Skip to main content

සිංහල සිනමාවේ වයස 67 ද? 78 ද? තවමත් ජීවමානව ඉන්නා පැරණිම සිනමාවේදියා අමරදේව!

අදට සිංහල සිනමාවට අවුරුදු 67ක් වෙනවා කියලයි කියන්නෙ. ඒත් ඒක හරිද? මුල්ම සිංහල කතානාද චිත‍්‍රපටය වූ ‘කඩවුණු පොරොන්දුව’ 1947 ජනවාරි 21 වැනිදා තිරයට ආවේ කොළඹ කිංස්ලි සිනමාහලේදියි. ඒ නිසයි, ජනවාරි 21 වැනිදා සිංහල චිත‍්‍රපටයේ උපන් දිනය ලෙස සැලකෙන්නේ. නමුත් සිංහල චිත‍්‍රපට කීපයක් ඊට කලින් තැනුවා. ඒ වගේම ප‍්‍රදර්ශනය කළා.

1922 දී ඉන්දියාවේ කල්කටා නුවර පැවති සර්වඥ ධාතු ප‍්‍රදර්ශනයට ධර්මපාල තුමන් සහභාගි වූ ආකාරය දැක්වෙන නිහඬ කෙටි වාර්තා චිත‍්‍රපටයක් පැලස් ශාලාවේ දී තිර ගත කෙරුණා. ඒක සිංහල බෞද්ධ ජනතාව දහස් ගණනින් නැරඹූ බව සඳහන් වෙනවා. එයින් අදහසක් ඇති කර ගත් ටී. ඒ. නූර්බායි නම් චිත‍්‍රපට ප‍්‍රදර්ශකයා සිංහල චිත‍්‍රපටයක් තැනීමට මුල් වුණා. 1925 දී ඔහු නිෂ්පාදනය කළ එය නිහඬ චිත‍්‍රපටයක්. ‘ශාන්තා නොහොත් රාජකීය වික‍්‍රමය’ නමින් නිපදවුණු ඒ චිත‍්‍රපටයේ ප‍්‍රධාන චරිත රඟපෑවේ ඇන්. ඇම්. පෙරේරා (පසුව අමාත්‍යවරයකු වූ ආචාර්ය ඇන්. ඇම්. පෙරේරා) සමග සිබිල් ෆිට්, ඇල්බට් සිල්වා, ගේ‍්‍රෂන් පෙරේරා, රෙජිනෝල්ඞ් පෙරේරා, පර්සි පෙරේරා ආදීන්. කැමරාව මෙහෙයවමින් අධ්‍යක්ෂණය කළේ ගුප්ත නම් ඉන්දියානු ජාතිකයෙක්. කලා අධ්‍යක්ෂවරුන් වූයේ ඇම්. සාර්ලිස් හා ජී. එස්. ප‍්‍රනාන්දු යන දෙදෙනාට බාර වූයේ රූප අතරට එක් වන දෙබස් සිංහල අකුරෙන් ලිවීමයි. මේ චිත‍්‍රපටය මෙරට ප‍්‍රදර්ශනය නොකළද එහි ප‍්‍රධාන චරිතය රඟපෑ ඇන්. ඇම්. පෙරේරා සිංහල චිත‍්‍රපටයක රඟපෑ ප‍්‍රථම නළුවා ලෙස ඉතිහාසයට එක් වෙනවා.


මෙය බම්බලපිටියේ නිවසක සකසා ගත් කුඩා චිත‍්‍රාගාරයක දී කැමරාවට නගා රසායනික හා තාක්ෂණික කටයුතු සඳහා ඉන්දියාවට ගෙන එය ඒ කටයුතු නිමවා එහි පිටපත ඉන්දියාවේ හා සිංගප්පූරුවේ නරඹන්නන් ඉදිරියේ ප‍්‍රදර්ශනය කළ බව සිනමා ඉතිහාසය ලියන ඞී. වී. සෙනෙවිරත්න සඳහන් කර තියෙනවා. එහි පිටපත ලංකාවට ගෙන එන අතරමගදී ගිනි ගෙන විනාශ වූ නිසා මෙරට ප‍්‍රදර්ශනය නොවූ බවත් කියැවෙනවා. මෙය කිසියම් කුමන්ත‍්‍රණකාරී ප‍්‍රයත්නයක් නිසා සිදුවූවක් ලෙසයි, සැලකෙන්නේ.


