Skip to main content

අනාගතයේ දී ඔබට කනෙන් බැරි නම් දිවෙන් අහන්න පුළුවන්!

අනාගතයේ දී කන් ඇසීමේ දෝෂ තියෙන අයට කර්ණශංඛ එහෙමත් නැත්නම් රේවට බද්ධයක් කිරීම අවශ්‍ය වන්නේ නැහැ. ඒ වෙනුවට ඔවුන්ට කටෙන් එහෙමත් නැත්නම් දිවෙන් ඇහුම්කන් දෙන්න පුළුවන්.

ඇමෙරිකාවේ කොලරාඩෝ ප‍්‍රාන්තයේ පර්යේෂකයන් පිරිසක් අලූත් ම විධියේ ඇසීමේ ක‍්‍රමයක් සොයා ගෙන තියෙනවා. මේ නව ක‍්‍රමයේ දී කන මග හැර කෙළින් ම මොළයට ඇහෙන්න සලස්වන්න පුළුවන්.

මෙහි දී ඔවුන් නව තාක්‍ෂණයට යොදා ගෙන ඇත්තේ බ්ලූටූත් එකක්. ඒ අනුව බ්ලූටූත් එක මගින් ශබ්දය හඳුනාගෙන එය විදිලි ස්පන්දක වශයෙන් ඉලෙක්ට්‍රෝඩ රැසක් රඳවා ඇති ධාරකයකට යවනවා. ඒ ධාරකය දිවට තද කළ විට අසන්නාගේ දිවට ඒ ස්පන්දක දැනෙනවා. අසන්නාගේ මොළයට ඒ ශබ්ද අසන්නට ලැබෙන්නේ ඉන් පසුවයි.

කන මඟ හැර ඇසීමට උදවුවෙන මේ තාක්‍ෂණයට පදනම් වී ඇත්තේ බ්ලූටූත් එකක්.

 
කන මඟ හැර ඇසීමට උදවුවෙන මේ තාක්‍ෂණයට පදනම් වී ඇත්තේ බ්ලූටූත් එකක්. එයින් හඳුනා ගන්න ශබ්ද දිවට දැනෙන්න සලස්වන්නේ මේ ඉලෙක්ට්‍රෝඩ රැගත් ධාරකයෙන්.

’මෙය කනට සැත්කමක් කරනවාට වඩා පහසු සරල දෙයක්. අපි හිතනවා මෙය කර්ණශංඛ බද්ධයකට වඩා හුඟාක් අඩු වියදම් ක‍්‍රමයක් වේවි.’ මෙහෙම කියන්නේ ඇමරිකාවේ කොලරාඩෝ විශ්ව විද්‍යාලයේ සහාය මහාචාර්ය ජෝන් විලියම්ස්.

මහාචාර්ය ජෝන් විලියම්ස්ට මේ නව මෙවලම පිළිබඳ සංකල්පය ආවේ ‘මැදි වියේදී මුහුණ පාන්නට වන අර්බුද’ ගැන පර්යේෂණ කටයුතුවල නිරත වී සිටියදියි. වියපත් වන විට කන්වල ඇති වන කුරුකුරුවට පිළියම් සොයමින් සිටියදී තැනූ උපකරණයක් නිසයි ඔහු මේ නව අදහසට යොමු වුණේ.

දිවේ ස්පර්ශක ස්නායු දහස් ගණනක් තිබෙන නිසාත් එහි ඇති ස්පර්ශකවලින් එන පණිවිඩ හඳුනා ගන්නා මොළයේ ඇති කලාපයට ඉතා සංකීර්ණ තොරතුරු විකේතනය කරන්නට හැකියාව තිබියයුතු යැයි ඔහු කල්පනා කළා. එහි ප‍්‍රතිඵලයක් ලෙසයි මහාචාර්ය ජෝන් විලියම්ස්ගේ නව මෙවලම බිහිවී තියෙන්නේ.

‘අප මෙහිදී කරන්න හදන්නේ දිවෙහි සංවේදකවලට වෙනත් ආදේශකයක් සපයා දෙන්නයි.’ මහාචාර්ය විලියම්ස් කියනවා.

මෙය දෘශ්‍ය ආධාරකවලට වඩා වෙනස්. ඒවායින් කෙරෙන්නේ ශබ්දය වැඩිකර දීමක්. ඒ වගේ ම කර්ණශංඛ බද්ධයක දී කෙරෙන්නේ කනෙහි අක‍්‍රිය වූ කොටස් මග හැර ගොස් කෙළින්ම ශබ්ද ග‍්‍රාහක ස්නායුව උත්තේජනය කිරීමට මග පෑදීමයි.

මේ ක‍්‍රම දෙකට ම වඩා මේ නව ක‍්‍රමය වෙනස්. මෙහි දී කනෙන් පිට සවිකර ඇති මයික්‍රොෆෝන මගින් ශබ්ද හඳුනාගෙන කටහඬ සකසනයකට යවනවා. එහි දී ඒවා විශ්ලේෂණය කොට විදුලි ස්පන්දක බවට හැරවිය හැකි ග‍්‍රාහකයකට යවනවා.

