Skip to main content

ඇමසන් වනාන්තරයෙන් මතු වූ ‘සේද රටාවේ’ අබිරහස හෙළිවේ!

පසුගිය වසරේ ජූනි මාසයේ පේරූ රාජ්‍යයේ ඇමසන් වනාන්තර කොටසේ අමුතුම දෙයක් දැක ගන්න ලැබුණා. ඒ කවාකාර සුදු කූඤ්ඤ පේළියක් බඳු ව්‍යුහයක්. මෙය ගුප්ත ‘සේද රටාවක්’ ලෙසයි පෙනුනේ.

සුදු පැහැති කුඩා කොතක් බඳු යමක් වටා වැටක් සිට වූ කලෙක මෙන් පෙනුණු මෙය අබිරහසක් ලෙසයි, මුලින් ම දුටු ට්‍රෝයි ඇලෙක්සැන්ඩර් සිතුවේ. ඔහු ඇමරිකාවේ ජෝර්ජියා තාක්ෂණික විශ්ව විද්‍යාලයේ පශ්චාත් උපාධියක් හදාරන්නෙක්.

මේ සුවිශේෂ රටාව ඔහුට දක්නට ලැබුණේ පේරූ රාජ්‍යයේ ටැම්බොපටා (Tambopata) ජාතික වන රක්ෂිතයේ පිහිටි පර්යේෂණායතනයකදියි. එහි නිල් ටාපොලින් කූඩාරම් රෙද්දකයි, ඔහු මුලින් ම තිබෙනු දුටුවේ. ඉන්පසු තවත් එවැන්නක් සෙක්‍රොපියා ගසක තිබෙනු ඔහු දුටුවා. ඔහු ඒ අවස්ථාවේ සිටියේ ටැම්බොපටා විද්‍යා පර්යේෂණායනයේ අධ්‍යයන කටයුතුවල යෙදෙමින්.

මේ සේද රටාව මුලින්ම දුටු ට්‍රෝයි ඇලෙක්සැන්ඩර් ටාපොලීන් රෙද්දේ බැඳ තිබුණු අයුරු ඡායාරූප ගත කොට ඔහු අන්තර් ජාලය හරහා වෙබ් අඩවි ගණනාවක් ඔස්සේ මෙය කුමක්දැයි හඳුනා ගන්නට උදවු ඉල්ලා තිබුණා.

පසුගිය දා මේ අබිරහස අනාවරණය කර ගත්තා ඒ පේරූ ඇමසන් වනාන්තරයට ගිය ලෝක ප‍්‍රකට වනජීවී ඡායාරූප ශිල්පියකු විසින්. ඔහු නමින් ජෙෆ් ක්‍රෙමර් (Jeff Cremer). පේරූ අගනුවර වූ ලීමා හී වසර අටක් තිස්සේ පදිංචිව සිටින ඇමරිකානු ජාතිකයෙක්. දින අටක් තිස්සේ මේ අබිරහස සොයා ගනු පිණිස ගවේෂණයේ යෙදුණු ඔහුට මේ අබිරහස් ව්‍යුහය කුමක්දැයි සොයා ගන්නට හැකි වුණා.

 
පසුගිය වසරේ ජූනි මාසයේ දී මුලින් ම දැක ගන්නට ලැබුණු වේලේ, මේ සුදු පැහැති කුඩා කොතක් බඳු යමක් වටා වැටක් සිට වූ කලෙක මෙන් පෙනුණු මේ අබිරහස් ‘සේද රටාව’ දැන් සොයා ගෙන තියෙනවා මේ රඹ පැහැති මකුළුවාගේ වැඩක් බව.

ඔහු එහි ඡායාරූප ගත්තා. ඒවා තමා අද අප ඔබට ඉදිරිපත් කරන්නේ. දින ගණනාවක් ඒ ගැන අවධානයෙන් සිටි ඔහුට දැකගත හැකි වුණා, මෙය එක්තරා මකුළු විශේෂයක් බිත්තර දමන්නට සැකසු තැනක් බව. ඒ ඒ මැද තිබූ බිත්තර පුපුරා මකුළු පැටියකු එළියට එනවා දුටු පසුවයි. ඔහු මකුළුවාත් ඡායාරූපයට නගන්නත් සමත් වුණා.

වනජීවී පර්යේෂකයන්ට පවා ඒ ගැන මුලින් ම සිතා ගන්නට හැකියාවක් තිබුණේ නෑ. ඒ කුමක්ද කියා ජෙෆ් ක්‍රෙමර්ට තේරුම් ගන්නට හැකි වුණේ ඒ තුළින් රඹ පැහැති මකුළු පැටියකු එළියට එනු දැකීමෙන්.

දැන් ජෝර්ජියා විශ්ව විද්‍යාලයේ හා පේරූ පර්යේෂණායතනයේ සිටින ඇරැක්නිඩාවන් පිළිබඳ විශේෂඥයන් හා කීට විද්‍යාඥයන් උත්සාහ කරනවා මේ මකුළුවා අයත් වන්නේ කුමන ගෝත‍්‍රයකට දැයි නිගමනය කරන්න.

