැගිලි කුලූන තමයි ඔහු මෙසේ විප්ලවකාරී කෘති‍්‍රම පාදයෙන් නැග්ගේ.

ඇමෙරිකාවේ චිකාගෝ නගරයේ මේ විලිස් ගොඩනැගිල්ල තමයි කලින් සියර්ස් ගොඩනැගිල්ල නමින් ලෝක ප‍්‍රසිද්ධ වෙලා තිබුණේ.

වවුටර්ගේ දණහිසට ඉහළ පසුපසින් පිහිටි කණ්ඩරාවේ පේශීන්ගෙන් යැවෙන විද්යුත් ආවේගයන් අනුව කි‍්‍රයා කරන්න ඔහුගේ රොබෝටික පාදයට පුළුවන්. ඔහුගේ සිතිවිලි අනුව යමින් පාදයේ අවශ්‍ය චලනයන් නියම ආකාරයෙන් හා නියම වේගයෙන් කිරීමටත්, එහි ඇති මෝටර්, බෙල්ට්ස් හා දම්වැල් යොදා ගෙන කෘති‍්‍රම දණහිසත් වළලූකරත් සමපාතීයව කි‍්‍රයාකිරීමටත් මේ විස්මිත කෘති‍්‍රම පාදයට පුළුවන්.

ඇදහිය නොහැකි තරම් කි‍්‍රයාවක්! සැක් වවුටර්, චිකාගෝ නගරයේ තට්ටු 103ක විලිස් කුලූනු ගොඩනැගිල්ල ලෝකයේ ප‍්‍රථම ස්නායු-පාල…

රජ සබේදී - වටිනකම්ද? දුර්වලකම්ද? : නස්රුදින්ගේ තවත් කතාවක්

පර්සි ජයමාන්නගේ ‘නස්රුදින්’ කතා පොත් පෙළේ පළමු කොටසේ අලූත්ම මුද්‍රණයක් සීමාසහිත ඇම්. ඞී. ගුණසේන සමාගමෙන් පසුගියදා නිකුත් වුණා. ඒකෙන් එක කතාවක් ඔබේ ආස්වාදය සඳහා ඉදිරිපත් කරන්න මං කල්පනා කළා.

බිහිසුණු මුහුණක් මවා ගත් දුලබ සලබ කීටයෙක්! දකුණු අර්ධගෝලයේ තැන් පහක විතරමයි ජීවත්වෙන්නේ!

මේ සලබ කීටයා (දළඹුවා) මෙසේ මිනිස් හිස් කබලක් සේ මුහුණක් මවා ගන්නේ ඌ ගොදුරු කර ගන්නට එන විලෝපිකයන්ගෙන් ගැලවෙන්නට උපක‍්‍රමයක් හැටියටයි.

සොබාදහමේ හමුවන ‘හැලෝවීන් විලාසිතා’ තරගයක් පැවැත්වුවොත් මේ කීටයාට එහි ප‍්‍රථම ස්ථානය හිමි වනු නිසැකයි. (‘හැලෝවීන් විලාසිතා’ ලෙස මෙහි හැඳින්වූයේ ඔක්තෝබර 31 වැනිදාට යෙදෙන සියලූ සාන්තුවරයන්ගේ රාති‍්‍රයේ විවිධාකාරයේ වෙස්මුහුණු දමා ගෙන පවත්වන උත්සවයකදී හමුවන ඇඳුම් විලාසිතායි.)

මේ සුවිශේෂ රූප කාය අයත් වන්නේ ඕස්ටේ‍්‍රලියානු වැසිවනාන්තරවල දී හමු වන යටි තටු ලා රෝස පැහැති සලබයා (pink underwing moth) ගේ කීට අවස්ථාවටයි.

ඉතා දුලබ සලබ විශේෂයක එක් අවස්ථාවක් නිරූපණය කරන මේ දළඹුවකු සිය කැමරා කාචයට හසු කර ගන්න ඡායාරූප ශිල්පී ලූයී වෙබර් සමත් වුණා.

මේ සතාගේ මුහුණේ මිනිස් හිස් කබලක ඇස් හා දත් පිහිටන ආකාරයට රූප ලක්ෂණයක් දකින්න පුළුවන්. උගේ මේ ඇස් සහිත පෙනුම ඌව ගොදුරු කර ගන්න එන විලෝපිකයන් බියට පත් කර පළවා හරින්න තරම්
ප‍්‍රමාණවත්.

අපූරු වෙස් වළා ගැනීමක්! මේ සලබ කීටයා ඌ ගොදුරු කර ගන්නට එන විලෝපිකයන් ගෙන් ගැලවෙන්නට කරන උපායක්.

