Skip to main content

ලෝකෙන් තුරන් වූ වසූරිය දැඩි ආරක්ෂාව මැද රුසියානු හා ඇමරිකානු රසායනාගාර දෙකක! වයිරසයේ ඉරණම ගැන තීන්දුවක් අද හෙටම!

වසූරිය රෝගය සහමුලින්ම මිහිමතින් තුරන් කර දැන් වසර 30කටත් වැඩියි. අප කුඩා ළමුන්ව සිටියදී වසූරිය වැළඳීම වළක්වන්නට ප‍්‍රතිශක්තිකරණ එන්නත අනිවාර්ය කර තිබුණා මතකයි. හැම ළමයකුගේම අතේ ඒ එන්නතේ කැලල ඉතිරිව තිබුණා. අද ළමයින්ට ඒක අනිවාර්ය නැහැ. ඒ වසූරිය රෝගය සම්පූර්ණයෙන්ම මිහිමතින් අතුගාලා දාලා තියෙන හින්දයි.

මේ වයිරසය දැනට ආරක්ෂා සහිතව තබා ඇත්තේ දෙතැනකයි. ඒ ඇමරිකාවේ හා රුසියාවේ රසායනාගාර දෙකක, දැඩි ආරක්ෂාව මැදයි. ලෝකයේ සෞඛ්‍ය අමාත්‍යවරුන් අද හෙටම රැුස් වෙනවා, ඒ මේ වයිරසයේ ඉරණම ගැන තීන්දුවක් ගන්නයි.

දැනට මේ වයිරස සාම්පල වයල දෙක පරිස්සමෙන් තබා ගෙන ඉන්නේ අනාගතයේ මේ වසූරිය මාරයා නැවත කවදා හේ මතු වුවහොත් ඊට පිළියම් යොදන්නට අවශ්‍ය ඖෂධ තැනීමට පර්යේෂණ කරන්නයි.

 
මේ දශක තුනකට පෙර ලෝකය විනාශ කළ මාරක වසූරිය රෝග පැතිර වූ වෙරියෝලා වයිරසයයි. මේ ඒ වයිරසයේ ඉලෙක්ට්‍රෝන අන්වීක්ෂයකින් ගන්නා ලද විශාලනය කළ පිළිබිඹුවක්.

වසූරිය මෙලොවින් තුරන් කළේ 1979දීයි. එය ලොවපුරා පැතිර තිබියදී එය වැළඳුණු අයගෙන් සියයට 30ක් අනිවාර්යයෙන් ම මරණයට ගොදුරු වුණා. 20 වන සියවසේ පමණක් වසූරියෙන් මිය අයගේ ගණන කෝටි 30ක් පමණ වෙතැයි ලෝක සෞඛ්‍ය සංවිධානය කියනවා.

දැන් තවදුරටත් වසූරිය ස්වභාවිකව පවතින්නේ නැහැ. ආසාදනය වූවකුගේ හුස්මත් සමග පිටවෙන කෙළ බිඳිතිවලින් හෝ ස්පර්ශයෙන් මිනිසුන් අතර බෝ වෙන්නේ නැහැ.

වසූරියට ප‍්‍රතිකර්මයක් නැහැ. ඒත් එන්නතක් තියෙනවා, වයිරසය ඇඟට ඇතුළු වූ අයෙකුට ආසාදනය වීම වැළැක්වීමට එන්නතක් තියෙනවා.

ලෝක සෞඛ්‍ය සංවිධානයට අයත් ලෝකයේ රටවල් බොහොමයක සාමාජිකයන් වසූරිය දැන් ලොවෙන් තුරන් වී ඇති නිසා අන්තිමට රුසියාවේත් ඇමරිකාවේත් තබා ඇති වසූරිය වයිරස මාදිලි ඇතුළත් වයල විනාශ කිරීමට එකඟ වුණා. ඒත් ඒ සඳහා දිනයක් තීන්දු කළේ නැහැ.

මේ විදියට කල් දමමින් ගිය ඔවුන් වසූරිය වයිරස මාදිලි ඇතුළත් වයල විනාශ කිරීම යළිත් වරක් පසුගියදා කල් දැමුවා.

අද මේ රෝගය වැළැක්වීම සඳහා අලූත් පරම්පරාවේ ප‍්‍රතිශක්තිරණ එන්නත් තියෙනවා. දීර්ඝ කාලයක් බලාපෙරොත්තුව සිටි නව ප‍්‍රතිවයිරස ප‍්‍රතිකාර දෙකක් දැන් නිපදවා තියෙනවා.

