Skip to main content
malkakulu_youtube_page malkakulu_facebook_page

තරුණ පරපුර වෙනුවෙන් දෙවියන් වහන්සේ මැවූ අප්‍රමාණ මිනිසා!

ඔහු නිදහස් චින්තකයෙකි; දාර්ශනිකයෙකි; ධර්මධරයෙකි; පූජකවර‍යෙකි; සාහිත්‍යධරයෙකි; දේශ ප්‍රේමියෙකි; භාෂා ලැදියෙකි; ලේඛකයෙකි; සන්නිවේදකයෙකි; අධ්‍යපනඥයෙකි; ගුරුවරයෙකි; කලාකරුවෙකි; ජනතා සේවකයෙකි; දේව පුත්‍රයෙකි. මේ අයුරින් සමාජ මෙහෙවර උදෙසා එතුමා වරින්වර ගත් වෙස් විවිධ ය. ඒවා සියල්ල ම දැක්වීමට ගියහොත් ලැයිස්තුව තවත් දිග ය. ඒ සියල්ල කැටිකොට ගත් විට, ඒ පෝරුතොට පියතුමා ය. එතුමා සිය මෙහෙවර නිමා කොට පසුගිය 16 වැනිදා අප අත හැර ගියේ ය. මිය යන විට එතුමාගේ වයස අවුරුදු 89කි.
පෝරුතොට පියතුමා

1931 අගෝස්තු 31 වැනිදා මාරවිල, පෝරුතොට ගම්මානයෙහි දී අර්නස්ට් ඇලෙක්සැන්ඩර් නමින් උපන් මෙතුමා පෝරුතොටගේ ජෝකීනු ගුරු මහතාගේ සහ කේ. මේරි මාග්‍රට් පීරිස් මහත්මියගේ වැඩිමහල් දරුවා විය. එතුමා 1957 පෙබරවාරි 2 වැනිදා කොටහේන ශාන්ත ලුසියා ආසන දෙව්මැඳුරේදී පූජත්වරය ලැබුවේ ශ්‍රී ලංකාවේ ප්‍රථම කාදිනල්වරයා වූ තෝමස් කුරේ අගරදගුරුතුමන් අතිනි.

පෝරුතොට පියතුමා කිතුනුවනට පමණක් නොව බොදුනු අපටද කිසිසේත් අමතක කළ නොහැකි චරිතයකි. එතුමා සංවිධානය කළ වැඩමුළු, සමිති සංගම්, වැඩසටහන්වලට හා ව්‍යාපෘතිවලට සියලුම ආගම්වල තරුණ තරුණියන්ට සහභාගිවීමට අවස්ථාව සලසා දුන්නේ ය. පත්‍රකලාවේදීන් වන අපට ලිපියක් හෝ විශේෂාංගයක් හෝ අවශ්‍ය වූ හැම වැදගත් අවස්ථාවකදී ම උන්වහන්සේ ඒ සඳහා නොපැකිලව ඉදිරිපත් වූහ. අවිවේකී යයි කියා කිසිවිටෙකත් අපට අවස්ථාව නොදී සිටියේ නැත.

පෝරුතොට පියතුමා ගැන මට මුලින් ම අසන්නට ලැබුණේ අප සමඟ සිළුමිණ කර්තෘ මණ්ඩලයේ සේවය කළ බෙනඩික්ට් දොඩම්පෙගම මහතා ගෙනි. පෝරුතොට පියතුමා විසින් ලතින් බස වෙනුවට පල්ලියේ කටයුතුවලට සිංහල බස යොදා ගැනීම, සිංහල කම, දේශීයත්වය, සිංහල චාරිත්‍රවාරිත්‍ර පල්ලියට වැද්ද ගැනීම, නිදහස් දින උළෙලක් පැවැත්වීම වැනි පෙරළිකාර ක්‍රියා ගැන දොඩම්පෙගම මහතා ඉමහත් පැහැදීමකින් කතා කළ නිසා පෝරුතොට පියතුමා කෙරෙහි මා තුළ ගෞරවණීය හැඟීමක් පැවතුණි.

