Skip to main content

විස්මිත පෙබරවාරි!

ඔන්න ආයිත් මල් කැකුළු පිපෙන්න පටන් ගත්තා. ආයුබෝවන්! ටික කලකට පස්සේ තමයි මං මේ ඔබ අමතන්නේ. පහුගිය කාලෙ ඔබ වෙනුවෙන් මොකුත් ලියන්න බැරිවුණු එකට මට සමාවෙන්න! එයට හේතුව මගේ පි‍්‍රයතම විෂයය වූ ශබ්දකෝෂකරණය වෙනුවෙන් කාලය ගත කරන්න සිදුවීමයි. තනිවම ශබ්දකෝෂ දෙකක වැඩ සම්පාදනය කරන්න සිදුවුණු නිසා මං ටිකක් අවිවේකී වුණා. දැන් ඒ කටයුත්ත ඉවරයි. ඒ ගැන විස්තර පස්සේ කියන්නම්! මීට පස්සේ මට දිගටම මල් කැකුළු ඔස්සේ ඔබත් එක්ක එකතු වෙන්න පුළුවන්! මුලින් ම මේ මාසය ගැන යමක් කියලා පටන් ගන්නයි හදන්නෙ.

විස්මිත පෙබරවාරි!
මේ පෙබරවාරි මාසය හරිම විස්මිත මාසයක්! මං එහෙම කියන්නේ ඇයි කියල දන්නවද? මාස දොළහ අතරින් කුඩා ම මාසය මෙයයි. දැන් අවුරුදු ගණනාවක් තිස්සේ කැලැන්ඩරය හරියට පවත්වා ගෙන යන්නේ මේ පුංචි පෙබරවාරි මාසය නිසයි. මේ මාසයට තමයි අඩු ම දින ගණන තියෙන්නෙ. ඒ කියන්නේ 28යි. අවුරුදු හතරකට වතාවක් පෙබරවාරි මාසයට දවසක් වැඩියෙන් දීලා කැලැන්ඩරේ කෙළින් කර ගන්න එකයි අපි කරන්නෙ. ඒ අවුරුද්දට දින 366ක් වෙනවා. ඒක අධික අවුරුද්දක්!


අප අද ලොව පුරා භාවිත කරන්නේ අවුරුද්දකට දින 365ක් තියෙන කැලැන්ඩරයක්! ඒ අපේ පෘථීවිය සූර්යයා වටේ එක් වරක් යන්න ගත වන කාලය දින 365කුත් ‘සොච්චමක්’ වන නිසයි. ඒ වැඩි වන ‘සොච්චම’ අල්ලන්න තමයි අවුරුදු හතරකට වරක් එක දවසක් වැඩි කරන්නෙ. හැබැයි එතකොට අවුරුදු 100ක් යන කොට තව ‘සොච්චමක්’ කාලයෙන් වැඩි වෙනවා. ඒ නිසා ඒක අඩු කර ගන්න අවුරුදු 100කට සැරයක් පෙබරවාරි මාසය දින 28ට සීමා කරනවා. ඒ නිසා අධික අවුරුද්ද සොයා ගන්න 4න් බෙදන ක‍්‍රමය 100න් බෙදනවා නම් ඒ අවුරුද්ද ඒක අධික අවුරුද්දක් නෙමෙයි කියලා වෙනස් කරනවා. (මේ ගැන ‘කැලැන්ඩරේ කතන්දරේ’ යන ලිපි පෙළෙන් කිව්වා ඔබට මතක ඇති. )

කැලැන්ඩරේ තියෙන මේ දෝෂය හරිගස්සා ගන්න තවමත් අපට බැරි වෙලා තියෙනවා. දැන් කොයි තරම් ගණන්කාරයන් හිටියත් දියුණු පරිගණක තිබුණත්. මේ විස්මිත පෙබරවාරි මාසය නැතුව අපට තවමත් කැලැන්ඩරය ගැටගහගෙන යන්න බැහැ.

ඒ වගේ ම මේ පෙබරවාරි මාසය තවත් විස්මයක් දනවන එකක්! ඔන්න බලන්න! මේ පෙබරවාරි මාසයට ඉරිදා සිට සෙනසුරාදා දක්වා සෑම දිනයකට ම දින 4ක් බැගින් තියෙනවා. මේකත් දුර්ලභ පිහිටීමක් ! අපේ ජීවිත කාලෙදි ආයිත් මේ වගේ පෙබරවාරියක් එන්නේ නැහැ! ආයිත් මේ වගේ පෙබරවාරි මාසයක් එන්නේ තවත් අවුරුදු 823කින් කියලයි කියන්නෙ. හරිම පුදුමයි නේද?

