Skip to main content

අපට හොරා සිගරැට් දුම අපට වින කටින හැටි! නවතම පරීක්ෂණවලින්!

දුම්පානය නිසා ඇති වන හානියේ බරපතලකම මෙතෙක් නොසිතූ අයුරින් වැඩි බව දැන් ලොව පුරා සිදු කෙරෙන පරීක්ෂණවලින් පෙනෙනවා. දැන් පෙනෙන හැටියට දුම්බීම සදහටම තහනම් නොකොට මේ දුමෙන් බේරෙන්න අප කාටවත් බැරි හැඩැයි.

දුම්බීමෙන් වන හානිය වළක්වන්න ලොව පුරා රජයන් විවිධ නීති ගේනවා. ඒ අතින් වැඩිම පියවර ගණනක් අරන් තියෙන්නේ කැනඩා රජයයි. අපේ රටේත් පසුගිය කාලෙ නීති ගණනාවක් ගෙනවා. දුම් වැටි දැන්වීම් තහනම් කළා. ප‍්‍රසිද්ධ ස්ථානවල මහජනතාව දුම්බීම තහනම් කළා. අවුරුදු 21ට අඩු අයට දුම්වැටි අලෙවිය තහනම් කළා. ඊට වැඩි වයස් අයට දුම්වැටි වික්කත් ගින්දර දෙන එක මුදලාලිට තහනම් කළා.

<

මෙතෙක් කලක් දුම්වැටියේ පැකට්ටුවේ දුම්බීමෙන් පිළිකා ඇති විය හැකියි යන දැන්වීම වෙනුවට මුළු පැකට්ටුවෙන් සියයට 80ක් පුරා දුම්බීමේ ආදීනව දැක්වෙන සෞඛ්‍ය පණිවිඩයක් පළ කිරීම අනිවාර්ය කිරීමේ නීතියක් පාර්ලිමේන්තුවෙන් සම්මත කෙරුණා. ඒත් ඒක උපරිම අයුරින් කි‍්‍රයාත්මක කිරීමට දුම්වැටි වෙළෙන්දන් ඉඩ දුන්නේ නැහැ. ඔවුන් නඩු මගට බැස්සා. උසාවිය ඒ දැන්වීමේ ප‍්‍රමාණය සියයට 20කින් අඩු කර පළ කරන්නට දුම්කොළ සමාගමට අවසර දුන්නා.

එයින් දුම්බීම වැළැක්වීමට මරු පහරක් වැදුනේ යැයි සමහර වෛද්‍යවරුන් කෑගහනවා. ඒත් ඒ අය දන්නේ නෑ අපේ රටේ වැඩියෙන් දුම්බොන අය කඩවලින් සිල්ලරට ඒවා මිලදී ගන්නා බව දන්නේ නෑ. මුදලාලිත් සිගරැුට්ටුව දී ගින්දර දෙන්නේ නෑ. ඒ වෙනුවට ඇඟිල්ලෙන් හරි ඇහෙන් හරි ඈත තබා ඇති ලයිටරය පෙන්වනවා විතරයි.

මේ හැමතැනකදිම කෙරෙන්නේ අප එකිනෙකා රවටා ගැනීමයි. නමුත් අපට දුංකොළ දුමෙන් වන හානිය සුළුවෙන්වත් අඩු කර ගන්න අපට පුළුවන්කමක් නැහැ.

දැන් නවතම පර්යේෂණයකින් කියැවෙන්නේ ‘තෙ වන පාර්ශ්වීය දුම’ (third hand smoke) නිහඬව වඩා විශාල හානියක් කරන බවයි. මොකක්ද මේ ‘තෙ වන පාර්ශ්වීය දුම’ කියා කියන්නේ ?

‘තෙ වන පාර්ශ්වීය දුම’ කියන්නේ සිගරැට්ටුවක් නිවා දැමූ පසු එයින් නිකුත් වූ දුම නිසා පරිසරයෙහි ඇති වන දීර්ඝකාලීන විෂ වායු දුෂණයයි. මෙය මෑතදී ලෝකයට හඳුන්වා දෙන ලද අලූත් වදනක්. එය දුම්පානය නිසා ඇති වන, දීර්ඝකාලයක් තිස්සේ පවතින, අනතුරුදායක තත්වයක් පෙන්වා දීම සඳහා භාවිත කරන්නකි.

‘තෙ වන පාර්ශ්වීය දුම’ යන මේ නව වදන ඇමරිකාවේ ජාතික පිළිකා ආයතනයට අනුබද්ධ ඩානා ෆාබර්/හාර්වඞ් පිළිකා ආයතනයේ (Dana-Faber-Harward Cancer Center) පර්යේෂකයන් විසින් හඳුන්වා දෙන ලද්දක්.

‘තෙ වන පාර්ශ්වීය දුම’ යනු දෙ වන පාර්ශ්වීය (second–hand smoke) දුමෙන් පසු අවට විවිධ මතුපිටවල තැන්පත් වන දුමෙහි අඩංගු විෂ ද්‍රව්‍ය නිසා උද්ගත වන විෂ සහිත පරිසරයක් ඇති වීමේ තත්වයයි. ‘පළමු වන පාර්ශ්වීය දුම’ (first–hand smoke) යනු දුම්පානය කරන්නා විසින් තමාගේ ම පෙනහලූ තුළට ඇදගන්නා දුමයි. ‘දෙ වන පාර්ශ්වීය දුම’ යනු දුම් පානය කරන්නකු විසින් එසේ උරා ගත් පසු ප‍්‍රශ්වාස කරන දුමත්, දැල්වෙන සිගරැුට්ටුවේ තුඩින් නිකුත් වන දුමත්, එක්ව පරිසරයට මුදා හැරෙන විෂ ද්‍රව්‍ය ඇතුළත් වායු මිශ‍්‍රණයයි. එය වෙනත් අය විසින් ආශ්වාස කරනු ලබනවා. ‘තෙ වන පාර්ශ්වීය දුම’ යනු ‘දෙ වන පාර්ශ්වීය දුම’ අවසන් වූ පසු ඉන් පරිසරයට එක් කෙරෙන විෂ ද්‍රව්‍යයන් අවට ඇති වස්තූන්වල මතුපිට තැන්පත් වී දීර්ඝකාලීනව හානි පැමිණ විය හැකි විෂ සහිත තත්වයක් නිර්මාණය වීමයි.


