Skip to main content
malkakulu_youtube_page malkakulu_facebook_page

ලොව මවිත කරන නිවුන්නු! ශ්‍රී ලංකාවේ නිවුන්නු 2020 දී ලෝක වාර්තාවකට අර අඳිති!

පසුගිදා කොළඹදී පැවැත්වුණු උත්සවයක ආරම්භයේ දී ඇස් ඇදහිය නොහැකි සිදුවීමක් එය වාර්තා කරන්නට ආ මාධ්‍යවේදීනට දැක ගතහැකි වුණා. ඒ එහි ආගමික වතාවත් කරන්නට සහභාගිවූ ආ සාමනේර හිමිවරුන් දෙදෙනාගේ දර්ශනයයි. ඇරපු අතක් නෑ එක නමක් අනෙක් නමගෙන් වෙන් කර හඳුනා ගන්න බැහැ. ඒ විතරක් නෙවෙයි කට හඬත් එක වගෙයි. ඒත් ඒ දර්ශනය ඊට සහභාගි වූ සෙසු ප්‍රේක්ෂකයන්ට ප්‍රශ්නයක් වුණේ නෑ. ඊට හේතුව එහි සහභාගි වූ සියලුම දෙනා නිවුන්නු වීමයි. මාධ්‍යවේදීන් දුටු අපූර්වත්වය මුළු වැඩ සටහන පුරාම පැවතුණා. පිළිගැනීමේ පටන් එහි සියලුම කටයුතු, නිවේදනය, සංගීතය මෙහෙයවීම, නර්තනාංග ආදි හැම කටයුත්තක් ම කළේ නිවුන්නු. රැස්වීම් ශාලාව පිරී ඉතිරී ගොස් තිබුණේත් නිවුන්නුන්ගෙන්.

පූජ්‍ය පදියපැලැල්ලේ විපුලසාර හා සුුගතසාර හිමිවරුන්

උත්සවයට වැඩම කර සිටි පදියපැලැල්ලේ විපුලසාර හා සුුගතසාර යන තරුණ හිමිවරුන් එහිදී සඳහන් කළේ ඔවුන්ගේ මවට පවා ඔවුන්ව වෙන් කර හඳුනා ගත නොහැකි බවයි. ඔවුන් එක විට පැවිදි බිමට ඇතුළත්වී තිබෙන්නේ වයස අවුරුදු දහතුනේදියි. නිවුන් භික්ෂූන්වහන්සේලා ඉතා දුර්ලභ දැක්මක් නිසා තමන් වහන්සේලා එකම වැඩසටහනකදී දැකීමට බොහෝ දායකයන් කැමති බව එහිදී උන්වහන්සේලා මාධ්‍යවේදීන්ට පවසා තියෙනවා.

මෙම අපූරු උත්සවය සංවිධානය කර තිබුණේත් නිවුන් සොහොයුරියන් දෙදෙනෙකු විසින්. ඒ උපුලී ගමගේ හා චමලී ගමගේ යන දෙදෙනායි. ඔවුන් දෙදෙනාම වෘත්තීය රංගන ශිල්පිනියන්. චිත්‍රපට, ටෙලි නාට්‍ය, වෙළඳ දැන්වීම් ඔස්සේ ජනප්‍රියත්වයක් ලබා ගත් අයයි.

උපුලී ගමගේ හා චමලී ගමගේ

ඔවුන් විසින් ශ්‍රී ලංකා නිවුන්නු නමින් 1993 අගෝස්තු 23 වැනිදා ආරම්භ කරන ලද මෙම සංවිධානය ජාති ආගම් බේද ආදියෙන් තොරව ශ්‍රී ලංකාවේ නිවුන් දරුවන්ගේ සුබසාධනයට කැප වූ ආයතනයක්. දැනට ශ්‍රී ලංකාවේ සෑම පළාතකින් ම ශ්‍රී ලාංකික නිවුන්නුන් 28,000ක් පමණ මෙහි සාමාජිකත්වය ලබා ගෙන ඇතැයි ඔවුන් පවසනවා.
ජයරත්න ජයන්ත හා පූරක සෙනෙවිරත්න මේජර් ජනරාල්වරුන්

මෙම උත්සවයට විවිධ පළාත්වලින් පමණක් නොව විවිධ ක්ෂේත්‍රවලින් ද නිවුන්නු පැමිණ සිටියා. මේ සඳහා රත්නපුරයේ සිට පැමිණ සිටි නිවුන් හෙදියන් දෙදෙනා වූ කසුනි රවීනා සහ හිරුනි වනීෂා ජයරත්න බීබීසියේ සිංහල සේවයට කියා ඇත්තේ අපූරු කතාවක්. ‘පාසලේදි විතරක් නෙවෙයි දැන් රෝහලේදිත් අපි දෙන්න එක වගේ නිසා පැටලිලි වෙනවා. ඒ නිසා දැන් අපි වැඩ කරන්නේ වාට්ටු දෙකක’ කියායි.

