Skip to main content

පරිගණකයේ ආශ්චර්යය හැමතැන ම පැතිරෙයි! ගූගල් කන්නාඩි පරිගණකයේ නව මාදිලිය මෙන්න!

ඇස් කන්නාඩියක් සේ පැලඳිය හැකි ගූගල් උපැස් පරිගණකය ගැන විස්තර ‘මල්කැකුළු’ තුළින් ඔබට ගෙනාවා මතක ඇති. අද මේ කියන්නේ ලොව සැම තැනක දීම පාවිච්චි කළ හැකි එහි නව මාදිලිය එන්නට කලින් මාදිලි රැසක් නිපදවමින් ඔවුන් කළ අත්හදා බැලීම ගැනයි.


එදිනෙදා ජීවීතයේ නොයෙක් තැන්වලට මේ නව උපැස් යුවළ ගළපන්නට ඔවුන් උත්සාහ කළා. අත්හදා බැලීම් කළා. බයිසිකල්කරුවන්ගේ හෙල්මටයේ සිට මොබයිල් ෆෝන් යුගලක් යොදා හිසේ පැලඳිය හැකි ආකාරයට මෙය සවි කළ හැකි දැයි බලන්න මාදිලි ගණනාවක් තැනුවා.

 
බයිසිකලයේ හෙල්මටයට සවි කළ මුලින් තැනූ ආකෘතියට ඉදිරියෙන් එල්ලූ තිරයක් ද ඇතුළත් වුණා.

ගූගල් සම-ආරම්භක ලැරී පේජ් ඇමරිකාවේ සැන්ෆ‍්‍රැන්සිස්කෝ නුවර පැවති විශේෂ සමුළුව අමතා මේ නව උපැස් යුවළ ගැන කීවේ මෙය වෙළඳ පොළට අළෙවිය සඳහා එවන්නට තවත් ටිකක් පමා වන බවයි.

”මේ ඇස් කන්නාඩිය අලූත් ම මාදිලියේ එකක්. ඒක අමුතු ම එකක් වුනත් අපේ මූලික අරමුණ වඩාත් සිත් ගන්නාසුලූ දෙයක් ජනතාව අතට දෙන්නයි. අප ඒ පිළිබඳව තවමත් සොයා බලමින් තමයි, ඉන්නෙ.” ඔහු ඒ සමුළුවේ දී කීවා.

”වඩාත් හොඳම එක ගැන තීරණයක් ගත්තාම ඒක අපට ඊළඟ අවුරුදු දහයකට ඇති.

”අප දන්නේ නෑ, ජනතාව මේකෙන් මොන විදියෙ වැඩක් ගනීවිද කියා.

”මා නම් දැන් ආසාවෙන් කරන්නේ මගේ දරුවන්ගේ පින්තූර ගන්න එකයි. මට ඒකම විතරක් ප‍්‍රමාණවත් මේ වගේ ඇස් කන්නාඩියක් මිල දී ගන්න.” ඔහු වැඩිදුරටත් කියනවා.

 
ගූගල් පරිගණක කන්නාඩියේ විවිධ මාදිලි ගණනාවකට පසු - ඉහළ වමේ, මුලින් ම නිමවූ මොබයිල් ෆෝන් දෙකක් යෙදූ සිරස් පලඳනාව, ඉන්පසු විවිධ වෙනස්කම්වලට බඳුන් කරමින් ගොස් ඔවුන් විසින් ම ප්ලාස්ටික් හා ලෝහ යොදා තැනූ නව මාදිලිවලින් පසු අවසානයේ විශාල වශයෙන් නිෂ්පාදනය කරන්නට තීරණය කළ නව මාදිලිය පහළ දකුණේ.

ගූගල් ආයතනයේ මේ නව ඇස් කන්නාඩි ව්‍යාපෘතියේ දෘඪාංග ඉන්ජිනේරු ජීන් වැන්, ඇමරිකාවේ සැන්ෆ‍්‍රැන්සිස්කෝ නුවර පැවති සමුළුවේදී එම ව්‍යාපෘතියේ ප‍්‍රගති සමාලෝචනය ගෙන හැර දැක්වූවේ මෙහෙමයි:
”මේ උපාංගය පැලඳ ගත් පසු සියලූ තොරතුරු කිසිදු බාධාවකින් තොරව පලඳින්නාට ලබා දී හැකි ආකාරයට මෙය නිපදවන්නට අපට අවශ්‍ය වුණා.

”ඒ වගේ මෙය පැලඳ ගෙන සිටියදී ඉන් ලැබෙන ප‍්‍රයෝජන ලබමින් සාමාන්‍ය උපැස් යුවළකින් මෙන් බලන්නත් හැකි වන ආකාරයට මෙය නිර්මාණය කරන්න අපට අවශ්‍ය වුණා.”

