Skip to main content

සිංහල චිත‍්‍රකතා වංශ කතාවේ අමරණීය සලකුණ - දයා රාජපක්‍ෂ

දයා රාජපක්‍ෂයන්ගේ අභාවය ජූලි 26 වැනි කන වැකීමත් සමග මට දැනුනේ චිත‍්‍ර කතා කලාවේ එක් දීප්තිමත් යුගයක් අවසාන වූ බවයි. චිත‍්‍රකතාව පුවත්පත් විශේෂාංගයක් බවට පත් වූයේ 19 වැනි සියවසේ මුල් භාගයේ දී වුවත් එය පුවත්පත්වලට නැතුව බැරි අංගයක් වූයේ දයා රාජපක්‍ෂගේ පිවිසීමත් සමගය. මුල දී චිත‍්‍රකතා තීරු හාස්‍යය දැන වූ විකට ඒවා වුවත් දයා ඒවා ගැඹුරු සමාජ විග‍්‍රහයන් කරන, තමන් ජීවත්වන සමාජය තේරුම් ගැනීමට පාඨකයා පොලඹවන, උසස් මට්ටමකට පත් කළේය. චිත‍්‍රකතා කියවීම බොළඳ කටයුත්තක් ලෙසත් ළමයින්ට හා යොවුන් පරපුරට සීමා වූවක් ලෙසත් සැලකූ යුගයට තිත තබමින් චිත‍්‍රකතාවට ගෞරවනීය තත්වයක් ලබා දීමට දයා සමත් වූයේය.


දයාගේ චිත‍්‍රකතා ගැන මෙතෙක් කර ඇති හොඳම විග‍්‍රහය ලෙස මා දකින්නේ මහාචාර්ය සුනිල් ආරියරත්නයන් සිය ‘චිත‍්‍රකතාවේ වංශ කතාව’ නම් කෘතියේ එන මේ සඳහනයි:

‘දයාගේ ස්වතන්ත‍්‍ර චිත‍්‍රකතාවලිය බොහෝ දුරට යථාර්ථවාදීය; නාට්‍යමය; ගතික ය; පැතලි චරිත හා අභව්‍ය සිද්ධීන්ගෙන් හීනය. ඔහුගේ බොහෝ කතා හටගෙන ඇත්තේ අපේ පොළොවෙහි පස පසාරු කර ගෙනය. ඒ කතා හැමවිට ම වාගේ සෝකාන්තය. වරෙක නගරය හා නගරයෙහි උපසංස්කෘතිය සජීවී ලෙස විග‍්‍රහ කරන දයා තවත් වරෙක ගම හා ගමෙහි උපසංස්කෘතිය සියුම් ව දැක ගන්නේය. සිව්මංසල, නිසංසලා, ගල්පල්ලිය, වැනි කතාවල දැකිය හැක්කේ නාගරික සංස්කෘතියයි. සක්විති සුවයෙහි ඇත්තේ කොළඹ පැල්පත් වාසීන්ගේ උපසංස්කෘතියයි. එහි ජීවත්වන බකට් හැරීලාගේ ජීවිතයයි. නිවන් දක්නා ජාති දක්වා, වෙද හාමුදුරුවෝ, අහිමි දඩමං, ආදියෙන් නිරූපණය වන්නේ ගැමි දිවියයි. හුලවාලී, බාඳුරා මල්, තවලම, පොඩි මාමා, වැනි චිත‍්‍රකතාවලට පසුබිම් වන්නේ ගැමි උපසංස්කෘතීන්ය. ‘නිළියකට පෙම් කෙළෙමි’ චිත‍්‍රකතාව ගොඩ නැගෙන්නේ නූර්ති නාට්‍යකරුවන්ගේ සමාජය තුළයි.’

දයා එතෙක් චිත‍්‍රකතාකරුවන් අත නොගැසූ පැතිවලට සිය තෙලිතුඩ ගෙන ගියේය. ඒවායේ දේශපාලනය තිබුණේය. සමාජ විග‍්‍රහයන් තිබුණේය. තමන් ජීවත්වන සමාජය ගැන සානුකම්පිතව බලන්නට පාඨකයා පෙලඹෙව්වේය.

