Skip to main content

අද ශී‍්‍ර ලංකාවේ දී 65 වැනි උපන්දිනය සමරන චාල්ස් කුමරුගේ අප නොදන්නා අප‍්‍රකට කරුණු 65ක්!

චාල්ස් කුමරු පොදු රද මඬුලූ රාජ්‍ය නායක සමුළුවට සහභාගී වීම සඳහා අද (14 දා) ශී‍්‍ර ලංකාවට සැපත් වෙයි. ඔහු මෙසේ පැමිණෙන්නේ පොදු රාජ්‍ය මණ්ඩලයේ ප‍්‍රධානියා වූ දෙවැනි එලිසැබත් මහ රැජින ප‍්‍රථම වරට නියෝජනය කරමිනි. එපමණක් නොව, කුමරුන්ගේ 65 වැනි උපන් දිනය ද අදට යෙදී තිබේ. ඒ නිමිත්තෙන් කුමරුන්ගේ අප නොදන්නා අප‍්‍රකට කරුණු 65ක් ‘ඬේලි මේල්’ අන්තර් ජාල පුවත්පතේ සහ තවත් තැන්වල පළ කර තිබේ. මේ ඒවායින් සකසා ගත් තොරතුරුය.


1. චාල්ස් කුමරුගේ සම්පූර්ණ නිල නාමය මෙසේය: ‘රාජකීය උත්තම, KG, KT, GCB, OM, AK, QSO, PC, ADC යන ගෞරව නාමධාරී, කෝන්වෙල් ආදිපාදවරයා වූද, රොත්සේ ආදිපාදවරයා වූද, කැරික් අර්ල්වරයා වූද, රෙන්ෆ්රූ බැරන්වරයා වූද, දූපත් භාර සාමිවරයා වූද, ස්කොට්ලන්තයේ කුමාරයා හා මහා භාරකාරයාද වූ චාල්ස් පිලිප් ආතර් ජෝර්ජ්, වේල්ස් කුමාරයා’. මෙය ලෝකයේ දිග ම නිල නාමය ද වෙයි.

2. ඔහුට ජංගම දුරකතනයක් නැත.

3. වේල්ස් කුමරු විසින් 1976 දී ‘ද පි‍්‍රන්සස් ට‍්‍රස්ට්’ (කුමාරයාගේ භාරය) පිහිටුවන ලද්දේ ඔහුට නාවික හමුදාවේ සේවය කර විශ‍්‍රාම ගනිද්දී ලැබුණු විශ‍්‍රාමික මුදලිනි.

4. ඔහු කිසි විටෙක ගුවන්යානයක් තුළ දී ආහාර නොගනියි. එය කෙතරම් දිගු ගමනක් වුවත් ඔහුට ප‍්‍රශ්නයක් නැත.

5. ඔහු එක්සත් රාජධානියේ සියලූ ම ති‍්‍රවිධ හමුදාවල ඉහළ ම තනතුර වන ෆීල්ඞ් මාෂල් පදවිය, නාවික හමුදාවේ අද්මිරාල් පදවිය හා රාජකීය ගුවන් හමුදාවේ මාෂල් පදවිය ද හොබවයි.

6. ඔහු පොත් 11ක් ලියා ඇත. තවත් ගණනාවකට දායක වී ඇත.

7. කුඩා කල ඔහුගේ පි‍්‍රයතම කී‍්‍රඩා භාණ්ඩය වූයේ, ලී වලින් තැනූ, ඇද ගෙන යන, පුංචි කෝච්චියකි. එය දැන් හැඳින්වෙන ජනපි‍්‍රය නාමය ‘පි‍්‍රන්ස් චාල්ස් එක්ස්ප‍්‍රස්’ය.

8. මොසාට්ගේ හා නොයෙල් කවර්ඞ්ගේ සංගීතය අතරතුර ඇමරිකානු ගායක ලෙනාඞ් කොඑන්ගේ ශෝකාකූල ගීත ද ඔහුගේ නිවස්නයෙන් ඇසෙයි.

