මල් කැකුළු

වසර 50,000කට පෙර ජීවත්වූ සිංහ පැටියකුගේ සිරුරක් ඉතා සුරක්ෂිතව තිබී රුසියාවේ සයිබීරියානු හිම බිමෙහි තිබී හමුවී තියෙනවා. සදා හිමතුහින සහිත මෙම ප‍්‍රදේශයේ ‘ඉතාමත් ඉහළ තත්වයෙන් ආරක්ෂා වී ඇති සිංහ සිරුරට ජුරාසික් පාක් ක‍්‍රමයේ අත්හදා බැලීමකින් පණ දිය හැකිද?

පසුගිය දා මේ විස්මිත සිංහ සිරුර රුසියාවේ ශීතල අධික ම කලාපයේ සාඛා ජනරජයේ අගනුවර වූ යාකුට්ස්ක්හි දී ප‍්‍රථම වතාවට මහජනතාවට දැක ගන්නට අවස්ථාව සැලසුවා. මේ සිංහ පැටියා වයස සති 6ත් 8ත් අතර එකෙක්. සයිබීරියාවේ සදා හිමතුහින සහිත ප‍්‍රදේශයේ දී ඌ මියගිය හේතුව තවමත් අබිරහසක්.

දැනට වඳ වී ගොස් ඇති සිංහ විශේෂයකට අයත් මේ පැටියකුගේ සිරුරක් මෙසේ හමු වී ඇත්තේ ලොව පළමු වතාවටයි.

වසර මිලියන 1.7 ක් පැරැණි යැයි විශ්වාස කරනු ලබන රාම් සේතු එසේ නැතිනම් ‘රාමාගේ පාලම’ සැබැවින්ම, මිථ්‍යාවත් යථාර්ථයත් අතර දෝලනය වන අබිරහසක්. ඉන්දියාවේ පම්බාන් දූපතේ ධනුෂ්කොඩි තුඩුවෙන් ආරම්භ වී අපේ ශී‍්‍ර ලංකාවේ මන්නාරම් දූවෙන් අවසන් වෙනවා යැයි පැවසෙන මෙම පාලම කිලෝ මීටර් 30 ක් දිගින් යුක්ත වූ බවත් පළල කිලෝ මීටර් 3 ක් වූ බවත් විශ්වාස කෙරෙනවා. ‘රාමාගේ පාලමෙ’හි නටබුන් ලෙස අද අපට දකින්න ලැබෙන්නේ මුහුදේ පාවෙන දිගු ගල් පේළියක් පමණයි. එය අභ්‍යවකාශයටත් පෙනෙනවා. එහි ලොකු අබිරහසක් සැඟවී තියෙන බවයි, පැවසෙන්නේ. මේ ගල් පේළියට යටින් ඇත්තේ කොරල් පර යි. මේවා බොහෝ කාලයකට පෙර මිනිසා විසින් ඉදිකළ එකක් බව දැන් පිළිගෙන තියෙනවා. මෙය පාලමක් බවට සක්ෂි වාල්මිකීගේ රාමායනයේත් තියෙනවා.

අමුතු විදියේ අවකාශ වස්තුවක් පසුගියදා පෘථිවිය ආසන්නයෙන් ගමන් කළා. එය කෙළින් ම ධූම කේතුවක් කියාවත් ග‍්‍රහකයක් කියාවත් කිව නොහැකි ‘සුරුට්ටුවක හැඩයක් ඇති මෙම අමුතු අවකාශ වස්තුව සක්වළ කිසියම් ශිෂ්ටාචාරයකින් පැමිණි යානයක් යැයි විශ්වාස කෙරෙනවා. ඒ අනුව ලෝක ප‍්‍රකට විද්‍යාඥ ස්ටීවන් හෝකින්ස් ප‍්‍රමුඛ විද්‍යාඥයන් පිරිසක් අධි තාක්ෂණික ස්කෑනර යොදා ගෙන මේ යෝධ සුරුට්ටුවක හැඩැති මේ ආකාශ වස්තුව ගැන දැන් පරීක්ෂණ පවත්වා ගෙන යනවා.

‘ඔමුවාමුවා’ යනුවෙන් නම් කර ඇති මේ අමුතු හැඩයේ ‘ග‍්‍රහකය’ ඇත්ත වශයෙන් ම යන්ත‍්‍ර අබලන් වීම නිසා මග වැරදී අපේ සෞරග‍්‍රහමණ්ඩලයට පා වී ආ සක්වළ යානයක් යැයි තාරකා විද්‍යාඥයකු මතයක් පළ කර තියෙනවා.

ඔහු ආචාර්ය ජේසන් රයිට්. ඇමෙරිකාවේ හවායිහි පෙන් ස්ටේට් විශ්ව විද්‍යාලයේ තාරකා විද්‍යාව හා තාරකීය භෞතික විද්‍යාව පිළිබඳ සම මහාචාර්ය වරයායි.
ආචාර්ය ජේසන් රයිට් පවසන්නේ මේ ආකාශ වස්තුව මෙහි පැමිණියේ අන්තරීක්ෂ අවකාශයේ සැරිසරන ධූම කේතුවක් එන ආකාරයට සමාන ආකාරයෙන් බවයි. ‘සක්වළ යානයක් වුනත් එංජීන් අකි‍්‍රය වුණොත් ඒ විදියට තමයි පැමිණෙන්නේ.’ ඔහු කියනවා.

මෑතදී සෞරග‍්‍රහ මණ්ඩලයට පාවී ආ සුරුට්ටුවක හැඩයෙන්…

අපේ සෞරග‍්‍රහ මණ්ඩලයට බොහෝ සෙයින් සමාන සෞරග‍්‍රහ මණ්ඩලයක් සොයා ගැනීමට ඇමරිකාවේ නාසා ආයතනය සමත් වී තියෙනවා.

