වසර කෝටි 160 පැරණි ඇල්ගී වර්ගයක් සොයා ගනියි!

ලෝකයේ ඉපැරණිතම යයි සැලකිය හැකි ශාක විශේෂ දෙකක් පොසිල වශයෙන් සොයා ගැනීමට විද්‍යාඥයන් පිරිසක් සමත් වී තියෙනවා.

මේ විද්‍යාඥ පිරිසට මේ පොසිල හමු වී ඇත්තේ මධ්‍යම ඉන්දියාවේ චිත‍්‍රකූට පර්වතයේ අවසාදිත පාෂාණ අතර පොසිල ලෙසින් සුරැකිව තිබියදීයි. මෙම පොසිල වසර බිලියන 1.6ක් එනම් වසර කෝටි 160ක් පැරණි යැයි කියැවෙනවා.


මේ සොයා ගැනීමෙන් පෙනී යන්නේ බහු ෙසෙලීය ජීවීන් විශේෂයක් මීට වසර කෝටි 160කට සිටි බවයි. මෙය සත්ව හා ශාකවල ආරම්භය විය හැකියැයි විද්‍යාඥයන් විශ්වාස කරනවා. ඒ අනුව ඔවුන් පවසන්නේ තමන් මෙතෙක් සිතා සිටියාට වඩා වසර මිලියන 400ක් කලින් ජීවීන් මිහිමත පැවති බවයි.

පර්යේෂකයන්ට හැකි වී තියෙනවා ඉතා සියුම් අන්වීක්ෂ යොදා ගෙන විකිරණ රේඛණය මගින් ඒ පොසිල දෙස එබී බලන්නට. එහි දී ඔවුන්ට දැක ගන්නට ලැබුණා ඒ එක් පොසිලයක් තුළ රතු පැහැති නූලක් බඳු ඇල්ගී විශේෂයක් ඇති බව.

ස්වීඩනයේ ස්වාභාවික ඓතිහාසික කෞතුකාගාරයේ පුරාසත්වවිද්‍යාව පිළිබඳ සම්මානිත මහාචාර්ය ස්ටෙෆාන් බෙන්ස්ටන් (Stefan Bengtson) ඒ නව සොයාගැනීම ගැන අදහස් දක්වන්නේ මෙහෙමයි: ”අපට සියයට සියයක් විශ්වාසය ඇතුව කියන්න බැහැ මේ පොසිලවල කාල නිර්ණය ගැන. මක් නිසාද යත් අපට මේවායේ ඞීඑන්ඒ සොයා ගත නොහැකි නිසා. ඒත් රූපවේදය අනුව එහි දැක ගත හැකි ලක්ෂණ අනුව ඒවා රතු ඇල්ගී විශේෂයක් බව කියන්න පුලූවන්. මේවා අවම තරමින් වසර බිලියන තුනහමාරක් වත් පැරණි යැයි සිතිය හැකියි.”

මේ සොයාගැනීමට මුල් වූ විද්‍යාඥයන්ගේ අදහස අනුව මේවා පූර්ව න්‍යෂ්ටීය (prokaryotes) ජීවීන් ගණයටයි අයත් වන්නේ. ඉතාමත් සරල ජීවීන කොට්ඨාසයක් වන මේ පූර්ව න්‍යෂ්ටීය ජීවීන්ට ෙසෙලයක ‘මොළය’ ලෙස සැලකෙන න්‍යෂ්ටියක් නැහැ. ඒ වාගේ ම ඒ දේහය තුළ සංකීර්ණ කි‍්‍රයාවලියක් මෙහෙය විය හැකි ඉන්ද්‍රියිකාවන් (organelles) ඇත්තේත් නැහැ. මේවා ෙසෙලයේ ආරම්භක යුගයට අයත් යැයි සැලකෙන්නේ ඒ නිසයි.

ස්වීඞ්න් ජාතික විද්‍යාඥයන් පිරිසක් විසින් පොසිල ආකාරයෙන් සොයා ගෙන ඇති ලෝකයේ ඉපැරණිතම යයි සැලකිය හැකි ශාක විශේෂයක් වූ රතු ඇල්ගී වගාව.


Sinhala Samanartha Pada Koshaya

Buy Sinhala Samanartha Pada Koshaya Book

Nasrudin Books

Buy Nasrudin Books

Zen Book

Buy Zen Book

Post a Comment

0 Comments