පෝරුතොට පියතුමා පිළිගැනීමේ උළෙලකදී

මෙයට දසක පහකට පමණ පෙර මා සරසවිය පුවත්පතේ කර්තෘ මණ්ඩලයේ සේවය කරන කාලේ ගාමිණී ෆොන්සේකා පිළිබඳ ව අමුතු දෘෂ්ටි කෝණයකින් ලියූ විශේෂාංග ලිපියක් ගැන ප්‍රශංසා කරන්නට එතුමන් දුරකථනයෙන් කතා කළා මට අද වාගේ මතක ය. ‘ඔබ අපූරු ලිපියක් ලියා තිබුණා. මෙවර සරසවියට, ‘‘ගාමිණී තරුවක් නොවෙයි, නළුවෙක්” කියලා. ඒ ගැන පසසන්නයි මේ කතා කළේ’ එතුමෝ කීහ. ඉන් මා විමතියට පත් වූයේ එය මගේ නමින් පළ වූවක් නොවූ නිසා ය. එම පුවත්පතේ ම වෙනත් ප්‍රධාන ලිපියකට මගේ නම යොදා තිබූ නි‍සා එම ලිපිය පත්‍රයට සැකසූ ධර්මදාස බොතේජු මහතා (පසු ව සරසවිය කර්තෘ වූ) ‘ජන’ නමින් අන්වර්ත නාමයක් යොදා එය පළ කර තිබුණේ මටත් නොකියා ම ය. ‘ස්වාමි, කොහොමද දන්නේ ඒක මගේ බව. ඒක මගේ නමින් නොවෙයි නොවැ පළ වුණේ.’ මම ඇසුවෙමි. ‘මම විමලසිරි ගෙන් (එවකට කර්තෘ විමලසිරි පෙරේරා මහතා) දැන ගත්තේ! ඒක ගාමිණී ගැන කරපු අව්‍යාජ ප්‍රකාශයක්, එක් අතකට ඔහු ගැන කළ සුුවිශේෂ අගැයීමක්, ඒ වගේ ම පැසසීමක්. තවත් ඒ වගේ දේ ලියන්න! තවත් දෙයක්, අපි චිත්‍රපට වාර්ෂිකයක් කරනවා. ඒකටත් ලියන්න. මං සුසන්තට කියන්නම් ඒ ගැන කථා කරන්න. එතුමෝ කී හ. ඒ අනුව මම ලෝක සිනමාව ගැන දීර්ඝ විවරණයක් එතුමන්ගේ මූලිකත්වයෙන් පළ කළ චිත්‍රපට වාර්ෂිකයට ලියා දුනිමි.

මට පෝරුතොට පියතුමා හමු වූ අමතක නොවන ඊළඟට අවස්ථාව උදා වූයේ සරසවිය චිත්‍රපට සම්මාන උළෙලක අවසන් දින උත්සවය හා මතු වුණු අනපේක්ෂිත බාධාවක් හේතුවෙනි. සරසවිය චිත්‍රපට සම්මාන උළෙල සඳහා අප සැලසුම් කළ ප්‍රාසාංගික උළෙලට දෙසතියක් තිස්සේ පුහුණ වීම් පැවති අතර එවර උළෙලේ ප්‍රධාන ආකර්ෂණය වූ ‘මහා ගායකයා’ උළෙලට සිවු දිනක් තියා සංගීතය මෙහෙය වූ සංගීතඥයා සහභාගි වන්නේ නම් තමා ඊට සහභාගි නොවන බව කියා සිටීම ය. ඒ ඔවුන් දෙදෙනා අතර හදිසියේ හටගත් විරසකයක් නිසා බව පසුව අපට දැන ගන්නට ලැබුණි. දෙසතියක් තිස්සේ පුහුණවීම් කළ වෙනත් අංග ගණනාවක් තිබූ නිසා එය කිසිසේත් කළ නොහැක්කක් විය. කෙතෙක් ඇවිටිලි කළත් මහා ගායකයා නම්මවා ගැනීම කළ නොහැකි විය. ඔහු වෙනුවෙන් වෙනත් වාදක මඬුල්ලක් යෙදවීමට සංගීතඥයාද කැමති වූයේ නැත. සරසවිය කර්තෘ විමලසිරි පෙරේරා මහතා අවසානයේ මහත් සේ කැළඹීමට පත් වී සිටියේ ය.

‘අපි සුනිල් සාන්තයන්ව ගෙන්න ගන්න බලමුද?’ මම එතුමන් අස්වසන ගමන් කීවෙමි.

‘එයා කැමතියි වෙයිද?’ කතු තුමා ඇසුවේ ය. ‘අවුරුදු ගාණකින් වේදිකාවට නැග්ගෙ නැතුව එක පාරටම එයා මේකට කැමතිවෙයිද?’

‘අපි පෝරුතොට පියතුමාට කියමු. එතුමා අපට ඒකට ක්‍රමයක් හදලා දේවි.’ මගේ යෝජනාවට අනුව සරසවිය කතු තුමා, ඔබ්සර්වර් පත්‍රයේ විශේෂාංග කර්තෘ ඩී.සී. රණතුංග මහතාත් සිළුමිණ කර්තෘ එස්. සුබසිංහ මහතාත් සමග ඒ ගැන කතා බස් කොට පෝරුතොට පියතුමාට ඒ බව දැන්වී ය. එතුමා කිසිදු පැකිලීමක් නැතිව, ‘එන්න අපි අයිවෝත් එක්කම ගිහින් කතා කරමු.’ කීවේ ය. ඒ අනුව අපි එතුමා හමුවීමට එවේලේ ගියෙමු.

