Skip to main content
malkakulu_youtube_page malkakulu_facebook_page

වීර කැප්පෙටිපොළගේ අවසන් මොහොත ඉංග්‍රීසි වෛද්‍යවරයකුගේ ඇසින්.

අපේ රට ඉංග්‍රීසින් විසින් අල්ලා ගන්නා ලද කාලයේ සිටි ඔවුන්ට එරෙහි ව සටන් කළ වීරයින් අතර මුල් තන්හිලා සලකනු ලබන කැප්පෙටිපොළ මොනරවිල ගේ අවසාන මොහොත ඇහින් දුටු සාක්ෂිය මෙයයි. මීට වසර 205කට පෙර සිදු වූ ඒ සිදු වීම අති විචිත්‍ර එකකි. සාක්ෂිකාරයා ඉංග්‍රීසි ශල්‍ය වෛද්‍ය වරයෙකි. ඉංග්‍රීසින්‍ ගේ පාර්ශ්වයේ අයකු වුවත් මධ්‍යස්ථ වාර්තාකරුවෙකි. කැප්පෙටිපොළ ගේ අවසන් මොහො‍ත තෙක් එහි රැඳී සිටි ඔහු ඒ වීරත්වය ඉස්මතු කරන්නට තවත් චරිත දෙකක් යොදා ගනියි. ඒ, මඩුගල්ලේ හා සර් විලියම් වොලස් ය. අපේ වීරයකු ගේ අවසන් මොහොත හා බැඳුණු එකම ඇහින් දුටු සාක්ෂිය ‍මෙය වෙනවාට සැකයක් නැත.
කැප්පෙටිපොළ වීරයා

කැප්පෙටිපොළ සහ මඩුගල්ල 
1815 දී ඉංග්‍රීසීන් උඩරට පළාත් අයිති කරගත් විට මොනරවිල හෙවත් කැප්පෙටිපොළ (මෙය සාමාන්‍යයෙන් ඔහු සඳහා භාවිත වූ නාමයයි.) ඌව පළාතේ දිසාපති පදවියට පත් කරන ලදී. ඔහු 1817 දී කැරලිකාරයන්ට එක් වන තෙක් ඒ පදවිය දැරීය. ඇහැළේපොළ ගේ සොහොයුරියක ගේ පුතකු වූ හෙයින් උඩරට ඉතා ධනවත් හා බලවත් පවුල් හා ඥාති සම්බන්ධකම් ඔහුට තිබිණි. මහනුවරට පැමිණි විට නතර වූයේ ඇහැළේපොළ සමඟ ය. කැප්පෙටිපොළ නිලමේ ඇහැළේපොළ වලව්වේ නැවතී සිටිය දී ග්‍රන්ථ කර්තෘ වෛද්‍යවරයකු වශයෙන් ඉඳහිට ඔහු හමු විය. ඔහු යුරෝපීයයන් හා ආශ්‍රය කිරීමේ දී ද අන් සියලුම උඩරට නිලමේවරුනට වඩා අවංක හා ප්‍රියශීලී විය. මෙබඳු අවස්ථාවන්හිදී ඔහු ගේ ඉරියව් ශෝභන හා ශිෂ්ට විය.

කැප්පෙටිපොළ එ තරම් උසස් බුද්ධිමතකු ලෙස නම් දරා නොසිටි නමුදු කැරැල්ලේ පිළිගත් නායකයා ලෙස ඉංල්‍රීසීන් විසින් සලකනු ලැබී ය. රාජ්‍ය ප්‍රතිරූපකයාගේ පළමු වන අදිකාරම් පදවිය පිළි ගැනීමෙන් ප්‍රිතාන්‍ය අධිපත්‍යයට විරුද්ධ ව කැරුණු මේ සටනේ මූලිකයා තමා ය යි ඔහු සැලකූ බව පෙනේ.

මොනරවිල කැප්පෙටිපොළ - ආලේඛ්‍ය චිත්‍රය ප්‍රසන්න වීරක්කොඩි‍ ගේ ය.