මේ නව සෞරග‍්‍රහ මණ්ඩලය හමු වී ඇත්තේ ආලෝක වර්ෂ 10.5ක පමණ ඈතින් දකුණු අර්ධ ගෝලයේ පිහිටි එරිඩානුස් තාරකා පංතියට අයත් එප්සිලන් තරුව ආශ‍්‍රිත කලාපයේයි.

එය අපේ සෞරග‍්‍රහ මණ්ඩලය ආරම්භක යුගයේ පැවති ආකාරයට බොහෝ සේ සමාන බැව් විද්‍යාඥයන්ගේ මතයයි. අපේ හිරු වැනි තරුවක් වටා ග‍්‍රහලෝක බිහිවෙන අයුරු අපට එයින් දැක ගන්න පුළුවන්.

මේ දිනවල ලොව පුරා ටෙලිවිශන් රසිකයන් අතරේ ජනපි‍්‍රය ටෙලිකතා මාලාවක් තියෙනවා. ඒ තමා ‘බැබිලන් 5’ කියා හැඳින්වෙන ඒ විද්‍යා ප‍්‍රබන්ධ කතාව. ඈත එපිට සක්වළෙහි සැරිසරන අභ්‍යවකාශ නැවතුම් පොළක් සම්බන්ධ කර ගත් එය විකාශය වන්නේත් මේ එරිඩානුස් තාරකා පංතිය පසුබිම් කර ගෙන වීම විස්මයට කරුණක්.

එප්සිලන් එරිඩානි (Epsilon Eridani) ග‍්‍රහ මණ්ඩලය චිත‍්‍රශිල්පියකු දුටු හැටි. අලූත් හිරු සමග අපේ බ‍්‍රහස්පතී ග‍්‍රහයාට සමාන ග‍්‍රහයකු මෙන් ම ධූම කේතු දෙකක් ද ග‍්‍රහක වළල්ලේ ඇතුළතින් තිබෙනු දැකිය හැකියි. අපේ සෞරග‍්‍රහ මණ්ඩලයේ කයිපර් (Kuiper Belt) නම් ග‍්‍රහක වළල්ලත් ඒ ආකාරයෙන් ම මේ නව හිරු සමග තිය…

අප අතර ජීවත්වන වයෝවෘද්ධත ම පත‍්‍රකලාවේදියා වූ අපේ එඞ්වින් ආරියදාස මහත්තයට පසුගිය දෙසැම්බර් 3 වැනිදාට අවුරුදු 96ක් පිරුණා. ඒ පිළිබඳව මට ඇත්තේ කිව නොහැකි තරම් සතුටක්. ඒ අවුරුදු 96න් 53ක් ම මා එතුමා සමග ළඟින් ම හිටියා. අදහස් හුවමාරු කර ගත්තා. එතුමාගෙන් මා ලද දැනුම් සම්භාරය මෙතෙකැයි කියන්න බැරි තරම්. අපට මග පෙන්වන්නට අද වගේ සන්නිවේදන පාඨමාලා නොතිබුණු අපේ තරුණ කාලේ අපගේ පරමාදර්ශය වූයේ එතුමායි. සන්නිවේදන පාඨමාලා වැහි වැහලා ඇති අදත් අපේ නව පරපුර වෙනුවෙන් පවා ඒ පරමාදර්ශ තත්වය එසේ ම නොවෙනස් ව පවතිනවා.

ලෝක වනජීවී ඡායාරූප තරගය මේ වසරේදීත් පැවැත් වුණා. ඊට ලොව පුරා රටවල් 92කක තරඟ කරුවන් දහස් ගණනක් සහභාගි වුණා. වෘත්තීය හා ආධුනික මෙන් ම වයස් බේදයක් නැතිව තරග තරුවන් විසින් ඉදිරිපත් කළ කළු-සුදු හා වර්ණ ඡායාරූප පනස් දහසක පමණ නිර්මාණ මේ සඳහා එවා තිබුණා. මෙහි පළ වන්නේ ජයගත් ඡායාරූප නෙවෙයි. වසරේ ජයග‍්‍රාහකයන් ප‍්‍රකාශයට පත් කෙරෙන්නේ ඔක්තෝබර් 17 වැනිදාටයි. එහි දී ජය ගන්නා ඡායාරූප පමණක් නොව තරඟයට එවා තිබු ඡායාරූප අතරින් තෝරා ගන්නා ඡායාරූප ඇතුළත් ප‍්‍රදර්ශනයක් ලන්ඩනයේ ස්වාභාව විද්‍යා කෞතුකාගාරයේ දී ඔක්තෝබර් 20 දා සිට ගිම්හානය තෙක් පැවැත්වීමට නියමිතයි. ඉන්පසු මේ ඡායාරූප දැක්ම ලොව පුරා රටවල් කීපයකට ගෙන යාමටයි සංවිධායකයන්ගේ බලාපොරොත්තුව.

1. වලස් ආදරේ - 2017 ලෝක වනජීවී ඡායාරූප තරගයට ලොව නන් දෙසින් ලැබුණු පනස් දාහකට අධික ඡායාරූප අතරින් එකක්. (ඡායා: ඇශීලි ස්කලී)

චීනයේ චීන මහා ප‍්‍රාකාරය මෙන් උඩුගුවනේ ඈතට පවා පෙනෙන දැවැන්ත ඉදිකිරීමක් ජපාන අහසේ තියෙනවා. කිලෝමීටර 13.1 (සැතැපුම් 8.1) ක්. එය ජපානයේ දූපත් තුනක් යා කෙරෙන. මහමුහුද හරහා වැටුණු පාලමක්. එය අන් කිසිවක් නොව ලොව විශාලතම එල්ලෙන පාලම (longest two-tiered bridge system) ලෙස සැලකෙන සේටෝ ඕහාෂි (Seto–Ohashi) පාලමයි.

