Skip to main content

නයගරා ඇල්ල සීතලෙන් ගල් ගැසී යයි! මේ දසුන් දකින ඔබ විස්මයෙන් ගල් ගැසේවි!

පසුගිය දා ඇමරිකාවට බලපෑ ධ‍්‍රැවික සුළි කුණාටුව (polar vortex) නිසා එදිනෙදා ජීවිතයට බොහෝ ප‍්‍රශ්න ඇති වූ බව ඔබ දන්නවා. ගුවන් ගමන් 12000ක් විතර අත්හිටවනු ලැබුවා. ගුවන් මගීන් ලක්ෂ ගණනක් අතරමග හිර වුණා. ඇමරිකාවේ ආර්ථිකයට විතරක් ඩොලර් බිලියන 5කට වැඩි පාඩුවක් සිද්ධ වුණා.

ඒ වුණාට අද අපි මේ සූදානම් වන්නේ ලෝක ප‍්‍රකට නයගරා දිය ඇල්ලට වුණු හදිය කියන්නයි. ඇමරිකා එක්සත් ජනපදයත් කැනඩාවත් අතර පිහිටා ඇති මේ සුන්දර දිය ඇල්ල ධ‍්‍රැවික සුළි කුණාටුව නිසා දිය මිදී යාම නිසා සිය ගමන නතර කොට මුළුමනින් ම අයිස් බවට පත් විය හැකි තත්වයක් ඇති වුණා.

නයගරා දිය ඇල්ල ඉහළ සිට පහළ ගලා වැටෙද්දී බිමට වැටෙන්න ඔන්න මෙන්න කියා තිබියදී සීතලෙන් ගල් ගැසී ඇති ආකාරය මේ පින්තූරවලින් ඔබට දැක ගන්න පුළුවන්.

නයගරා ෆෝල්ස් ස්ටේට් පාක්හී ප්‍රොස්පෙක්ට් පොයින්ට් හා රේන්බෝ බි‍්‍රජ් පිහිටි ප‍්‍රදේශයෙහි ජලය ඇති හැම තැනක් ම මිදී ගියා. පාලම යටින් ගලා ගිය ජලය මිදුණා. හිමපතනයත්, සමග මිහිදුම පවා ඝන වුණා.

පසුගිය අඟහරුවාදා (2014 ජනවාරි වැනිදා) නයගරා දිය ඇල්ල පිහිටි ප‍්‍රදේශයේ කාලගුණය වාර්තාගත ලෙස වෙනස් වීමක් සිදුවුණා. මෙතෙක් නොවූ විරූ දැඩි ශීතලක් පැතිර ගියා. උෂ්ණත්වමාපකයේ එය සටහන් වූයේ ෆැරන්හයිට් -2ක් ලෙසයි. ඒත් ඒ අවස්ථාවේ එහි හමා ගිය සුළඟ කෙතරම් ශීතල වීද යත් එහි යන අයට දැනුණේ ෆැරන්හයිට් රින 20ක් ලෙසයි.

බොහෝ දෙනා සිතුවේ මේ දැඩි ශීත කාලගුණය නිසා සංචාරකයන්ගේ පැමිණීම අඩුවෙතැයි කියා නමුත් එසේ වූයේ නැත. මේ දුර්ලභ අවස්ථාව දැක බලා ගන්නත්, ඡායරූපයට නඟන්නත් බොහෝ දෙනා උත්සුක වුණා.

ඓතිහාසික වාර්තාවලට අනුව මේ හා සමාන දැඩි සීතලක් 1848 දීත් නයගරා ඇල්ල ප‍්‍රදේශයට උදා වී තියෙනවා. 1936 දී නයගරා දිය ඇල්ලට අයත් දිය ඇලි තුනෙන් උසින් අඩුම දිය ඇල්ල වූ ඇමරිකන් නයගරා ඇල්ල යන කොටස මුළුමණින්ම මිදී ගොස් තියෙනවා.

