Skip to main content

බර්මුඩා ති‍්‍රකෝණයේ අබිරහසට සමාන ආවාට තුනක් සයිබීරියාවෙන් මතු වෙයි! ලෝකයේ නොවිසඳුණු අබිරහස්!

මේ වසරේ මුලදී රුසියාවේ සයිබීරියාවෙන් අබිරහස් ආවාට තුනක් මතු වුණා. ඒවා ගැන ලොව පුරා නොයෙක් මත පළ වුණා. දැන් විද්‍යාඥයන් කියන්නේ ඒවා පොළොව යට ඇති ගෑස් තැන්පතු පිපිරීමෙන් ඇති වූ ඒවා බවයි.

මෙහි අබිරහස හෙළිදරවු කර ගතහොත් එය ලෝකයේ විස්මිත අබිරහස් අතරින් එකක් ලෙස සැලකෙන විවාදයට ලක්ව ඇති බර්මුඩා ති‍්‍රකෝණයේ රහසත් හෙළිදරවු කර ගත හැකි යැයි අදහසක් ද ඔවුන් වෙතින් පළ වී තියෙනවා.

 
මේ වසරේ මුලදී අබිරහස් ආවාට තුනක් මතු වුණා, රුසියාවේ සයිබීරියාවෙන්. විද්‍යාඥයන් විශ්වාස කරන්නේ පොළොව යට ඇති ගෑස් නිධිවල පිපිරීමෙන් ඒවා ඇති වූ බවයි. මෙහි විශාලම ආවාටය පරීක්ෂා කළ අවස්ථාවේ දී ඔවුනට, එහි ගෑස් හයිඩ්‍රේට තිබී හමු වුණා. ඒ නිසයි, ඔවුන් හිතන්නේ මේ ආවාට හැදෙන්නට ඇත්තේ එවැනි පිපිරීම් නිසයි කියලා. බර්මුඩා ති‍්‍රකෝණයේ දී අහස් යානා හා නාවික යාත‍්‍රා අතුරුදන් වීමට හේතුවත් මෙයම විය හැකි බවයි ඔවුන් කියන්නේ.

යමාල් (Yamal) අර්ධද්වීපයේ මුලින් ම හමු වූ ආවාටය විද්‍යාඥයන් විමතියට පත් කළ අතර ඒ ගැන පිරික්සමින් සිටිය දී ටාශ් (Taz) දිස්ති‍්‍රක්කයේ හා ටේමීර් (Taymyr) අර්ධද්වීපයේ තවත් එවැනිම ආවාට දෙකක් හමු වුණා. මුලදී ඔවුන් හිතුවේ මේවා මිනිසා විසින් කණින ලද ඒවා බවයි. තවත් අය කීවේ ඒවා උල්කාපාත වැටීමෙන් සිදු වූ ඒවා විය හැකි බවයි. තවත් සමහර අය කීවේ මග වැරදී ගිය මිසයිල පතිත වීමෙන් මේවා ඇතිවෙන්නට ඇකැයි කියායි.

දැන් මේවා පිරික්සූ විද්‍යාඥයන් නිගමනය කරල තියෙනවා, මේවා පොළොව යට ගෑස් තැන්පතුවල පිපිරීම් නිසා සෑදෙන්නට ඇතිය කියා. රුසියාවේ නොවොසිබිර්ස්ක්හී ට්‍රොෆිමුක් පෙට්රෝලියම්-ගෑස් භූ විද්‍යා සහ භූ භෞතික විද්‍යා පිළිබඳ ආයතනයේ විද්‍යාඥයන් උපුටා දක්වමින් සයිබීරියානු ටයිම්ස් පුවත්පත වාර්තා කරන්නේ පොළොව මතුපිට ඇති වූ අසාමාන්‍ය උණුසුම් දේශගුණික තත්වයන් නිසා ඒවායේ බලපෑමෙන් පොළොවේ යට ඇති ගෑස් තැන්පතු අනපේක්ෂිත ලෙස උණුසුම් වීමෙන් ගෑස් පුපුරා, ගෑස් හයිඩ්‍රේට් විදාරණය වෙන්නට විද්‍යාඥයන් විශ්වාස කරන බවයි.