ඔබ දන්නවද ලෝකයේ අඛණ්ඩව පවතින විශාලතම හා පැරණිතම ශිෂ්ටාචාරය ඇත්තේ ඉන්දියාව බව.

ඔබ දන්නවද ලෝකයේ විශාලතම ප‍්‍රජාතන්ත‍්‍රවාදී රාජ්‍යය ඉන්දියාව බව.

ඔබ දන්නවද ලෝකයේ වැඩි ම තැපැල් හල් (ලක්ෂයකට වැඩියි) ඇත්තේ ඉන්දියාවේ බව.

ඔබ දන්නවද ඉන්දියාවේ එළදෙනුන් කෝටි 20කට වඩා ඉන්නා බව.

ඔබ දන්නවද ඉන්දියාවේ ටජ්මහල් මාලිගය මුළුමනින් ම තනා ඇත්තේ කිරිගරුඬ පාෂාණවලින් බව.

නස්රුදින්ට පලතුරු කඬේකින් පලතුරු හොරා කන්න හිතුණා. ඒත් ඒ පලතුරු කඬේ අයිතිකාරයා ඒකෙ ආරක්‍ෂාවට නරියෙක් නවත්තලා හිටියා. නස්රුදින් පලතුරු කඬේට කිට්ටු කරන කොට අයිතිකාරයා නරියාට කතා කරනවා නස්රුදින්ට ඇහුණා.

ලෝකයේ පරිගණක දැවැන්තයකු වූ මයික්‍රොසොෆ්ට් සමාරම්භකයා වූ බීල් ගේට්ස් 1999 දී පොතක් ලිව්වා, Business @ the Speed of Thought යන නමින්. මීට වසර 20කට පමණ පෙර ඒ පොත ලියමින් ඔහු විස්මිත අනාවැකි ගණනාවක් ම පළ කර තියෙනවා. මාකූස් කිර්යෝනන් (Markus Kirjonan) නම් බ්ලොග් රචකයකු මේ ගැන ඔහුගේ බ්ලොග් තීරුවේ සටහනක් තබා තිබුණා. අපේ මේ සටහන සැකසෙන්නේ එහි දක්වා තිබූ කරුණු ඇසුරු කර ගෙනයි.

වසර 2060කට පෙර ලියූ ලියැවිල්ලක් අපට ලැබුණා. කි‍්‍රස්තු පූර්ව 43 දී රෝමයේ විසූ දේශපාලකයකු, දාර්ශනිකයකු, පඬිවරයකු, ලේඛකයකු, පරිවර්තකයකු, දේශකයකු මෙන් ම කොන්සල්වරයකු ද වූ සිසෙරෝ (Cicero) ලියූ ලේඛනයක් ලෙසයි, මෙය හැඳින්වෙන්නෙ. ඔහු ජීවත්වූ කාලයේ රෝම අධිරාජ්‍යයේ පැවති ජීවිතය ගැන කළ මේ සටහන අදටත් කොච්චර ගැළපෙනවද බලන්න.

චීන ජාතික විද්‍යාඥයන් පිරිසක් ක්ලෝනකරණය අතින් නව මඟකට පිවිසිලා තියෙනවා. චීනයේ බෙයිජිං නුවර සීනෝ ජීන් සමාගමෙහි සේවය කරන මේ විද්‍යාඥ මණ්ඩලය සුනඛයකුගේ ජාන වෙනස් කර සුපිරි සුනඛයකු බිහි කර ක්ලෝනකරණය මගින් ඒ සුනඛයාට සමාන තවත් සුනඛයකු බිහි කිරීමට සමත් වෙලා තියෙනවා. ඔවුන් කියන විදියට අනාගතයේ දී තමන් පි‍්‍රය කරන ගති ගුණ ඇති තමන්ගේ ජීවිතයට උදවුවක් විය හැකි තමන්ට කැමති සුනඛ සුරතලකු දිගට ම තමන් ළඟ තියා ගන්න ඔබට පුළුවන්.

නිදසුනක් වශයෙන් ඔබට ඕනෑ වේගයෙන් දුවන්න පුළුවන් මස් පිඬු ශක්තිමත් සුනඛයකු නම් එය ජාන වෙනස් කිරීම මගින් අවශ්‍ය ආකාරයට සකසා පසු ව ක්ලෝනකරණය මගින් සමාන ‘සුනඛ පිටපත්’ ලබා දෙන්න ඔවුනට පුළුවන්.

ඒ විද්‍යාඥ මණ්ඩලයේ ප‍්‍රධානියා වූ ලායි ලියැංසූ (Lai Liangxue) කියන විදියට සුරතලයට මෙන් ම එදිනෙදා කටයුතුවලට සහය වන ආකාරයේ සුනඛයකු බිහිකර දෙන්න ඔවුනට දැන් හැකියාව තියෙනවා.

2015 දී ලායි මුලින් ම බීගල් සුනඛයන් දෙදෙනකු නිර්මාණය කළා. හර්කියුලීස් හා ටියැංගෝ නම් වූ ඔවුන් සාමාන්‍ය බීගල් සුනඛයන්ට වඩා දෙගුණයක් ශක්තිමත් පේශීන් ඇති අයයි.
මේ තමා ලොං ලොං. බීගල් වර්ගයේ පුංචි සුනඛ සුරතලෙක්. ජානමය වශයෙන් වෙනස් ක…

ගුරු හෙවත් බෘහස්පතී අපේ සෞර ග‍්‍රහ මණ්ඩලයේ විශාලත්වයෙන් මෙන් ම වයසින් වැඩි ම ග‍්‍රහයා බව සොයා ගනියි.

