Skip to main content

17 හැවිරිදි යුවතියක අතින් බිහිවෙන ලෝකයේ ලොකුම ලිලී මල මෙන්න!

උද්භිද විද්‍යාඥයන් යෝධ ශාක විශේෂ දෙකක් පරපරාගණය කොට ලෝකයේ විශාලතම ලිලී ශාකය බිහි කරන්න කළ උත්සාහයක් ගැන කතාවක්, මේ.

ආධුනික උද්භිද විද්‍යාඥවරියක් වන 17 හැවිරිදි හැනා රොජර්ස් (Hannah Rogers), බි‍්‍රතාන්‍යයට අයත් ලොකුම දූපත වූ අයිල් ඔෆ් වයිට් (Isle of Wight) හී වෙන්ට්නෝර් උද්භිද උද්‍යානයේ විශේෂඥයන් හා එක්ව ඇමසෝනියානු වෝටර් ලිලී ශාකයක් පරාගණය කරන්න සමත් වෙලා තියෙනවා. ලෝකයේ දැවැන්ත ශාක අතර එකක් වන මේ ජලජ ශාකයේ මල් පිපීම වසරකට රාති‍්‍ර දෙකකට සීමා වෙලයි තියෙන්නෙ.

රාති‍්‍ර කාලයේ සැරිසරණ ස්ක‍්‍රෑබ් (කුරුටු) කුරුමිණියන් තමයි, මේ ශාකය පරාගණය කරන්නේ. ඒ මල පිපී පවතින රාති‍්‍ර දෙක තුළ මුල් රාති‍්‍රයේදී ඒ මලෙන් අන්නාසිවල සුවඳට සමාන සැර සුවඳක් නිකුත් කරනවා. ඒ සුවඳට තමයි, ස්ක‍්‍රෑබ් කුරුමිණියන් ඒ කරා ඇදී එන්නේ.

 
මේ ශාක ලෝකයේ විස්මය පසුගියදා පිපුණේ බි‍්‍රතාන්‍යයේ අයිල් ඔෆ් වයිට් දූවේ පිහිටි වෙන්ට්නොර් උද්භිද උද්‍යානයේදියි. මහ රෑ පිපෙන මේ මල ඇගේ අතින් ම පරාගණය කළේ හැනා රෝජර්ස් කියන 17 හැවිරිදි වීර තරුණියක්.

මේ අසාමාන්‍ය පැළෑටියේ මල් පිපෙන්නේ රාති‍්‍ර කාලයේ දීයි. එය පිපෙන්නේ මුලින්ම සුදු පැහැති මලක් ලෙසයි. ඒ පළමු රැයේ දී විතරයි. ඉන්පසු ඒ මල ලිංගය මාරු කරනවා. පසුවදා රැයේ දී ඒ මල පිපෙන්නේ තද රතු පැහැයෙන් පිරුණු මලක් ලෙසයි. එදා රෑ එය දියේ ගිලෙනවා, සදහටම. ඒ මලේ ආයු කාලය රෑ දෙකක් විතරයි.

උද්භිද විද්‍යාඥයන් උත්සාහ ගත්තා, මේ ලිලී වර්ගයේ ශාක විශේෂ දෙකක් එක් කොට දෙමුහුමක් තනන්න. ඒ වික්ටෝරියා කෘසියානා හා වික්ටෝරියා ඇමසෝනියා යන දෙ ජාතියයි. ඒ මුසු කිරීමෙන් උපන් ශාකය ලෝකයේ ලොකුම ලිලී විශේෂය කියලයි ඔවුන් කියන්නේ.

මේ යෝධ පැළෑටිය අඩි 6ක් පළලයි. විස්මිත වේගයකින් වැඩෙනවා. මෑ ඇටයක් තරම් මෙහි බීජයකින් පැළයක් හැදෙන්න ගත වෙන්නේ තුන් මාසයක් විතරයි.

මේ පුංචි ඇට හිටවන්නේ අඩි 8ක ප‍්‍රමාණයේ හතරැස් බඳුන්වලයි. මෙයට පොහොර ටොන් දෙකක් ඕනෑ. එයින් පසු එය ගැලූම් 22,000ක ජලය ඇති ජලාශයක ගිල්වා තියනවා.

