Skip to main content

අපූරු අනාගත දැක්මක්! වසර 60කට පෙර අනාගතය දුටු කලාකරුවෙක් හා නිර්මාණ ශිල්පියෙක්!

විසිවන සියවසේ මැද හරියේ විද්‍යා ප‍්‍රබන්ධවලින් අනාවැකි පළවුණා අනාගතයේ දී ජීවිතය කොයි වගේ වෙයිද කියා. ඒ කාලයේ දී සිතුවේ මේ කාලය වන විට අපට ‘ජෙට් ක‍්‍රමයට’ අහසින් වැඩ යන්නට හැකි වෙයි, ඒ වගේ ම ගෙදර දොර වැඩ යන්ත‍්‍රසූත‍්‍රවලින් කර ගන්නට පුළුවන් වෙයි කියලයි.

ඒත් ඒ කාලයේ හිටියා එක නව නිපැයුම්කරුවෙක් විකාරරූපී යන්ත‍්‍රසූත‍්‍ර යොදා ගෙන අනාගතය ගැන අනාවැකි කියපු. පැරණි මාදිලියේ යන්ත‍්‍රසූත‍්‍ර ඇසුරෙන් යම් යම් නව නිර්මාණ පරිකල්පනය කරන්න ඔහු සමත් වුණා, 21 වැනි සියවස වෙනුවෙන්.

ඔහුගේ නිර්මාණ අපූරු සිතිවිලිවලින් ජනිත වූ ඒවායි. පරිසර මිතුරු මෝටර් රථවල පටන් අත්‍යාලංකාර පියසැරි යතුරු වගේම අපූරු ගෙදරදොර උපකරණ රැුසක් ඔහුගේ සංකල්පනා අතර තිබුණා. ඔහුගේ නම රෝලන්ඞ් එමිට් (Rowland Emett). ඔහු සුප‍්‍රකට නව නිපැයුම් කරුවෙක්. ඒ වගේම කාටූන් ශිල්පියෙක්. චිත‍්‍රපටවලට නව සංකල්පනා එක් කළ අයෙක්.

මීට වසර 60කට පෙර ඔහු කාටූන් චිත‍්‍ර හා මූර්තිවලින් පමණක් නොව ඔහුගේ නව නිපැයුම් ආදර්ශන මගින් අද ලෝකය ගැන අනාවැකි පළ කළා. පසුගියදා එංගලන්තයේ බර්මින්හැම්හී කෞතුකාගාරයේ හා කලාගාරයේ පැවත්වුණු අමුතු ප‍්‍රදර්ශනයකින් මීට අවුරුදු 60කට පෙර ඔහුගේ සිතිවිලි කෙතරම් අපූරුද කියා වත්මන් පරපුරට අවබෝධ කර ගත හැකි වුණා.

බර්මින්හැම් කෞතුකාගාරයේ හා කලාගාරයේ ප‍්‍රදර්ශනයට තබා ඇති එක් අපූරු නිර්මාණයක් වන්නේ ‘චිට්ටි චිට්ටි බෑන් බෑන්’ (Chitty Chitty Bang Bang) නම් පැරණි ඉංගී‍්‍රසි චිත‍්‍රපටයට යොදා ගත් පියසැරි රථයයි. එමිට්ගේ නිර්මාණ සැලසුමක් වූ එය එකල ඉතා ජනපි‍්‍රය පියාසර කළ හැකි යන්ත‍්‍රයක් වුණා.

මේ ප‍්‍රදර්ශනයට 1960 හා 1970 දශකවල නිර්මාණය කළ අපූරු අනාගත වාහන 12ක් ඇතුළත් වෙනවා. ඒවා සියල්ලම කි‍්‍රයාකාරී තත්වයෙන් තියෙනවා. මේ වාහනවල ප‍්‍රයෝජනවත් බව අවබෝධ කර ගත් ඇතැමුන් තම රැුකියා අහිමි වෙතැයි බියෙන් ඒවාට එරෙහිව ඒ කාලේ සටන් කළා.

