Skip to main content

‘මල් කැකුළු’ අද පළමු වසර සපුරයි. ඔබේ මනදොළ සපුරාලන්නට තවත් නව වසරකට පා තබයි!

අප ‘මල් කැකුළු’ ආරම්භ කරමින් එදා, 2011 ඔක්තෝබර් 31 වැනිදා, ඔබට මෙහෙම කීවා මතක ඇතුවා නිසැකය. ”පුවත්පත් කලාවේ පනස් වසරක අත්දැකීම් ඇතිව නව මාධ්‍යයක් ඔස්සේ ඔබ වෙත සමීප වන්නට අප අදහස් කළේ නවලොවට සරිලන සන්නිවේදන අත්දැකීමක් බෙදාහදා ගන්නටය. කවදත් ළමා පරපුර වෙනුවෙන් ඇප කැප වුණු අප ඉදිරියටත් ඒ මඟ ම යන අදහසින් ආරම්භ කළ මෙම අඩවිය ලොව කොතැනක සිටියත් ළමා ඔබේ රස වින්දනය උසස් මට්ටමකට ගෙන යන්නටත් ඔබේ බුද්ධියේ නිම්වළලූ පුළුල් කරන්නටත්, ඉවහල් වන අයුරින් සම්පාදනය කිරීමට අප බලාපොරොත්තු වෙමු.”

එදා අපි ‘මල් කැකුළු’ ආරම්භ කළේත්, තවමත් පවත්වා ගෙන යන්නේත්, නොමිලයේ කෙරෙන ප‍්‍රජා සත්කාරයක් හැටියටයි. අපට අවශ්‍ය වූයේ ලොව පුරා සිටින සිංහල කියවන ඔබට, ලොව නන්දෙසින් අසන්නට ලැබෙන නව සිදුවීම්, නව සොයා ගැනීම්, නව නිපැයුම්, නව නිර්මාණ, ආදිය පිළිබඳව සිංහලෙන් එසැණින් කියවීමට සැලැස්වීමටයි. එදා පොරොන්දු වූවාක් මෙන් අපි ඒ වෙනුවෙන් දිවා රෑ අන්තර් ජාලය ඔස්සේ නිරන්තරයෙන් ම සැරිසැරීමු. ඔබට ප‍්‍රයෝජනවත් දෑ සොයමින් විවිධ පොතපත කෙරෙහි ඇස සිත ෙයෙදව්වෙමු. එසේ සොයා ගන්නා දේ රසවත්ව, අලූත් ආරකින් ඔබ වෙත ගෙන එන්නට උත්සුක වීමුග හැම දෙයක් දෙස ම නව ඇසකින් බලන්නට ඔබව පොලඹවන්නට හැම විට ම උත්සාහ ෙකළෙමු. අපේ ව්‍යායාමය තරමක් දුරට හෝ සාර්ථකයැයි අපට හැෙඟන්නේ අපව බලපු ඔබේ සංඛ්‍යාව අද වන විට 5,60,000 ඉක්මවා තිබීම නිසාය.

‘නුවණ, දැනුම හා විනෝදය’ අපේ තේමා පාඨයයි. ඒ අනුව විශේෂාංග රැසක් ද අපි පසුගිය කාලය තුළ ඔබ වෙත ඉදිරිපත් කෙළෙමු. අපේ අත්තන්ගෙ විත්ති, අන්දරේගේ කතා, නස්රුදින්ගේ කතා, සූෆී උපමා කතා, සෙන් බොදු කතා, ජාතක කතා, ජනකතා, විද්‍යාඥයන් පිළිබඳ විස්මිත කතා ආදී විවිධ රසමුසු කතා පමණක් නොව, ගණිත විනෝදය, දුක දිනා ජයගත් හපන්නු, නව කවිසරණිය, නව සොයා ගැනීම්, නව දේශාටන, ලොව පුරාවිද්‍යා ගවේෂණ, සත්ව ලෝකයේ නවතම සොයා ගැනීම්, සක්වළ ගවේෂණ, ආදිය ගැන අපි ඔබ වෙත කරුණු ගෙන ආවෙමු. ලෝකයේ නොවිසඳුණු අබිරහස්, විස්මිත අත්දැකීම්, අද්භූත ලෝකයේ විස්මිත පුවත් පිළිබඳ කතා ආදිය ඉදිරිපත් කෙළෙමු. එතැනින් නොනැවතී පියවි ඇසට නොපෙනෙන සූක්ෂම ලෝකය ඔබේ පෙනෙන මානයට ගෙනාවෙමු.

අපේ වර්ගීකරණය දිහා විමසිල්ලෙන් බැලූවොත් ඔබට එහි ඇති විවිධත්වය කෙබඳුදැයි එක්වරම ප‍්‍රත්‍යක්ෂ වනු ඇති. අප මෙතෙක් ඉදිරිපත් කළ දෑ එකින්එක ගෙන හැර බැලූවොත් තවත් කොතෙක් දෑ ඉදිරිපත් කිරීමට ඉතිරිව ඇද්දැයි ඔබටම සිතා ගත හැකියි. ඒවා අනාගතයේ ඉඩ ලැබෙන පරිද්දෙන් ඉදිරිපත් කිරීමට බලාපොරොත්තු වෙමු.