මල් පිපුනෙ මේ ජූලි මාසයේ. ඔක්තෝබර් වෙන කොට මේ ශාකය මිය යනවා. මේ ශාකය විශේෂයෙන් වැඩෙන්නෙ නිශ්චිත උෂ්ණත්වයක් යටතේ. එංගලන්තයේ මේ ශාකය රෝපණය කර ඇත්තේ ඒ ආකාරයට විශේෂ පරිසරයක් මවලයි. මුළු ලෝකයටම මේ විදියේ තැනක් ඇත්තේ සකසා මේ උද්‍යානයේ විතරයි.

මේ ගෘහය ඇතුළේ පුරවා ඇති ජලය සෙල්සියස් අංශක 26ටයි තියෙන්නෙ. අවට පරිසරයේ වාතයේ උෂ්ණත්වය සෙල්සියස් 45යි. ආර්ද්‍රතාව ඇත්තේ 95ක ප‍්‍රතිශතයකින්.

බි‍්‍රතාන්‍යයේ වෙන්ට්නෝර් උද්භිද උද්‍යානයේ අධ්‍යක්ෂ කි‍්‍රස් කිඞ් මේ ගැන කියන්නේ අපූරු කතාවක්. ‘මේ යෝධ ඕලූ විශේෂයේ ප‍්‍රජනන කි‍්‍රයාවලිය අතිශයින් පුදුමාකාර එකක්. පිපුණු මුල් රාති‍්‍රයේ දී මේ මල දීප්තිමත් සුදු පැහැයක් ගන්නවා. ඉතා සැර සුවඳක් නිකුත් කරනවා, ඉදුණු අන්නාසිවල සුවඳට සමාන. එයින් තමා පරාගණකාරකයා ආකර්ෂණය කර ගන්නේ. ප‍්‍රජනන කටයුතුවලට තියෙන්නේ එක රැයයි. මෙහිදී පරාගණකාරකයා වන්නේ ස්ක‍්‍රැබ් බීට්ල් (කුරුටු කුරුමිණියා).’ යැයි ඔහු කියනවා.

 
මේ යෝධ ඇමසන් ලිලී ශාකයේ මල් පිපෙන්නේ අවුරුද්දකට එක් වරක් පමණයි. ඒ පිපුණු මග් පවතින්නේ රාති‍්‍ර දෙකක් විතරයි. හනා රෝජර්ස් රාති‍්‍රයේ ම දිය මතින් පිහිනා ගොස් මේ වික්ටෝරියා ක්රූසියානා ශාකයේ පිපුණු මලේ පරාග අතින් ගෙන පරාගණය සිදු කළා.

‘මේ කුරුමිණියා මලට ඇදී ඇවිත් මලෙන් රොන් ගන්න ආවාම මල හෙමිහිට පෙති හකුළා ඌව වැළඳ ගන්නවා. ඒක ඇතුළේ පැණි සහිත කොටස් ඌ ආහාරයට ගන්නවා. ඒ වගේ ම ඒ මල ඇතුළේ උණුසුම අංශක පහක් පමණයි. පසුවදා වන තෙක් කුරුමිණියා ඒ ඇතුළේ හිර වෙනවා. පසුවදා රාති‍්‍රයේ යළිත් මල පිපුණාමයි, ඌට එළියට යන්න හැකි වන්නේ.

‘ඒ වන විට අපූරු දෙයක් සිද්ධ වෙලා. සුදෝ සුදු මල ලිංග පෙරළියකට ලක් වෙලා. තද රත් පැහැයට හැරිලා. ඒ ඇත්තේ පිරිමි මලක්. කුරුමිණියා ඒ පිරිමි මලේ පරාග ඇෙඟ් තවරා ගෙන එතැනින් ඉගිලිලා වෙන මලක් සොයා ගෙන යනවා. කලින් දා මේ මලට එන කොටත් තවත් මලකින් පිරිමි පරාග අර ගෙනයි ඌ ආවේ. මේ සුවිශේෂ මල පරාගණය වෙන්නේ එහෙමයි.’ කිඞ් පැහැදිලි කළා.

‘අපි මේ කටයුත්ත පින්සලකින් අතින් කළා. ඒ විදියටම. හැනා තමයි රාති‍්‍රයේ නිදි මරා ගෙන ඒ කටයුත්ත කළේ.’ කිඞ් වැඩිදුරටත් කීවා.