ඔහුගේ ‘ගිනිබත් කිරීටය’ චිත‍්‍රකතාවට පදනම් වූයේ 1952 මැතිවරණයෙහි සිට 1983 කළු ජූලිය දක්වා කාල පරාසය තුළ සිදුවූ සිදුවීම් සමුදායකි. ඒ සිදුවීම් ඔස්සේ අපට හමුවූ චරිත අතර, රජවත්තේ හාමුදුරුවෝ, මස්කෙළිය තේ වත්තේ දෙමළ දොස්තර, ඔහුගේ දූ සරෝජා, වත්තේ ටීමේකරගේ පුතා නිශ්ශංක, අන්තවාදීන්ගේ නියෝජිතයා පාක්‍යම්, සිංහලයන් වෙනුවෙන් කතා කරන දෙමළු, දෙමළුන් වෙනුවෙන් කතා කරන සිංහලයන් අපට දැක ගත හැකිය. වසර ගණනාවක් තිස්සේ අපට වද දෙන ප‍්‍රශ්නය ඔහු එහි දී නොබියව සාකච්ඡුා කරයි.

පුවත්පත්වලින් අප දැක ගත් ‘දයා රාජපක්‍ෂ ලකුණ’ අපේ පරපුරේ හදවත් තුළ ගැඹුරින් සටහන් වී ඇතුවාට සැකයක් නැත. ඔහු අපේ චිත‍්‍රකතා වංශ කතාවේ අමරණීය සලකුණ ලෙස සැලකිය හැකිය.


චිත‍්‍රකතා ලෝකයට දයා රාජපක්‍ෂගේ ආගමනය ද චිත‍්‍රකතාවක් සේ ම රසවත්ය. සිළුමිණ කර්තෘ මීමන පේ‍්‍රමතිලක මහතාගේ අභාවයෙන් පසු සිළුමිණට පත්ව ආ නව කතුවරයා වූ ඇස්. සුබසිංහ මහතා මගින් සිළුමිණ පුවත්පතට නව මුහුණුවරක් දීමට පාලක පක්‍ෂයට අවශ්‍ය විය. ඒ අනුව විවිධ අංශවලින් නව නිර්මාණ එවන්නැයි තරුණ පරපුරට සිළුමිණ පුවත්පත මගින් ඉල්ලීමක් කෙරිණ. ඒ සමගම නව පරපුරේ චිත‍්‍රකතාකරුවන්ට ද විශේෂ ඉල්ලීමක් කරනු ලැබීය. ඊට ප‍්‍රතිචාර වශයෙන් ලිපි ලැබුණේ ගෝනි ගණනිනි. ඒ ලිපි කියවීම අපේ කර්තෘ මණ්ඩලයේ සිටි පස් දෙනාට ලොකු අභියෝගයක් විය. එවකට සිළුමිණ කර්තෘ මණ්ඩලයේ සිටියේ බෙනඩික්ට් දොඩම්පෙගම, ලක්‍ෂමන් ජයවර්ධන, පී බී ඉලංගසිංහ හා මාත් පමණය. මෙයට අමතරව පී. ජයසිංහ අපට විවිධ අයුරින් සහය විය. එසේ එවූ විත‍්‍රකතා සිය ගණනක් අතරින් සුදුසු ඒවා තෝරා ගැනීම පී. බී. ඉලංගසිංහටත්, පී. ජයසිංහටත්, මටත් පැවරුණි. ඒ ලියුම් අතර තිබී පී. බී. එක්සයිස් පොතක් සොයා ගත්තේය. කොටුරූල් පොතක් වූ එහි වූයේ නිල් තීන්තෙන් හා කටු පෑනෙන් ඇඳි චිත‍්‍රකතාවකි. ‘නලා හඬ - උග්ගල්බොඩ දයා රාජපක්‍ෂ විසිනි’ කියා එහි ලියා තිබුණි. ලිපිනයකට තිබුණේ ‘නෝට්න්බි‍්‍රජ්‘ යන්න පමණකි.

