Skip to main content
malkakulu_youtube_page malkakulu_facebook_page

සිරුරෙන් එළිය විහිදුවන නවසීලන්තයේ ග්ලෝවර්ම්!

නවසීලන්තයේ සංචාරක සටහනක් ලියන්න පටන් ගත්තා. එහි මුල්ම සටහන දෙසැම්බර් 8 වැනිදා තැබූ බව ඔබට මතක ඇති. ඒ නවසීලන්තයේ ළමා සෙල්ලම් පිටියක ආකිමිඩීස් දඟරයක් යනුවෙන්. අද පළමුවැනි සංචාරය යන්නයි හදන්නේ. ඒ Whangarei කියන මේ රටේ වඩාත් උතුරෙන් පිහිටි ප්‍රධාන නගරයටයි. එහි නම සිංහලෙන් උච්චාරණය ලියන්නේ ‍‍ෆන්ගරේ කියලයි. මේ රටේ බහුලව ස්ථාන නාම යොදා ඇත්තේ මෙරට මුල් පදිංචිකරුවන්ගේ Maori භාෂාවෙහි එන වදන්වලින්, ඉංගිරිසි අකුරු යොදා ගෙනයි. ඒවා උසුරුවන හැටි හා ඒවා සිංහලෙන් ලියන හැටි සොයා බලන්න මට සිද්ධ වුණා. මුල් පදිංචිකරුවන් හඳුන්වන වදන ම'වුරි, මාවුරි හෝ මාඋරි කියල ලියන්න පුළුවන්. මාවුරි කට වහරක් නිසා ඒ වදන් ඉංග්‍රීසියෙන් ලිවීමෙන් කරුණු දෙකක් ඉටු වෙනවා. එකක් නාම පුවරු ලියන්න භාෂා දෙකක් අවශ්‍ය වන්නේ නැහැ. පොදුවේ හැමෝටම ඒවා කියවන්න පුළුවන්. අනෙක් අතට ස්වදේශිකයන්ට නිසි ගරුත්වයත් ලැබෙන නිසා සියලු ජනතාව අතර සංහිඳියාව ඇති වෙනවා.

පසුගියදාක මා මෙහි ප්‍රාථමික පාසලක ත්‍යාග ප්‍රදානෝත්සවයක් නරඹන්න ගියා. උත්සවය ආරම්භයේදී ඒ කුඩා දරුවන් ඉතා අලංකාර ලෙස රඟපාමින් නවසීලන්තයේ ජාතික ගීය ගැයුවා.  ඒවා භාෂා දෙකකින්, එනම් මාවුරි හා ඉංග්‍රීසි යන දෙබසින් ම එක විට ගායනය කිරීම එහි මා දුටු විශේෂත්වයක්. අනතුරුව විශේෂ අවශ්‍යතා ඇති දරුවන් ගැන සැකසුණු විශේෂ ගීයක් ද නවසීලන්ත සංඥා භාෂාවෙන් ගායනය කළා. එයින් කුඩා දරුවන් තුළ සහෝදර දරුවන් ගැන සුහද හැඟීමක් ඇති කෙරෙනවා. සංහිදියාව ඒ ආකාරයට කුඩාම කාලයේ සිට ඇති කළයුත්තක් ‍ලෙසයි මට එවේලේ හැඟුණේ.

