Skip to main content

ලෝක පාපන්දු තරග නරඹන්න ලෝකයේ ලොකුම ටෙලිවිශනය එයි!

සිවු වසරකට වරක් පැවැත්වෙන ලෝක පාපන්දු තරගාවලිය දැන් පටන් අරන්. ඒ තරග මාලාව බ‍්‍රසීලයට නොගිහින් ගෙදර ඉඳන් ඒ විධියට ම නරඹන්න කැමති නම් දැන් ඒ වෙනුවෙන් ම ටෙලිවිශනයක් නිපදවා තියෙනවා.

ඒ ටෙලිවිශනයේ තිරයේ කී‍්‍රඩකයන් පෙනෙන්නේ ඔවුන් නියම ශරීර ප‍්‍රමාණයෙන්මයි. එහෙනම් ඒක ලෝකයේ ලොකුම ටෙලිවිශනය වෙන්න ඇති. ඔබ කියාවි. හරියට ම හරි! ඒක තමයි ලෝකයේ තියෙන ලොකුම ටෙලිවිශනය!

මේ ටෙලිවිශනය නිපදවා ඇත්තේ ලන්ඩනයේ නිෂ්පාදකයෙක්. ටයිටන් කියන මේ නිෂ්පදකයා මේ නව ටෙලිවිශනය හඳුන්වා ඇත්තේ සූස් (Zeus) කියලයි. සුස් කියන්නේ ගී‍්‍රක මහ දෙවියන්ටයි.

අඟල් 370ක තිරයක් මේ ටෙලිවිශනයට තියෙනවා. පළලින් අඩි 32ක්. උස අඩි 15ක්. හැබැයි මිල නම් ටිකක් සැරයි. ඩොලර් ලක්ෂ 16ක්!

 
ලොව ලොකුම ටෙලිවිශන තිරය මෙයයි. මෙහි පළල මීටර අටක්, උස මිටර පහක්. වෙනත් විදියකින් කීවොත් මෙය අඟල් 370ක ටෙලිවිශනයක්! මිල ඩොලර් මිලියන 1.6ක්!

මෙහි වර්ණ බිලියන 65ක් තියෙනවා. බර ටොන් එකකට වැඩියි! පුංචි ඉඟිවලින් මෙය හැසිරවිය හැකියි! ඇසිලිය ගැසීමකින් මෙහි චැනල වෙනස් කරන්න පුළුවන්.

ඒ වගේ ම මේ තිරය විශාල නිසා චැනල 20ක වැඩසටහන් 20ක් එක විට එකම තිරයෙන් නරඹන්නත් පුළුවන්.

කාමරයේ ඇති ආලෝකයට අනුව තිරයේ ආලෝකය අඩුවැඩි කර ඉබේම හැඩ ගැහෙන්න මේ ටෙලිවිශනයට පුළුවන්. මේ හැකියාව ඇති ලොව එකම ටෙලිවිශනයත් මෙයයි.

මීට කලින් ලෝකයේ ලොකුම තිරය ඇති ටෙලිවිශනය ලෙස ලෝක වාර්තාව තබා තිබුණේ ජපානයේ පැනසොනික් සමාගමේ අඟල් 152කේ තිරයක් සහිත පැනසොනික් ‘අඟල් 152 -4කේ’ සෙට් එකයි.

මේ නව ටෙලිවිශනය ඊට වඩා දෙගුණයකටත් වඩා විශාලයි. මේ තිරයේ හොඳින් නැරඹීමට නම් අඩි 50ක් ඈතින් ඉන්න ඕනෑ.

 
ලෝකයේ ලොකුම ටෙලිවිශනය විසිත්ත කාමරයේ තැබුවොත් පෙනෙන්නේ මෙහෙමයි. සජීවී ප‍්‍රමාණයෙන් බලන්න අවශ්‍ය නැත්නම් මේ යෝධ තිරය කොටස් 20කට කඩා චැනල 20ක වැඩසටහන් 20ක් එකවර නරඹන්න පුළුවන්.