එකම දිනයේ හමුදාවට බැඳී එකම පාඨමාලාව හදාරා එකම දිනයේ මේජර් ජනරාල් නිලයෙන් පිදුම් ලත් ශ්‍රී ලංකා යුද හමුදාවේ ජයන්ත හා පූරක සෙනෙවිරත්න මේජර් ජනරාල්වරුන් දෙදෙනාද මෙම උත්සවය අලංකාරයක් එක්කළා.

උපුලී හා චමලී දෙදෙනා මෙම නිවුන් සමුළුව පවත්වා ඇත්තේ 2020 ජනවාරි 20 වැනි දින ඔවුන් පැවැත්වීමට අදහස් කර සිටින ශ්‍රී ලංකා නිවුන් මහ සමුළුවට අවශ්‍ය සංවිධාන කටයුතුවලට පූර්ව සූදානමක් ලෙසයි. ‘යුදගිනි නිවාලමු! ලොවට මනුෂ්‍යත්වය වපුරුවමු!’ යන තේමාව යටතේ පැවැත්වීමට සූදානම් කර ඇති මේ නිවුන් උළෙලට සිය සාමාජිකත්වය ඇතුළු ශ්‍රී ලංකාවේ නිවුන්නුන් සියලුම දෙනා එක් රැස් කොට ගිනස් ලෝක වාර්තාවක් පිහිටුවීමටත් ඔවුන් බලාපොරොත්තු වෙනවා. ඒ සඳහා ගිනස් ලෝක වාර්තා කමිටු නියෝජිත පිරිසක් ද ගෙන්වා ගැනීමට ඔවුන් කටයුතු යොදා තියෙනවා.

මේ විදියේ උළෙලක් 1976 සිට වසරක් පාසා අගෝස්තු මුල් සතියේ දී ඇමරිකා එක්සත් ජනපදයේ ඔහියෝහී නිවුන්නුන්ගේ නගරය යන අරුත් දෙන ට්වින්ස්බර්ග් නගරයේදී පැවැත්වෙනවා. ඊට ලොව පුරා නිවුන්නුන් සහභාගි වෙනවා. මෙවර එම උළෙල පැවැත්වෙන්නේ අගෝස්තු 7-9 යන තෙදින තුළයි. දැනට ලොව වැඩි ම ප්‍රමාණයක් නිවුන්නුන් සහභාගි වන උළෙල ලෙස සැලකෙන්නේ එයයි. දකුණු චීනයේ යුනාන් හී මෝජියෑන් හැනි (නිවුන් නගරය) නගරයේ වාර්ෂිකව අන්තර් ජාතික නිවුන් දරු උළෙලක් පැවැත්වෙනවා. ඒ සඳහා යොදා ගන්නේත් අගෝස්තු මාසයේ පළමු සතියේ දිනක් තමයි.

නිවුන් දරුවන් ගැන කියන කොට මතකයට එන විස්මිත නිවුන් තොරතුරු රැසක්ම තියෙනවා. අප්‍රිකාවේ බෙනින් රාජ්‍යය තමා වැඩිම නිවුන් උපත් වාර්තා කරන්නෙ. ඒ උපත් 1000කට නිවුන් දරු උපත් 27.9ක් වශයෙන්. ඊළඟට නයිජීරියාවේ ඉගෝබා ඕරා නගරයේ ලොව සෑම තැනකටම වඩා සිව්ගුණයකින් වැඩි නිවුන් දරු උපත් ගණනක් වාර්තා වෙනවා. එහි නාම පුවරුවක් පවා තියෙනවා ‘ලෑන්ඩ් ඔප් ට්වින්ස්’ කියා. ඔබ දන්නවද එහි එක නිවුන් දරු උපතක් නැති ගෙයක් නැති තරම්.

