Skip to main content
malkakulu_youtube_page malkakulu_facebook_page

ඔබේ මොළය ස්මාට් ‍පෝනයට යා කරන නව විද්‍යාත්මක මෙහෙයුමක්!

ලෝකප්‍රකට බිලියනපතියකු හා නව නිපැයුම්කරුවකු වන ඊලෝන් මස්ක් (Elon Musk) තවත් අලුත් තාක්ෂණික  පෙරළියකට අත ගහන්නට යනවා. ඒ ඔබේ මොළය ස්මාට් ‍පෝනය සමඟ සම්බන්ධ කරන්නයි. මේ බව ඔහු පසුගියදා ඇමෙරිකාවේ සැන්ප්‍රැන්සිස්කෝහිදී එළිදරවු කළා.

මස්ක්‍ගේ නව සොයා ගැනීම් ගැන, අඟහරු වෙත යන ස්පේස්එක්ස් සැලසුම, රියැදුරකු නැතිව යන ටෙස්ලා මොටෝරිය, හිරු සවියෙන් වැඩ කරන ‍ගෙවල් ආදිය ගැන අප කලින් මල්කැකුළු තුළින් කීවා ඔබට මතක ඇති.

ඒ මෙහිදී ඔහු කරන්න බලාපොරොත්තු වන්නේ අමුතුම දෙයක් ඒ මිනිසා හා යන්ත්‍ර අතර බද්ධ කිරීමක් කරන්නයි. ඒ අනුව ඔබට ඔබේ සිතිවිලිවලින් ස්මාට් ‍පෝනය හෝ පරිගණකය පාලනය කළ හැකියි. හිස්කබල විද තැන්පත් කෙරෙන ඉසියුම් කෙන්දකින් ඔබේ සිතුවිලි හඳුනාගෙන ස්මාට් පෝනයට හෝ පරිගණකයට යොමු කිරීමයි සිදු වන්නේ.



ඔහු විසින් වසර දෙකකට කලින් පිහිටුවා ඇති තාක්ෂණික ආයතනයක් වූ නියුරාලින්ක් තමයි මේ සම්බන්ධව අත්හදා බැලීම් කර ඇත්තේ. ඔවුන් දැනටමත් ස්නායුශල්‍යවෛද්‍ය රොබෝවෙක් නිපදවා  තියෙනවා, මිනිස් කෙස්ගහකටත් වඩා කුඩා කෙන්දකින් මැසිය හැකි. මොළයේ සැත්කම්වලට එය නිවැරදිව යොදා ගත හැකියි. 

දැනට මේවා සතුන් සමඟ සාර්ථකව අත්හදා බැලීම් කරලා තියෙනවා. මස්ක් බලාපොරොත්තු වෙනවා, ලබන වසරේ දී මිනිසුන් සමග අත්හදා බැලීම් කරන්න. ඒත් ඒ සඳහා ඇමෙරිකා එක්සත් ජනපද ආහාර හා ඖෂධ පරිපාලන අධිකාරියේ අවසරය අවශ්‍ය වෙනවා. ඒක ඒ තරම් ලේසිපහසු කටයුත්තක් නෙමෙයි. ඒ ආයතනය එවැනි අත්හදා බැලීමකට අවසර දෙන්නේ ඒ අය රෝග වශයෙන් පිළි අරන් තියෙන දැනට ඒ රෝග සුවකිරීමට වෙනත් විකල්පයක් නැති අසරණ රෝගීන්ට පිහිට විය හැකි තත්වයන් යටතේදි විතරයි. ඒ නිසා මේ වගේ දෙයකට අවසර ලැබෙන්නේ පක්ෂඝාත රෝගීනට සහනයක් ලැබෙනව කියලා තහවුරු කර ගත්තොත් විතරයි. ඒ කියන්නේ සුව කළ නොහැකි පක්ෂඝාත රෝගියකුට මේ ක්‍රමයට ඉසියුම් කෙඳි  මොළයේ තැන්පත් කිරීමෙන් මෙතෙක් ඔහුට  කියා ගත නොහැකිව තිබූ සිතිවිලි භාවිත කරමින්, ස්මාට් පෝනයක් ඇඟිලි තුඩුවලින් හැසිරවීමටත් නොහැකි රෝගියකුට එවැන්නකින් පහසුවක් ඇති වේය කියා ඔවුනට ඒත්තු ගැන්නුවොත් විතරයි. නැතිනම් හිස් කබල විදින්න කීයටවත් ඔවුන් අවසර දෙන එකක් නැහැ.

