ඒත් වචනයක් පැළපදියම් වුනාහම අපට ඒ වචනය පාවිච්චි කරන්නම වෙනවා. ඒ නිසා අපිත් ඉන්ධන පිරිමහින, කාර්යක්ෂමතාවෙන් උසස්, සුවපහසුවෙන් වැඩි, යම්තම් දුමක් තියා සුළඟක්වත් පිට නොකරන, මේ විස්මිත උමං දුම්රියටත් ඒ නම ම යොදමු. මෙහි ඇති ලොකුම විස්මය මෙය ධාවනයට රියැදුරකු අවශ්ය නොවීමයි.
![](https://blogger.googleusercontent.com/img/b/R29vZ2xl/AVvXsEi6ponWoqfhJRLuv-FTel2iyhtFQ0s78McWPtgs7YBlRnK7d1YuDhA3jcjDmCd7MMM9y902QX4oAE2p2lh61WKNXJBEic-ll_3qnAPnEc86Iup7hb8j1uVEe_GTvrrNbBTsBvh-IoCBwO4/s1600/1.jpg)
මේ තමා ඉන්ස්පිරෝ උමං දුම්රිය. පදවන්න රියැදුරෙක් නෑ. ඉන්ධන පිරිමහින උසස් සුවපහසුවෙන් යුත් ගමනාගමනයක් ඔබට ලබා දෙනවා. ඔක්තෝබර් 8 වැනිදා ලන්ඩනයේ දී මහජනයාට ප්රදර්ශනය කෙරෙනවා.
එංගලන්තයේ ලන්ඩන් නගර උමං දුම්රිය වෙනුවට යොදා ගන්නා අලූත්ම උමං දුම්රිය හඳුන්වා ඇත්තේ ‘ඉන්ස්පිරෝ’ (Inspiro) කියලයි. ඔක්තෝබර් 8 වැනිදා ලන්ඩනයේ වික්ටෝරියා ඩොක්ස්හී ද කි්රස්ටල්වල පැවැත්වෙන ප්රදර්ශනයේදී මේ දුම්රිය හැබැහින්ම දැක ගත්තෑකි.
ජර්මනිය මූලස්ථානය කර ගෙන ලොව පුරා ව්යාප්ත සීමන්ස් (Siemens) ඉංජිනේරු සමාගම තමයි, මේ සංකල්පය පසුපස සිටින්නේ. ඊළඟ පරම්පරාවේ උමං දුම්රිය ලෙස හැඳින්වෙන මේ ඉන්ස්පිරෝ එක පෙට්ටියක් සඳහා පවුම් මිලියනයක් වැය වෙනවා. ලන්ඩනයේ නගරාධිපතිවරයා අනුමැතිය දුන්නොත් මේ නව උමං දුම්රිය බි්රතාන්යයේ දී ම තනා දෙන්නට ඒ සමාගම සූදානම්.
![](https://blogger.googleusercontent.com/img/b/R29vZ2xl/AVvXsEh-4arWq0diW1HTxuZ9OWFCi9XTkHMULKiRVT9Kh4Fr5lXpRWhziw_XzBg7IVS3WPjqgp9U2iWNzOAy9GyppFM493AUwTtsQRdb4GpIClcX-NNp45_pkXYLgoxde5UrgvaYwd15Opg5hIE/s1600/2.jpg)
මෙහි මගී පෙට්ටි ආලෝකවත් කර ඇත්තේ එල්ඊඞී ක්රමයටයි. වැඩි දෙනකුට එකවර ඇතුළු විය හැකි පරිදි මෙහි දොරවල් විශාල කර තියෙනවා. ලන්ඩන උමං දුම්රියේ පවතින පෙට්ටියකට වඩා සියයට 30ක් මෙහි මගීන් ගෙන යා හැකියි.
ඉන්ස්පිරෝ දුම්රිය සියයට 30ක් බලශක්තිය ඉතිරි කරනවා පමණක් නොව දැන් පවතින ඒවාට වඩා බරිනුත් සියයට 20ක් අඩුයි.