9. 1954 සිට චාල්ස් කුමරු නිල වශයෙන් රාජකාරිවල යෙදුණු රටවල් ගණන 105කි. මෑත දී ඔහු ඇමරිකාවට, ප‍්‍රංශයට හා ජර්මනියට ගියේය.

10. ඔහු දරුවන් 32කුට බෞතීස්මයේ දී ඥාන පියා වී තිබේ.

11. ඔහු සෑම නත්තලක ම තමන් සේවය කළ රෙජිමේන්තුවේ සියලූ ම සෙබළුන්ට තෑගි වශයෙන් විස්කි බෝතල් යවයි.

12. පැරණි රාජකීය සම්ප‍්‍රදායයන් දෙකක් වූ නිල බහුතත්වාදක (Harpist) හා සංචාරක කලාශිල්පී (Tour Artist) තනතුර නැවත ඇති ඔහු කි‍්‍රයා කළේය.

13. ඔහු අභිරූපණ රංගනයෙහි දක්ෂයෙකි. එය මවු රැජිනගෙන් ඔහුට උරුම වූ හැකියාවකි.

14. තරුණ වියේ දී ඔහු පිඟන් මැට්ටෙන් නිර්මාණ කිරීමට දක්ෂය. ඔහු පාද, අං, වල්ගා හා ඇස් ඇති සතුන්ගේ හැඩ තල සහිත කෝප්ප නිර්මාණය කළේය.

15. 2012 දී කළ ටැන්සානියානු සංචාරයේදී එරට මසායි ගෝති‍්‍රකයෝ ඔහුට ‘මහා ගොපල්ලා’ යන අරුතැති ‘කීපර් ඔෆ් ද කවුස්’ යන ගෞරව නාමයක් පිරිනැමූහ.

16. ඔහු ස්කොට්ලන්තයේ ගෝඞ්න්ස්ටවුන් නේවාසික පාසලේ ඉගෙනුම ලබද්දී අවසන් වසරේ ප‍්‍රධාන ශිෂ්‍ය නායකයා ලෙස තේරී පත් විය.


17. කෝන්වෝල් ආදිපාදවරයා වන ඔහුට හිමි වපසරිය අක්කර 133,658කි. ගොවිපොළ, නිවාස හා වෙළඳ ව්‍යාපාරවලින් සමන්විතය.

18. වේල්ස් කුමාරයා වශයෙන් ඔහු පිටිසර හයිග්‍රෝව්හී පිහිටි ගොවිපොළේ වැටවල් සකස් කිරීමට ශ‍්‍රමය පවා වැය කළේය. පිටිසර ඉපැරණි වැටවල් ඉදි කිරීමේ ප‍්‍රවීණතාව නංවාලීමේ අරමුණෙන් පැවති වැටවල් එළීමේ ජාතික තරඟවලියේ සත්කාරකයා ලෙස ද කි‍්‍රයා කළේය.

19. ඔහු ඩ‍්‍රැකියුලා නමින් ප‍්‍රකට වී ඇති වැලචියා කුමාරයා පැවත එන්නකු වන අතර ඔහුට හිමි දේපළක් ට‍්‍රැන්සිල්වේනියාවේ තිබේ. එහි විවිධ සංරක්ෂණ හා සංස්කෘතික ව්‍යාපෘති ඔහු විසින් දියත් කර ඇත.

20. කුමරුට සපත්තු කුට්ටම් 50ක් තිබේ. ඒ සියල්ල අතින් මසා සමින් නිම කළ ඒවාය. දීර්ඝ ඉතිහාසයක් ඇති ශාන්ත ජේම්ස්හි ලොබ්ස් සපතේරුවන් විසින් නිම කර ඇති ඒ එක් සපත්තු කුට්ටමක මිල පවුම් 800කට වැඩිය. වසර 45 කට පෙර තැනූ සපත්තු කුට්ටමක් තවමත් ඔහු පලඳියි.

