Skip to main content

වසර 20කට පෙර බිල්ගේට්ස් පළ කළ අනාවැකි!

ලෝකයේ පරිගණක දැවැන්තයකු වූ මයික්‍රොසොෆ්ට් සමාරම්භකයා වූ බීල් ගේට්ස් 1999 දී පොතක් ලිව්වා, Business @ the Speed of Thought යන නමින්. මීට වසර 20කට පමණ පෙර ඒ පොත ලියමින් ඔහු විස්මිත අනාවැකි ගණනාවක් ම පළ කර තියෙනවා. මාකූස් කිර්යෝනන් (Markus Kirjonan) නම් බ්ලොග් රචකයකු මේ ගැන ඔහුගේ බ්ලොග් තීරුවේ සටහනක් තබා තිබුණා. අපේ මේ සටහන සැකසෙන්නේ එහි දක්වා තිබූ කරුණු ඇසුරු කර ගෙනයි.


අංක 1. මිල සසඳන වෙබ් අඩවි
බිල් ගේට්ස්ගේ අනාවැකිය: ඉන්ටර්නෙට් හරහා, විවිධ වෙබ් අඩවි ඔස්සේ සිසාරා, ලොව පුරා සියලූම කර්මාන්තවලට අදාළ නිෂ්පාදනවලට මිල ගණන් සසඳා, තමන්ට සුදුසු හා අවශ්‍ය දෑ එසැණින් තෝරා ගැනීමට හැකි ස්වයංකී‍්‍රය මිල සන්සන්දන සේවාවන් බිහි වේවි.

අද අප දකින දේ: දැන් ඔබට පහසුවෙන් ම පුළුවන් ගූගල් හෝ ඇමසන් වැනි සෙවුම් යන්ත‍්‍ර ඔස්සේ ඔබට අවශ්‍ය දේ අඩු ම මිලට, විශේෂයෙන් ම එක ම නිෂ්පාදනයේ ඇති අඩු ම මිල ඇති තැන් සොයා ගන්න. ඒ වගේ ම NexTag හා PriceGrabber වැනි අඩවි බිහිවී තියෙන්නේ මිල ගණන් සැසඳීම සඳහාමයි.

අනාවැකි අංක 2. ඔබේ සහයට ජංගම මෙවලම්
බිල් ගේට්ස්: තමා කොහේ හිටියත් අවශ්‍ය කටයුතු ඉටු කර ගත හැකි වන සේ, ඊට අනුරූප වන කුඩා ජංගම මෙවලම්, ජනතාව අත ගැවසෙනු ඇති. ඒවා යොදා ගෙන අන්තර්ජාලය හරහා ව්‍යාපාරික හා බැංකු කටයුතු ඇතුළු සියලූ වානිජ කටයුතු කළ හැකි වේවි. ඒ වගේ ම ඔවුන්ට ඒ ජංගම මෙවලම් මගින් ලොව පුරා එසැණ ප‍්‍රවෘත්ති දැන ගන්නටත්, තමන්ගේ ගුවන් ගමන් තොරතුරු බලා ගන්නත්, වෙළෙඳ පොළ තතු විමසන්නටත්, පමණක් නොව වෙනත් ඕනෑම දෙයක් ඒ හොහොතේ ම තර ගත හැකි වේවි.


අද අප දකින දේ: දැනටමත් ඔබ මේ සියල්ල ම ස්මාට් ෆෝන්වලින් මෙන් ම ස්මාට් ඔරලෝසුවලින් ද මේවා අත් විඳිනවා නොඅනුමානයි.

අනාවැකි අංක 3. ඔන්ලයින් ගනුදෙනු හා වෙබ් අඩවි මගින් සෞඛ්‍ය සත්කාරය
බිල් ගේට්ස්: අනාගතයේ දී ජනතාව ඉන්ටර්නෙට් හරහා එසැණ බිල්පත් ගෙවීම්, තමන්ගේ මුල්‍ය ආයෝජන අධීක්ෂණය කිරීම්, වෛද්‍යවරුන් සමග සාකච්ඡුා කිරීම්, වෛද්‍ය වාර්තා ලබා ගැනීම් ආදිය ඔන්ලයින් හරහා පහසුවෙන් කර ගනු ඇති.