තවත් සුවිශේෂත්වයක් මේ තිරයෙහි තියෙනවා. ටෙලිවිශන් නොබලන වෙලාවට මෙය විසිතුරු මසුන් ඇතුළත් ‘සීජීඅයි (CGI) ඇක්වේරියම්’ එකක් හෙවත් සැබෑ එකක් සේ පෙනෙන කෘති‍්‍රම මාළු ටැංකියක් ලෙසට පරිවර්තනය කර ගන්නත් පුළුවන්.

මේ වර්ගයේ ටෙලිවිශන හතරක් විතරයි මුලින් ම නිපදවා ඇත්තේ. මුල්ම ටෙලිවිශනය අළෙවි කළේ නම ප‍්‍රසිද්ධ කරනවාට අකමැති මිලියනපති මාධ්‍ය හිමිකරුවකුටයි. දෙවැන්න ප‍්‍රංශයේ කෑන්ස්හී පැවැත්වෙන 64 වැනි කෑන්ස් චිත‍්‍රපට උළෙල වෙනුවෙන් කෑන්ස් නගරයේ වෙරළබඩ පිහිටි ෆැෂන් හෝටලයේ සවි කෙරෙනවා. කෑන්ස් චිත‍්‍රපට උළෙල පැවැත්වෙන තෙක් ලෝක පාපන්දු තරග නරඹන්න එහි එන අයට පුළුවන්.

ටයිටන් සමාගමේ ප‍්‍රධාන විධායක ඇන්තනි ගන්ජූ කියන්නේ, ඔවුන් රටේ ඇති හොඳම තාක්ෂණය මේ ටෙලිවිශන තිරයට එක්ක කළ බවයි. ‘මෙය ලොව විශාලතම තිරය පමණක් නොව මෙතෙක් නිෂ්පාදිත විස්මිත හැකියාවන් සහිත තිරයත් මෙයයි.’ ඔහු පවසනවා.

ඔවුන් මෙයට පෙරත් අවශ්‍යතා අනුව ටෙලිවිශන සඳහා විශාල තිර තනා තියෙනවා. ඒත් මේ තරම් විශාල තිරයක් සහිත ටෙලිවිශනයක් නිපද වූ පළමු වතාව මෙයයි.

ඩොලර් ලක්ෂ 16ක් වැඩි නම් ඩොලර් ලක්ෂ දෙකහමාරකට තිරයක් ඇනවුම් මත තනා දෙන්නත් ඔවුන් සූදානම්. හැබැයි මේ විස්මිත තිරයේ ඇති පහසුකම් සියල්ල එහි නැහැ. ඔවුන් තනන යෝධ තිර අතර අඟල් 173, 196, 250 යන ප‍්‍රමාණවලිනුත් ඔවුන් ටෙලිවිශන් තිර නිපදවනවා.

 
පරිසරයේ ඇති ආලෝකයට අනුව තිරයේ ආලෝකය අඩුවැඩි කර ගන්න පුළුවන් ලෝකයේ එකම ටෙලිවිශන තිරය මෙයයි.

 
විසිත්ත කාමරයට සුදුසු පරිදි විහාල ටෙලිවිශන් තිර ටයිටන් සමාගම විසින් තනනු ලබනවා.

 
මේ අලියකුගේ රූපයක් සමග සන්සන්දනය කර දැක්වෙන්නේ ටයිටන් සමාගම නිපදවූ සූස් ටෙලිවිශන තිරයයි. අඟල් 370ක් විශාල මේ තිරය මෙතෙක් ලෝකයේ නිෂ්පාදිත විශාලතම තිරයයි. මේ හැරෙන්නට ඔවුන් අඟල් 173, 196, 251 යන ප‍්‍රමාණයේ තිරත් නිපදවනවා.


Comments

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.