දෙ වන පාර්ශ්වීය දුම, කාමරයක හෝ වාහනයක හෝ කිසියම් ආවරණය වූ ස්ථානයක හෝ ඉතා ඉක්මනින් විසිරී නොපෙනී යනවා. ඒත් නිකොටින් හා දුමෙහි අඩංගු වෙනත් ද්‍රව්‍ය ඒ අවට මතුපිටවල රැඳී විෂ ද්‍රව්‍ය නිකුත් කිරීමට පටන් ගන්නවා. දුම්පානය කරන්නකු විසින් සිගරැට්ටුවක් බීමේ දී ඉන් නිකුත් වන දුමෙහි ඇති නිකොටින් වාහනය ඇතුලේ හෝ කාමරය තුළ හෝ වාතයේ ඇති නයිට‍්‍රස් අම්ලය (Nitrous Acid) සමග ප‍්‍රතිකි‍්‍රයා කරනවා. මෙසේ වාහනය තුළ ඇති මතුපිටවල රැඳුණු දුම්කොළ නිකොටින් සහ අනෙකුත් ශේෂ කොටස් සමග නයිට‍්‍රස් අම්ලය ප‍්‍රතික‍්‍රියා කර නයිට්‍රෝසැමයින් (Nitrosamine) හා පිළිකා කාරක කාසිනෝජන් (Carcinogens) නිපදවනවා. මේ බව මෙය ඇමරිකානු ජාතික ඇකඩමියේ විද්‍යා සඟරාවෙහි පළ වූ අධ්‍යයන වාර්තාවක දැක්වෙනවා.

තෙ වන පාර්ශ්වීය දුමට ලක් වූ ඇවුරූ කාමරයකට වාතාශ‍්‍රය ලබා දුන්නද එහි තැන්පත් වී ඇති විෂ ද්‍රව්‍ය ඉවත් නොවන බව මේ අධ්‍යයන වාර්තාව සකස් කළ පර්යේෂකයන් පවසනවා. එම අධ්‍යයනයෙන් වැඩිදුරටත් හෙළිදරවු කර ඇති කරුණු අනුව විකිරණශීලි ද්‍රව්‍යයක් වන පොලෝනියම් 210 ඇතුළුව පිළිකා කාරක ද්‍රව්‍ය එකොළහක් තෙ වන පාර්ශ්වීය දුම තුළ අඩංගු වෙනවා. ළදරුවන්ට හා කුඩා ළමයින්ට මෙම තෙ වන පාර්ශ්වීය දුම ඉතා තදින් බලපනවා. ඔවුන් බිම බඩගා ඇවිදින විට අතට අසුවන ඕනෑම දෙයක් අත් නොසෝදා කටේ දමා ගන්නා නිසයි. එමගින් ඔවුන්ගේ ආහාර මාර්ගට හා ශ්වසන මාර්ගයට විෂ ද්‍රව්‍ය ඇතුලූ විය හැකියි. මෙමගින් ඇති විය හැකි සැබෑ හානිය පිළිබඳ තවදුරටත් පර්යේෂණ සිදුකෙරෙනවා.

තෙ වන පාර්ශ්වීය දුම සාපේක්ෂ වශයෙන් ඉතා මෑතදී සොයාගත් සංකල්පයක්. එහෙයින් ඒ පිළිබඳ දැනුම දෙ වන පාර්ශ්වීය දුම පිළිබඳව පවතින දැනුමට වඩා අඩුයි. එහෙත් මෙය මහජනතාවගේ දැඩි අවධානයට ලක් විය යුත්තක්. අපට නොපෙනී දරුණු හානියක් කරන තත්වයක්. මේ පිළිබඳව දැනුවත් වීමෙන් අනාගතයේ සිදු වන බරපතල අනතුරක් වළක්වා ගත හැකියි. දුම්බොන්නන් විසින් තමා කරන කි‍්‍රයාවෙහි බරපලකම නොදැන තමා සමග වෙසෙන අයට අනියම් ලෙසින් කරන හානිය තේරුම් ගැනීමෙන් හෝ ඔවුනට තේරුම් කර දීමෙන් හෝ පමණයි, මේ දුමෙන් වන අනතුරුදායක තත්වයෙන් මිදිය හැක්කේ.


Comments

  1. දුම්පානය පොතක් කියවලා දැන් පහසුවෙන් නතර කිරීමට පුළුවන්.ඒ පොත කියවලා ඉවර උනාම ආයේ සිගරට් බොන්න හිතෙන්නේ නැහැ.පොත ඩවුන්ලෝඩ් කරගන්න මේ වෙබ් පිටුවට යන්න.
    you can stop smoking easily and permanently just by reading a magic book. after reading this book you feel no temptation to smoke again.To download this book visit
    http://www.facebook.com/easywaysrilanka

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.