Skip to main content

ඩ්‍රෝන යානයක ඇසින් ලොව විස්මිත දසුන් නරඹන්න!

අප ජීවත් වන ලෝකයේ ගුවනේ සිට බලන විට කෙතරම් විස්මිතද? කුරුල්ලකු මෙන් පියාසර කරමින් ගියොත් මේ දසුන් නිසැකවම දැක ගත හැකියි. පහළට ගලා යන විස්මිත දිය ඇලි, නගරවල ඉහළ අහසට විහිදෙන ගොඩනැගිලි, මවන දසුන් පෙළක් ගෙන ඒමට රුසියානු ඡුායාරූප ශිල්පීන් පිරිසක් සමත් වී තියෙනවා.

එයා පෑනෝ (AirPano) නමින් අන්තර් ජාලයට එක්කර තියෙන මේ අපූරු ඡායාරූප පෙළ එක් රැස්කර ගන්නට ඔවුන් ලොව පුරා ගුවනින් ගිහින් තියෙනවා. අහස් යානාවලින් හෙලිකොප්ටරවලින් උණුසුම් වාතය පිර වූ බැලූනවලින් විතරක් නෙවෙයි, ඩ්‍රෝන යානා (Drone) හෙවත් දුරස්ථපාලක නියමුවකු රහිත කුඩා ගුවන් යානා පවා ඔවුන් මේ සඳහා යොදා ගත්තා.

ඔවුන්ගේ මේ ඡායාරූප අතරට ඇමරිකාවේ මෑන්හැට්න් සෙන්ට‍්‍රල් පාක් උද්‍යානය, ප‍්‍රංශයේ පැරිසියේ ආක් ඩි ටි‍්‍රයෝම්ප් උද්‍යානය, නෙදර්ලන්තයේ අගනුවර වූ ඇම්ස්ටර්ඩම්හී වෙස්ටර්ඩොක් දිස්ති‍්‍රක්කය, වගේම මැදපෙරදිග එක්සත් අරාබි එමීර් රාජ්‍යයේ ඩුබායි නාගරිකයත් ඔවුනගේ මේ ඇල්පිනෝ ඡායාරූප එකතුවෙන් දැක ගන්න පුළුවන්.

අලංකාර දිය ඇලි කීපයක්ද මේ පින්තූර එකතුවට ඇතුළත් වෙනවා. ඒ අතර ලෝකයේ උසම දිය ඇල්ල ලෙස සැලකෙන වෙනෙසුවේලාවේ ඒන්ජල් දිය ඇල්ල වගේම බ‍්‍රසීලයේත් ආජෙන්ටිනාවේත් දේශසීමා අතර පිහිටි ඉගුවාසු දිය ඇල්ලත් දැක ගන්න පුළුවන්.

සොබාදහම මවන අනෙක් සිත්තම් අතර ඇමෙරිකාවේ ඌටා ප‍්‍රාන්තය හරහා දඟර ගැහෙමින් යන සැන් ජුවන් ගාගාව, කෙන්යාවේ බොගෝරියා විලෙහි සියක්කාරයන් මවන දසුන විශේෂයෙන් කැපී පෙනෙනවා.

එයාපෑනෝ වෙබ් අඩවියට (http://www.airpano.com/Photogallery-AirPano.php) ගියොත් ඔබට මේ දර්ශන වීඩියෝ ලෙසින් අංශක 360 කෝණයකින් නරඹන්න පුළුවන්.

මේ විස්මිත ඡායාරූප එකතුවට පොළොවේ ස්ථාන 200ක පමණ දර්ශන 2000ක් පමණ ඇතුළත් කර තියෙනවා. උත්තරධ‍්‍රවයේ පමණක් නොව ඇන්ටාර්ක්ටිකාවේ, මරියානා අගාධයේ පින්තූරත් මෙයට ඇතුළත් වෙනවා. ඒ හැරෙන්නට ඔබට ස්තරගෝලයේ සිට පෘථිවිය නරඹන්නත් පුළුවන්.


වෙනෙසුවේලාවේ පිහිටි චුරන්-මේරු(මකරා) හා කෝටිනා දිය ඇලි. ලෝකයේ විස්මිත දසුනක් ලෙස සැලකෙන වෙනෙසුවේලාවේ ඒන්ජල් දිය ඇල්ලත් මේ දසුනේ කොටසකි.



ප‍්‍රංශයේ අගනුවර වූ පැරිසියේ ආක් ඩි ටි‍්‍රයෝම්ප් උද්‍යානය අවට දසුන. එහි මැද පිහිටි ආක් ඩි ටි‍්‍රයෝම්ප් ස්මාරකය පහසුවෙන් හඳුනා ගත හැකිය.


