Skip to main content

දශක හයක් පුරා චිත‍්‍රකතා ඔස්සේ ගිය බන්ධුල හරිශ්චන්ද්‍රගේ චාරිකාව

පසුගිය දිනක අපේ ජාතිය ප‍්‍රබෝධමත් කළ චිත‍්‍රකතාකරුවන් රැසක් හා දශක හයක් පුරා ශී‍්‍ර ලංකාවේ චිත‍්‍රකතා රසවිඳි සහෘදයන් පිරිසක් විශේෂ කාර්යයක් සඳහා කොළඹ මහජන පුස්තකාල දේශන ශාලාවට මුළු දුන්නා. ඒ ඔවුන් අතරින් චිත‍්‍රකතා කලාවට වසර හැටක් පුරා කළ අපමණ මෙහෙයක් කළ උතුම් මනුෂ්‍යයෙකුට උපහාර පුදන්නයි. ඒ අන් කිසිවකු නොව නිහඬව තැන්පත්ව අව්‍යාජව චිත‍්‍රකතා කලාවට වෙනත් කිසිම සිත්තරෙකු නොකළ දැවැන්ත කාර්යභාරයක් ඉටු කළ චිත‍්‍රකතාව සම්මානනීය තලයකට ඔසවා කැබූ බන්ධුල හරිශ්චන්ද්‍රයි.


විත‍්‍රකතා කලාව කොයිතරම් පැරණි එකක් ද කීවොත් ඒක මානව වංශකතාව තරම්ම ඈතට විහිදෙනවා. මානවයා මුලින්ම සන්නිවේදනය පටන් ගත්තේ හඬින්; ඒ කියන්නේ ශබ්දය හා සමග රංගනයෙන්. ඒ එක්කම තමයි විත‍්‍රවලින් අදහස් පළ කරන්න පටන් ගත්තේ. දඩයමේ ගිය මානවයා තමන් ලද අත් දැකීම් තමන් සමග නොගිය අය හා බෙදා ගත්තේත් මතු පරපුරට වාර්තා කර තැබුවේත් ලෙන් චිත‍්‍රවලින්. ඒ හින්දයි විත‍්‍ර කතාව මානව සන්නිවේදනයේ අනෙක් ප‍්‍රාරම්භක නිවුන් සහෝදරයා ලෙස අප දකින්නේ.

ලෝකයේ හැම රටකම පාහේ ආදි මානවයා ඇඳි ඒ මුල් යුගයේ චිත‍්‍ර දැක ගන්න පුළුවන්. අපේ රටේ වනගත ලෙන්වල තිබී එවැනි චිත‍්‍ර සොයා ගෙන තියෙනවා. තන්තිරිමලේ බිල්ලෑව ආඬියාගල ආදි ප‍්‍රදේශවල ගල්ලෙන්වලින් එවැනි චිත‍්‍ර දැක ගත හැකියි. කතන්දර කියන්නට චිත‍්‍ර කතා යොදා ගත් පැරණිම සාධක හමු වී ඇත්තේ 12 වන සියවසට අයත් දිඹුලාගල ලෙන්වලිනි. ඒ සියවසටම අයත් පොළොන්නරු යුගයේ සිතුවම් කළ ජාතක කතා මාලාවක් තිවංක පිලිමගෙයින් හමු වී තියෙනවා.

වර්තමාන චිත‍්‍රකතා කලාවට ආභාසය සැපයූ චිත‍්‍ර ප‍්‍රකාශන සම්ප‍්‍රදායන් දෙකක් අපට තියෙනවා. ඉන් ප‍්‍රධාන සම්ප‍්‍රදාය පන්සල් ආශ‍්‍රිතව නිර්මාණය කර ඇති ජාතක කතා හා බුදු සිරිත ඇති බිත්ති චිත‍්‍රකතායි. එය සම්භාවනාවට පාත‍්‍ර කලාවකි. අනෙක බටහිර සම්ප‍්‍රදාය අනුව යමින් කළ පත්තර චිත‍්‍රකතා කලාවයි. සිංහල චිත‍්‍රකතාවක් ලෙස මුලින් පළ වූයේ ‘නීලා’යි. 1951 ඔක්තෝබර් 28 වැනි දා ‘ඉරිදා ලංකාදීප’ පත‍්‍රයේ පළ වු ඒ චිත‍්‍රකතාව ඇන්දේ ජී. ඇස්. ප‍්‍රනාන්දුයි. එහි කතාව ලියූ ධර්මසිරි ජයකොඩි එහි සිය නම සඳහන් නොකිරීමෙන් ම එකල චිත‍්‍රකතා කෙරෙහි සමාජය තුළ තිබූ පහත් ආකල්පය ප‍්‍රකට වෙනවා. බන්ධුලගේ ආගමනය තමා මේ තත්වය සම්පූර්ණයෙන්ම වෙනස් කළේ.

