Skip to main content

භාරතයේ පද්ම ශ්‍රී සම්මානයෙන් පිදුම් ලැබූ කවියා පාසල් ගොස් ඇත්තේ තුනේ පන්තියට විතරයි!

භාරත රත්න, පද්ම විභූෂණ සහ පද්ම භූෂණවලින් පසු, පද්ම ශ්‍රී යනු ඉන්දියානු සිවිල් වැසියකුට පිරිනැමෙන සිවුවැනි වදගත්ම ගෞරව සම්මානයයි. ඉන්දීය රජය විසින් සෑම වසරකම මෙම සම්මාන විවිධ ක්ෂේත‍ර අලලා ප‍්‍රදානය කිරීම සිදුකෙරෙනවා. සම්මාන ප‍රදානය කෙරෙන්නේ ඉන්දීය ජනපතිවරයා අතින්. එය සිදුවන්නේ ඉන්දීය ජනරජ දිනයට සමගාමීවයි.


පසුගිය ඉන්දීය ජනරජ දින දා, ඔඩිෂා ප‍්‍රාන්තයේ කවියකු පද්ම ශී‍්‍ර සම්මානයෙන් පිදුම් ලැබුවේ ඔහු සාහිත්‍යයට කරන මෙහෙවර ඇගැයීමට ලක් කරමිනුයි. මේ කවියා 66 හැවිරිදි හල්දාර් නාග්. එදා මෙදා තෙක් තමා නිර්මාණය කළ කව් සියල්ල ම කටපාඩමින් දන්නවා. ඔහුගේ කවි එරට විද්වතුන් රැසක් ඔවුන්ගේ ආචාර්ය උපාධි නිබන්ධනවලට පාදක කර ගෙන තියෙනවා. දැනටමත් ඔවුන්ගේ ආචාර්ය උපාධි නිබන්ධන සඳහා පස් දෙනෙක් පර්යේෂණ කරමින් ඉන්නවා. සම්බල්පූර් විශ්ව විද්‍යාලය හල්දාර් නාග්ගේ පද්‍ය නිර්මාණ එක් කර පොතක් වශයෙන් ද පළ කර තියෙනවා. ‘හල්දාර් ග‍්‍රන්ථබාලී’ නමින් හැඳින්වෙන එම පද්‍ය එකතුව මේ වනවිට විශ්ව විද්‍යාලයේ විෂය නිර්දේශයට ද එක් වී අවසන්.

සාහිත්‍ය ක්ෂේත‍රයේ කැපී පෙනෙන චරිතයක් වුවත්, විද්වතුන්ගේ පැසසුමට සහ ගෞරවයට පාත‍රවුවත්, හල්දාර් නාග් පාසල් ගොස් ඇත්තේ තුනේ පන්තියට පමණයි. සරල ගැමියකු ලෙස චාම් ජීවිතයක් ගත කරන ඔහු ජීවිතය ආරම්භ කර ඇත්තේ කැවිලි කඩයක පිඟන් සෝදන්නකු ලෙසින්. මීට අවුරුදු ගණනාවකට පෙර, පළමුවෙන්ම ඔහු පද්‍ය නිර්මාණ කර ඇත්තේ සිතෙන්. ඒ ඔහු ලිවීමටවත් නොදැන සිටි නිසයි. ඔහු එම නිර්මාණ කර ඇත්තේ කිසිදු පොතක් පතක් පරිශීලනය නොකරයි.

නාග් උපත ලබා ඇත්තේ 1950 වසරේදි, බර්ගාර් දිස්ති‍රක්කයේ සම්බල්පූර් නුවර සිට කිලෝ මීටර් 76 ක් පමණ දුරින් පිහිටි ඝෙන්ස් නම් කුඩා ගමක ඉතා දිළිඳු පවුලකටයි. නාග්ට වයස අවුරුදු 10 දී පියා මියගියා. ඒ නාග් පාසලේ තුන් වැනි ශ්‍රේණියේ ඉගෙනුම ලබමින් සිටියදීයි. පියාගේ වියෝවත් සමඟ නාග්ගේ පාසල් ගමන ද නැවතුණා. ඉන්පසු නාග් පිඟන් සෝදන රස්සාවට ගියා. ඒ ජීවත් වෙන්නට ක‍රමයක් නොමැති වුණු නිසයි. ඉන් වසර දෙකකට පසු ඔහුට යළිත් පාසල් යෑමට අවස්ථාවක් ලැබුණා. ඒ, අධ්‍යාපනය සම්පූර්ණ කිරීමට නොවෙයි, පාසලක කෝකියකු ලෙස රැකියාව කිරීමටයි. වසර 16 ක් ඔහු කෝකියකු ලෙස ඒ රැකියාව කළා. ඒ අතර කවි ලිව්වා.

ඒ වන විට ප‍්‍රදේශයේ තවත් පාසල් කිහිපයක්ම බිහිවුණා. ඔහු රැකියාව මාරු කරන්න කල්පනා කළා. ‘මම බැංකු ණයක් ගත්තා. පාසල් උපකරණ කඩයක් දාන්න. මං ඉල්ලා ගත්තේ රුපියල් 1,000 ක්. පාසල් දරුවන්ට පෑන් පැන්සල්, පොත් පත් විකුණලා මං ජීවත් වුණා.’ යැයි පද්ම ශ්‍රී සම්මානය හිමි කර ගැනීමෙන් පසු ‘ටයිම්ස් ඔෆ් ඉන්දියා’ පුවත්පතට අදහස් දක්වමින් නාග් පවසා තියෙනවා.