ලෝකයේ වැඩිම ජන වර්ග ගණනක් එකම රටක ඉන්නවා නම් ඒ නවසීලන්ත‍යයි. මෙහි පිළිගත් ජන වර්ග 213ක් ඉන්නවා. ඒ රටවල් 196කින් ආ අයයි. ප්‍රධාන ජන වර්ග පහට නවසීලන්ත යුරෝපීයයන්, මාවුරිවරුන්, චීන ජාතිකයන්, සැමෝවාවරුන්, ඉන්දියානුවන් අයත් වෙනවා. මුලින් ම 13 සියවසේදි පොලිනීසියානු ජනයා මෙහෙ ආවා. ‍මෙහි ජනාවාස පිහිටුවා ගෙන නව ජනසමාජයක් හා නව සංස්කෘතියක් ඇති කළා. දැන් මෙහි ස්වදේශික ජනයා ලෙස සැලකෙන්නේ ඒ ප්‍රජාවයි. යුරෝපීයයන් ආවේ 18 වන සියවසේදියි. 2019 වන විට මෙහි ජනගහනය මිලියන 4.9ක්. ඔවුන් සියලු දෙනාම නවසීලන්ත ජාතිකයන් ලෙස එහෙම නැත්නම් කිවීස්ලා ලෙස සංහිඳියාවෙන් ජීවත්වෙනවා.

මුල්ම සංචාරය ලෙස අප යොදාගත්තේ ඕක්ලන්ඩ්වලින් උතුරින් පිහිටි ෆන්ගරේ නගරයට යන්නයි. පැය එකහමාරක විතර ගමනක් අපට යන්න තිබුණා. ඒ මග යෙදී තිබුණේ හරිත වර්ණයෙන් පිරුණු තුරුලතාවලින් ගහන සිත්කළු වටාපිටාවක් හරහායි. අතරින් පතර මිදි වතු, පලතුරු වතු දක්නට ලැබුණා. බැටළුවන් රංචු පිටින් සිටින වතුයායවල් දැක්කා. නවසීලන්තයේ බැටළු ගහනය මිලියන 27.3ක් ඉන්නවා. එය මෙහි ඉන්නා ජනගහනයට වඩා පස් ගුණයකටත් වැඩියි. තණ පිටිවල කිරි හරක් රංචු තණ කමින් සිටිනු පෙනුනා. මෙහි ගව සම්පත මිලියන හතරකටත් වැඩියි. තැනින් තැන අශ්වයන්ද රංචු දිව යන අයුරු දුටුවා. මේ එක ක්ෂීරපායී සතෙකුවත් මෙහි කලින් සිටියේ නැහැ. කලින් සිටි එකම ක්ෂීරපායී සත්වයා වවුලා විතරයි. මේ සියලුම සතුන්  මෙහි වරින් වර ආ සංක්‍රමණිකයන් විසින් ගෙන එන ලද අයයි.

කතාවෙන් කතාවෙන් අපි අපේ ගමනාන්තයට ආවා. ඒ ෆන්ගරේ නගරයට. එය වරාය නගරයක්. ලස්සන මුහුදු වෙරළ තීර රැසක් තියෙනවා. මෙය වෙරළ 100 නගරය කියා හැඳින්වෙන් ඒ නිසයි. මෙහි  අපි නරඹන්න ආ වයෝමියෝ ග්ලෝවර්ම් ලෙන්වලට අමතරව ලස්සන දිය ඇල්ලකුත් තියෙනවා.

මේ වගේ ග්ලෝවර්ම් ලෙන් ගණනාවක් නවසීලන්තයේ තියෙනව. කලින් වතාවක නවසීලන්තයට ආපු වෙලාවෙ  බෝට්ටුවෙන් ගිහින් බලන සුප්‍රසිද්ධ වයිටමෝ ලෙන් දැක තිබුණු හින්දා ඊට වඩා නිස්කලංකව බලන්න පුළුවන් එකකට යමු කීවාම පුතා අපව කැටුව ගියේ වයෝමියෝ ලෙන්වලටයි. එය කලින් හඳුන්වා ඇත්තේ කවිටි ලෙන් කියලයි.

ලෙන් දොරකඩදි මග පෙන්වන්නෙක් එක් වුණා. ඔහු  අප අතට ලන්තෑරුමක් දුන්නා. ලෙන් තුළ අඳුරු නිසා මග සොයා යන්න. එයා කියන විට එකවරම හැමෝම ලන්තෑරුම් නිවන්න කියලත් කිව්වා.  ලෙන් තුළින් යන මග ලී තරප්පු යොදා ගමන් පහසුව සලසා තිබුණා. යන අතර ඔහු  අපට ඒ ලෙන් සොයා ගැනීම ගැන තියෙන මාවුරි ජන ප්‍රවාදයකුත් කිව්වා.

