Skip to main content

වසර 50කට පෙර කෙනඩි ඝතනය දුටු අපූරු පුවත්පත් කලාවේදියාගේ ඇසින් දුටු කතාව!

මීට පනස් වසරකට පෙර, 1963 නොවැම්බර් 22 වැනිදා, ඇමෙරිකාවට අඳුරු දිනයක් විය. ඇමෙරිකන් ජනපති ජෝන් එෆ් කෙනඩි, ටෙක්සාස් ජනපදයේ ඩලාස් නුවර සංචාරයක යෙදී සිටිද්දී ඝාතනයට ලක් වූයේ එදාය.

එම සිදුවීම් පෙළ සියැසින් දැක, එය වාර්තා කිරීමට අවස්ථාව උදා වූයේ ලොව එකම එක මාධ්‍යවේදියකුට පමණි. ඔහු හියු අයින්ස්වර්ත්ය. අහම්බෙන් සිදුවුවත් එය තමා ලැබූ වාසනාවක් යැයි අයින්ස්වර්ත්ගේ විශ්වාසයයි. එහෙත් සිදු වීම ඔහු වවාගෙන කෑවේ නැත. එදා ඔහු සේවය කළ පුවත්පතට ඒ වාර්තාව සැපයුවා හැරෙන්නට ඔහු ඒ පිළිබඳ පොතක් ලියන්නැයි ඉල්ලීම් කළ ලෝක ප‍්‍රකට ප‍්‍රකාශකයන්ට බැහැයි කීවේ විශාල මුදලක් හම්බ කර ගන්න පෑදුණු ඉල්ලමට පයින් ගසමිනි.

ඒත් අද ඔහු නිහඬව පොතක් ලියා ඇත. ඒ යටකී ලෝක ප‍්‍රකට ආයතනවලට නොව අප‍්‍රකට ප‍්‍රකාශකයකුටය. ඒ වාර්තා කර තැබීමේ අවශ්‍යතාව සඳහා පමණය. මේ හියු අයින්ස්වර්ත් උත්තම ගණයේ පත්තර කාරයකු ලෙස සැලකිය යුත්තේ ඒ නිසාය.

කෙනඩි ඝාතනයේ 50 වැනි සැමරුම එළඹෙන 22 වැනිදාට යෙදෙන අතර, ඒ නිමිත්තෙන් බි‍්‍රතාන්‍යයේ ඬේලිටෙලිග‍්‍රාෆ් පුවත් සේවයේ මාධ්‍යවේදී නයිජල් රිචඞ්සන්, හියු අයින්ස්වර්ත් හමුවීමට ගොස් ඔහු සමඟ පිළිසඳරේ යෙදී විශේෂාංග ලිපියක් සකස් කළේය. මේ, සැකැසෙන්නේ ඒ ඇසුරෙනි.

දෛවය හරිම පුදුමාකාරය! මීට පනස් වසරකට පෙර, එනම් 1963 වසරේ නොවැම්බර් 22 වැනිදා, ජනපති ජෝන් එෆ්. කෙනඩි වෙඩි තබා ඝාතනය කරද්දී, තිස් දෙහැවිරිදි හියු අයින්ස්වර්ත්, ‘ඩලාස් මෝනිං නිවුස්’ පුවත්පතේ වාර්තාකරුවෙක් ලෙස රැකියාව කළේය.

එදින උදේ, අයින්ස්වර්ත් සිටියේ සිත් අමනාපයෙනි. ඊට හේතුව, ජනපතිතුමාගේ ඩලාස් නුවර සංචාරය වාර්තා කිරීම ඔහුට පැවැරී නොතිබීමය. අයින්ස්වර්ත් උදෑසන ආහාරය ගත්තේ පුවත්පත් ආයතනයේ ආපන ශාලාවේ දීය. අහම්බෙන් මෙන්, එදා ඔහු අසල ජැක් රූබී නමැත්තා ද අසුන් ගෙන සිටියේය. ජැක් රූබී, ඩලාස් නුවර රාතී‍්‍ර සමාජශාලා හිමිකරුවෙක් විය. ඔහු සංවිධානාත්මක අපරාධ කල්ලියක සාමාජිකයකු යැයි පසුව හෙළි විය. ඒ, ඔහුට එරෙහි නඩුව පැවැත්වෙද්දීය.

