කොවිඩ් 19 වසංගතයට කොටු වෙලා ඉන්න කාලේ තුන්මාසයක් තුළ කළ නිර්මාණයක්. මේ අපූරු වාහනයට නම දාලා තියෙන්නෙ ‘චැමලියන්’(Chameleon) කියලයි. එහි අරුත ‘කටුස්සා’ යන්නයි. ඒ කාරයට ඕනෑම පරිසරයකට ගැළපෙන්නට හැඩ ගැසෙන්නට ඇති හැකියාව නිසයි. එ් කාරය නිපදවූ සමාගමට ඒ සඳහා වැය වූ මුදල පවුම් 10,000ක් විතර වෙනවා.
මේ කාරයේ චැසිය තනා ඇත්තේ, ඉවතන ලන, ඉතාමත් ශක්තිමත් ප්ලාස්ටික් විශේෂයක් යොදා ගෙන වන අතර ඒ සඳහා 3D මුද්රණ යන්ත්ර කීපයක් යොදා ගෙන ත්රිමාන මුද්රණ ක්රමය ඔස්සේ තැනුනු කොටස් වලිනුයි. පරිගණකයකින් සකසා දුන් සැලැස්මකට අනුව ඒ 3D කොටස් මුද්රණය කළ පසුව ඔවුන්ගේ ස්වින්ඩන්හී කර්මාන්ත ශාලාව තුළදී ඒවා එකලස් කිරීම සිදුවුණා.
තාක්ෂණික කණ්ඩායම විදුලියෙන් දුවන කාරයක් සම්පූර්ණයෙන් තැනීමට ‘බොහෝ දෙනා හිතන්නේ ප්ලාස්ටික් ශක්තිමත් දෙයක් නොවෙයි කියා. ඒත් අප මේ මගින් ඔප්පු කරනවා ප්ලාස්ටික් කෙතරම් ශක්තිමත් ද කියා. අපට මේ මගින් අවශ්ය ඕනෑම වෙනස් කමක් ඉතා ඉක්මනින් කරලා මේ චැසි තනන්න පුලුවන්.’ ස්පයිට් කියනවා.
චැමලියන් කාරය මේ දිනවල දැඩි පරීක්ෂණ ක්රියාදාමයකට යොමු කරලයි තියෙන්නේ. දැනට හෙළිවී තියෙන විධියට මේ බැටරිය පැය භාගයකට වරක් ආරෝපණය කළයුතු වෙනවා. ඒ නිසා එය වරක් ආරෝපණය කළාම දුවන්න පුලුවන් කිලෝමීටර් 36ක් පමණයි. බැටරිය කාරයෙන් ඉවතට ගෙන ඕනෑම විදුලිය සැපයුමකින් ආරෝපණය කර ගන්න පුලුවන්.
‘අපි මේක සැලසුම් කළේ නැහැ දුර ගමන්වලට. එක් අයකුට යා හැකි, ළඟ ගමන්වලට විතරක් ධාවනය කරන්නයි. මේක විශේෂයෙන් සැලැසුම් කළේ. කොවිඩ් තත්වය යටතේ තනි අයකුට ආරක්ෂිත දුරකින් ගමන් යා හැකි වන විධියට, පරිසරයට හිතකර වායුගෝලයට විමෝචන කිසිවක් එක් නොකරන, මොනම ආකාරයෙවත් පරිසර දූෂණයක් නැති, වාහනයක් තනන්නයි අපට අවශ්ය වුනේ. මේ යානය තුළ ගෙන යන එකම වානේවලින් තැනූ දෙය ඔබේ බ්රීෆ් කේස් එක විතරක් වෙන්න පුලුවන්. මෙහි ඇති සියල්ල ප්ලාස්ටික්.’ ඔහු වැඩිදුරටත් කියනවා.
- පර්සි ජයමාන්න
චැමලියන් විදුලි කාරය පදවන අයුරු පහත වීඩියෝවෙන් කරඹන්න.
0 Comments