1964 දී මා ලේක්හවුසියට එනකොට බන්ධුල ඊට අවුරුදු දෙකකට කලින් එනම් 1962 දී සිට ම දිනමිණට සම්බන්ධ වෙලා හිටියෙ. ඔහු ඒ වන විට තනි දවසේ චිත‍්‍රකතාවක් ලෙස ජාතක කතාවක් ඇන්දා. හැම සඳුදා ම පළ වූ ඒ කතා නිසා මා පාසල් යන අවදියේ සිට ම ඔහුගේ රසිකයෙකු බවට පත් වී උන්නා.

ඔහු දිනමිණට කැටුව ආවේ එවකට පොකට් කාටූන් විත‍්‍රශිල්පියකු වූ හෙන්රි තෙන්නකෝන්. ඔහු යාළුවෙක් හිටියා දිනමිණේ කර්තෘ මණ්ඩලයේ. ජයවිලාල් විලේගොඩ කියලා. පසු කලෙක සිනමා විචාරකයකු ලෙස කීර්තියක් දිනා ගත් ඔහු තමයි එවකට දිනමිණ ප‍්‍රධාන කර්තෘවරයාව සිටි ඇම්. ද සිල්වා මහත්තයාට බන්ධුලව අඳුන්වලා දුන්නේ. එතුමා තමයි බන්ධුලට ජාතක කතා අඳින්න යෝජනා කළේ. 1956 හා 57 අවුරුදුවල 16 හැවිරිදි ගැටවරයකු ලෙස පාණදුරේ තොරණ ඇන්ද බන්ධුලට ඒක අපූරුවට ගැළපුණා.

ඔය කාලෙදි ලේක්හවුසියේ අධ්‍යක්ෂ මණ්ඩලයට ආවා යොවුන් වියේ පසු වූ රංජිත් විජයවර්ධන මහත්තයා. එතුමා තමයි ලංකාවේ මුල්ම විත‍්‍රකතා පත්තරය වූ ‘සතුට’ පත්තරේට අඩිතාලම දැම්මෙ.

