Skip to main content
malkakulu_youtube_page malkakulu_facebook_page

බලන් කඩතුරා හැර දෑසේ ! නව කොරෝනා හෙවත් කෝවිඩ් 19 ඇවිත් ලෝකය තුළ කළ මහ පෙරළිය

නව කොරෝනා හෙවත් කෝවිඩ් 19 ඇවිත් ලෝකය තුළ මහ පෙරළියක් කළා. රටවල් 200කට ආසන්න ගණනක් මේ අකර්මන්‍ය වීමට එක් වුණා. පාසල් හා විශ්ව විද්‍යාල වසා දැමුණා. කඩ සාප්පු වසා දැමුණා. කර්මාන්ත ශාලා වසා දමනු ලැබුවා. මහ මග රථවාහන ගමනාගමනය නවතා දැමුණා. ගුවන් තොටුපොළ වසා දැමුණා. නිවැසියන්ට නිවෙස්වලින් එළියට බසින්නට තහනම් කෙරුණා. රැකියාව පවා නිවසේ සිට කරන්නැයි අණ කෙරුණා. රැස්වීම් දෙදෙනෙකුට සීමා කෙරුණා. රට තුළ සෞඛ්‍ය කටයුතු, අත්‍යවශ්‍ය සේවාවන් හැර අනෙක් සියලු කටයුතු නවතා දමනු ලැබුවා. සෑම අයකුටම අනික් තැනැත්තාට මීටරයක් දුරින් සිටීමට නියම කෙරුණා.


මේ ලොක්ඩවුන් කිරීම නිසා හිතන්න බැරි වාසියක් වෙනත් අතකින් සිදුවෙලා තියෙනවා. ඒ පරිසරය පිරිසිදු වීමයි. සමහර නගරවලට ඉහළින් ඇති ආකාශ නිල් පැහැ ගැන්විලා. කැපී පෙනෙන පිරිසිදු කමක් චීනයේ හුබෙයි පළාත අවට පරිසරයේ දක්නට ලැබෙනවා.

ඉන්දියාවේ දිල්ලි නගරයේ පරිසරය වසාගෙන ඇති දුමාරයත් පහව ගිහින්. අවට හොඳට පැහැදිලිව පෙනෙනවා. ඒ වගේම හිමාලය ආසන්න ඉන්දියාවේ පන්ජාබයේ වැසියන්ට මෙතුවක් කලක් ඔවුන් නුදුටු හිමාල කඳුවැටිය පැහැදිලිව දැක ගන්න පුළුවන්.


ඉන්දියාවේ දිල්ලි නගරයේ පරිසර දූෂණය එදා සහ වෙනස

ඉතාලියේ වැනීසියේ ඇළ මාර්ගවල අද ගොන්ඩෝලා ‍ඔරු යාම නතර වෙලා. ඒවායේ පතුල පෙනෙන තරම් ජලය පිරිසිදුයි. කලෙකට පසු ඩොල්පින් ඇතුළු වෙනත් මසුන් නිදහසේ පීනනවා. හංසයන් නැවත පැමිණ පරිසරය අලංකාර කරනවා. ඒ අලංකාරය දැක ගන්න පිරිස් නැහැ. ඔවුන් නිවෙස්වලට කොටු වෙලා, කොරෝනාව නිසා.

චීනයේ පාරිසරික හා පාරිසරක විද්‍යා අමාත්‍යාංශයට අනුව ගිය අවුරුද්දේ පෙබරවාරි මාසයේ පැවති තත්වයට වඩා මේ වසරේ පෙබරවාරි මාසයේ වසා තිබුණු දින ගණනාව තිස්සේ වායුගෝලය පිරිසිදු වීමත් සමග පරිසරයේ පවිත්‍රතාව 21.5%කින් ඉහළ නැංවී තිබෙනවා.

