Skip to main content

ලෝකයේ නිවැරදිම ඔරලෝසුව මෙන්න! වසර මිලියන 300ක් ගියත් තත්පරයක්වත් වෙනස් වෙන්නේ නැහැ!

ඔබ සිතා සිටියාද ඔබේ ඔරලෝසුව හරියටම නිවැරදිව වෙලාව දක්වනවාය කියා. ඒත් ලෝකයේ බොහෝ ඔරලෝසුවල වේලාව නිවැරදි නැති බවයි, ඇමරිකානු රජය පවසන්නේ. ඔවුන් වඩාත් නිවැරදි ඔරලෝසුවක් තනා තියෙනවා. ඔවුන් කියන විධියට වසර මිලියන 300ක් ගියත් ඒ ඔරලෝසුවේ වේලාව තත්පරයකින් අංශුවකින්වත් වෙනස් වෙන්නේ නැහැ.

ඒක පරමාණුක ඔරලෝසුවක්! මේ වන විටත් නිවැරදි වේලාව දැක්වූයේ පරමාණු බලයෙන් කි‍්‍රයා කළ ඔරලෝසු තමයි. ඒත් මේ ඔරලෝසුව ඒ හැම ඔරලෝසුවකට ම වඩා තුන් ගුණයක් නිවැරදියි.

මේ නව ඔරලෝසුව තනා ඇත්තේ ඇමරිකාවේ වානිජ දෙපාර්තමේන්තුව යටතේ ඇති ‘එන්අයිඑස්ටී’ (NIST) යන කෙටි නමින් හැඳින්වෙන ජාතික ප‍්‍රමිති හා තාක්ෂණ ආයතනය (National Institute of Standards and Technology) විසිනුයි. මේ නව ඔරලෝසුව හැඳින්වෙන්නේ ‘එන්අයිඑස්ටී එෆ්-2’ (NIST-F2) කියායි. ඇමරිකාවේ සම්මත වේලාව දැන් සකසන්නේ මේ නව ඔරලෝසුව මගිනුයි.

මේ පරමාණුක ඔරලෝසුව ඉතාමත් නිවැරදිව තත්පරයේ දිග මනින්න භාවිත කරන්නේ සීසියම් (cesium) පරමාණුයි.

 
මේක සාමාන්‍ය ඔරලෝසුවක් නෙමෙයි, ලෝකයේ ඇති වඩාත් නිවැරදිව වේලාව දක්වන ඔරලෝසුව මෙයයි. ‘එන්අයිඑස්ටී’ ආයතනයේ භෞතික විද්‍යාඥ ස්ටීව් ජෙෆර්ට්ස් (පසුපසින්) ටොම් හීව්නර් ‘එන්අයිඑස්ටී එෆ් 2’ සීසියම් පරමාණුක ඔරලෝසුවෙහි යමක් පරීක්ෂා කරන අයුරු.

කවුරුන්ද මේ ඔරලෝසුවේ සේවය ලබන්නේ ?

ඔබට එදිනෙදා සේවය සපයන සෙලියුලර් දුරකථන, ජීපීඑස් හෙවත් ලෝක ව්‍යාප්ත ස්ථානගත පද්ධතිය (Global Positioning System) හා සම්බන්ධ චන්ද්‍රිකා රිසීවරයන්, විදුලිබල ජාලයන් ආදිය කාලය ගණනය කර ගන්නෙ මේ අති නිවැරදි පරමාණුක ඔරලෝසුවෙන් තමයි.

ඒ වගේම මේ ඔරලෝසුවෙ වෙලාව තමයි, ඇමරිකාවේ එදිනෙදා මුල්‍යමය ගනුදෙනුවලදි සටහන් කරන්නේ.

ඒ වගේම ලෝක ව්‍යාප්ත කාල පරිවර්තකයට (UTC) යොදා ගන්නෙත් මේ වෙලාව තමයි.

මේ ‘එන්අයිඑස්ටී එෆ් 2’ සීසියම් පරමාණුක ඔරලෝසුවේ වේලාව වසර මිලියන 300කට තත්පරයක් වත් වෙනස් වෙන්නේ නෑ. මීට කලින් 1999 සිට භාවිතා කළ ‘එන්අයිඑස්ටී එෆ් 1’ සීසියම් පරමාණුක ඔරලෝසුවට වඩා මෙය තුන් ගුණයක් නිවැරදියි.

මේ සීසියම් පරමාණුක ඔරලෝසු දෙකට ම යොදා ගත්තේ සීසියම් පරමාණු ධාරාවක් තමයි, තත්පරයේ ඉතාමත් නිවැරදි දිග මැන ගන්න.