තමන්ට ආවේණික කොසලි බසින් නාග් පෑනක් භාවිතා කර සිය පළමු පද්‍ය ලියුවේ 1990 වසරේදියි. එහි මාතෘකාව ‘ඩෝඩෝ බාර්ගාච්’ (පැරැණි නුග ගස) යන්නයි. ඒ කව් පෙළ ප‍්‍රාදේශීය සඟරාවක පළ වුණා. ඉන්පසු නාග් තවත් පද්‍ය හතරක් ලියා එම සඟරාවට යැව්වා. ඒ හැම එකක්ම පළ වුණා. එදා පටන් විද්වතුන්ගේත් විචාරකයන්ගේත් නොමඳ පැසසුමට නාග් ලක් වන්නට පටන් ගත්තා. තරුණ තරුණියෝ ඔහුගේ පද්‍යවලට ඇලූම් කළේ ඒවා තුළින් ඔවුන්ගේ ජීවිත විනිවිඳ දැකීම නිසා යැයි ද පැවැසෙනවා.

‘හිතුවේ නැහැ මගේ කවි මෙතරම් ජනපි‍්‍රය වේවි කියා. ඒවා ජනපි‍රය වෙද්දී මම තව තවත් ලියන්න පටන් ගත්තා. මම අසල්වැසි ගම්මානවල සංචාරය කළා, මගේ කවි ගායනා කරමින්. මා කවුරුන්දැයි දැනගත් බොහෝ දෙනා මට ප‍රශංසා කළා.’ නාග් වැඩිදුරටත් කියනවා. ඔහු ‘ලොක් කබී රත්න’ යන සම්මානයෙන් පිදුම් ලැබූවේ ඉන්පසුවයි. සාමාජීය ගැටලූ, පීඩාවට පත් ජනතාවගේ කඳුළු, සොබා දහම, ආදරය, මිත්‍යා කතාන්දර ආදී එදිනෙදා ජීවිතයට සම්බන්ධ වුණු සියලූම කරුණු කාරණා නාග්ගේ පද්‍යවලට තේමා වුණා.

කොසලි බසින් නාග් ලියූ කවි කොසලි බස පෝෂණය කිරීමට සමත් වුණා. සාහිත්‍යමය වටිනාකමක් ඊට එක් වුණා. කොසලි බස සම්බල්පූරි කොසලි යනුවෙන් ද හැඳින්වෙනවා. මෙය ඔඩියා බසින් බිඳී ආ උප භාෂාවක් ලෙස සැලකෙනවා. ඔඩියා ඉන්දු ආර්ය බසක්. නැගෙනහිර ඉන්දියාවේ බොහෝ දෙනා කතා කරන්නේ මෙම ඔඩියා භාෂාවයි. ඔඩියා බස කතා කරන බහුතරයක් ජීවත් වන්නේ ඔඩියා ප‍්‍රාන්තයේයි. ඊට අමතරව, බටහිර බෙංගාලයේ, ජර්කාන්ද්, චතිස්ගාර් සහ ආන්ද්‍රා ප‍රදේශ් වැසියන් ද මෙම බස කතා කරනවා. ඉන්දියාවේ නිල භාෂා අතරට මෙම ඔඩියා බස ද ඇතුළත් වෙනවා. ඉන්දියාවේ සම්භාව්‍ය භාෂා අතර සය වැනි ස්ථානය අයත්වන්නේ ද ඔඩියා බසටයි.

සරල ගැමි ජීවිතයක් ගෙන යන නාග් ඉනදියාවේ ඔඩියා සාහිත්‍යයට කර ඇති මෙහෙවර සුළුපටු එකක් නොවෙයි. විවාහකයකු වන නාග් දියණියකගේ පියෙක්. ඔහු අඳින්නේ සුදු පැහැති දෝතියයි. ඔහු පාවහන් පලඳින්නේ නැහැ. ඔහු මාර්තු 28 වැනිදා නවදිල්ලි අගනුවරට පැමිණ, ඉන්දීය ජනාධිපති ප‍්රණාබ් මුඛර්ජීගේ අතින් පද්ම ශී‍්‍ර සම්මානය ලබා ගත්තා.

‘තරුණ මහලූ ඕනෑම කෙනෙක් තුළ කවියෙක් ඉන්නවා. ඒත් කවි ලියන්න පටන් ගන්නේ කවියේ හැඩතල හඳුනා ගන්නා අතළොස්සක් දෙනා පමණයි’ යැයි නාග් පවසනවා.

දැනටමත් බි‍රතාන්‍යයේ බීබීසීය නාග් ගැන කෙටි වාර්තා චිත‍්‍රපටයක් තනා තියෙනවා. ඔඩියා ප‍්‍රාන්ත රජය ළඟදී පිහිටුවීමට යන අධ්‍යයන පර්යේෂණායතනය හල්දාර් නාග් නමින් නම් කරන බව ප‍රකාශ කර තියෙනවා.

Comments

  1. මෙවැනි විශ්මිත මිනිසුන් ඉතා දුලබයි.

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.