අද අප දකින දේ: ප‍්‍රවාහන කටයුතුවල ඌබර් (Uber) වැනි සේවාවන් නිසා සිදුවූ තරම් ශීඝ‍්‍ර පෙරළියක් සෞඛ්‍ය ක්ෂේත‍්‍රයේ තවමත් සිදු වී නැතත් තමාට අවශ්‍ය හොඳම වෛද්‍යවරයා සොයා ගැනීම, හමුවීමට වෛද්‍යවරුන්ගේ චැනල් සේවා පහසුකම් ලබා ගැනීම ZocDoc වැනි සේවාවලින් පුළුවන්කම තියෙනවා. ඒ වගේ ම One Medical and Forward වැනි අලූත් සේවා නිසා වෛද්‍ය සේවය පහසු කර තියෙනවා. ඔන්ලයින් ක‍්‍රමයට මාසික සාමාජිකත්වයක් ලබා ගෙන දත්ත හුවමාරු කර ගනිමින් සෞඛ්‍යය හොඳින් පවත්වා ගෙන යාමට වෛද්‍යවරයාගෙන් උපදෙස් ලබා ගන්න පුළුවන්. ඒ වගේ ම ඔන්ලයින් හරහා Lending Club වැනි සේවාවලින් ණය ලබා ගැනීමටත් ඒ ණය පියවීම PayPal හා Venmo වැනි සේවා හරහා කිරීමටත් දැන් පුළුවන්.

අනාවැකි අංක 4. පුද්ගලික සහකරුවන් හා ඉන්ටර්නෙට් බැඳි මෙවලම්
බිල් ගේට්ස්ගේ අනාවැකිය: නව ‘පුද්ගලික සහකරුවන්’ පිරිසක් බිහි වේ. ඉන්ටර්නෙට් හරහා බිහි වෙන මේ පුද්ගලික සහකරුවන් ඔබේ කටයුතු පහසු කරවන සේ සියලූ මෙවලම් හා සම්බන්ධතා ඇති කර දෙමින් ‘ස්මාට්’ ක‍්‍රමයට සේවා ලබා ගැනීමට ඔබට සහය වනු ඇති. ඔබ ගෙදර හිටියත්, කාර්යාලයේ සිටියත්, වෙනත් කොතැනක සිටියත්, වෙනසක් නැතිව දත්ත හුවමාරු කර දෙමින් මේ පහසුකම් ඔබට සපයා දෙනු ඇති. ඒවා, ඔබේ ඊමේල් හෝ වෙනත් ඔබට ලැබෙන දැනුම්දීම් කියවා බලා ඔබ කලින් දුන් උපදෙස් අනුව කි‍්‍රයා තරකු ඇති. අවශ්‍ය විට ඔබව දැනුවත් කරනු ඇති. ඔබ සාප්පු යන විට ඔබේ අවශ්‍යතා කී විගස, මිලදී ගත යුතු බඩු ලැයිස්තුව එසැණ සකසා දෙනු ඇති. ඒ සමග ම ඔබේ අවශ්‍යතා හා ඔබ මිල දී ගත් ද්‍රව්‍ය ගැන ඔබ පරිහරණය කරන සියලූ මෙවලම්වලට අදාළ පරිදි දැනුම් දෙන අතර ඒ උපකරණ ස්වයංකී‍්‍රයවම ඔබේ අවශ්‍යතා ඉටු කරලීමට පෙර සූදානම් කරවීම ද මේ ‘පුද්ගලික සහකරුවන්’ අතින් ඉටුවනු ඇති.

අද අප දකින දේ: ගූගල් විසින් ජංගම මෙවලම් සමග කි‍්‍රයා කළ හැකි ‘ස්මාට් සහකරුවන්’ පිරිසක් දැනටමත් හඳුන්වා දී තියෙනවා. ඒ ඉන්ටර්නෙට් මෘදුකාංග යෙදවුම් විශේෂයක්. ඒවා ‘පුද්ගලික සහකරුවන්’ ලෙස ඔබට වැඩට යොදා ගත හැකියි. දැනටමත් Nest නම් ‘ස්මාට්’ යෙදවුමට ඔබේ එදිනෙදා කටයුතු පිළිබඳ දත්ත රැස්කොට තබා ගෙන, ඔබේ ගෙදර උෂ්ණත්වය ඔබේ පහසුව සඳහා පාලනය කිරීමට හැකියාව තියෙනවා.
ඒ විතරක් නොවෙයි ඔබට අවශ්‍ය නම් ඔබේ ඊමේල් ඔබට ඇසෙන සේ හඬගා කියවන්නට මේ සහකරුවන්ට පුළුවන්. ඒ වගේ ම ඔබ වෙළෙඳ පොළෙන් ගෙනා බඩුවලින් කෑමක් හදනවා නම් ඒ ගැන ඔබට උපදෙස් දෙන්නත් මේ යෙදවුම්වලට පුළුවන්.