සමාවෙන්න තවත් පුද්ගලික දෙයක් කියනවාට. මේ පෙබරවාරි මාසය මටත් සුවිශේෂ විස්මිත එකක්! මං උපන්නෙත් පෙබරවාරි මාසයේ 7 වැනිදා. (ඒ කියන්නේ 7යි 2යි. මට අදට අවුරුදු 72යි!)

 - පර්සි ජයමාන්න

Comments

  1. Replies
    1. අසංග බොහොම ස්තූතියි ඔබටx මං මල් කැකුළුලින් ටිකක් ඈත් වෙලා හිටියෙ විශේෂ වැඩක යෙදුන නිසාx දැන් ආයෙත් වැඩx ඔබට ජය!

      Delete
  2. සුභ උපන්දිනයක් වේවා පර්සි මහත්තයට.. අවුරුදු 72 ක් ද? මං ඒත් බැලුවා මොකද මල් කැකුලු පර වෙලා කියලා.. මම නං මේක අන්වා බලනවා.. බෝම ස්තුතියි එහෙනං. නිරෝගිමත් අනාගතයක්...

    ReplyDelete
    Replies
    1. බොහොම ස්තූතියි. මං මල් කැකුලූ පරවෙලා නැහැ. අසනීපවෙලා හිටියත් දැන් ආයෙත් වැඩ. මල් කැකුලූ බලන්න දිගටම එතකොටයි මට ලියන්න හිතෙන්නෙ. ඔබට ජය.

      Delete
  3. නිදුක් නීරෝගී දීර්ඝායු වේවා!!!


    "මල් කැකුළු" නැවත විකසිත වීම ගැන මට ඇත්තටම සතුටුයි.

    මට අද වගේ මතකයි,
    (ඉස්සර තිබ්බෙ පොඩි Nokia C1 phone එකක්)
    මීට අවුරුදු 3,4 කට කළින්,
    හැමදාම උදේ නැගිට්ට ගමන් ෆෝන් එක අතට අරන් මම එන්නෙ මේ අඩවියට...

    අලුත් දේ හොයන්න, නසෘදින්ගෙ කතා බලන්න, ගණිත ගැටළු විසඳන්න මම ඒ දවස්වල මේ වෙබ් අඩවිය සෑහෙන්න භාවිතා කලා.


    අද වෙනකොට උසස් පෙළත් නිම කරල හිටියට,
    අලුත් දේ හොයන්න මගෙ තියෙන කුහුළ තාම අඩු වෙලා නෑ.

    මේ කොමෙන්ට් කරන්න ටිල වෙලාවකට කළින් ,
    මම ෆෝන් එක අතේ තියෙද්දි "නිකමට වගේ මතක් වෙලා" ටයිප් කළා බ්‍රවුසරේ
    malkakulu.com කියල.


    ඇත්තටම මට සෑහෙන්න සතුටුයි!
    නැවත පණ ලබල නැගිටින මේ දැනුම් තෝතැන්න ගැන!!!


    "පර්සි ජයමාන්න" මාමාගේ නම මට අද වෙනකන් මතක තිබුණෙ මේ අඩවිය නිසාමයි.

    පර්සි මහතාණෙනි,

    ඔබට "ආවඩා ආයුබොහෝවේවා!!!"

    චිරං ජයතු!!!

    මේ අඩවිය අඛණ්ඩව අති සාර්ථකව කරගෙන යාමට ශක්තිය, ධෛර්‍යය , හැකියාව ලැබේවා!!!



    ReplyDelete
  4. සංජු ඔබට බොහොම ස්තූතියි. අසනීප වෙලා උන්නු නිසයි, උපන්දින සුබ පැතුමට වෙලාවට උත්තර දෙන්න නොලැබුණේ. මං දැන් දිගටම ලියනවා. ලබන මාසේ ඉඳලා හැමදාම ලියන්න බලාපොරොත්තු වෙනවා. මල් කැකුලූවලට කමෙන්ට් කරන්න. එතකොටයි මට දිගටම ලියන්න හිතෙන්නෙ. ඔබට සුබ අනාගතයක්!

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.