Skip to main content

MH370 මැලේසියානු ගුවන්යාන අබිරහස : යානයේ කළු පෙට්ටිය සොයන්න ඇමරිකාවෙන් විශේෂ උපකරණ යවයි


පසුගිය 8 වැනිදා සිට අතුරුදන් වී ඇති මැලේසියානු ජෙට් ගුවන් යානයේ සුන්බුන්වල කැබලි 122ක් ඉන්දියානු සාගරයේ දකුණු කලාපයේ මුහුදේ පාවෙන බව අලූත් චන්ද්‍රිකා ඡායාරූපවලින් පෙනෙන බවත් ඒවා අතුරුදන් වූ ජෙට් යානයේ විය හැකි බවත් මැලේසියාවේ වැඩ බලන ගමනාගමන ඇමති මාර්තු 27 වැනිදා ප‍්‍රකාශ කළා.

 
වර්ග සැතැපුම් 155ක පමණ ප‍්‍රදේශයක යානයේ සුන්බුන් විය හැකි යැයි සැක කළ කොටස් චන්ද්‍රිකා ඡායාරූපවලින් පෙනුනු හැටි.


මේ ඡායාරූප නිසා සෙවුම් කලාපය වර්ග සැතැපුම් 155කට (වර්ග කිලෝ මීටර 400කට) අඩු කරනු ලැබුවා. දැන් ඒ කලාපය තුළ සෙවීම ආරම්භ කර තියෙනවා.

පසුගිය දින කීපය තුළ සෙවීම් සිදු කළේ වර්ග සැතැපුම් 622,000ක පමණ ප‍්‍රදේශයකයි. 26 වැනිදා වන විට සෙවීම් සම්පූර්ණ කර තිබුණේ ඒ ප‍්‍රදේශයෙන් වර්ග සැතැපුම් 31,000ක ප‍්‍රමාණයක් පමණයි.

 
චන්ද්‍රිකා මගින් තොරතුරු සෙවීමේ මැලේසියනු ආයතනය විසින් පසුගිය බදාදා නිකුත් කළ සිතියම. මෙහි දක්වා ඇත්තේ එම්එච්370 යානයේ සුන්බුන් සැක කරන කොටස් චන්ද්‍රිකා ඡායාරූපවලට හසු වූ ප‍්‍රදේශයයි.

මැලේසියාවේ ආරක්ෂක ඇමති හා වැඩබලන ප‍්‍රවාහන ඇමති හිෂමුදීන් හුසේන් ප‍්‍රංශයේ එයාබස් ආරක්ෂාව හා අවකාශ කටයුතු බාර ආයතනය මගින් චන්ද්‍රිකා මගින් හසු කර ගෙන ඇති ඡායාරූප හා ඒවා දැකගත හැකි වූ කලාපයේ සිතියම් පෙන්වමින් එතෙක් ලබා ඇති ප‍්‍රගතිය පුවත්පත් කලාවේදීන්ට හා යානයේ ගමන් ගත් මගීන්ගේ ඥාතීන්ට එතෙක් ලබා ඇති ප‍්‍රගතිය විස්තර කළා.

මේ ආකාරයට ඔවුන්ට ලැබුණු හතර වැනි චන්ද්‍රිකා ඡායාරූප කට්ටලය මෙයයි. ඕස්ටේ‍්‍රලියාවේ පර්ත් නගරයේ සිට කිලෝමීටර් 2500ක් (සැතැපුම් 1550ක්) දුරින් පිහිටි මුහුදු ප‍්‍රදේශයක් තමයි ඡායාරූපවලින් දක්වුණේ. ඒ කැබලි මීටරයේ සිට මීටර 23ක් දක්වා දිගින් යුක්ත වූ බවයි, ඒවා නිරීක්ෂණය කළ විශේෂඥයන් සඳහන් කරන්නේ.

තවමත් ඒ කැබලි සෙවුම් නැව්වලටවත් ගුවන්යානාවලටවත් හමුවෙලා නැහැ. ඒ නිසා ඒවා යානයේ ඒවාමදැයි තවමත් නිල වශයෙන් පිළි අරගෙන නැහැ.