ජනපති කෙනඩි රැගත් රිය පෙරහැර, පුවත්පත් ආයතනයේ සිට මීටර් කිහිපයක් දුරින් පිහිටි ඬේලි ප්ලාසා වෙත පැමිණෙනු දැකගන්න ජැක් රූබීට ඕනෑ විය. ‘ජනපතිවරයකු දකින්න ලැබෙන්නේ කලාතුරකින්’ යි කියමින් ඔහු ඬේලි ප්ලාසා දෙසට ගියේය. හියු අයින්ස්වර්ත් ද ඉබේටම වාගේ ඒ දෙසට ඇදී ගියේය.

පළමු වෙඩිල්ල පත්තු වෙද්දී, අයින්ස්වර්ත් සිතුවේ, එය ජනපති මෝටර් රථ පෙළේ ගමන් කළ පොලිස් යතුරු පැදියක සයිලන්සරයක සිරවුණු දුම් ගුලි නිසා නැගුණු හඬක් යැයි කියාය. එදා, ජනපතිගේ රථ පෙළ සමඟ පමණක් නොව, මඟ දෙපසත් බොහෝ පොලිස් යතුරු පැදි දකින්න ලැබුණි. දෙවැනි සහ තෙවැනි වෙඩි හඬවල් ඇසෙද්දී, ඒවා වෙඩි හඬවල් බව අයින්ස්වර්ත්ට වැටහෙන්නට වැඩි වේලාවක් ගත නොවිණි යැයි ඔහු අතීතය සිහිපත් කරමින් කියයි. ජනපති ඝාතනයට ගත වුණේ තත්පර කිහිපයක් පමණක් වුවත්, එම සිදුවීම ඇමෙරිකන් ඉතිහාසයේ සන්ධිස්ථානයක් විය. ඉතිහාසය වෙනස් විය. හියු අයින්ස්වර්ත්ගේ ජීවිතය ද මුළුමනින් ම වෙනස් විය. ඔහු මේ සියල්ල මා සමඟ පැවැසුවේ ඩලාස්හි ඔහුගේ නිවසට මා ගිය අවස්ථාවේදීය.

‘ඉතිහාසය වෙනස් කළ සිද්ධියක් සියැසින් දැකීම’ යන්නට හොඳ ම උදාහරණය අයින්ස්වර්ත් යැයි කීවොත් එය නිවැරදිය. කෙනඩි ඝාතනය, ලී හාවි ඕස්වල්ඞ් අල්ලා ගැනීම සහ පසුව ජැක් රූබි කළ වෙඩි තැබීමෙන් ලී හාවි ඕස්වල්ඞ් මියයෑම යන සිදුවීම් සියල්ල වාර්තා කිරීමට ඒ ඒ ස්ථානවල සිටි එක ම මාධ්‍යවේදියා වූයේ අයින්ස්වර්ත්ය. ඩලාස් නගරය මේ වන විට කෙනඩි ඝාතනයේ 50 වැනි සැමැරුමට සූදානම් වෙයි. අද 82 හැවිරිදි වියෙහි පසු වන අයින්ස්වර්ත් එදා තමා දුටු දේ ගැන විස්තර කරන්නේ මහත් වූ ආඩම්බරයකිනි.

එදා, මීට වසර 50 කට පෙර ටෙක්සාස් ජනපදයේ ඩලාස් නුවර අද මෙන් නොව, රතු මස්වලට බෙහෙවින් පි‍්‍රය කරන, ගතානුගතික ජනතාවගෙන් පිරුණු නගරයක් විය. එහෙයින් මධ්‍යස්ථ මතධාරියකු වූ ඩිමොක‍්‍රටික් පාක්ෂිකයකු වූ කෙනඩි ඩලාස් නුවරට පැමිණීම ගැන බොහෝ දෙනාගේ පැහැදීමක් නොතිබුණි. ‘ජනපති මැරූ නගරය’ යන නමින් අද හැඳින්වෙන ඩලාස් නගරය එදා මෙන් නොව මුළුමනින් ම පාහේ වෙනස් වී ඇතැයි අතීතය සිහිපත් කරන බොහෝ දෙනා පවසති.