ඇමරිකාවේ උපදින දරුවන් 30කට එකක් නිවුන් දරුවන් බව සඳහන් වෙනවා. 2001දී ඇමරිකානු ජනාධිපති මැඳුරටත් නිවුන්නු දෙන්නෙක් ගියා. ඒ බාබරා හා ජෙනා බුෂ්. ඇමරිකාවේ 43 වැනි ජනාධිපතිවරයා වූ ජෝර්ජ් ඩබ්ලිව්. බුෂ්ගේ නිවුන් දියනියන් දෙදෙනායි. ඇමරිකාවේ තවත් නිවුන් ක්‍රීඩිකාවන් දෙ‍ෙදනෙක් ඔලිම්පික් ගියා. ඒ ජොසලින් හා මොනික්, ඇමරිකන් හොකි පිල නියෝජනය කරමින්. තවත් වාර්තාවක් අභ්‍යවකාශයෙනුත් එනවා. ඒ නාසා අභ්‍යවකාශගාමීන් වූ මාක් හා ස්කොට් කෙලී දෙදෙනා ගැනයි. ඔවුන් සෝයුස් අභ්‍යවකාශ නැවතුම් පොළේ ගවේෂණ කටයුතුවලට එක් වූ ඇමරිකානු අභ්‍යවකාශගාමීන්.

මාක් හා ස්කොට් කෙලී අභ්‍යවකාශගාමීන්

නිවුන්නුන් ගැන කතාව ඈත ඉතිහාසයට දිව යනවා. බයිබලයේ එන නිවුන් දෙදෙනා තමා ඊසෝ හා ජේකොබ්. ග්‍රීක දේව කතාවල එන ආදරයේ දෙවඟන වූ ඇප්‍රොඩයිට්ගේ නිවුන් දරුවන් දෙදෙනා පෝබෝස් හා ඩීමොස් අපට අමතක කරන්න බැහැ.

රෝම නගරය පිහිටවූ රොමියුලස් හා රීමස් දෙදෙනාත්, ඒ වගේම ග්‍රීක ප්‍රවාදවල එන කැස්ටර් හා පොලැක්ස් නිවුන්නු දෙන්නාත් මතකයට එනවා. මිථුන රාශියට නැත්නම් ජෙමිනි තරු පන්තියට ඒ නම ලැබුණේ ඔවුන් නිසයි. විලියම් ෂේක්ස්පියර්ගේ ‘ට්වෙල්ත් නයිට්’ නාට්‍යයේ එන වියෝලා හා සෙබස්තියන් යන සාහිත්‍යයේ එන ප්‍රකට නිවුන් චරිත දෙකත් අමතක කරන්න බැහැ.

ඕස්ට්‍රේලියාවේ ස්ටීව් වෝ හා මාක්

ක්‍රිකට් ක්‍රීඩාවේත් සුප්‍රකට නිවුන්නු ඉන්නවා. ඕස්ට්‍ර්ලියාවේ ස්ටීව් වෝ හා මාක් වෝ මුලින්ම මතකයට එනවා. ඊට කලින් එංගලන්තයේ එරික් හා ඇලන් බෙඩ්සර් දෙදෙනා, නවසීලන්තයේ හැමීෂ් හා ජේම්ස් මාෂල් දෙදෙනා, අතීතයේ කාන්තාවන් අතරින් ඕස්ට්‍රේලියාවේ පර්නි හා රෙනේ ෂෙවිල් දෙන්නා, මෑත යුගයේ ඇලෙක්ස් හා කේට් බ්ලැක්වෙල් යුුගලය, නවසීලන්තයේ කාන්තා ටෙස්ට් යුගලය වූ එලිසැබත් හා රොස් සිග්නල් වගේම, බටහිර කොදෙව් කාන්තා පිලේ කිෂෝනා හා කිසියා දෙන්නාත් අමතක කරන්න බැහැ. මේ සටහන අවසාන කරන්නට මා යොදා ගන්නේ ඕස්ට්‍රේලියාවේ මෙල්බර්න් හැලම් ක්‍රිකට් සමාජයට ක්‍රීඩා කරන සිවු නිවුන් දරුවන්ගේ පුවතක්. ඒ කෙවින් ලෝචන, ඩිලාන් මධූෂ, රයන් නිෂේධ හා බ්‍රයන් අභීත යන රණවීර ක්‍රිකට් සොයුරන්. 2006 දී ශ්‍රී ලාංකික යුවළකට සිවු නිවුන් දරු උපතක් ලද බව කියැවුණු පුවතකට මාධ්‍ය මගින් විශාල ප්‍රචාරයක් ලබා දුන්නා. එවැනිම ප්‍රචාරයක් ලැබේවි ඔවුන්ගේ එකම පැතුම හරිගියොත් අනාගතයේදි. ඔවුන්ගේ එකම පැතුම, ඕස්ට්‍රේලියානු ක්‍රිකට් පිල නියෝජනය කරන්න වරම් ලබා ගැනීමයි.

