Skip to main content

ලෝකයේ වැඩියෙන් මිලට විකුණුණු පොත! 18 වැනි සියවසට අයත් කුරුලු පොතක්!

ලෝකයේ වෙන්දේසියක දී වැඩි ම වටිනාකමක් ලැබූ පොත ලෙස සැලකන්නේ ලියනාඩෝ ඩාවින්චිගේ ‘කෝඩෙක්ට් ලීෙසෙස්ටර්’ යනුවෙන් හැඳින්වෙන අතින් ලියූ සටහන් පොතකටයි. එකම එකක් පමණක් ඇති එය වෙන්දේසියක දී අලෙවි වී ඇත්තේ ඩොලර් මිලියන 30.8ක් වැනි මුදලකටයි.


ඒ වගේ ම එංගලන්තයේ රජුගේ බලය සීමා කිරීම සඳහා අතීතයේ ප‍්‍රභූන් ගෙන ආ ‘මැග්නා කාට’ ප‍්‍රඥප්තියේ පැරණි පිටපතක් ද ඇමරිකාවේ මුලින්ම මුද්‍රණය කළ පොත වූ ලෝකයේ ඉපැරණි බයිබලයක් හා යාඥා පොතක් ද මිලෙන් වැඩිම පොත් අතරට අයත් වෙනවා.
එහෙත් වත්මන් ලෝකයේ වැඩි ම මිලකට අලෙවි වී ඇත්තේ ජෝන් ජේම්ස් ඕඩුබොන් (John James Audubon) ගේ ‘ඇමරිකාවේ කුරුල්ලෝ’ (Birds of America) නම් පොතෙහි පිටපතක්. එය ලන්ඩන් නගරයේ පැවති වෙන්දේසියක දී පවුම් මිලියන 7.3කට (ඩොලර් මිලියන 11.5කට) අලෙවි කෙරුණා.

එය දළ වශයෙන් රුපියල්වලින් නම් මිලියන 1150ක්, එනම් රුපියල් බිලියන 1.5ක් විතර වෙනවා. ඒ අනුව එය ලෝකයේ මෙතෙක් වැඩිම මිලකට අලෙවි වූ පොත හැටියට වාර්තා වෙනවා. පොතක් කීවාට මෙය ඇත්තෙන්ම පොත් හතරක කට්ටලයක්! 19 වන සියවසට අයත් ඉතාමත් සුරක්ෂිතව, උසස්ම තත්වයෙන් පැවති ශ්‍රේෂ්ඨ කෘතියක් හිමි කරගන්නට මේ වෙන්දේසියෙන් හොඳ අවස්ථාවක් උදා වුණා.

එදා මුද්‍රණයෙන් පිටවූ තත්වයෙන් ම පවතින මෙහි වර්ණ පින්තූර 435ක් තියෙනවා. මෙය මිල දී ගැනීමට හතරදෙනකු ඒ වෙන්දේසියට එක් වුණා. අනෙක් තරගකරුවන් පරදවා මේ ගණනට මේ විශිෂ්ට කෘතිය මිල දී ගත්තේ ලන්ඩනයේ ව්‍යාපාරිකයෙක්. ඔහු වටිනා කලාකෘති එක්රැස් කර අලෙවිකරන්නෙක්.

වීඩියෝව සඳහා පහත බලන්න.

ඕඩුබොන්ගේ මේ කෘතියෙහි අතින් වර්ණ ගැන්වූ විශාල ප‍්‍රමාණයේ චිත‍්‍ර 435ක් තියෙනවා. දැනට සම්පූර්ණයෙන් ම සුරැකිව ඇත්තේ පිටපත් 120ක් පමණයි. ඒවායින් 107ක් ම ඇත්තේ පුස්තකාල වැනි ආයතන තුළයි. මෙහි සම්පූර්ණ පිටපතක් අවසන් වරට වෙන්දේසි කරනු ලැබුවේ 2012 ලන්ඩනයේ සූත්බි ආයතනයේදියි. එය එතෙක් තනි කෘතියක් විකිණුණු වැඩිම ලෙසින් වාර්තා වුණා. ඒ බව ගිනස් ලෝක වාර්තාවල සඳහන් වෙනවා.