මේ සමගම සිංහල චිත‍්‍රපටයක් තැනීමේ තවත් උත්සාහයන් ගණනාවක් විවිධ අය විසින් ගනු ලැබුවද ඒ කිසිවක් මල්පල ගැන් වුණේ නෑ. එහෙත් 1933 දී එවකට ටවර්හෝල් සංගීතඥයකු වූ ඩබ්ලිව්. දොන් එඞ්වඞ් විසින් ‘පළිගැනීම’ කියා නිහඬ චිත‍්‍රපටයක් නිෂ්පාදනය කොට ප‍්‍රදර්ශනය කර තියෙනවා. ඔහු විසින් ම කැමරාව මෙහෙයවා අධ්‍යක්ෂණය කර ඇති, විනාඩි 30ක් (රීල් තුනක්) වූ, මෙම චිත‍්‍රපටය මුලින් ම ප‍්‍රදර්ශනය වුණේ මීට වසර 81කට පෙර එනම් 1933 මැයි මාසයේ 19 වැනිදා කොළඹ ගෙයිටි සිනමා හලේදියි. එහි ප‍්‍රධාන චරිතය රඟපෑ ඇන්. ආර්. ඩයස් මෙරට ප‍්‍රදර්ශනය කළ ප‍්‍රථම සිංහල චිත‍්‍රපටය ලෙස සැලකිය හැකි ‘පළිගැනීම’ චිත‍්‍රපටයේ ප‍්‍රධාන නළුවා ලෙස ඉතිහාස ගත වෙනවා. මේ අවස්ථාව දේශීය සිංහල සිනමාවේ ආරම්භය ලෙස සලකන්න පුළුවන්. එහෙම නම් සිංහල සිනමාවට දැන් වයස 78ක් වෙන්න ඕනෑ.

හැබැයි එයින් පස්සේ 1947 වන තෙක් සිංහල චිත‍්‍රපටයක් ආවෙ නෑ. 1939 දී ලූවී සීඞ්ල් සමාගම සිංහල චිත‍්‍රපටයක් තනන්න හැදුවා, හරි ගියේ නෑ. චිත‍්‍රපට ප‍්‍රදර්ශක සමාගමක් වූ සිලෝන් තියටර්ස් සමාගමත් ශී‍්‍ර වික‍්‍රමරාජසිංහ චරිතය ඇසුරෙන් සිංහල චිත‍්‍රපටයක් නිපදවන්න තැත් කළත් සාර්ථක වුණේ නෑ. ඉම්පීරියල් සමාගමත් ‘පේ‍්‍රමවතී’ නමින් නිෂ්පාදනයට අත ගැසුවත් එයත් තිරයට ආවේ නෑ.


1945 අවුරුද්දේ සිංහල චිත‍්‍රපටයක් හදන්න සිතූ ඇස්. ඇම්. නායගම් චිත‍්‍රකලා මුවිටෝන් නමින් නිෂ්පාදන සමාගමක් පිහිටුවා ඒ සඳහා ඉන්දියාවේ මදුරෙයි නගරයේ චිත‍්‍රකලා නමින් චිත‍්‍රාගාරයක් ද ආරම්භ කළා. ඔහු මුලින් ම ශාන්තිකුමාර් එක්ක ශී‍්‍ර වික‍්‍රම රාජසිංහ ගැන සිංහල චිත‍්‍රපටයක් හදන්න සැලසුම් කළත් වියදම් අධික වීම එය අතර මග නවතා දමා පසුව ශාන්තිකුමාර්ගේ ‘අශෝකමාලා’ තිර පිටපත ඔස්සේ චිත‍්‍රපටයක් තැනීමට අත ගැසුවත් එයත් වැරදී ගියා. එහි අධ්‍යක්ෂණය පිළිබඳ ඇති වූ මතභේදයක් නිසා ශාන්තිකුමාර් අත්හැර දමන්නට ඔහුට සිදු වුණා. ඉන්පසුව දිවයින පුරා 800 වාරයකටත් වඩා පෙන්වා ජනපි‍්‍රය වූ ඒ බී. ඒ. ඩබ්ලිව්. ජයමාන්නගේ මිනර්වා සමාගමේ වේදිකා නාට්‍යයක් වූ ‘කඩවුණු පොරොන්දුව’ ඇසුරෙන් චිත‍්‍රපටයක් කරන්න එකඟ වුණා.

ඒ වන විටත් ෂන්මුග චිත‍්‍රපට සමාගමත් ලයිලා මජ්නු පේ‍්‍රමකතාව ඇසුරෙන් ‘දිව්‍ය පේ‍්‍රමය’ නමින් සිංහල චිත‍්‍රපටයක් තනන්නට දකුණු ඉන්දියාවට ගොස් සිටියා. සිංහල කතානාද චිත‍්‍රපටයක් හදන්න ඉන්දියාවට ගිය මුල්ම පිරිස ඒ අයයි. ඔවුන්ට එහිදී නොයෙකුත් කරදරවලට මුහුණපාන්නට සිදු වූ අතර එහි නිෂ්පාදන කටයුතු ද පමා වුණා. ඒ චිත‍්‍රපටය මෙරට ප‍්‍රදර්ශන කෙරුණේ 1948 මැයි 22 වැනදායි.

පසුව ශාන්තිකුමාර්ගේ ‘අශෝකමාලා’ පිටපත ඇසුරෙන් චිත‍්‍රපටයක් නිපදවන්න සිලෝන් තියටර්ස් සමාගම කැමති වුණා. ඉන්දියාවේ කොයිම්බටූර්හී සෙන්ට‍්‍රල් චිත‍්‍රාගාරයේ එහි නිෂ්පාදන කටයුතු ඇරඹුණා.