අප මෙතෙක් දැන සිටියේ ගුරු හෙවත් බෘහස්පතී එහෙමත් නැත්නම් ජුපිටර් විශාලත්වය අනුව අපේ සෞරග‍්‍රහ මණ්ඩලයේ ‘ලොකු අයියා’ වශයෙන් වුවද අලූත් අධ්‍යයනයකට අනුව එය වයසින් ද වැඩි ම ග‍්‍රගයා බව ද හෙළි වී තියෙනවා.

ඉතිහාසයේ පළමු වන වතාවට කරන ලද මේ අධ්‍යයනයෙන් හෙළි වී ඇති පරිදි එහි වයස අවුරුදු බිලියන හතරහමාරක් එනම් වසර මිලියන 4500ක් යැයි ගණන් බලා තියෙනවා.

මීට වසර 70කට උඩ දී සිදු වූ සක්වළ ජීවීන්ගේ පැමිණීමක් පිළිබඳ ආන්දෝලනාත්මක පුවතක් පසුගියදා නිකුත් වූ පොතක් යළි කරළියට පැමිණ තිබෙනවා.

ඇමෙරිකාවේ නිව් මැක්සිකෝ ජනපදයේ රොස්වෙල්හී සිදුවූ මේ අපූර්ව සිදුවීම ඇසින් දුටු සාක්කියක් ලෙස එවකට නියෝජ්‍ය පොලිස් නිලධරයා (ෂෙරිෆ්වරයා) වූ චාල්ස් ෆෝගස් ඒ අවස්ථාවට මුහුණු අන්දම ගැන කරන විස්තරය දැක්විය හැකියි.

ඔහු එදා වසර 70කට පෙර ඒ ගුවන් අනතුර සිදු වූ ස්ථානයට ඒ මොහොතේ ම වාගේ ගොස් තියෙනවා. එය පියාඹන පීරිසියක් අනතුරට ලක්වීමක් බවත් අප අද ටෙලිවිශනයෙන් දකින ආකාරයේ සක්වළ ජීවීන් එහි ඉන්නවා දුටු බවත් ඔහු කියනවා. මේ බව ඔහු හෙළිදරවු කළේ මෑතදී පැවැත්වූ රූපවාහිනී සම්මුඛ සාකච්ඡුාවකට සහභාගි වෙමිනුයි.

මේ විස්තර අලූතින් ප‍්‍රකාශයට පත් කළ පොතක සඳහන් කර තියෙනවා. ඔහු කියන අන්දමට ඒ පියාඹන පීරිසිය අඩි 100ක් පමණ පළලයි. කඩා වැටුණු එම යානයේ උන් පිරිස හමුදා භටයන් විසින් ඉවත් කරනු තමා හොඳින් ම දුටු බව ඔහු වැඩිදුරටත් කියනවා.

සක්වළ ජීවීන් ගැන උනන්දුවක් දැක් වූ අය අන්දමන්ද කළ මේ සිදුවීම පරීක්ෂණ බැලූනයක කඩා වැටීමක් යැයි කියා එම සිදුවීම යට ගැසීමට හමුදාව තැත් කළ බව සඳහන් වෙනවා.

ඔබ දන්නවාද ඔබ යම් අයකුගේ මුහුණ හඳුනා ගන්නේ ඔබේ මොළයේ වම්පස කොටසෙන් බව.
ඔබ දන්නවාද ලෝක ජනගහනයෙන් 11% ක් වමත්කරුවන් බව.
ඔබ දන්නවාද සාමාන්‍ය පුද්ගලයකු මිනිත්තු 7ක් තුළ නින්දට වැටෙන බව.
ඔබ දන්නවාද කෙළ සමග මුසු වන තෙක් ආහාරයක රස නොදැනෙන බව.
ඔබ දන්නවාද  ජනයාගෙන් 8% කට වැඩිපුර ඉළ ඇටයක් ඇති බව.
ඔබ දන්නවාද  ඔබේ සිරුරේ කුඩා ම අස්ථිය ඇත්තේ කනෙහි බව.
ඔබ දන්නවාද  ලොව ජනගහනයෙන් 90% ක් හාදු හුවමාරු කර ගන්නා බව.
ඔබ දන්නවාද  ගෙදරදොර පාවිච්චි කරන ජලයෙන් 35% ක් වැසිකිළි සඳහා වැය වෙන බව.
ඔබ දන්නවාද  ඔබ දවසකට ගහන ඇසිපිල්ලම් ප‍්‍රමාණය පැය භාගයක් ඇස් පියාගෙන සිටියාට සමාන බව.
ඔබ දන්නවාද  කාන්තාවන් පිරිමින් මෙන් දෙගුණයක් ඇස්පිල්ලන් ගහන බව.
ඔබ දන්නවාද  ඔබේ එක් පාදයක ඇට 26 ක් ඇති බව.
ඔබ දන්නවාද  සාමාන්‍ය මිනිස් මොළයක 78% ක් ඇත්තේ ජලය බව.
ඔබ දන්නවාද  ඔබේ සිරුරේ අස්ථිවලින් කාලක් (1/4ක්) ඇත්තේ ඔබේ දෙපාවල බව.
ඔබ දන්නවාද  ඔබේ සිරුරේ ඉක්මනින් සුව වන කොටස ඔබේ දිව බව.
ඔබ දන්නවාද ඔබේ උපන් දිනය තවත් මිලියන නවයක් දෙනා සමග සමරන බව.
ඔබ දන්නවාද  මිනිස් සිරුරේ ඇති විශාලතම ඉන්ඳුිය සම බව.
ඔබ දන්නවාද  ඔබේ ඇඟිලිවලින් වඩාත් සංවේදී ඇඟිල්ල දබරැඟි…

අපේ සෞරග‍්‍රහ මණ්ඩලයට බොහෝ සෙයින් සමාන සෞරග‍්‍රහ මණ්ඩලයක් සොයා ගැනීමට ඇමරිකාවේ නාසා ආයතනය සමත් වී තියෙනවා.