චීනයේ පරිසර දූෂණය අඩු වූ අයුරු එදා සහ අද සසඳන්න. (වර්ණයෙන් දැක්වෙන්නේ පරිවර්තීගෝලීය නයිට්‍රජන් ඔක්සයිඩ් ඝනත්වයයි)

මෙය හුබෙයි පළාතට විතරක් සීමා වූවක් නෙවෙයි. යුරෝපා අභ්‍යවකාශ ඒජන්සිය ඇමෙරිකාවේ නාසා ආයතනය මගින් නිකුත් කළ චන්ද්‍රිකා ඡායාරූපවලට අනුව පසුගිය ජනවාරි හා පෙබරවාරි අතර මාසවල චීනයේ වූහාන් ඇතුළු අනෙක් ප්‍රධාන නගරවල යාන වාහනවලින්, විදුලි බලාගාරවලින්, කර්මාන්තශාලා ආදියෙන් නිකුත් වී වායුගෝලයට එක්වන නයිට්‍රජන් ඩයොක්සයිඩ් වායුව ඉතා විශාල ලෙස අඩු වෙලා තියෙනව බව පැහැදිලිවම පෙනෙනවා. මහා පරිමාණයේ කර්මාන්තශාලාවලට ඉහළින් අහසේ දක්නට ලැබුණු විෂ සහිත වලාවන් සම්පූර්ණයෙන් ම වාගේ අතුරුදන්ව ගිහින්.

‘‍එකවර ම විශාල ප්‍රදේශයක මේ තරම් පැහැදිලිව පරිසර දූෂණය අඩු වීමක් මම නම් කිසිදාක දැකලා නැහැ.’ ඇමෙරිකානු නාසා ආයතනයේ ගොඩාඩ් අභ්‍යනාශ පියාසර මධ්‍යස්ථානයේ වායු තත්ව පර්යේෂකයකු වූ ෆෙයි ලියු කියනවා. ‘මං පුදුම වෙන්නේ නැහැ, වෛරසය ව්‍යාප්ග වීම වැළැක්වීමට චීනය පුරා නගර ගණනාවක් ම ගනු ලැබූ පියවර නිසයි මේ තත්වය ඇති වී තියෙන්නේ’

චීනයේ වූහාන්හි පරිසර දූෂණය අඩු වූ අයුරු එදා සහ අද සසඳන්න. (වර්ණයෙන් දැක්වෙන්නේ පරිවර්තීගෝලීය නයිට්‍රජන් ඔක්සයිඩ් ඝනත්වයයි)

කාබන්ඩයොක්සයිඩ්වලත් ඒ විදියෙ රටාව වෙනස්වීමක් වෙලා තියෙනවා. ඒ ගල් අඟුරු වගේ දේවල් දැවීමෙන් විමෝචනය වන කාබන් ඩයොක්සයිඩ් ප්‍රමාණය අඩු වීම නිසා කොරෝනා වෛරසය පාලනය කිරීම සඳහා ගත් ක්‍රියාමාර්ග නිසා පෙබරවාරි 3ත් මාර්තු 1 ත් අතර කාබන්ඩයොක්සයිඩ් විමෝචනය අවම තරමින් 25%කින් විතර අඩු වෙලා තියෙන බව පැහැදිලිව පෙනෙන බවයි බලශක්තිය හා පිරිසිදු වාතය පිළිබඳ පර්යේෂණ මධ්‍යස්ථානය හෙවත් CREA ආයතනය සඳහන් කරන්නේ.

ලෝකයේ ලොකුම පරිසර දූෂකයා වශයෙන් සැලකෙන චීනය තමයි වසරක් පාසා ලෝකයේ කාබන්ඩයොක්සයිඩ් විමෝචනයෙන් 30%ක් නිකුත් කරන්‍නේ. ඉන් සියයට 25ක් අඩු වෙනවා කියන්නේ විස්මිත අඩු වීමක්, කෙටි කාලයකට හෝ මෙවැනි විශාල අඩුවීමක් කියන්නේ ලොකු බලපෑමක් ඇති කරන ඉතා හොඳ දෙයක්. ඇස්තමේන්තු කර ඇති ආකාරයට අනුව එය එක්සත් රාජධානිය වසරකදී විමෝචනය කරන සම්පූර්ණ කාබන් ඩයොක්සයිඩ් ප්‍රමාණයෙන් හරි අඩකට, එනම් ටොන් මිලියන 200කට සමානයි.

‘මේ පැහැදිලි වෙනස අපට එක රැයෙන් ම පරිසරය තුළින් දැක ගත හැකි වීම විස්මිතයි!’ ලෝරි මිලිවර්ටා කියනවා. ඇය CREA ආයතනයේ විශ්ලේෂණ කටයුතුවල යෙදෙන විශේෂඥවරියක්.