සුනිල් සාන්තයෝ මුලදී අකමැත්ත පළ කළහ. එහෙත් පෝරුතොට පියතුමාත් අයිවෝ ඩෙනිසුන් ගේත් බලවත් ඇවිටිල්ල මත ඊට එකඟ වූ හ. එයද කොන්දේසි කිහිපයක් ඇතුව ය. ආලෝකය පාලනය කළ වේදිකාවක අඩ අඳුරේ අයිවෝ සමග එක්ව ගී ගැයීමට ඔහු එකඟ විය. එසේ ම ඔහු වේදිකාවේ සිටින කාලය තුළ ආලෝක ධාරා එල්ල නොකිරීමටත්, ඒ පිළිබඳ පූර්ව ප්‍රචාරයක් නොදීමටත් අපට එකඟ වීමට සිදු විය. ඒ කොන්දේසි අපට ආශිර්වාදයක් විය. අපි සුනිලුන් ගී ගැයීමට එන බව ද රහසක් වශයෙන් තබා ගතිමු. අවසානයේ දී අපේ නිවේදකයා සුනිලුන්ට තුති පුදන විට ශාලාව ගිගුම් දෙන අත්පොළසන් හඩක් නැඟුණේ ය. ඒ සමග එවර සම්මාන උළෙලේ ප්‍රධාන අමුත්තා වූ ඩඩ්ලි සේනානායක අගමැති තුමා හුනස්නෙන් නැඟිට වේදිකාවට නැඟ තමාගේ ප්‍රියතම ගායකයා වූ සුනිලුන් වැළඳ ගත්තේ සිය බලවත් ප්‍රසාදය පළ කරමිනි. එදා, 1968 අප්‍රේල් 25 වැනිදා කොළඹ කාන්තා විද්‍යාල ශ්‍රවණාගාරයේ පැවති පස් වැනි සරසවි සම්මාන උළෙලට අලෝකයක් ගෙනා ඒ අසිරිමත් සිදුවීම පෝරුතොට පියතුමාගේ ආශිර්වාදය නිසා සිදුවූවකි. ‍

එතුමා යළිත් මට කතා කළේ මහනුවර පැවති සිනමා සම්මන්ත්‍රණයක සම්පත් දායකයකු වශයෙන් මගේ සේවය ලබා ගන්නට ය. කතෝලික මාධ්‍ය පර්ෂදය සංවිධානය කළ ඒ සම්මන්ත්‍රණය පැවැත් වුණේ කටුගස්තොට සාන්ත අන්තෝනි විදුහලේදී ය. එතුමා මට ලබා දුන් මාතෘකාව ‘අනාගත සිනමාවට එල්ලවන අභියෝග’ යන්න ය.

ඒ සම්මන්ත්‍රණය පැවතියේ හැත්තෑවේ දශකයේ මුල් භාගයේදී වූ බැවින් ඊට සාපේක්ෂව ඉදිරියේදී සිදු විය හැකි වෙනස්කම් ගැන කතා කරද්දී එවකට පැවති සිනමා තාක්ෂණය අබිබවා වීඩියෝ තාක්ෂණය ඉස්මතු වන බව කීවෙමි. වීඩියෝ කැමරාවකින් එසැණ රූ ගත කර එසැණ ම පෙන්විය හැකි වීම නිසා එය ප්‍රවෘත්ති සන්නිවේදකයන් වශයෙන් අපටත් බලපෑමක් එල්ල විය හැකි බැව් කීවෙමි. නිදසුනක් වශයෙන් ඊට කලින් සතියේ ඇමෙරිකානු ප්‍රවෘත්ති කාර්යාලයේ පැවති සමුළුවකදී වීඩියෝ කැමරාව හඳුන්වා දෙමින් එහි සිදු වූ දෑ එවේලේ ම පටිගත කර ඊට සහභාගි වූ අයට පෙන් වූ ආකාරය විස්තර කෙළෙමි. ඊට පෙර ඔවුන් අසා නොතිබුණු දෙයක් වූ නිසා ඒ වචනය ඉංග්‍රීසියෙන් ලියන ආකාරය පවා ඊට සහභාගි වූ පියතුමෙක් විමසී ය. දේශනය අවසානයේ දී මට ප්‍රසංශා කළ පෝරුතොට පියතුමා, ‘අපි අපේ පාඨමාලාවට වීඩියෝ තාක්ෂණයත් ඇතුළු කර ගනිමු.’ යයි කී හැටි මට අද වගේ මතකය.