මාර්තු 8 වැනිදා මැලේසියානු ගුවන්සේවයේ එම්එච් 370 යානය ක්වාලා ලම්පූර්වලින් අහසට නැඟ චීනයේ බෙයිජිං බලා පියාසර කරමින් තිබියදී පැයකටත් අඩු කාලයකදී සිවිල් ගුවන් සේවා රේඩාර් තිරයෙන් මැකී ගියා. ඉන්පසු යානයේ ගමන් මග ගුවන්ගමන් පාලක මැදිරිවලට හසුකර ගත හැකි වූයේ නැහැ.

අතුරුදන් වූ යානය පිළිබඳ පරීක්ෂණ පවත්වන පරීක්ෂකයන් විශ්වාස කරන්නේ එම යානයේ යමින් සිටි කිසිවකු විසින් එහි සන්නිවේදන පද්ධති සියල්ල අකි‍්‍රය කර දමන්නට ඇතැයි කියායි.

 
බි‍්‍රතාන්‍ය චන්ද්‍රිකා ආයතනයක් මගින් යානය අවසන් වරට දුටු අවස්ථාවේ සිට එනම් මාර්තු 8 වැනි සිට මාර්තු 26 දා දක්වා යානය පියාසර කළේ යැයි අනුමාන කළ ප‍්‍රදේශය හා ඒ ආශි‍්‍රත සෙවීම් කි‍්‍රයාත්මක වූ ආකාරය ඉහතින් දැක්වෙනවා.

 
මැලේසියාවේ ආරක්ෂක ඇමති හා වැඩබලන ප‍්‍රවාහන ඇමති හිෂමුදීන් හුසේන් රූප සටහන් හා සිතියම් පෙන්වමින් මෙතෙක් ලබා ඇති ප‍්‍රගතිය විස්තර කර දුන් ආකාරය.

ඉන්පසු යානයේ ගමන් මග ආරක්ෂක හා හමුදා රේඩාර්වලට හසු වී තියෙනවා. යානයේ ගමන්මග වෙනස් කොට බටහිර දෙසට හැරී යළිත් මැලේසියානු අර්ධද්වීපය හරහා යනු ඒවා හසුකර ගෙන ඇති අතර රේඩාර් තිරයේ දිස්වුණු ආකාරයට යානය පළපුරුදු ගුවන් නියමුවකු එය හසුරුවන බව නිරීක්ෂකයන්ට පෙනී ගොස් තිබෙනවා.

මැලේසියානු ගුවන් හමුදාව නිරීක්ෂණය කරලා තියෙනවා එය වයඹ දිග වෙරළ ඔස්සේ ඉන්දියාව දෙසට පියාසර කරන බව.

මැලේසියානු ආරක්ෂක නියෝජ්‍ය ඇමති අබ්දුල් රහීම් බක්රි එරට පාර්ලිමේන්තුවේ දී කියා තියෙනවා. නොහඳුනන ගුවන්යානයක් වුවත් ඊට එරෙහිව පියවරක් නොගත් බවත්, එයට ආපසු හරවා යන ලෙස නියෝග කළ බවත්. ගුවන් හමුදාව නියෝග කළ නිසා ඒ අනුව ආපසු යන්නට ඇතැයි විශ්වාස කළ බවත් ඔහු වැඩිදුරටත් කියා තිබෙනවා.

 
2014 මාර්තු 26 වැනිදා පිළියෙල කළ සිතියමක්. අහසෙන් හා මුහුදෙන් සෙවුම් සිදුකළ ආකාරය පියවරෙන් පියවර මෙහි දැක්වෙනවා.

”අපේ රේඩාර් යානය නිරීක්ෂණය කළා. එය ආපසු හරවා යාමත්, සතුරු යානයක් නොවූ නිසාත් අපේ අය හිතල තියෙනවා, එය ගුවන්ගමන් පාලක මැදිරියේ උපදෙස් මත පියාසර කරන්නක්ය කියා.”

මේ වන තෙක් සෙවුම් සඳහා ඕස්ටේ‍්‍රලියාවට, ඇමරිකාවට, නවසීලන්තයට, චීනයට, ජපානයට හා දකුණු කොරියාවට අයත් නෞකා 12ක් පමණ සහභාගි වෙනවා. 26 වැනිදා ඒ ප‍්‍රදේශයේ මුහුද අති ප‍්‍රචණ්ඩ ස්වරූපයක් ගත්තෙන් සෙවුම් අත්හිටුවන්නට ඔවුන්ට සිදුවුණා.