චීනය වූහාන් නගරය ලොක්ඩවුන් කළේ කොරෝනා වෛරසයේ පැතිරීම පාලනය කිරීමට වුවත් ඉන් එරට පරිසර දූෂණයේ විශාල වෙනසක් ඇති කළා. මෙය චීනය අනුව යමින් මේ පියවරම ගත් ලොව සියලුම රටවලත් වායු දූෂණය මේ අයුරින් ම නිසැකවම අඩුවෙන්නට ඇති.

ඒ විතරක් නොවෙයි, තෙල් හා වානේ නිෂ්පාදනය අඩු වීම, අභ්‍යන්තර ගුවන්ගමන් 70%කින් අඩු වීම, වායු දූෂණයට තුඩු දෙන විමෝචන අඩු වීම උපකාර වූ බව CREA ආයතනය සඳහන් කරනවා. ඒ ආයතනය පවසන ආකාරයට වැඩිම බලපෑම සිදුවන්නේ ගල් අඟුරුවලින් බවයි.

චීනය තමයි සමස්ත ලෝකයේ ම ලොකුම ගල් අඟුරු නිෂ්පාදකයා. ඒ වගේ ම භාවිත කරන්නා. 2018 දී චීනය එරට බල ශක්ති සැපැයුම වෙනුවෙන් සිය ගල් අඟුරු නිෂ්පාදනයෙන් 59%ක් වැය කරලා තියෙනවා. බලශක්ති නිපදවන යන්ත්‍රසූත්‍ර මෙන් ම මහා පරිමාණයේ කර්මාන්තශාලා ක්‍රියාත්මක කිරීමට ගල් අඟුරු යොදා ගනු ලැබුවා. ඒ වගේ ම චීනය පුරා ග්‍රාමීය ප්‍රදේශවල මිලියන ගණනක් නිවාස උණුසුම් කරන්නට යොදා ගනු ලබන්නේද ගල් අඟුරුයි. කර්මාන්තශාලා වසා දැමීමෙන් පසු විදුලි බල අවශ්‍යතාව විශාල ලෙස අඩු වීම නිසා වායුගෝලය අපිරිසිදු වීම ද කැපීපෙනෙන සේ අඩු වී තිබෙනවා.

කොවිඩ් 19 අභියෝගය ජයගත් පසු මාස ගණනාවක් වැඩ නතර වීමෙන් සිදු වූ ආර්ථික පසුබෑම පැවති තත්වයට ගෙන ඒමට චීනය නිෂ්පාදන කටයුතු වේගවත් කරන්නට යාමෙන් පරිසරය යළිත් පෙරටත් වඩා දූෂණයට ලක්වීමට ඉඩ තියෙනවා. ඒත් ඇස්පනාපිට ලද මේ පාඩමෙන් ප්‍රයෝජන නොගෙන ඉඳීවිය කියා සිතන්න බැහැ.

චීනයේ පමණක් නොව මේ වෙනස ලොව පුරා සෑම රටකම, සෑම නගරයකම දක්නට ලැබෙනවා. තවමත් කෝවිඩ් 19 අනතුර සම්පූර්ණයෙන්ම පහව ගිහින් නැහැ. ලෝකය මේ අභියෝගය ජය ගන්න තවත් කලක් යාවි. ඒ වන විට පරිසරයේ පවිත්‍රතාව තවතවත් වැඩි වේවි. මෙය අවසන් වූ පසු නැවතත් පරණ තත්වයටම යාම නවත්වා ගන්නට ලෝකය පුරා පරිසරවේදීන්ට එක්වී විශාල වැඩ කොටසක් කරන්න සිදු වේවි.