ඒ චිත‍්‍රකතාව දුටුවන ම එවකට සිළුමිණ ප‍්‍රධාන කතුවරයා වූ ඇස්. සුබසිංහ මහතා කෙසේ හෝ ඔහු සොයා ගන්නට තීරණය කළේය. ඒ අනුව කටයුත්ත මධ්‍ය කඳුකරයේ අලෙවි කටයුතු භාරව සිටි ටී. පී. සේනානායක මහතාට පැවරිණ. නිශ්චිත ලිපිනයක් නැතිව කෙනකු සෙවීමේ අවිනිශ්චිත බව මට පහදා දුන් ඔහු ඊළඟ සතියේ කරන සංචාරයේ දී ඒ ගැන සොයා බලන බවට පොරොන්දු විය.

ගමන් වාර කීපයක් ගියත් ඔහුට අපේ ඉලක්කය හමු වුණේ නැත. එහෙත් හදිසියේ ම ඔහුගේ උත්සාහය මල්පල ගැන්වුණේය. ඒ ගිනිගත්හේන පිරවුම් හලේ දීය.

‘මල්ලි මේ පැත්තේ ඉන්නවද දයා රාජපක්‍ෂ කියල චිත‍්‍ර අඳින කෙනෙක්?’ ඔහු සුපුරුදු ප‍්‍රශ්නය ඒ පොම්පකරුටත් එල්ල කළේය.

‘චිත‍්‍ර අඳිනවද නම් දන්නෙ නෑ. අර කාමරේ ඉන්න අපේ මැනේජර් මහත්තය නම් දයා රාජපක්‍ෂ’ ඒ පිළිතුරෙන් අපේ මිතුරා පී‍්‍රතියෙන් ඉපිලී ගියේය. ඔහුට අප සොයමින් සිටි දයා හමුවිය. ඔහුගේ ලිපිනයත් ලබා ගෙන සේනානායක එවේලේ ම කොළඹ ආවේය. ඔහුට මුවනොසෑහෙන සේ ස්තුති කළ සුබසිංහ මහතා ඒ මොහොතේම සිය අත් අකුරින්ම ලිපියක් ලියා ඔහුට කොළඹ එන ලෙස දන්වා යැවීය. දයා රාජපක්‍ෂ චිත‍්‍රකතා ලෝකයේ සැරිසරන්නන්ට නැතිවම බැරි ගමන් සගයෙකු වූයේ ඉන් පසුවය. එදා 1966 දී සිළුමිණට මුලින්ම ගොඩ වූ දා පටන් සුබසිංහ මහතාත් ඔහුත් අතර ඇති වූ මිතුදම අවසන් වූයේ මින් සත් වසරකට පෙර සුබසිංහ මහතාගේ අභාවයත් සමගය

එදා සිට විජය ප‍්‍රකාශන ආරම්භ කරන්නට 1979 අවසානයේ දී සුබසිංහ මහතාත් මාත් ලේක්හවුසියට සමුදෙන තෙක් දයා නොකඩවා සිළුමිණට චිත‍්‍රකතා ඇන්දේය. අපේ ඉවත් වීමත් සමග දයා ලෙක්හවුසියට සමු දෙමින් සිය කැමැත්තෙන් ම විජය ප‍්‍රකාශන සමග එක් විය.

ලේක්හවුසිය සතුට පත‍්‍රය ආරම්භ කරද්දී එයින් නවක ශිල්පීන්ට ඉඩ දෙන්නට යැයි කියමින් ඔහු එවකට කළ බලවත් ඉල්ලීම ප‍්‍රතික්‍ෂේප කළේය. එහෙත් පසුව විජය ප‍්‍රකාශනයක් ලෙස සතුට පළ වෙද්දී එහි ආරම්භයේ සිටම ඊට දායකත්වය සැපයුවේය. ආරම්භක කලාපයේ කවරය නිර්මාණය කළේත් ඔහුමය. දයා මියයන මොහොත තෙක්ම ඉරිදා ලංකාදීපයටත් දිනපතා ලංකාදීපයටත් විජය පුවත්පත් ආයතනයේ විජය, සිරිකත, තරුණයා වැනි ප‍්‍රකාශනවලටත් සිය නිර්මාණ එක් කළේය.

