Skip to main content

රාමාගේ පාලමේ අබිරහස කුමක් ද!

වසර මිලියන 1.7 ක් පැරැණි යැයි විශ්වාස කරනු ලබන රාම් සේතු එසේ නැතිනම් ‘රාමාගේ පාලම’ සැබැවින්ම, මිථ්‍යාවත් යථාර්ථයත් අතර දෝලනය වන අබිරහසක්. ඉන්දියාවේ පම්බාන් දූපතේ ධනුෂ්කොඩි තුඩුවෙන් ආරම්භ වී අපේ ශී‍්‍ර ලංකාවේ මන්නාරම් දූවෙන් අවසන් වෙනවා යැයි පැවසෙන මෙම පාලම කිලෝ මීටර් 30 ක් දිගින් යුක්ත වූ බවත් පළල කිලෝ මීටර් 3 ක් වූ බවත් විශ්වාස කෙරෙනවා. ‘රාමාගේ පාලමෙ’හි නටබුන් ලෙස අද අපට දකින්න ලැබෙන්නේ මුහුදේ පාවෙන දිගු ගල් පේළියක් පමණයි. එය අභ්‍යවකාශයටත් පෙනෙනවා. එහි ලොකු අබිරහසක් සැඟවී තියෙන බවයි, පැවසෙන්නේ. මේ ගල් පේළියට යටින් ඇත්තේ කොරල් පර යි. මේවා බොහෝ කාලයකට පෙර මිනිසා විසින් ඉදිකළ එකක් බව දැන් පිළිගෙන තියෙනවා. මෙය පාලමක් බවට සක්ෂි වාල්මිකීගේ රාමායනයේත් තියෙනවා.

ඉපැරණි සංස්කෘත මහා කාව්‍යයක් ලෙස සැලකෙන ‘රාමායනය’ වාල්මිකී ඍෂිවරයාගේ කෘතියක්. කාණ්ඩ හතකින් හා සර්ග 500කින් යුත් එහි සංස්කෘත ශ්ලෝක 24000ක් ඇතුළත්. එය ගී‍්‍රක මහාකවි හෝමර්ගේ ‘ඉලියඞ්’ මහා කාව්‍යය මෙන් සිව් ගුණයක් විශාලයි. රාමායනට ඇතුළත් වන්නේ කි‍්‍ර. පූ. 500ත් කි‍්‍ර. පූ. 100ත් අතර කාලයේ සිදුවූ ඓතිහාසික පුවතක්. ඒ කාලයේ කෝසල රාජධානියේ රජකම් කළ දසරථ රජතුමා සිය පළමු බිසවගේ පුත් කුමරා වූ රාමා වනයට පිටුවහල් කරන්නේ තෙවන බිසවගේ කුමන්ත‍්‍රණයක් නිසයි. අයෝධ්‍යා අගනුවරින් පිටත් ව වසර 14ක් මහ වනය තුළ ගත කරන ඔහුට එහි දී අත්දැකීම් රාශියකට මුහුණ දීමට සිදු වෙනවා. ඔහුට එහිදී වාල්මිකි ඍෂිවරයාත් හමුවෙනවා.

රාමායනයට අනුව, ‘රාමසේතු’ පාලම ඉදි කරන ලද්දේ රාමකුමරු සහ ලක්ෂ්මණගේ සහායට ආ හනුමාන් සහ වානර සේනාව විසිනුයි.

වාල්මිකී රාමයනයේ සඳහන් කරන අන්දමට රාමා යනු විෂ්ණු දෙවියන්ගේ දස අවතාර අතුරින් සත්වැනි අවතාරයයි. රාමකුමරු කෝසල රාජධානියේ රාජ්‍යත්වය හිමි තැනැත්තායි. ලක්ෂ්මණ ඔහුගේ සොයුරායි. රජ මාලිගයෙන් පිටුවහල් කිරීමෙන් පසු, රාමා, ඔහුගේ සුරූපී බිරිඳ සීතා සහ ඔහුගේ සොහොයුරු ලක්ෂ්මණ සමඟ වනගත වෙනවා.

