Skip to main content

අභ්‍යවකාශ ගමනක නැවුම් අත්දැකීමක් විඳ ගන්න! මෙන්න ඔබටත් අවස්ථාවක්!

මේ අලූත්ම අත්දැකීම ස්ටාර්ෂිප් එන්ටප‍්‍රයිස් වගේ අභ්‍යවකාශ යානයක යද්දී දක්නට ලැබෙන එකක් වගේ වුනත් අපේ සෞරග‍්‍රහ මණ්ඩලයෙන් ඔබ්බට යන ඔබට දැක ගත හැකි එකක්!

ඒත් මේක අපේ විශ්වය හරහා යන විට ඔබ ඉදිරියේ දිග හැරෙන දසුන් පෙළක්. කරකැවිල්ල හැදෙනසුලූ දසුනක්! පරිගණකයෙන් කළ අනුකාරක නිර්මාණයක්.

මෙය දැනට අප හඳුනාගෙන ඇති සක්වළ පරිගණක තිරයේ මවා පෑමක්. මෙය නරඹද්දී ඔබ මොහොතකට අභ්‍යවකාශ යානයක් තුළ ගමන් කරන්නකු බවට පත් කෙරෙනවා.

මේ සඳහා යොදා ගෙන තියෙන්නෙ ‘ගැලැක්සි ඇන්ඞ් මාස් ඇසෙම්බ්ලි’ (Galaxy and Mass Assembly) හෙවත් ගැමා (Gama) නමින් හැඳින්වෙන විශ්වයේ පිහිටි මන්දාකිණි හා විවිධ ස්කන්ධ ඇතුළත් නාමාවලියයි.

මේ වීඩියෝ දසුනෙන් ඔබට අද අප විශ්වය හඳුනන ආකාරයට දැකිය හැකියි. මෙහි දී ගැලැක්සිවල ප‍්‍රමාණයන් මඳක් විශාල කර තියෙනවා, ඔබේ දැක ගැනීමේ පහසුව සඳහා.


ගැමා කියන්නේ අන්තර්ජාතික ව්‍යාපෘතියක්, භූමි ස්ථාපිත හා අභ්‍යවකාශයේ ස්ථාපිත දුරේක්ෂ යොදාගෙන විශ්ව න්‍යාය විද්‍යාව (cosmology) හා ගැලැක්සි හෙවත් මන්දාකිණිවල ප‍්‍රභවය හා පරිණාමය හැදෑරීම සඳහා කැප වුණු එකක්.

මේ දර්ශන නිර්මාණය කර නිකුත් කර ඇත්තේ එංගලන්තයේ ඩර්හැම් විශ්ව විද්‍යාලයෙන්. එහි සිදු වන අලූත් ම පර්යේෂණයක කොටසක් හැටියට. විශ්වයේ ගැලැක්සි හෙවත් මන්දාකිණි අතර ඇති ‘විශාල හිස් කලාප’ (vast empty regions) ඉතා සංකීර්ණ ලෙස සියුම් රැහැන් ජාලයක් මගින් බැඳී ඇති බව ඔවුන්ගේ මේ නව සොයා ගැනීමෙන් පැහැදිලි වෙනවා.

මේ බව බටහිර ඕස්ටේ‍්‍රලියානු විශ්ව විද්‍යාලය මගින් කළ පර්යේෂණයකිනුත් පෙන්වාදී තියෙනවා, ඔවුන් මේ මන්දාකිණි අතර ඇති ‘හිස් කලාප’ යා කරන සියුම් රැහැන් ජාලයන් හඳුන්වන්නේ ‘අත්පසුරු’ (tendrils) කියායි.

මෙන්න නරඹන්න! අප දැනට හඳුනාගෙන ඇති විශ්වය හරහා ගමනක් යන්න!