කෙනඩි ඝාතනයත් සමඟ ඩලාස් නගරය ජනපි‍්‍රය වූ බව කාටත් නොරහසකි. ‘ඩලාස් කවුබෝයිස්’ රගර් කණ්ඩායම ලෝ පුරා ප‍්‍රසිද්ධය. කෞතුකාගාර සහ කලාගාර 160 කින් සමන්විත ඩලාස් නගරයේ ඇමෙරිකාවේ ධනවත් ම සමාගම් 500 ක් පිහිටුවා තිබේ. තමන් ඩලාස් නගරය තෝරා ගෙන ඇත්තේ ‘ලොකු ලොකු දේවල් සිදුවන නගරය’ යන ඩලාස් නිසා යැයි ඔවුහු කියති.

කෙනඩි ඝාතනය නිමිත්තෙන් ලබන 22 වැනිදා පැවැත්වීමට සැලැසුම් කර ඇති විශේෂ ගුණ සැමරුමට තමා සහභාගි නොවන බව එයින්ස්වර්ත් කියයි. ගුණ සැමරුම පැවැත්වෙන්නේ වෙඩි තැබීම සිදුවුණු ඩලාස් ප්ලාසා ඉදිරිපිටය. එම ගුණ සැමරුමට සහභාගි විය හැක්කේ ප‍්‍රවේශපත් මගිනි. ඒ සඳහා නිකුත් කෙරන්නේ ප‍්‍රවේශපත් 5,000ක් පමණි. සැමරුම පැවැත්වෙන්නේ අධි ආරක්ෂාවක් යටතේය. හේතුව, කෙනඩි ඝාතන කුමන්ත‍්‍රණය සම්බන්ධයෙන් නොයෙක් නොයෙක් මත පළ කරන ඇතැමුන් එම ගුණ සැමරුමට බාධා කරාවි යැයි පොලිසිය විශ්වාස කිරීම නිසාය. ”සැමරුම අතරතුරේ එවැනි අයකු කෙනඩි ඝාතනය සම්බන්ධයෙන් තමන් ලියූ පොතක් විකුණා ගැනීමට තැත්කළොත් කුමක් වේවිද? ඩලාස් පොලිසිය ඔහුව අත්අඩංගුවට ගනීවි.”

එවැනි පොතක් මේ අවස්ථාව දී අයින්ස්වර්ත් ද ලියා ඇත. එහි එදා තමා සියැසින් දුටු දෑ ඒ ආකාරයෙන් ම ලියා තිබේ. එහි නම් කර ඇත්තේ ‘නොවැම්බර් 22, 1963: විට්නස් ටු හිස්ටරි’ (1963 නොවැම්බර් 22 වැනිදා: ඉතිහාසය සියැසින් දැකීම) කියාය. කෙනඩි ඝාතනය පිළිබඳ පරීක්ෂණය සිදු කළ වොරන් කොමිසම, එහි වාර්තාවේ සඳහන් කර තිබූ ආකාරයට වෙඩි තැබීමට සම්බන්ධ වූයේ එක් වෙඩික්කරුවකු පමණකි. ඒ ලී හාවි ඔස්වල්ඞ්ය. එය අයින්ස්වර්ත්ගේ කෘතියෙන් ද සනාථ වෙයි. කෙනඩි ඝාතනයට අපරාධ කල්ලි කිසිවක් හෝ එවකට උප ජනපති ජොන්සන්, ෆිදෙල් කස්ත්‍රෝ හෝ එෆ්.බී.අයි. ආයතනයේ පුරෝගාමියා ජේ.එඞ්ගර් හූවර් හෝ පිටසක්වළ ජීවීන් හෝ සම්බන්ධ නැති බව අයින්ස්වර්ත්ගේ කෘතියෙන් අවධාරණය කරයි. අයින්ස්වර්ත් පවසා ඇත්තේ, ඔස්වල්්ඞ් සහ රූබී එකිනෙකා හඳුනන්නේ නැති පුද්ගලයන් දෙදෙනකු කියාය.

එහෙත් මේ වසර මුලදී මාධ්‍ය ආයතන මගින් සිදු කළ සමීක්ෂණයකින් හෙළි වූයේ ඇමෙරිකානුවන්ගෙන් සියයට 59 දෙනෙකු තවමත් විශ්වාස කරන්නේ එහිදී ඔස්වල්ඞ් තනිව ම කටයුතු නොකළ බවය. ඒත් අනෙක් කෘති මෙන් නොව, අයින්ස්වර්ත්ගේ කෘතියට සාහිත්‍යමය වටිනාකමක් ඇත. එහි බොරු පුරාජේරු හෝ වැල්වටාරම් ඇත්තේ ද නැත. ඇත්තේ ඔහු සියැසින් දුටු දෑ පමණය.