සිග්නිස් ටෙලිසිනේ සම්මාන උළෙලක දී

ලේඛකයකු වශයෙන් පෝරුතොට පියතුමා ආන්දෝලනාත්මක ග්‍රන්ථ රැසක් ලියා පළ කොට ඇත. ‘වෘත්තීය සමිති ගමන් මග’ (1956), ‘කිතුනු පෙරළිය’ (1960), ‘ගිහියා’ (1964), ‘භව්‍යවාදය හා ලංකාව (1965) ඉන් කීපයකි. එතුමා ‘වෘත්තීය සමිති ගමන් මග’ පළ කළේ 1956 දී අගමැති බණ්ඩාරනායක මහතා මැයි 1 වැනිදා කම්කරු දිනය ලෙස නම් කොට කම්කරුවන් වෙත විශේෂ අවධානයක් යොමු කළ අවස්ථාවේ දී ය. එපමණක් නොව එතුමා කම්කරු අයිතිය ගැන දෙව්මැඳුරේදී කතා බහට ලක් කළේ ය. ආගමික සේවාවනට අමතරව පොදු සමාජ ප්‍රශ්න ගැන ද සාකච්ඡා කරන්නට ගිහියන් පෙලඹවීය.

1964 දී ‘ගිහියා’ කෘතිය පළ කරමින් පෝරුතොට පියතුමා කතෝලික සභාවේ පූජකවරුන්ගේ හා ගිහි බැතිමතුන්ගේ වගකීම හා ක්‍රියා භාරය කෙබඳු විය යුතුදැයි මැනවින් පෙන්වා දුන්නේ ය. කතෝලික සභා නායකයන්ගේ වගකීම, ආගමක් අදහන පිරිසක් තැනීමට වඩා, සමාජ සාධාරණය හා රටේ සමගිය පවත්වා ගෙන යා හැකි, සහජීවනය ඇති කළ හැකි, රටේ එකමුතුව තැනීමට යොමු කළ හැකි පරපුරක් තැනීම බව පහදා දුන් එතුමා ගිහියනට, පල්ලියෙන් පිට කළ හැකි සමාජ හා ආගමික කාර්යයන් රැසක් ඇති බවද පෙන්වා දුන්නේ ය. උන් වහන්සේ නිතරම පැවසුවේ, ‘ගිහියා පූජක රූකඩයක් ද වහලෙක් ද නොවේ’ කියා ය.

1964 දී එතුමන් ලියූ ‘සුරාව’ බීමත්කම හා බේබදුකම ගැන කළ විග්‍රහයක් විය. ප්‍රංශ ජාතික ෂෝන් පෝල් සාත්‍රෙගේ සංදෘෂ්ටික වාදය අපේ සාහිත්‍යය කෙරෙහි බලපෑ අයුරු විග්‍රහ කෙරෙන ‘භව්‍යවාදය හා ලංකාව’ (1965) කෘතිය එතුමාගේ විචාරශීලී බවට හොඳ නිදසුන් ය.

පෝරුතොට පියතුමා තරම් දරුවන්ට, තරුණන්ට අත හිත දුන් තවත් අයෙක් නැති තරම් ය. එහිදී එතුමන් ආගම, ජාතිය, වර්ගය, තරාතිරම නොසැලකුවේ ය. ඔහුගේ මග පෙන්වීම අනුව ලෝකයට එක්ව ජගත් කීර්තියට පත් තරුණයන් රාශියක් සිටින අතර ඉන් කැපී පෙනෙන එක් අයෙක් ලෙස ආචාර්ය බෙනිල් ප්‍රියංක දැක්විය හැකි ය. මහාචාර්ය පරණවිතාන සූරීන්ගෙන් පසු සීගිරි කුරුටු කෙරෙහි ජාත්‍යන්තර අවධානය යොමු කළ ඔහු ලියූ Recently Deciphered Records from the Mirror Wall at Sigiriya නම් පර්යේෂණාත්මක ග්‍රන්ථයට, වසරේ විශිෂ්ට ඉංග්‍රීසි ශාස්ත්‍රීය කෘතිය ලෙසින් 2011 රාජ්‍ය සාහිත්‍ය සම්මාන පිරිනැමුණු අවස්ථාවේ දී ඔහුට ඒ සම්මානය ලැබුණේ පෝරුතොට පියතුමන්ගේ ආශිර්වාදය නිසා බව අප සමඟ පැවසීය.