නීත්‍යනුකූල ව පිහිටුවන ලද මහ රජතුමාණන් ගේ රජය පෙරලීම සඳහා යුද්ධ කිරීමේ චෝදනාවට මුහුණ දෙන පිණිස (1818 නොවැම්බර් මස 13 වැනි දින) යුද්ධාධිකරණය ඉදිරියට පමුණුවන ලද ඔහුට මරණ දඬුවම නියම විය. මරණයට නියම ව සිර ගෙයි සිටිය දී ඔහු බැලීම සඳහා ඔහු ගේ ඉල්ලීම පිට ග්‍රන්ථ කර්තෘ කීප වරක් ගියේ ය. ඔහු නිතරම පාහේ ක්‍රියා කළේ ශාන්ත භාවයෙනි. එක් අවස්ථාවක ඔහු තම ඉණ වටේ ඔතාගෙන සිටි ගොරෝසු, අපිරිසුදු රෙද්ද විදහා පා, ‘මා ඇඳීමට පුරුදු ව සිටියේ මෙසේ නොවන බව ඔබ දන්නෙහි ය’ යි සිනා සෙමින් කී ය. කැරැල්ල ගැන කතා කිරීමට අකැමැති නො වී ය. අප භටයන්ට විරුද්ධ ව එල්ල කරන ලද බොහෝ පහරදීම්වලට සම්බන්ධ ය යි ඇතැම් විට පිළිගත් ඔහු තමා වෙත ආරෝපණය කැරුණු දෝෂ දුර්වල කිරීමට හෝ තම තත්ත්වය පැහැදිලි කිරීමට හෝ තැත් ‍කෙළේ ය. කරුණු දෙකක් සම්බන්ධයෙන් තමා වරදකරු ය යි ඔහු පිළිගත්තේ ය. පළමුු වැන්න නම් ව්‍යාජ රජු ගෙන් පළමු වැනි අදිකාරම් පදවිය පිළිගැනීමයි. දෙ වැන්න නම් සැප්තැම්බර් මස 20 වැනි දිනට පෙර යුද්ධායුධ භාර දෙන කැරලිකාරයන්ට සමාව දෙන බව ප්‍රකාශිත ප්‍රකාශ පත්‍රයක් ප්‍රසිද්ධ කැරුණු විට යටත් නොවීම යි. තම මරණ දඬුවම, පිටුවහල් කිරීම බවට වෙනස් කරනු මැනැවැ යි ඔහු කීප වරක් ඕනෑකමින් ඉල්ලා සිටියේ ය. මේ සඳහා ඔහු රොබට් බ්‍රවුන්රිග් ගෙන් ඉල්ලා සිටින සේ සෝවර්ස් මහතාට දන්වනු මැනැවැ යි ඔහු ග්‍රන්ථ කර්තෘට කී ය. දුකින් පිරී පවත්නා නමුත් ජීවිතය සුන්දර ය යි ඔහු පැවසී ය. තමා අවාසනාවන්තයෙකැ යි කතාබහේ දී සඳහන් කළ නමුත් අවාසනාවන්ත තත්ත්වය තමා අනුගමනය කළ ප්‍රතිපත්තියේ හා එය අසාර්ථක වීමේ ප්‍රතිඵලයෙකැ යි පිළි ගැනීමට ඔහු මැළි විය. ඔහු දෘඪ බෞද්ධයෙක් වූයේ තම වර්තමාන දුර්භාග්‍යය අතීත භවයක කරන ලද පාපයෙහි ආදීනව ය යි සැලකී ය. මේ වූකලී මේ ජීවිත කාලය තුළ කරන ලද වැරැදි පිළිබඳ ව වගකීමක් නැතැ යි පැවැසෙන විශ්වාසයකි.