Comments

Popular posts from this blog

වත්මන් ළමා ගී පරපුරේ ආරම්භකයා - ශී‍්‍ර රූපදේව කවීන්ද්‍ර ආනන්ද රාජකරුණා

‘රෝස මලේ නටුවෙ කටූ - වන බමරෝ ඔහොම හිටූ
නටුව නොවේ මල සිඹිමී - මම ළමයෝ පැණි උරමී’

යනුවෙන් ළමයකුත්, වන බමරකුත් අතර සංවාදයක් ආකාරයෙන් ලියා ඇති කුඩා කවිය අදත් අපේ දරුවන් අතරත් වැඩිහිටියන් අතරත් එකසේ ජනපි‍්‍රය ළමා කවකි. ළමයින්ට කවි ලිවීම අරභයා ආනන්ද රාජකරුණා (1885-1957) කවියා දැක්වූ දක්ෂතාව මැන ගැනීමට එම කව ම ප‍්‍රමාණවත්ය. ළමයින් සඳහා විවිධ මට්ටමේ කව් රැසක් ආනන්ද රාජකරුණා විසින් අපේ ළමා පරපුරට දායාද කර තිබේ.


කි‍්‍ර.ව. 1885 ජනවාරි 7 වැනිදා ගාල්ලේ මහදම්පාගම රාල්ලාගේ වත්තේ දී උපන් ඔහුගේ උපත් නාමය ‘ඇල්ෆ්‍රෙඞ්’ වුවද ඔහු පසු කලෙක ඒ වෙනුවට ‘ආනන්ද’ නාමය යොදා ගත්තේය. ගම්මුලාදෑනි මෙන්ම ගමේ වෙද මහතා ද වූ විජය වර්ණකුල චාර්ල්ස් තාබ්‍රෙව් රාජකරුණා ඔහුගේ පියාය. මව හෙලේනා ද ලිවේරා කරුණාරත්න වූවාය. ඔහු පස් හැවිරිදි කල මුලින්ම සිංහල උගන්වන ලද්දේ මවගේ සොහොයුරා වූ ජෝශප් ද ලිවේරා කරුණාරත්න විසිනි.

අකුරල සිංහල පාසලෙන් මූලික අධ්‍යාපනය ලැබූ ඔහු මාදම්පේ මිෂනාරි පාසලින් ඉංගී‍්‍රසි අධ්‍යාපනය ලැබීය. ඉන්පසු පූජ්‍ය මාදම්පේ ධම්මතිලක හිමියන් වෙතින් සිංහල බස වැඩිදුර උගත්තේය. සිරි සුමන වංශාලංකාර පේමරතන හිමියන්ගෙන් පාලි හා…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. නවසීලන්තයේ මුහුදේදි ගත්තු එකක්.


නවසීලන්තයෙන් මාළු අල්ලන්න මූදු ගිය බෝට්ටුක හිටි ධීවරයකුගෙ කැමරාවට තමයි මේ පින්තූරය අහුවුණේ. ඔහුට අහුවුණු මාළුවා අත අරින්න සිද්ධ වුණා. ඒත් ඔහු අල්ල ගත්තු ‘ගොදුර’ නරක නෑනේද? ඒ ගොදුරට මිනීමරු සුදු මෝරුන් දෙදෙනකුම අහුවෙලා!

මේ පින්තූරය ලෝක ප‍්‍රකට විද්‍යාඥ චාල්ස් ඩාවින්ගේ පරිණාමවාදයේ එන උචිතෝන්නති නියමය, ඒ කියන්නේ සත්ව ලෝකයේ දී ශක්තිවන්තයා ඉතිරි වෙනවා (survival of the fittest) යන න්‍යාය ඔප්පු කළ අවස්ථාවක් හැටියට දක්වන්න පුළුවන්.

නවසීලන්තයේ කයිටෙරිටෙරී අසල මුහුදේ දී අල්ලන ලද සෑහෙන පමණ විශාල මේ මෝරා ඒ මොහොතේම එහි ආ තවත් ඊට වඩා විශාල මෝරකු විසින් ඩැහැ ගත් ආකාරය ඔහු විසින් කැමරාවට නගා තිබුණා.

පරිගණක කී‍්‍රඩාවක එන රාක්ෂයකු වූ මැන්කියුබස් (Mancubus) නමින් තමයි, මේ ඡායාරූපය අන්තර්ජාලයට මුදා හැර තියෙන්නෙ.