ඔහු නව වැනි වසරේ ශිෂ්‍යයකුව සිටිය දී පෝරුතොට පියතුමන්ගේ පුස්තකාලයේ තිබූ මහාචාර්ය පරණවිතාන සූරීන්ගේ සීගිරි කුරුටු ගී විග්‍රහ කරමින් ඉංග්‍රීසියෙන් ලියූ ග්‍රන්ථය දක්නට ලැබුණු බවත් ඒ පිළිබඳ පියතුමන්ගෙන් විමසූ විට එතුමන් ඒ ගැන දීර්ඝ විස්තරයක් කළා පමණක් නොව ඒ පොත් කියවීමට අවස්ථාව සලසා දුන් බවත්, එතැනින් නොනැවතුණු එතුමා තමාට සීගිරියට යාමට අවස්ථාව උදා කරදුන් බවත්, තමා පුරාවිද්‍යාවට යොමු වූයේ ඉන් ලැබුණු උත්තේජනය නිසා බවත් කීවේ ය.

1970 දෙසැම්බරයේ සිදු වූ හය වන පාවුළු පාප්තුමාගේ ලංකා සංචාරය නිමිත්තෙන් රජයෙන් පළ කරන්නට යෙදුණු ‘කතෝලික සමාජ දර්ශනය’ නමින් යුත් වෙළුම් දෙකකින් යුත් කෘතිය ජයලත් බලගල්ල පියතුමාගේ ද සහය ඇතිව සංස්කරණය කරන ලද්දේ පෝරුතොට පියතුමන් විසිනි. පාප් වහන්සේ පිළිගැනීමට කටුනායක ගුවන්තොටුපොළ සැරසීමේ කාර්යය පැවරුණේ ද පෝරුතොට පියතුමාට ය. එය සිංහල දේශීය ඌරුවට ඉටු කරගනු වස් පූජ්‍ය මාපලගම විපුලසාර හිමියන්ගේ සහය ලබා ගත්තේ ය. එදා කටුනායක ගුවන්තොටුපොළෙහි ඉදිකළ රැලි පාලම්, නෙළුම් මල්, පොල් තෙල් පහන් ආදියෙන් සැදුම්ලත් විශේෂ වේදිකාවකින් අලංකෘත වූ අතර පාප් වහන්සේ බැතිමතුන් ඇමතුවේ එහි සිට ය.

1990 දී මහාචාර්ය සුනිල් ආරියරත්න අධ්‍යක්ෂණය කළ ‘ක්‍රිස්තු චරිතය’ චිත්‍රපටය ප්‍රදර්ශනයට පෙර තහනම් කරවා ගැනීමට ඇතැම් පූජකවරුනට අවශ්‍ය විය. ඊට හේතු වශයෙන් ඔවුන් දැක්වූයේ එහි ක්‍රිස්තුස්වහන්සේ ගේ චරිතය රඟපෑ නළුවා ඒ සඳහා නුසුදුසු අයකු බව ය. එහි රඟපෑවේ සුප්‍රකට නළු විජය කුමාරතුංග ය. ඔහු කතෝලිකයකු වූවත් විවාහයේ දී පල්ලිය නොසලකා හැරීමෙන් ඔහු ආගමට නිගා කර ඇති නිසා ඔහු එහි රඟපෑම ක්‍රිස්තුස්වහන්සේට කළ නිගරුවක් ලෙස ඔවුහූ දුටුවහ. ඒ නිසා මේ කතෝලික විරෝධය චිත්‍රපට පාලක මණ්ඩලයට දන්වා එය තහනම් කරවා ගැනීමේ කටයුත්ත එවකට කතෝලික සිනමා පර්ෂදයේ (OCIC) සභාපති ගරු අර්නස්ට් පෝරුතොට පියතුමාටය.

ඒත් එතුමා ඒ සිනමා පටය සම්බන්ධයෙන් සිටියේ වෙනම ස්ථාවරයක ය. එනම් නළුවාගේ ආගම, ජාතිය, විවාහය කෙබඳු වුවත් ඔහුගේ නිරූපණය තුළින් චරිතයට සාධාරණයක් ඉටුකර ඇත්නම්, නම් එය ප්‍රතික්ෂේප නොකළයුතු බව ය. ඒ නිසා ඉන් කෝපයට පත් ඔවුහූ පෝරුතොට පියතුමාට විරුද්ධව විනය පරීක්ෂණයක් පවත්වන්නට කටයුතු යෙදූහ. විනය පරීක්ෂණයට පෙර ඒ පරීක්ෂණය පවත්වන කාමරයට රූපවාහිනියක් හා වීඩියෝ ප්‍රතිවාදන යන්ත්‍රයක් සවි කර වීය.