මැදපෙරදිග එක්සත් අරාබි එමීර් රාජ්‍යයේ ඩුබායිහි නාගරික දසුන් ඔවුන්ගේ කැමරා ඇසට හසුවුණේ මෙහෙමයි.


බ‍්‍රසීලයේත් ආජෙන්ටිනාවේත් දේශසීමා අතර පිහිටි මේ අලංකාර ඉගුවාසු දිය ඇල්ලෙන් ඉගුවාසු ගංගාව ඉහළ පහළ යනුවෙන් දෙකට බෙදෙන්නෙ.



බ‍්‍රසීලයේත් ආජෙන්ටිනාවේත් දේශසීමා අතර පිහිටි මේ විස්මිත ඉගුවාසු දිය ඇල්ල නරඹන්න විශේෂ පීඨීකා ඉදිකර තියෙනවා.



නෙදර්ලන්තයේ අගනුවර වූ ඇම්ස්ටර්ඩම්හී වෙස්ටර්ඩොක් දිස්ති‍්‍රක්කය නගරය මදින් දිවෙන ඇළෙහි බෝට්ටු නවතා තිබෙන අයුරු මෙහි දී ඔබට පැහැදිලිවම දැකගත හැකියි.


ඇමරිකාවේ මෑන්හැට්න් සෙන්ට‍්‍රල් පාක් උද්‍යානය හා අවට ගොඩනැගිලි අහසට දිස්වෙන්නේ මෙහෙමයි.



ඇමෙරිකාවේ ඌටා ප‍්‍රාන්තය හරහා දඟර ගැහෙමින් යන සැන් ජුවන් ගාගාව.


කෙන්යාවේ බොගෝරියා විල සියක්කාරයන් (ෆ්ලැමින්ගෝ) ගෙන් පිරී අලංකාර වී ඇති අයුරු


කෙන්යාවේ බොගෝරියා විල සියක්කාරයන් (ෆ්ලැමින්ගෝ) විසින් අලංකාර රටා මවන අයුරු


සංචාරකයන්ගේ සුවිශේෂ ආකර්ෂනයක් වූ වියට්නාමයේ හාලෝන් බොක්ක මවන දසුනක්


ගී‍්‍රසියේ සැන්ටෝරිනී දූපත සොබා අලංකාරයට අමතරව සංචාරකයන් වෙනුවෙන් ඉදිකළ ගොඩනැගිලිවලින් සමන්විතයි.


ස්පාඤ්ඤයේ බාසිලෝනා නගරය ඔවුන් නිර්මාණය කර ඇත්තේ අහසේ සිට බලන්නකුට විස්මිත රටා මැවෙන විදියටයි.



අයිස්ලන්තයේ යර්කුර්සර්ලොන් (Jokulsarlon) අයිස් කලපුව. මේ විස්මිත දසුනෙන් ඔබට පෙනෙන්නේ මුහුදේ තැන තැන විසිර ඇති පාවෙන අයිස් කඳු හෙවත් යෝධ හිම තට්ටු (Giant icebergs) රාශියයි.

ස්පාඤ්ඤයේ බාසිලෝනා නගරය ඔවුන් නිර්මාණය කර ඇත්තේ අහසේ සිට බලන්නකුට විස්මිත රටා මැවෙන විදියටයි.



වෙනෙසුවේලාවේ ඇති ඒන්ජල් දිය ඇල්ල. එක දිග නොකැඞී ඇද හැළෙන මේ දිය දහර පොළොවේ සිට මීටර 979ක් උසය. ඇද හැලෙන දිය දහරේ මුළු දිග මීටර් 807කි.


රුසියාවේ මොස්කොව් නගරයේ පිහිටි සාන්ත බැසිල් දෙව්මැඳුර. 1561 වසර තරම් පැරණියි. වැසිලි දේවස්ථානය යනුවෙන්ද හැඳින්වෙන මෙය පිහිටා ඇත්තේ මොස්කොව් රතුචතුරස‍්‍රය තුළයි.

Comments

  1. බොහොම ස්තූතියි ලෝකෙ වටේ අපූරු චාරිකාවක් එක්කන් ගියාට..

    ReplyDelete
  2. මාර ලින්කුවක් දුන්නේ බලන්න ගත්තම වෙලාව යනවා තේරෙන්නෑ ...... බොහොමත්ම ස්තුතියි

    ReplyDelete
  3. බොහොම ස්තූතියි

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.