‘එන්අයිඑස්ටී’ විද්‍යාඥයන් පසුගියදා ඔවුන්ගේ අලූත් ම ‘එන්අයිඑස්ටී එෆ් 2’ සීසියම් පරමාණුක ඔරලෝසුවේ මුල්ම නිල කාර්යසාධක දත්ත ප‍්‍රංශයේ පැරිස් නගරය අසල පිහිටුවා ඇති ‘බීඅයිපීඑම්’ හෙවත් අන්තර්ජාතික කිරුම් මිනුම් (International Bureau of Weights and Measures) ආයතනය වෙත යැව්වා. මේ ඔරලෝසුව වසර දහයක් තිස්සේ අත්හදා බැලීම් කරමින් නිපදවූවක්.

ප‍්‍රංශයේ බීඅයිපීඑම් ආයතනය තමයි, ලොව පුරා පරමාණුක ඔරලෝසුවලින් දත්ත එක් රැුස් කර, අන්තර්ජාතික වේලාව සකසන්නේ. අන්තර්ජාතික සම්මත වේලාව අනුව තමයි, ඒ ඒ රටවල වේලාව සකස් කර ගන්නේ.

‘බීඅයිපීඑම්’ ආයතනයේ දත්තවලට අනුව දැන් ලෝකයේ ඇති නිවැරදිම වේලාව දක්වන ඔරලෝසුව තමයි, මේ ‘එන්අයිඑස්ටී එෆ් 2’ ඔරලෝසුව.

‘එන්අයිඑස්ටී එෆ් 2’ තමා මේ සීසියම් පාදක කර ගත් පරමාණුක ඔරලෝසු අතරින් අලූත්ම නිර්මාණය. 1950 ගණන්වල සිටම එන්අයිඑස්ටී ආයතනය මේ වර්ගයේ ඔරලෝසු තනනවා. ඇමරිකාවේ මිනුම් අධිකාරිය ලෙස එන්අයිඑස්ටී ඉමහත් පරිශ‍්‍රමයක් දරනවා නවීන සමාජයේ අත්‍යවශ්‍ය අංගයක් වූ වේලාව දැක්වීම වඩාත් නිවැරදිව කරන්න. ඒකයි මේ පරමාණුක වේලාව දැක්වීම තවතවත් වැඩි දියුණු කරන්නෙ.

සෙලියුලර් ටෙලිෆෝන, ජීපීඑස් චන්ද්‍රිකා ග‍්‍රාහකයන්, විදුලිබල ජාලයන් වැනි එදිනෙදා භාවිත කරන තාක්ෂණික කාර්යයන් රැුසකට ම මේ පරමාණු ඔරලෝසුවල අති නිවැරදි වේලාව අත්‍යවශ්‍ය දෙයක්.

වැඩි දියුණු කළ වේලාව දැක්වීම නිරන්තරයෙන් ම තාක්ෂණ වේදයේ දියුණුවට හා නවෝත්පාදනවලට මං සැලසූ බව ඓතිහාසික වශයෙන් පැහැදිලි කරුණක්.

මේ ‘එන්අයිඑස්ටී එෆ් 1’ හා ‘එන්අයිඑස්ටී එෆ් 2’ ඔරලෝසු දෙකෙන්ම කෙරෙන්නේ මූලික වේලාව දැක්වීමට ආධාර කිරීමයි. වසරකට කීප වතාවක් මේවා සති කීපයක් සකි‍්‍රය කර එන්අයිඑස්ටී වේලාව සකස් කරනවා. ඒ සමගම එන්අයිඑස්ටී ආයතනයේ ඇති, නිවැරදිව වේලාව දක්වන හයිඩ‍්‍රජන් මේසරයන් යෙදූ වානිජ ඔරලෝසු ද ලොව පුරා වේලාව නිවැරදි කර ගැනීමට සහය කර ගන්නවා.

මේ එන්අයිඑස්ටී වේලාව අන්තර්ජාලයේ වේලාව දක්වන සේවාව (Internet Time Service) මගින් ලෝකයේ විවිධ කර්මාන්ත කටයුතුවලටත් මහජනයාටත් ලබා දෙනවා. 2014 වසරේ මුල හරියේ දී දිනකට නිවැරදි වේලාව සකස් කර ගැනීම සඳහා ස්වයංකී‍්‍රය ඉල්ලීම් බිලියන 8කට වැඩි ප‍්‍රමාණයක් ලැබුණා. මේ ඉල්ලීම් ලැබුණේ ලොව පුරා පරිගණකවල හා ජාලගත මෙවලම්වල ඇති ඔරලෝසු නිවැරදි කර ගැනීම සඳහායි. ඒ විතරක් නෙවෙයි, එන්අයිඑස්ටී ගුවන් විදුලි විකාශය මගින් දිනපතා ලොවපුරා විසිරී ඇති ඔරලෝසු මිලියන 50කට වැඩි ප‍්‍රමාණයක වේලාව යවත්කාලීන කර ගැනීමට සහය වෙනවා.