මේ මුහුදු ප‍්‍රදේශය නාවිකයන් කවදත් හැඳින්වූයේ කිසිදාක හිතකර කාලගුණයක් නොදකින, උස් වූ ප‍්‍රචණ්ඩ රළ ගහන, නිතරම දරුණු කුණාටු හමන, කලාපයක් ලෙසයි.

”මෙහි යමක් තිබුණත් සොයා ගැනීම පහසුවන්නේ නැහැ. එක් අතකට කාලගුණයේ දරුණුකම වගේ ම මෙහි අවට මීදුමත් වැස්සත්, නිසා මුහුදේ ප‍්‍රචණ්ඩ ස්වභාවයට අමතරව පෙනීමත් ඉතාමත් අඳුරුයි” කියා ඕස්ටේ‍්‍රලියාවේ කාලගුණ විද්‍යා කාර්යාංශයේ නීල් බෙනට් පසනවා.

මෙහි අලූත්ම තත්වය යටතේ මැලේසියානු අගමැති නජීබ් රසාක් මැලේසියානු එම්එච් 370 යානය ඉන්දියානු සාගරයට කඩා වැටෙන්නට ඇතැයි තමන් පිළිගන්නා බව ප‍්‍රකාශ කළා. ඔහු මෙසේ යානය අනතුරට ලක් වූ බව තහවුරු කළේ බි‍්‍රතාන්‍යයේ ඉන්මාසෙට් චන්ද්‍රිකා ආයතනය ලබා දුන් තොරතුරු අනුව යමින්.

යානයේ සුන්බුන් සොයා ගත් පසුවයි, සිදු වූ දේ ගැන හරියටම නිගමනයකට එන්නට පුළුවන් වන්නේ. යානය හදිසියේ ම ගමන් මග වෙනස් කළේ ඇයි? මෙය සමහර විට ගුවන්යානා ඉතිහාසයේ ලොකුම අබිරහස වීමට ඉඩ තියෙනවා.

යානයට සිදු වූ දේ ගැන කතා රැසක් තියෙනවා. කඩාකප්පල්කාරී වැඩක්ද? නියමුවකුගේ දිවි නසා ගැනීමක් ද? එසේත් නැත්නම් යාන්ති‍්‍රක දෝෂයක් ද? මේ සියල්ල සැක හැර දැන ගන්නට හැකි වන්නේ යානයේ කළු පෙට්ටිය සොයා ගත්තාට පසුවයි.

කළු පෙට්ටියේ ඇති සංඥා නිකුත් කරන බැටරිය කි‍්‍රයා කරන්නේ අපේ‍්‍රල් 8 වැනි වන තෙක් පමණයි. ඊට පෙර එය වැටී ඇති තැනට එය සොයා ගැනීම සඳහා අවශ්‍ය විශේෂ උපකරණයය ගෙන යා යුතුයි. දැනට කියන විධියට ඇමරිකාවෙන් යන මෙම විශේෂ උපකරණය එහි ළඟා වීමට නියමිතව ඇත්තේ අපේ‍්‍රල් 5 වැනිදාටයි. කළු පෙට්ටිය වැටී ඇති තැන සොයා ගන්නට ඇත්තේ එතැන් සිට දින තුනක් විතරයි.

ඒ අතර එහි නියමුවන් ගැනත් විවිධ කතා පළ වෙනවා. අද එහි සහය නියමුවා වූ ෆරික් හමීඞ්ගේ පියා වූ අබ්දුල් හමීඞ් ඔහුගේ පුතු හිතා මතා යානය අනතුරට ලක් කරන්නට ඇතැයි කරන චෝදනාවලට උත්තර දුන්නේ කෝපයෙන්. ”මගේ පුතා ඒ විධියෙ කෙනෙක් නෙමෙයි. මේ තරම් පිරිසක් මරා ගෙන මැරෙන්න තරම් නරක කෙනෙක් නෙමෙයි” ඔහු කියනවා.

මේ අතර යානයේ ප‍්‍රධාන නියමු සහාරී අහමඞ් ෂාගේ සමීප හිතවතකු වූ නම හෙළි කිරීමට අකමැති වූ තවත් ගුවන් නියමුවෙකු කියා තිබෙනවා, ෂාගේ බිරිඳ ඔහුගෙන් වෙන් වීමට තීරණය කිරීම නිසා ඔහු දැඩි කනස්සලකින් පසු වූ බව. ඔහු එදා යානය මෙහෙයවන්නට සුදුසු මානසික තත්වයක නොසිටි බවයි ඔහු කියන්නේ.