මේ නව සෞරග‍්‍රහ මණ්ඩලය හමු වී ඇත්තේ ආලෝක වර්ෂ 10.5ක පමණ ඈතින් දකුණු අර්ධ ගෝලයේ පිහිටි එරිඩානුස් තාරකා පංතියට අයත් එප්සිලන් එරිඩානි තරුව ආශ‍්‍රිත කලාපයේයි.

එය අපේ සෞරග‍්‍රහ මණ්ඩලය ආරම්භක යුගයේ පැවති ආකාරයට බොහෝ සේ සමාන බැව් විද්‍යාඥයන්ගේ මතයයි. අපේ හිරු වැනි තරුවක් වටා ග‍්‍රහලෝක බිහිවෙන අයුරු අපට එයින් දැක ගන්න පුළුවන්.

මේ දිනවල ලොව පුරා ටෙලිවිශන් රසිකයන් අතරේ ජනපි‍්‍රය ටෙලිකතා මාලාවක් තියෙනවා. ඒ තමා ‘බැබිලන් 5’ කියා හැඳින්වෙන ඒ විද්‍යා ප‍්‍රබන්ධ කතාව. ඈත එපිට සක්වළෙහි සැරිසරන අභ්‍යවකාශ නැවතුම් පොළක් සම්බන්ධ කර ගත් එය විකාශය වන්නේත් මේ එරිඩානුස් තාරකා පංතිය පසුබිම් කර ගෙන වීම විස්මයට කරුණක්.

එප්සිලන් එරිඩානි (Epsilon Eridani) ග‍්‍රහ මණ්ඩලය චිත‍්‍රශිල්පියකු දුටු හැටි. අලූත් හිරු සමග අපේ බ‍්‍රහස්පතී ග‍්‍රහයාට සමාන ග‍්‍රහයකු මෙන් ම ධූම කේතු දෙකක් ද ග‍්‍රහක වළල්ලේ ඇතුළතින් තිබෙනු දැකිය හැකියි. අපේ සෞරග‍්‍රහ මණ්ඩලයේ කයිපර් (Kuiper Belt) නම් ග‍්‍රහක වළල්ලත් ඒ ආකාරයෙන් ම මේ නව හිරු ස…

ලෝකයේ නව නිපැයුම්කරුවකු ලෙස නමක් දිනාගෙන සිටින ලෝකයේ ලොකු ම ධනකුවේරයකු වූ ඉලන් මස්ක් (Elon Musk) වහලවල් සඳහා සූර්යකෝෂ උළු නිපදවා සවි කර දෙන්න සූදානම්. ඔහුගේ අරමුණ සෑම නිවසක් ම සූර්යබලයෙන් පණ ගැන්වෙන නිවසක් කරන්නයි.

”ලෝකයේ සෑම නිවසක් ම සූර්යබල ශක්තියෙන් කි‍්‍රයා කරන ලස්සන වහලයක් සහිත සොඳුරු නිවසක් කිරීම මගේ බලාපොරොත්තුවයි” ඉලන් මස්ක් කියයි.

වෙනස බලන්න ! මේ තියෙන්නේ ඉලන් මස්ක් යෝජනා කරන නව ටෙස්ලා උළු සහිත වහලයක් ඇති නිවසක්.

එක් සූෆිවරයෙක් දේශනයක් පවත්වමින් අතීතයේ විසූ ශ්‍රේෂ්ඨ ගුරුවරුන්ගේ හපන්කම් විදහා පාමින් ඒ පිළිබඳ අපූරු කතාන්තර ගෙන හැර දක්වමින් සිටියේය. එහි සිටි එක් සිසුවෙක් නැඟී සිට ඒ කතාවට බාධා කරමින් ප‍්‍රශ්නයක් ඇසුවේය.

”මේ අවස්ථාවේදී ප‍්‍රශ්නයක් අසා බාධා කරන්න මං කැමතියි. ඒ මට තොරතුරු දැන ගන්න අවශ්‍ය නිසයි. ඊට ඔබතුමාගේ අවසරය ලැබෙතැයි මං විශ්වාස කරනවා. මෙහෙම අතර මග දී ප‍්‍රශ්න නැඟීම මෙවැනි සභාවකදී කළයුත්තක් නො වන බව මා දන්නවා. එසේ ම එය ශ‍්‍රාවකයකුගේ චර්යාවටත් පටහැනි බවත් මා දන්නවා. ඒත් මේ ප‍්‍රශ්නය නො අසා සිටින්නට මට බැහැ”

මැක්සිකානු නවයොවුන් තරුණයකු නව තාක්ෂණය යොදා ගෙන අපූරු බ්‍රෙසියරයක් නිර්මාණය කර තියෙනවා. එයට පියයුරු පිළිකා ඇති වීම කල්තියා හඳුනා ගන්න පුළුවන්.

ඊට සවි කර ඇති ජීවසංවේදක (biosensors) මගින් එය පලඳින්නියට ඇගේ සිරුරේ උෂ්ණත්වය මැන යම්කිසි අවදානමක් ඇති වන්නේ නම් එය කල් තියා දැනුම් දෙනවා.