අයින්ස්වර්ත්ගේ නිවස පිහිටා ඇත්තේ, ඇමෙරිකන් ජනපතිවරයකු වන ජෝර්ජ් ඩබ්ලිව්. බුෂ්ගේ නිවසට නුදුරිනි. මා ඔහුගේ නිවසට රැගෙන ගියේ, කළු ජාතික කුළී රථ රියැදුරෙකි. ඔහු ඩලාස්හි පදිංචියට පැමිණ ඇත්තේ, අපි‍්‍රකානු රටක් වන ටෝගෝ සිටය. කෙනඩි ඝාතනය වෙද්දී ඔහුගේ වයස අවුරුදු 11 කි. එදා සිදුවූ දේ ඔහුට අද මෙන් මතක යැයි කියා සිටියේය.

වසර ගණනාවක් ගත වුණත්, කෙනඩි ඝාතන සිදුවීම සහ ඊට අදාළ සිදුවීම් වාර්තාකරණය තම ජීවිතේ වෙනස් කළ බව අයින්ස්වර්ත් පැහැදිලි කරයි. ‘මා විවිධ මාතෘකා යටතේ පුවත් වාර්තා කළා. ජාතික පුවත්පත් රැසකට සම්බන්ධ වී රාජකාරි කළා. සඟරාවලට සම්බන්ධ වුණා. ගවේෂණාත්මක පුවත් ලියුවා. විශේෂාංග ලියුවා. ඒත් කෙනඩි ඝාතන සිද්ධිය මගේ මුළු ජීවිතය ම වෙනස් කළා. ඒ සිදුවීම මතක් වෙද්දී කවුරුත් කතා කළේ මගේ නමත් ඊට ඈඳා ගනිමින් යැයි හෙතෙම කියයි. පුලිට්සර් සම්මානය වෙනුවෙන් ද අයින්ස්වර්ත්ගේ නම සිව්වරක් අවසන් වටයට යෝජනා වී ඇත.


”ඇත්ත. කෙනඩි ඝාතනය මෙයාගෙ ජීවිතය සම්පූර්ණයෙන් ම වෙනස් කළා තමා.” යැයි අයින්ස්වර්ත්ගේ බිරිය පෝලා පැවැසුවේ, අපේ කතාබහට සම්බන්ධ වෙමිනි. ඇය විසිත්ත කාමරයට පැමිණියේ අපට අයිස් තේ රැගෙනය. ඇය පූසා උන් තැනින් එළවා දමමින්, අයින්ස්වර්ත් අසලින් වාඩි වුණාය. ”හරිම පුදුම දෙයක් එදා සිදු වුණේ. හරිම පුදුමයි! ඔහු එදා ඒ සිදු වීමට සම්බන්ධව හැම තැනක ම හිටියා.” ඇය කීවාය.

‘එදා ඔහුට වාසනාව පෑදුණේ අහම්බෙන්. වාර්තාකාරයකුට ලැබෙන වාසනාවක්! වෙඩි ප‍්‍රහාරයත් සමඟ ඔහු තුළ වූ වාර්තාකාරයකුගේ සහජ ඉව කි‍්‍රයාත්මක වුණා. ඒ වෙලාවේ ඔහුගේ අතේ පෑනක් පොතක් තිබුණේ නැහැ. ඔහු ළඟපාත සිටි දරුවකුගෙක් පැන්සල් කැබැල්ලක් අරගත්තා සත 25 ක් දීලා. සාක්කුවේ තිබුණු බිල් පතකයි, තමා දුටු දේවල් සටහන් කර ගත්තේ.’