ඔබට මේ විශ්වය හරහා යන ගමන සැකැස්මට යොදා ගත් දුරේක්ෂ:
  • ඇංග්ලෝ-ඔස්ටේ‍්‍රලියානු දුරේක්ෂය (The Anglo-Australian Telescope)
  • වීඑල්ටී ස්ර්වේ දුරේක්ෂය (The VLT Survey Telescope)
  • දෘෂ්‍යාලෝක හා අධෝරක්ත කිරණ භාවිත තාරකා විද්‍යා දුරේක්ෂය (The Visible and Infrared Survey Telescope for Astronomy)
  • ඔස්ටේ‍්‍රලියානු පාත්ෆයින්ඩර් දුරේක්ෂය (The Australian Square Kilometre Array Pathfinder)
  • හර්ෂෙල් අභ්‍යවකාශ නිරීක්ෂණාගාර දුරේක්ෂය (The Herschel Space Observatory)
  • මන්දාකිණි පරිණාම ගවේෂක දුරේක්ෂය (The Galaxy Evolution Explorer)
මේ විශ්වය තුළ අති විශාල මන්දාකිණි ප‍්‍රමාණයක් තියෙනවා. ඒවා අතර ඇති ‘හිස් කලාප’ යා කරන අති සංකීර්ණ, දිගු දුර විහිදුණු රැහැන් ජාලයක් ද තියෙනවා.

මේ අති දැවැන්ත ‘හිස් කලාප’ ගැන වසර ගණනාවක් තිස්සේ තාරකා විද්‍යාඥයන් අධ්‍යයනය කරමින් ඉන්නවා. ඒ වගේම ඒවා අතර ඇති කුඩා මන්දාකිණි ප‍්‍රමාණයත් ඔවුන්ගේ අවධානයට ලක් වුණා.

මේ දුරේක්ෂ පද්ධතිවලින් ලත් දත්ත යොදා ගෙන කළ අධ්‍යයනයේදී මෙම අධ්‍යයනයේ මූලිකත්වය ගත් ආචාර්ය ඇල්පස්ලාන් සොයා ගත්තා මේ ‘හිස් කලාප’ තුළ ඇති කුඩා ගැලැක්සි කිසියම් රටාවකට එකිනෙක හා බැඳී ඇති බව. එය මින් පෙර නුදුටු දෙයක්.

”අපට හමුවුණා හිස් කලාප තුළ අතරින් පතර පිහිටි මන්දාකිණි කීපයක් හා ඒවා එකිනෙකට බැඳ තබන කුඩා රැහැන් විශේෂයක්. සම්පූර්ණයෙන් ම අලූත් වර්ගයක ව්‍යුහයක්. අප ඒවා ‘අත්පසුරු’ (tendrils) කියලයි හැඳින්නුවෙ.” කියා ආචාර්ය ඇල්පස්ලාන් කියනවා.

 
දැනට අප බහඳුනාගෙන ඇති මන්දාකිණි පොකුර අතරින් පියාසර කරන්න.

 
ජනපි‍්‍රය ටෙලිවිෂන් හා චිත‍්‍රපට මාලාවක් වූ ‘ස්ටාර් ටෙ‍්‍රක්’හී ආ මෙම ස්ටාර්ෂිප් එන්ටර්ප‍්‍රයිස් අභ්‍යවකාශ යානයෙන් විශ්වයේ සවාරියක් යන ආකාරයක් සේ මේ අත්දැකීම ඔබට දැනේවි.

 
මන්දාකිණි පොකුරු, ඒවා අතර ඇති හිස් කලාප හා ඒ මන්දාකිණි යා කර සෑදෙන අන්තරීක්ෂ ජාලයක් දැක්වෙන රේඩියෝ දුරේක්ෂවලින් ලබා ගත් පිළිබිඹුවලින් සකසා ගත් සේයා රුවක්. ආචාර්ය ඇල්පස්ලාන් හා කණ්ඩායම ඒවා යා කරන ‘අත්පසුරු’ සොයා මේවා නිරීක්ෂණය කරමින්.

කුමක්ද මේ ‘කොස්මික් වෙබ්’ හෙවත් අන්තරීක්ෂ ජාලය කියන්නේ?

මේ විශ්වය මන්දාකිණි හෙවත් ගැලැක්සි ඉතා විශාල ප‍්‍රමාණයකින් පිරී තියෙනවා. ඒවා පිහිටා ඇත්තේ කිසියම් රටාවකටයි. ඒවා අති සංකීර්ණ පොකුරු (clusters) හා පුරුක් (nodes) වලින් දිගු අත්පසුරුවලට යා වෙනවා.