මරණය 
කැප්පෙටිපොළ, මඩුගල්ලේ යන දෙ‍ දෙන ඔවුන් ගේ ම ඉල්ලීම පරිදි නොවැම්බර් මස 25 වැනි දින අලුයම් වේලෙහි දළදා මාලිගාවට කැඳවා ගෙන යන ලද්දෝ ය. කැප්පෙටිපොළ ගේ ඉල්ලීම හා සර් රොබට් බ්‍රවුන්රිග් උතුමාණන් වහන්සේ ගේ අවසරය පරිදි සෝවර්ස් මහතා දළදා මාලිගාවේ දී ඔහුට මුණගැසිණි. භික්ෂූන්වහන්සේ අභිමුඛයෙහි, වැඩ හිඳින ගබඩාවේ එළිපත්ත මත දණ ගසා ගත් නිලමේ තමා භික්ෂූන්ට කළ සේවය, විහාරවලට කළ පුද පූජා වැනි තම ජීවිත කාලය තුළ කරන ලද ප්‍රධාන පුණ්‍ය ක්‍රියා ද අනෙක් ධාර්මික ක්‍රියා ද විස්තර කෙළේ ය. ඊළඟට ඔහු ගේ ප්‍රාර්ථනය ඉදිරිපත් කෙළේ ය. ඊ ළඟ ආත්ම භවයෙහි හිමාලය පර්වතයෙහි උපදිම්වා, කෙළවර අමා මහ නිවන් දකිම්වා යන්න යි. මෙයින් පසු භික්ෂූන් වහන්සේ ඔහු ඇමතූ සේක. එ තුමෝ ආවේග බහුල ස්වරයකින් හා ලීලාවකින් ඔහු ගේ පුණ්‍ය ක්‍රියා මහත් ඵල මහානිශංසදායක ය යි පවසා ආශංසනයකින් සිය දේශය අවසන් කළෝ ය. එහි අවසාන වචන මෙ සේ ය: ‘අහසට දැමූ ගල් කැටයක් නැවත පොළොවට පෙරළා එන්නේ යම් සේ ද එ සේ ම ඔබ කළ පින් මහිමයෙන් ඔබ ඊළඟ බුද්ධෝත්පාද කාලයෙහි ඉපිද ඉෂ්ට විපාක ලැබීම එකාන්ත ය.’ නිලමේ හා භික්ෂූන් වහන්සේ අතර පැවැත්ම සානුකම්පිත හා උදාර විය. මෙ තෙක් දණ බිම ඔබා සිටි නිලමේ නැගිට සෝවර්ස් මහතා දෙසට හැරී, ‘ම-ගේ අවසන් පින්කමෙන් ලත් පිනින් කොටසක් ඔබට අනුමෝදන් කරවමි’ කියා ඉණේ ඔතාගෙන සිටි තුප්පොට්ටිය ගලවා මාලිගාවට පූජා කොට එය අපිරිසුදු වැරහැල්ලක් නමුත්, ‘මා සන්තක එක ම වස්තුව මෙය නිසා එය පිදීමෙන් ලත් පින අඩු නො‍ වේ’ ය යි සරදම් සහගත ව පැවසී ය. ඉනික්බිති වද බිමට තමා හා කැටුව එන ලෙස සෝවර්ස් මහතා ගෙන් ඉල්ලා සිටි නමුත් ඒ ඉල්ලීම කාරුණික හා විනීත ලෙස ප්‍රතික්ෂේප කරන ලදී.

මඩුගල්ලේ වන්දනාමානාදිය පැවැත්වූයේ ද මෙයට සමාන ලෙසිනි. ඔහු යුද්ධ භූමියෙහි දී අභීත ලෙස ක්‍රියා කළ නමුත් මේ අවස්ථාවේ දී බලවත් සේ කැළඹිණි. භික්ෂූන් වහන්සේ පුණ්‍යානුමෝදනාව නිම වූ ඔහු වැඩ හිඳින ගබඩාවට පැන දළදා වහන්නේසේ ගේ නාමයෙන් සමාව ඉල්ලා සිටියේ ය. සහකාර මුලාදෑනි ලයිතන් මැකන්සි මුරකරුවන් කීප දෙනකු ගේ සහාය ඇති ව ඔහු කරඬුවෙන් මෑතට ඇදගත්තේ ය. උදාර ස්ථිරසාර භාවයෙන් හා ශාන්ත භාවයෙන් හැසුරුණු කැප්පෙටිපොළ, තම සගයා ගේ නියාලුකම ගැන අතිශයින් මවිත ව, ‘මඩුගල්ලේ මෝඩයකු ලෙස ක්‍රියා කළේ ය’යි සන්සුන් ලෙස පැවසි ය. ඉන් පසු කැප්පෙටිපොළ ස්ථිර හා තැන්පත් ලෙස සෝවර්ස් මහතාට අතට අත දී සමුගත්තේ ය.

