Skip to main content

මුහුදු කැස්බෑවකුට කළ විස්මිත සැත්කමක්! ති‍්‍රමාන මුද්‍රණ යන්ත‍්‍රයකින් තැනූ හක්කක් සවි කරති!

පුංචි අය හැමදෙනාම ‘නින්ජා ටර්ටල්ලා’ ගැන දන්නවා. ඔවුන්ට වෙඩි නොවදින කටු තියෙනවා. ඇත්ත කැස්බෑවන්ට නම් එහෙම නෑ. ඒත් දැන් ඇත්ත කැස්බෑවෙක් ඉන්නවා ටයිටේනියම් ලෝහයෙන් නිමවපු හක්කක් සවි කරපු.

ඒක හරිම විස්මිත දෙයක්. තුර්කියේ පශූ වෛද්‍ය කණ්ඩායමක් තමයි මේ හපන්කම කළේ. බෝට්ටුවක හැපීමෙන් හොම්බ තුවාල වූ මුහුදු කැස්බෑවකුට තමයි මේ අලූත් හකුපාඩා දෙක සවිකළේ.

මෙහි ඇති තවත් විස්මිත දෙයක් තමා ටයිටේනියම් ලෝහයෙන් තැනූ මේ හකුපාඩා නවීන තාක්‍ෂණයේ උදව්වෙන් ලබා ගත් දෙයක්. ඒවා නිර්මාණය කරලා තියෙන්නේ ති‍්‍රමාන මුද්‍රණ යන්ත‍්‍රයකින්. ඒ යන්ත‍්‍රය වෛද්‍ය කටයුතු සඳහා විශේෂයෙන් තැනූ එකක්.

කැස්බෑ ඇටසැකිලි අධ්‍යයනය කරලා ඒ වගේම කිලෝ ග්රෑම් 45ක් බර වූ මේ කැස්බෑවාගේ හක්කේ ඉතිරි කොටස් ස්කෑන් කරලා තමයි වෛද්‍යවරුන් මේ හකුපාඩා නිර්මාණය කළේ.

සැබෑ කැස්බෑවන්ගේ මේ හකුපාඩා ඉතාමත් ශක්තිසම්පන්නයි. ඉතින් ඒ වගේම ශක්තිමත්ව තියෙන්න ඕනෑ නිසයි මේ කෘති‍්‍රම හකුපාඩා ටයිටේනියම් ලෝහයෙන්ම හැදුවේ.

මේ අපූරු හකුපාඩා සවි කරන්නට පශු වෛද්‍ය කණ්ඩායම කළ සැත්කමට පැය දෙකහමාරක් ගත වුණා.

 
පැය දෙකහමාරක් තිස්සේ සැත්කමක් කරලයි මේ ති‍්‍රමාන මුද්‍රණ යන්ත‍්‍රයෙන් නිර්මාණය කළ ටයිටේනියම් හකුපාඩා මේ ආකාරයට කැස්බෑවාට බද්ධ කළේ. මේ අලූත් ලෝහ හකුපාඩාවලින් කෑම හපා කන්නට පුරුදු වුණු පසු ඌ යළිත් සාගරයට මුදා හරින්නයි මේ පශු වෛද්‍ය පිරිස බලාපොරොත්තු වන්නේ.

ලොගර්හෙඞ් වර්ගයට අයත් මේ කැස්බෑවාට ඔවුන් නමකුත් දීලා තියෙනවා. ඒ ‘අකුට් 3’ කියලයි. සැත්කම සාර්ථකයි. දැන් ඌට මේ කෘති‍්‍රම හකුපාඩාවලින් කන හැටි පුහුණු කරනවා. ඒක පුරුදු වුණාට පස්සේ සාගරයට නැවත යවන්නයි ඔවුන් බලාපොරොත්තු වන්නේ.

මේ කටයුත්ත කළ පශු වෛද්‍ය කණ්ඩායමට නායකත්වය දුන්නේ තුර්කියේ ඩෙනිස්ලිහි පැමුක්කලේ (Pamukkale University) සරසවියේ මහාචාර්ය යාකුල් කාසා (Yakup Kaska) යි. ඔහු සාගාර කැස්බෑවන් පිළිබඳ විශේෂඥයෙක්.

‘බෝට්ටු අනතුරෙන් පස්සෙ මේ සතාට කිසිම දෙයක් කන්න බැරුවයි හිටියේ. ඒ නිසා උගේ ජීවිතේ ලොකු අවදානමකයි තිබුණේ. මේ නව තක්‍ෂණය නිසා ඌට තව ටික දවසකින් ආපහු සාගරයට ගිහින් සුපුරුදු විදියට ජීවත්වෙන්න පුළුවන්.’ මහාචාර්ය කාසා කියනවා.