ඒ අතර ඇමෙරිකා එක්සත් ජනපදයට අයත් ජාතික සාගර හා වායුගෝලීය පාලන අධිකාරිය හෙවත් ‘නෝආ’ (NOAA) ආයතනය කියන්නේ මියාමි, බර්මුඩා හා පුවර්ටෝ රිකෝ අතර සාගරයේ නැව් හා අහස් යාත‍්‍රා අතුරුදන් වීම් සිදු වූයේ එහි දේශගුණික විෂමතා හා නැවියන් අතින් සිදු වූ වැරදීම් නිසා මිස එහි ඇති මොනයම් හෝ ගුප්ත හේතුවක් නිසා නොවේය කියායි. ලෝකයේ වෙනත් ඕනෑම තැනක සාගරයේ සිදු වූ අනතුරු සංඛ්‍යාවට වැඩි දෙයක් එතැන සිදුව නොමැති බවයි. මෙය එතැනට අදාළව මිනිසා විසින් ගොතන ලද මිථ්‍යාවක් බවයි ඔවුන් පවසන්නේ. මේ බව ඔවුන්ගේ වෙබ් අඩවියේ සටහන් කොට තියෙනවා.

ගෑස් හයිඩ්‍රේට්ස් කියන්නේ ජලයේ අයිස් හා සමාන ද්‍රව්‍යයක්. එහි ගෑස් අණු, විශේෂයෙන් ම මීතේන් අඩංගු වෙනවා. ඒවා උතුරු සයිබීරියාව වැනි නිත්‍ය තුහින කලාපයක බහුලව හමුවෙනවා. ඒ විතරක් නෙවෙයි, ලෝකයේ සමහර සාගරවල පත්ලේත් මෙවැනි මීතේන් බහුල තැන් තියෙනවා.

‘යමාල් ආවාටය ගැන පැහැදිලි කරන්න අප යොදා ගත්නේ මීතේන් නිසා ඇති වන ගෑස් හයිඩ්‍රේට්ස් නිකුත් වීමයි.’ යයි විද්‍යාඥ ව්ලැඞ්මීර් පොටාපෝව් කියනවා. ‘අප සොයා ගත්තා, මේ අර්ධ ද්වීපයේ මීටර් සිය ගණනක් යටට ගෑස් හයිඩ්‍රේට් විහිදී ඇති බව. ඒ වගේ ම මතුපිටට ආසන්නවත් ඒවා බහුලව තියෙනවා. වායුගෝලයේ ඇති උෂ්ණත්වය ආදී සාධක හේතුවන්නට ඇති ඒවා අතර ඝට්ටනයක් ඇති කරන්නට. එයින් පිපිරීමක් ඇති වී ඒ ස්ථානයේ විශාල ආවාටයක් ඇති වෙන්නට ඇති.’ ඔහු වැඩිදුරටත් කියනවා.


රුසියානු ගවේශකයන් සයිබීරියාවේ අභිරහස් ආවාට ගවේශනයේ යෙදුණු ආකාරය.

 
යමාල් හා ටේමීර් අර්ධද්වීපවල මතු වූ මේ යෝධ ආවාට තුන මිනිසා විසින් කණින ලද යෝධ ළිං කියා කියන අයත් ඉන්නවා. සමහරු කියනවා මේවා මග වැරදී ගොස් පතිත වුණු මිසයිල වලින් සෑදුණු ඒවා යැයි කියන අයත් ඉන්නවා. නමුත් දැන් මේ පිළිබඳව පරීක්ෂණ කරන රුසියන් විද්‍යාඥයන් කියන්නේ මේවා භූගත ගෑස් පිපිරීම් නිසා ඇති විය හැකි බවයි.

ඔහු අවධාරණය කළා මේ ආවාටය සෑදී ඇත්තේ භූකාරක තැටි දෙකක් අතර විභේදනයක් මත බව. යමාල් අර්ධද්වීපය භූකම්පන අතින් නිහඬ කලාපයක් වුවත් මේ ආවාටය මතුවී ඇති ප‍්‍රදේශය භූකාරකම් අතින් ඉතා සකි‍්‍රයව පවතින බවයි ඔහුගේ අදහස.

‘ඒ කියන්නේ එහි ඇති උෂ්ණත්වය සාමාන්‍යයෙන් පවතිනවාට වඩා ඉතා අධික වන බවයි. මේ මෑතදී පැවති උණුසුම් ගිම්හාන දේශ ගුණය පොළොව යට මතුපිටට ආසන්නයේ සිර වී ඇති ගෑස්වල අධික තාපයක් ඇති කිරීමට හේතු වන්නට ඇති.’ පොටාපෝව් තවදුරටත් පැහැදිලි කරනවා.