සිරකාරයෝ දළදා මාලිගාවට සැතැපුමක් පමණ ඈතින්, බෝගම්බර වැව අසල පිහිටි වධකස්ථානයට කැඳවාගෙන යන ලද හ. මෙහි දී වතුර සපයන ලෙස හිරකාරයන් ඉල්ලා සිටින ලදුව එ සේ කැරිණි. ආගමික වතාවත් සඳහා සුළු වේලාවක් ඉඩ දෙන ලෙස කැප්පෙටිපොළ ආයාචනය කෙළෙන් එයට අවස්ථාව සලසන ලදි. හිරකාරයෝ මුහුණු හා අත් දෝවනය කළ හ. මෙයිනික්බිති කැප්පෙටිපොළ තම හිස කෙස් කොණ්ඩයක් කොට බැඳ කුඩා පඳුරක් ළඟ වාඩි වෙමින් එය පා ඇඟිලිවලින් අල්ලාගත්තේ ය. ඔහු ඉණ රෙදි පට අතරින් කුඩා බණ පොතක් ගෙන ගාථා කීපයක් කියවා එය එහි ස්වදේශික නිලධරයකුට දෙමින් (සෝවර්ස් මහතා රජයේ ඒජන්ත තැන හා කැප්පෙටිපොළ ඌව දිසාවේ ලෙස) බදුල්ලේ සේවය කළ කාලයේ දී තමන්ට දැක් වූ මිත්‍රත්වය හා කාරුණ්‍යය පිළිබඳ කෘතඥතා පූර්වක ලකුණක් වශයෙන් එය සෝවර්ස් මහතාට දෙන ලෙස කී ය.

නිලමේ පාලි ගාථා ගයමින් සිටිය දී වධකයා තියුණු කඩු පහරක් බෙල්ල පිටි පසට ගැසී ය. ඒ මොහොතේ දී අරහං යන වචනය ඔහු ගේ මුවින් පිට විය. මෙය බුදුනට යෙදෙන නමෙකි. දෙ වැනි පහරින් ප්‍රාණය නිරුද්ධ ව මෘත කලේබරය වැටුණේ ය. ඔහුගේ හිස කඳින් වෙන් කොට උඩරට සිරිත අනුව ළය මත තබන ලදි. 

මඩුගල්ලේ දිගට ම දැක්වූයේ බියසුලුකමකි. ඔහුට තම හිස කෙස් බැඳ ගත නොහැකි වූයෙන් එය කරන ලද්දේ හිරගෙදර කන්කානම විසිනි. ඔහු ගේ මුහුනේ මාංශ පේශීන් ගේ කම්පනයෙන් හිතේ කැළඹිල්ල ප්‍රකාශ විය. එක පහරින් මරන ලෙස ඉතා ඕනෑමින් ඉල්ලා සිටි ඔහු අවසානයේ අරහං යන වචනය උච්චාරණය කෙළේ ය. තම හිස ඉදිරියට නැවීමට චිත්ත ධෛර්යයක් නොවූ නිසා ඔහුගේ හිස වධකයකු විසින් අල්ලා ගන්නා ලදී. පළමු වැනි කඩු පහරින් පසු ඔහු පස්සට වැටුණේ ය. එහෙත් ප්‍රාණය නිරුද්ධ වී නොතිබුණු නිසා තවත් පහරක් ගසන ලදි.

කැප්පෙටිපොළ‍ ගේ හිස් කබල ග්‍රන්ථ කර්තෘ විසින් එඩින්බරෝ නගරයේ කපාල ලක්ෂණ විද්‍යා සංගමයේ කෞතුකාගාරයට පරිත්‍යාග කරන ලදි.

