Skip to main content

‘ස්ටාර් ටෙ‍්‍රක්’ සිහිනය සැබෑ වෙයි! ඔබේ සිරුරේ ලෙඩ හොයන්න විස්මිත මෙවලමක් එයි!

‘ස්ටාර් ටෙ‍්‍රක්’ ටෙලිවිෂන් චිත‍්‍රපට මාලාව ඔබට මතකද? ඒ චිත‍්‍රපටයේ කපිතාන් ස්කොට්ගේ අතේ අමුතු ගැජට් එකක් තිබුණා, ‘ට‍්‍රයිකෝඩර්’ (tricorder) කියලා. ඒක වෛද්‍ය උපකරණයක්. තත්පර ගානක් ඇතුළත ඔබේ සිරුරේ තත්වය කියා දෙන උපකරණයක්. දැන් ඒ උපකරණය ඇමරිකාවේ කැලිෆෝනියා ජනපදයේ පිහිටි සමාගමක් විසින් සැබෑවට ම තනා තියෙනවා.

ස්කෑනඩු ස්කවුට් (Scanadu Scout) කියා නම් කර ඇති අතේ ගෙන යා හැකි මේ උපකරණයට ඔබේ හෘද ස්පන්දනය, උෂ්ණත්වය, රුධිරයේ ඔක්සිජන් මට්ටම, ශ්වසන වේගය, රුධිර පීඩනය, ඊසීජී හා මානසික ආතතිය ආදී සිරුරේ නොයෙකුත් පරීක්ෂාවන් එක මොහොතක් ඇතුළත ලබා දෙන්න පුළුවන්.

ඒ උපකරණය ඔබේ නළල මත තැබුවාම එහි ඇති ‘බ්ලූටූත්’ එක මගින් තත්පර දහයක් ඇතුළත ඔබේ සිරුරේ තත්වය ගැන අවශ්‍ය වෛද්‍ය තොරතුරු ඔබේ ස්මාට් ෆෝන් එකට එවන්න එයට පුළුවන්. එහි ඇති ඉසියුම් සංවේදක පෙළක් හා ස්කෑන් කළ හැකි කැමරාවක් තමයි, කටයුත්ත කරන්නේ.

 
ස්කෑනඩු ස්කවුට් නම් මේ වෛද්‍ය ති‍්‍රකෝඩරය මගින් ඔබේ හද ගැස්ම, උෂ්ණත්වය, රුධිරයේ ඔක්සිජන් මට්ටම, ශ්වසන වේගය, රුධිර පීඩනය, ඊසීජී හා මානසික ආතතිය ආදී සියල්ල තත්පර දහයක් ඇතුළත ලබා ගන්න පුළුවන්.

 
‘ස්ටාර් ටෙ‍්‍රක්’ ටෙලිවිෂන් චිත‍්‍රපටවල ආ ‘ට‍්‍රයිකෝඩර් ප්‍රොප්’ නම් උපකරණය මෙයයි. ඇමරිකාවේ පර්යේෂකයන් පිරිසක් මෙය සැබෑවක් කර තියෙනවා.

මේ උපකරණයට කලින් ලබා ගත් දත්ත ගබඩා කර තබා ගෙන සිරුරේ සිදුවන ඉතා වැදගත් වූ වෙනස්කම් රෝගීනට පෙන්වා දීමටත් හැකියාව තියෙනවා.

”මේ උපකරණය ඔබේ සිරුරේ අලූත් ම තත්වය පෙන්වන දත්ත ඔබේ අතට ම එසැණ ලබා දෙනවා. ඔබට තියෙන්නේ ඒවා ඔබේ වෛද්‍යවරයාට හෝ අදාළ වෙනත් අයට හෝ ලබා දී ඔබේ සෞඛ්‍ය තත්වය ගැන සාකච්ඡුා කර අවශ්‍ය පියවර ගැනීමයි. මෙය වෛද්‍ය ප‍්‍රතිකාර ක‍්‍රමයේ නව මානයක් ඇති කළ හැකි නිර්මාණයක්.” මේ උපකරණය හඳුන්වා දෙමින් එම සමාගම කියනවා.

මේ උපකරණය ඇන්ඩ්‍රොයිඞ් (Android) හා අයි ඕඑස් (iOS) මාදිලිවලින් නිකුත් වෙනවා. මෙහි ඇත්තේ බ්ලූටූත් (Bluetooth 4.0) මාදිලි 4.0යි.

මෙමගින් ලබා ගන්නා තොරතුරු ඔබේ වෛද්‍යවරයාට හෝ හිතවතුනට ටෙලිෆෝනය හරහා එසැණ ලබා දිය හැකියි.

ති‍්‍රකෝඩරය භාවිත කරන්නේ මයික්‍රෝ-යූඑස්බී අනුකූලකයක් නිසා යූඑස්බී පෝට් එකකට සම්බන්ධ කර පැයකටත් අඩු කාලයකදී බැටරිය චාජ් කර ගන්න පුළුවන්.

වරක් ආරෝපණය කර ගත් පසු බැටරියක් සතියක පමණ කාලයක් පාවිච්චි කළ හැකියි.

ස්කෑනඩු ස්කවුට් ති‍්‍රකෝඩරය වෙළඳ පොළට එවන්න කලින් තවත් අත්හදා බැලීම් හා පරීක්ෂණ කීපයක් කර වැඩි දියුණු තත්වයකින් මහජනයා අතට පත් කරන්නටයි, ආයතනයේ බලාපොරොත්තු වන්නේ. එයින් පසු ඇමරිකානු ෆෙඩරල් ඖෂධ පරිපාලන අධිකාරියට ඉදිරිපත් කොට අනුමැතිය ලැබුණ පසුවයි, වෙළෙඳ පොළට යවන්නේ.