මේ යන්ත‍්‍ර අතරින් ‘ෆෙදර්ස්ටෝන්-කයිට් ඕපන්වර්ක් බාස්කට්වීව් මාක් ටූ ජෙන්ට්ල්මන්ස් ෆ්ලයින් මැෂින්’ ගැන සඳහන් කරමින් ප‍්‍රදර්ශනයේ විස්තර කථකයන් කීවේ, ‘සතකු වාගේ වැකියුම් ක්ලීනරයක්, වගේ ම ශබ්දය රහිත ග්රැුමෆෝනයක්’ කියායි. ඒ කාලයේ දී මේ යන්ත‍්‍රය හැඳින්වූයේ ‘කිසිවකුටත් හානියක් නැති ඒවගේම ප‍්‍රයෝජනයක් නැති දෙයක් ලෙසයි.

මේ යන්ත‍්‍ර බොහොමයක් තනා තියෙන්නේ, ගෙදරදොර එදිනෙදා ඉවතලන සුන්බුන්වලින් තමයි,

බි‍්‍රටිෂ් එයාවේස් ගුවන්සේවා සමාගම සඳහා කළ ප‍්‍රචාරක වැඩසටහනකට එක් කළ චිත‍්‍රයකින් ඔහුගේ ‘අනාගත අහස්යානය’ හඳුන්වා දී තිබුණා. එය උපහාසයෙන් පිරී තිබුණු චිත‍්‍රයක්. සුළංමානයක්, දුරදක්නයක්, එහි මග පෙන්වන උපකරණ වුණා. සුක්කානමට යොදා තිබුණේ අශ්ව ලාඩමක්.

උණ බම්බුවලින් තැනූ ගගන යානයකට ස්වයංකී‍්‍රය නියමු පද්ධතිය වෙනුවට යොදා තිබුණේ චීස් සූරණයක්. රාති‍්‍ර පෙනීම සඳහා බළලෙකු යොදා තිබුණා. එය ඔසවා ගෙන යාමට සමනලූන් රංචුවක් ඇඳ තිබුණා.

මේ සියලූම යන්ත‍්‍ර මුලින් කාටූන් හැටියටයි ආවේ. ඒවා එමිට් සිත්තරා විසින් 1940 ගණන්වල හා 1950 ගණන්වල පන්ච් සඟරාවට ඇන්ද ඒවායි.

ඔහු විසින් අඳින ලද ‘බෝග් වෝනර්ගේ අනාගත කාරය’ සමකාලීන මෝටර් රථයට විකල්පයක් හැටියට ගෙනා එකක්. ඒ හැම එකක් තුළ ම ඔහුගේ හාස්‍යයක් රැුඳී තිබුණා.

 
මේ පින්තූරයේ දැක්වෙන්නේ බර්මින්හැම් කෞතුකාගාරයේ ප‍්‍රදර්ශනයට තබා ඇති එක් පියාඹන යන්ත‍්‍රයක්. මෙය හඳුන්වා ඇත්තේ ‘ෆෙදර්ස්ටෝන්-කයිට් ඕපන්වර්ක් බාස්කට්වීව් මාක් ටූ ජෙන්ට්ල්මන්ස් ෆ්ලයින් මැෂින්’ කියායි. ගෙදරදොර එදිනෙදා ඉවත ලන සුන්බුන්වලින් තමයි, මෙය තනා තියෙන්නේ.

මේ ප‍්‍රදර්ශනය සංවිධානය කළ බර්මින්හැම් කෞතුකාගාර භාරයේ ප‍්‍රදර්ශන කළමනාකාර ඇන්ඩි හෝන් කියන්නේ, ”මේ විස්මකුරු දසුන් බලන්නට මෙහි වැසියන් ඉතාමත් කැමති වේවි. වසර 30ක් බර්මින්හැම නගරයේ වැඩ කරමින් ජීවත් වූ රෝලන්ඞ් එමිට් නම් අසහාය කාටූන් ශිල්පියාගේ නිර්මාණ දකින්නට මෙහි වැසියන් ඉමහත් ආශාවක් දක්වාවි.” කියායි.