ගලවන කොට වේදනාව නොදැනෙන ප්ලාස්ටරයක්! නොමේරූ දරුවන්ට විශේෂයෙන් යෙදිය හැකියි!

තුවාලයකට ප්ලාස්ටරයක් දැම්මාම ඒක ගලවන්න ගියාම තමයි වේදනාවේ රඟ දැනෙන්නේ. ඒක නැති කරන්න විද්‍යාඥයන් දැන් අලූත් පිළියමක් සොයා ගෙන තියෙනවා. ඒ ඉටත් කරන කොට වේදනාව නොදැනෙන ප්ලාස්ටරයක්.

මේ ප්ලාස්ටරය නිපදවා ඇත්තේ නොමේරූ දරුවන්ට සහනයක් හැටියටයි. ආහාර සපයන නළ, මොනිටර් ආදිය සිරුරට සවි කිරීම සඳහා මෙතෙක් කල් භාවිත කළ ප්ලාස්ටර් ඉවත් කිරීමේදී නොමේරූ දරුවන්ගේ මෘදු සමට හානි පැමිණෙන නිසා ඊට විකල්පයක් හැටියට මේ ප්ලාස්ටරය යොදා ගත හැකි බැව් මෙහි නිෂ්පාදකයන් කියනවා. සම දුර්වල වූ වැඩිහිටියන්ටත් මෙය ඉතාමත් ප‍්‍රයෝජනවත්.

බොස්ටන් පර්යේෂකයන් පිරිසක් විසින් තනා ඇති ප්ලාස්ටරයේ ඇති තුන්වැනි ස්තරය නිසා ඉවත් කිරීමේදී වේදනාවක් දැනෙන්නේ නැහැ.

අලූතින් සොයා ගත පොසිල නිසා අපේ ආදිමයා කුඩා ලේනකුට සමාන සතෙකු වේවිද?

ලෝකයේ පැරණිම හා ආදීම ප‍්‍රිමාටේසයකු සැලකෙන සත්වයකු විද්‍යාඥයන් විසින් දැන් හෙළිදරවු කර ගෙන තියෙනවා.

පර්ගැටෝරියස් (Purgatorius) යනුවෙන් නම් කොට ඇති මේ කුඩා එමෙන්ම කඩිසර සතා වසර මිලියන 66කට පෙර ජීවත්වූ බව පර්යේෂකයන් විසින් සොයා ගෙන ඇත්තේ මෑතදී හමු වූ පොසිල කොටස් ආශ‍්‍රයෙනි.

පලතුරු කමින් ගස් උඩ කඩිසරව එහෙ මෙහෙ යමින් ජීවත්වූ මේ සත්වයාගේ හිසෙන් පහළ කොටස් කීපයක් මේ මෑතදී හමු වූ අතර මෙවැනි සතකු ජීවත්වූ බවට මුලින් ඉඟි කෙරුණේ කලකට පෙර හමුවී තිබූ පොසිල බවට පත් වූ දත්වල කොටස් කීපයක් නිසයි.

පි‍්‍රමාටේසයන්ගේ ආදිමයා ලෙස සැලකිය හැකි පර්ගැටෝරියස් චිත‍්‍රයට නඟා ඇති අයුරු.

මෙන්න අපේ අහසේ අසිරිය! වලාකුළු මවන සිත්තම් බලන්න!

අහසේ වලාකුළුවල ඇති පාට මොනවාද? ඒවා අප කවුරුනුත් දන්නා පරිදි ‘කළු හා සුදු’ පාට ද? එහෙමත් නැත්නම් ‘අඳුරු’ වලාකුළු හෝ ‘පුළුන්කැටි’ වන් වලාකුළු විතරක්ද? මෙන්න ඔබට දැක ගන්න දුලබ රූප පෙළක්.

සොබාදහම අපූරු මැවුම්කරුවෙක්! විවිධ හැඩතල, විවිධ ප‍්‍රමාණ, විවිධ වර්ණවලින් වලාකුළු මවන්න සොබාදහමට පුළුවන්. සමහර විට කෙනකු මේ අමුතු හැඩයක් දැකලා පිට සක්වළ යානයක් ඇවිත් කියල හිතල රැවටෙන්නත් ඉඩ තියෙනවා. සමහරකු බිය වී ආරක්ෂක ස්ථාන කරා දුවන්නත් බැරිකමක් නැහැ.

වලාකුළුවල ඇති මේ අද්භූත හැඩතල අතර ඔබ කිසිදාක නොදකින්නට ප‍්‍රාර්ථනා කළ යුතු හැඩයකුත් තියෙනවා. ඒක සොබාදහමේ මැවිල්ලක් නොවෙයි. මිනිසාගේ මැවිල්ලක්! හැඩය යෝධ හත්තක් වගෙයි. ඒ තමා ජලකර බෝම්බ පිපිරීමකින් අහසේ මැවෙන වලාව.