වයෝමියෝ ලෙන් සොයා ගෙන තියෙන්නෙ 17 වන සියවසේ මුල හරියෙදි, රොකු කියන ගෝත්‍රික කාන්තාව තමයි ඊට මග පාදලා තියෙන්නෙ. නගටි හිනේ ගෝත්‍ර‍ නායිකාව වූ‍‍‍ හිනියෙමාරු නම් තරුණිය ‍ටොරංගාරේ නම් ඇගේ මහලු පියාත්, සහෝදරයනුත් සමග වයෝමියෝවලට ආ විටයි, මේ සොයා ගැනීමට මග පෑදිලා තියෙන්නෙ. අනෙක් අය විවේක ගනිද්දී ඇය තනිවම ඒ නිම්නය හරහා ඇවිදින්න ගියා. මෙහෙම යද්දී ඇය ටවා දම් ග‍ෙඩි වැටිලා තියෙනව දැකලාථ ඒ පැත්තට යනකොට ඒ අසල කන්දෙන් දුමක් නඟිනවා දුටුවා. ඇය තවදුරටත් ඒ ගැන විපරම් කළා. ඇය දැක ගත්තා දුම එන්නේ ලෙන තුළින් බව. ඇය මීටර් 20ක් විතර ලෙන ඇතුළට ගියාම ඇයට දැක ගන්න ලැබුණා, ගිනිමැලයක් ළඟ කාන්තාවක් වාඩිවෙලා ඉන්නවා. ඒ රොකු බව ඇය අඳුනා ගත්තා. රොකු කියන්නෙ නඟටිටු ගෝත්‍රයේ හවුමොයිවරංගිගේ බිරිඳ බවත් ඇය ගෝත්‍රයෙන් පිටමං වී යන බවත් දැන ගත්තා. ඇය නිසා තමයි හිනියෙමාරුට මේ ලෙන් හමුවුණේ.

අද මේ ලෙන් අයිති කවටි පවුලට. ඔවුන් තමයි මෙය පවත්වා ගෙන යන්නේ. ඒ අය නගටි හිනේ ගෝත්‍රයේ නායිකාව වූ හිනියෙමාරුගෙන් කෙළින් ම පැවත එන අයයි.   


මේ කතාව කියන අතරෙ අපේ මග පෙන්වන්නා එක පාරටම ලන්තෑරුම් නිවන්න කීවා. ඔන්න ලෙන ඇතුළෙ අඳුරු වුණා. ඒ එක්කම ග්ලෝවර්ම් කියන ජෛවසන්දීප්ත කීටයන් දීප්තිය පතුරුවන හැටි අපට දැක ගන්න ලැබුණා. හරිම ලස්සනයි. අහසෙ තරු දිලිසෙනවා වගේ මුළු ලෙන් පියැස්සම අලංකාර වුණා. මේ  අපේ කලාමැදිරියන් වැනි මේ සතුන් ලක්ෂ ගණනක් මෙහි ඉන්නවා. මේ කෘමි විශේෂ සත්ව විද්‍යාත්මකව හඳුන්වන්නේ අරැක්නොකැම්පා ලුමිනෝසා කියලයි. මේ සතා නවසීලන්තයට ආවේණික එකෙක්. මේ කෘමියාගේ කීට අවස්ථාව තමයි, අපි මේ දකින්නේ. මේ කීටයා අශ්ව ලාඩමක හැඩයේ කෝෂයක් හදනවා. ඒ කෝෂය තුළින් සිහින් නූල් වැනි කෙළ වෑස්සෙන්නට සලස්වනවා. කෝෂ අවස්ථාවේ ආහාරයට ගන්නේ ඒවායේ ඇලෙන පුංචි සතුන්. ජෛවසන්දීප්ත ආල‍ෝකය නිකුත් කරන්නේ ඒ සතුන් ඇද ගන්නයි. අපි හොඳින් දන්නා කණාමැදිරියා, රෑබදුල්ලා වැනි සතුන් ද ජෛවසන්දීප්ත ආල‍ෝකය නිකුත් කරනවා.