මොනරවිල කැප්පෙටිපොළ ගේ හිස් කබල

කැප්පෙටිපොළ ගේ ඉරණම ඇතැම් කරුණු අතින් ස්කොට්ලන්තයේ ජනප්‍රිය වීරයා වූ සර් විලියම් වොලස් ගේ ඉරණමට සමාන ය. තම රටේ නිදහස පතා ඔහු දැරූ ප්‍රයත්න හා විඳි දුක් පිළිබඳ කෙටි සටහනක් මෙහි ඇතුළත් කිරීම අනුචිත නො වේ. දහතුන් වැනි සියවසෙහි අවසාන භාගයේ දී එංගලන්තයේ පළමු වැනි එඩ්වර්ඩ් රජ ස්කොට්ලන්තයේ වැදගත් සියල්ල ම පාහේ නතු කරගෙන, ස්කොට්ලන්තය තමනට නීත්‍යනුකූල ව හිමි ය යි, එහි ආධිපත්‍යය තමන් වෙත ආරෝපණය කොටගත්තේ ය. රටවැසියෝ වැඩි කල් යන්නට පළමු ඉංග්‍රීසි වියගහ (පාලනය) පිළිබඳ බද්ධ වෛරයක් දක්වන්නට වූවාහූ නින්දා සහගත යටත් වීමකට වඩා උදාර එහෙත් අතිදුෂ්කර යුද්ධයක් යහපතැ යි සැලකූ හ. උඩරට සංග්‍රාමෝපායයන් අනුගමනය කළ ස්කොට් වැසියෝ රංචු හා කණ්ඩායම් වශයෙන් සංවිධානය වී වනගහන, කඳ හා ගිරිකඳුරු සහාය කොටගෙන ඉංග්‍රීසි බලයට විරුද්ධ ව කැරලිකෝලාහලයකට සූදානම් වූ හ. ඉංග්‍රීසිනට විරුද්ධ කැලෑ යුද්ධයෙහි දිගු කලක් යෙදුණු සර් විලියම් වොලස් කැරැල්ලේ පිළිගත් නායකයා බවට පත් වූයේ එඩ්වර්ඩ් රජු විසින් ස්කොට්ලන්තයට යවන ලද මුළු යුද්ධ සේනාවට විරුද්ධ ව උදාර සටනක් කෙළේ ය. සතුරන් අතට අසු වුණු ඔහු ගේ භාර්යාව ලනාර්ක්, කෝරලය භාර ඉංග්‍රීසි නිලධර තැන ගේ නියමය පරිදි ම්ලේච්ඡ ලෙස මරන ලද්දී ය. අන්තයේ දී තම රටවාසීන් කීප දෙනකු විසින් වොලස් ද්‍රෝහ ලෙස ඉංග්‍රීසින්ට පාවා දෙන ලදි. ඔහු වහා ලන්ඩන් නගරයට ගෙන යනු ලැබ වෙස්ට්මිනිස්ටර්හි දි ඔහුට විරුද්ධ නඩුව විභාග කරන ලදි. ඔහුට විරුද්ධ චෝදනාව වූයේ රාජ්‍ය ද්‍රෝහත්වය යි .නගරවලට හා මාලිගාවලට පහර දී කොල්ල කා ලේ ගංගා ගැලීමට සලස්වන ලදැ යි චෝදනා කැරිණි. ‘මම කිසි කලෙක ද්‍රෝහියකු නො වීමි’ යි වොලස් පිළිතුරු දුන්නේ ය. ඔහු ඉතිරි චෝදනා පිළිගත්තේ ය. වැරැදිකරු වූ ඔහු මරණයට නියම කරන ලදි. 1305 අගෝස්තු මස 23 වැනි දින අසුන් ගේ වල්ගාවල බැඳ වධකස්ථානයට ඇදගෙන යනු ලැබූ ඔහු උස් එල්ලුම් ගසක එල්ලන ලදි. ප්‍රාණය නිරුද්ධ වීමට පෙර ඔහු ගේ බඩවැල් එළියට ගෙන ඔහුගේ ඇස් ඉදිරිපිට ම පුලුස්සා හිස ගසා දමන ලදි. එයිනික්බිති ඔහු ගේ සිරුර හතරට කපන ලදි. ඔහු ගේ දකුණු අත නිව්කාසල් නුවර ද වමත බර්පික් නුවර ද තබන ලද්දේ ය. (සිංහලේ - 233-237 පිටු)

මෙම විස්තරය උපුටා ගන්නා ලද්දේ ඉංග්‍රීසි යුද හමුදාවේ ශල්‍ය වෛද්‍යවරයකු වූ හෙන්රි මාර්ෂල් ගේ Ceylon, A General Description of the Island and It’s Inhabitants with A Historical Sketch of the Conquest of the Colony by the English (1846) නමින් ලියා ඇල්ලෙපොළ එච්. ඇම්. සෝමරත්න විසින් ‘සිංහලේ’ නමින් සිංහලයට පරිවර්තනය කර ඇති ඓතිහාසික කෘතියෙනි. හමුදා ශල්‍ය වෛද්‍ය ග්‍රන්ථ ගණනාවක් රචනා කළ ‍වෛද්‍ය හෙන්රි මාර්ෂල් ලියූ එකම වෙනස් ග්‍රන්ථය මෙය යි. ‘සිංහලේ’ විසිදුනු ප්‍රකාශනයකි.