මේ නියුරාලින්ක්වල අත්හදා බැලීම්වලදී මීයන් හා වඳුරන් ඒ සඳහා යොදා ගත් බව සඳහන් කෙරුණා. ප්‍රශ්න අසද්දී මස්ක් අතින් කියවුණා, මේ ක්‍රමයට පරිගණකයක් ක්‍රියාත්මක කිරීමට වඳුරකුට හැකි වූ බව. ‘ඒත් ඒ අතින් අපට තවමත් පරීක්ෂණ කළ යුතුව තිබෙනවා.” ඔහු කීවා.


ඊට ප්‍රතිචාර දක්වමින් නියුරාලින්ක් සභාපති මැක්ස් හෝඩැක් කීවේ, ‘අප සුදානම් නැහැ ඒ විස්තර අද ඉදිරිපත් කරන්න. එහෙම දෙයක් තමා සිදුවී තියෙන්නෙ.’ කියායි.

මේ තාක්ෂණය රෝගීන් උදෙසා යොදා ගත හැකිවුනත් අප ඕනෑවට වඩා බලාපොරොත්තු තියාගන්න හොඳ නැහැ සාමාන්‍ය මිනිසුන්ට මෙය යොදා ගැනීම කළ හැකිද යන්න ගැන. මක්නිසාද යත් මො‍ළය සංකීර්ණ දෙයක් නිසා. ඒකට තවම කල් වැඩියි. යම්කිසි විදියකින් මෙය සාර්ථක වුවහොත් ඇමරිකාවේ විතරක් ඉන්නා පක්ෂඝාත රෝගීන් ලක්ෂ පනස් හතරකට ඉන් සහනයක් ලැබෙනවා.

නියුරාලින්ක්වල වෛද්‍ය අරමුණු වඩාත් තහවුරු කරනු පිණිස එහි ප්‍රධාන ශල්‍ය වෛද්‍යවරයා වූ මැතිව් මැක්ඩොනල්ඩ් කරුණු පැහැදිලි කළේ ශල්‍යාගාර ඇඳුමෙන් පෙනීසිටිමින්. ඔහු අවධාරණය කළේ රෝගීන්ගේ ආරක්ෂාවට මුල් තැනදී කටයුතු කරන බවයි. මෙය ලැසික් අක්ෂි ප්‍රතිකාර ක්‍රමය මෙන් රෝගීනට පහසුවන අයුරින් ක්‍රියාත්මක කිරීමට බලාපොරොත්තු වන බවයි. “අපි මේ ක්‍රමය යොදා ගන්නට අපේක්ෂා කරන්නේ දැනට ප්‍රතිකාර කළ නොහැකි රෝගීන්ටයි. විශේෂයෙන්ම කශේරුකාව බිඳීයාම නිසා මුළුමනින් ම අක්‍රිය වූ රෝගීන්ටයි.” ඔහු කීවා.    

ඒත් මස්ක්ගේ අවසාන ඉලක්කය එය නොවේ. අනාගතවාදියකු වූ ඔහුට ඊට එහා ගිය අරමුණු තියෙනවා. ඔහුගේ බලාපොරොත්තුව මිනිසාත් කෘත්‍රිම බුද්ධියත් අතර සහජීවනයක් ඇති කිරීමයි. ශීඝ්‍රයෙන් දියුණුවන කෘත්‍රිම බුද්ධිය මිනිසා අබිබවා ඉදිරියට යාම වෙනුවට මිනිසාත් කෘත්‍රිම බුද්ධිය සමග ගැටගසා ඉදිරියට ගෙන යාමට අවස්ථාව උදා කරලීමටයි ඔහු වෙහෙසෙන්නේ. ඒ වගේ දෙයකට අත්හදා බැලීම් කරන්න රජයේ අවසරය ලැබෙන්නේ නැහැ. නමුත් පක්ෂගාත රෝගීන්ට ආධාර කරන විලාසයෙන් මේ අත්හදා බැලීම් කරගෙන යන්නේ ඒ නිසයි.

මස්ක්ගේ මේ වැඩ සටහනට ප්‍රචාරය දීමෙන් මස්ක් ප්‍රධාන වශයෙන් බලාපොරොත්තු වෙන්නේ නියුරාලින්ක් ආයතනයේ තවමත් නොපිරවූ තනතුරුවලට උනන්දු පිරිස් අතරින් සුදුසු අය බඳවා ගැනීමටයි. දැනටමත් එහි 90 දෙනෙක් සේවයේ යෙදෙනවා. ඒ ආයතනය වෙනුවෙන් දැනට ආයෝජනය කර ඇති මුදල ඩොලර් මිලියන 158ක්. එයින් ඩොලර් මිලියන 100ක් ම යොදවා ඇත්තේ මස්ක් විසින්මයි.