අනෙක් තැති ගන්වනසුලූ තොරතුර වන්නේ අවසානයට කතා කළ අවස්ථාවේ දී නියමුවා එම්එච් 370 යානය අඩි 43,000ත් 45,000ත් අතර උසකට නැංවීමයි.

ගුවන්යානා කාර්මික විශේෂඥයන් කියන්නේ, ”යානය මේ තරම් උසකට නංවා මිනිත්තු 23ක් තිස්සේ ගමන් කර තියෙනවා, පහළ මට්ටමකට එන්නට පෙර. නියමු කුටියේ පීඩනය අඩු කළ විට ඔක්සිජන් සංචිතය මිනිත්තු 12කින් අවසන් වී මගීන් සියලූ දෙනාම සිහිමුර්ඡා වීමට ඉඩ තියෙනවා.” කියායි.

මෙවන් උසක දී වාතය ඉතාමත් තුනී වන නිසා ඔක්සිජන් සපයනු නොලැබුවහොත් එහි දී නියමුවන් ඇතුළු යානයේ සියලූ දෙනාම තත්පර හෝ මිනිත්තු කීපයක් තුළ හයිපොක්සියාවට (hypoxia) හෙවත් ඔක්සිජන් ඌනතාවට ගොදුරු වීමට ඉඩ තියෙනවා. මේ තත්වය ඇති වන්නේ නියමුවකු අතින් කි‍්‍රයා කර නියමු කුටියේ පීඩනය අඩු කළහොත් විතරයි.

”සියලූ දෙනාම සිහිමුර්ඡා වූ තත්වයක් යටතේ ස්වයංකී‍්‍රය නියමු පද්ධතිය සකි‍්‍රය කර තිබුණොත් යානය යොමු කර තිබූ දිසාවට එක එල්ලේ ගමන් කොට ඉන්ධන අවසන් වූ පසු කඩා වැටීමට ඉඩ තියෙනවා.” සෙන්ට‍්‍රල් ක්වීන්ස්ලන්ඞ් විශ්ව විද්‍යාලයේ ගගන විද්‍යා අංශයේ ප‍්‍රධානී රොන් බිෂොප් මේ තත්වය විමසමින් කියා තිබෙනවා.

මේ වන විට ඕස්ටේ‍්‍රලියාව, චීනය හා ප‍්‍රංශය යන රටවල් ද ඔවුන් ලබා ගත් චන්ද්‍රිකා ඡායාරූප මාධ්‍යයට නිකුත් කර තියෙනවා. ඒ හැම එකකින්ම පෙනෙන්නේ යානය ඒ ප‍්‍රදේශයට කඩා වැටී ඇති බවයි. ඒත් තවමත් ඒ ඡායාරූප වලින් දකින එක කැබැල්ලක්වත් හමුවී නැහැ.

පසුගිය අඟහරුවාදා ඒ ස්ථානයට ගිය ඕස්ටේ‍්‍රලියානු නාවික හමුදාවට අයත් නැවක් එහි පැවති ප‍්‍රචණ්ඩ කුණාටු තත්වය නිසා ඉවතට ගසා ගෙන ගියා. ඒ අවස්ථාවේදී පැවති මුහුදු රළ අඩි 66ක් (මීටර 20ක්) පමණ ඉහළ නැඟි බවයි, එහි නැවියන් කියන්නේ. ඒ නැව යළිත් එහි සෙවුම් සඳහා ආවා. ඒ අතර චීන හිම කඩනනැවක් හා තවත් චීන නාවික හමුදා නැව් දෙකක් සෙවුම් සඳහා එක් වී තියෙනවා.

ඒ නැව් සොයන්නේ ඔවුන්ගේ ගුවන් යානයකින් දුටු, ඒ යානයේ යැයි සැක කරන මීටර දෙකක් දිග කැබැල්ලක්.