Comments

Popular posts from this blog

වත්මන් ළමා ගී පරපුරේ ආරම්භකයා - ශී‍්‍ර රූපදේව කවීන්ද්‍ර ආනන්ද රාජකරුණා

‘රෝස මලේ නටුවෙ කටූ - වන බමරෝ ඔහොම හිටූ
නටුව නොවේ මල සිඹිමී - මම ළමයෝ පැණි උරමී’

යනුවෙන් ළමයකුත්, වන බමරකුත් අතර සංවාදයක් ආකාරයෙන් ලියා ඇති කුඩා කවිය අදත් අපේ දරුවන් අතරත් වැඩිහිටියන් අතරත් එකසේ ජනපි‍්‍රය ළමා කවකි. ළමයින්ට කවි ලිවීම අරභයා ආනන්ද රාජකරුණා (1885-1957) කවියා දැක්වූ දක්ෂතාව මැන ගැනීමට එම කව ම ප‍්‍රමාණවත්ය. ළමයින් සඳහා විවිධ මට්ටමේ කව් රැසක් ආනන්ද රාජකරුණා විසින් අපේ ළමා පරපුරට දායාද කර තිබේ.


කි‍්‍ර.ව. 1885 ජනවාරි 7 වැනිදා ගාල්ලේ මහදම්පාගම රාල්ලාගේ වත්තේ දී උපන් ඔහුගේ උපත් නාමය ‘ඇල්ෆ්‍රෙඞ්’ වුවද ඔහු පසු කලෙක ඒ වෙනුවට ‘ආනන්ද’ නාමය යොදා ගත්තේය. ගම්මුලාදෑනි මෙන්ම ගමේ වෙද මහතා ද වූ විජය වර්ණකුල චාර්ල්ස් තාබ්‍රෙව් රාජකරුණා ඔහුගේ පියාය. මව හෙලේනා ද ලිවේරා කරුණාරත්න වූවාය. ඔහු පස් හැවිරිදි කල මුලින්ම සිංහල උගන්වන ලද්දේ මවගේ සොහොයුරා වූ ජෝශප් ද ලිවේරා කරුණාරත්න විසිනි.

අකුරල සිංහල පාසලෙන් මූලික අධ්‍යාපනය ලැබූ ඔහු මාදම්පේ මිෂනාරි පාසලින් ඉංගී‍්‍රසි අධ්‍යාපනය ලැබීය. ඉන්පසු පූජ්‍ය මාදම්පේ ධම්මතිලක හිමියන් වෙතින් සිංහල බස වැඩිදුර උගත්තේය. සිරි සුමන වංශාලංකාර පේමරතන හිමියන්ගෙන් පාලි හා…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. නවසීලන්තයේ මුහුදේදි ගත්තු එකක්.


නවසීලන්තයෙන් මාළු අල්ලන්න මූදු ගිය බෝට්ටුක හිටි ධීවරයකුගෙ කැමරාවට තමයි මේ පින්තූරය අහුවුණේ. ඔහුට අහුවුණු මාළුවා අත අරින්න සිද්ධ වුණා. ඒත් ඔහු අල්ල ගත්තු ‘ගොදුර’ නරක නෑනේද? ඒ ගොදුරට මිනීමරු සුදු මෝරුන් දෙදෙනකුම අහුවෙලා!

මේ පින්තූරය ලෝක ප‍්‍රකට විද්‍යාඥ චාල්ස් ඩාවින්ගේ පරිණාමවාදයේ එන උචිතෝන්නති නියමය, ඒ කියන්නේ සත්ව ලෝකයේ දී ශක්තිවන්තයා ඉතිරි වෙනවා (survival of the fittest) යන න්‍යාය ඔප්පු කළ අවස්ථාවක් හැටියට දක්වන්න පුළුවන්.

නවසීලන්තයේ කයිටෙරිටෙරී අසල මුහුදේ දී අල්ලන ලද සෑහෙන පමණ විශාල මේ මෝරා ඒ මොහොතේම එහි ආ තවත් ඊට වඩා විශාල මෝරකු විසින් ඩැහැ ගත් ආකාරය ඔහු විසින් කැමරාවට නගා තිබුණා.

පරිගණක කී‍්‍රඩාවක එන රාක්ෂයකු වූ මැන්කියුබස් (Mancubus) නමින් තමයි, මේ ඡායාරූපය අන්තර්ජාලයට මුදා හැර තියෙන්නෙ.