එවකට පැවති බටහිර කොමික්ස්වලින් ළමා මනසට හානියක් වෙතැයි මතයක් ඒ කාලේ ගුරුවරුන් දෙමාපියන් අතර තිබුණා. ඒ නිසා ඒවා දරුවන්ට කියවන්නට දුන්නේ නැහැ. එවැනි දෙයක් සිංහලෙන් පළ කිරීමෙන් අපේ සංස්කෘතියට හානියක් වෙතැයි ඇති වූ බිය නිසා ලේක්හවුස් අධ්‍යක්ෂ මණ්ඩලය ඒ ප‍්‍රකාශනයට මුලින් කැමති වුණේ නැහැ. ඒ නිසා විජයවර්ධන මහතා පුද්ගලිකවම මැදහත් වී ඒ නම ඔහුගේ වෙනත් ආයතනයක ලියාපදිංචි කර ලේක්හවුසියට මුද්‍රණය හා බෙදා හැරීම පමණක් බාර දුන්නා. එහි කර්තෘකම බාර දුන්නේ තවත් බන්ධුල කෙනෙකුටයි. ඒ බන්ධුල සමරසිංහට. මේ බන්ධුල හරිශ්චන්ද්‍ර ඒ පත්තරේට ආරම්භයේදී චිත‍්‍ර කතා ඇන්දේ නැහැ. බන්ධුල සමරසිංහ ඒක විශේෂයෙන් සැලසුම් කළේ තරුණ තරුණියන්ගේ සිත් ඇද ගන්නා විදියටයි. එවකට ලේක්හවුසියේ සේවය කළ ජ්‍යෙෂ්ඨ පත‍්‍රකලාවේදියෙකු වූ එඞ්වින් ආරියදාස සූරීන් තමයි බන්ධුල සමරසිංහගේ උපදේශක වශයෙන් කටයුතු කළේ. බටහිර චිත‍්‍රකතාවල ආභාසය ඇතිව තරුණ තරුණියන්ට විශේෂ වූ මනෝලෝකවල චරිතවලින් තමයි ඒ පත්තරය පිරෙව්වෙ. ‘සතුට’ පත්තරය ඉතා ඉක්මනින්ම ජනපි‍්‍රය වුණා. එනිසා ම එක්කම ‘සිත්තර’ කියලා තවත් පත්තරයක් මල්ටිපැක්ස් නම් ආයතනයෙන්. ඒ චින්තන ජයසේනගේ කර්තෘත්වයෙන්. ඒ චිත‍්‍රකතා සමාජය තුළ මහා රැල්ලක් ලෙස විශාල වශයෙන් ව්‍යාප්ත වුණා. දිවයිනේ සිටි දක්ෂ චිත‍්‍රකතාකරුවන් මේ රැල්ලට එක් වුණා.

බන්ධුල ඒ රැල්ලට ගියේ නැහැ. ඔහු නිහඬව දිගටම දිනමිණට චිත‍්‍රකතා ඇන්දා. ඒ කතා දිනපතා දිනමිණේ පළ වූ තනි තීරුවේ කොටස් වශයෙන්. ඒ කතාවලට හැම විට ම ඔහු තෝරා ගත්තේ සම්භාව්‍ය සාහිත්‍යයට අයත් කතායි. ඒ සිල්වා මහතාගෙන් පසුව දිනමිණ ප‍්‍රධාන කර්තෘවරයා ලෙස පත්ව ආ ධර්මපාල වෙත්තසිංහ මහතාගේ මග පෙන්වීම යටතේයි. බන්ධුල සමග උසස් රසිකත්වයක් ඇති චිත‍්‍රකතා බිහි කිරීමට උර දුන් අනෙක් චිත‍්‍රකතාකරුවා දයා රාජපක්ෂයි. ඔහු ගැන ‘මල්කැකුළු’ කලින් ඔබට කීවා මතක ඇති.

ජාතක කතා 61කින් පටන් ගෙන සද්ධර්ම රත්නාවලියේ හා සද්ධර්මාලංකාරයේ කතා 34ක් හෝමර්ගේ වීර චාරිකාවන්ටත් තවත් ගී‍්‍රක ප‍්‍රවාදවලටත් අරාබි නිසොල්ලාසයටත් සකුන්තලා නලදමයන්ති වාසාවදත්තා ඇතුළු සංස්කෘත සාහිත්‍යයටත් එතැනින් කතාසරිත්සාගරයටත් බයිබලයටත් බන්ධුල ඔහුගේ චිත‍්‍රකතා චාරිකාව ගියා. එහිදී ඔහු නිර්මාණය කළ චිත‍්‍රකතා ගණන 166ක්. මේ විධියේ විශාල පරාසයක චිත‍්‍රකතා නිර්මාණය කළ අයෙක් ලොව කොතැකනවත් දැකිය නොහැකියි.

ඊළඟට සිළුමිණ පත්තරේ පසු පිටේ ස්ථිර තැනත් බන්ධුලට ලැබුණා. එහි දී ඔහු එබුණේ අපේ ඉතිහාසයටයි. එනම් මහාවංශයටයි. සිංහබාහු උන්මාදචිත‍්‍රා පණ්ඩුකාභය විත‍්‍රකතා ආවේ ඒ අනුවයි.

