Skip to main content

වඳ වී ගිය සයිබීරියානු ලෙන් සිංහයන් ජුරාසික් පාර්ක් ක‍්‍රමයට යළි උපදියි ද?

වසර 50,000කට පෙර ජීවත්වූ සිංහ පැටියකුගේ සිරුරක් ඉතා සුරක්ෂිතව තිබී රුසියාවේ සයිබීරියානු හිම බිමෙහි තිබී හමුවී තියෙනවා. සදා හිමතුහින සහිත මෙම ප‍්‍රදේශයේ ‘ඉතාමත් ඉහළ තත්වයෙන් ආරක්ෂා වී ඇති සිංහ සිරුරට ජුරාසික් පාක් ක‍්‍රමයේ අත්හදා බැලීමකින් පණ දිය හැකිද?

පසුගිය දා මේ විස්මිත සිංහ සිරුර රුසියාවේ ශීතල අධික ම කලාපයේ සාඛා ජනරජයේ අගනුවර වූ යාකුට්ස්ක්හි දී ප‍්‍රථම වතාවට මහජනතාවට දැක ගන්නට අවස්ථාව සැලසුවා. මේ සිංහ පැටියා වයස සති 6ත් 8ත් අතර එකෙක්. සයිබීරියාවේ සදා හිමතුහින සහිත ප‍්‍රදේශයේ දී ඌ මියගිය හේතුව තවමත් අබිරහසක්.

දැනට වඳ වී ගොස් ඇති සිංහ විශේෂයකට අයත් මේ පැටියකුගේ සිරුරක් මෙසේ හමු වී ඇත්තේ ලොව පළමු වතාවටයි.

යුරෝපියානු හෝ යුරේෂියානු සිංහයන් බොහෝ කලකට පෙර වඳ වී ගිය සත්ව කොට්ඨාසයක්. එපමණක් නොව අද ලොව වෙසෙන අප කිසිවකුත් ඒ සතුන් පණ පිටින් දක නැහැ. අප දැක ඇත්තේ පොසිල හා ලෙන් චිත‍්‍ර වශයෙන් පමණයි.

මේ ලෙන් සිංහයාත් අප අද දන්නා වර්තමාන සිංහයාට බොහෝ සේ සමානයි. ඌ වසර 10,000කට පමණ පෙර ප්ලීස්ටොසීන යුගයේ අවසාන භාගයේ දී යුරෝපයේ සිට ඇලස්කාවට එන්නට ඇත්තේ බේරිං බිම් පාලම මතින් විය හැකියි.

මේ වර්ගයේ වැඩුණු යුරෝපීය සිංහයකු දිගින් මීටර 1.2ක් (අඩි 3.9ක්) උසින් හා වල්ගය අත හැර සිරුර පමණක් දිගින් මීටර 2.1ක් (අඩි 6.9ක්) තරම් වෙන්න ඇති. මෙයින් පෙනෙනවා ඇති ඒ සිංහයා බොහෝ සේ අද අප දන්නා සිංහයාට සමාන බව පැහැදිලි වේවි.

ඒ කාලයේ සිංහයන් ඔවුන්ට වඩා වේගයෙන් හා ජවයෙන් වැඩි හෝ ප‍්‍රමාණයෙන් විශාල ශාක භක්ෂක සතුන් දඩයම් කරන්නට ඇති. අශ්වයන්, මුවන්, පිනිමුවන්, බයිසන් ගවයන් ආදී සතුන් පමණක් නොව දුබල මැමතයන් ද දඩයම් කරන්න ඇති.

කිසිවෙකුත් දන්නේ නෑ මේ සිංහයන් වඳ වුණේ කොහොමද කියලා. සමහරුන් කියනවා ලෙන් වලසුන් වගේ ම මුවන් ගහනය අඩුවීමෙන් ආහාර හිඟවීම නිසා සිංහයනුත් අඩු වී යන්න ඇතැයි කියා. තවත් මතයක් තියෙනවා ඒ මතය නම් එම සතුන්ගේ ලොම් ලබා ගැනිම පිණිස ඒ සතුන් පමණ ඉක්මවා ඝාතනය කිරීමෙන් වඳ වී යන්නට ඇතැයි යන්නයි.