ජනපති කෙනඩි සහ පිරිස ගමන් කළ මෝටර් රථයට වෙඩි තැබීමේ සිදුවීම සම්බන්ධයෙන් ප‍්‍රධාන ඇසින් දුටු සාක්ෂිකරු හමුවී කතාබහ කළ පළමු වාර්තාකරු ද අයින්ස්වර්ත්ය. එම සාක්ෂිකරු ජල නළ කාර්මික ශිල්පියකු වූ හොවාඞ් බ්‍රෙනන්ය. ඔහු සිටියේ පාරේ අනෙක් පැත්තේ පිහිටි හූස්ටන් වීදියේ ටෙක්සාස් පාසල් පෙළපොත් ගබඩාව ඉදිරිපිටය. එදා වෙඩි තැබීම සිදු වූයේ දහවල් 12.30ටය. ”මං වෙඩික්කරුව දැක්කා. ඔහු ඒ මොහොතේ සිටියේ මරණ බයෙන්. ඔහු තොප්පියක් පැලඳ සිටියා. වෙඩික්කරුව මං දැක්කේ උඩු මහලේ ජනේලය අසලයි හිටියේ. මං ඔහුව හොඳටම දැක්කා.’ යැයි හොවාඞ් බ්‍රෙනන් පවසා තිබේ.

හොවාඞ් බ්‍රෙනන් ලබා දුන් තොරතුරු අනුව, ටෙක්සාස් පාසල් පෙළපොත් ගබඩාවේ සයවැනි මහලේ සිටි වෙඩික්කරුගේ විස්තරයක් පොලිස් පණිවුඩ හුවමාරු ඔස්සේ ප‍්‍රසිද්ධ කෙරුණි. ඒ වෙඩි තැබීම සිදුවී මිනිත්තු 15 ක් ගත වෙද්දීය. එම පණිවුඩය අසන්න ලැබුණු පොලිස් නිලධාරී ජේ.ඞී. ටිපිට්, ඕක් ක්ලිෆ් නමැති ස්ථානය පසුකර යද්දී, පණිවුඩයේ සඳහන් විස්තරයට ගැළපෙන අයකු මුණ ගැසුණි. ඒ තැනැත්තා ඔස්වල්ඞ් විය. ඔස්වල්ඞ් ටිපිට්ට වෙඩි තබා පළා ගියේය.

ජේ.ඞී. ටිපිට්ගේ මරණය ගැන දැනගත් සැණෙන් අයින්ස්වර්ත් එම ස්ථානයට ගියේය. ඒ, කෙනඩි ඝාතනය සහ පොලිස් නිලධාරියාගේ ඝාතනය අතර සම්බන්ධයක් තිබිය හැකි යැයි අනුමාන කිරීමෙනි. එම අනුමානය නිවැරදි විය. එහිදී ඔහුට එෆ්.බී.අයි. පරීක්ෂකවරුන්ගේ පණිවුඩ හුවමාරුවක් අසන්නට ලැබුණි. ඒ, අසල පිහිටි සිනමා ශාලවෙකදී ඔස්වල්ඞ් පොලිස් නිලධාරීන්ට කොටු වී සිටින බවටය. අයින්ස්වර්ත් වහා එම ස්ථානයට ගියේය. අයින්ස්වර්ත් සහ ලී හාවි ඔස්වල්ඞ් මුහුණට මුහුණ හමුවුණේ එස අවස්ථාවේදීය.

සිනමාශාලාවේදී, තමා වට කළ පොලිස් නිලධාරීන්ට වෙඩි තැබීමට ඔස්වල්ඞ් උත්සහ කළ ද ඔහු අතේ තිබූ මිලිමීටර් 38 ගිනි අවිය නිසි ලෙස කි‍්‍රයාත්මක නොවිණි. පොලිස් නිලධාරීහු සහ එෆ්.බී.අයි. පරීක්ෂකවරු පස් හය දෙනෙක් අසුරු සැණින් ඔහුගේ අඟට කඩා පැන ඔහු මෙල්ල කර ගත්හ. ‘ඔවුන් ඔහුට පහර දී බිම දැම්මා. එවිටයි ඔහුගේ මුහුණේ කැපුම් තුවාලය ඇතිවුණේ’ යැයි අයින්ස්වර්ත් තමා දුටු දේ මා සමඟ පැවැසීය.