පෝරුතොට පියතුමා විනය පරීක්ෂණ මණ්ඩලය වෙත ගියේ ලොව පුරා ඒ වන තෙක් ක්‍රිස්තු චරිතය අළලා නිපදවූ හොඳම චිත්‍රපට කිහිපයද සමඟ ය. මණ්ඩලයෙන් අවසර ගෙන ඒ චිත්‍රපට කොටස් එකින් එක පරීක්ෂණ මණ්ඩලය ඉදිරියේ දිග හැරියේ ය. ඒ දර්ශන නරඹා පරීක්ෂණ මණ්ඩලය ඒවා මහත් සේ අගය කළහ. තමන්ට ඒවා නරඹන්නට සැලැස්වීම ගැන මහත් සේ පෝරුතොට පියතුමාට ස්තුති කළහ. නිහතමානීව ඊට ප්‍රතිචාර දක්වමින් පෝරුතොට පියතුමා එදා මෙසේ කරුණු දක්වා තිබේ.

"ඔය පළමුව බැලූ චිත්‍රපටයේ මරියතුමියට රඟපෑ නිළිය දෙපාරක් දික්කසාද වෙලා, තුන් වෙනි වතාවට විවාහ වෙලා ඉන්නෙ. ඔය දෙවැනි චිත්‍රපටයේ ජේසුතුමාට රඟපාන නළුවා කතෝලිකයෙක් නොවෙයි. විවාහ නොවී පවුල් කන කෙනෙක්. ඔය තුන්වැනි චිත්‍රපටයේ මරිය තුමීට රඟපෑ නිළියට විවාහ නොවීම දරුවෙක් ඉන්නවා. ඔය අනිත් චිත්‍රපටයේ ජේසුතුමාට රඟපෑ නළුවා මුස්ලිම් ජාතිකයෙක්. ඔය ඊළඟ චිත්‍රපටයේ මරිය තුමීට රඟපෑ නිළිය ගබ්සා දෙකක් කරගත් කෙනෙක්...." ආදී වශයෙන් එතුමා කළ විස්තරය අතරතුර, විනය පරීක්ෂණය පසෙකැලා තමන්ට විවිධ වැඩ ඇති බව දක්වමින් රදගුරුවරුන් එකිනෙකා නැගිට ගිය බවක් ඒ දවස්වල කතා බහට ලක්ව තිබුණේය.

1970 දී අන්තර්ජාතික කතෝලික සිනමා සංවිධානයේ (OCIC) ශාඛාවක් ශ්‍රී ලංකාවේ පිහිටුවීමට එතුමා පුරෝගාමී විය. ඉන් සිංහල සිනමාවට අනූපමේය මෙහෙවරක් ඉටු විය. සිංහල සිනමාවේ නියුතු කලාකරුවනට හා ශිල්පීනට ඔවුන්ගේ මෙහෙය අගයනු වස් උත්තමාචාර උළෙලක් වසරක් පාසා පවත්වනු ලැබී ය. සිංහල සිනමාව පිළිබඳ වැඩි ම ප්‍රකාශන සංඛ්‍යාවක් නිකුත් කර ඇත්තේ ද එම සංවිධානයෙනි. ලෝක සිනමාවේ විශිෂ්ට කෘතීන් මෙහි ගෙන්වා තරුණ පරපුරට නොමිලයේ නැරඹීමට අවස්ථාව සැලැස්වීය. චිත්‍රපට ලේඛක හා විචාරක සංගමයක් පිහිටුවීමට ද එතුමා පුරෝගාමී විය. සිනමාවේ උන්නතියට මෙපමණ සේවාවක් කළ වෙනත් අයකු අප අතර නැත.

දැන් විශ්ව විද්‍යාලවල සිනමා හා රූපවාහිනී පාඨමාලා ආරම්භ කර ඇතත් මීට දශක කීපයකට පෙර තරුණ පරපුර වෙනුවෙන් එවැනි පාඨමාලා ආරම්භ කිරීමට තරම් එතුමා දූරදර්ශී විය. මෙරට රූපවාහිනිය ආරම්භ වන විට ඒ විෂය පිළිබඳ තාක්ෂණික දැනුමෙන් පිරුණු පරපුරක් එතුමා විසින් බිහි කර තිබුණේ ය. අද සෑම තැනකම විසිර සේවය කරන්නේ ඒ පරපුර ය.

පෝරුතොට පියතුමන්ගේ අවමඟුල් උළෙල පසුගිය ජූනි 18 වැනිදා කළුතර පිලිප්නේරි දෙව්මැඳුරේ පැවැත්විණ. උන්වහන්සේට උපහාර පිණිස කිරිමැටියාගාර මාධ්‍ය සංසදය නිර්මාණය කළ බැනරයක තිබූ පාඨයකින් මේ සටහන නිමා කිරීමට කැමැත්තෙමි.

