Skip to main content

කුමාර් සංගක්කාර හා ඒබී ඩි විලියර්ස් දෙන්නාගෙන් ඉදිරියට යන්නේ කවුරුන්ද?

මෙවර ලෝක කි‍්‍රකට් කුසලාන පිතිකරුවන් කරළියේ පෙරළි කළ තරගාවලියක් ලෙස හඳුන්වන්න පුළුවන්. ලකුණු පුවරුවල සිය ගණනින් ලියවුණු මේ ශතකලාභීන්ගේ වාර්තා අතරින් කැපී පෙනෙන දෙන්නෙක් ගැනයි මේ ලියන්නේ. ඒ එක්කෙනෙක් අපේ ආදරණීය ‘සංගා’ – ඒ කියන්නේ කුමාර් සංගක්කාර. අනෙක් පිතිකරුවා දකුණු අපි‍්‍රකාවේ නායක ඒබී ඩි විලියර්ස්.


අපේ ‘සංගා’ - එයා ලෝකයේ දැනට ඉන්නා අංක එකේ පිතිකරුවා බව පසුගියදා නැවතත් තහවුරු කළා. ඒ මෙවර ලෝක කුසලාන තරඟාවලියේ පිට පිට ඉනිම හතරකින් ශතක හතරක් වාර්තා කරමින්. මෙතෙක් පැවති ලෝක කුසලාන තරගාවලි ඉතිහාසයේ කිසිම පිතිකරුවකු පිට පිට ශතක තුනකට වඩා ලබා ගෙන නැහැ. ඒ වගේ ම මීට පෙර එක්දින තරගවලදීවත් ඒ ජයග‍්‍රහණය ලොව කිසිම පිතිකරුවකු ලබා නැහැ.

ලෝක කුසලාන තරග ඉතිහාසයේ එක් තරගාවලියක දී පිට පිට තරග හතරකදී ශතක හතරක් වාර්තා කළ ලොව ප‍්‍රථම හා එකම කී‍්‍රඩකයා කුමාර් සංගක්කාරයි. 2015 ලෝක කුසලාන කි‍්‍රකට් තරගාවලියේ දී ඔහු බංග්ලාදේශයට එරෙහිව නොදැවී 105ක්, එංගලන්තයට එරෙහිව නොදැවී 117ක්, ඕස්ටේ‍්‍රලියාවට එරෙහිව 104ක් හා ස්කොට්ලන්තයට එරෙහිව 124ක් වශයෙන් ලබා ගත්තා. ඕස්ටේ‍්‍රලියාවේ මාක් වෝ, මැතිව් හේඞ්න් හා ඉන්දියාවේ සරෞව් ගංගුලි යන කී‍්‍රඩකයන් පිට පිට නොවන අවස්ථාවල දී එකම තරගවලියක දී ශතක තුන බැගින් ලබා ගෙන තියෙනවා. මෙතෙක් සංගා ලෝක කුසලාන තරගවල දී ලබා ඇති මුළු ශතක ගණන 5ක්.

තරග ඉතිහාසයේ මේ තරගවලදී වැඩිම ශතක ලබා ඇත්තේ සචින් ටෙන්ඩුල්කාර්. ඔහු ලැබූ ශතක ගණන 6ක්. අනෙක් වැඩි ශතක ගණන ලබා ඇත්තේ රිකී පොන්ටින්. ඔහුගේ ගණන 5ක්.

එක් දින තරගවලදී විදේශික කී‍්‍රඩකයකු ලෙස මේ වන විට ඕස්ටේ‍්‍රලියාවේදී ලකුණු 2038ක් රැස් කිරීමට සංගක්කාර සමත් වී ඇති අතර, ඒ අතින් ඔහු දෙවැනි වන්නේ කොදෙව් පිලේ පැරණි කී‍්‍රඩකයන් දෙදෙනකු වන ඩෙස්මන් හේන්ස්ට හා විවියන් රිචඞ්ස්ට විතරයි.


සංගක්කාර හා ඩි විලියර්ස් යන දෙදෙනා අතරින් සංගක්කාර පසුගිය එක්දින තරග හයක දී පමණක් මුළු ලකුණු 496ක් ලබා තියෙනවා. ඊට මේ පිට පිට ශතක හතරත් ඇතුළත් වෙනවා. එක්දින තරග හයක දී ඩි විලියර්ස් ලකුණු 417ක් ලබා ගෙන තියෙනවා. ඊට නොදැවී 162ක් හා ලකුණු 99ක් ඇතුළත්. ඔවුන් දෙදෙනා හැර මෙතෙක් පැවති තරගවලදී මුළු ලකුණු 400 ඉක්ම වූ වෙනත් පිතිකරුවන් කිසිවෙක් නැහැ.