අනතුරට ලක්වුණු මේ සතා පැමුක්කලේ සරසවියේ පිහිටුවා ඇති කැස්බෑවුන් සුරැකීමේ විශේෂ ඒකකය වෙත ගෙනාවේ කැස්බෑවන්ගේ ආරක්‍ෂාව ගැන වෙහෙසන ‘ඇකුට්‘ නම් විශේෂ ආරක්‍ෂක කණ්ඩායමක් විසින්.

දකුණු තුර්කියේ මාමේරියස් අසල මධ්‍යධරණී මුහුදේ පිහිනමින් සිටියදී බෝට්ටුවක බමනයකට අසුවීමෙන් තුවාල ලබා ඇති මේ සතා අල්ලා ගෙන සුරක්‍ෂිතව කැස්බෑ පර්යේෂණ හා ප‍්‍රවර්ධන මධ්‍යස්ථානය වෙත ගෙනාවා.

 
මෝටර් බෝට්ටුවක බමන පෙත්තට අසු වී ඒ කැස්බෑවාගේ හොස්ස තුවාල වී තිබුණේ මෙහෙමයි. යටි හක්කේ වැඩි කොටසක් හා උඩු තල්ලේ කොටසක් ඌට අහිමිව ගොස් තිබුණා. තනිවම කෑම සොයා ගැනීම අපහසු වී සිටි ඌ පණ පිටින් තියා ගත්තේ මේ මුඛ සිදුරෙන් කෑම ඇතුළට තල්ලූ කිරීමෙන්.

මේ සතා මුලින් ම සොයා ගත් ඒ කණ්ඩායමට ගෞරවයක් වශයෙනුයි ‘ඇකුට් 3’ කියා ඌට නම් තබා ඇත්තේ.

මේ ලොගර්හෙඞ් කැස්බෑවන් සාමාන්‍යයෙන් ආහාරයට ගන්නේ පොකිරිස්සන් කකුළුවන් ඇතුළු කවචයන් නිසා ඔවුන්ගේ සවිමත් පිටකටු හපා කෑමට නොහැකි වීම නිසා ඌ කෑම නැතිව ඉක්මනින්ම මිය යාමේ තර්ජනයට ලක්ව සිටියා.

තුවාල වූ කැස්බෑවා පර්යේෂණ ඒකකයට ගෙනා පසු උගේ තුවාල ශුද්ධ කොට උගේ පණ රැකදීමට බොහෝ වෙහෙස ගෙන අතින් ආහාර කවන්නට ඔවුන්ට සිදු වුණා.

 
සීටී ස්කෑන් යන්ත‍්‍රයක් මගින් ගත් පින්තූරවලින් කැස්බෑවාගේ හක්කේ අඩුපාඩු කොටස් මේ ආකාරයට හරියටම නිවැරදිව ප‍්‍රතිනිර්මාණය කර ගන්නට පශු වෛද්‍ය කණ්ඩායම සමත් වුණා. ඇකුට් 3 යනුවෙන් ඔවුන් විසින් නම් කරන ලද කැස්බෑවාට ඒවා සවි කළේ පැය දෙකහමාරක සැත්කමකින් පසුවයි.

පැමුක්කලේ සරසවියේ ඇති සීටී ස්කෑන් තාක්‍ෂණය යොදා ගෙන කැස්බෑවාගේ පිපිරී ගිය හක්කේ පිළිබිඹු ලබා ගත් ඔවුන් ඒවා කෘති‍්‍රම කොටස් නිර්මාණය කරන වෛද්‍යායතනයක් වූ ‘බීටෙක් ඊනොවේශන්’ (BTech Innovation) වෙත යැව්වා.

ලොගර්හෙඞ් කැස්බෑවන්ගේ ව්‍යුහ විද්‍යාත්මක තොරතුරු සියල්ල විමසා බලා තුවාල වූ සතාට හරියටම හරියන කෘති‍්‍රම කොටස් නිර්මාණය කරන්නට ඒ ආයතනය සමත් වුණා.

ති‍්‍රමාන මුද්‍රණ යන්ත‍්‍රයකින් ඒ කොටස් ඒ ආකාරයටම තනා ගත්තේ ශල්‍ය වෛද්‍ය කටයුතුවලට යොදා ගන්නා උසස් තත්වයේ ටයිටේනියම් ලෝහය භාවිත කිරීමෙන්.

මේ වගේ ආපදාවලට ලක් වූ මිනිසුන්ටත් කෘති‍්‍රම කොටස් නිපදවා මේ ‘බීටෙක් ඊනොවේශන්’ ආයතනය දැනටමත් කීර්තියක් දිනා සිටිනවා.