මිනිස් මොළයට යන්ත්‍ර බද්ධ කිරීම අත්හදා බලන ප්‍රථම ආයතනය නියුරාලින්ක් නෙවෙයි. කර්නෙල් හා පැරාඩ්‍රොමික්ස් වැනි සමාගම් මෙන්ම ඇමරිකානු යුද හමුදාවත් මේ සම්බන්ධව කටයුතු කරනවා. මේ සම්බන්ධයෙන් සමහර විද්‍යාඥයන්ද පක්ෂඝාත රෝගය නිසා කතා කිරීමට අපහසු රෝගීන්ට කතා කිරීමට පහසුවන මෙවලම් මොළයට බද්ධ කිරීම ගැන දැනටමත් කටයුතු කරමින් සිටිනවා.

ව’ජ් (Verg) තමයි මේ ක්ෂේත්‍රයේ මුලින්ම ජයක් ලැබුවේ. ඒ කථනයෙන් නෙවෙයි චලනයෙන්. 2006 දී තරම. කශේරුකාවේ ආබාධයක් නිසා ආඝාතයට ලක් වූ මැතිව් නේගල් තමයි ප්‍රථම පුද්ගලයා මොළයට උපකරණයක් සම්බන්ධ කිරීමෙන් ඒ මගින් පරිගණකයක ක’සරයක් මෙහෙවීමේ වාසනාව ලැබුවේ. ඔහුට එය හැසිරවීම සඳහා හුරුවීමට දින හතරක් ගත වුණා. ඒ බව නිව්යෝක් ටයිම්ස් පත්‍රයට කියා තිබුණා. 2006දී ඔහු පොන් නම් වීඩියෝ ක්‍රීඩාවෙහි යෙදුණු බව සඳහන්. එදා සිට මේ වන තෙක් පක්ෂඝාතය වැළඳුණු පුද්ගලයන් ගණනාවක් පරීක්ෂණාගාරවල විද්‍යාත්මක අත්හදා සඳහා සහභාගි වී තියෙනවා. ඒ සියලු දෙනා සඳහා යොදා ගත්තේ බ්රේන්ගේට් නම් ක්‍රමයක්. එය මුලින් සොයා ගනු ලැබුවේ බ්‍රවුන් විශ්වවිද්‍යාලය මගින්.

බ්රේන්ගේට්වලදී යොදා ගත්තේ ඌටා ඇරේ යනුවෙන් නම් කළ ඉලෙක්ට්‍රෝඩ චැනල 128ක් සඳහා වූ ඉඳිකටු තුඩු පෙළක් සහිත උපකරණයක්. එහි ඇති චැනල ගණන නියුරාලින්ක්වලට වඩා අඩුයි. ඒ නිසා මොළයෙන් ලබා ගන්නා දත්ත ප්‍රමාණයත් අඩුයි. එත් එහි ඉඳිකටු නියුරාලින්ක් කෙඳිවලට වඩා දැඩියි. ඒ නිසයි එය දිගු කලක් සක්‍රිය පවත්වාගෙන යා නොහැක්කේ. හිස් කබල තුළ මොළය යම් යම් වෙනස් කිරීම් සිදුකරන නිසාත් ඉඳිකටු පෙළ වෙනස් නොවන නිසාත් උපකරණය කලකදී  අක්‍රිය වෙනවා. නියුරාලින්ක් පාවිච්චි කරන ඉසියුම් පොලිමර් කෙඳි ඒ ගැටලුවට විසඳුමක් සපයනවා.

තව විදියකින් කියනවා නම් නියුරාලින්ක් කියන දේ ඇත්ත වශයෙන් ම ඉටු වී ඇත්නම් අනාගත‍යේ උපදින අයට ලොකු බලාපොරොත්තුවක් තබා ගත හැකි සොයා ගැනීමක් ඔවුන් කර තිබෙනවා.

මෙය ඉක්මනින් ප්‍රායෝගික වෙතැයි අපේක්ෂා කරන්න එපා! මේ ක්‍රමය මිනිස් මොළයට යොදා ගත හැකි බව ඔවුන් විසින් තහවුරු කළ යුතුව තියෙනවා. ඒ පොලිමර් කෙඳි මොළයට බද්ධ කළ පසු ඒවාට වසර ගණනාවක් අපේ මොළය තුළ නොනැසී පැවතිය හැකි විය යුතුයි. ඒවා නිසා අපේ මොළය ඉක්මනින් විනාශයට පත් නොවිය යුතුයි.