 
මේ මල හරිම පුදුම මලක්. මනාලියක් වගෙයි. මුල් දවසේ සුදෙන් සැරසිලා. පසුවදා තද රත් පැහැයෙන් සැරසිලා. ජීවත්වෙන්නේ රෑ දෙකයි.

උද්භිද විද්‍යාඥයන් මේ විධියට ඔවුන්ගේ කාරිය කරන එක ගැන එංගලන්තයේ ඉන්නා කුරුටු කුරුමිණියන් දැන ගත්තොත් ‘කුරු කුරු’ ගාන්න බැරි නෑ.

මේ මලට වික්ටෝරියා කියන නම දැම්මේ 19 වැනි සියවසේ මැද හරියේ දී ඒ සොයා ගත් බි‍්‍රතාන්‍ය ජාතික විද්‍යාඥයන් එවකට බි‍්‍රතාන්‍යයේ රජකම් කළ වික්ටෝරියා රැජින සිහිවීමටයි.

උද්භිද විද්‍යාඥ කිඞ් එංගලන්තයේ කීව් උද්‍යානයේ සේවය කරද්දී 1996 දී මේ වර්ගයේ ශාකයක් රෝපණය කළා. එහි පත‍්‍රයක පළල අඩි 8 යි අඟල් නවයක් වුණා. දෙමුහුන් කිරීමෙන් විශාල පත‍්‍ර සහිත ශාක බිහි කළ හැකියි කියලයි ඔහු කියන්නෙ. ‘මේ අලූතින් කළ දෙමුහුන් පැළෑටියේ මීටත් වඩා ලොකු පත‍්‍ර ඇති වේවි. ඒ පත‍්‍රවල දාරත් මීට වඩා උස් වේවි. සාමාන්‍යයෙන් මේ ශාකයක පත‍්‍රයක් අඩි 6ක් විතර වුනත් මේ නව පැළෑටියේ පත‍්‍රයක් අඩි 9ක් විතර වේවි කියලයි අපි හිතන්නෙ.’ ඔහු ඒ පිළිබඳ විස්තර කළා.

‘ලබන වසරේ මේ කාලෙ වෙන කොට මෙය ගිනස් පොතට ඇතුළත් ව තියේවි’ ඔහු අවසන් වශයෙන් කීවා.

 
මේ යෝධ පැළෑටිය වැඩෙන්න විස්මිත වේගයකින්. මෑ ඇටයක් තරම් වූ බීජයකින් මාස තුනක් වැනි කෙටි කාලයකට උඩදියි රෝපණය කළේ. අද එය මල් බිහි කරන දැවැන්ත පැළයක්. මේ මලක් පවතින්නෙ රෑ දෙකක් විතරයි. හැනා රොබට්ස් පින්සලක් යොදා ගෙන මේ මල පරාගණය කළා.

 
උද්භිද විද්‍යාඥ කි‍්‍රස් කිඞ් මේ ශාකය වැවීමට අවශ්‍ය උණුසුම සහිත පරිසරය සකසා දෙන ප‍්‍රකාශ වෝල්ටීය කෝෂ සවි කළ වහලය මත සිටින අයුරු. මෙය ඉදි කර ඇත්තේ බි‍්‍රතාන්‍යයේ අයිල් ඔෆ් වයිට් දූවේ පිහිටි මේ උද්භිද උද්‍යානයේයි. මෙවැනි පරිසරයක් තනා ඇති ලෝකයේ ඇති එකම තැන මෙයයි.

 
හැනා රොජර්ස් තමයි ස්ක‍්‍රෑබ් කුරුමිණියා කරන පරාගණ කාර්යය මෙහි දී ඉටු කළේ. මහ රෑ මැදියම මේ පොකුණ තුළ බැස ගෙනයි ඇය ඒ කටයුත්ත ඉටු කළේ.

 
මේ පුංචි බීජයෙන් තමයි, ඒ දැවැන්ත ශාකය බිහි වන්නේ, තුන් මාසයක් වැනි කෙටි කාලයකින්. මෙය රෝපණය කරන්න වර්ග අඩි 8ක ඉඩක් ඕනෑ.


Comments

  1. අර නංගි මලටත් වඩා ලස්සනයි නේද සුද්දො

    ReplyDelete
  2. නියම ලිපියක්

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.