සයිබීරියානු සිංහයා මේ මිහිමත විසූ විශාලතම බිළාලයා බව නිසැකයි. ඒ අවස්ථාවේදී එරට විද්‍යා ඇකඩමියේ විද්‍යාඥයකු වූ ආචාර්ය ඇල්බට් ප්‍රොටෝපොව් මාධ්‍ය අමතා කීවේ ”අපට ඉදිරියේ දී මේ සතා ක්ලෝන ක‍්‍රමයට උපද්දන්න හැකියාවක් ඇති වේවි” කියායි.

”මේ සත්ව සිරුරු ඉතා ම සුරක්ෂිතව තිබෙනවා. අත්පා හොඳින් තියෙනවා. බාහිරව සමේ කිසි ම තුවාලයක්වත්, අඩු තරමින් සීරීමක්වත් වෙලා නැහැ.” ඔහු තවදුරටත් කීවා.
මෙයින් මුල් ම සිරුර හමු වූයේ 2015දීයි. එය මුලින් ම හමුවූයේ ඒ ප‍්‍රදේශවාසියකු වූ බොරිස් බෙරෙෂ්නොව් නම් අයෙකුටයි.

ඉන්පසු විද්‍යාඥයන් ඒ පිළිබඳව ආරම්භ කළ පර්යේෂණ කටයුතු වසර තුනක් තිස්සේ සිදුකරනු ලැබුවා. ඒ අතර වසර දෙකකට පසුව ඔවුන්ට තවත් සිරුරු හමුවුණා. පර්යේෂකයන් සොයා ගත් අලූත් සිරුරු දෙකට ඔවුන් උයාන් හා ඞීනා කියා නම් තැබුවා.

ක්ලෝන කර ගත හැකැයි සැලකෙන මේ විස්මිත සොයා ගැනීම රුසියාවේ විශාලතම හා ශීතල ම දිස්ති‍්‍රක්කය වූ සාකාහී යාකුට්ස් අගනුවර දී දැක බලා ගැනීමට සලස්වනු ලැබුවේ මෙසේයි.

‘මේ සතාගේ දක්වලින් උගේ වයස නිර්ණය කළ හැකියි. වසර 3ක් තිස්සේ කරන අධ්‍යයනයකින් පසු බොහෝ කරුණු හෙළිදරවු කර ගත හැකි වේවි.’ විද්‍යාඥයන් කියනවා.

හිමේ ගල් වී තිබූ හමු වූ මේ සිරුරට අදාළ පර්යේෂණ සම්පූර්ණ කරන්නට වසර තුනක් පමණ ගතවෙනවා. මේ සිරුර හමුවුණේ යකුටියාහි අබියිස්කි දිස්ති‍්‍රක්කයේ ටිරෙක්ටයික් ගං ඉවුරේ නිත්‍ය හිම සහිත ප‍්‍රදේශයක වැලලී තිබියදීයි.

2015 දී මෙවැනි සිංහ පැටියකුගේ මළ සිරුරක් මාධ්‍යයට අනාවරණය කරමින් ආචාර්ය ප්‍රොටොපෝපොව් කීවේ ”අද වෙසෙන සිංහයන්ගේ පැටවුන් සමග සන්සන්දනය කරන විට ශවුන් ප‍්‍රමාණයෙන් කුඩා බවයි. ඔවුන් ඇස් තිබුණෙත් නැහැ. කිරිදත් සම්පූර්ණයෙන් ම ඇවිත් තිබුණෙත් නැහැ” කියායි. එහෙත් වසර දෙකකට පසු තවදුරටත් ඒ ප‍්‍රදේශය ගවේෂණය කරද්දී හමු වූ පැටවුන් එසේ නොවූ අතර ඔවුන් වත්මන් සිංහ පැටවුනට වඩා බරින් වැඩි බව පෙනී ගියා.

ඒ පළාතේ පදිංචිකරුවකු වූ බොරිස් බෙරෙෂ්නෝව් තමයි මුලින් ම මේ සිරුරක් දැක තිබෙන්නේ. ගංගාවේ ජල මට්ටම අඩු වීමත් සමග ඔහු අහම්බෙන් එම සිරුර දැක තිබෙනවා.

යුරෝපීය ලෙන් සිංහයා වැඩුණු පසු මීටර් 1.2ක් (අඩි 3.9ක්) උසින් යුත් හා වලිගය නොමැතිව මීටර් 2.1ක් (අටි 6.9ක්) දිග සිරුරක් ඇති සතෙකු බවට කළ නිගමනයක් තියෙනවා. ඒ ජර්මනියේ කෞතුකාගාරයක තැන්පත් කර ඇති ඇටසැකිල්ලක් අනුව යමින් කළ එකක්.