පෙට්ටි ආලෝකවත් කර ඇත්තේ එල්ඊඞී (LED) ක්රමයටයි. මුළුමනින් ම වායුසමීකරණය කරලයි තියෙන්නෙ. දොරවල් විශාල කර ඇති නිසා මගීන් බහුල වේලාවලදී තදබදය අඩුවෙනවා. ඇතුළු වෙන්න පිට වෙන්න පොර කන්න ඕනෑ වෙන්නෙ නෑ.
රියැදුරකු අවශ්ය නො වන නිසා වෘත්තීය සංගම් මේක විරුද්ධ වෙන්න ඉඩ තියෙනවා, ඔවුන්ගේ රැකියාවට තර්ජනයක් එල්ලවේය යන බියෙන්.
![](https://blogger.googleusercontent.com/img/b/R29vZ2xl/AVvXsEh0oqdQo4li5RFCXSuCUkPibVYs6N-13N5HPVBBfGz7iQrqygkMcZ7wUqkGZujC5h9smeMdJB1MpmV83HbF44jVhGXqiB-rbTpLX7rlvXZl2a_ZKEzs20i02IO9F4rlPuERGMUovlkgspU/s1600/3.jpg)
සීමන්ස් ඉන්ස්පිරෝ මෙට්රෝ දුම්රිය පසුගියදා මාධ්යවේදීන්ට ප්රදර්ශනය කෙරුණේ මෙහෙමයි.
![](https://blogger.googleusercontent.com/img/b/R29vZ2xl/AVvXsEghuqUj-S-RQtIYoFDMWnQzPRonfHmV7rT2MOyYDMXM5MTiNnbwiCzIGfAxg-2trfA2AUd_dMIVlRW_hwLAN_gl2TdbIJkEvCFZrpmSS10Cdc11TxOXo1wJbEuLCuTFhliwU4T-HUsoD5k/s1600/4.jpg)
දොරවල් විශාල නිසා තදබද වේලාවට වුවත් පොරකන්නෙ නැතිව ඇතුළු වුනෑකි.
කෙසේ හෝ වේවා. බි්රතාන්ය රජයේ නව ප්රතිපත්තිය අනුව ලන්ඩන් උමං ප්රවාහනයට ප්රතිපාදන ලබාදෙන්නේ එරට ස්ථාපිත කර ඇති සමාගමක් නිපදවන්නේ නම් පමණක් වන නිසා මේ උමං දුම්රිය ද තැනිය යුත්තේ ඒ රටෙහිය. ඒ අනුව බි්රතාන්යයේ පිහිටුවා ඇති සීමන්ස් සමාගම ඒ කාර්යය කරනු ඇති.
මේ ප්රදර්ශනයට උමං දුම්රිය සඳහා කර ඇති නව නිපැයුම් රැසක් ද ඉදිරිපත් කෙරෙනු ඇති.
![](https://blogger.googleusercontent.com/img/b/R29vZ2xl/AVvXsEig2Css4VjlCBXbzwARVwIoyM9EbIUzu0zw7u5ScO9toLCpl82eLru3TayDMUxrL_5oouoe43ELRDn1c0d3DwKRIDpmXndMBxp09GAxBbJdteVJFVyt_HfSp24Kae7moMX6wjlOizDASF4/s1600/5.jpg)
මැදිරි ඇතුළත ඇති සුවපහසු බව බැලූ බැල්මට ම පැහැදිලි වනු ඇති.
![](https://blogger.googleusercontent.com/img/b/R29vZ2xl/AVvXsEjPzpL5BptU4JT7e_6oHEAH5MU-csVgO590cJHz8uMCiC3zUiOJiKfPHIxGIKXzcvJahhODsWu-ceU56RHtcGzesDI2PkP-y16hnvdWvCn0VB_VjzSf5e4_818U8AaINRdmHBsuQgUtVjY/s1600/6.jpg)
සීමන්ස් ආයතනය බලාපොරොත්තු වන්නේ අලූත් පරම්පරාවේ මේ ඉන්ස්පිරො උමං දුම්රිය ලන්ඩන් වැසියන්ගේ හිත දිනා ගනීවි කියලයි.
0 Comments