”ඇමරිකාවේ කුරුල්ලන් ගැන ලියැවුණු මේ පොත ඉතාමත් අලංකාරවත් එකක්. එහි සන්නිදර්ශන අති විශිෂ්ටයි, අනභිභවනීයයි.” යැයි රිචඞ් ඬේවිස් කියනවා. ඔහු ඉපැරණි දුර්ලභ පොත් හා අභිලේඛන පිළිබඳ ජගත් විශේෂඥයෙක්. එහි ඇති පැරණිකමටත් වඩා එහි ඇති ඓතිහාසික වටිනාකමත් කුරුලු විද්‍යාත්මක අගයත් මෙතෙකැයි කිව නොහැකි තරම්. මෙහි ඇතුළත් ඇතැම් කුරුල්ලන් අද වඳ වී ගොසින්. ඒ වගේම එදා ලෝකයට අලුතින් හඳුන්වා දුන් කුරුල්ලන් ද සිටිනවා.

අඩි 3ක් උස දැවැන්ත පොත් හතරකින් යුත් කට්ටලයක් වන මේ අගනා කෘතිය නිර්මාණය කර ඇත්තේ 1827ත් 1838ත් අතර කාලයෙදියි. ප‍්‍රංශ නැව් කපිතන් කෙනකුගේ අවජාතක පුතකු වූ ඕඩුබොන් දක්‍ෂ චිත‍්‍රශිල්පියෙක්. ඔහු සිය රතු ඉන්දියානු සම්භවයක් ඇති සහකාරිය සමග ඇමරිකාව පුරා වනගතව සංචාරය කරමින් මේ චිත‍්‍ර ඇන්දා.





මේ සෑම මුද්‍රිත පොතක ම චිත‍්‍ර අතින් වර්ණ ගන්වා ඇති අතර එය අතිශය වෙහෙසකර කටයුත්තක් වුණා. අද දියුණු ක‍්‍රම වේදයන් යටතේ වුවත් මෙවැනි විචිත‍්‍ර කෘතියක් නිර්මාණය කිරීම පහසු දෙයක් නොවෙයි. 1880 ගණන්වල මෙය නිකුත් වූ අවස්ථාවේදී සියලුදෙනාම මවිතයට පත් වුණා. මෙම පොත ලිවීම සඳහා ඕඩුබොන් අනුගමනය කළේ ඇඟ කිලිපොළා යන ක‍්‍රමවේදයක්. ඔහු කළේ අවශ්‍ය කුරුල්ලන් දඩයම් කර ගෙන අවුත් ඔවුන් කම්බියක එල්ලා ඒ දෙස බලා ගෙන චිත‍්‍ර ඇඳීමයි. මෙම එක් චිත‍්‍රයක් සම්පූර්ණ කිරීමට ඔහුට පැය 60ක පමණ කාලයක් ගත වුණා. අවාසනාවකට වාගේ ඔහුගේ චිත‍්‍රවලට බඳුන් වූ කුරුල්ලන් අද වඳ වී ගොසින්. කැරොලිනා පැරකීටයන් (ගිරවුන්), පැසෙන්ජර් පිජන් (පරෙවියන්), ලැබ‍්‍රඩෝ ඩක් (තාරාවුන්), ගේ‍්‍රට් ඕක්, එස්කිමෝ කිරලූන් හා පිනේටඞ් ග‍්‍රවුස් (වලිකුකුළන්) ආදී කුරුල්ලන් දක්නට නැහැ.


‘මෙම පොත පෙරළීමට නම් දෙදෙනකු අවශ්‍ය වෙනවා’ යයි වෙන්දේසියට පෙර සූත්බිහිදී මෙය පරීක්‍ෂා කළ ගෙකෝස්කි නම් අයකු ප‍්‍රකාශ කර තිබුණා. ඔහු කීවේ, ‘අපි දෙන්නෙක් දෙපැත්තෙ ඉඳගෙන පිටුවෙ දෙපැත්තෙන් අල්ලා ගෙන පරෙස්සමින් පෙරළුවේ, මේ දැවැන්ත පොත කෝටි ගානක් වටින එකක් නෙවැ.







Comments

  1. අලුත් දැනුමක් ලැබුවා............. ඉතා වැදගත් ලිපියක්.............. ඒ කියන්නේ මේ හැම පොතක ම චිත්‍ර ඔහු විසින් අතින් ම අැද තියෙනවා නේද??

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.