 
එහි සිංහල අරුත ‘දෙවියන් වහන්සේ එතුමන් මැවූහ. එතුමෝ අප මැවූහ.’ ඒ වැකිය ඒ කිරිමැටියාගාර මාධ්‍ය සංසදයට පමණක් නොව, සිංහල සිනමා ක්ෂේත්‍රයේ, පමණක් නොව, රූපවාහිනී, පුවත්පත් ඇතුළු සියලු විද්‍යුත් හා මුද්‍රිත මාධ්‍යවල සේවය කරන සමස්ත සන්නිවේදකයන්ට පොදුවේ භාවිත කළ හැකි කියමනකි.
 - පර්සි ජයමාන්න

Comments

Popular posts from this blog

වත්මන් ළමා ගී පරපුරේ ආරම්භකයා - ශී‍්‍ර රූපදේව කවීන්ද්‍ර ආනන්ද රාජකරුණා

‘රෝස මලේ නටුවෙ කටූ - වන බමරෝ ඔහොම හිටූ
නටුව නොවේ මල සිඹිමී - මම ළමයෝ පැණි උරමී’

යනුවෙන් ළමයකුත්, වන බමරකුත් අතර සංවාදයක් ආකාරයෙන් ලියා ඇති කුඩා කවිය අදත් අපේ දරුවන් අතරත් වැඩිහිටියන් අතරත් එකසේ ජනපි‍්‍රය ළමා කවකි. ළමයින්ට කවි ලිවීම අරභයා ආනන්ද රාජකරුණා (1885-1957) කවියා දැක්වූ දක්ෂතාව මැන ගැනීමට එම කව ම ප‍්‍රමාණවත්ය. ළමයින් සඳහා විවිධ මට්ටමේ කව් රැසක් ආනන්ද රාජකරුණා විසින් අපේ ළමා පරපුරට දායාද කර තිබේ.


කි‍්‍ර.ව. 1885 ජනවාරි 7 වැනිදා ගාල්ලේ මහදම්පාගම රාල්ලාගේ වත්තේ දී උපන් ඔහුගේ උපත් නාමය ‘ඇල්ෆ්‍රෙඞ්’ වුවද ඔහු පසු කලෙක ඒ වෙනුවට ‘ආනන්ද’ නාමය යොදා ගත්තේය. ගම්මුලාදෑනි මෙන්ම ගමේ වෙද මහතා ද වූ විජය වර්ණකුල චාර්ල්ස් තාබ්‍රෙව් රාජකරුණා ඔහුගේ පියාය. මව හෙලේනා ද ලිවේරා කරුණාරත්න වූවාය. ඔහු පස් හැවිරිදි කල මුලින්ම සිංහල උගන්වන ලද්දේ මවගේ සොහොයුරා වූ ජෝශප් ද ලිවේරා කරුණාරත්න විසිනි.

අකුරල සිංහල පාසලෙන් මූලික අධ්‍යාපනය ලැබූ ඔහු මාදම්පේ මිෂනාරි පාසලින් ඉංගී‍්‍රසි අධ්‍යාපනය ලැබීය. ඉන්පසු පූජ්‍ය මාදම්පේ ධම්මතිලක හිමියන් වෙතින් සිංහල බස වැඩිදුර උගත්තේය. සිරි සුමන වංශාලංකාර පේමරතන හිමියන්ගෙන් පාලි හා…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. නවසීලන්තයේ මුහුදේදි ගත්තු එකක්.


නවසීලන්තයෙන් මාළු අල්ලන්න මූදු ගිය බෝට්ටුක හිටි ධීවරයකුගෙ කැමරාවට තමයි මේ පින්තූරය අහුවුණේ. ඔහුට අහුවුණු මාළුවා අත අරින්න සිද්ධ වුණා. ඒත් ඔහු අල්ල ගත්තු ‘ගොදුර’ නරක නෑනේද? ඒ ගොදුරට මිනීමරු සුදු මෝරුන් දෙදෙනකුම අහුවෙලා!

මේ පින්තූරය ලෝක ප‍්‍රකට විද්‍යාඥ චාල්ස් ඩාවින්ගේ පරිණාමවාදයේ එන උචිතෝන්නති නියමය, ඒ කියන්නේ සත්ව ලෝකයේ දී ශක්තිවන්තයා ඉතිරි වෙනවා (survival of the fittest) යන න්‍යාය ඔප්පු කළ අවස්ථාවක් හැටියට දක්වන්න පුළුවන්.

නවසීලන්තයේ කයිටෙරිටෙරී අසල මුහුදේ දී අල්ලන ලද සෑහෙන පමණ විශාල මේ මෝරා ඒ මොහොතේම එහි ආ තවත් ඊට වඩා විශාල මෝරකු විසින් ඩැහැ ගත් ආකාරය ඔහු විසින් කැමරාවට නගා තිබුණා.