මේ තරුණයාගේ සිත මෙම අපූරු නිමැවුම කෙරෙහි යොමුවූයේ ඔහුගේ වයස අවුරුදු 13 දීයි. ඒ ඔහුගේ මව පියයුරු පිළිකාවකට ගොදුරුව මරණාසන්න තත්වයකට පත් වූ අවස්ථාවේදියි. දැන් ඔහුට මේ නව නිපැයුම නිසා ලොව පුරා දශ ලක්ෂ සංඛ්‍යාත වූ පිරිසකගේ ජීවිත බේරා දීමට හැකි වී තියෙනවා.

‘ඊවා’ කියා නම් කර ඇති මේ විශේෂ ‘බ‍්‍රා’ එකට ජීවසංවේදක 200ක් යොදා තියෙනවා. ඒවාට පුළුවන් කාන්තාවකගේ පියයුරුවල උෂ්ණත්වය, හැඩය හා බර මැන බලා ඒ දත්ත පිළිකාවක අනතුරුදායක තත්වයක් ඇත්දැයි විමසා බැලීමට විශේෂ පරිගණක යෙදුමකට (ඇප් එකකට) යොමු කරන්නට.

කෘමි සතුන් ගැන විපරම් කරන ජපන් ජාතික ඡුායාරූප ශිල්පියෙක් අපූරු වීඩියෝවක් අන්තර්ජාලයට මුදා හැර තියෙනවා. කවුරුත් කලබල වුණා ඒ සක්වළ ජීවියෙක් වත්ද කියලා. ඇත්තටම නම් ඒ කුරුමිණියකුගේ කෝෂවාසී අවස්ථාවක්. පුදුමය නම් ඒ අවස්ථාවේදීත් ඌට චලනයවීමේ හැකියාව තිබීමයි.

නවීනතම සුපිරි පරිගණක මගින් දැන් අපට හැකියාව ලැබිල තියෙනවා මාරක ටෝනාඩෝවක් හෙවත් ගොබවලාවක් උපදින හැටි බලන්න. ඇමෙරිකාවේ පරිගණක විද්‍යාඥයන් පසුගිය දා මාරක සුළිසුළඟක් නිර්මාණය කළා. ඒ උපදින හැටි අධ්‍යයනය කරන්න. මේ සඳහා නිර්මාණය කිරීමට ඔවුන් තෝරා ගත්තේ 2011 වසරේ මැයි 24 වැනිදා ඇමෙරිකාවේ ඔක්ලොහමාහිදි ඇති වූ ‘එල් රීනෝ’ නම් සුළි කුණාටුවයි. එය ප‍්‍රබල ම කුණාටු තත්වයේ එකක්.

ගෙදර ඇති කරන බළල් හා බලූ සුරතලූන් ගෙදර ඇති මූණ බලන කන්නාඩිවලට බුරන අවස්ථා කොතෙකුත් ඔබ දැක ඇති. වනාන්තරවල වෙසෙන ලොකු සතුන් ඔවුන්ගේ රූප කන්නාඩිවලින් දුටු විට ප‍්‍රතිචාර දක්වන්නේ කොහොමද?

මේ ගැන කුතුහලයෙන් පෙළුණු කැමරා ශිල්පියෙකු පසුගියදා අපූරු අත්හදා බැලීමක් කළා. ඔහු මේ විස්මිත කටයුත්ත ඉටු කර ගත්තේ දැවැන්ත කැඩපතක් හෙවත් දර්පණයක් හා සතුන්ගේ චලනයන් හසු කර ගත හැකි දුරස්ත සංවේදක උපකරණ කීපයක් උපයෝගී කර ගෙනයි.

ලෝකයට නව නිපැයුම් බිහි කළ, ලෝකය අපට සුවපහසු තැනක් කළ, ඒ හැම නවෝත්පාදකයකු පසුපස ම ශ්‍රේෂ්ඨ අම්මා කෙනකු සිටිනවා. ඒත් අද අප කතා කරන්නට යන්නේ ඒ අම්මලා ගැන නෙවෙයි, කෙළින් ම එවැනි නිපැයුම් බිහි කළ අම්මලා කීප දෙනෙකු ගැනයි. එදිනෙදා අප බහුලව භාවිත කරන අපට නැතුව ම බැරි, නිර්මාණ ගණනාවක් ම කාන්තාවන්ගේ බව කීම, ඔබේ සතුටට හේතු වෙනවා ඇති.

ඕස්ටේ‍්‍රලියාවේ ජාතික විශ්ව විද්‍යාලයට අයත් ස්වින්බර්න් තාක්ෂණික විශ්ව විද්‍යාලයේ පර්යේෂකයන් කණ්ඩායමක් විසින් තහවුරු කරගෙන තියෙනවා සක්වළ ජීවීන්ගෙන් යම් ආකාරයක් පණිවිඩයක් ලැබී ඇති බව.

ඔවුන් සඳහන් කරන්නේ මීට වසර 10කට පමණ පෙර ඕස්ටේ‍්‍රලියාවේ පාර්ක්ස් අභ්‍යවකාශ නිරීක්ෂණාගාරය විසින් හසු කර ගෙන ඇති වේගවත් ගුවන් විදුලි ආලෝක සංඥාව සත්‍ය වශයෙන් ම පිටසක්වළෙන් ආ අලෝක සංඥාවක් විය හැකි බවයි. මේ පිළිබඳව නිවේදනයක් නිකුත් කරමින් ඔවුන් කියා ඇත්තේ ඒ ලැබුණු සංඥාවල දීප්තිය අනුව එතරම් තියුණු දීප්තියක් ඇති සංඥා මෙතෙක් අපේ ම ගැලැක්සිය තුළින් හමුවී නැති බවයි. ඒවා මේ ගැලැක්සිය තුළ හමුවන ප‍්‍රබලතම සංඥාවලට වඩා බිලියන ගුණයකටත් වඩා තීව‍්‍ර බවයි.