21. චාල්ස් කුඩා අවධියේ දී ම දිය මත ලිස්සා යාමේ කී‍්‍රඩාවෙහි නිරත විය. රාජකීය නාවික හමුදාවට බැඳුණු පසු දියයට කිමිදීමට යොමු වුණේය. 1974 දී බි‍්‍රතාන්‍යයේ ස්කූබා භාවිත කරමින් දියයට කිමිදෙන්නන්ගේ සභාපති පදවියට පත් විය.

22. අයිඞ්රිස් එල්බා නළුවාගේ රංගන ජීවිතයටත්, ඩයිනමෝ නම් මැජික් ශිල්පියාටත්, පැලොමා ෆේත් නම් ගායිකාවටත්, මයිකල් මොනේ නම් ව්‍යවසායකයාටත් ඒ තැන්වලට එන්නට ආධාර සැපයුණේ ඔහුගේ ‘ද පි‍්‍රන්සස් ට‍්‍රස්ට්’ අරමුදලෙනි.

23. පාසල් ගොස් අධ්‍යාපනය ලබා උපාධියක් හිමි කරගත් රජ පවුලේ ප‍්‍රථම සාමාජිකයා චාල්ස් කුමරුන්ය.

24. ලඞ්ලෝ තුරඟතරග පිටියේ පැවති බාධක මතින් දිව යාමේ තරඟයෙන් දෙවැනි තැන ගැනීමට ඔහුට හැකි විය.

25. චාල්ස් කුමරුන්ට වසර 44 ක් පැරැණි ඔහුගේම මෝටර් රථයක් ඇත. ‘ඇස්ටන් මාටින්’ වර්ගයේ එම රථය මව් රැජිනගෙන් ඔහුගේ 21 වැනි උපන්දිනයට ලැබුණු තෑග්ගකි. එය එදා මෙන්ම අදත් හොඳින් කි‍්‍රයාකාරීය. එහි ඉන්ධන ලෙස භාවිතා කෙරෙන්නේ පරිසර හිතකාමී ජෛව ඉන්ධනයකි. ඒවා ඉංගී‍්‍රසි වයින්වලින් පෙරා ගන්නා චීස් නිපදවන විට ලබා ගන්නා අතුරු නිෂ්පාදනයකි.

26. ඔහු දක්ෂ මැජික් ශිල්පියෙකි. බි‍්‍රතාන්‍ය මැජික් කවයේ සාමාජිකයෙකි. ඔහුට එහි සාමාජිකත්වය හිමි වුණේ 1975 වසරේ මැජික් ශිල්පීන් වෙනුවෙන් වූ පැවැත් වූ විශේෂ විභාගයකින් සමත් වීමෙන් පසුවය.

27. පාසල් යද්දී ඔහු විදුහල්පති පීටර් බෙක්ගෙන් දෙවරක් වේවැල් පහර කෑවේය.

28. මීපැණි සමග අර්ල් ගේ‍්‍ර තේ බීමට ඔහු ආසා කරයි.

29. 1992 දී කාබනික පොහොර යොදා වගා කෙරෙන ආහාර නිෂ්පාදනය සඳහා කුමරු ආරම්භ කළ ‘ඩචි ඔරිජිනල්ස්’ සමාගම මේ වසරේ 21 වැනි වසර සමරයි. එම සමාගම මගින් සුබසාධක කටයුතුවලට වැය කළ මුදල පවුම් මිලියන 11කි.

30. එක්වදෝරයේ වැසි වනාන්තරයකින් සොයා ගස් ගෙඹි විශේෂයක් චාල්ස් කුමරුගේ නමින් හැඳින්වෙයි. ‘හිලොස්කි‍්‍රටස් පි‍්‍රන්ස්චාලිසී’ කියා නම් කර ඇති ඒ නව ගෙඹි විශේෂය පළමු වරට සොයා ගැනුණේ 2008 වසරේදියි.