විශ්වයෙහි සංවිධානාත්මකව පවතින මේ ව්‍යුහයට තමයි, කොස්මික් වෙබ් (cosmic web) හෙවත් අන්තරීක්ෂ ජාලය කියන්නේ. මේ ගැලැක්සි අති සංකීර්ණ ලෙස විශ්වය පුරා පැතුරුණු ජාලයකින් එකිනෙක බැඳී තියෙනවා. අපට ඒවා පෙනෙන්නේ හිස්කලාප ලෙස පමණයි.

මේ අත්පසුරු සොයා ගැනීමට හැකි වුයේ ‘ගැලැක්සි ඇන්ඞ් මාස් ඇසෙම්බ්ලි’ (Galaxy and Mass Assembly) හෙවත් ගැමා (Gama) නමින් හැඳින්වෙන, විශ්වයේ පිහිටි මන්දාකිණි හා විවිධ ස්කන්ධ ඇතුළත් නාමාවලියක් සැකසීම සඳහා කළ නිරීක්ෂණ මාලාවකින් පසුවයි. දකුණු ආකාශ අර්ධගෝලයේ කළ මේ නිරීක්ෂණ සඳහා ඔවුන් යොදා ගත්තේ ඕස්ටේ‍්‍රලියාවේ නිවුසවුත් වේල්ස්හී ස්ථාපිත කර ඇති ඇංග්ලෝ- ඕස්ටේ‍්‍රලියානු දුරේක්ෂයයි.

”අපේ මේ නව නාමාවලිය සඳහා සිතියම් සකස් කරද්දී අපට අභ්‍යවකාශයේ ගැඹුරට බලන්න සිද්ධ වුණා. අභ්‍යවකාශය කුඩා කොටස්වලට වෙන් කර ගෙන ඒ හැම කොටසක් ම දහ වතාවකට වැඩි වාර ගණනක් සිතියම් ගත කළා, එය හැකිතාක් දුරට නිවරදි කර ගන්න.” යැයි ආචාර්ය ඒරන් රොබොතම් කියනවා. ඔහු බටහිර ඕස්ටේ‍්‍රලියානු විශ්ව විද්‍යාලයේ එක් අංශයක් වූ රේඩියෝ තාරකා විද්‍යා පර්යේෂණ සඳහා වූ අන්තර්ජාතික මධ්‍යස්ථානයේ (ICRAR) ප‍්‍රධානියායි.

”අපට මේ හිස් කලාප දෙස වඩාත් විමසිලිවත්ව බලන්නට පෙර මේ ගැන හරි දැනීමක් තිබුණේ නැහැ. නමුත් අප විස්මයට පත් වුණා, අප මෙතෙක් ශූන්‍ය තැන් ලෙස දැන සිටි තැන් මේ අත්පසුරුවලින් පිරී ඇති බව දැකලා.” යැයි ආචාර්ය රොබොතම් වැඩිදුරටත් කියනවා.

මේ පර්යේෂණ කණ්ඩායම අනාගතයේ දී මුළු අකාශගෝලයම අධ්‍යයනය කර සෑම තැනම ඇති අත්පසුරු ඇතුළත් සවිස්තරාත්මක සිතියමක් සකස් කිරීමට බලාපොරොත්තු වෙනවා.

 
පරිගණකයෙන් ප‍්‍රතිනිර්මාණය කරන ලද ඉහත රූපයෙන් දැක්වෙන්නේ අති සංවේදී රේඩියෝ දුරේක්ෂවලින් ලබා ගත් පිළිබිඹුවලින් ඒ කොස්මික් වෙබ් හෙවත් අන්තරීක්ෂ ජාලය පෙනෙන හැටියි. දකුණේ ඇත්තේ ඒ රූපය මැද ආලෝක මිලියන 10ක් දුරට විහිදුනු කොටසක් විශාලනය කොට අධිරූපණ ක‍්‍රමයට සකසා ඇති අයුරුයි.

Comments

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.