දකුණු චීනයේ ගැන්ෂූ පළාතේ පාසලක් ඉදිකිරීමට කැණීම් සිදු කරමින් තිබුණි. ගල් කුට්ටි පුපුරුවා විනාශ කිරීමට ඩයිනමයිට් භාවිතා කෙරුණි. පිපිරීම් කිහිපයකින් පසු, එක් ස්ථානයක පොසිලකරණයට ලක්වුණු අස්ථි ඇති බව ඉදිකිරීම් සේවකයන්ට දකින්න ලැබුණු අතර, ඔවුහු ඒ බව අදාල බලධාරීන්ට දැනුම් දුන්හ.

ලෝකයේ ඉපැරණිතම යයි සැලකිය හැකි ශාක විශේෂ දෙකක් පොසිල වශයෙන් සොයා ගැනීමට විද්‍යාඥයන් පිරිසක් සමත් වී තියෙනවා.

මේ විද්‍යාඥ පිරිසට මේ පොසිල හමු වී ඇත්තේ මධ්‍යම ඉන්දියාවේ චිත‍්‍රකූට පර්වතයේ අවසාදිත පාෂාණ අතර පොසිල ලෙසින් සුරැකිව තිබියදීයි. මෙම පොසිල වසර බිලියන 1.6ක් එනම් වසර කෝටි 160ක් පැරණි යැයි කියැවෙනවා.


මේ සොයා ගැනීමෙන් පෙනී යන්නේ බහු ෙසෙලීය ජීවීන් විශේෂයක් මීට වසර කෝටි 160කට සිටි බවයි. මෙය සත්ව හා ශාකවල ආරම්භය විය හැකියැයි විද්‍යාඥයන් විශ්වාස කරනවා. ඒ අනුව ඔවුන් පවසන්නේ තමන් මෙතෙක් සිතා සිටියාට වඩා වසර මිලියන 400ක් කලින් ජීවීන් මිහිමත පැවති බවයි.

ඕස්ටේ‍්‍රලියාව අසල පිහිටි කුඩා දූපත් රාජ්‍යයක් වන ටැස්මේනියාවට ඔබ්බෙන් මුහුදේ ධීවරයන් පිරිසකට ‘ඔළුගෙඩි කැස්බෑවෙක්’ (කණ්ණාඩි කැස්බෑවෙක්) (Loggerhead sea turtle) දකින්න ලැබුණි. සෙසු කැස්බෑවන් මෙන් නොව මේ කැස්බෑවාගේ අමුත්තක් දකින්න ලැබුණු නිසා මාළු ඇල්ලීමට යොදා ගන්නා දැලක් භාවිතා කරමින් ධීවරයෝ පිරිස මේ කැස්බෑවා අල්ලා ගත්හ.

තරු බලමින්, එළිමහනේ රැයක් පහන් කිරීමේ ආසාව ඇති කාටත් අලූත් නවාතැනක් හඳුන්වා දීමට ප‍්‍රංශ හෝටල සමාගමක් කටයුතු කර තිබේ. ඒ, නව ‘බුබුළු කාමර’ නමැති කුඩා එළිමහනේ ඉදි කළ කාමර හඳුන්වා දෙමිනි. බුබුළු කාමර හඳුන්වා දීම සිදුකෙරුණේ ප‍්‍රංශයේ ‘අපාත්ජාවේ’ නමැති හෝටල් සමාගමයි. පවුලේ සැමට නිවාඩුවක් යන තේමාව යටතේ සියලූ සැප පහසුකම්වලින් සමන්විත බුබුළු කාමර හඳුන්වා දීම පසුගිය දා සිදුවිය.

ඇමෙරිකාවේ බටහිර වර්ජීනියා ජනපදයේ ගී‍්‍රන් බෑන්ක් සහ ඇමෙරිකාවට අයත් කුඩා කැරිබියානු දූපතක් වන පුවර්ටෝ රීකෝහි ඉදිකර ඇති රේඩියෝ (ගුවන් විදුලි තරංග හසුකර ගැනීමට හැකි) දුරේක්ෂ දෙක භාවිතා කරමින් විශ්වයෙන් පැමිණෙන ගුවන් විදුලි සංඥා ගැන අවධානයෙන් පසුවුණු කැනඩාවේ මොන්ටි‍්‍රයල් නුවර තාරකා විද්‍යාඥයෝ පිරිසක් මවිතයට පත්වූහ. ඒ, පෘථිවියේ සිට ආලෝක වර්ෂ බිලියන තුනක් පමණ දුරින් ‘ඔරිගා’ නමැති තරු පංතිය දෙසින්, කෙටි ගුවන් විදුලි සංඥා කිහිපයක් ලැබීමත් සමඟය. මෙම ගුවන් විදුලි සංඥා ආ තැන නිවැරදිව පැවැසීමට තවමත් නොහැකි වුවත්, විද්‍යාඥයන් සැක කරන්නේ මෙම සංඥා බුද්ධිමත් පිටසක්වළ ජීවීන්ගෙන් ආ සංඥා විය හැකි බවය.