මේ ග්ලෝවර්ම් ලෙන්වල දක්නට ඇති අනෙක් අපූරුම දෙය තමා හිරිලඹ (stalactites) හා හිරිටැඹ (stalagmites) කියන හුණුගල් පාෂණ විශේෂයන්. ලෙන්තුළ පියැස්සේ සිට පහළට එල්ලෙන ලෙසට පිහිටන ඒවා හිරිලඹ (stalactites) වන අතර ලෙන් දෙපස බිම තුළ සිට ඉහළට විහිදෙන පිහිටන්නේ  හිරිටැඹ (stalagmites) යි. මෙවැනි හුණුගල් රටා හැදෙන්න අවුරුදු මිලියන ගණනක් ගත වෙනවා. හුණුගල් පර්වතවල ඇති කැල්සියම්, වැසි දිය සමග මුසුව ලෙන් සියැස්ස තුළින් කාන්දු වීමෙන් තමයි, මේවා සෑදෙන්නේ.

අපේ  ශ්‍රී ලංකාවේ ද මේ ආකාරයේ භූගත හිරිගල් ගුහාවක් තියෙනවා. රත්නපුර දිස්ත්‍රික්කයේ-කොලොන්න ප්‍රාදේශිය ලේකම්  කොට්ඨාසයේ කඹුරුගමුවේ පිහිටි මේ හිරිගල් ගුහාව හැඳින්වෙන්නේ වවුල්පනේ කියලයි.

ග්ලෝවර්ම් ලෙන්වලින් පස්සෙ අපි ගියා ෆන්ගරේ දිය ඇල්ල බලන්න. අලංකාර දිය ඇල්ලක්. එහි මා දුටු විශේෂය ඒ දිය ඇල්ල බලන්න එන අයට එහි ලස්සන දැක ගන්න, ඡායාරූප ගන්න හැකි වන විදියට පරිසරය සකසා තිබීමයි. සංචාරක ආකර්ෂණය ඉතා ඉහළයි. දිය ඇල්ල මුදුනින්, විවිධ පැතිවලින් බලන්න හැකි වන  ආකාරයට වනෝද්‍යානයක් මැදින් යන්න මග සකස් කරලා තියෙනවා. මේ වගේ දිය ඇලි දහස් ගණනක් අපේ ශ්‍රී ලංකාවෙ තිබුණත් ඒ එක තැනකවත් මේ වගේ සංචාරක ආකර්ෂණ වැඩපිළිවෙළක් නැහැ කියලයි මට හිතෙන්නෙ.

- පර්සි ජයමාන්න




Comments

Popular posts from this blog

වත්මන් ළමා ගී පරපුරේ ආරම්භකයා - ශී‍්‍ර රූපදේව කවීන්ද්‍ර ආනන්ද රාජකරුණා

‘රෝස මලේ නටුවෙ කටූ - වන බමරෝ ඔහොම හිටූ
නටුව නොවේ මල සිඹිමී - මම ළමයෝ පැණි උරමී’

යනුවෙන් ළමයකුත්, වන බමරකුත් අතර සංවාදයක් ආකාරයෙන් ලියා ඇති කුඩා කවිය අදත් අපේ දරුවන් අතරත් වැඩිහිටියන් අතරත් එකසේ ජනපි‍්‍රය ළමා කවකි. ළමයින්ට කවි ලිවීම අරභයා ආනන්ද රාජකරුණා (1885-1957) කවියා දැක්වූ දක්ෂතාව මැන ගැනීමට එම කව ම ප‍්‍රමාණවත්ය. ළමයින් සඳහා විවිධ මට්ටමේ කව් රැසක් ආනන්ද රාජකරුණා විසින් අපේ ළමා පරපුරට දායාද කර තිබේ.


