Skip to main content

වසර 15කින් මොළයේ චිප් තැන්පත් කළ සුපිරි මිනිසුන්!

මයික්‍රොචිපයක් ඔබේ මොළයේ තැන්පත් කිරීමෙන් එහි සම්පූර්ණ කි‍්‍රයාකාරිත්වය හෙළිකර ගැනීම කළ හැකියි කීවොත් එය අලූත්ම විද්‍යා ප‍්‍රබන්ධ චිත‍්‍රපටයක එන්නක් යැයි ඔබ සිතන්නට පුළුවන.

ඒත් එය තවත් වසර 15කින් මෙපිට සැබෑ කර ගත හැකි දෙයක් යැයි විද්‍යාඥයන් කියනවා. එවැනි උපකරණයක් බිහි කිරීමට වෙහෙසෙන බ‍්‍රයන් ජොන්සන් කියන්නේ ස්මාට් ෆෝන් වගේ ජනතාව අතර ඉක්මනින් ම ජනපි‍්‍රය වන බවයි. ආරම්භයේ දී මෙම චිපය යොදා ගැනීමට බලාපොරොත්තු වන්නේ මොළේ ඇති වන ගැටලූ සහගත තත්වයන්ට පිළියම් සෙවීමටයි.

ඔවුන් වෙහෙසෙන බවයි.

මොළයේ තැන්පත් කෙරෙන චිපයක් මගින් එහි සම්පූර්ණ කි‍්‍රයාකාරිත්වය හෙළිදරවු කරගෙන මිනිසා තුළින් සුපිරි මිනිසකු බිහිකිරීමට ආසන්න බවයි විද්‍යාඥයන් දැන් කියන්නේ.

උතුරු කැලිෆෝනියා විශ්ව විද්‍යාලයේ ආචාර්ය ටෙඞ් බර්ජර් ප‍්‍රමුඛ විද්‍යාඥයන් පිරිසක් කරන පර්යේෂණයකට අනුවයි, කර්නෙල් ආයතනය දැනටමත් මිනිස් මොළයේ තැන්පත් කළ හැකි චිපයක් තැනීම ගැන කටයුතු ආරම්භ කළේ. ඔවුන් දැනටමත් රෝහල්වල සිටිනා අපස්මාර රෝගීන්ට අදාළව අත්හදා බැලීම් පටන් අරන්.

ඇමරිකාවේ විදුලි හා විද්‍යුත් ඉංජිනේරු ආයතනයේ නිල ප‍්‍රකාශනය වූ ‘ස්පෙක්ට‍්‍රම්’ (IEEE Spesrum) සඟරාවට ප‍්‍රකාශයක් කරන උතුරු කැලිෆෝනියා විශ්ව විද්‍යාලයේ ස්නාසා ඉංජිනේරු කේන්ද්‍රයේ ටෙඞ් බර්ජර් කියන්නේ ”අපි දැන් මේ උපකරණය මිනිසුන්ට යොදා පරීක්ෂණ කරනවා. ආරම්භයේ දී ම එහි ප‍්‍රතිඵල සාර්ථක බව පෙනෙන්නට තියෙනවා.” කියායි.

”අපේ මීළඟ පියවර වන්නේ මෙය බද්ධ කළ හැකි උපකරණයක් ලෙස වානිජ පදනමකින් නිපදවීමයි.” ඔහු වැඩිදුරටත් කියනවා.

ඔවුන්ගේ බලාපොරොත්තු ව මෙය නිරෝගී පුද්ගලයන් වෙනුවෙන් භාවිත කිරීමට පෙර ස්නායු පරිහානියට පත් වෙමින් යන ඇල්සයිමර් වැනි රෝග තත්වයනට ලක් වූ පුද්ගලයන් උදෙසා මුලින් ම යොදා ගැනීමයි. ඒ අතර අපස්මාර රෝගීන්ට ප‍්‍රතිකාර කිරීමට ඔවුන් මේවා දැනටමත් යොදා ගෙන තියෙනවා.

නිව් සයන්ටිස්ට් සඟරාවට ප‍්‍රකාශයක් කරමින් ජොන්සන් කියන්නේ ”ඔබට මොළයේ කී‍්‍රයාකාරිත්වයේ අඩු වීමකට එනම් විස්මෘතියක් වැනි තත්වයකට මුහුණදීමට සිදුවුණොත් මොළයේ හිපොකැම්පසයට මයික්‍රොචිපයක් බද්ධ කිරීමෙන් මොළයේ කි‍්‍රයාකාරීත්වය යළි පියවි තත්වයට පත් කළ හැකියි. නැති වූ මතකය නැවත ලබා ගත හැකියි.” කියායි.