ඉන් අනතුරුව ඔහු අපේ සාහිත්‍යකරුවන් දෙසට හැරුණා. මුලින් ම හැරුණේ ඩබ්ලියු ඒ. සිල්වා දෙසටයි. ඒක වැරදුණේ එතුමාගේ උරුමකරුවන් සිළුමිණට ගෙවන්න අපහසු තරම් ගණනක් ඉල්ලූ නිසයි. අයි. එම්. ආර්. ඊරියගොල්ල ඉලංගරත්න ජී. එච්. පෙරේරා සෝමවීර සේනානයක වැනි ලේඛකයන් දෙසට හැරුණා.

නවයුගය - සද්දන්ත චිත‍්‍රකතාව ඇන්දේ විද්‍යා ප‍්‍රබන්ධයක් හැටියටයි. ඒ වන විට බටහිරින් මතු ව පසුව අතිශය ජනපි‍්‍රය වූ ස්ටෙන් ලීගේ ‘ඉන්ක්‍රෙඩිබල් හල්ක්’ ඔහු දැකලවත් තිබුණේ නැහැ.

නවයුගයට මා ලියූ නස්රුදීන් කතාවල එන රූපකාය නිර්මාණය කළේත් ඔහුයි. නිමල් පෙරේරා මහතා තමයි ඒ කතා නවයුගයට ලියන්න කියා මගෙන් ඉල්ලීමක් කළේ. එයට බන්ධුල ඇඳි විත‍්‍රයේ ඇත්තේ නිමල් පෙරේරා මහතාගේ මුහුණුවරයි. අද එතමා ජීවතුන් අතර නෑ. ඒ චරිතය දකින හැම වෙලාවකට මට එතුමා මතක් වෙනවා.

එකල තරුණ නවකතාකරුවකු වූ සෝමවීර සේනානායක ‘සතුට පත්තරේට විත‍්‍රකතා ලියන්නට ආවේ බන්ධුලගේ ‘තනිතරුව’ විත‍්‍රකතාවෙන්. ඒක විත‍්‍රපටයක් වුණා. ඒ වගේ බන්ධුල-සෝමවීර සුසංයෝගය උසස් ගණයේ චිත‍්‍රකතා රැුසක් ‘සිළුමිණ’ පත‍්‍රය හරහා පාඨකයන් වෙත ගෙන ඒමට සමත් වුණා. සෝමවීරයන් එතැනින් තමයි විත‍්‍රපටවලටත් ටෙලිවිශනයටත් යොමු වුණේ.

දොම්පෙගේ බන්ධුල හරිශ්චන්ද්‍ර පීරිස් උපන්නේ පානදුරේ කෙසෙල්වත්තේ දීය. ඒ මීට වසර 79කට පෙර 1940 මැයි 24 දාය. ඔබතුමා සියක් ආයු ලබන්නට අපේ පැතුම!

- පර්සි ජයමාන්න


බන්ධුලගේ චිත‍්‍රකතා කියවන්න බලන්න!

Comments

  1. I learned art from him at his house. I think he did not charge any money.

    ReplyDelete

Post a Comment

Popular posts from this blog

වත්මන් ළමා ගී පරපුරේ ආරම්භකයා - ශී‍්‍ර රූපදේව කවීන්ද්‍ර ආනන්ද රාජකරුණා

‘රෝස මලේ නටුවෙ කටූ - වන බමරෝ ඔහොම හිටූ
නටුව නොවේ මල සිඹිමී - මම ළමයෝ පැණි උරමී’

යනුවෙන් ළමයකුත්, වන බමරකුත් අතර සංවාදයක් ආකාරයෙන් ලියා ඇති කුඩා කවිය අදත් අපේ දරුවන් අතරත් වැඩිහිටියන් අතරත් එකසේ ජනපි‍්‍රය ළමා කවකි. ළමයින්ට කවි ලිවීම අරභයා ආනන්ද රාජකරුණා (1885-1957) කවියා දැක්වූ දක්ෂතාව මැන ගැනීමට එම කව ම ප‍්‍රමාණවත්ය. ළමයින් සඳහා විවිධ මට්ටමේ කව් රැසක් ආනන්ද රාජකරුණා විසින් අපේ ළමා පරපුරට දායාද කර තිබේ.

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.