 
කොලරාඩෝ විශ්ව විද්‍යාලයේ විද්‍යාඥයන් දැන් අපට කනෙන් අහන හැටි උගන්වන්නයි හදන්නේ.

 
මේ නව මෙවලම පෙන්වන්නේ මහාචාර්ය ජෝන් විලියම්ස්. ඔහුට මේ නව මෙවලම පිළිබඳ සංකල්පය ආවේ ‘මැදි වියේදී මුහුණ පාන්නට වන අර්බුද’ ගැන පර්යේෂණ කටයුතුවල නිරත වී සිටියදියි.

මේ නව මෙවලම වැඩ කරන්නේ මෙහෙමයි.

බ්ලූටූත් එකට සම්බන්ධ කර තියෙනවා මයික්‍රෝෆෝනයක්. එය පරිසරයෙන් ශබ්ද හා වදන් හඳුනා ගන්නවා.

ඊළඟට මෙම ශබ්ද ග‍්‍රාහකයකට සම්පේ‍්‍රෂණය කෙරෙනවා. එහි දී ඒ ශබ්ද වචන හඳුනාගත හැකි විදුලි ස්පන්දක රටාවලට පරිවර්තනය කෙරෙනවා. එය ග‍්‍රාහකයක් විතරක් නොවෙයි සකසනයක් ලෙසත් කි‍්‍රයා කරනවා. ඒ විදුලි ස්පන්දක රටා යවනවා ඉලෙක්ට්‍රෝඩවලින් පිරුණු ධාරකයකට.

ඒ ධාරකයට දිව ඊට තද කළ විට අසන්නාට ඒ හඳුනාගත හැකි රටාවල පිළිවෙළ අල්ලා ගන්නට පුළුවන්.

මේ සඳහා අසන්නාට මූලික පුහුණුවක් අවශ්‍ය වෙනවා. ඉන් පසුව ඒ ශබ්ද පහසුවෙන්ම තේරුම් ගන්න අසන්නාට හැකියාව ලැබෙනවා.

සොනෝග‍්‍රෑමයක ඇති කළු ඉරිවලින් ශබ්ද විද්‍යාඥයන්ට අකුරු හඳුනා ගෙන කියවන්න පුළුවන්. ඒ වගේ ම බ්රේල් තිත්වලින් ඇස් නොපෙනෙන අයට අකුරු කියවන්න පුළුවන්. මේ ක‍්‍රමයට ස්පන්දක වලින් ලැබෙන ශබ්ද රටා හඳුනා ගන්න අසන්නාට පහසුවෙන් හැකි බවයි ඒ විද්‍යාඥයන් පවසන්නේ.

‘වැඩිහිටියකු වන විට මිනිස් මොළය කිසියම් ආකාරයකට සම්පූර්ණ වී තිබුණත් එහි ඇති අවස්ථාවට අනුකූලව හැඩ ගැසීමට ඇති හැකියාව නිසා මෙය පහසුවෙන් අල්ලා ගන්නට හැකි වෙතැයි ඒ විශ්ව විද්‍යාලයේ වෛද්‍ය ලෙස්ලි ස්ටෝන් රෝයි විශ්වාසය පළ කරනවා. ඇය එහි ජීව වෛද්‍ය විද්‍යා අංශයේ සහකාර මහාචාර්යවරියක්.

 
ඒ ධාරකය දිවට තද කළ විට අසන්නාට ඒ හඳුනාගත හැකි රටාවල පිළිවෙළ අල්ලා ගන්නට පුළුවන්. ඔහුට දිවෙන් අසන්නට හැකි වන්නේ මේ විදියටයි.

මේ අපූරු පර්යේෂණයේ යෙදෙන්නේ මහාචාර්ය විලියම්ස් සමග ආචාර්ය උපාධියට ඉගෙන ගන්නා ජේ. ජේ මොරිට්ස් ඇතුළු පිරිසක්. ඔවුන් පසුගිය වසර තිස්සේ ම මේ සම්බන්ධව විවිධ මෙවලම් තනමින් පර්යේෂණයෙහි යෙදුණා.

දැන් එහි සාර්ථකත්වය නිසා මෙය වැඩි දියුණු කොට ලොවට හඳුන්වා දෙන්නට ඔවුන් ආයතනයක් පිහිටුවලා එහි හිමිකම් බලපත‍්‍රයක් පවා අරන් අවසානයි.

අනාගතයේ දී ඔබට කන වෙනුවට දිවෙන් අහන්න පුළුවන් මේ නව මෙවලම වෙළඳ පොළේ දී දැක ගන්න හැකි වේවි.

වීඩියෝව සඳහා පහතට යන්න.





Comments

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.