මේ කාර්යයට දායකත්වය දුන් රෝලන්ඞ් එමිට් පදනමේ නිර්මාතෘ ටිම් ග‍්‍රිෆිත් කියන්නේ, ”මේ ප‍්‍රදර්ශනයෙන් වර්තමාන තරුණ පරම්පරාවට රෝලන්ඞ් එමිට් කවුදැයි හඳුනාගන්නට අවස්ථාවක් ලැබෙනවා. අපේ ළමයින් වැඩි දෙනෙක් මේ අසහාය චිත‍්‍රශිල්පියාගේ නිර්මාණ දැක නැහැ. මේවා දැකීමෙන් රෝලන්ඞ් එමිට් වැනි අය අනාගතයේ අපේ දරු පරපුර අතරින් මතුවේවි.” කියායි.

රෝලන්ඞ් එමිට්ගේ තවත් අපූරු නිර්මාණයක් වූ නොටින්හැම් නගරයේ වික්ටෝරියා ෂොපිං සෙන්ටර්හී ස්ථාපිත කර ඇති යෝධ ඔරලෝසුවත් බර්මින්හැම්වලට ගෙන ගියා, මේ ප‍්‍රදර්ශනය අලංකාර කරන්නට.

 
රෝලන්ඞ් එමිට් අමුතු කාටූන් චිත‍්‍රශිල්පියෙක්. මේ ඔහු විසින් අඳින ලද ‘බෝග් වෝනර්ගේ අනාගත කාරය’යි (Borg Warner Car of the Future) බලන්න එය නිර්මාණය කර ඇති හැටි. මේ යන්ත‍්‍රයෙහි අලංකාර පහන් වැටවල් බඳු සිරස් පහන් තියෙනවා. රඹ පැහැති දීප්තියක් නිකුත් කරන ඩිකැන්ටරයක් ද ගුවන් විදුලියක් වෙනුවට හාප් එකක් ද පුංචි කුරුල්ලන්, සමනලයන්, මල් ආදියෙන් ද විසිතුරු කර ඇඳලා තියෙනවා.

රෝලන්ඞ් එමිට් කියන්නේ කවුද?

  • රෝලන්ඞ් එමිට් උපන්නේ 1906 වසරෙදියි. මියගියේ 1990 දියි.
  • ඔහුගේ මරණයෙන් පසු බර්මින්හැම්හී පැවැත්වෙන ඔහුගේ නිර්මාණ ඇතුළත් විශාලතම ප‍්‍රදර්ශනය මෙයයි.
  • ලෝපතල පන්ච් (Punch) නම් ඉංගී‍්‍රසි සඟරාවට කාටුන් ඇන්ද ලෝක ප‍්‍රකට චිත‍්‍රශිල්පියෙක්. පසුව අමුතු මූර්ති හා කි‍්‍රයාත්මක කළ හැකි යන්ත‍්‍රවල නව සංකල්ප ඉදිරිපත් කළා.
  • ඔහුගේ අපූර්වතම නිර්මාණය වූ ලෝක ප‍්‍රකට දුම්රිය නෙලී මුලින් ඇන්දේ කාටූන් එකක් ලෙසයි. පසුව එය සැබෑ එකක් ලෙස නිර්මාණය කර 1951 දී බි‍්‍රතාන්‍ය මහා ප‍්‍රදර්ශනයට තබනු ලැබුවා. එයට අමතරව, තවත් යානා දෙකක් වූ ‘ද ෆා ටොටරින්’ හා ‘ඔයිස්ටර් ක්රීක් බ‍්‍රාන්ච් රේල්වේ ආදියත් ඊට එක් කර තිබුණා.
  • ඔහු ජීවතුන් අතර සිටියදීත් සමහර කාටූන් සැබෑ යන්ත‍්‍ර ලෙස නිපදවා ඔහුගේ උපහාසයට පණ දෙන්නට උත්සාහ කළ අවස්ථා තිබුණා. ඒවාට ඔහු යෙදුවේත් විකාර නම්. එයින් එකක් තමා ‘ෆෙදර්ස්ටෝන්-කයිට් ඕපන්වර්ක් බාස්කට්වීව් මාක් ටූ ජෙන්ට්ල්මන්ස් ෆ්ලයින් මැෂින්’ යන වාහනය.
  • 1968 දී තමයි, ඔහුට ‘චිට්ටි චිට්ටි බෑන් බෑන්’ චිත‍්‍රපටයේ කැරැුක්ටකස් පොට්ස් නම් අපූරු නිර්මාණ කරුවා වෙනුවෙන් හාස්‍යෝත්පාදක නව නිපැයුම් ගණනාවක් ඒ චිත‍්‍රපටය සඳහා නිර්මාණය කළේ. චිත‍්‍රපටයේ පොට්ස්ගේ චරිතය රඟපෑවේ ඩික් වැන් ඩයික් නම් එකල ජනපි‍්‍රයව සිටි නළුවායි.