කි‍්‍ර.ව. 1885 ජනවාරි 7 වැනිදා ගාල්ලේ මහදම්පාගම රාල්ලාගේ වත්තේ දී උපන් ඔහුගේ උපත් නාමය ‘ඇල්ෆ්‍රෙඞ්’ වුවද ඔහු පසු කලෙක ඒ වෙනුවට ‘ආනන්ද’ නාමය යොදා ගත්තේය. ගම්මුලාදෑනි මෙන්ම ගමේ වෙද මහතා ද වූ විජය වර්ණකුල චාර්ල්ස් තාබ්‍රෙව් රාජකරුණා ඔහුගේ පියාය. මව හෙලේනා ද ලිවේරා කරුණාරත්න වූවාය. ඔහු පස් හැවිරිදි කල මුලින්ම සිංහල උගන්වන ලද්දේ මවගේ සොහොයුරා වූ ජෝශප් ද ලිවේරා කරුණාරත්න විසිනි.

අකුරල සිංහල පාසලෙන් මූලික අධ්‍යාපනය ලැබූ ඔහු මාදම්පේ මිෂනාරි පාසලින් ඉංගී‍්‍රසි අධ්‍යාපනය ලැබීය. ඉන්පසු පූජ්‍ය මාදම්පේ ධම්මතිලක හිමියන් වෙතින් සිංහල බස වැඩිදුර උගත්තේය. සිරි සුමන වංශාලංකාර පේමරතන හිමියන්ගෙන් පාලි හා…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. නවසීලන්තයේ මුහුදේදි ගත්තු එකක්.


නවසීලන්තයෙන් මාළු අල්ලන්න මූදු ගිය බෝට්ටුක හිටි ධීවරයකුගෙ කැමරාවට තමයි මේ පින්තූරය අහුවුණේ. ඔහුට අහුවුණු මාළුවා අත අරින්න සිද්ධ වුණා. ඒත් ඔහු අල්ල ගත්තු ‘ගොදුර’ නරක නෑනේද? ඒ ගොදුරට මිනීමරු සුදු මෝරුන් දෙදෙනකුම අහුවෙලා!

මේ පින්තූරය ලෝක ප‍්‍රකට විද්‍යාඥ චාල්ස් ඩාවින්ගේ පරිණාමවාදයේ එන උචිතෝන්නති නියමය, ඒ කියන්නේ සත්ව ලෝකයේ දී ශක්තිවන්තයා ඉතිරි වෙනවා (survival of the fittest) යන න්‍යාය ඔප්පු කළ අවස්ථාවක් හැටියට දක්වන්න පුළුවන්.

නවසීලන්තයේ කයිටෙරිටෙරී අසල මුහුදේ දී අල්ලන ලද සෑහෙන පමණ විශාල මේ මෝරා ඒ මොහොතේම එහි ආ තවත් ඊට වඩා විශාල මෝරකු විසින් ඩැහැ ගත් ආකාරය ඔහු විසින් කැමරාවට නගා තිබුණා.

පරිගණක කී‍්‍රඩාවක එන රාක්ෂයකු වූ මැන්කියුබස් (Mancubus) නමින් තමයි, මේ ඡායාරූපය අන්තර්ජාලයට මුදා හැර තියෙන්නෙ.

ඒ ධීවරයාට තමා ඇල්ලූ මෝරා බෝට්ටුව මතට ඇද ගන්න වෙලාවක් තිබුණෙ …

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

මැලේසියානු ගුවන් සේවයට අයත් බෝයිං 777 එම්.එච්. 370 මගී යානය අබිරහස් ලෙස අතුරුදන් වූයේ ඉකුත් 8 වැනිදා මැලේසියානු වේලාවෙන් මධ්‍යම රාති‍්‍ර 12.21 ට පමණය. ඒ අවස්ථාවේදී යානය චීනයේ බීජීං නුවර බලා පියාසර කරමින් තිබුණේය. ඒ මොහොතේ සිට ආරම්භ කළ සෝදිසි මෙහෙයුම් තවමත් අවසන් නැත.

