Skip to main content

පරිණාමයේ අබිරහස් හෙළි කරන ආදීම මිනිස් ජාන (DNA) !

විද්‍යාඥයන් විසින් මේවා සොයා ගෙන ඇත්තේ මීට වසර හාරලක්ෂයකට පෙර මිහිමත ඇවිද ගෙන ගිය මිනිසකුගේ ජංඝාස්ථියකින්. වෙනත් විධියකින් කීවොත් කලවා ඇටයකින්.

ඒක අයිතිකරුවා පැරණි මානවයෙක්. එයා හැඳින්වුණේ හෝමෝ හයිඩෙල්බර්ජෙන්සිස් (Homo heidelbergensis) කියලයි. මිනිස් පරිණාමය පිළිබඳ කතාවේ අලූත් පරිච්ෙඡ්දයක් මේ නිසා ලියැවෙනවා.

දරුණු ලෙස ක්ෂය වීමට ලක් වූ, අති පැරණි ඞීඑන්ඒ, නව තාක්ෂණික ක‍්‍රම යොදා ගෙන යළි ප‍්‍රකෘති තත්වයට පත් කොට ඒ පිළිබඳ දත්ත එක් රැස් කර ගැනීමට විද්‍යාඥයන් සමත් වී තියෙනවා. මෙවැනි අස්ථි කුඩු ග්?ම් දෙකක ප‍්‍රමාණයකින් සජීවීව තිබියදී එහි අන්තර්ගතව තිබූ සම්පූර්ණ මයිටොකොන්ඞී‍්‍රය ජිනෝමියක් යළි සකසන්න මේ විද්‍යාඥයන් සමත් වීම මේ සියවසේ සුවිශේෂ දක්ෂකමක් ලෙස හඳුන්වන්න පුළුවන්.

 
වසර හාර ලක්ෂයකට පෙර මිහිමත ඇවිද ගෙන ගිය ආදි මානවකයකුගේ ජංඝාස්ථියකින් මිනිස් ඞීඑන්ඒ ජාන මතු කර ගැනීමට විද්‍යාඥයන් සමත් වී තියෙනවා.

මෙහිදී සොයා ගත් කරුණු ‘නේචර්’ (Nature) විද්‍යා සංග‍්‍රහයේ ප‍්‍රසිද්ධ කර තියෙනවා. මෙහි දී අපේක්ෂා නොකළ හෙළි වී තියෙනවා. මේ ආදි මානවයන් පෙනුමෙන් ටිකක් නියැන්ඩර්තාල්වරුන්ට සමානයි. ඒ නිසා ඔවුන්ගේ මයිටාකොන්ඞී‍්‍රය ඞීඑන්ඒවලින් නියැන්ඩර්තාල් පොදු ආදීමයකු ලෙස සොයා ගැනීමට හැකි වෙතැයි මෙතෙක් අපේක්ෂා කෙරුණා.

ඒත් දැන් උතුරු ස්පාඤ්ඤයේ ‘අස්ථි වළ’ යන අරුත් ඇති ‘පිට් ඔෆ් බෝන්ස්’ (Pit of Bones) නම් පොළොව යට පිහිටි ලෙනකින් සොයා ගන්නා ලද මානවයාගේ අස්ථිවලින් හෙළිවෙනවා, වෙනත් පොදු ආදීමයකු සිටිය හැකි බව.

ඒ ආදීමයා වසර 7,00,000කට පමණ ඉහත විසුවේ යැයි සැලකිය හැකි, ඩෙනිසෝවන් (Denisovan) නම් මානව කාණ්ඩයකට අයත් බවත් ඔවුන් නියැන්ඩර්තාල්වරුන්ට සමාන වුවත් ආසියාවේ විසූ තවමත් හෙළිදරවු කර නොගත් වෙනත් ආදි මානව කණ්ඩායමක් බවයි දැන් හෙළි වී ඇත්තේ.

පර්යේෂකයන් පැරණි ඞීඑන්ඒවල පරිණාමයේ ඇති මඟ හැරී ගිය වෙනස්කම් මේ අස්ථි වළෙන් හමු වූ පුරාතන මානවයන්ගේ අස්ථිවල ජානවලින් මතු කර ගැනීමට සමත් වෙලා තියෙනවා.

