Skip to main content

අතින් ලියන විට හරි වැරදි කියා දෙන විස්මිත පෑනක්! අකුරක් වැරදුනොත් පෑන වෙවුලනවා!

ජර්මන් නව නිපැයුම් කරුවන් දෙදෙනකු විස්මිත පෑනක් නිපදවා තියෙනවා, අතින් ලියන විට නිවැරදි අත්ෂර වින්‍යාසය කියා දිය හැකි.

මේ අකුරු හරියට ඉගෙන ගන්න උදවු කරන පෑන නම් කරල තියෙන්නේ ‘ලර්න්ස්ටිෆ්ට්’ (Lernstift) කියලයි. ජර්මන් බසින් එහි අරුත ‘ඉගෙන ගන්නා පෑන’ යන්නයි.

ඒ පැන ඇතුළේ ක්ෂුද්‍ර පරිගණකයක් හා විශේෂ සංවේදකයක් සවි කරල තියෙනවා, ලියන විට කරන චලනය හඳුනා ගෙන අකුරේ හැඩය තේරුම් හැකි විධියට. වැරදි අකුරක් ලිව්වොත් පෑන වෙවුලන්න පටන් ගන්නවා.

මේ පෑන ඇතුළේ ‘වයි-ෆයි’ (Wi-Fi) උපාංගයත් තියෙනවා, ඒ නිසා මේ මගින් ලියන දේ ස්මාට් ෆෝන් එකකට හෝ පුද්ගලික පරිගණකයකට රැහැන් රහිතව එසැණ යවන්න පුළුවන්. එනම් මෙයින් ලියන ඕනෑම දෙයක් අන්තර්ජාලය හරහා උත්පතනය (upload) කරන්නත් මේ මගින් දුරස්ථව සිටින අයකුට අකුරු ලියන හැටි කියා දෙන්නත් මෙයට හැකියාව තියෙනව.

 
ජර්මන් නව නිපැයුම් කරුවන් දෙදෙනකු විසින් තනා ඇති විස්මිත පෑන. ‘ලර්න්ස්ටිෆ්ට්’ ලෙස නම් කර ඇති මෙයට අකුරුවල හරි වැරදි ලියන විට කියා දෙන්න පුළුවන්.

 
මේ ‘ලර්න්ස්ටිෆ්ට්’ පෑන ඇතුළේ බැටරියෙන් කි‍්‍රයා කරන, ලිනක්ස් (Linux) ක‍්‍රමයේ ක්ෂුද්‍ර පරිගණකයක් තියෙනවා. චලනය හඳුනා ගත හැකි සංවේදකයක්, ‘වයි-ෆයි’ උපාංගයක්, කම්පන මොඩියුලයක්, අක්ෂර වින්‍යාසයත්, අක්ෂර ලේඛනයත් කි‍්‍රයාත්මක කරන්න යතුරක් ද මෙහි යොදා තියෙනවා.

අනාගතයේ දී මේ පෑන වැඩි දියුණු කොට ව්‍යාකරණ වැරදි පෙන්වා දිය හැකි තත්වයට ගෙනෙන බව මෙය සැලසුම් කළ ෆෝක් වොල්ස්කි (Falk Wolsky) හා ඩැනියෙල් කේස්මාකර් (Daniel Kaesmacher) යන දෙදෙනා කියනවා.

මෙම පෑන පිළිබඳ අදහස මුලින්ම ආවේ වොල්ස්කිගේ බිරිඳටයි. ඇය සිය පුතුට ගෙදර වැඩ කියා දෙද්දී අකුරු පිළිබඳ යම් යම් ගැටලූ මතු වුණා. ඇය ඒ ගැන සැමියාගෙන් ඒ පිළිබඳ විමසද්දී ඔහුගෙන් ඇසුවා ඒ සඳහා මෙවලමක් තනන්න බැරිද කියා. එහි ප‍්‍රතිඵලයක් වශයෙන් තමා මේ ඩිජිටල් පෑන නිපදවනු ලැබුවේ.

ඒ වන විට භාවිතයට ඇවිත් තවමත් පවතින ඩිජිටල් පෑන්වලින් කෙරෙන්නේ අඳින හෝ ලියන හෝ කිසිවක් ඒ චලනයන් උපයෝගී කර ගෙන හඳුනා ගෙන ඒවා පරිගණක තිරයක් මතට පතිත කරවීම හෝ පරිගණකයේ වෙනත් කාර්යයකට යොදා ගැනීමයි.

මේ ඇතැම් පෑන්වලට ඒ කාරිය සඳහා අතිරේක උපාංග හෝ විශේෂ කඩදාසි වැනි වෙනත් දෑ අවශ්‍ය වෙනවා.

ලර්න්ස්ටිෆ්ට් ඒ සියල්ලටම වඩා වෙනස්. එහි ඇත්තේ වෙනත් තාක්ෂණයක්. ඒ තුළ පරිගණක මෘදුකාංගයක් රඳවා තියෙනවා. ඒ තුළ ඇත්තේ ලිනක්ස් ක‍්‍රමය යෙදූ පරිගණකයක්. පීසීවල හා ලැප්ටොප්වල භාවිතයට යොදා ගන්නා මාදිලියේ ම ඉතා කුඩා එකක්.

මේ පෑන තුළ රුවා ඇති පුවරුවේ චලන ග‍්‍රාහක සංවේදකයක්, ප්‍රොසෙසරයක්, මතකයක්, වයි-ෆයි උපාංගයක් හා කම්පන මොඩියුලයක් සවි කර තියෙනවා.

ලර්න්ස්ටිෆ්ට් පෑන තුළ රඳවා ඇත්තේ පීසීවල හා ලැප්ටොප්වල භාවිතයට යොදා ගන්නා ලිනක්ස් මාදිලිය භාවිත කරන ඉතා කුඩා පරිමාණයේ පරිගණකයක්.