මෙරට ප‍්‍රදර්ශනය කෙරෙන ප‍්‍රථම කතානාද සිංහල චිත‍්‍රපටය වන්නට මේ නිෂ්පාදන කණ්ඩායම් දෙක අතර විශාල තරගයක් පැවතුණා. අන්තිමේ දී මේ තරගයෙන් ජය ගත්තේ ‘කඩවුණු පොරොන්දුව’ චිත‍්‍රපටයයි. එය 1947 ජනවාරි 21 වැනිදා තිරයට කොළඹ කිංස්ලි සිනමාහලේ තිරගත වුණා. එවකට වේදිකාවේ අතිශය ජනපි‍්‍රය ව සිටි එඞී ජයමාන්න හා රුක්මණී දේවි එහි රඟපෑම නිසා විශාල ආදායම් වාර්තා තබන්නට ඒ චිත‍්‍රපටය සමත් වුණා.

‘අශෝකමාලා’ දෙවන කතානාද චිත‍්‍රපටය ලෙස 1947 අපේ‍්‍රල් 9 වැනි දින මරදානේ ඇල්පින්ස්ටන් ශාලාවේ දී තිරගත වුණා. එය සිංහල සිනමාවේ කඩවුණු පොරොන්දුවට වඩා වැදගත් මං සලකුණු කිහිපයක් තැබූ චිත‍්‍රපටයක්. ස්වතන්ත‍්‍ර තිර පිටපතක් යොදා ගෙන තැනුණු, එසේ ම සිංහලයකු සම අධ්‍යක්ෂණයෙන් එක් වූ ප‍්‍රථම කතානාද චිත‍්‍රපටය එයයි. ශාන්තිකුමාර් සෙනෙවිරත්න එහි පිටපත ලියා සම අධ්‍යක්ෂ ලෙස කටයුතු කළා. (එහි අනෙක් සම අධ්‍යක්ෂවරයා වූයේ ටී. ආර්. ගෝපු නම් ඉන්දියානු ජාතිකයායි.) සාලිය අශෝකමාලා පෙම්පුවත ඇසුරු කර ගෙන, සිංහල දෙමළ ජාතික සමගිය තේමාව කර ගෙන නිපදවූ එහි සංගීතය ද ගීත තනුද ස්වතන්ත‍්‍ර ඒවා වුණා. මොහොමඞ් එහි සංගීත අධක්ෂවරයා වූ අතර එහි සහය සංගීත අධ්‍යක්ෂවරයා වූයේ ඩබ්ලිව්. ඞී. ඇල්බට් පෙරේරායි. (ඒ අප කවුරුත් දන්නා අපේ මහා ගාන්ධර්වයා වූ ආචාර්ය පණ්ඩිත් අමරදේවයි.)

සංගීතඥ මොහොමඞ් ගවුස් ඇල්බට් පෙරේරා තරුණයා ඔහු සමග කැටුව ගියේ වයලීන වාදකයකු හැටියට ඔහුට සහය වෙන්නටයි. එහෙත් චිත‍්‍රපටයට ඔහුගෙන් ලැබුණු දායකත්වය ගැන පැහැදුණු ගවුස් ඇල්බට් පෙරේරා තරුණයාට නොකියාම එහි සහාය සංගීත අධ්‍යක්ෂ ලෙස ඔහුගේ නම එහි නාමාවලියට ඇතුළත් කිරීමට උනන්දු වූ තිබෙනවා. ආචාර්ය පණ්ඩිත් අමරදේවයන් අදත් එය කෘතවේදීව සිහිපත් කරනවා.

මේ ඉහත සඳහන් කළ සිංහල සිනමාවේ පුරෝගාමී චිත‍්‍රපටවලට දායක වූ එක් අයකු හැර, අනික් සියලූ දෙනාම, අද මේ සමරන මොහොතේ ජීවතුන් අතර නැහැ. එසේ ජීවමානව සිටින එකම සිනමාවේදියා ආචාර්ය පණ්ඩිත් අමරදේවයි. ඔහු අශෝකමාලා චිත‍්‍රපටයේ සහය සංගීත අධ්‍යක්ෂවරයා වූවා විතරක් නෙවෙයි, ‘ඇයි කළේ යමෙක් ආලේ’ ගීය ගයමින් එහි රඟපෑමක් ද කළා. ඒ නිසා ඔහු ජීවතුන් අතර සිටින පැරණිම සිංහල චිත‍්‍රපට නළුවාත්, පැරණිම ගායකයාත් චිත‍්‍රපටයේ ක්ෂේත‍්‍ර කීපයක් හෙබවූ පැරණිම සිනමාවේදියාත් ඔහුයි. අපි ඔහුට චිරජීවනය ප‍්‍රාර්ථනා කරමු!

- පර්සි ජයමාන්න



Comments

  1. කවදාවත් අහල නොතිබුන විස්තරයක්... බොහොම ස්තුතියි...

    ReplyDelete
  2. අළුත් විස්තර ගොඩක් තියෙනවා. හොඳයි එකතු කළ එක. මාත් අමරදේවයන්ගෙ හොඳ පංකාවක්. :)

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.