ලොව පුරා වනජීවී ඡායාරූප ගැනීමෙහි නිරතවෙමන් ඒ සඳහා සම්මාන රැසක් දිනා ගැනීමට පවා සමත් වූ ජෙෆ් ක්‍රෙමර් තමයි, දැක තියෙන්නේ මේ ‘සේද රටාව’ තුළින් රඹ පැහැති පුංචි මකුළු පැටියකු එළියට එනවා. මේ තවමත් නමක් දමා නැති මකුළුවා ඒ සේද රටාව මැද පුංචි කනුවක් තනා ඒ කනුව මුල බිත්තර දමන බවත්, ඒ්වායේ ආරක්ෂාවට වැටක් තනා ඇති බවත් මුලින් ම නිරීක්ෂණය කිරීමට සමත් වුයේ ඔහුයි.

”අපි මේ සඳහා විශේෂ මෙහෙයුමක් දියත් කළා. මේ අබිරහස් සේද රටාව කුමක්ද? එය තනන්නේ කුමන වර්ගයේ සතෙක් විසින් දැයි සොයා ගන්නයි අපට අවශ්‍ය වුණේ. ඒ නිසා මේ ව්‍යුහයන් සොයා ඡායාරූප ගත කරන්න පටන් ගත්තා.” ඔහු පවසනවා.

”මං හිතන්නේ මේ මැද තියෙන කනුව මුල දමන බිත්තරවල ආරක්ෂාවටයි, වටේට ඇති වැට නිර්මාණය කරල තියෙන්නෙ. ඒ වගේම එහි ඇතුළුවන්නට තැත් කරන කූඹින් අල්ලා ගෙන කන්නටත් ඒ මකුළු දෙනට පුළුවන්. අනික් අතට මෙය බිත්තරවල ආරක්ෂාවට කරන වෙස්වලා ගැනීමක් වෙන්නත් පුළුවන්. එවිට දිලීරයක් හෝ ලයිකනයක් හෝ සිතා ඒ බිත්තරවලට හානි කරන්නට එන සතුන් පලවා හරින්නට හැකි වෙනවා ඇති.” ඔහු ඒ ගැන අදහස් දක්වමින් කියනවා.

ඒ වගේම ඔහු ‘වයර්ඞ් කොම්’ (Wired.com) වෙබ් අඩවියට කියා තියෙනවා, මේ ව්‍යුහයක් හතරක්ම ගස්වල තිබෙනු දුටු බව. ඒ හැම එකක් ම සෙන්ටිමීටර් දෙකක පමණ විෂ්කම්භයකින් යුක්ත යැයි ද ඔහු වැඩිදුරටත් කියනවා.

 
2013 ජූනි මාසයේ දී මුල්වරට ට්‍රෝයි ඇලෙක්සැන්ඩර් මේ ‘සේද රටාව’ දුටුවේ ඔහු පර්යේෂණ කටයුතුවල නිරතව සිටි පේරූ ඇමසන් වනාන්තරයේ ටැම්බොපටා විද්‍යා පර්යේෂණායනය අසල නිල් පැහැති ටාපොලීන් කුඩාරම් රෙද්දකයි. මෙහි ඇත්තේ ඒ ව්‍යුහයක් ඒ අසල ගසක බැඳ තිබුණු අයුරුයි.

මේ හා සමාන ව්‍යුහයන් මීට කලින් ඡායාරූපයට නඟා තියෙන්නෙ අවස්ථා දෙකකදී විතරයි. ඒත් දකුණු ඇමරිකාවෙදිම පමණයි. ඒ එක්වදෝරයෙන් හා ප‍්‍රංශ ගයානාවෙන්.

 
මේ අබිරහස සොයා පේරූ ඇමසන් වනාන්තරයට ගිය වනජීවී ඡායාරූප ශිල්පී ජෙෆ් ක්‍රෙමර් සමත් වුණා ගසක් මත බැඳ තිබූ ඒ සේද රටාව මේ මකුළු විශේෂය විසින් නිර්මාණය කරන්නක් බව සොයා ගන්නට. දැන් විද්‍යාඥයන් උත්සාහ කරනවා මේ මකුළුවා හඳුනා ගන්නට.

 
මේ සේද රටාව මුලින්ම දුටු ට්‍රෝයි ඇලෙක්සැන්ඩර් ටාපොලීන් රෙද්දේ බැඳ තිබුණු අයුරු ඡායාරූප ගත කොට ඔහු අන්තර් ජාලය හරහා වෙබ් අඩවි ගණනාවක් ඔස්සේ මෙය කුමක්දැයි හඳුනාගන්නට උදවු ඉල්ලා තිබුණා.

 
තවමත් මේ අපූරු ව්‍යුහය තනන මකුළුවා කවුරුන්දැයි හඳුනා ගෙන නැහැ. ඒ වගේ ම මේ අමුතු ව්‍යුහය ගැනත් තව සොයා ගෙන ස්ථිර කර ගත යුතු දේ තියෙනවා. දැනට අප දන්නේ ක්‍රෙමර් දැක් වූ අදහස් විතරමයි.



Comments

  1. vshwaya vishmithai thanks for share

    ReplyDelete
  2. මම මේ මල් කැකුලු කියවන්නෙ සෑහෙන කාලෙක ඉඳන්.. ඒත් අදහස් පලකලෙ නෑ.. ඒ වුනාට මිතුරන් අතරට නම් ලින්කුව යවල තියෙනව මේක බලන්න කියල.. ඇත්තටම මට මාරම වැදගත් කැකුළු ටිකක්..

    ReplyDelete
  3. මම හිතුවෙ ඒකත් පිටසක්වල වැඩක් කියල.:D

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.