මේ ආවාටය බිහි වූයේ කෙසේද කියා හෙළි කර ගතහොත් එය ලෝකයේ නාවික යාත‍්‍රා, අහස්යානා ගණනාවක් බිලි ගත් බර්මුඩා ති‍්‍රකෝණයේ අබිරහසත් හෙළිදරවු කර ගත හැකි වෙතැයි මේ රුසියන් විද්‍යාඥයන් විශ්වාසය පළ කරනවා.

ට්‍රොෆිමුක් විද්‍යායතනයේ නියෝජ්‍ය ප‍්‍රධානී රුසියන් විද්‍යාඥ ඉගෝර් යෙල්ට්සෝව් කියන්නේ බර්මුඩා ති‍්‍රකෝණයේ ඇති සංසිද්ධියට හේතුව ගෑස් හයිඩ්‍රේට්වල ප‍්‍රතිකි‍්‍රයාවක් නිසා යැයි මතයක් පවතින බවයි.

‘එහිදී මීතේන් අයිස් ක්ෂණිකව දියවෙමින් විශාල මීතේන් වායුවක් පරිසරයට මුදා හැරෙනවා. න්‍යෂ්ටික ප‍්‍රතිකි‍්‍රයාවක දී සිදු වෙනවා වගේ විශාල මීතේන් ගෑස් ප‍්‍රමාණයක් ඉතා වේගයෙන් පැතිරී යනවා. එහි දී එක්වරම ඒ ප‍්‍රදේශයේ සාගරය මත අධික උෂ්ණත්වයක් ඇති වෙනවා. එහි අහසට විහිදෙන අති විශාල ගෑස් ප‍්‍රමාණය නිසා ඒ හරහා පියාසර කරන අහස්යානා හා යාත‍්‍රා සැණෙන් අනතුරට පත් වෙනවා.’ යයි යෙල්ට්සෝව් විස්තර කරනවා.

 
ඒ ආවාට මතු වූ ප‍්‍රදේශයේ පිරික්සුම් කළ සයිබීරියානු විද්‍යාඥයෙක්.

‘අප සොයා ගත් තොරතුරු අනුව මේ වගේ දෙයක් තමයි එතැනත් සිදු වෙන්නේ. එහිදී වායුගෝලයේ ඇති වන මීතේන් අධිසාන්ද්‍රනය හේතුවෙන් විශාල වායු කැළඹීමක් ඇති වෙනවා. ඒ නිසා තමයි පාලනය කර ගත නොහැකිව ගුවන්යානා අනතුරට ලක්වෙන්නේ.’ යනුවෙන් යෙල්ට්සෝව් වැඩිදුරටත් කියනවා.

සයිබීරියානු විද්‍යා ජර්නලයේ මේ ආවාට ගැන ලිපිය පළ කර ඇත්තේ ‘බර්මුඩා ති‍්‍රකෝණයේ දුර ඥාතියෙක්!’ යන සිරස් තලය යටතේයි.

ඒ ලිපියට අනුව විද්‍යාඥයන් ගැඹුරුම ආවාටයෙහි අඩි 985ක් ගැඹුරෙන් පස් සාම්පල පවා අරන් ඇවිත් පරීක්ෂා කරලා තියෙනවා. ‘අප ඒවායේ චුම්බක හා විකිරණ පරීක්ෂාවන් කළා. අසාමාන්‍ය වූ කිසිම දෙයක් ඒවායේ තිබුණේ නැහැ.’ ඔලෙග් කුෂ්නරෙන්කෝ කියනවා. දින හතරක් තිස්සේ සිදු කළ ඒ ගවේශනයේ නායකත්වය දැරූ ප‍්‍රධාන ඉංජිනේරුවා ඔහුයි.

පොටාපෝව් කියන්නේ ඔවුන් එළඹි නිගමනය ගැන තවදුරටත් පරීක්ෂා කළ යුතු බවයි. ‘මෙවැනි අවස්ථාවල දී අප බොහෝ විට කරන්නේ උපකල්පනයන් ඉදිරිපත් කරමින් ඒවා පරීක්ෂාවට ලක් කිරීමයි. ඒ අතින් මේ ආවාටය විද්‍යාත්මක ඉතා වැදගත්කමක් උසුලන්නක්.’ ඔහු පවසනවා.