ඒ ධීවරයාට තමා ඇල්ලූ මෝරා බෝට්ටුව මතට ඇද ගන්න වෙලාවක් තිබුණෙ …

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

මැලේසියානු ගුවන් සේවයට අයත් බෝයිං 777 එම්.එච්. 370 මගී යානය අබිරහස් ලෙස අතුරුදන් වූයේ ඉකුත් 8 වැනිදා මැලේසියානු වේලාවෙන් මධ්‍යම රාති‍්‍ර 12.21 ට පමණය. ඒ අවස්ථාවේදී යානය චීනයේ බීජීං නුවර බලා පියාසර කරමින් තිබුණේය. ඒ මොහොතේ සිට ආරම්භ කළ සෝදිසි මෙහෙයුම් තවමත් අවසන් නැත.

දැනට හෙළිදරවු වී තියෙන්නේ සොරකම් කළ පාස්පෝට් දෙකකින් දෙදෙනකු ඒ යානයේ ගමන් කර තිබෙන බවයි. ඒ පාස්පෝට්වල සැබෑ අයිතිකරුවන් නිරුපද්‍රිතව ඉන්නා බව බලධාරීන්ට දැනටමත් දැනුම් දී තියෙනවා.


ඒ අතර වියට්නාමයේ නාවික හමුදාව සොයා ගෙන තියෙනවා මහමුහුද මැද සැතැපුම් 12ක් දිග තෙල් පැල්ලමක්! එය එම්එච්370 මැලේසියානු මගී ගුවන්යානය කඩා වැටීමෙන් ඇති වූවක් කියලා දැනට සැක කරනවා. යානයේ ඇති සෙල්ෆෝන් කීපයක් නාද වෙන බව සොයා ගෙන තියෙනවා. ඒ ඔස්සේ යානය වැටුණු තැන සොයා ගන්නයි, දැන් වෑයම් කරන්නේ.


යානයක් ගිනිගෙන අහ…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට …

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!
මේ වාසනාවන්ත අත්දැකීම ලැබුවේ ඇමරිකාවේ ඇරිසෝනාවේ ග්ලෙන්ඬේල්හී ඇලිසියා හා රැන්ඩි ඇට්කින්ස් යුවලයි. 2012 අවුරුද්දේ ඔක්තෝබර 9 වැනිදා ඇලිසියා සිය දියණිය, බිහි කරන්නට රෝහල් ගත වී සිටියා. සිසේරියන් සැත්කමකින් තමයි දියණියගේ ප‍්‍රසූතිය සිද්ධ කෙරුණේ. කුඩා බිලිඳිය මව කුස තුළින් මෙලොව එළිය බලන්නට එම සැත්කම කළ වෛද්‍යවරයා උදවු කරද්දී ඇය ඔහුගේ ඇඟිල්ලෙන් අල්ලා ගත් හැටි ඇගේ පියා විසින් ඡායාරූපයට නඟා තියෙනවා.

මේ පිළිබඳව එදා ඒ මොහොතේ ඔවුන් එය ලෝකයට ප‍්‍රකාශ කළේ නැහැ. දියණියට මාස තුනක් වන තෙක් රහසක් වශයෙන් තබා ගෙන සිටි ඒ ඡායාරූපය මුහුණු පොතට එක් කළේ ගිය සතියේයි. හරියටම මාස තුනක් පිරුණ දායි.

ඇට්කින්ස් යුවල ‘3ටීවී’ රූපවාහිනී ආයතනයේ ප‍්‍රවෘත්ති වැඩසටහනකට විත් ඒ ගැන මෙසේ අදහස් පළ කළා. පියා කී…

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

2013දී පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් පාකිස්ථාන අසල මුහුදේ අලූත් දූපතක් මතු වුණා.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.
මේ පින්තූර නාසා ආයතනයේ පෘථිවි නිරීක්ෂණ චන්ද්‍රිකා - 1 හා ලැන්ඞ් සැට් 8 චන්ද්‍රිකාවලින් ඒ දූපත මතු වුණු දවස්වල ගත්තු ඒවායි.

දූපත වටේට ඇති ළා කොළ හා තඹ පැහැති කොටස්වලින් පෙනෙන්නේ මුහුදේ නොගැඹුරු බව හෝ අවට ඇති අවසාදිත තට්ටුවයි.

මේ අලූත් දූපත මතු වූ හරියේ ගැඹුර මීටර් 15ත් 20ත් අතර වෙනවා. මෙහෙම කියන්නේ පාකිස්ථානය…