ඒ අතර ලොව අලූත්ම විස්මිත සිදූවීම් එසැණම ඔබ වෙත ඉදිරිපත් කිරීමට අපි යුහුසුලූ වීමු. ඒ සෑම අවස්ථාවකදී අනෙක් සෑම සන්නිවේදන මාධ්‍යයන්ට වඩා ඉදිරියෙන් සිටීමට අපි වග බලා ගත්තෙමු.

ඔබට වඩාත් ප‍්‍රයෝජනවත් වන පරිදි ‘මල් කැකුළු’ සම්පාදනය කිරීම අපේ ඒකායන අරමුණ බැවින් ඔබේ අදහස් උදහස් අපට දන්වන්න. ඒ අනුව වඩාත් රසවත්, ඔබේ බුද්ධි ප‍්‍රබෝධනයට ඉවහල් වන ආකාරයේ විශේෂාංග ‘මල් කැකුළු’වලට අනාගතයේ දී එක් කිරීමට බලාපොරොත්තු වෙමු.

‘මල් කැකුළු’ මෙතෙක් දුර ආයේ පාඨක ඔබේ අදහස් දැක්වීම් හා දිරිගැන්වීම් මතිනි. ඔබේ කමෙන්ටු අපට ආශිර්වාදයකි. ගත වූ වසර තුළ ‘මල් කැකුළු’ සාර්ථක කර ගැනීමට නොයෙක් ආකාරයෙන් අදහස් දැක්වීමෙන් හා විවිධ අයුරින් උදවු උපකාර කළ අය බොහෝය.





Comments

  1. මම හිතාගෙන හිටියේ මල් කැකුළු එක්ක අවුරුදු ගාණක් හිටියා කියලා.

    මල් කැකුලු නිසා මා ලබා ගත් දැණුම බොහොමයි. ඒ ගැන අනේක වාරයක් තුති. දිනපතා අවම වශයෙන් එක් ලිපියක් වත් පල කරගෙන යන එක ලේසි වැඩක් නෙමේ කියලා මම දන්නවා.

    තවත් කාලයක් අපට නුවණ, දැනුම හා විනෝදය ලබා දෙන්න "මල් කැකුළු පිරිස"ට හැකිවේවා!

    ReplyDelete
  2. Well done. ඔහොම යං.

    ReplyDelete
  3. elakiri...........makakulu hamadamath supiri

    ReplyDelete
  4. සුබ පැතුම් ! මාත් හිතන් හිටියෙ මල් කැකුළු ගොඩක් පරණ එකක් කියලා.. මේ සමාජ සත්කාරය අති විශිෂ්ටයි !

    තව තවත් හොඳ රසවත්, වැදගත් තොරතුරු හා දැනුම අපට ලබා දීමට ශක්තිය පතමි !

    ජය !!

    ReplyDelete
  5. දිගටම ඉදිරියට යන්ට මගෙත් සුබපැතුම්,,,

    ReplyDelete
  6. හ්ම්ම්ම් මගෙත් උණුසුම් සුභ පැතුම් පිළිගන්න නිතර කොමෙන්ට් නොකලත් ඒක ලිපියක්වත් මිස් කරන්නේ නැතිව කියෙව්වා මගේ බ්ලොග් ඒක පටන්ගන්නත් කලින් ඉඳල තමයි මම මල් කැකුළු බලන්න එන්නේ චිරාත් කාලයක් අපිට අලුත් යමක් නිතර එකතු කරන්න වාසනාව ලැබේවා!!!! ඔන්න මම කෝරලේ මහත්තයා

    ReplyDelete
  7. මමත් හිතන් උන්නේ මේක ගොඩාක් පරන එකක් කියලනේ
    ඔන්න මගේනුත් සුබම සුබ පැතුම්..

    ReplyDelete
  8. මගෙත් උණුසුම් සුභපැතුම්...

    ReplyDelete
  9. සුභ පැතුම්. ඉදිරි වසර තුළ ඔබෙන් අපට තවත් බොහෝ දේ ලැබේවා.
    ජය වේවා.

    ReplyDelete
  10. උනුසුම් සුබ පැතුම් මගෙනුත්. අපි ආ ගිය සොඳුරු අඩවියක් මේක.

    ReplyDelete
  11. Mama browser aka on karapu gamanma yanne mal kakulu walata. ada monawada aluth thoraturu kiyala balanna. Oba etha wishala sewawak karanawa. Labana wasaredi meetath wada honda me karya karanna puluwan shakthiya obata labewa kiyala ape sawoma prarthana karanawa......Ape samada mal kakulu samagai............Sada jaya........

    ReplyDelete
  12. api kawadath malkekulu ekkai
    Weldone malkekulu

    ReplyDelete
  13. සුභ පැතුම්.. මල් කැකුළු නිසා දැනුමට එකතු කර ගත්ත දේ බොහොමයි.. ඉස්සරහටත් මේ වටින ලිපි කියවන අපි එනවා..

    ReplyDelete
  14. සුබ පැතුම් මල් කැකුළු . . .

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.