වනයේ ඇති වූ සිද්ධියක් නිසා කෝපයට පත් ලංකා දේශයේ රජකළ රාවණා රජු පළිගැනීමේ අරමුණින් සීතා පැහැර ගැනීමෙන් පසු, සීතා බේරා ගැනීමේ අදහසින් රාමා සහ ලක්ෂ්මණ වානර සේනාවක් පිරිවරා ගෙන ලංකාව බලා පැමිණෙනවා. ඔවුන්ගේ සහායට හනුමන් එක් වන්නේ එම අවස්ථාවේදීයි. ලංකාවට යෑමට ඔවුන්ට ඇති බාධකය මහා සාගරයයි. මුහුදෙන් එතෙර වෙන්න ඉඩ දෙන්නැයි රාමා මුහුදු පාලක දෙවිඳුන් වන වරුණගෙන් ඉල්ලීමක් කරනවා. කෙසේ නමුත් වරුණ රාමාගේ ඉල්ලීමට කන් දුන්නේ නැහැ. රාමාගේ ඇමතුමට ඔහු ඉදිරියේ පෙනී සිටියේත් නැහැ. එවිට රාමා ඔහුගේ මහා බලගතු ඊතල විඳිමින්, මුහුද කළඹන්න පටන් ගන්නවා. වරුණ දෙවියන් රාමා ඉදිරියේ පහළ වන්නේ එවිටයි. එසේ පහළ වී වරුණ දෙවියා කියා ඇත්තේ මෙවැනි දෙයක්. ”විශ්වකර්මගේ දරුවකු වානර සේනාවේ වානරයන් අතරේ සිටිනවා. එම වානරයාගේ උදවුවෙන් පාලමක් ඉදිකර ලංකාවට යා හැකියි.”

ඒ අනුව පාලම ඉදිකරන වානරයා නාලායි. ඒ කාරියේ දී නීල් නමැති සෙන්පති වානරයාගේ සහාය ද නාලාට හිමිවෙනවා. ‘රාමා සේතු’ පාලම නාලාගේ පාලම හෙවත් ‘නාලා සේතු’ යන නමින් ද හැඳින්වෙන්නේ ඒ නිසයි. කෝටියක වානර පිරිසක් මේ ඉදිකිරීමේ කටයුත්තට දායක වෙනවා. පාලම ඉදි කෙරෙන්නේ දින පහක් තරම් කෙටි කාලයකිනුයි. රාමායනයට අනුව, වානර සේනාව, ඇතුළු වන සතුන් පමණක් නොව, සාගර ජීවීන් ද පාලම නිර්මාණය සඳහා එක් වී තියෙනවා. තල් ගස් පොල් ගස්වල කඳන් පමණක් නොව හුණු ගල් ද පාලම නිර්මාණයට යොදා ගැනෙනවා. පාලමට යොදා ගත් එම ගල් ජලයේ නොගිලී පා වෙන තත්වයට පත් කළේ නාලා සිය දැනුම සහ හැකියාව යොදා ගනිමින් යැයි ද රාමායනයේ වැඩි දුරටත් සඳහන් වෙනවා.


රාමා සේතු පාලමට අයත් යැයි විශ්වාස කෙරෙන මුහුදේ එක තැන පාවෙන ගල් කුට්ටි සහ ගල් පතුරු අද විද්‍යාඥයන්ට අබිරහසක් වී ඇත්තේ ඒවා මෙසේ පා වෙන්නේ කෙසේද යන්න සම්බන්ධයෙනුයි. එම ගල් සැබැවින්ම රාම සේතු පාලමට අයත් ඒවා ද? නොඑසේ නම්, රාමායණය සැබෑවක් ද? බොහෝදෙනාගේ මවිතයට හේතු වී ඇත්තේ එයයි.

ඇමෙරිකාවේ නාසා ආයතනයේ විද්‍යාඥයන් මෙම අබිරහස දෙස විදු ඇසින් බලනවා. පෘථිවි කක්ෂයේ රඳවා ඇති අති ප‍්‍රබල චන්ද්‍රිකා දුරේක්ෂ ආධාරයෙන් රාමා සේතු පාලමේ ශේෂයන් අධීක්ෂණය කරන නාසා විද්‍යාඥයන් පෙන්වා දෙන්නේ දකින්නට ලැබෙන ගල්, ශේෂ වූ පාලමකට අයත් ඒවා නොව, කොරල් පර පිහිටීමක් කියායි. කොරල් තැනී ඇත්තේ කැල්සියම් කාබනේට්වලිනුයි. භූ විද්‍යාඥයන් පෙන්වා දෙන අන්දමට නම්, කොරල් ජලයේ පා වෙන්නේ නැහැ. ඊට හේතුව ඒවා ජලයට වඩා ඝනත්වයෙන් වැඩිවීමයි. එමෙන්ම, වසර ගණනාවක් තිස්සේ කොරල් පර නිර්මාණය වන්නේ, මුහුදු පතුලේ සිට තට්ටු කිහිපයක් ලෙසිනුයි. කොරල් බිහි වන්නේ ඝන පෘෂ්ඨයක් මතුපිට පමණයි. එහෙයින්, රාම් සේතු පාලමේ ශේෂයන් යැයි විශ්වාස කෙරෙන ගල්, කොරල් යැයි කිව නොහැකි බව භූ විද්‍යාඥයන් වැඩිදුරටත් පැහැදිලි කර දෙනවා.