මේ විස්මිත කොටස් නිර්මාණය කළ කණ්ඩායමේ නායක මුරාට් එග්රි ඒ ගැන මෙසේ පවසනවා: ‘මේ වගේ ඉල්ලීමක් කළාම හරියටම ඒ තැනැත්තාට ගැළපෙන ආකාරයට ඒ කොටස නිර්මාණය කර දෙන්නට අප වගබලා ගන්නවා. හැමවිටම පුද්ගලයාගෙන් පුද්ගලයාට මේ කොටස් වෙනස් වෙනවා. ඒ නිසා හරිම පරිස්සමෙන් තමයි මේ කාරිය කළ යුතු වන්නේ. වඳවීයාමේ තර්ජනයක් එල්ල වුණු දුර්ලභ සතකුට මේ වගේ දෙයක් කරන්නට ලැබීම ගැන අපට ඇත්තේ බලවත් සතුටක්.’

මේ හක්කේ සැත්කමට මුල් වූ පශුවෛද්‍ය ශල්‍යවෛද්‍ය මහාචාර්ය ඊනස් ඇල්ටුග් කීවේ දින 18කින් මේ සතා හොඳින්ම සුවපත් වූ බවයි. ඒත් ඌ උගේ සුපුරුදු සාගර පරිසරයට මුදා හරින්නට ඔවුන් ඉක්මන් වුණේ නැහැ.

සැත්කමෙන් ලැබුණු අලූත් හක්කෙන් කෑම කන්නට ඌට පුරුදු කරලයි මුහුදට මුදා හරින්නට ඔවුන් බලාපොරොත්තුව ඉන්නේ.

 
අලූතින් තැනූ කොටස් ඒ කැස්බෑවාට බද්ධ කළ පසු ගත් සේයා රුවක්.

 
මේ විස්මිත සැත්කමට මුල් වූ මහාචාර් ඊනාස් ඇල්ටුග් කියන්නේ සැත්කමින් දින 18කට පස්සේ හොඳින්ම සුවපත් වූ බවයි.

 
බද්ධ කිරීමට යොදා ගත් ටයිටේනියම් කොටස් ඒ අනතුරෙන් ශේෂව තිබූ කොටස් සමග පෑහෙන විදියටයි නිර්මාණය කළේ.

 
සැත්කමේදී ටයිටේනියම් හකුපාඩා කැස්බෑවාගේ හිස්කබලේ නියමිත තැනට තබා සවි කරනු ලැබුවා. කල්යාමේදී එය ඊට හොඳින් පෑස්සෙනු ඇති. මේ සඳහා වෛද්‍ය විද්‍යාවේදී භාවිත කරන ටයිටේනියම් ලෝහය යොදා ගත්තේ කැස්බෑවාගේ සිරුර විසින් බද්ධ කළ කොටස් ප‍්‍රතික්‍ෂේප කිරීම වළක්වනු පිණිසයි.

මුද්‍රිත මුහුණක් සවි කළ ප‍්‍රථම මිනිසා!

මේ ති‍්‍රමාන තාක්‍ෂණය යොදා ගෙන උපාංග සවි කිරීම දැන් සිදු කෙරෙනවා. මෝටර් සයිකල් අනතුරකින් මුහුණ පොඩිවුණු මිනිසකුගේ විනාශවුණු කොටස් වෙනුවට ති‍්‍රමාන මුද්‍රණ යන්ත‍්‍රයකින් තැනූ කොටස් සවි කිරීමක් පසුගියදා මුල් වතාවට සිදු කෙරුණා.

එංගලන්තයේ කාඩිෆ්හී ස්ටීවන් පවර්ට තමයි මේ කොටස් බද්ධ කරනු ලැබුවේ. ස්වෝන්සීහී මොරිස්ටන් රෝහලේ වෛද්‍යවරුන් තමා ඒ සැත්කම කළේ.

මේ සැත්කමට පැය අටක් විතර ගතවුණා. ඒ සඳහා බද්ධ කළ යුතු කොටස් ති‍්‍රමාණ ක‍්‍රමයට මුද්‍රණය කරවා ගෙන එනු ලැබුවේ බෙල්ජියමේ ආයතනයකින්.

සැත්කමට ලක් වූ ස්ටීවන් පවර් කීවේ ඒ විස්මිත සැත්කම ඔහුගේ ‘ජීවිතයේ ලොකු පෙරළියක්’ සිදු කළ බවයි.



Comments

  1. තාක්ෂණය යොදාගන්න ඕන මේ වගේ යහපත් දෙවල් වලට.

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.