යුරෝපීය හා යුරේෂියානු ලෙන් සිංහයන් බොහෝ කලකට පෙර වඳ වී ගිය සත්ව විශේෂයක්. ඔවුන් ගැන මෙතෙක් ලෝකයා දැන සිටියේ ලෙන් චිත‍්‍රවලින් හා පොසිල වශයෙන් හමු වූ අස්ථි කොටස්වලින් පමණයි.වත්මන් සිංහයාගේ පරපුර වසර 10,000කට පෙර ප්ලීස්ටෝසීන යුගයේ දී යුරෝපයේ සිට ඇලස්කාව දක්වා විසිර වාසය කළ බැව් සඳහන් වෙනවා. ඒ පරපුරට ම අයත් ආදීමයකු ලෙස සැලකිය හැකි මේ යුරෝපීය හා යුරේෂියානු සිංහයාගේ සුරැකිව පැවති සිරුරු කීපයක් රුසියාවේ සදා හිමෙන් වැසුණු ප‍්‍රදේශයකින් හමු වී තිබීම මේ සියවසේ කළ ලොකු ම සොයා ගැනීමක් ලෙස සැලකිය හැකියි.

පසුගිය දා ප‍්‍රසිද්ධියට පත් කළ අධ්‍යයන වාර්තාවකින් කියැවුණේ මේ සිංහයන්ගේ වඳ වී යාමට හේතුවන්නට ඇත්තේ ඒ යුගයේ ජීවත් වූ මිනිසුන් ඔවුන්ගේ ලෙන් සරසන්නට අවශ්‍ය ලොම් ලබා ගන්නට පමණ ඉක්මවා ඔවුන් මරන්නට යාම විය හැකි බවයි.

සත්ව සම්පිරවුම් විශේෂඥයකු වූ රුසියන් ජාතික ඉනොකෙන්ටි පැවලෝෆ් මුල් සොයා ගැනීමෙන් පසු ඒ ප‍්‍රදේශයෙන් ම සොයා ගත් අලූත් සිරුරක් පරීක්ෂා කරන අයුරු.

මේ අපූරු සොයා ගැනීම් හමුවුණේ රුසියාවේ අබියිස්කි දිස්ති‍්‍රක්කයේ ටිරෙක්ටික් ගඟබව නිත්‍ය තුහින ප‍්‍රදේශයේ දීයි.

උයාන්ගේ බර කි.ග‍්‍රෑ.2.8ක් (රා. 6ක්) පමණ වෙනවා. එය දැන් ජීවත්වන සිංහයකුගේ අලූත උපන් පැටියකුට වඩා කි.ග‍්‍රෑ.2.1ක් (රා. 4.6ක්) පමණ බරින් වැඩි තත්වයක්. මේ වයසේ දී ඔවුන්ගේ ලිංගික භාවය හරියට ම කියන්න බැහැ.

මේ පැටවුන් ඉතාමත් කුඩායි. ඒ නිසා ඔවුන් ඇස් ඇර නැතිවා නිසැකයි. ‘ඩිනාගේ ඇස් තදින් පියවෙලයි තියෙන්නෙ. උයාන්ගේ වම් ඇස පියවී තිබුණාත් දකුණු ඇස යාන්තබි විවර වී තිබුණා.’ යනුවෙන් ඔවුන්ගේ නිරීක්ෂණ සටහන්වල ලියා තිබුණා.

මේ එක් පැටියෙකු ප‍්‍රාග් ඓතිහාසික යුගයේ දී මවගෙන් කිරි බොමින් ඉන්න ඇති. ඒ කාලය සොයා ගත් අලූත සිතුවේ වසර 10,000ක් යැයි සිතුවත් පරීක්ෂණවලින් පසු ඔවුන් දැන් කියනවා ඒ කාලය වසර 55,000ක් ඈතට දිව යන බව.

ගල් යුගයේ මිනිසා මේ සිංහයන් දඩයම් කළා ද?

ගල් යුගයේ මිනිසා ඒ සිංහයන්ගේ රූප ලෙන් චිත‍්‍රවලට ඇතුළත් කළ බව සොයා ගත හැකි වී තියෙනවා. ඔවුන්ගේ ස්වරූපය කෙබඳුදැයි අප දැනගෙන ඇත්තේ ඒවා අනුවයි.