මයිටාකොන්ඞී‍්‍රය ඞීඑන්ඒ ජාන යන්නේ මවගෙන් ඇගේ දරුවන්ටයි. ඒවා තමයි, ෙසෙල නිපදවන නිෂ්පාදනාගාර වන්නේ. ජර්මනියේ ලීප්සිග්වල මැක්ස් ප්ලෑන්ක් ආයතනයේ පරිණාමීය මානවවිද්‍යාඥ ආචාර්ය මැතියස් මේයර් (Matthias Meyer) කියන්නේ, ”මේ ආදිමානවයන්ගේ මයිටාකොන්ඞී‍්‍රය ඞීඑන්ඒ ජාන, නියැන්ඩර්තාල් මයිටාකොන්ඞී‍්‍රය ඞීඑන්ඒ ජානවලට වඩා ඩෙනිසෝවන් ජාන සමග පොදු ආදිමයකු පිළිබඳ විමසීමේදී වඩාත් පෑහෙනවා. එය අපේක්ෂා නොකළ දෙයක් වන්නේ ඒ ඇටසැකිලිවල ශේෂයන් තුළ නියැන්ඩර්තාල් ලක්ෂණ දැකිය හැකි වීම නිසයි.” කියායි.

 
මහා හිම යුගයට අයත් මධ්‍යම ප්ෙලෙස්ටෝසීන අවධියේ, එනම් වසර හාර ලක්ෂයකට පමණ පෙර ‘සීමා ඞී ලොස් හියුසෝස්’ නම් භූගත ලෙනෙහි විසුවේ යැයි සැලකෙන ඒ නමින් හැඳින්වුණු මනුෂ්‍ය වර්ගයට අයත් ඞීඑන්ඒ තමා මෙසේ සොයා ගෙන ඇත්තේ.

ඔවුන්ගේ වයස හා නියැන්ඩර්තාල් වැනි ලක්ෂණ සලකන විට හෝමෝ හයිඩෙල්බර්ජෙන්සිස් නම් මේ ආදිමානවයා නියැන්ඩර්තාල් හා ඩෙනිසෝවන්වරුන් දෙවර්ගයට නෑකමක් ඇතැයි සලකන්න පුළුවන්.

එහෙම නොවේ නම් වෙනත් ආදිමානව කණ්ඩායමක් විසින් ඔවුන්ගේ ජාන, විශේෂයෙන් ම මේ ඩෙනිසෝවන් මයිටාකොන්ඞී‍්‍රය ඞීඑන්ඒ, ඩෙනිසෝවන්වරුන්ට හෝ ඔවුන්ගේ ආදිමයන්ට ගලා යන්නට ඉඩ සලසන්න ඇති.

මේ තරම් පැරණි ඞීඑන්ඒ මෑතදී සොයා ගෙන ඇත්තේ සදාකල්හී උෂ්ණත්වය අංශක 0 ට අඩුවෙන් පවතින එනම් නිත්‍ය තුහින බිමක දී විතරයි.

මේ අධ්‍යයනය නිසා මානව පරිණාමයට අදාළ ජාන විද්‍යාත්මක අවබෝධය තවත් අවුරුදු 2,00,000ක් අතීතයට පැතිර යනවා. ඒ කියන්නේ මධ්‍යම ප්ෙලෙස්ටෝසීන යුගයේ අවසාන කොටස තෙක් විහිදෙනවා.

සියෙරා ඞී ඇටපුවර්කාහි පිහිටි මේ ගල් ලෙනෙන් තමයි, මෙතෙක් හමු වී ඇති ලෝකයේ විශාලතම මධ්‍ය ප්ෙලෙස්ටොසීන පොසිල එකතුව ලැබී ඇත්තේ. මිනිස් ඇටසැකිලි 28ක් එහිදී හමු වී තියෙනවා. ඒ නිසා ඉදිරියේ දීත් වැඩිදුර පර්යේෂණ සඳහා ඞීඑන්ඒ ලබා ගැනීමේ හැකියාව තියෙනවා.

මේ අස්ථි දැනටමත් ජුවාන් ලූයී ආසුවාගා (Juan-Luis Arsuaga) මහාචාර්යවරයා ඇතුළු ස්පාඤ්ඤ ජාතික පොසිල විද්‍යාඥයන් කණ්ඩායමක් විසින් දශක දෙකක් තිස්සේ කැබැල්ලෙන් කැබැල්ල පරිස්සමෙන් ගොඩ ගනිමින් තිබෙනවා.