දැන් යානයේ කළු පෙට්ටිය සොයා ගැනීමට කඩිනමින් කි‍්‍රයා කරන්න සිදු වී තියෙනවා. මැලේසිියානු රජය වෙනුවෙන් මේ ප‍්‍රදේශයේ සෙවුම් මෙහෙයවන ඕස්ටේ‍්‍රලියානු නාවික ආරක්ෂක අධිකාරිය කීවා, කළු පෙට්ටිය සොයන්නට ඇමරිකාවෙන් විශේෂ උපකරණයක් ඔවුන් වෙත එවා ඇති බව. එය හැඳින්වෙන්නේ ‘යූ එස් ටෝඞ් පින්ජර් ලොකේටර්’ (U.S. Towed Pinger Locator) කියලයි. ඒ සමග ‘බ්ලූෆින් - 21’ (Bluefin-21) දියයට කිමිදී ස්වයංකී‍්‍රයව සෙවීම් කළ හැකි ඩ්‍රෝනයක් (drone) හෙවත් කුඩා රොබෝ යානයක් ද එවා තියෙනවා. එයට අඩි 22,000ක් ගැඹුරේ සෙවීම් කළ හැකියි.

සංඥා ලොකේටරය මගින් ලබා ගන්නා සංඥා පරිගණකයකට ලබාගෙන විශ්ලේෂණය කරනවා. ඉක්පසු කළු පෙට්ටිය ඇති තැන සොයා ගත් පසු ඩ්‍රෝනර කුමුදුව එහි යවනවා.

මේ උපකරණය දැනටමත් ඕස්ටේ‍්‍රලියානු නාවික හමුදාවට අයත් ‘ඕෂන් ෂීල්ඞ්’ නෞකාවට යා කර ඇති අතර එය කි‍්‍රයාත්මක දිනය තවමත් ඕස්ටේ‍්‍රලියානු නාවික ආරක්ෂක අධිකාරිය විසින් හෙළිදරවු කර නැහැ.

ඔවුන් විසින් සොයා ගත යුතු ‘කළු පෙට්ටියෙහි’ ඇතුළත් වන්නේ නියමු කුටිය තුළ පටිගත කළ හඬ හා පියසැරි දත්ත වාර්තාව ආදියයි. පසුගිය අඟහරුවාදා මැලේසියාව කීවේ ‘යූ එස් ටෝඞ් පින්ජර් ලොකේටරය’ අපේ‍්‍රල් 5 වැනිදා තෙක් සෙවුම් කලාපයට ගෙන යා නොහැකි බවයි. ඒ අනුව කළු පෙට්ටියේ ඇති බැටරිය අකි‍්‍රය වී යන්නට පෙර එය සොයා ගැනීමට ඇත්තේ ඉතා සීමිත කාලයක් පමණයි.

මේ වන විට යානයේ සුන්බුන් හමුවෙතැයි බලාපොරොත්තුවෙන් යානයේ ගිය මගීන්ගේ ඥාතීන් ඕස්ටේ‍්‍රලියාවේ පර්ත් නුවර බලා යාමට පටන් අරන්. ඕස්ටේ‍්‍රලියානු රජය ඔවුන්ට නිදහසේ රටට ඇතුළු වීමට අවසර දී තියෙනවා. ඔවුන්ගෙන් වීසා ගාස්තු අය නොකරන බවත් ප‍්‍රකාශ කර තියෙනවා. ඒ වගේම එරට ජනතාවත් එන ආගන්තුකයන් පිළිගෙන නවාතැන් දෙන්න කැමැත්ත පළ කර තියෙනවා.

 
ප‍්‍රධාන නියමු සහාරී අහමඞ් ෂා ඔහුගේ බිරිඳ සහ දරුවන් දෙදෙනා සමග.

 
මේ තමා කළු පෙට්ටිය සොයන ‘පිංජර් ලොකේටරය’ එම්එච් 370 යානයේ කළු පෙට්ටිය සොයන්නට යවා ඇත්තේ මේ උපකරණයයි. මෙය යාත‍්‍රාවට ඈඳාගෙන මුහුදේ අඩු වේගයකින් යාත‍්‍රා කරන්න ඕනෑ. එවිට තමයි මෙයට සංඥා හසු කර ගත හැක්කේ.

සම්බන්ධිත පුවත් :

Comments

  1. මෙච්චර සාර්ථක අභිරහසක් හෙලිදරව් කරගන්න ලෝකයට පුලුවන් වෙයිද කියලා හිතන්නත් අමාරුයි. කොයි පැත්තෙන් බැලුවත් මේක මහ පැටලලි ගොඩක් විතරයි!

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.