කෙවින් ලෝචන, ඩිලාන් මධූෂ, රයන් නිෂේධ හා බ්‍රයන් අභීත යන රණවීර


Comments

Popular posts from this blog

වත්මන් ළමා ගී පරපුරේ ආරම්භකයා - ශී‍්‍ර රූපදේව කවීන්ද්‍ර ආනන්ද රාජකරුණා

‘රෝස මලේ නටුවෙ කටූ - වන බමරෝ ඔහොම හිටූ
නටුව නොවේ මල සිඹිමී - මම ළමයෝ පැණි උරමී’

යනුවෙන් ළමයකුත්, වන බමරකුත් අතර සංවාදයක් ආකාරයෙන් ලියා ඇති කුඩා කවිය අදත් අපේ දරුවන් අතරත් වැඩිහිටියන් අතරත් එකසේ ජනපි‍්‍රය ළමා කවකි. ළමයින්ට කවි ලිවීම අරභයා ආනන්ද රාජකරුණා (1885-1957) කවියා දැක්වූ දක්ෂතාව මැන ගැනීමට එම කව ම ප‍්‍රමාණවත්ය. ළමයින් සඳහා විවිධ මට්ටමේ කව් රැසක් ආනන්ද රාජකරුණා විසින් අපේ ළමා පරපුරට දායාද කර තිබේ.


කි‍්‍ර.ව. 1885 ජනවාරි 7 වැනිදා ගාල්ලේ මහදම්පාගම රාල්ලාගේ වත්තේ දී උපන් ඔහුගේ උපත් නාමය ‘ඇල්ෆ්‍රෙඞ්’ වුවද ඔහු පසු කලෙක ඒ වෙනුවට ‘ආනන්ද’ නාමය යොදා ගත්තේය. ගම්මුලාදෑනි මෙන්ම ගමේ වෙද මහතා ද වූ විජය වර්ණකුල චාර්ල්ස් තාබ්‍රෙව් රාජකරුණා ඔහුගේ පියාය. මව හෙලේනා ද ලිවේරා කරුණාරත්න වූවාය. ඔහු පස් හැවිරිදි කල මුලින්ම සිංහල උගන්වන ලද්දේ මවගේ සොහොයුරා වූ ජෝශප් ද ලිවේරා කරුණාරත්න විසිනි.

අකුරල සිංහල පාසලෙන් මූලික අධ්‍යාපනය ලැබූ ඔහු මාදම්පේ මිෂනාරි පාසලින් ඉංගී‍්‍රසි අධ්‍යාපනය ලැබීය. ඉන්පසු පූජ්‍ය මාදම්පේ ධම්මතිලක හිමියන් වෙතින් සිංහල බස වැඩිදුර උගත්තේය. සිරි සුමන වංශාලංකාර පේමරතන හිමියන්ගෙන් පාලි හා…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. නවසීලන්තයේ මුහුදේදි ගත්තු එකක්.


නවසීලන්තයෙන් මාළු අල්ලන්න මූදු ගිය බෝට්ටුක හිටි ධීවරයකුගෙ කැමරාවට තමයි මේ පින්තූරය අහුවුණේ. ඔහුට අහුවුණු මාළුවා අත අරින්න සිද්ධ වුණා. ඒත් ඔහු අල්ල ගත්තු ‘ගොදුර’ නරක නෑනේද? ඒ ගොදුරට මිනීමරු සුදු මෝරුන් දෙදෙනකුම අහුවෙලා!

මේ පින්තූරය ලෝක ප‍්‍රකට විද්‍යාඥ චාල්ස් ඩාවින්ගේ පරිණාමවාදයේ එන උචිතෝන්නති නියමය, ඒ කියන්නේ සත්ව ලෝකයේ දී ශක්තිවන්තයා ඉතිරි වෙනවා (survival of the fittest) යන න්‍යාය ඔප්පු කළ අවස්ථාවක් හැටියට දක්වන්න පුළුවන්.

නවසීලන්තයේ කයිටෙරිටෙරී අසල මුහුදේ දී අල්ලන ලද සෑහෙන පමණ විශාල මේ මෝරා ඒ මොහොතේම එහි ආ තවත් ඊට වඩා විශාල මෝරකු විසින් ඩැහැ ගත් ආකාරය ඔහු විසින් කැමරාවට නගා තිබුණා.

පරිගණක කී‍්‍රඩාවක එන රාක්ෂයකු වූ මැන්කියුබස් (Mancubus) නමින් තමයි, මේ ඡායාරූපය අන්තර්ජාලයට මුදා හැර තියෙන්නෙ.