මේ මානව පොසිල නම් කර ඇත්තේ හෝමෝ හයිඩෙල්බර්ජෙන්සිස් මානවයාට අයත් ඒවා ලෙසයි. එහෙත් ඔවුන් තුළ නියැන්ඩර්තාල් ලක්ෂණ යම් ප‍්‍රමාණයකට තියෙනවා. ඒත් පළමු වරට දැන් තමයි අවස්ථාව ලැබී ඇත්තේ මේ සුවිශේෂ මානවයාගේ ජාන අධ්‍යයනය කරන්නට.

මේ කටයුත්තේ දී ආචාර්ය මේයර්ගේ කණ්ඩායම මුලින් ම එක් වුණේ, ස්පාඤ්ඤයේ මැඞ්රිඞ්හී කොම්ප්ලූටන්ස් විශ්ව විද්‍යාලයේ පොසිල විද්‍යාඥ මහාචාර්ය ජුවාන් ලූයී ආසුවාගා සමගයි. ඉන් පසුවයි, ඔහුගේ තාක්ෂණය භාවිත කරන්න පටන් ගත්තේ. මුලින් ම මේ තාක්ෂණය යෙදුවේ මේ ‘ඇට වළ’ තිබූ ස්ථානයෙහි හමු වී කැණීම් කර තිබුණු වසර ලක්ෂයක් විතර පැරණි වලස් ලෙනක් පිරික්සන්නයි.

එහිදී කළ කටයුතු සාර්ථක වුණු පසුවයි, පර්යේෂකයන් මේ ගල්ලෙනෙහි තිබී හමු වූ ආදි මානව ජංඝාස්ථියක් ගෙන්වා පිරික්සුමට ලක් කළේ. ඔවුන් එයින් ඞීඑන්ඒ ලබා ගෙන ඒවා මයිටාකොන්ඞී‍්‍රය ඞීඑන්ඒ ජිනෝමිය සමග ගළපා පරීක්ෂා කළා. ඉන්පසු ඒ ඉපැරණි ද්‍රව්‍ය නියැන්ඩර්තාල්ලාගේ, ඩෙනිසෝවන්ලාගේ පමණක් නොව, වර්තමාන මිනිසාගේ හා වානරයන්ගේ ජාන හා ගළපා බැලූවා.

මැක්ස් ප්ලෑන්ක් ආයතනයේ පරිණාමීය මානව විද්‍යා අංශයේ අධ්‍යක්ෂ මහාචාර්ය ස්වැන්ටෙ පාබෝ (Svante Paabo) ඒ ගැන පවසන්නේ මෙහෙමයි: ”අපේ පරීක්ෂණවල ප‍්‍රතිඵලවලින් පෙනෙනවා අපට වසර ලක්ෂ ගණනක් පැරණි මානව ආදීමයන්ගේ ඞීඑන්ඒ අධ්‍යයනය කිරීමේ හැකියාව ඇති බව. මේ අනුව අපට නියැන්ඩර්තාල් හා ඩෙනිසෝවන් ආදීමයන්ගේ ජාන අධ්‍යයනය කිරීම ඉදිරියට ගෙන යා හැකියි. ඇත්තෙන් ම මෙය විස්මයජනක සොයා ගැනීමක්.”

හෝමෝ හයිඩෙල්බර්ජෙන්සිස් මානවයා මුලින් ම සොයා ගනු ලැබුවේ 1907 දි ජර්මනියේ හයිඩෙල්බර්ග් අසලදියි. ඔහු මීට වසර 13 ලක්ෂයකට පමණ පෙර සිට අපි‍්‍රකාවේ, යුරෝපයේ හා බටහිර ආසියාවේ ප‍්‍රදේශවල ජීවත් වී තියෙනවා. මේ මානවයා වඳ වී ගොස් ඇත්තේ මීට වසර 2,50,000කට පමණ පෙරයි. මේ මානව ගණයේ වැඩුණු පිරිමියකු අඩි 5යි අඟල් 9ක් පමණ උස් වූ අතර ගැහැනියක උසින් අඩි 5 අඟල් 2ක් පමණ වුණා.

