මෙහි අරමුණ වන්නේ පෘථිවියට ආසන්න අභ්‍යවකාශ වස්තූන් වන ග්රහක, උල්කාශ්ම හා වෙනත් වස්තූන් ගැන වඩා හොඳ අවබෝධයක් ලබා ගැනීමයි. ඇමරිකන් රජයේ අභ්‍යවකාශ ගවේෂණ ආයතනය වන නාසා ඒ සඳහා ‘ඔරායන්’ කියා නව අභ්‍යවකාශ යානයක් ද තනා තියෙනවා.
ඇමරිකාව මෙවර සැලසුම් කර ඇත්තේ අභ්‍යවකාශගාමීන් පිරිසක් නව පරම්පරාවේ අභ්‍යවකාශ යානයක් මගින් පෘථිවියට සමීප ග‍්‍රහකයකට යවා එම ග‍්‍රහකයෙන් පස් සාම්පල රැගෙන ඒමටයි. ඒ සඳහා මෙවර ඔවුන්ගේ අයවැයෙන් මුදල් වෙන් කර තියෙනවා.
පසුගිය දා ඒ සැලසුම කි‍්‍රයාක්මක කරන ආකාරය දැක්වෙන වීඩියෝවක් ඔවුන් විසින් ‘යූ ටියුබ්’වලට නිකුත් කරනු ලැබුවා.
ග‍්‍රහකය අල්ලා ගන්නට යන්නේ නව පරම්පරාවට අයත් මේ ඔරායන් අභ්‍යවකාශ යානයෙනි.
නාසා ආයතනය ග‍්‍රහකය යන ගමන් පථයට ගොස් අල්ලා ගන්නේ කෙසේද යන්න සවිස්තරව දක්වා නැතත් ඔවුන් විසින් නිකුත් කරන ලද දර්ශනවලින් පෙනී යන්නේ එය යෝධ ප්ලාස්ටික් බෑගයක් යොදා ඒ මගින් අල්ලා ගන්නට අදහස් කරන බවයි.
මෙය හඳුන්වා ඇත්තේ ‘ග්රහක යළි ස්ථාන ගත කිරීමේ මෙහෙයුම’ කියායි. මෙහිදී ඇත්තෙන්ම සිදුවන්නේ ග‍්‍රහකයක් අල්ලා ගෙන එහි පස් සාම්පල රැගෙන ඒමයි. ඒ සඳහා යොදා ගන්නේ අලූත්ම අභ්‍යවකාශ යානයක් රැගෙන ප‍්‍රබල රොකටයක්. මේ නව යානය හැඳින්වෙන්නේ ‘බහුකාර්ය පිරිසක් ගෙන යා හැකි ඔරායන් යානය’ කියායි.
සූර්ය බලය හා ගුරුත්වබලය යොදා ගෙන ඔරායන් යානයට මේ ග‍්‍රහකය වෙත යාමට දින 10ක් ගත වේවි.
මේ නව යානය පෙනුමෙන් ඇපලෝ අභ්‍යවකාශ යානයට සමාන වුවත් එයට ඇපලෝ යානයට වඩා වැඩි මිනිසුන් සංඛ්‍යාවක් ගෙන යාමේ හැකියාව තියෙනවා කියා නාසා ආයතනය කියනවා.
එයට වරකට අභ්‍යවකාශගාමීන් සිවු දෙනකු ගෙන යන්න පුළුවන්. ඇපලෝ අභ්‍යවකාශ යානයට ගෙන යා හැකි වූයේ වරකට තුන් දෙනකු පමණයි.
ඔරායන් අභ්‍යවකාශ යානය ග‍්‍රහකය වෙත ගොස් එය අල්ලා ගෙන බද්ධ වූ පසුවයි, අභ්‍යවකාශගාමීන්ට ඉන් පිටතට පැමිණීමට අවස්ථාව ලැබෙන්නේ. පිටතට ආපසු ඔවුන්ට හැකි වෙනවා, අභ්‍යවකාශයේ ඇවිදිමින් ග‍්‍රහ වස්තුව වෙත ළඟා වීමට. නාසා ආයතනය විසින් නිකුත් කර ඇති මෙහි දැක්වෙන පින්තූරවලින් හා වීඩියෝ වෙන් පැහැදිලි කෙරෙන්නේ එම කටයුත්ත කරන්න ඔවුන බලාපොරොත්තු වන ආකාරයයි.
ග‍්‍රහකය වෙත ළඟා වූ පසු ඔරායන් යානය පර්යේෂණ කාරිය අවසන් වන තෙක් ග‍්‍රහකයට බද්ධ වී තිබේවි.