මේ පරමාණුක ඔරලෝසුව කි‍්‍රයා කරන්නේ කෙසේ ද?
‘එන්අයිඑස්ටී එෆ් 1’ හා ‘එන්අයිඑස්ටී එෆ් 2’ ඔරලෝසු හැඳින්වෙන්නේ ධාරා ඔරලෝසු කියලයි. ඊට හේතුව සිරස් නළයක් තුළ සීසියම් පරමාණු ධාරාවක් ඉහළට පහළට වේගයෙන් යැවෙන නිසයි. ඒ නළය දිගේ පැයකට දහස් වාරයක් කිසියම් ක‍්‍රමයකට ඉහළට මේ සීසියම් පරමාණු විදිනු ලබනවා. ඒවා ඊළඟට ඒ නළ තුළ පහළට වැටෙනවා.

සීසියම් පරමාණු ඇතුළත් වායුවක් මේ ඔරලෝසුවේ රික්තක කුටීරයට යවනවා. ඉන්පසු අධෝරක්ත ලේසර දහරා හයක් මගින් පරමාණු මිලියන 10ක් බෝලයක් වන සේ සීරුවෙන් තල්ලූ කරනවා. මේ කි‍්‍රයාවලියේ දී ලේසර මගින් ඒවායේ උෂ්ණත්වය නිරපේක්ෂ ශූන්‍යයක් වන තෙක් පරමාණු සිසිල් කෙරෙනවා. ඒ වන විට ඒවායේ චලනය පැහැදිලිවම අඩු වෙනවා. ඒ අවස්ථාවේ දී ඒවායේ ස්වාභාවික කම්පනයන් නිවැරදිව මැන බලන්නට හැකියාව ලැබෙනවා.

ලේසර් දහරා හයෙන් නිපදවන තිරස් ලේසර් දහරා දෙකකින් මේ පරමාණු බෝල චලන කුටීරය දිගේ ඉහළට තල්ලූ කෙරෙනව. ඊළඟට සියලූම ලේසර අකි‍්‍රය කෙරෙනවා. මේ පුංචි තල්ලූව ප‍්‍රමාණවත් ඒ පරමාණු බෝලය මයික්‍රොවේව් තරංග පිරුණු කුටීරය තුළ මීටර 1.3ක් ඉහළට ඔසවන්න. ගුරුත්වාකර්ෂණය මගින් ඒ බෝලය මයික්‍රොවේව් කුටීරය හරහා ආපසු පහළට ගෙන යනවා.

මේ ගමනේදී සමහර පරමාණුවල පරමාණු තත්වය වෙනස් වෙනවා. අනික්වා නොවෙනස්ව එසේම පවතිනවා මේසරයකින් එන මයික්‍රොවේව් සංඥා සමග අන්තර් කි‍්‍රයාකාරී වන නිසා. මේ ගමන අවසන් වූ පසු තවත් ලේසරයක් ඒ පරමාණු වෙත එල්ල කරනවා.

සමහර පරමාණු, මයික්‍රොවේව් සංඥා නිසා වෙනස් වෙනවා. ඒවා ආලෝකයක් හෝ ප‍්‍රතිදීප්තියක් නිකුත් කරනවා. එහිදී ඇති වන ෆෝටෝන, විමෝචනය කරන ආලෝකය අනාවරකයක් මගින් මනිනු ලබනවා.

මේ කි‍්‍රයාවලිය නැවත නැවතත් සිදු කෙරෙනවා. ඒ කුටීරයේ ඇති මයික්‍රොවේව් වෙනත් සංඛ්‍යාතවලට සුසර කිරීමෙන් පසුව.

අනුක‍්‍රමයෙන් එහි ඇති සීසියම් පරමාණු වැඩි හරියක තත්වය වෙනස් කරන මයික්‍රොවේව් සංඛ්‍යාතය සොයා ගනු ලබනවා.

මේ සංඛ්‍යාතය තමා සීසියම් පරමාණුවේ ස්වාභාවික අනුනාද සංඛ්‍යාතය (natural resonance frequency) ලෙස සැලකෙන්නේ. (එය හර්ට්ස් 9,192,631,770 ලෙස දැක්වෙනවා.) තත්පරය දැක්විය හැකි සංඛ්‍යාතය එයයි.


Comments

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.