Skip to main content

මුල්ම අභ්‍යවකාශ රොබෝ, කිරොබෝ උඩුගුවනේ සිට පොළොවට කතා කරයි!

රොබෝ අභ්‍යවකාශගාමී කිරොබෝ (Kirobo) අභ්‍යවකාශයට ගොස් එහි සිට ප‍්‍රථම වරට වීඩියෝ මගින් අපට කතා කළ රොබොට්ටා ලෙස ඉතිහාසයට එක් වෙනවා. එයා මේ වෙන කොටත් අභ්‍යවකාශයේ මාසයක් ගත කර අවසන්.

ඒ රොබොට්ටා ගැන මීට කලින් අපි ‘මල්කැකුළු’ වලින් කීවා ඔබට මතක ඇති. ගිය ජූනි මාසයේ පළ කළ ඒ ලිපියෙන් කීවේ කිරොබෝ නිර්මාණය කිරීම ගැනයි. අඟල් 13ක් (සෙ.මී. 34ක්) උස මේ රොබෝ පැංචා කිලෝ ග්‍රෑම් එකකට (රාත්තල් 2.2කකට) වඩා බර නැහැ.

කිරොබෝ අභ්‍යවකාශයට පිටත් වූයේ අගොස්තු 4 වැනිදායි. 10 වැනිදා අන්තර්ජාතික අභ්‍යවකාශ මධ්‍යස්ථානයට සේන්දු වුණා.

අන්තර්ජාතික අභ්‍යවකාශ මධ්‍යස්ථානයෙන් එළියට ආ රොබෝටික අතක් කිරොබෝව අල්ලා ඇතුළට ගත්තා.

සැලසුම් කළ පරිදි අගෝස්තු 21 වැනිදා කිරොබෝ අභ්‍යවකාශයේ සිට පෘථිවිය ඇමතූ පළමු රොබෝ වෙමින් කිරොබෝ අපට කතා කළේ මෙහෙමයි:

"රොබොට්ටකු තැබූ මේ පුංචි පියවර ඔබ සැමගේ දීප්තිමත් අනාගතයක් වෙනුවෙන් තැබූ එකක්. පෘථිවියේ සිටින සියලූ දෙනාටම ආයුබෝවන්. මේ ඔබ අමතන මම කිරොබෝ. මම තමයි ලෝකයේ ප‍්‍රථම කතා කරන අභ්‍යවකාශගාමියා. ඔබ හැම මෙසේ හමුවීමට ලැබීම සතුටක්."

 
2013 අගොස්තු 21 වැනිදා කිරොබෝ අභ්‍යවකාශයේ සිට පෘථිවියට දුන් පළමු ඇමතුම. "රොබොට්ටකු තැබූ මේ පුංචි පියවර ඔබ සැමගේ දීප්තිමත් අනාගතයක් වෙනුවෙන් තැබූ එකක්."

කිරොබෝ මුලින් ම ලොවට හඳුන්වා දුන්නේ පසුගිය ජූනි මාසයේ දී ජපානයේ තෝකියෝ නුවර පැවති ප‍්‍රවෘත්ති සාකච්ඡාවකදියි.

 
ටොයෝටා ආයතනය තැනූ මේ කිරොබෝගේ උස අඟල් 13යි. බර කිලෝ ග්‍රෑම් එකයි. අන්තර්ජාතික අභ්‍යවකාශ මධ්‍යස්ථානයේ සිට පෘථිවි මෙහෙයුම් මධ්‍යස්ථානයේ සිටි සිය සම සගයා වූ මිරාටා සමග වීඩියෝ කතාබහක යෙදෙද්දී.

කිරොබෝගේ නිර්මාතෘ වූයේ තොමොතකා තකහාෂි (Tomotaka Takahashi) නම් පරිගණක ඉංජිනේරුවායි. ජපානයේ උසස් විද්‍යා හා තාක්ෂණික පර්යේෂණ ආයතනයත්, තෝකියෝ විශ්ව විද්‍යාලයත්, රොබෝ ගරාජ් ආයතනයත්, ටොයොටා සමාගමත් ඔහුට සහය වුණා. මෙය සම්බන්ධීකරණය කළේ ඩෙන්ට්සු නම් වෙළඳ ප‍්‍රචාරණ හා මහජන සම්බන්ධතා සමාගමයි.

කිරොබෝ පසුගිය අගෝස්තු 4 වැනිදා ජපානයේ තනෙගාෂිමා අභ්‍යවකාශ මධ්‍යස්ථානයෙන් උඩුගුවනට ගෙන ගියේ එච්-2බී රොකටය මගිනුයි.