කර්නෙල් ආයතනයේ ආරම්භකයා වූ ඔහු පෘතුගාලයේ ලිස්බන් නගරයේ පැවති වෙබ් සමුුළුවකදී කියා ඇත්තේ ඔවුන් විසින් ආරම්භ කර ඇති මොළයට මයික්‍රොචිප තැනීමේ වැඩ පිළිවෙළ නිසා මොළයේ රහස් හෙළිදරවු කර ගැනීමට හැකි වන නිසා එය මිනිසා මෙතෙක් ජය නොගත් ඉසව්වකට පා තැබීමක් බවයි.

”මං හිතන විදියට ඉදිරි වසර 15-20 තුළ, මොළයට අදාළ ව අප නගන ඕනෑම ප‍්‍රශ්නයකට පිළිතුරු සොයා ගත හැකි වන තරමේ මෙවලම් ගණනාවක් තනා ගැනීමට අපට හැකි වේවි.” ජොන්සන් කියනවා.

”නිදසුනක් වශයෙන් මට නිවැරදි මතකයක් ලබා ගත හැකිද? මට මගේ මතකයන් අමතක කළ හැකිද? මගේ ඉගෙනීමේ හැකියාව වැඩි කර ගත හැකිද? මට මගේ මොළය සමග සන්නිවේදනය කිරීමේ හැකියාව ඇති කර ගත හැකිද?” ඔහු තවදුරටත් පැහැදිලි කරනවා.

”අතීතයේ සිදුවූවක් ගැන අත්දැකීමක් ලබන්නට ඔබට අවශ්‍ය නම් එය සිතින් මවා ගත හැකි වෙනත් අයකුගෙන් එය මයික්‍රො චිපයක් මගින් ලබා ගෙන ඒ අත්දැකීම ඒ අයුරින් ම විඳින්න ඔබට අනාගතයේ දී පුළුවන් වේවි.

”අනාගතයේ දී මෙම මයික්‍රො චිප් අද ස්මාර්ට් ෆෝන් මෙන් සුලබ වේවි. මේවායේ උපකාරයෙන් සුපිරි කි‍්‍රයාකාරිත්වයෙන් යුත් මොළයක් ඔබටත් උරුම කර ගත හැකි වේවි.”

මොළයේ තැන්පත් කිරීමෙන් වෛද්‍ය ප‍්‍රතිකාර ලබා දීම සඳහා සුක්ෂම උපකරණයක්් තැනීමට කර්නල් ආයතනය දැනටමත් අවධානය යොමු කර තියෙනවා. (පරිගණකයෙන් නිර්මාණය කළ රූපයකි.)

මෙහි දැක්වෙන මොළයේ ඇති හිපොකැම්පසය තමයි අපේ මතකය හා සම්බන්ධව කි‍්‍රයා කරන්නේ.

ආචාර්ය ටෙඞ් බර්ජර් පැහැදිලි කරන ආකාරයට අනුව මෙම රූපයෙන් දැක්වෙන්නේ මොළයේ ඇති හිපොකැම්පසය නිසි පරිදි කි‍්‍රයාත්මක නොවන අවස්ථාවලදී විශේෂ චිපයක් මගින් නැති වූ මතකය යළි ලබා ගත හැකි අයුරුයි.




Comments

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

වත්මන් ළමා ගී පරපුරේ ආරම්භකයා - ශී‍්‍ර රූපදේව කවීන්ද්‍ර ආනන්ද රාජකරුණා

‘රෝස මලේ නටුවෙ කටූ - වන බමරෝ ඔහොම හිටූ
නටුව නොවේ මල සිඹිමී - මම ළමයෝ පැණි උරමී’

යනුවෙන් ළමයකුත්, වන බමරකුත් අතර සංවාදයක් ආකාරයෙන් ලියා ඇති කුඩා කවිය අදත් අපේ දරුවන් අතරත් වැඩිහිටියන් අතරත් එකසේ ජනපි‍්‍රය ළමා කවකි. ළමයින්ට කවි ලිවීම අරභයා ආනන්ද රාජකරුණා (1885-1957) කවියා දැක්වූ දක්ෂතාව මැන ගැනීමට එම කව ම ප‍්‍රමාණවත්ය. ළමයින් සඳහා විවිධ මට්ටමේ කව් රැසක් ආනන්ද රාජකරුණා විසින් අපේ ළමා පරපුරට දායාද කර තිබේ.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.