සංගක්කාර හා ඩි විලියර්ස් යන දෙදෙනාම ඔවුන්ගේ කණ්ඩායම්වල මුදුන්මල්කඩ සේ සලකන්න පුළුවන්. පසුගිය වසරවල ඔවුන් දෙදෙනාම විශිෂ්ට ලෙස ලකුණු අතර සිටියා. මෙවර තරගාවලියේ දී දැනටමත් ඔවුන් දෙදෙනාම තරගයේ වීරයා සම්මාන දෙක බැගින් දිනාගෙන තියෙනවා. සම්මාන එකකට වඩා දිනූ කී‍්‍රඩකයන් හතර දෙනයි, තවමත් ඉන්නේ. අනෙක් දෙදෙනා නවසීලන්තයේ ටෙ‍්‍රන්ට් බෝල්ට් හා ඉන්දියාවේ ෂීකාර් ධවාන්.

සංගක්කාර හා ඩි විලියර්ස් යන දෙදෙනාම ලෝක කුසලාන තරගාවලියට පෙර පටන් ම එක් දින තරගවල දස්කම් දක්වමින් ආවා. 2013 ජනවාරියේ පටන් මේ දක්වා ලකුණු 1500 ඉක්මවූ ලෝක පිතිකරුවන් අතර ඉහළින්ම ඉන්නේ මේ දෙදෙනායි. එසේ ඉහළම ලකුණු ලබා ගෙන ඇති පිතිකරුවන් හත්දෙනාගේ ලැයිස්තුව මෙසේයි.

2013 ජනවාරියේ පටන් මේ දක්වා ලකුණු 1500 ඉක්මවූ ලෝක පිතිකරුවන් හත්දෙනා මෙසේයි:


මේ වසර දෙකක කාලය තුළ සංගක්කාරගේ ලකුණු ගැනීමේ සාමාන්‍යය 59.5ක්. පහර දීමේ අනුපාතය 93ක්. ඩි විලියර්ස්ගේ සාමාන්‍යය 62ක්. පහරදීමේ අනුපාතය 112ක්. ඉනිම 51කදී ඩි විලියර්ස් 23වාරයක් ලකුණු පනහ ඉක්මවා ඇති අතර සංගා ඉනිම 63කදී 31 වාරයක් ලකුණු පනහ ඉක්මවා තියෙනවා. එසේ ම මේ වසර දෙකක කාලය තුළ සංගා තරගයේ වීරයා සම්මාන 11 ලබා ඇති අතර ඩි විලියර්ස් ලබා ගෙන ඇත්තේ 10ක් පමණයි.

එක් දින තරගවල දී විතරක් නොවෙයි ටෙස්ට් තරගවලදීත් මේ දෙන්නා එකසේ දස්කම් දක්වා තියෙනවා. එහිදී ලැයිස්තුවේ ඉහළින්ම ඉන්නා සංගාගේ ලකුණු සාමාන්‍යය 77.07ක්. එහිදී ඩි විලියර්ස්ට හිමි වන්නේ තුන්වැනි තැනයි. ඔහුගේ සාමාන්‍යය 65.84ක්. දෙවැනි තැන ඉන්නේ ඇන්ජීලෝ මැතිව්ස්.

මෙවර ලෝක කුසලාන තරගාවලියේ දී වේගවත්ම ශතකය වාර්තා කළේ ඩි විලියර්ස්. ඔහු මේ වන විට වැඩිම හයේ පහර සංඛ්‍යාවටත් (20ක්) හිමිකම් කියනවා. ඒ අතින් සංගා ලෝක කුසලාන තරග ඉතිහාසයේ පිට පිට තරග හතරක දී ශතක හතරක් වාර්තා කළ එකම පිතිකරුවා පමණක් නොවෙයි මෙතෙක් ලෝක කුසලාන තරග ඉතිහාසයේ කඩුලූ රකින්නකු ලෙස වැඩිම දවා ගැනීම් කළ කී‍්‍රඩකයාත් සංගක්කාරයි. එය 54ක්. ඔහු ළඟට එන්නේ ඕස්ටේ‍්‍රලියාවේ ගිල් කි‍්‍රස්ට්. ඒ ගණන 52ක්.

මෙවර ලෝක කුසලාන තරගවලදී සංගක්කාර හා ඩි විලියර්ස් මෙතෙක් දක්වා ඇති දස්කම්


ලෝකයේ එක් දින තරගවල ඉහළින් ම ඉන්නා සංගක්කාර හා ඩි විලියර්ස් යන මේ දෙදෙනාගේ ම දස්කම් එක විට අපට මීළඟට දැක ගත හැකි වන්නේ අර්ධ අවසන් පූර්ව තරගයේදි පමණයි. ශී‍්‍ර ලංකාවත් දකුණු අපි‍්‍රකාවත් අතර මාර්තු 18 වැනිදා ඕස්ටේ‍්‍රලියාවේ සිඞ්නි කි‍්‍රකට් කී‍්‍රඩාංගනයේ දී තමයි, ඒ තරගය පැවැත්වෙන්නේ. ඒ තරගයෙන් ඉදිරියට යන්නේ අපේ ‘සංගා’ද? ඩි විලියර්ස් ද? කොහොම වුනත් ලෝක කුසලාන ඉදිරි තරගවලදී අපට දැක ගන්නට ඒ දෙන්නාගෙන් එක් කෙනෙක් විතරයි.

Comments

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.