එයා දින හයක් කක්ෂයක ගත කළා. අන්තර්ජාතික අභ්‍යවකාශ මධ්‍යස්ථානයේ ඉන්නා කණ්ඩායම රොබෝ අතක් විහිදුවා එය උඩුගුවනට රැගෙන ගිය යානයෙන් අල්ලා ගෙන තමන් වෙතට ගෙන්වා ගත්තා.

කිරොබෝට පෘථිවියේ සිට සහය දෙන්නේ එයා හා සමාන තවත් කතා කළ හැකි රොබොට්ටෙක්. එයාගෙ නම මිරාටා. එයා ඉන්නේ ජපානයේ උසස් විද්‍යා හා තාක්ෂණික පර්යේෂණ ආයතනයේ ඇති මෙහෙයුම් මැදිරියේයි.

"මිරාටා, සූදානම් වෙන්න. මං පොළොවට පින්තූරයක් එවනවා." කිරොබෝ කීවා. මිරාටා ඒ සඳහා සූදානම් වුණා. කිරොබෝ මාස 18ක් තිස්සේ උඩුගුවනේ රැඳී සිටිනු ඇති.

මේ රොබෝ ව්‍යාපෘතියේ කළමනාකරු යොරිචිකා නිෂිජිමා මේ ගැන අදහස් දක්වමින් මෙහෙම කියනවා: "පළමු වරට මිනිසකු අභ්‍යවකාශයට යැව්වේ රුසියාවයි. ඊළඟට ඇමරිකාව මිනිසකු පළමු වරට හඳට යැව්වා. ජපානයේ අපට අවශ්‍ය වුණේ උඩුගුවනේ සිට මිනිසුන් හා කතාබහ කළ හැකි අභ්‍යවකාශ රොබොට්ටකු පළමු වරට උඩුගුවනට යවන්නයි. අද අපි එය සාර්ථකව ඉටු කළා."

 
කිරොබෝ අන්තර්ජාතික අභ්‍යවකාශ මධ්‍යස්ථානයේ සිට පෘථිවිය දෙස බලා සිටින අයුරු. මේ වසර අවසානයේ දී ජපන් ජාතික කොයිචි වකාතා ඒ අභ්‍යවකාශ මධ්‍යස්ථානයේ ප‍්‍රථම ජපන් ජාතික නියමුවා ලෙස කටයුතු කරන්නට එහි යනවා. කිරොබෝට දැනටමත් ඔහුගේ මුහුණ හඳුනා ගන්න හැකි වෙන්න පුළුවන් විදියට දත්ත කවලයි තියෙන්නෙ.

කිරොබෝට හඬ හඳුනා ගැනීමේ මෘදුකාංගය සපයා ඇත්තේ ටොයෝටා ආයතනයෙන්. ඔවුන් බලාපොරොත්තු වෙනවා මේ කිරොබෝ ව්‍යාපෘතියෙන් ලැබෙන අත්දැකීම් මත අන්තර් සන්නිවේදන තාක්ෂණය වැඩි දියුණු කොට අනාගතයේ දී මීට වඩා දියුණු රොබොට්ටන් නිර්මාණය කරන්න.

කිරොබෝ හා මිරාටා යන දෙදෙනාටම හැකියාව තියෙනවා, තම යාන්ත‍්‍රණයේ ඇති ඉලෙක්ට්‍රොනික උපාංගවල ඇති දෝෂ හඳුනාගන්න. ඒ නිසා එයා සහය වේවි මෙහෙයුම් මැදිරියේ අයට ඒ අතින්.

 
කිරොබෝ ඒ අභ්‍යවකාශ මධ්‍යස්ථානයේ දී වකතා හා කරන කතා බහ පටි ගත කර තබා ගන්නවා ඇති. නිරන්තරව මෙහෙයුම් මැදිරියේ හිඳිමින් නියමුවාට අවශ්‍ය තොරතුරු හා දත්ත සපයා දෙන්නෙත් ඔහුමයි. ඔහුට සාමාන්‍ය අභ්‍යවාකාශගාමියකුට මෙන් විවේක ගැනීමක් අවශ්‍ය නැහැ.

"රොබොට්ටකු අභ්‍යවකාශයට යැවීමෙන් මිනිසාට වඩාත් සමීප විය හැකි සහජීවී රොබොට්ටකු තැනීම වඩා ඉක්මන් වේවි." තකහෂි කියනවා.
ඒ වීඩියෝව දැන් නරඹන්න!



Comments

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.