පරිගණක කී‍්‍රඩාවක එන රාක්ෂයකු වූ මැන්කියුබස් (Mancubus) නමින් තමයි, මේ ඡායාරූපය අන්තර්ජාලයට මුදා හැර තියෙන්නෙ.

ඒ ධීවරයාට තමා ඇල්ලූ මෝරා බෝට්ටුව මතට ඇද ගන්න වෙලාවක් තිබුණෙ …

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

මැලේසියානු ගුවන් සේවයට අයත් බෝයිං 777 එම්.එච්. 370 මගී යානය අබිරහස් ලෙස අතුරුදන් වූයේ ඉකුත් 8 වැනිදා මැලේසියානු වේලාවෙන් මධ්‍යම රාති‍්‍ර 12.21 ට පමණය. ඒ අවස්ථාවේදී යානය චීනයේ බීජීං නුවර බලා පියාසර කරමින් තිබුණේය. ඒ මොහොතේ සිට ආරම්භ කළ සෝදිසි මෙහෙයුම් තවමත් අවසන් නැත.

දැනට හෙළිදරවු වී තියෙන්නේ සොරකම් කළ පාස්පෝට් දෙකකින් දෙදෙනකු ඒ යානයේ ගමන් කර තිබෙන බවයි. ඒ පාස්පෝට්වල සැබෑ අයිතිකරුවන් නිරුපද්‍රිතව ඉන්නා බව බලධාරීන්ට දැනටමත් දැනුම් දී තියෙනවා.


ඒ අතර වියට්නාමයේ නාවික හමුදාව සොයා ගෙන තියෙනවා මහමුහුද මැද සැතැපුම් 12ක් දිග තෙල් පැල්ලමක්! එය එම්එච්370 මැලේසියානු මගී ගුවන්යානය කඩා වැටීමෙන් ඇති වූවක් කියලා දැනට සැක කරනවා. යානයේ ඇති සෙල්ෆෝන් කීපයක් නාද වෙන බව සොයා ගෙන තියෙනවා. ඒ ඔස්සේ යානය වැටුණු තැන සොයා ගන්නයි, දැන් වෑයම් කරන්නේ.


යානයක් ගිනිගෙන අහ…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට …

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!
මේ වාසනාවන්ත අත්දැකීම ලැබුවේ ඇමරිකාවේ ඇරිසෝනාවේ ග්ලෙන්ඬේල්හී ඇලිසියා හා රැන්ඩි ඇට්කින්ස් යුවලයි. 2012 අවුරුද්දේ ඔක්තෝබර 9 වැනිදා ඇලිසියා සිය දියණිය, බිහි කරන්නට රෝහල් ගත වී සිටියා. සිසේරියන් සැත්කමකින් තමයි දියණියගේ ප‍්‍රසූතිය සිද්ධ කෙරුණේ. කුඩා බිලිඳිය මව කුස තුළින් මෙලොව එළිය බලන්නට එම සැත්කම කළ වෛද්‍යවරයා උදවු කරද්දී ඇය ඔහුගේ ඇඟිල්ලෙන් අල්ලා ගත් හැටි ඇගේ පියා විසින් ඡායාරූපයට නඟා තියෙනවා.

මේ පිළිබඳව එදා ඒ මොහොතේ ඔවුන් එය ලෝකයට ප‍්‍රකාශ කළේ නැහැ. දියණියට මාස තුනක් වන තෙක් රහසක් වශයෙන් තබා ගෙන සිටි ඒ ඡායාරූපය මුහුණු පොතට එක් කළේ ගිය සතියේයි. හරියටම මාස තුනක් පිරුණ දායි.

ඇට්කින්ස් යුවල ‘3ටීවී’ රූපවාහිනී ආයතනයේ ප‍්‍රවෘත්ති වැඩසටහනකට විත් ඒ ගැන මෙසේ අදහස් පළ කළා. පියා කී…

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

2013දී පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් පාකිස්ථාන අසල මුහුදේ අලූත් දූපතක් මතු වුණා.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.
මේ පින්තූර නාසා ආයතනයේ පෘථිවි නිරීක්ෂණ චන්ද්‍රිකා - 1 හා ලැන්ඞ් සැට් 8 චන්ද්‍රිකාවලින් ඒ දූපත මතු වුණු දවස්වල ගත්තු ඒවායි.

දූපත වටේට ඇති ළා කොළ හා තඹ පැහැති කොටස්වලින් පෙනෙන්නේ මුහුදේ නොගැඹුරු බව හෝ අවට ඇති අවසාදිත තට්ටුවයි.

මේ අලූත් දූපත මතු වූ හරියේ ගැඹුර මීටර් 15ත් 20ත් අතර වෙනවා. මෙහෙම කියන්නේ පාකිස්ථානය…