 
වසූරිය පතුරුවන වෙරියා්ලා වයිරසය සිරුරට ඇතුළු වී දින 10කට පසුව - මෙම වයිරසයේ බීජෞෂණ සමය දින 12ක්. රෝග ලක්ෂණ වන්නේ තද උණ, තෙහෙට්ටුව, හිසරදය, කොන්දේ කැක්කුම ආදියයි. වයිසරය සිරුරුගත වී දින 2-3කට පසු මුහුණේ, අත්පාවල බිබිලි මතුවෙනවා. මුලින් රතු පැහැයෙන් ආරම්භ වන එය පසුව සැරව බිබිලි බවට පත් වෙනවා. දෙවැනි සතියේ මුල හරියේ දී ඒවා වියළී කබොලූ ඇති වෙන්න පටන් ගන්නවා. ඉන්පසු සති 3-4කින් ඒ කබොලූ ගැලවී යන්න පටන් ගන්නවා.

”මේ නව සොයා ගැනීම් තිබියදී අප තව තවත් විවාද කරන්නේ මොකටද ආරක්ෂාව වැඩි දියුණු කිරීම ගැන.” කියා ඇමරිකාවේ රෝග පාලනය හා නිවාරණ මධ්‍යස්ථාන ප‍්‍රධානී වෛද්‍ය ඉන්ගර් ඬේමන් ප‍්‍රශ්න කරනවා.

කෘති‍්‍රම ජීව විද්‍යාව අද ලබා ඇති දියුණුව අනුව වසූරිය එන්නත් කළ කැලලකින් පවා එම විෂ බීජය කෘති‍්‍රම නිර්මාණය කළ හැකියි. ඒ නිසා දැන් ඉතිරිව ඇති එකම සැබෑ වයිරස සාම්පල සොරා ගෙන සමාජයට මුදා හැර විශාල විනාශයක් කරන්න කෙනකුට අවශ්‍ය වන්නේ නැහැ. මිනිසුන් නසන්නට නම් ඊට වඩා භයානක, පහසුවෙන් ගෙන යාහැකි විෂ බීජ තියෙනවා. නිදසුනක් වශයෙන් ඇන්ත‍්‍රැක්ස් දක්වන්න පුළුවන්.

ලොව පුරා සිදු කළ ප‍්‍රතිශක්තිකරණ ව්‍යාපාරයට පින්සිදුවන්නට 1980 දී වසූරිය තුරන් කළ බව ප‍්‍රකාශ කළ හැකි වුණා. මිනිසාට වැළඳෙන වසංගත රෝග අතරින් පරිසරයෙන් සම්පූර්ණයෙන් ඉවත් කරලීමට හැකි වූ එකම රෝගය මෙයයි.

ලොව පුරා විශේෂඥයන් වැඩි දෙනකු කියන්නේ දැනට තබා ගෙන ඇති අන්තිම වසූරිය සාම්පල අද හෙටම විනාශ කළ යුතු බවයි. එහෙත් සමහර කියන්නේ ඒවා රසායනාගාරවල තවදුරටත් තබා ගැනීම අවශ්‍ය බවයි. ඔවුන්ගේ තර්කය වන්නේ අනාගතයේ වසූරිය යළිත් ආවොත් ඊට එරෙහිව ඖෂධ තනන්න පර්යේෂණ සඳහා මේ වයිරස සාම්පල අවශ්‍ය බවයි.

 
1871 දී එංගලන්තයේ වෛද්‍යවරයකු වසූරියට එරෙහිව ළමයින්ට එන්නත ලබා දුන් අයුරු. වසූරිය ලොව පුරා මිනිසුන්ට කෙතරම් මාරක තත්වයක් උදා කළේද කීවොත් 1979 දී එය මිහිපිටින් සම්පූර්ණයෙන්ම තුරන් කිරීමට පෙර වැළඳුණු අයගෙන් සියයට 30ක් මරු වැළඳ ගත් බව කියැවෙනවා.

ලෝක සෞඛ්‍ය සංවිධානය කමිටු දෙකක් මේ ගැන හොයන්න පත් කළා. එක කමිටුවක් සැබෑ වයිරස ඉක්මනින් විනාශ කර දැමිය යුතුයි කියා නිර්දේශ කළා. අනිත් කමිටුවේ වැඩි දෙනෙකු කීවේ තවදුරටත් පර්යේෂණ සඳහා තබා ගත යුතුයි කියලයි.

තුන්වැනි ලෝකයේ රටවල අයට බලවතුන් අතේ ඇති මේ වයිරස සාම්පල දෙක ඉක්මනින් විනාශ කරවා ගැනීමට අවශ්‍යව තියෙනවා. හදිසියේ හෝ අනපේක්ෂිත විධියට කඩාකප්පල්කාරයෙක් මේ වයිරස සොරා ගෙන පිටතට ගෙන ගොස් සමාජයට යළිත් දැම්මොත් කියන බිය ඔවුන් තුළ තියෙනවා වෙන්න පුළුවන්.

ඒ අනුව දැන් ඒ ගැන වාද විවාද සිදුවෙමින් පවතිනවා. කෙසේ වෙතත් වැඩි දෙනා මේවා විනාශ කර දැමීමට කැමතියි. ඒ නිසා ඒ ළඟදීම තීරණයක් ගනීවි.



Comments

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.