මීට වසර 40,000ත් 50,000ත් අතර යුගයේ එනම් ඉහළ පේලියෝලිතික යුගයේ මිනිසා මේ සිංහයන් දඩයම් කරන්නට ඇති. බොහෝ විට සම් ලබා ගන්නට වෙන්න ඇති. ඒ සම් ඇද තබා වියළා තබා ගෙන අලංකාර සැරසිල්ලක් ලෙස ලෙන් තුළ යොදා ගන්නට ඇති.

දේශගුණයේ ඇති විෂමතා නිසාත් ආහාරයට ගන්නා සතුන් වඳ වී යාම නිසාත් සිංහයන්ගේ ජීවන පැවැත්මටත් තර්ජනයක් එල්ල වෙන්නට ඇති.

මේ අදහස් පළ කෙරුණේ ඒ පරීක්ෂණය හා පර්යේෂණය අතරමග දී පසුගියදා නිකුත් කළ අධ්‍යයන වාර්තාවකිනුයි.
ඉහළ පේලියෝලිතික යුගයට අයත් උතුරු ස්පාඤ්ඤයේ ලා ගාර්මා නම් වූ ලෙනකදී හමු වූ ලෙන් සිංහයන්ගේ පොසිල නිය පසුරු කොටස් නවයක් පර්යේෂණයට භාජනය කිරීම තුළින් ස්පාඤ්ඤයේ කැන්ටබි‍්‍රයා විශ්ව විද්‍යාලයේ මේරියන් කුයිටෝ ප‍්‍රමුඛ පර්යේෂකයන් පිරිසක් විසින් සොයා ගත් කරුණු මෙහිදී සැලකිල්ලට ගෙන තියෙනවා.

ඔවුන්ගේ වාර්තාවලින් කියැවෙනවා ඒ නිය පසුරු මුල් සමෙන් නොගැලවී ඒ අයුරින් ම තබා ගැනීමට විශේෂ මෙවලම් වර්ගයක් භාවිත කර ඇති බව. ඔවුන් එසේ හඳුනා ගෙන ඇත්තේ එහි ඇති විශේෂ සලකුණු පිරික්සීමෙනුයි. ඒ ක‍්‍රමය වර්තමානයේ භාවිත කරන ක‍්‍රමයට බොහෝ සමාන බවයි ඔවුන් කියන්නේ.

මුල් සොයා ගැනීමෙන් පසු ව හමු වූ පැටියාගේ සිරුර පරික්ෂණවලට භාජනය කිරීමෙන් පසු එය වසර 20,000ත් 50,0000ත් අතර කාලයට අයත් වන බව. මෙහි දැක්වෙන්නේ 2015 දී මුලින් ම හමු වූ පැටවුන් දෙදෙනාගේ සිරුරුයි.

දැන් විශ්වාස කරන විදියට ඒ කාලයේ උන් මේ සිංහයන් ඔවුන්ට වඩා විශාල ශාක භක්ෂක සතුන් බයිසන් ගවයන්, පිනි මුවන්, අශ්වයන්, මුවන්, වයස්ගත මැමතයින් හෝ ඔවුන්ගේ පැටවුන් දඩයම් කර ජීවත් වෙන්නට ඇති.

Comments

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

වත්මන් ළමා ගී පරපුරේ ආරම්භකයා - ශී‍්‍ර රූපදේව කවීන්ද්‍ර ආනන්ද රාජකරුණා

‘රෝස මලේ නටුවෙ කටූ - වන බමරෝ ඔහොම හිටූ
නටුව නොවේ මල සිඹිමී - මම ළමයෝ පැණි උරමී’

යනුවෙන් ළමයකුත්, වන බමරකුත් අතර සංවාදයක් ආකාරයෙන් ලියා ඇති කුඩා කවිය අදත් අපේ දරුවන් අතරත් වැඩිහිටියන් අතරත් එකසේ ජනපි‍්‍රය ළමා කවකි. ළමයින්ට කවි ලිවීම අරභයා ආනන්ද රාජකරුණා (1885-1957) කවියා දැක්වූ දක්ෂතාව මැන ගැනීමට එම කව ම ප‍්‍රමාණවත්ය. ළමයින් සඳහා විවිධ මට්ටමේ කව් රැසක් ආනන්ද රාජකරුණා විසින් අපේ ළමා පරපුරට දායාද කර තිබේ.

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.