31. බි‍්‍රතාන්‍යයේ අතිශයින් ජනපි‍්‍රය වසර 50 කට ආසන්න කාලයක් නොකඩවා තිරගත වන, අවුරුදු 15 සිට කුමරු නොකඩවා නරඹන ‘ඩොක්ටර් හූ’ විද්‍යා ප‍්‍රබන්ධ මාලාවේ 40 වැනි වර්ෂ පූර්ණයේ දී ඊට එක්ව විචිත‍්‍ර චරිතයක් රඟපෑමට ඇරයුමක් ලැබුණත් ඔහු එය ප‍්‍රතික්ෂේප කළේය. එහෙත් ‘කොරනේෂන් ස්ටී‍්‍රට්’ වැඩසටහනෙහි 40 වැනි වසර සමරන කොටස සඳහා ටෙලිවිශනයේ පෙනී සිටියේය.

32. චාල්ස් කුමරු රතු බිත්තරවලට වඩාත් පි‍්‍රය කරයි. ඔහුත් මව් රැජින මෙන් ඒවා සුදු බිත්තරවලට වඩා රසයෙන් වැඩි යැයි විශ්වාස කරයි.

33. සතුන්ට ආදරේ කරන අයකු ලෙස ප‍්‍රකට වුවත් කුමරු බළලූන්ට කැමැති නැත.

34. වේල්ස් කුමරු ලෙස ඔහු, ‘බැජර මුහුණැති බැටළු සංගමය’ ඇතුළු විවිධ සංවිධාන 400ක පමණ, සභාපති හෝ අනුශාසක පදවි උසුලයි.

35. වේල්ස් කුමරු කුකුළන් ඇති කිරීමට විශේෂ උනන්දුවක් දක්වයි. ඔහුගේ හයිග්‍රෝව් ඇති කරන කුකුළන් ප‍්‍රදර්ශනවල දී සම්මාන රැසක් දිනා ඇත.

36. ඔහු අඳින ඇඳුම් කිසිවක් රෙදි සෝදන යන්ත‍්‍රවලින් සෝදන්නේ නැත.

37. ළමා කාලයේ කුමරු හා ඔහුගේ වූ නැගණිය ඈන් කුමරිය නිතරම ගහගත් නිසා ඔවුන්ගේ පියා වූ පිලිප් කුමරු ඔවුන් දෙදෙනාටම බොක්සිං අත් ආවරණ ලබා දුන්නේය. ඈන් නිතරම අයියාට ඒවායින් පහර දීමට පටන් ගත් නිසා එවා ඉවත් කරනු ලැබීය.

38. බීම සඳහා චාල්ස් වඩාත් පි‍්‍රය කළේ ජින් මාටිනි මිශ‍්‍රණයයි. එහෙත් ඔහුගේ රසයට ගැළපෙන ලෙස ඒවා මුසු කිරීමට වෙනත් අයට නොහැකි යැයි සිතන නිසා ඔහුගේ සමීපතම අතවැසියා ලවා ඒ මුසුව සාදවා ප්ලාස්ටික් ලොකෝසේඞ් බෝතලයක රැගෙන යයි. උත්සව අවස්ථාවේදී වීදුරුවට දමා ඔහුට පිරිනමනු ලබන්නේ ඒ බීමය.

39. අරාබි මිතුරන් සහ මුස්ලිම්වරුන්ට ලිපියක් ලියන්නේ නම්, චාල්ස් කුමරු ලිපිය අවස් කරන්නේ ඔහුගේ නම අරාබියෙන් ලියමිනි. භාෂා රැසක් ප‍්‍රගුණ කර සිටින චාල්ස් කුමරු මේ වන විට අරාබි බස හදාරමින් සිටී.

40. ඔහු වයස 15 දී ට‍්‍රම්පට් වාදනය ඉගෙන ගත්තේය. ඔහුට චෙලෝව වාදනය කරන්නත් සංගීත කණ්ඩායමක් මෙහෙවන්නත් පුළුවන.