අනාවැකි අංක 5. ඔන්ලයින් ඔස්සේ ගෙදරදොර ගැන සොයා බලන්නත් පුළුවන්
බිල් ගේට්ස්ගේ අනාවැකිය: අනාගතයේ ඔබේ නිවසේ සිදුවන දැ, ඔබට ලොව කොතැනක ගියත්, ඒ ඕනෑම තැනක සිට, ඕනෑම වෙලාවක නැරඹීමට ඔබට අවස්ථාව සැලසේවි. ඔබ බැහැර ගිය විටෙක ඔබේ නිවසට එන අමුත්තන් ඔබට දැක ගත හැකියි.

අද අප දකින දේ: ගූගල් විසින් දැනටමත් ඩ්‍රොප්කැම් (Dropcam) නමින් වූ නිවෙස්වලට ආරක්ෂණ පද්ධති සවිකරන සමාගමක් මිලදී ගෙන තියෙනවා. ඒ සඳහා ඔවුන් 2014 දී ඩොලර් මිලියන 555ක් වැය කළා. ඒ ආරම්භයක් විතරයි. රින් කියන ආයතනය දොර සීනුවකට සම්බන්ධ කැමරාවක් නිපදවා තියෙනවා ඒ වාගේ ම පෙට්කියුබ් (Petcube) කියන කැමරාව නිපදවූ සමාගම කියන්නේ ඔවුන්ගේ කැමරාවට සම්බන්ධ ලෙසර් දහරක් මගින් ඔබට ඕනෑම දුරක සිට ඔබේ ගෙදර ඉන්නා සුරතලූන් සමග වුව සෙල්ලම් කළ හැකි බවයි.

අනාවැකි අංක 6. සමාජ වෙබ් අඩවි
බිල් ගේට්ස්ගේ අනාවැකිය: ඔබේ මිතුරන්ගේ හා පවුලේ සාමාජිකයන්ගේ පුද්ගල වෙබ් අඩවි බිහිවීම සාමාන්‍ය දෙයක් වේවි. ඒවාට පිවිස ඔවුන්ගේ තොරතුරු විමසා බැලීම, කතාබහේ යෙදීම, ඉදිරි කටයුතු සැලසුම් කිරීම ආදිය සුලබ වේවි.


අද අප දකින දේ: මේ වන විට ලොව පුරා මිලියන දෙකකට අධික පිරිසක් මුහුණු පොත් (Facebook) ගිණුම් පවත්වා ගෙන යනවා. ඔවුනොවුන් හා කතා බහේ යෙදෙනවා. අදහස් හුවමාරු කර ගන්නවා. වැඩ කටයුතු සැලසුම් කරනවා. ඒ වගේ ම Snapchat, Instagram, WhatsApp, and Messenger වැනි යෙදවුම් වගේ ම කුඩා සමාජ ජාල තියෙනවා අපට ඕනෑම වෙලාවක එකිනෙකා හා කතාබහ කර ගත හැකි.

අනාවැකි අංක 7. ස්වයංකී‍්‍රය ප‍්‍රවර්ධන ප‍්‍රදානයන්
බිල් ගේට්ස්ගේ අනාවැකිය: අන්තර්ජාලය හරහා කෙරෙන ඔබේ කි‍්‍රයාකාරම් හඳුනාගෙන ඒවාට ගැළපෙන යම් යම් දේ යෝජනා කළ හැකි මෘදුකාංග පහළ වෙනවා. නිදසුනක් වශයෙන් සංචාරයක් යන්නට සැලසුම් කළොත්, ඒ හා බැඳුණු ඒ අවට ඔබට හමුවන කි‍්‍රයාකාරකම්, ඒ ප‍්‍රවර්ධන ප‍්‍රදානයන් මගින් ඔබට හඳුනාගත හැකි වේවි. අඩු මිලට ඔබ සොය සොයා සිටි දේ මිල දී ගන්නත්, ඒ සංචාරයේ දී ඔබේ රුචියට ගැළපෙන දේ කරන්නත්, ඔබේ රුචි අරුචිකම් වටහා ගන්නා ඒ මෘදුකාංගවලට හැකි වේවි.