නවීන තාක්ෂණයේ අරුමයක් යැයි සැලකිය හැකි ති‍්‍රමාන මුද්‍රණ (3D printing) ක‍්‍රමය අද නොයෙක් නොයෙක් නිර්මාණ සඳහා යොදා ගැනෙනවා. කෘති‍්‍රම කන් අත් ආදියේ සිට නොයෙක් නොයෙක් නිර්මාණ ති‍්‍රමාන මුද්‍රණයෙන් බිහිවෙනවා. පසුගියදා මුහුදු කැස්බෑවකුට හක්කක් ති‍්‍රමාන ක‍්‍රමයට මුද්‍රණ කර සවි කළ හැටි ‘මල් කැකුුළු’ තුළින් කියෙව්වා ඔබට මනක ඇති. ඒ අනුව ති‍්‍රමාන මුද්‍රණ ක‍්‍රමයෙන් නිර්මාණය වුණු ලොව පළමු කුඩා පාලම ගැන පසුගිය දා වාර්තා වුණා. ඒ, ස්පාඤ්ඤයේ මැඞ්රිඞ් නුවරින්.

උද්‍යාන පාලම

ස්පාඤ්ඤයේ මැඞ්රිඞ් නුවර ඇල්කොබෙන්ඩාස් පළාතේ කැස්ටලීනා දෙ මන්චා නමැති උද්‍යානයේ කුඩා දිය පහරකට ඉහළින් ති‍්‍රමාව මුද්‍රණ තාක්ෂණය යොදා ගනිමින් මෙම කුඩා පාලම ඉදිකිරීමට කටයුතු කළේ කැටොලිනා වාස්තු විද්‍යායතනයයි. කැටොලිනා වස්තු විද්‍යායතනය ඔවුන්ගේ ඉදිකිරීම් සඳහා සැමවිටම නව තාක්ෂණය භාවිතයට ගන්නවා. ඔවුන් ඉදිරියේ දී ති‍්‍රමාන මුද්‍රණ තාක්ෂණය යොදා ගනිමින් ඉදිකිරීම් රැසක් කිරීමට ද බලාපොරොත්තු වෙයි. මෙම කටයුත්තට සිවිල් ඉන්ජිනේරුවන් පමණක් නොව මැඞ්රිඞ් නගරසභා බලධාරීන් එක්වුණු බව ස්පාඤ්ඤ පුවත් සේවා වාර්තා කරනටා.

මොහොතක් සිතන්න ඔබට ලොකු දිනුමක් ලැබුණ කියල.
ඒ අනුව ඔබේ පුද්ගලික බැංකු ගිණුමට හැමදාම රුපියල් 86400ක මුදලක් ලැබෙනවා.
ඒ මුදල ඔබ කැමති දෙයකට වියදම් කරන්න පුළුවන්. ඒත් කොන්දේසි සහිතයි!

ඒ කොන්දේසි මේවායි:
එදාට උදේට ලැබෙන මුදල් සියල්ල එදා දවස ඇතුළත් වියදම් කරන්න ඕනෑඒ මුදල් ඔබේ වෙන ගිණුමකට මාරු කරන්න ඔබට අවසර නැහැඔබට ඒවා වියදම් කරන්න විතරයි අවසර තියෙන්නේහැමදාම උදේට ඔබ නැගිටින කොටම බැංකුව ඔබේ ගිණුමට මේ රුපියල් 86400 මුදල දමනවා එදා දවස ඇතුළත ඔබේ වියදමට ගන්නබැංකුවට පුළුවන් කලින් දැනුම් දීමක් නැතුව ඕනෑම වෙලාවක මේ මුදල් ඔබට ලබා දීම අත්හිටුවන්න බැංකුවට පුළුවන් ඒ ගිණුම වසා දමන්න

එදාට මේ සෙල්ලම ඉවරයි!

ඔන්න ආයිත් මල් කැකුළු පිපෙන්න පටන් ගත්තා. ආයුබෝවන්! ටික කලකට පස්සේ තමයි මං මේ ඔබ අමතන්නේ. පහුගිය කාලෙ ඔබ වෙනුවෙන් මොකුත් ලියන්න බැරිවුණු එකට මට සමාවෙන්න! එයට හේතුව මගේ පි‍්‍රයතම විෂයය වූ ශබ්දකෝෂකරණය වෙනුවෙන් කාලය ගත කරන්න සිදුවීමයි. තනිවම ශබ්දකෝෂ දෙකක වැඩ සම්පාදනය කරන්න සිදුවුණු නිසා මං ටිකක් අවිවේකී වුණා. දැන් ඒ කටයුත්ත ඉවරයි. ඒ ගැන විස්තර පස්සේ කියන්නම්! මීට පස්සේ මට දිගටම මල් කැකුළු ඔස්සේ ඔබත් එක්ක එකතු වෙන්න පුළුවන්! මුලින් ම මේ මාසය ගැන යමක් කියලා පටන් ගන්නයි හදන්නෙ.

විස්මිත පෙබරවාරි!
මේ පෙබරවාරි මාසය හරිම විස්මිත මාසයක්! මං එහෙම කියන්නේ ඇයි කියල දන්නවද? මාස දොළහ අතරින් කුඩා ම මාසය මෙයයි. දැන් අවුරුදු ගණනාවක් තිස්සේ කැලැන්ඩරය හරියට පවත්වා ගෙන යන්නේ මේ පුංචි පෙබරවාරි මාසය නිසයි. මේ මාසයට තමයි අඩු ම දින ගණන තියෙන්නෙ. ඒ කියන්නේ 28යි. අවුරුදු හතරකට වතාවක් පෙබරවාරි මාසයට දවසක් වැඩියෙන් දීලා කැලැන්ඩරේ කෙළින් කර ගන්න එකයි අපි කරන්නෙ. ඒ අවුරුද්දට දින 366ක් වෙනවා. ඒක අධික අවුරුද්දක්!