41. පසුගිය වසර 10 තුළ පමණක්, චාල්ස් කුමරු බි‍්‍රතාන්‍ය රජය නියෝජනය කරමින් විදෙස් සංචාර 99 කට සහභාගි වී ඇත.

42. රිදී ආලේපිත, ඉත්තෑ කූරකින් තැනූ දත් කූරක් කුමරු සතුව ඇති අතර ඔහු කොහේ ගියත් එය ද රැගෙන යයි.

43. කුමරුට සෑදිය හැකි ඔහු වඩාත් පි‍්‍රය කරන කෑම පාන් හා බටර් යෙදූ පුඩිමයි. ඔහු එය සාදන්නට ඉගෙන ගත්තේ ඕස්ටේ‍්‍රලියාවේදියි.

44. ‘ඩියර් ලෝඞ් ඇන්ඞ් ෆාදර් ඔෆ් මෑන් කයින්ඞ්’නම් සුප‍්‍රකට සංධවනිය රචනා කළ සංගීත රචක හියුබට් පැරී ගැන කළ වාර්තා වැඩසටහන, 2011 වසරේ දී, බී.බී.සී. රූපවාහිනියෙන් විකාශය වූ අවස්ථාවේ දී එය ඉදිරිපත් කළේ කුමරුය.

45. කුමරා පළමු මධුවිත තොල ගෑවේ වයස අවුරුදු 14 දීය. ආරක්ෂකයන් නොමැතිව මහමග යද්දී හදිසියේ තමා ව හඳුනාගන පසුපස ආ පිරිසකගෙන් බේරීමට ඔහු එක්වර ම අසල වූ ගොඩනැගිල්ලකට පැන ගත්තේය. එය ස්ටොනෝවේ නම් රටබීම හලය. එහි ඇතුළු වූ කුමරු කිසිත් කර කියා ගත නොහැකිව කළේ චෙරි බ‍්‍රැන්ඩි එකක් ඇණවුම් කිරීමය. එහෙත් එය පුවත්පත් කලාවේදියෙක් දුටුවේය.

46. 2012 වසර තුළ වේල්ස් කුමාරයා ලෙස ඔහු නිල රාජකාරි කටයුතු 657ක් ඉටු කළේය. රාජකීය නිල නිවහන්වල දී 7,500ක් දෙනා මුණ ගැසුණේය. පසුගිය දසවස තුළ ඔහු නිල රාජකාරි කටයුතු 6,171ක් ඉටු කර ඇත. ඇස්තමේන්තුවලට අනුව ඔහු 1970 සිට මේ දක්වා ඉටු කළ නිල රාජකාරි කටයුතු 20,000 ඉක්මවයි.


47. ඔහු බි‍්‍රතාන්‍යයේ මහ රැජිනගේ නිල නිවහන වූ බකිංහැම් මාලිගය බි‍්‍රතාන්‍යයේ ප‍්‍රථම ප‍්‍රතිචකී‍්‍රකරණයට නැඹුරු වූ නිවසක් බවට පත් කළේය. 1980 දී බෝතල් බැංකුවක් ආරම්භ කළේය. මේ කාලයේ ඔහු බොහෝ අයගේ සරදමට ලක් විය.

48, නාවික හමුදාවේ සේවයේ යෙදී සිටියදී චාල්ස් කුමරු ‘යුවතියන් කතා හා කතාබහ කිරීම සඳහා මාර්ගෝපදේශනයක්’ යන මැයෙන් ජර්මන්-ඉංගී‍්‍රසි වාග් කෝෂයක් වේල්සයේ රාජකීය රෙජිමේන්තුව වෙනුවෙන් සම්පාදනය කළේය. එවකට ඔහු එම රෙජිමේන්තුවේ ප‍්‍රධාන කර්නල්වරයා විය.