 
මෙය ඔබේ නළල මත තැබුවාම එහි ඇති ‘බ්ලූටූත්’ එක මගින් තත්පර දහයක් ඇතුළත ඔබේ සිරුරේ තත්වය ගැන අවශ්‍ය වෛද්‍ය තොරතුරු කෙළින් ම ඔබේ ස්මාට් ෆෝන් එකට ලබා ගත හැකියි.

දැනටමත් ලොව පුරා විශාල ඉල්ලූමක් මේ ති‍්‍රකෝඩරයට ලැබී තිබෙනවා. මේ නව උපකරණය නිපදවීමට අවශ්‍ය මහජන අරමුදල් බලාපොරොත්තුව අන්තර්ජාලය හරහා මේ පිළිබඳව දැනුම් දුන් අවස්ථාවේ දී දෙපැයක් ඇතුළත ඒ සඳහා අවශ්‍ය අරමුදල එක්රැුස් කර ගැනීමට ආයතනයට හැකි වුණා.

”අපට හරිම සතුටුයි මේ වන මේ නව නිපැයුම සඳහා ලැබුණු ප‍්‍රතිචාර ගැන. දිනපතා මාපියන්ගෙන්, රෝගීන්ගෙන්, ශිෂ්‍යයන්ගෙන්, පර්යේෂකයන්ගෙන් මේ නිපැයුම වෙළඳ පොළට එන්නේ කවදාදැයි අසා.” ස්කෑන්ඩූ ආයතනයේ ආරම්භක හා එහි ප‍්‍රධාන විධායක නිලධාරි වෝල්ටර් ද බ්‍රෝවර් කියනවා.

”දැනට කරන වෙනස්කම්වලින් පසු නිර්මාණය කෙරෙන නවෝපාදනය වෙළඳ පොළට යැවීමට අප බලාපොරොත්තු වෙනවා.” ඔහු වැඩිදුරටත් සඳහන් කරනවා. 

ස්කෑනඩු ස්කවුට් ති‍්‍රකෝඩරය සැලසුම් කර නිෂ්පදනය කළේ ස්කෑනඩු ඉන්කෝපරේෂන් ආයතනයයි. එය පිහිටුවා ඇත්තේ කැලිෆෝනියාවේ මොෆෙට් ෆීල්ඞ්හී නාසා පර්යේෂණ උද්‍යානයේයි. අභ්‍යවකාශ කටයුතුවලට අවශ්‍ය නව නිපැයුම් සඳහා පර්යේෂණ කරන ආයතන ගණනාවක් එහි තියෙනවා. මේ ස්කෑනඩු ඉන්කෝපරේෂන් ආයතනයත් ඉන් එකක්.

 
මේ කුඩා උපකරණය නළල මත තත්පර දහයක් ඇතුළත ඔබේ සිරුර පිළිබඳ තොරතුරු ඔබට ලබා ගන්න පුළුවන්.

මේ නවෝත්පාදනයට යොදා ගෙන ඇත්තේ නාසා ආයතනය අඟහරු ග‍්‍රහයා වෙත යැවූ කියුර්යෝසිටි රෝවරයේ භාවිත කරන සාම්පල විශ්ලේෂණයට යොදා ගත් පරිගණක මෘදුකාංගය මත තැනූ නව මෘදුකාංගයක්.

මේ නිපැයුම කළ විද්‍යාඥ කණ්ඩායමට දත්ත විද්‍යාඥයන්, ගණිත විද්‍යාඥයන්, කේත විශේෂඥයන්, අණු ජීවී විද්‍යාඥයන්, යාන්ති‍්‍රක හා විදුලි ඉංජිනේරුවන් පමණඛ් නොව ජෛවභෞතික විද්‍යාඥයන් ආදී විශේෂඥයන් මහත් රාශියක් ඇතුළත් වෙනවා.

”මේ නව මෙවලම මිනිසුනට ඔවුන්ගේ සෞඛ්‍යය පිළිබඳ පැහැදිලි විස්තරයක් ලබා ගන්නට ඉඩ සලසනවා පමණක් නොව වෙනදා නොවූ විරූ ආකාරයට වෛද්‍යවරයා සමග කටයුතු කරන්නටත් ඉඩ සලසනවා. ඇත්තෙන් ම මෙය හරියට වෛද්‍යවරයකු ඔබේ අතේ ඉන්නවා වාගෙයි. වෛද්‍ය ප‍්‍රතිකාරය සඳහා නිර්මාණය කළ මෙවැනි විස්මිත උපකරණයක් තවත් නැහැ. මෙය ඔබේ පාවිච්චියට ආවාම ඔබට ඒ බව පසක් වේවි.” ඒ විශේෂඥයන් පවසනවා.

 
ස්කෑනඩු ස්කවුට් ති‍්‍රකෝඩරය නම් වූ මේ නිපැයුම කළ විද්‍යාඥ කණ්ඩායමට පරිගණක විශේෂඥයන්, දත්ත විද්‍යාඥයන්, ගණිත විද්‍යාඥයන්, කේත විශේෂඥයන්, අණු ජීවී විද්‍යාඥයන්, යාන්ති‍්‍රක හා විදුලි ඉංජිනේරුවන් පමණක් නොව ජෛවභෞතික විද්‍යාඥයන් ආදී විශේෂඥයන් මහත් රාශියක් ඇතුළත් වෙනවා.

 
මේ නව මෙවලම පාවිච්චි කරන දෙදෙනෙක්.




Comments

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.