ඩෙනිසෝවන් මානවයා ගැන තවමත් හෙළි කර ගෙන ඇත්තේ කරුණු ස්වල්පයක් පමණයි. එයට හේතුව ඔහුගේ තවමත් සොයා ගෙන ඇත්තේ ඇඟිල්ලක ඇටයක් හා දත් කීපයක් පමණක් වීමයි. ඒත් දැන් විශ්වාස කරන්නේ ඔහු සයිබීරියාවේ හා ආසියාවේ විශාල ලෙස පැතිර සිටි මානවයෙකු බවයි. සමහර විට මේ මානවයා පසු කාලයකදී, එනම් මීට වසර 50,000කටදී තරම මිනිසුන් සමග අන්තරාභිජනනය වන්නටත් ඇතැයි දැන් සැලකෙනවා.

මහාචාර්ය ආසුවාගා වැඩි දුරටත් කියන්නේ, ”මේ අනපේක්ෂිත ප‍්‍රතිඵල නිසා නියැන්ඩර්තාල් හා නවීන මිනිසාගේ මතු වීම පිළිබඳ පරිණාමීය රටාවේ සංකීර්ණ බවක් ඇති වී තිබෙනවා. මා විශ්වාස කරනවා, මේ අංශයෙන් තවදුරටත් පර්යේෂණ ඉදිරියට ගෙන ගිය හැකියි. එයින් සිමා ඩි ලොස් හියුසෝස්වලින් මතුවූ මේ මානවයන්ගේ සිට නියැන්ඩර්තාල් හා ඩෙනිසෝවන් මානවයන් දක්වා සියලූ මානවයන් අතර ඇති ජාන සබඳතා ගළපා ගත හැකි වේවි.” කියායි.

පර්යේෂකයන් මේ අරමුණ කරා යනු පිණිස දැනටමත් ඒ බිමෙන් හමු වූ තවත් පුද්ගල ඇටසැකිලිවල කොටස්වලින් ජාන ලබා ගැනීමට පටන් අරන් තියෙනවා. ඒ සමග ජීවියාගේ රසායන විද්‍යාත්මක කි‍්‍රයාවලිය මෙහෙය වන ෙසෙලය මධ්‍යයේ ඇති ඞීඑන්ඒ නෂ්ටිය ගැනත් තොරතුරු ලබා ගැනීමට වෙහෙසෙනවා.

 
මෙම රූපයෙන් දක්වෙන්නේ ස්පාඤ්ඤයේ සිමා ඩි ලොස් හියුසෝස් ලෙනෙන් හමු වූ හෝමෝ හයිඩෙල්බර්ජෙන්සිස් මානවයාගේ ඇටසැකිල්ලක්.

 
ස්පාඤ්ඤයෙන් හමු වූ අස්ථි වළ

මෙසේ ඉපැරණි ඞීඑන්ඒ ලබා ගත්තේ උතුරු ස්පාඤ්ඤයේ මිනිස් ඇටසැකිලි මතු කර ගත් වළකිනි. භූගතව පැවති මේ ඇටසැකිලි අතර තිබූ ජංඝාස්ථියක් වසර 4,00,000ක් පැරණි යැයි කාල නිර්ණය කර තියෙනවා.

මේවා මතු වූ අස්ථි වළට පිවිස ඇත්තේ මීටර් 12ක් සිරස් අතට කපන ලද උමඟකිනුයි. ඊළඟට එය පිවිසෙන්නේ මීටර් 10ක් දිග තවත් උමඟකටයි. එයින් පිවිසෙන්නේ මීටර් 15ක් දිගැති කුටියකටයි.

මෙම ලෙන පිහිටා ඇත්තේ ‘සිමා ඩි ලොස් හියුසෝස්’ යන ස්පාඤ්ඤ බසින් හැඳින්වෙන ඇටපුවර්කා කඳුකරයේයි. ඒ කඳුකරයෙන් තමයි, මෙතෙක් හමු වී ඇති ලෝකයේ විශාලතම මධ්‍ය ප්ෙලෙස්ටොසීන පොසිල එකතුව ලැබී ඇත්තේ. මිනිස් ඇටසැකිලි 28ක් එයින් හමු වී තියෙනවා. ඒ නිසා ඉදිරියේ දීත් පර්යේෂණ සඳහා ඞීඑන්ඒ ලබා ගැනීමේ හැකියාව තියෙනවා.

මේ පර්යේෂණවලින් මානව පරිණාමය පිළිබඳ නව දැක්මකට අපට අනාගතයේදී යා හැකි වේවි.


Comments

  1. බොහොම වැදගත් සොයාගැනීමක්. බොහොම වැදගත් ලිපියක්

    ReplyDelete
  2. ඉතා ප්‍රයෝජනවත්ය

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.