අද අප දකින දේ: මේ වන විට බිහි වී ඇති Expedia හා Kayak සංචාරක වෙබ් අඩවිවලට දැන් පුලූවන්කම තියෙනවා, ඔබේ අතීත තෝරා ගැනීම් අනුව සොයා බලා, ඔබට එවැනි දෙයට උපකාර කරන්න. ඒ වගේ ම ෆේස් බුක් ගූගල් වැනි ඒවාට දැන් හැකියාව තියෙනවා, ඔබේ රුචි අරුචිකම් අනුව ඔබට ගැළපෙන දැන්වීම් විතරක් පළ කරන්නට. Airbnb යෙදවුමට පුලූවන් ඔබට උපකාර කරන්න, හෝටලයක නවතිනු වෙනුවට ඔබේ මනාපයට ගැළපෙන ගෙදරක නැවතී ඒ පළාතේ අයකු ලෙස සුහද ව ඒ අත්දැකීම ලබන්න.

අනාවැකි අංක 8. සජීවී කී‍්‍රඩා සාකච්ඡුාවලට වරම්
බිල් ගේට්ස්ගේ අනාවැකිය: ටෙලිවිශනයෙන් හෝ අන්තර්ජාලයෙන් සජීවී කී‍්‍රඩා තරඟයක් නරඹමින් ඉන්නා අතර ඒ අඩවියෙහි ම පහසුකම් ඇති වේවි ඔබට එය නරඹන වෙනත් අය සමග ඔබේ අදහස් එවේලේ ම හුවමාරු කර ගන්න. ඒ වගේ ම ඔබට තරගය අතරතුර දිනන අය නම් කර තෑගි දිනා ගැනීමටත් අවස්ථාව උදා වේවි.

අද අප දකින දේ: මේ වන විට සමාජ අඩවි ගණනාවක් ම ඒ කටයුතු ඉටු කරන බව අමුතුවෙන් කියන්න ඕනෑ නෑ. Twitter (ට්විටර්) ඒ අතර ඉදිරියෙන් ම ඉන්නවා. කී‍්‍රඩා ගැන විතරක් නොවෙයි, නායකයන් ගන්නා පියවර ගැන එවේලේ ම ඔබේ ප‍්‍රතිචාරය දැක්වීමටත්, ඒ ඔස්සේ පුලූවන්. ESPN වගේ අඩවිවලට පිවිසෙන ඔබට කී‍්‍රඩාවක් නරඹන අතරතුර ඔබේ අදහස් එවේලේ ම ලොව පුරා සිටින නරඹන්නන් සමග හුවමාරු කර ගන්නත් පුලූවන්.

අනාවැකි අංක 9. ස්මාට් දැන්වීම්කරණය
බිල් ගේට්ස්ගේ අනාවැකිය: ස්මාට් ඇඞ්වර්ටයිසන් කළ හැකි යෙදවුම් බිහි වේවි. ඔබේ මිල දී ගැනීමේ රුචි අරුචිකම් හඳුනාගෙන ඊට ගැළපෙන ලෙස වෙනස් කළ දැන්වීම් ඔබ වෙත එල්ල කිරීමට ඒවාට හැකි වේවි.

අද අප දකින දේ: දැන් ඔබ දකින දැන්වීම් වැඩි හරියක් එවැනි ඒවා බව ඔබට ෆේස් බුක් හෝ ගූගල් හෝ මගින් පෙනේවි. ඔබ නිතර ම බලන ඒවා මොනවාද ඔබ අන්තර්ජාලය හරහා මිල දී ගන්නේ මොනවාදැයි විමසිල්ලෙන් සිටින ඒ සමාජ ජාලවලට ඔබේ මනාපයට ගැළපෙන දේ පමණක් ඔබ වෙත යොමු කිරීම කිසිම අපහසුවක් නැතිව කළ හැකියි.

අනාවැකි අංක 10. රූපවාහිනී නරඹන අතර ඊට ප‍්‍රතිචාර දැක්වීම
බිල් ගේට්ස්ගේ අනාවැකිය: ටෙලිවිශන විකාශනයක් අතරතුර ඔවුනට ප‍්‍රතිචාරය දැක්විය හැකි ඈඳීන් තිරයේ සටහන් කරාවි. ඒ අනුව ඔබට වැඩ සටහන නරඹන අතර ම ඔබේ අදහස් එවේලේ ම දැක්විය හැකියි.