දැනට හෙළිදරවු වී තියෙන්නේ සොරකම් කළ පාස්පෝට් දෙකකින් දෙදෙනකු ඒ යානයේ ගමන් කර තිබෙන බවයි. ඒ පාස්පෝට්වල සැබෑ අයිතිකරුවන් නිරුපද්‍රිතව ඉන්නා බව බලධාරීන්ට දැනටමත් දැනුම් දී තියෙනවා.


ඒ අතර වියට්නාමයේ නාවික හමුදාව සොයා ගෙන තියෙනවා මහමුහුද මැද සැතැපුම් 12ක් දිග තෙල් පැල්ලමක්! එය එම්එච්370 මැලේසියානු මගී ගුවන්යානය කඩා වැටීමෙන් ඇති වූවක් කියලා දැනට සැක කරනවා. යානයේ ඇති සෙල්ෆෝන් කීපයක් නාද වෙන බව සොයා ගෙන තියෙනවා. ඒ ඔස්සේ යානය වැටුණු තැන සොයා ගන්නයි, දැන් වෑයම් කරන්නේ.


යානයක් ගිනිගෙන අහ…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට …

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!
මේ වාසනාවන්ත අත්දැකීම ලැබුවේ ඇමරිකාවේ ඇරිසෝනාවේ ග්ලෙන්ඬේල්හී ඇලිසියා හා රැන්ඩි ඇට්කින්ස් යුවලයි. 2012 අවුරුද්දේ ඔක්තෝබර 9 වැනිදා ඇලිසියා සිය දියණිය, බිහි කරන්නට රෝහල් ගත වී සිටියා. සිසේරියන් සැත්කමකින් තමයි දියණියගේ ප‍්‍රසූතිය සිද්ධ කෙරුණේ. කුඩා බිලිඳිය මව කුස තුළින් මෙලොව එළිය බලන්නට එම සැත්කම කළ වෛද්‍යවරයා උදවු කරද්දී ඇය ඔහුගේ ඇඟිල්ලෙන් අල්ලා ගත් හැටි ඇගේ පියා විසින් ඡායාරූපයට නඟා තියෙනවා.

මේ පිළිබඳව එදා ඒ මොහොතේ ඔවුන් එය ලෝකයට ප‍්‍රකාශ කළේ නැහැ. දියණියට මාස තුනක් වන තෙක් රහසක් වශයෙන් තබා ගෙන සිටි ඒ ඡායාරූපය මුහුණු පොතට එක් කළේ ගිය සතියේයි. හරියටම මාස තුනක් පිරුණ දායි.

ඇට්කින්ස් යුවල ‘3ටීවී’ රූපවාහිනී ආයතනයේ ප‍්‍රවෘත්ති වැඩසටහනකට විත් ඒ ගැන මෙසේ අදහස් පළ කළා. පියා කී…

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

2013දී පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් පාකිස්ථාන අසල මුහුදේ අලූත් දූපතක් මතු වුණා.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.
මේ පින්තූර නාසා ආයතනයේ පෘථිවි නිරීක්ෂණ චන්ද්‍රිකා - 1 හා ලැන්ඞ් සැට් 8 චන්ද්‍රිකාවලින් ඒ දූපත මතු වුණු දවස්වල ගත්තු ඒවායි.

දූපත වටේට ඇති ළා කොළ හා තඹ පැහැති කොටස්වලින් පෙනෙන්නේ මුහුදේ නොගැඹුරු බව හෝ අවට ඇති අවසාදිත තට්ටුවයි.

මේ අලූත් දූපත මතු වූ හරියේ ගැඹුර මීටර් 15ත් 20ත් අතර වෙනවා. මෙහෙම කියන්නේ පාකිස්ථානය…