 
ඉංගී‍්‍රසි කාටූන් ශිල්පියාගේ චිත‍්‍ර හා යාන්ති‍්‍රක නිර්මාණ දැක්මෙහි ‘චිට්ටි චිට්ටි බෑන් බෑන්’ චිත‍්‍රපටය සඳහා ඔහු නිර්මාණය කළ පියාඹන මෝටර් කාරයයි, මේ. මෙය හඳුන්වා ඇත්තේ ‘ලිට්ල් ඩ‍්‍රැගන් කාපට් ස්වීපර්’ කියායි. නම වගේම වීකාර දේවල් ගොඩක් මෙයට එක් කර තියෙනවා.

 
එමිට්ගේ අනාගත කාරයට සම්බන්ධ කර ඇඳ තිබූ පරිසර දූෂණය කපා හරින උකරණයයි, මේ. මෙය සැබෑ එකක් ලෙස කිසිදාක නිර්මාණය නොකළ ද ඔහු ඒ මගින් අනාගතයේ පරිසර දූෂණයෙන් තොර වාහනවල අවශ්‍යතාව අවධාරණය කළා. පරිසරයට එක් වන අපවිත‍්‍ර දෑ වනසන මකරකු වැනි සතෙකු හා අනවශ්‍ය දූලි අංශු පෙරණයක් හා පරිසරයට සුවඳ ඉහින මල් ද එහි ඇඳ තිබුණා.

රෝලන්ඞ් එමිට් නිර්මාණ ශිල්පියා ඔහු ජීවතුන් අතර සිටියදී ඔහුගේ කාටූන් ඇසුරෙන් කළ විස්මිත යන්ත‍්‍ර නරඹමින්.

 
ග‍්‍රහ ලෝක අල්ලන්න කරන තරගයත්, ග‍්‍රහලෝකවලට මිනිසුන් යවන්නත් ඇති වූ තරගයත් දෙවන ලෝක යුද්ධයෙන් පසු ඇති වූවක්. 1960 ගණන්වල ඇඳි මේ කාටූන් චිත‍්‍රයෙන් දැක්වෙන්නේ මිනිසා පොළොවෙන් ගෙන ගිය පාරුවක් අල්ලා ගත් අඟහරුවෙකු එය තමන්ගේ ප‍්‍රයෝජනයට යොදා ගන්නා අයුරු.

 
මේ අපූරු දුම්රිය හැඳින්වූයේ නෙලී කියායි. ඔහුගේ කාටූන් චිත‍්‍රයක් ඇසුරෙන් යන්ත‍්‍රයක් ලෙස සකස් කළේ 1951 දී බි‍්‍රතාන්‍යයේ පැවති මහා වෙළඳ ප‍්‍රදර්ශනයකටයි. තවත් කාටූන් චිත‍්‍ර යානා දෙකක් ද මේ සමග එක්ක කර තිබුණා. මෙය ඒ ප‍්‍රදර්ශනයේ වඩාත් ආකර්ෂණීය අංගය වුණා.

 
උණ බම්බුවලින් තැනූ ගගන යානයකට ස්වයංකී‍්‍රය නියමු පද්ධතිය වෙනුවට යොදා තිබුණේ චීස් සූරණයක්. රාති‍්‍ර පෙනීම සඳහා බළලෙකු යොදා තිබුණා. එය ඔසවා ගෙන යාමට තඹ සමනලූන් රංචුවක් ඇඳ තිබුණා.