49. චාල්ස් කුමරු රාජකාරියට ඇබ්බැහි වූ කෙනෙක් බවට ප‍්‍රසිද්ධය. වසරේ සෑමදාම, නත්තල් දා පවා ඔහු රාජකාරියේ යෙදෙයි. සෑම වසරකම දෙසැම්බර් 25 දා තම තමන්ගේ නිවෙස්වල සිටියදී පවා ඔහුගේ කාර්යමණ්ඩලයේ ප‍්‍රධානිහූ එතුමාගෙන් කොයි මොහොතේ දුරකතන පණිවිඩයක් ඒ දෝයි බලාපොරොත්තුව සිටිති.

50. කුමරු ලෝකයේ කොහේ ගියත් රාජකීය අවමංගල ඇඳුම් කට්ටලය ද ඔහු සමග රැගෙන යයි. ඒ, යම් හදිසි අවස්ථාවකදී රජ පවුලේ සාමාජිකයකුගේ අභාවයක් සිදුවුණොත් ආපසු යද්දී එම ඇඳුම් කට්ටලයෙන් සැරසී යෑමටය.

51. පාපන්දු කී‍්‍රඩාවේ දී කුමරුගේ සහය ලැබෙන්නේ ලැන්කැෂියර්හි බර්න්ලි පාපන්දු සමාජයටයි. ඔහු නිතර ඒ නගරයට යයි. එහි ඔහුගේ පුණ්‍ය කටයුතුවලට අදාළ ප‍්‍රධාන මධ්‍යස්ථානයක් එහි පිහිටුවා ඇත.

52. ඔහු ඇත්තෙන් ම දිවා ආහාරය ගන්නේ නැත. සමහර විට නිවසේ සිටියහොත් සැන්ඞ්විච් එකක් හැර වෙනත් කිසිවක් කෑමට නොගනියි. බැහැරව ගිය විට දොඩම් යුෂ වීදුරුවක් පානය කරයි.

53. ඔහුගේ නම එක ම වසරක දී ලස්සනට ම අඳින පුද්ගලයන්ගේ නාමාවලියටත්, වඩාත් අවලස්සනට අඳින පුද්ගලයන්ගේ නාමාවලියටත් එක වර ඇතුළත් විය.

54. තේ පානයේ දී කුමරුන්ගේ පි‍්‍රයතම ආහාරය වේල්සයේ පලතුරු කේක්ය. කැමිලා පාකර් කොන්වෝල් ආදිපාදවරිය සමඟ විවාහයේ දී, අමුත්තන්ට පිරිනමනු ලැබුවේ වේල්ස පලතුරු කේක්ය.

55. නිවාඩු කාලවල දී චාල්ස් කුමරු දුර ඇවිදීමට පි‍්‍රය කරයි. ‘සමහරු විවේක ගන්න දුම් බොනවා. ඒත් මම ඇවිදිනවා. හුඟක් දුර ඇවිදිනවා’ යැයි කුමරු වරක් පවසා ඇත.

56. කුමරු ඔහුගේ බි‍්‍රක්හෝල් වතුයායේ දී වනගතව වෙසෙන රතු ලේනුන්ට කෑම දීම පි‍්‍රය කරයි. දිනපතා ම මාලිගය පසුපස දොර වෙත පැමිණීම ඔවුන්ගේ සිරිතය. කුමරුන් නැති ඇතැම් අවස්ථාවලදී ලේන්නු මාලිගයේ මුළුතැන්ගෙට ද රිංගති.

57. චාල්ස් කුමරු නිතරම කොන්දේ අමාරුවකින් පෙළෙයි. ඊට පිළියමක් ලෙස ඔහුගේ සේවක කණ්ඩායම රනින් වැඩ දැමූ රතු පැහැති කුඩා කොට්ටයක් නිතරම ගෙන යති. ඔහුගේ කාරයේ, ලියන මේසයේ, ගුවන් යානා අසුනේ මේ කුඩා කොට්ටය තිබෙනු දැකිය හැකිය. එයින් අදහස් කෙරෙන්නේ කුමරුන් කොහේ ගියත් කොන්දේ අමාරුව ඒ හැම තැනක ම ඔහු සමග ගමන් කරන බවයි.