අද අප දකින දේ: දැන් හැම වෙළඳ දැන්වීමකම පාහේ ඔවුන්ගේ වෙබ් අඩවිවල ඇඞ්රස් දමනවා. ඉක්මනින් ම ඔවුන් ඇමතිය හැකි මාර්ග සඳහන් කරනවා. ට්විටර් මගින් හෝ වෙනත් ක‍්‍රමවලින් කතාබහේ යෙදෙන්න පුලූවන්.

අනාවැකි අංක 11. අන්තර්ජාලය හරහා සාකච්ඡුා හා සමුළු පැවැත්විය හැකි වේවි
බිල් ගේට්ස්ගේ අනාවැකිය: රටක හෝ නගරයක පුරවැසියන්ට එත තැනකට එක් රැස් නොවී තමන්ට අදාළ පොදු ප‍්‍රශ්න ගැන අන්තර්ජාලය හරහා තමන් කරමින් ඉන්නා වැඩ අතරතුර සාකච්ඡුා කළ හැකියි. දේශපාලනය හා ආරක්ෂාව ගැන අත්‍යවශ්‍ය දේ අප‍්‍රමාදව කතාබහ කොට තීරණ ගත හැකි වේවි.

අද අප දකින දේ: දැන් හැම සමාගමකම වගේ ම, දෙපාර්තමේන්තුවකම අන්තර්ජාල වෙබ් අඩවි තියෙනවා. ඒවායේ පහසුකම් සලසා තියෙනවා, ඔබට අදහස් එසැණ දැක්වීමට. ඒ වගේ ම ඒවායින් ප‍්‍රශ්න කරන්නත් ඔබට පුලූවන්. ට්විටර් හා ෆේස්බුක් වැනි ඒවා මගින් එක හා සමාන අදහස් ඇති අය කොයිතරම් ළං කළා ද කීවොත් ලිබියාවේ ඊජිප්තුවේ වගේ ම ටියුනිසියාවේ ජනතාව වීදි බස්සවා ආණ්ඩු පෙරළි පවා සිදු කළ බව ඔබ දැනටමත් දන්නවා.

අනාවැකි අංක 12. ඔබේ රුචිය අනුව සැකසුණු වෙබ් අඩවි
බිල් ගේට්ස්ගේ අනාවැකිය: ඔබ ඉන්නා තැන කොතැන වුනත් ප‍්‍රශ්නයක් නැහැ. අනාගතයේ දී ඔබේ රුචි අරුචිකම් අනුවයි,
ප‍්‍රජාවන් ඇති වන්නේ. අන්තර්ජාලය තුළ විවිධ ආකාරයේ ප‍්‍රජාවන් සංවිධාන වේවි. සමහර විට ඔබේ ප‍්‍රජාවට අයත් අනෙක් සගයා දුර රටක ඉන්නා අයෙක් විය හැකියි. කෙතරම් දුරස්ථව සිටියත් ඔබට එක් ව වැඩ කළ හැකි වේවි.

අද අප දකින දේ: දැන් බිහි වී තියෙනවා ඔන්ලයින් ප‍්‍රජාවන් රාශියක් ලෝකය පුරා ම. එක එක විෂයයන්ට වෙන්වුණු. දැනුම අනුව වැඩ අනුව අදහස් අනුව විවිධ වෙබ් අඩවි තියෙනව. ඒවා සම්බන්ධ වෙලා තමන්ගෙ අදහස් බෙදා හදා ගෙන වැඩ කරන්නට හැකියාව තියෙනවා. බොහෝ පුවත් අඩවි අතු බෙදී ගොස් විශේෂිත අංශවල වෙන් වූ පුවත් සපයන මාධ්‍ය බවට දැනටමත් පත්වෙලා තියෙනවා. එක් විෂයක් හෝ එක් මාතෘකාවක් මත සවිස්තරාත්මක තොරතුරු ඒවායින් සැපයෙනවා. එක් උදාහරණයක් තමා Reddit යන අඩවිය. එය උප අඩවි ඇති කර ගනිමින් සිය සේවාවන් සපයනවා, ඔබ ඉන්නා තැනවත්, ඔබ කවුරුන්ද කියාවත් සොයන්නේ නැතිව. අන්තර්ජාලය හරහා භාණ්ඩ අලෙවිය ද සිදුවන්නේ ද ඒ අනුව සැකසුණු වෙබ් අඩවි හා මෘදුකාංග මගින්.