 
මුලින් ම මෙය අත්හදා බැලීම් කරද්දී ඒ සඳහා යොදා ගත්තේ පැන්සලක්.

එහි ඇති චලන සංවේදකය ලියන විට කරන සියලූ චලනයන් හඳුනා ගන්නවා. ඔබ එයින් අහසේ ලියූවත් ඒ චලනයෙන් අකුරු හඳුනා ගන්න එයට පුළුවන්. ඒ නිසා මේ පෑනට අනෙක් ඩිජිටල් පෑන්වලට වගේ වෙනත් සහායක මෙවලම් අවශ්‍ය වන්නේ නැහැ.

ඒ ඇතුළේ වයි-ෆයි ඇති නිසා එයින් ලියන දෑ රැහැන් නොමැතිව ස්මාට්ෆෝන්වලට හෝ පරිගණකවලට හෝ ඉගෙන ගන්නා වෙබ් අඩවිවලට යවන්න පුළුවන්.

පෑනෙහි දෙවිධියක කි‍්‍රයාකාරිත්වයක් තියෙනවා. අක්ෂර වින්‍යාසය හා අක්ෂර ලේඛනය යනුවෙන් ඒවා හැඳින්විය හැකියි. අක්ෂර වින්‍යාසය (Ortohgraphy) කි‍්‍රයාත්මක කළ විට අකුරුවල වැරදි පෙන්වා දෙනවා. අක්ෂර ලේඛනය (Calligraphy) හෙවත් අකුරු ලිවීම කි‍්‍රයාත්මක කළ විට ලිවීමේ වැරදි හැඩතල ඇත්නම් තවත් කෙනකුට එය කියවිය නොහැකි නම් ඒවා පෙන්වා දෙනවා.

සැසඳීම සඳහා නිවැරදි අක්ෂර භාවිතය ඇතුළත් වදන් කෝෂයක් පෑන තුළ ඇති පරිගණකයට ඇතුළත් කර තියෙනවා.

අනාගතයේ දී ව්‍යාකරණ වැරදි, වැරදි වදන් ගැළපීම් පවා පෙන්විය හැකි පරිදි මෙය සැකසීමට ඔවුන් බලාපොරොත්තු වෙනවා.

මෙයට දමන රීෆිලය ඔබට කැමති විදියට, පෝල්පොයින්ට් හෝ තීන්ත පෑනක් ලෙස තෝරා ගන්න පුළුවන්. මුලින් ම ඔවුන් තැනූ ආකෘතින් පැන්සලටයි සවි කළේ.

විභ‍්‍රමේක්ෂයක් හෙවත් ගයිරස් කෝපයක් (gyroscope) සමග ත්වරණමානයක් හෙවත් ඇක්සෙලරෝමීටරයක් (accelerometer) සවි කර තියෙනවා. චලන හඳුනා ගැනීම වේගවත්ව නිවැරදිව කරන්න යොදා ගන්නේ එයයි. ඊට අමතරව චුම්බකමානයක් හෙවත් මැග්නටෝමීටරයක් (magnetometer) ද තියෙනවා.

මේ දෙදෙනා කික්ස්ටාටර් (Kickstarter) වෙබ් අඩවිය ඔස්සේ තමයි, මේ ව්‍යාපෘතියට මුදල් සොයා ගත්තේ. ඒ මුදල පවුම් 120,000ක්. මේ පෑන මුලින්ම සපයන්නේ ඒ සඳහා දායකත්වය සැපයූ අයටයි.

දැනට මෙයට ඉංගී‍්‍රසි හා ජර්මන් ඇතුළු භාෂා 40ක් යොදා ගෙන තියෙනවා.

මේ පෑනෙන් ලැබෙන ලොකුම ප‍්‍රයෝජනයක් ලෙස දැක්වෙන්නේ අලූත් භාෂාවක් ඉගෙන ගැනීමේ ඉන් ලැබෙන සහයයි.

අකුරක් වැරදුනොත් පෑන වෙවුලන්න පටන් ගන්නවා. එතකොට වරද ගැන ඇසුවා පෑන වැරැද්ද පෙන්වා දෙනවා.


මේ ලර්න්ස්ටිෆ්ට් පෑන සැලසුම් කළේ ෆෝක් වොල්ස්කි (Falk Wolsky) හා ඩැනියෙල් කේස්මාකර් Daniel Kaesmacher) යන දෙදෙනායි. ඔවුන්ගේ අපේක්ෂාව මෙයින් වඩාත් නිවැරදිව හා හොඳින් අකුරු ලියන්න ළමයින්ට හැකිවනු ඇති කියායි.

 
මෙයට දමන රීෆිලය ඔබට කැමති විදියට, පෝල්පොයින්ට් හෝ තීන්ත පෑනක් ලෙස තෝරා ගන්න පුළුවන්.

Comments

  1. නියමයි!.:)...ඉතාමත් ම වැදගත් නව නිපැයුමක්!...මේ පෑනෙ සිංහල භාෂාවත් තියෙනවද දන්නෑ?...කොහොම වුණත්, අනාගතය වෙනස් කරන නිපැයුමක් මේක...විශිෂ්ට ලිපියක්!...බොහොම ස්තුතියි!

    ReplyDelete
  2. විභාගෙට ලියන්ඩ බැරි වෙයිද මේකෙන් ....

    ReplyDelete
  3. මට නම් ඕකෙන් ලියන්න වෙන්නෙ නෑ... ලියන්න පටන් ගනිපු වෙලාවෙ ඉඳන්ම වෙව්ල වෙව්ල ඉන්න තමයි වෙන්නෙ

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.