මාසුර හෙවත් කාචාකාර වලාකුළු (Lenticular Clouds) ඒවායේ පියාඹන පීරිසි හැඩය නිසා සක්වළ ජීවීන් ගෙන විශ්වාස කරන්නන්ගේ කුහුල අවුස්සන්නවා. ඒවා සාමාන්‍යයෙන් ඇති වන්නේ වාතය කඳුමුදුන්වලින් හමා යාමේදීයි. එහිදී වාතය තෙත සහිත නම් කඳුවළල්ලට ඉහළින් උඩට නැඟීමක් සිදුවන විට එසේ ඉහළ නඟින වාතය යළි පහතට එන විට තාප ශක්තිය මාරුවීමක් සිදු නොවී ස්ථිරතාපී කි‍්‍රයාවලිය නිසා…

පාස්කු දූවේ යෝධ ගල් පිළිම දැන් ඉන්නා තැන්වලට ‘ඇවිද ගෙන’ ගියාද? ඒ පිළිම ගිය හැටි ගැන අලූත් න්‍යායක්!

පොලිනීසියානු දූපත්වලට අයත් මේ වර්ග සැතැපුම් 63ක් පමණ වන පාස්කු දූවේ යෝධ ගල් පිළිම 1000කට වැඩියෙන් තියෙනවා. මේ පිළිම නෙළුවේ කවුරුන්ද? කුමක් සඳහා නෙළිවාද යන්න තවමත් විශාල අබිරහසක්.

එහි විශාලතම පිළිමය ටොන් 74ක්. උස අඩි 33ක්. මෝයි පිළිම ලෙස හැඳින්වෙන මේ පිළිම පිළිබඳ රහස තවමත් හෙළි නොවූවා සේම මෙම යෝධ ගල් පිළිම ඒවා නෙළීම සඳහා කඩා ගන්නා ලද ගල්වලේ සිට මේ තරම් දුර මුහුදු වෙරළ අද්දරට ගෙන ආවේ කෙසේ ද යන්නත් ලොකු අබිරහසක්.

සක්මනට සූදානම්ව: මේ කණ්ඩායම යෝධ කොන්කී‍්‍රට් අනුරුවක් තැනුවා, මේ නව න්‍යාය අත්හදා බලන්නට. දැන් ෆ්රිජ් එකක් ගෙනියනවා වාගේ පිළිමය ඇවිද්දවන්නයි හදන්නේ.

අලූත්ම ඇමසන් ෆයර් ටැබ්ලට් (Fire tablets) දෙකක් සමග අඳුරේ වුනත් කියවිය හැකි ‘කින්ඞ්ල්’ (Kindle) ඉ-පොතක්!

‘ටීඑක්ස්ආර් බීගල්’ (txtr beagle) යන නමින් ජර්මානු සමාගමක් හඳුන්වා දුන් මිලෙන් අඩුම අලූත් ඉ-පොත ගැන අපි ‘මල්කැකුළු’ තුළින් කීවා ඔබට මතක ඇති. ඒවා අඩුවට දෙන්නේ වෙළඳ උපක‍්‍රමයක් යොදලා, ඒ කියන්නේ ටෙලිෆෝන් සමාගමක් එක්ක එකතුවෙලා, කියා ‘මල්කැකුළු’ පාඨකයෙක් කමෙන්ටුවකින් පෙන්නා දුන්නා. ඒක ඇත්ත!

ඒ කොහොම වුනත් ඒ ඉ-පොතෙන් පුළුවන් පොතක් බාගෙන කියවන්න විතරයි. අන්තර්ජාලයේ යන අනෙක් දේ බාගන්න ඒ මගින් පරිහරණය කරන්න බැහැ.

අද අපි කියන්න යන්නේ අන්තර්ජාලයෙන් බාගෙන අවශ්‍ය වෙලාවට පොත් කියවන්න විතරක් නෙවෙයි, චිත‍්‍රපට හා ටෙලිනාට්‍ය නරඹන්න, සංගීත වැඩසටහන් රස විඳින්න, අන්තර්ජාලයේ විකාශය වන ඕනෑම දෙයක් බාගෙන නැවත පරිහරණය කරන්න පුළුවන් විදියෙ මෙවලම් කීපයක් ගැනයි.

ඇමසන්ගේ අලූත්ම ‘කින්ඞ්ල් ෆයර් එච්ඞී’ ටැබ්ලටය අඟල් 8.9ක තිරයකින් යුක්තයි.