ඒ ධීවරයාට තමා ඇල්ලූ මෝරා බෝට්ටුව මතට ඇද ගන්න වෙලාවක් තිබුණෙ …

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

මැලේසියානු ගුවන් සේවයට අයත් බෝයිං 777 එම්.එච්. 370 මගී යානය අබිරහස් ලෙස අතුරුදන් වූයේ ඉකුත් 8 වැනිදා මැලේසියානු වේලාවෙන් මධ්‍යම රාති‍්‍ර 12.21 ට පමණය. ඒ අවස්ථාවේදී යානය චීනයේ බීජීං නුවර බලා පියාසර කරමින් තිබුණේය. ඒ මොහොතේ සිට ආරම්භ කළ සෝදිසි මෙහෙයුම් තවමත් අවසන් නැත.

දැනට හෙළිදරවු වී තියෙන්නේ සොරකම් කළ පාස්පෝට් දෙකකින් දෙදෙනකු ඒ යානයේ ගමන් කර තිබෙන බවයි. ඒ පාස්පෝට්වල සැබෑ අයිතිකරුවන් නිරුපද්‍රිතව ඉන්නා බව බලධාරීන්ට දැනටමත් දැනුම් දී තියෙනවා.


ඒ අතර වියට්නාමයේ නාවික හමුදාව සොයා ගෙන තියෙනවා මහමුහුද මැද සැතැපුම් 12ක් දිග තෙල් පැල්ලමක්! එය එම්එච්370 මැලේසියානු මගී ගුවන්යානය කඩා වැටීමෙන් ඇති වූවක් කියලා දැනට සැක කරනවා. යානයේ ඇති සෙල්ෆෝන් කීපයක් නාද වෙන බව සොයා ගෙන තියෙනවා. ඒ ඔස්සේ යානය වැටුණු තැන සොයා ගන්නයි, දැන් වෑයම් කරන්නේ.


යානයක් ගිනිගෙන අහ…

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට …

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!
මේ වාසනාවන්ත අත්දැකීම ලැබුවේ ඇමරිකාවේ ඇරිසෝනාවේ ග්ලෙන්ඬේල්හී ඇලිසියා හා රැන්ඩි ඇට්කින්ස් යුවලයි. 2012 අවුරුද්දේ ඔක්තෝබර 9 වැනිදා ඇලිසියා සිය දියණිය, බිහි කරන්නට රෝහල් ගත වී සිටියා. සිසේරියන් සැත්කමකින් තමයි දියණියගේ ප‍්‍රසූතිය සිද්ධ කෙරුණේ. කුඩා බිලිඳිය මව කුස තුළින් මෙලොව එළිය බලන්නට එම සැත්කම කළ වෛද්‍යවරයා උදවු කරද්දී ඇය ඔහුගේ ඇඟිල්ලෙන් අල්ලා ගත් හැටි ඇගේ පියා විසින් ඡායාරූපයට නඟා තියෙනවා.

මේ පිළිබඳව එදා ඒ මොහොතේ ඔවුන් එය ලෝකයට ප‍්‍රකාශ කළේ නැහැ. දියණියට මාස තුනක් වන තෙක් රහසක් වශයෙන් තබා ගෙන සිටි ඒ ඡායාරූපය මුහුණු පොතට එක් කළේ ගිය සතියේයි. හරියටම මාස තුනක් පිරුණ දායි.

ඇට්කින්ස් යුවල ‘3ටීවී’ රූපවාහිනී ආයතනයේ ප‍්‍රවෘත්ති වැඩසටහනකට විත් ඒ ගැන මෙසේ අදහස් පළ කළා. පියා කී…

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

2013දී පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් පාකිස්ථාන අසල මුහුදේ අලූත් දූපතක් මතු වුණා.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.
මේ පින්තූර නාසා ආයතනයේ පෘථිවි නිරීක්ෂණ චන්ද්‍රිකා - 1 හා ලැන්ඞ් සැට් 8 චන්ද්‍රිකාවලින් ඒ දූපත මතු වුණු දවස්වල ගත්තු ඒවායි.

දූපත වටේට ඇති ළා කොළ හා තඹ පැහැති කොටස්වලින් පෙනෙන්නේ මුහුදේ නොගැඹුරු බව හෝ අවට ඇති අවසාදිත තට්ටුවයි.

මේ අලූත් දූපත මතු වූ හරියේ ගැඹුර මීටර් 15ත් 20ත් අතර වෙනවා. මෙහෙම කියන්නේ පාකිස්ථානය…