රාමායනය ගැන විශ්වාසය පළ කරන බොහෝ විද්වතුන් පෙන්වා දෙන්නේ රාමා සේතු පාලම සැබෑවක් මෙන් ම සැබැවින් ම එය ඉන්ජිනේරු විස්කමක් ලෙසයි. වර්තමානයේ රාමේෂ්වරම්හි දකින්න ලැබෙන පාවෙන ගල්, ජලයේ පාවීමට නම් ඒවා ජලයට වඩා ඝනත්වයෙන් අඩුවිය යුතුයි. පුදුමයට කරුණක් නම්, එම ගල් ජලයට වඩා ඝනත්වයෙන් වැඩි වීමයි. එසේ නම්, ඒවා පාවෙන්නේ කෙසේද? භූ විද්‍යාඥයන් ඒ ගැන පැහැදිලි කිරීම් කරන්නේ, එම ගල් තුළ වායු කුහර ඇති බවයි. එසේ වායු කුහර ඇත්නම් ඒවායේ පා වීමක් සිදුවිය හැකි යැයි භූ විද්‍යාඥයන් වැඩිදුරටත් පෙන්වා දෙනවා. විද්‍යාඥයන් බොහෝ දෙනකු මේ පැහැදිලි කිරීම පිළිගන්නවා. ඒ කුරුල්ලන් පියාඹන රහස අනුව යමිනුයි. කුරුල්ලන්ගේ සිරුරු බර වුවත්, උන් පහසුවෙන් පියාසර කරන්නේ, සිරුරේ අස්ථිවල ඇති වායු කුහර නිසයි. එම වායු කුහර නිසා කුරුල්ලන්ගේ සිරුරේ බර සැහැල්ලූ වෙනවා. ඒ දැනුම නාලා මේ පාලම ඉදිකිරීමේදී භාවිත කළා ද!


Comments

  1. ඉතාමත්ම වටිනා ලිපියක් !
    මෙම වීඩියෝව මීට පෙර දිනෙක මා නරඹා තිබුණා. එහෙත් ඒ ඇසුරෙන් ලියැවුණු සිංහල ලිපියක් දුටුවේ අදයි.

    පුරාවෘත්ත අනුව වසර 5000-8000 අතර පැරණියි , රාම-රාවණා කතා පුවත. මෙම ගල් වල කාලනිර්ණය ද එම කාලය හා සමපාත වීම කිසිසේත්ම නොසලකහැරිය නොහැකියි.

    එහෙත් ශ්‍රී ලාංකික බහුතරය, එම පුරාවෘත්ත, අතට ගත් සැනින්, මිත්‍යා ලෙස ක්ෂණිකව බැහැර කරනවා විනා, විද්‍යාත්මකව විමසීමක් හෝ සොයාබැලීමක් කරන්නේ නෑ. එය නම් අතිශයින්ම කනගාටුවට කරුණක්!

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

වත්මන් ළමා ගී පරපුරේ ආරම්භකයා - ශී‍්‍ර රූපදේව කවීන්ද්‍ර ආනන්ද රාජකරුණා

‘රෝස මලේ නටුවෙ කටූ - වන බමරෝ ඔහොම හිටූ
නටුව නොවේ මල සිඹිමී - මම ළමයෝ පැණි උරමී’

යනුවෙන් ළමයකුත්, වන බමරකුත් අතර සංවාදයක් ආකාරයෙන් ලියා ඇති කුඩා කවිය අදත් අපේ දරුවන් අතරත් වැඩිහිටියන් අතරත් එකසේ ජනපි‍්‍රය ළමා කවකි. ළමයින්ට කවි ලිවීම අරභයා ආනන්ද රාජකරුණා (1885-1957) කවියා දැක්වූ දක්ෂතාව මැන ගැනීමට එම කව ම ප‍්‍රමාණවත්ය. ළමයින් සඳහා විවිධ මට්ටමේ කව් රැසක් ආනන්ද රාජකරුණා විසින් අපේ ළමා පරපුරට දායාද කර තිබේ.

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.