මෙහි දැක්වෙන ඡායාරූපවලින් 1890 දී හෝ 1902 දී මෙන් ම 1911 දී හෝ 1912 දී නයගරා ඇල්ල මිදී ගිය අවස්ථා ද දැක ගත හැකියි. ඡායාරූපයට නඟා ඇති පැරණිම අවස්ථා ඒවායි. මේවායේ ඡායාරූප ශිල්පීන් කවුරුන්දැයි වාර්තා වී නැහැ. ඒත් පැරණි වාර්තාවල දැක්වෙන පරිදි හිම මිදුණු එවැනි එක් අවස්ථාවක දී, එනම් 1912 දී පාලමක් සේ බැඳුණු අයිස් තට්ටුවක් කඩා වැටී ඒ හරහා යන්නට ගිය තිදෙනකු මරණයට පත් වෙලා තියෙනවා.

2014 ජනවාරි 8 වැනිදා කැනඩාවේ ඔන්ටාරියෝ සිට ගත් මේ ඡායාරූපයෙන් දැක්වෙන්නේ නයගරා දිය ඇල්ලේ ඇමරිකා එක්සත් ජනපදය පැත්තේ දසුනක්.

නයගරා දියඇල්ල ඇද හැලෙන ආකාරයත් එය පොළොව සිප ගැනීමට පෙර මිදී ගල්වී ඇති ආකාරයත් මේ චිත්තාකර්ෂණීය ඡායාරූපවලින් පෙනේ.

ඇමෙරිකාවටත් කැනඩාවටත් එකසේ බලපෑ ධ‍්‍රවීක සුළි කුණාටුව ගලා හැලෙන නයගරා දිය ඇල්ල මොහොතකට නවතා මේ අපූරු රටා මැව්වේ මෙහෙමයි.

නයගරා ඇල්ල පිහිටි ගඟ හරහා දමා ඇති ‘රේන්බෝ බි‍්‍රජ්’ හෙවත් අලංකාර දේදුනු පාලමට යටින් ගලන ගඟ මිදී ඇති ආකාරය.

ධ‍්‍රවික සුළි කුණාටුව ඇමරිකාවේ හා කැනඩාවේ කෝටි 24ක ජනගහනයකට තදින්ම බලපෑවා.


ධ‍්‍රවීක සුළි කුණාටුව නයගරා දිය ඇල්ල අවට ප‍්‍රදේශය මිදුණු හිමෙන් වැසුණු විස්මලන්තයක් බවට පත් කළේ මෙහෙමයි.

නයගරා ෆෝල්ස් ස්ටේට් පාක්හී ප්‍රොස්පෙක්ට් පොයින්ට් හිමෙන් වැසී තිබුණේ මෙහෙමයි.

මෙතරම් වාර්තාගත උෂ්ණත්වය පහළ වැටීමක් සිදුවුනත් සංචාරකයන් අඩු වුණේ නැහැ. ඒ අපූරු අත්දැකීම විඳ ගන්නත් සංචාරකයන් ආවා.

නයගරා ඇල්ලේ අසිරිය දකින්නට, කැනඩාවේ ඔන්ටාරියෝහි විශේෂයෙන් සකසා ඇති ස්ථානයක සිට මෙය දැක බලා ගන්නට තවමත් සංචාරකයන් එනු දැකිය හැකියි.

පසුගිය අඟහරුවාදා තමයි, නයගරා ප‍්‍රදේශයේ කාලගුණය වාර්තාගත ලෙස වෙනස් වුණේ. දැඩි ශීතලක් පැතිරුණා. උෂ්ණත්වමාපකයේ එය සටහන් වූයේ ෆැරන්හයිට් -2ක් ලෙසයි. ඒත් එහි හමා ගිය සුළඟ එහි ගිය අයට දැනුණේ ෆැරන්හයිට් -20ක් ලෙසයි.

උණුසුම් කාලයට නයගරා දිය ඇල්ල පෙනෙන්නේ මෙහෙමයි.

1911 දී හෝ 1912 දී නයගරා ඇල්ල මිදී ගිය අයුරු ඡායාරූපයට නඟා ඇති පැරණිම අවස්ථාවක් ලෙස සැලකිය හැකියි.

 
1890 දී හෝ 1902 දී හෝ නයගරා දිය ඇල්ල මිදුණු හිමෙන් වැසුණු අවස්ථාව.

අධි ශීත කාලයේ දී නයගරා ගංගාව හරහා ඉවුරෙන් ඉවුර යා කෙරෙන ආකාරයෙන් මිදුණු දියෙන් තැනෙන පාලම් දැක ගත හැකියි. මේ එවැන්නක 1936 දී පමණ ගන්නා ලද ඡායාරූපයක්.



Comments

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.