යළිත් වරක් අයින්ස්වර්ත්ට ඔස්වල්ඞ් දකින්න ලැබුණේ, නගරසභා ශාලාවේ බිම් මහලේ පොලිස් මූලස්ථානයේදීය. පොලිස් නිලධාරීහු ඔහු ප‍්‍රධාන බන්ධනාගාරයට රැගෙන යෑමට සූදානම් වී සිටියහ. ‘මං ඒ අවස්ථාවේ හිටියේ හැකි තරම් ඔහුට ළං වෙලා. මට ඉදිරියෙන් බොහෝ දෙනා සිටියා. මං දැක්කා රූබී රැස්ව සිටි පිරිස අතරින් ඉදිරියට එනවා. ඔහු පිස්තෝලය දිගු කළා එක වෙඩිල්ලයි. වෙඩි තැබුවේ ඔස්වල්ඞ් ගේ හිසට’


රූබීගේ කෝබ‍්‍රා කෝල්ට් වර්ගයේ පිස්තෝලයෙන් සිදු කළ වෙඩි තැබීමත් සමඟ නොකඩවා පැය 48 ක් පුරා අයින්ස්වර්ත් කළ පුවත් වාර්තාකරණය අවසන් වුවත්, ඔහුගේ කතාව එතැනින් අවසන් නොවීය. ගත වූ 50 වසර තිස්සේ, කෙනඩි ඝාතනයට අදාළ සිදුවීම් සහ පුද්ගලයන් සොයා ගවේෂණ රැසක් සිදු කළේය. ඔහු ඔස්වල්ඞ්ගේ වැන්දඹුව මරීන් හමුවූයේය. ඇය හොඳින් දැනහඳුනා ගත්තේය.තවමත් ඔහු ඇය සමඟ දැනහැඳුනුකම් පවත්වයි. අයින්ස්වර්ත් රූබීගේ පවුලේ අය හමුවී කතා කළේය. එපමණක් නොව, කෙනඩි ඝාතනය කුමන්ත‍්‍රණයක් යැයි නොයෙක් නොයෙක් මත පළ කරන බොහෝ දෙනා හමුවී කතාබහ කර ඇත. ඔවුන් කියා සිටින්නේ ඔස්වල්ඞ් තනිව ම කි‍්‍රයා නොකළ බවත්, රූබී ද ඔහුට හවුල් අයකු බවත්ය. කෙසේ නමුත් කාටත් වඩා සිදුවුණේ මොක්කදැයි තමා දුටුවේ යැයි අයින්ස්වර්ත් කියා සිටී. ඒත් කෙනඩි ඝාතනය මහා කුමන්ත‍්‍රණයක් බව පෙන්වා දෙමින්, ධනවත්වූත්, ප‍්‍රසිද්ධියට පත්වූත් අය බොහෝ වෙති. තමා දුටු දේ හෝ තමා දැනගත් දේ හෝ විකෘති කරමින් වාසි ගැනීමට හෝ ප‍්‍රසිද්ධ වීමට හෝ අයින්ස්වර්ත් කිසිවිටෙකවත් ඉදිරිපත් වූයේ නැත.

”මෙයා යහපත් ගතිගුණ ඇති කෙනෙක්. හොඳ මනුස්සයෙක්. මෙයාට තිබුණු මෙයා දුටු දේවල් සහ දැනගත් දේවල් ප‍්‍රසිද්ධ කරමින් වාසි ගන්න. බොරු ගොතා කියන්න. ඒත් එහෙම කළේ නැහැ. එහෙම කළා නම් මෙයා අද කෝටිපතියෙක්” යැයි බිරිඳ පෝලා කියා සිටියේ සිනහසෙමිනි. අයින්ස්වර්ත් සමඟ කළ පිළිසඳර මා අවසන් කරන්නේ, වසර 50 කට පෙර ඔහු ලියූ මාධ්‍ය වාර්තාවක අවසානය උපුටා දක්වමිනි, ”කුමන්ත‍්‍රණයක් ගැන අහන්න කවුරුද අකමැති. ඒ වගේමයි කවුරුන්ද අකමැති විශ්වාස කරන්න කවුරුත් නොදන්න කිසිම සම්බන්ධකමක් නැති පුද්ගලයන් දෙදෙනකු ඉතිහාසයේ මඟ වෙනස් කළා කියලා. ඒත් ඒක තමා ඇත්තටම සිදු වුණේ”






Comments

  1. අද රෑ අටට නැෂනල් ජෝග්‍රෆික් එකේ මේ ගැන වාර්තා වැඩසටහනක් තියෙනවා.

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.