අනාවැකි අංක 13. ව්‍යාපෘති කළමනාකාරණය මෘදුකාංග මගින්
බිල් ගේට්ස්ගේ අනාවැකිය: ව්‍යාපෘති කළමනාකරුවන්ට ඔන්ලයින් හරහා තම ව්‍යාපෘතිවල වැඩ කරන්නට සුදුසු අය තෝරා ගෙන ඒ අය හා සාකච්ඡුා කර තම කාර්යය ඉටු කර ගත හැකි වේවි. ඒ වගේ ම තමන්ගේ ව්‍යාපෘති විස්තර කොට උපදෙස් ලබා ගන්නත් හැකි වේවි.

අද අප දකින දේ: දැන් මෙය අන්තර්ජාලය හරහා ඕනෑ තරම් සිදු වෙනවා. එක රටක වාසය කරමින් තවත් රටක ව්‍යාපෘතිවල සේවය කරන අය ඉන්නවා.

අනාවැකි අංක 14. ඔන්ලයින් හරහා බඳවා ගැනීම්
බිල් ගේට්ස්ගේ අනාවැකිය: තමන්ගේ හැකියාවන් දක්ෂතා හා සුදුසුකම් දක්වා ඔන්ලයින් හරහා රැකියා අවස්ථා උදා කර ගන්නත් අනාගතයේ දී පුලූවන් වේවි.

අද අප දකින දේ: දැන් ඒ සඳහා විශේෂයෙන් වෙන් වූ වෙබ් සේවා තියෙනවා. LinkedIn ඉන් එකක්. ඒ සඳහා ඔබට ඔබේ ජීව දත්ත යවන්න පුලූවන්. බඳවා ගන්නා අයට මේ අඩවියට පිවිස තමන්ට වඩාත් සුදුසු අය තෝරා ගන්න ඉතා පහසුයි.

අනාවැකි අංක 15. ව්‍යාපාරික ප‍්‍රජාව සඳහා මෘදුකාංග
බිල් ගේට්ස්ගේ අනාවැකිය: සමාගම්වලට ඔවුන්ගේ නිෂ්පාදන සිදුවන තැන්වල සේවය සඳහා ඔන්ලයින් හරහා සේවකයන් ඉල්ලූම් කළ හැකි වේවි. නිදසුනක් වශයෙන් චිත‍්‍රපටයක් තනන ප‍්‍රදේශයකදී හෝ දැන්වීම් ප‍්‍රචාරණ කාර්යයක් සිදු කෙරෙන කලාපයක දී ඒ කාර්යයට අවශ්‍ය සේවකයන් කෙළින් ම අන්තර්ජාලය එගින් ගෙන්වා ගත හැකි වේවි. තම කටයුතු පිටස්තර ආයතනවලට පැවරීමේදී හා බාහිර සම්පත් ලබා ගැනීමේදී විශාල සමාගම්වලට මෙය ඉතාමත් කාර්යක්ෂම දෙයක් වේවි. ව්‍යාපාර වලට නව සේවාදායකයන් හෝ අනුග‍්‍රාහකයන් සෙවීමේදී ඒ ආයතනවලට ඒ සඳහා විශේෂිත සැපයුම්කරුවන් සොයා යාමට අවශ්‍ය නොවනු ඇති. අන්තර්ජාලයේ සහය ඔවුන්ට ඍජුවම ලබා ගත හැකි වේවි.

අද අප දකින දේ: දැන් මේ හා සම්බන්ධ ව්‍යවසායකයන්ට අදාළ මෘදුකාංග යෙදවුම් රාශියක් ම අන්තර්ජාලයේ භාවිත වනු දැකිය හැකිය. Upwork ඊට එක් නිදසුනකි. ව්‍යාපාරිකයන්ට ඒවා හරහා සාකච්ඡුා කොට වඩාත් අලූත් විශාල ව්‍යාපාර ඇති කර ගන්නත් හැකි වේවි. ඒ වගේ එතෙක් තමන් නොදැන සිටි නිදහස් සැලසුම්කරුවන් ලේඛකයන් හා ඉංජිනේරුවන් හඳුනාගෙන ඔවුන්ගේ සේවය ඒ ආයතනවලට දුරස්ථව සිට ම ලබා ගත හැකි වී තිබේ.




Comments

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.