58. බොහෝ අවුරුදුවල කුමරු දින කීපයක් වයඹදිග එංගලන්තයේ පිටිසර බද පෙදෙසක් වූ කම්බි‍්‍රයාවල බරෝඬේල්හී යූ ටී‍්‍ර ගොවිපොළේ ගත කරයි. එහි දී ඔහු ලේක් දිස්ති‍්‍රක්කයේ ඇවිදීමට යයි.

59. චාල්ස් කුමරු විවිධ කටයුතු වෙනුවෙන් පුණ්‍යායතන 25ක් අරඹා පවත්වා ගෙන යයි. ඇතැම් ඒවායේ ඔහු අනුශාසකත්වය දරණ අතර ඇතැම් ඒවායේ සභාපති තනතුර උසුලයි. මෙම සංවිධානවල සේවය කරන සංඛ්‍යාව ද 1800කට වැඩිය. මේ සුබසාධක ආයතන සඳහා පසුගිය වසරේ දී ඔහු විසින් උපයා දෙන ලද මුදල ඩොලර් මිලියන 224(රුපියල් මිලියන 26,880ක් පමණ) වෙයි.

60. ‘ද පි‍්‍රන්සස් ට‍්‍රස්ට්’ භාර අරමුදලෙන් පමණක් 1976 සිට මේ වන තෙක් තරුණ තරුණියන් 650,000කට ආධාර කර ඇත. 1983 සිට මේ වන තෙක් එක්සත් රාජධානිය තුළ යෞවනයන් 80,000කට ව්‍යාපාරික අවස්ථා උදා කර දී තිබේ.

61. චාල්ස් කුමරු වසර 30කට පෙර තිබූ ඔහුගේ බර එසේ ම රඳවා ගැනීමට සමත් වීම නිසා පැරණි නිල ඇඳුම් වෙනස් කිරීමක් නොකර ඒ ආකාරයෙන් තවමත් ඇන්ද හැකිය.

62. කුමරුගේ සුබසාධක ආයතන මගින් 3,95,000ක ජනතාවකට ව්‍යාපාර කර ගෙන යාමට අරමුදල් සපයා දී ඇත.

63. කුමරු අඳින්නේ අතින් නිම වූ ඇඳුම්ය. ඒවා ලන්ඩනයේ ටර්න්බුල් සහ ඇසර් ඇඳුම් මසන්නන්ගේ නිර්මාණය. ඔහුගේ කමිසයක් පවුම් 350ක් වෙයි.

64. බි‍්‍රතාන්‍ය ඉතිහාසයේ, රජ කිරුළ අපේක්ෂාවෙන්, ඔටුන්න හිමි කුමරකු ලෙස වැඩිම කලක් තිස්සේ බලා ඉන්නේ ද චාල්ස් කුමරුය. ඔහුට පෙර එසේ වැඩිම කාලයක් බලා සිටියේ සිව්වැනි විලියම් ලෙස රජ වූ විලියම් හෙන්රි කුමරුය. ඔහුට කිරුළු පැලඳීමට අවස්ථාව හිමිවුණේ වයස අවුරුදු 64 දීය. ඒ අනුව දැනටමත් 65 සපුරා ඇති චාල්ස් කුමරු ඒ කඩඉම පසු කර ඇත.

65. කොතරම් රාජකාරි බහුල වුණත්, වෙහෙස මහන්සි වුණත්, එවිට චාල්ස් කුමරු, ‘මේවා එංගලන්තය වෙනුවෙන් මා කළ යුතු දේවල්’ කියා සිත සනසා ගනියි.

Comments

  1. His Royal highness We Respect you and we salute you wishing you a very happy birthday in beautiful Sri Lanka and hope and wish their leaders at least read about you

    ReplyDelete
  2. මම කුමාරයා ගැන ගොඩක් නොදන්න දේවල් ඉගෙනගත්තා..

    ReplyDelete
  3. මීට පෙර දැන නොසිටි දේවල් බොහොමයක් .... ස්තූතියි මේ ලිපියට .....

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.