Comments

Popular posts from this blog

වත්මන් ළමා ගී පරපුරේ ආරම්භකයා - ශී‍්‍ර රූපදේව කවීන්ද්‍ර ආනන්ද රාජකරුණා

‘රෝස මලේ නටුවෙ කටූ - වන බමරෝ ඔහොම හිටූ
නටුව නොවේ මල සිඹිමී - මම ළමයෝ පැණි උරමී’

යනුවෙන් ළමයකුත්, වන බමරකුත් අතර සංවාදයක් ආකාරයෙන් ලියා ඇති කුඩා කවිය අදත් අපේ දරුවන් අතරත් වැඩිහිටියන් අතරත් එකසේ ජනපි‍්‍රය ළමා කවකි. ළමයින්ට කවි ලිවීම අරභයා ආනන්ද රාජකරුණා (1885-1957) කවියා දැක්වූ දක්ෂතාව මැන ගැනීමට එම කව ම ප‍්‍රමාණවත්ය. ළමයින් සඳහා විවිධ මට්ටමේ කව් රැසක් ආනන්ද රාජකරුණා විසින් අපේ ළමා පරපුරට දායාද කර තිබේ.


කි‍්‍ර.ව. 1885 ජනවාරි 7 වැනිදා ගාල්ලේ මහදම්පාගම රාල්ලාගේ වත්තේ දී උපන් ඔහුගේ උපත් නාමය ‘ඇල්ෆ්‍රෙඞ්’ වුවද ඔහු පසු කලෙක ඒ වෙනුවට ‘ආනන්ද’ නාමය යොදා ගත්තේය. ගම්මුලාදෑනි මෙන්ම ගමේ වෙද මහතා ද වූ විජය වර්ණකුල චාර්ල්ස් තාබ්‍රෙව් රාජකරුණා ඔහුගේ පියාය. මව හෙලේනා ද ලිවේරා කරුණාරත්න වූවාය. ඔහු පස් හැවිරිදි කල මුලින්ම සිංහල උගන්වන ලද්දේ මවගේ සොහොයුරා වූ ජෝශප් ද ලිවේරා කරුණාරත්න විසිනි.

අකුරල සිංහල පාසලෙන් මූලික අධ්‍යාපනය ලැබූ ඔහු මාදම්පේ මිෂනාරි පාසලින් ඉංගී‍්‍රසි අධ්‍යාපනය ලැබීය. ඉන්පසු පූජ්‍ය මාදම්පේ ධම්මතිලක හිමියන් වෙතින් සිංහල බස වැඩිදුර උගත්තේය. සිරි සුමන වංශාලංකාර පේමරතන හිමියන්ගෙන් පාලි හා…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. නවසීලන්තයේ මුහුදේදි ගත්තු එකක්.


නවසීලන්තයෙන් මාළු අල්ලන්න මූදු ගිය බෝට්ටුක හිටි ධීවරයකුගෙ කැමරාවට තමයි මේ පින්තූරය අහුවුණේ. ඔහුට අහුවුණු මාළුවා අත අරින්න සිද්ධ වුණා. ඒත් ඔහු අල්ල ගත්තු ‘ගොදුර’ නරක නෑනේද? ඒ ගොදුරට මිනීමරු සුදු මෝරුන් දෙදෙනකුම අහුවෙලා!

මේ පින්තූරය ලෝක ප‍්‍රකට විද්‍යාඥ චාල්ස් ඩාවින්ගේ පරිණාමවාදයේ එන උචිතෝන්නති නියමය, ඒ කියන්නේ සත්ව ලෝකයේ දී ශක්තිවන්තයා ඉතිරි වෙනවා (survival of the fittest) යන න්‍යාය ඔප්පු කළ අවස්ථාවක් හැටියට දක්වන්න පුළුවන්.

නවසීලන්තයේ කයිටෙරිටෙරී අසල මුහුදේ දී අල්ලන ලද සෑහෙන පමණ විශාල මේ මෝරා ඒ මොහොතේම එහි ආ තවත් ඊට වඩා විශාල මෝරකු විසින් ඩැහැ ගත් ආකාරය ඔහු විසින් කැමරාවට නගා තිබුණා.

පරිගණක කී‍්‍රඩාවක එන රාක්ෂයකු වූ මැන්කියුබස් (Mancubus) නමින් තමයි, මේ ඡායාරූපය අන්තර්ජාලයට මුදා හැර තියෙන්නෙ.