 
මෙහි ටීවී එකට වැඩි දෙයක් තියෙනවා. ‘චිට්ටි චිට්ටි බෑන් බෑන්’ චිත‍්‍රපටයේ ඇතුළත් කෙරුණු ‘විසිවිෂන්’ යන්ත‍්‍රය. ඔහු ඇඳි කාටූනට පණ දෙද්දී ඒ සඳහා පරණ ග‍්‍රැමෆෝන යන්ත‍්‍රයක් හා පැරණි මහන මැෂිමක් යොදා ගනු ලැබුවා.

 
ඔහුගේ හඳ ගමනට යානය සැලසුම් කරද්දී, සොසේජස් බැද ගන්නට අවශ්‍ය යන්ත‍්‍රයක් ද ඊට එක් කරන්නට අමතක කළේ නැහැ. ඒ යානයේ එක් කෙළවරක මේ චිත‍්‍රයත් දකින්න පුළුවන්. මේ හැම තැනකදීම චිත‍්‍රය තුළින් උපහාසය හා හාස්‍යය මතු කළා.

 
මේ අපූරු ප‍්‍රදර්ශනයට 1960, 1970 ගණන්වල ඔහු උපහාසය ගෙනා කාටූන් චිත‍්‍රවල ආ යන්ත‍්‍ර සූත‍්‍ර 12ක් කි‍්‍රයාත්මක කළ හැකි ආකාරයේ නිර්මාණය ලෙස මේ ප‍්‍රදර්ශනයට එක් කර තියෙනවා. හාස්‍යයට මේ තරම් අපූරුවට පණ දීපු අවස්ථාවක් තවත් නැතුව ඇති. මෙහි දැක්වෙන්නේ ඒ ප‍්‍රදර්ශනය සඳහා චිත‍්‍රයට පණ දෙන්නට එහි සේවකයකු කි‍්‍රයා කළ අයුරුයි.

 
‘චිට්ටි චිට්ටි බෑන් බෑන්’ චිත‍්‍රපටයේ ආ නව නිපැයුම්කරුවකු වූ ‘කැරැුක්ටකස් පොට්ස්’ චරිතය රඟපෑවේ ඩික් වැන් ඩයික් (Dick Van Dyke) නම් මේ ලෝක ප‍්‍රකට නළුවායි. මේ ඔහු එහි රඟපෑ අවස්ථාවක්. උදේ කෑම තනන යන්ත‍්‍රය කි‍්‍රයාත්මක කරන අයුරු. මෙහි පසෙක අතේ ගෙන යා හැකි ස්වයංකී‍්‍රය බාබර් සාප්පුවක් ද පෙනෙනවා.

 
‘කුකූ වලාකුළු නිම්නයේ එක් නිසසල සැන්දෑවක්’ (A Quiet Afternoon in the Cloud Cuckoo Valley) යනුවෙන් නම් කළ මේ චිත‍්‍රය තමා 1990 දී රෝලන්ඞ් එමිට් මිය යන්නට කලින් කළ අවසන් හා ඔහුගේ විශාලතම නිර්මාණය වන්නේ. කෞතුකාගාර සේවකයකු දුම්රිය පණ ගන් වන්නට කි‍්‍රයා කර ආකාරය මෙහි දැක්වෙනවා.

 
රෝලන්ඞ් එමිට්ගේ රසකැවිලි මැසිම. 1968 දී ඔහු මේ නිර්මාණය කළේ ‘චිට්ටි චිට්ටි බෑන් බෑන්’ චිත‍්‍රපටයේ ආ නව නිපැයුම්කරුවා වූ ‘කැරැුක්ටකස් පොට්ස්’ චරිතය වෙනුවෙන්. ඒ චිත‍්‍රපටයේ ‘ටූට් ස්වීට් ෆැක්ටරිය’ ලෙස හැඳින්වූයේ මෙයයි.

Video:


Comments

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.