දයා රාජපක්‍ෂ තුළ නිර්මාණකරුවන් කීප දෙනකුගේ දස්කම් එකවර දක්නට ලැබුණේය. ඔහු හොඳ උපහාස රචකයෙක් විය. කවියෙක් විය. ඔහු ලංකාදීපයට ඉදිරි ‘සමාජ සමයං’ ‘මඩිස්සලේ’ වැනි නිර්මාණ කරන්නට ඉදිරියේ යමකු සොයා ගන්නට හැකි වුවත් දයාගේ අමුතු නිර්මාණවලින් සුවහසක් පේ‍්‍රක්‍ෂකයන්ට දුන් නැවුම් රසය ලබා දෙන්නට එවන් කෙනකු බිහිවෙතැයි සිතිය නොහැකිය.

අපේ චිත‍්‍රකතා ශිල්පීන් අතරින් සිනමාකරුවන්ගේ වැඩිම අවධානය යොමු වූයේ දයාගේ නිර්මාණ කෙරෙහිය. දයාගේ චිත‍්‍රකතා අතරින් බොහොමයක් සිනමා නිර්මාණ චිත‍්‍රපට බවට පත් විය. සිංහල චිත‍්‍රපටයක් වූ ප‍්‍රථම චිත‍්‍රකතාව දයාගේ ‘වානරයෝ’ විය. මහාචාර්ය සුනිල් ආරියරත්නගේ ප‍්‍රථම චිත‍්‍රපටය වූ අනූපමාත් දයාගේ ඒ නමින් යුත් චිත‍්‍රකතාව විය. සක්චිති සුවය, හුලවාලි, බාඳුරාමල්, නිළියකට පෙම් කෙළෙමි, සුබෝධා, රක්තා, තවලම, නිවන් දක්නා ජාති දක්වා ඉන් කීපයකි.

 

පුංචි තිරයට ද දයාගේ නිර්මාණ නැතුවම බැරි විය. මාලිනී පොන්සේකා ටෙලි නාට්‍ය අධ්‍යක්‍ෂණයට පිවිසියේ ද දයාගේ චිත‍්‍රකතාවකිනි. ඒ නිරූපමාලා ය. දුලාරි, සකිසඳ එලියස්, පස්, හතේ වසම, කම්මිත්ත, මතක මංපෙත ආදිය ඉන් කීපයකි.

සිනමා හා ටෙලිනාට්‍යකරුවන් දයාගේ චිත‍්‍රකතා කෙරෙහි ඇදී යන්නට ප‍්‍රධාන හේතුව වශයෙන් මා දකින්නේ ඒවා සිනමා පේ‍්‍රක්‍ෂකයන්ට පහසුවෙන් සමීප කළ හැකි තාත්වික ගුණයෙන් අනූන වීමයි. මහාචාර්ය සුනිල් ආරියරත්න කියන්නේ දයාගේ චිත‍්‍රකතා කෙරෙහි සිනමා හා ටෙලිනාට්‍යකරුවන් ඇදී යන්නට ප‍්‍රධාන හේතුව ඒවායේ ඇති සිනමානු රූපී බවයි. අනිකුත් හේතු වශයෙන් ඔහු දක්වන්නේ චරිතවලට නළු නිළියන් තෝරා ගැනීමේ සිට ඇඳුම් පැලඳුම් සැකසීම, වෙස් ගැන්වීම, රූප ගැන්වීම ආදී හැම කටයුත්තක දීම දයාගේ චිත‍්‍රකතාව පුර්වාදර්ශ සපයා තිබීමයි. ඔහු අවධාරණය කරන්නේ ඒ ඒ චිත‍්‍රපට හා චිත‍්‍රකතා සසඳා බැලීමෙන් ඒ බව පසක් කර ගත හැකි බවයි.

දයාගේ වියෝව අපට පිරිමැසිය නොහැකි පාඩුවකි. දුකකි! දයාගේ වියෝවෙන් තැවෙන දයාබර බිරිඳ ඛේමා ප‍්‍රමුඛ දූදරු මුණුබුරන්ටත් අපගේ හෘදයාංගම ශෝකය මෙසේ පිරිනමමු. දයා ඔහුගේ ‘නිවන් දක්නා ජාති දක්වා’ චිත‍්‍ර කතාවේ කියන්නාක් මෙන් නිවන් දක්නා ජාති දක්වා ඔහු අප අතර යළි ඉපදේවා!

- පර්සි ජයමාන්න

Comments

  1. මම උඹේ බ්ලොග් එකෙන් හැමදාම මොනව හරි ඉගෙන ගන්නව . සදා ජය

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.