ඒ ධීවරයාට තමා ඇල්ලූ මෝරා බෝට්ටුව මතට ඇද ගන්න වෙලාවක් තිබුණෙ …

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

මැලේසියානු ගුවන් සේවයට අයත් බෝයිං 777 එම්.එච්. 370 මගී යානය අබිරහස් ලෙස අතුරුදන් වූයේ ඉකුත් 8 වැනිදා මැලේසියානු වේලාවෙන් මධ්‍යම රාති‍්‍ර 12.21 ට පමණය. ඒ අවස්ථාවේදී යානය චීනයේ බීජීං නුවර බලා පියාසර කරමින් තිබුණේය. ඒ මොහොතේ සිට ආරම්භ කළ සෝදිසි මෙහෙයුම් තවමත් අවසන් නැත.

දැනට හෙළිදරවු වී තියෙන්නේ සොරකම් කළ පාස්පෝට් දෙකකින් දෙදෙනකු ඒ යානයේ ගමන් කර තිබෙන බවයි. ඒ පාස්පෝට්වල සැබෑ අයිතිකරුවන් නිරුපද්‍රිතව ඉන්නා බව බලධාරීන්ට දැනටමත් දැනුම් දී තියෙනවා.


ඒ අතර වියට්නාමයේ නාවික හමුදාව සොයා ගෙන තියෙනවා මහමුහුද මැද සැතැපුම් 12ක් දිග තෙල් පැල්ලමක්! එය එම්එච්370 මැලේසියානු මගී ගුවන්යානය කඩා වැටීමෙන් ඇති වූවක් කියලා දැනට සැක කරනවා. යානයේ ඇති සෙල්ෆෝන් කීපයක් නාද වෙන බව සොයා ගෙන තියෙනවා. ඒ ඔස්සේ යානය වැටුණු තැන සොයා ගන්නයි, දැන් වෑයම් කරන්නේ.


යානයක් ගිනිගෙන අහ…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට …

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!
මේ වාසනාවන්ත අත්දැකීම ලැබුවේ ඇමරිකාවේ ඇරිසෝනාවේ ග්ලෙන්ඬේල්හී ඇලිසියා හා රැන්ඩි ඇට්කින්ස් යුවලයි. 2012 අවුරුද්දේ ඔක්තෝබර 9 වැනිදා ඇලිසියා සිය දියණිය, බිහි කරන්නට රෝහල් ගත වී සිටියා. සිසේරියන් සැත්කමකින් තමයි දියණියගේ ප‍්‍රසූතිය සිද්ධ කෙරුණේ. කුඩා බිලිඳිය මව කුස තුළින් මෙලොව එළිය බලන්නට එම සැත්කම කළ වෛද්‍යවරයා උදවු කරද්දී ඇය ඔහුගේ ඇඟිල්ලෙන් අල්ලා ගත් හැටි ඇගේ පියා විසින් ඡායාරූපයට නඟා තියෙනවා.

මේ පිළිබඳව එදා ඒ මොහොතේ ඔවුන් එය ලෝකයට ප‍්‍රකාශ කළේ නැහැ. දියණියට මාස තුනක් වන තෙක් රහසක් වශයෙන් තබා ගෙන සිටි ඒ ඡායාරූපය මුහුණු පොතට එක් කළේ ගිය සතියේයි. හරියටම මාස තුනක් පිරුණ දායි.

ඇට්කින්ස් යුවල ‘3ටීවී’ රූපවාහිනී ආයතනයේ ප‍්‍රවෘත්ති වැඩසටහනකට විත් ඒ ගැන මෙසේ අදහස් පළ කළා. පියා කී…

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

2013දී පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් පාකිස්ථාන අසල මුහුදේ අලූත් දූපතක් මතු වුණා.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.
මේ පින්තූර නාසා ආයතනයේ පෘථිවි නිරීක්ෂණ චන්ද්‍රිකා - 1 හා ලැන්ඞ් සැට් 8 චන්ද්‍රිකාවලින් ඒ දූපත මතු වුණු දවස්වල ගත්තු ඒවායි.

දූපත වටේට ඇති ළා කොළ හා තඹ පැහැති කොටස්වලින් පෙනෙන්නේ මුහුදේ නොගැඹුරු බව හෝ අවට ඇති අවසාදිත තට්ටුවයි.

මේ අලූත් දූපත මතු වූ හරියේ ගැඹුර මීටර් 15ත් 20ත් අතර වෙනවා. මෙහෙම කියන්නේ පාකිස්ථානය…