ඔරායන් අභ්‍යවකාශ යානය ග‍්‍රහකය වෙත ගොස් එය මේ ආකාරයට අල්ලා ගත් පසුවයි, අභ්‍යවකාශගාමීන්ට අවස්ථාව ලැබෙන්නේ ඉන් පිටතට පැමිණ අභ්‍යවකාශයේ ඇවිදිමින් ග‍්‍රහ වස්තුව වෙත ළඟා වීමට.
එදා ඇපලෝ අභ්‍යවකාශ යානයට ගෙන යා හැකි වූයේ වරකට තුන් දෙනකු වුවත් මෙදා ඔරායන් අභ්‍යවකාශ යානයට වරකට අභ්‍යවකාශගාමීන් සිවු දෙනකු ගෙන යන්න පුළුවන්.
දින දහයක් පුරා අභ්‍යවකාශයේ ගත කළ ඒ කණ්ඩායම ආපසු පෘථිවිය වෙත පැමිණෙන්නේ අල්ලා ගත් ග‍්‍රහකයේ ඡායාරූප හා පාෂාණ සාම්පල එකතු කර ගත් පසුවයි.
වීඩියෝවේ දැක්වෙන පරිදි දින දහයක් පුරා සිදු කෙරෙන මෙම මෙහෙයුම අවසානයේ දී ඔරායන් යානය ගිය මග දිගේම ආපසු ඇවිත් පැසිපික් සාගරයට පතිත වන ලෙසටයි සැලසුම් කර ඇත්තේ.
පසුගිය වසරේ දහසක් දෙනාට තුවාල සිදු කරමින් රුසියාවට ඉහළින් අහසේ ග‍්‍රහකයක් පුපුරා ගියාට පසු නාසා මේ නව සැලැස්ම ගැන ඉඟියක් කළා. දැන් ඔවුන් එය කරන ආකාරය ගැන මහජනයා දැනුවත් කරන්නයි, මේ වීඩියෝව නිකුත් කර තියෙන්නේ.
මේ නව ප‍්‍රයත්නය ගැන දැන් විවිධ මත පළවෙනවා. පස් සාම්පල ලබා ගත් පසු ග‍්‍රහකයේ ඉතිරි වන කොටසට කරන්න යන්නේ කුමක්දැයි ඔවුන් කියා නැහැ. ඒ වගේ ම පෘථිවි ආසන්න ග‍්‍රහ වස්තුවක ගමන් මග වෙනස් කිරීමට යාම නිසා කුමන ආකාරයේ තත්වයක් ඇති වේවිද කියා නාසා ආයතනය විමසා බැලූ බවක් සඳහන් කරලා නැහැ. ඒ වගේ ම අල්ලා ගන්නට යන්නේ කුමන ග‍්‍රහකයද කියා තවම හෙළිදරවු කර නැහැ.
ඔවුන් මෙසේ පෘථිවි ආසන්න වස්තුවක් ලෙස හඳුන්වන්නේ අපේ පෘථිවියේ සිට සැතැපුම් මිලියන 28කට මෙහා ඇති පිහිටා ග‍්‍රහ වස්තූන් තමයි.
ඉලක්කයට මෙම ඔරායන් යානය යැවීමට ගුරුත්වය භාවිත කරන නිසා වට රවුම් මාර්ගයකින තමයි, යානය එහි ළඟා වෙන්නේ.
ගමන අවසන් වන්නේ සාගරය මත මෙසේ පතිත වීමෙනුයි.
නාසා ආයතනය පෘථිවි ආසන්න වස්තූන් පිළිබඳ ව කරන අධ්‍යයනය කෙරෙහි රජය දක්වන ආකල්පය පැහැදිලි කළ අභ්‍යවකාශ උපකමිටු සභාපති ස්ටීවන් පැලැසෝ මෑත පැවති රැස්වීමක දී කීවේ, එම යෝජනාව පිළිබඳ පැහැදිලි විස්තරයක් ලැබී නැති බවයි. තවමත් මේ පිළිබඳව නාසා ආයතනයේ උපදේශක මණ්ඩලවල සහයවත් මෙයට ලැබී නැති බවත් පෙනෙන හැටියට අධික වැය සහිත ඉතා සංකීර්ණ එකක් බවත් ඔහු වැඩිදුරටත් කීවා.
අනුමැතිය ලැබුණොත් නාසා ආයතනය 2025 දී සිය ප‍්‍රථම ග‍්‍රහකය අල්ලා ගැනීමට බලාපොරොත්තු වෙනවා.
දැන් ඒ වීඩියෝව නරඹන්න.
1 Comments
වැදගත් තොරතුරක්.. හදට ගිය එක දැනගෙන උන්නට මේ ග්රහක වලට යන එක දැනං උන්නෙ නැහැ.. ග්රහක වල වටින ඛනිජ හෙම තිබුනොත් ගන්න පුලුවන් නේද?
ReplyDelete