ඒ ධීවරයාට තමා ඇල්ලූ මෝරා බෝට්ටුව මතට ඇද ගන්න වෙලාවක් තිබුණෙ …

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

මැලේසියානු ගුවන් සේවයට අයත් බෝයිං 777 එම්.එච්. 370 මගී යානය අබිරහස් ලෙස අතුරුදන් වූයේ ඉකුත් 8 වැනිදා මැලේසියානු වේලාවෙන් මධ්‍යම රාති‍්‍ර 12.21 ට පමණය. ඒ අවස්ථාවේදී යානය චීනයේ බීජීං නුවර බලා පියාසර කරමින් තිබුණේය. ඒ මොහොතේ සිට ආරම්භ කළ සෝදිසි මෙහෙයුම් තවමත් අවසන් නැත.

දැනට හෙළිදරවු වී තියෙන්නේ සොරකම් කළ පාස්පෝට් දෙකකින් දෙදෙනකු ඒ යානයේ ගමන් කර තිබෙන බවයි. ඒ පාස්පෝට්වල සැබෑ අයිතිකරුවන් නිරුපද්‍රිතව ඉන්නා බව බලධාරීන්ට දැනටමත් දැනුම් දී තියෙනවා.


ඒ අතර වියට්නාමයේ නාවික හමුදාව සොයා ගෙන තියෙනවා මහමුහුද මැද සැතැපුම් 12ක් දිග තෙල් පැල්ලමක්! එය එම්එච්370 මැලේසියානු මගී ගුවන්යානය කඩා වැටීමෙන් ඇති වූවක් කියලා දැනට සැක කරනවා. යානයේ ඇති සෙල්ෆෝන් කීපයක් නාද වෙන බව සොයා ගෙන තියෙනවා. ඒ ඔස්සේ යානය වැටුණු තැන සොයා ගන්නයි, දැන් වෑයම් කරන්නේ.


යානයක් ගිනිගෙන අහ…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට …

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!
මේ වාසනාවන්ත අත්දැකීම ලැබුවේ ඇමරිකාවේ ඇරිසෝනාවේ ග්ලෙන්ඬේල්හී ඇලිසියා හා රැන්ඩි ඇට්කින්ස් යුවලයි. 2012 අවුරුද්දේ ඔක්තෝබර 9 වැනිදා ඇලිසියා සිය දියණිය, බිහි කරන්නට රෝහල් ගත වී සිටියා. සිසේරියන් සැත්කමකින් තමයි දියණියගේ ප‍්‍රසූතිය සිද්ධ කෙරුණේ. කුඩා බිලිඳිය මව කුස තුළින් මෙලොව එළිය බලන්නට එම සැත්කම කළ වෛද්‍යවරයා උදවු කරද්දී ඇය ඔහුගේ ඇඟිල්ලෙන් අල්ලා ගත් හැටි ඇගේ පියා විසින් ඡායාරූපයට නඟා තියෙනවා.

මේ පිළිබඳව එදා ඒ මොහොතේ ඔවුන් එය ලෝකයට ප‍්‍රකාශ කළේ නැහැ. දියණියට මාස තුනක් වන තෙක් රහසක් වශයෙන් තබා ගෙන සිටි ඒ ඡායාරූපය මුහුණු පොතට එක් කළේ ගිය සතියේයි. හරියටම මාස තුනක් පිරුණ දායි.

ඇට්කින්ස් යුවල ‘3ටීවී’ රූපවාහිනී ආයතනයේ ප‍්‍රවෘත්ති වැඩසටහනකට විත් ඒ ගැන මෙසේ අදහස් පළ කළා. පියා කී…

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

2013දී පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් පාකිස්ථාන අසල මුහුදේ අලූත් දූපතක් මතු වුණා.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.
මේ පින්තූර නාසා ආයතනයේ පෘථිවි නිරීක්ෂණ චන්ද්‍රිකා - 1 හා ලැන්ඞ් සැට් 8 චන්ද්‍රිකාවලින් ඒ දූපත මතු වුණු දවස්වල ගත්තු ඒවායි.

දූපත වටේට ඇති ළා කොළ හා තඹ පැහැති කොටස්වලින් පෙනෙන්නේ මුහුදේ නොගැඹුරු බව හෝ අවට ඇති අවසාදිත තට්ටුවයි.

මේ අලූත් දූපත මතු වූ හරියේ ගැඹුර මීටර් 15ත් 20ත් අතර වෙනවා. මෙහෙම කියන්නේ පාකිස්ථානය…