වැඩිදුරටත් ඔහු පැවසුවේ ලෝකයේ මෙවැනි භූගත පිපිරීම් ඇති විය තැන් සොයා බලා හඳුනා ගැනීමේ අවශ්‍යතාවක් දැන් මතුව ඇති බවයි. ‘අප අවධානය යොමු කරන්න ඕනෑ එවැනි අවස්ථා මතුවිය හැකි තැන් සොයා බලන්නට.’ ඔහු කියනවා.

එසේම කුෂ්නරෙන්කෝ කීවේ අඩි 230ක් පමණ ගැඹුරු ඒ ආවාටය තුළට බසින්නට ආරක්ෂක හේතූන් මත අවසර නොලැබුණු බවයි. ‘අපට ඒ තුළට බසින්නට ලොකු ඕනෑකමක් තිබුණා. ඒත් අපේ ආයතනය ඒ අවදානම ගන්න අපට ඉඩ දුන්නේ නැහැ.’ යි කුෂ්නරෙන්කෝ කීවා. ඔවුන්ගේ අධ්‍යයනයට ලක් වූයේ බොවනෙන්කෝව් ගෑස් නිධිවල සිට සැතැපුම් 19ක් දුරින් පිහිටි ආවාටයයි.

ලෝකාන්තයේ දී හමු වී ඇති අබිරහස් ආවාට තුන.

 
මේ ඡුායාරූපයෙන් දැක්වෙන්නේ යමාල් ආවාටයයි. රුසියාවේ ටාස් දිස්ති‍්‍රක්කයේ ඇන්ටිපායුටා ගම්මානයේ දී මේ ආවාටය මතු වූයේ 2013 සැප්තැම්බර් 27 යයි මෙහි ගම්වැසියන් කියනවා.

 
මේ රුසියන් ආවාටවල අබිරහස සොයා ගත්තොත් ඇමෙරිකාවේ බර්මුඩා ති‍්‍රකෝණයේ අබිරහසත් විසඳා ගත හැකි වේවි කියලයි, විද්‍යාඥයන් විශ්වාස කරන්නේ. උතුරු අත්ලාන්තික් සාගරයේ බර්මුඩා දූපතත්, ඇමරිකාවේ ෆ්ලොරිඩා වෙරළත් පුවර්ටෝ රිකෝ දූපතත් අතර ති‍්‍රකෝණාකාර මුහුදු ප‍්‍රදේශයක් තමයි, අබිරහස් බර්මුඩා ති‍්‍රකෝණය ලෙස නම් කරලා තියෙන්නෙ.

 
උතුරු සයිබීරියාවේදී හමු වූ මේ මුල් ආවාටය අඩි 262ක් විතර ගැඹුරුයි කියලයි කියන්නේ. මේක ඇති වෙලා තියෙන්නේ ඒ ප‍්‍රදේශයේ පොළොව යට ගෑස් නිධියක ඇති වුණු පිපිරීමක් නිසයි.

 
යමාල් (Yamal) අර්ධද්වීපයේ මුලින් ම හමු වූ ආවාටය විද්‍යාඥයන් විමතියට පත් කළ අතර ඒ ගැන පිරික්සමින් සිටිය දී ටාශ් (Taz) දිස්ති‍්‍රක්කයේ හා ටේමීර් (Taymyr) අර්ධද්වීපයේ තවත් එවැනිම ආවාට දෙකක් හමු වුණා.

 
මේ තුන්වැනි ආවාටය හමු වුණේ ටේමීර් අර්ධද්වීපයෙන්. පිනිමුවන් ඇති කරන ගොපල්ලන් පිරිසකට තමයි, මෙය අහම්බෙන් හමුවුණේ. තව පොඞ්ඩෙන් ඔවුන් ඒකට වැටෙන්නත් යනවා. නෝසොක්වල පිහිටි මුරපොළ පෙනෙන තෙක් මානයේ තමයි, මේ ආවාටය තියෙන්නේ. දැනට ගණන් බලා තියෙන විධියට මේ ආවාටය අඩි 200ත් 330ත් ප‍්‍රමාණයක් ගැඹුරුයි කියලයි කියන්නේ.

Videos:






Comments

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.