වැන් මෙනවිය දේශනය පුරා ම මේ උපැස් යුවළක් පැලඳ සිටියා. මොහොතකටවත් ඇය එය ඉවත් කළේ නැහැ.

”අප මේ ක‍්‍රමය නොයෙක් දේ සමග යොදා පරීක්ෂා කළා. හෙල්මටයකට යොදා බැලූවා. විවිධ මාදිලිවලින් තනා අත්හදා බැලීම් කළා. තාක්ෂණය වඩාත් හොඳින් යොදා ගත හැකි ක‍්‍රමය ගැන සෙව්වා. ඒ විදියට මිනිසාට වඩාත් ගැළපෙන මාදිලිය තෝරා ගන්නයි අප වෙහෙසුණේ.” ඇය කීවා.

 
මේ උපැස් යුවළ පැලඳි විට හිසේ චලනවල ඇති විය හැකි වෙනස්කම් ආදිය සංවේදක යොදා ගෙන පරීක්ෂාවට ලක් කළා.

වැන් මෙනවිය මේ ව්‍යාපෘතියේ අරමුණු මෙම උපැස් යුවළ පැලඳ ගත් විට ලැබෙන ප‍්‍රයෝජන ගැනත් පැහැදිලි කර දුන්නා.

දුරකතනය, කැමරාව, පරිගණකය, ටෙලිවිෂනය, අන්තර්ජාලය, මග සොයා යන ජීපීඑස් ක‍්‍රමය ආදී මේ හැම එකකින් ම ලද හැකි උපරිම ප‍්‍රයෝජන, ඔබ කොහේ හිටියත්, කුමන වැඩක යෙදුනත් මේ උපැස් යුවළ හරහා ඔබට ලබා ගත හැකි වෙනවා.

”බැටරි භාවිතය හා ඒවායේ බර තමයි, අපට ගැටලූවක් වුණේ මෙය දවස පුරා පලඳිනවා නම්. ඒ නිසා අපහසුවක් නැතිව දවස පුරා පැලඳිය හැකි වන විදියට මෙය සකසන්න අප වෙහෙසුණා.” ඇය කීවා.

මෙය වෙළඳ පොළට තවමත් පැමිණ නැතත් ඇතැම් අයගෙන් මෙයට දැනටමත් තදබල විරෝධයක් එල්ල වී තියෙනවා. මේ ඇස් කන්නාඩි යුගලෙන් දකින ඕනෑම දෙයක් කැමරා ගත කළ හැකි යැයි කියා තිබුණ නිසා යමකුගේ පුද්ගලිකත්වයට ඉන් හානි පැමිණෙනු ඇතැයි බිය වූ අය දැනටමත් මේ සඳහා තහංචි පනවලා. ප‍්‍රසිද්ධ ස්ථානවලට මෙය පැලඳ ගෙන ඒම සම්පූර්ණයෙන් ම තහනම් කොට තියෙනවා.

දැනටමත් ලොව පුරා මේ ගූගල් උපැස් යුවළ විශාල ආන්දෝලනයක් ඇති කරලයි තියෙන්නෙ. මෙය භාවිතයට ආවාට පසු මොනවා වේවිදැයි කියන්න බැහැ. ජංගම දුරකතනය අපේ ජීවිත වෙනස් කළාට වැඩි වෙනසක් මේ උපැස් යුවළ නිසා සිදු වෙන එක නම් සිකුරුයි.

 
අවසානයේ දී නිමාවූ මේ නව උපැස් යුවළ ගූගල් ඇස් කන්නාඩි ව්‍යාපෘතියේ සාමාජිකයන් සැන්ෆ‍්‍රැන්සිස්කෝ සමුළුවේ දී ඒවා පැලඳ සිටි අයුරු.

 
මෙම ව්‍යාපෘතියේ දෘඪාංග ඉන්ජිනේරු ජීන් වැන් මේ පිළිබඳ තොරතුරු හෙළි කරද්දී මේ වර්ගයේ උපැස් යුවළක් ඇයත් පැලඳ සිටියා.

 
මේ උපැස් යුවළ විවිධ අවස්ථාවන්හිදී ප‍්‍රයෝජනවත් වන ආකාරයන් ද මේ සමුළුවේ දී පෙන්වා දුන්නා.

 
වැන් මෙනවිය කීවේ මේ ව්‍යාපෘති නිම කිරීමට දින 1111ක් ගත වූ බවයි. ඒ සමගම ඇය නවසීලන්තයේ දී ඇය පැරාග්ලයිඩරයකින් පියාසර කරද්දී මේ උපැස් යුවළෙන් ගත ඡායාරූපයක් ද පෙන්නුවා.
එසේ ම මේ උපැස් යුවළ පැලඳ සිටිද්දී එයින් විඩියෝ දසුන් ගන්නා හැටි ද පෙන්වා දුන්නා.



Comments

  1. ඔතන ප්‍රධාන ප්‍රශ්නේ තමයි පික්සල් සයිස් එක අවම මට්ටමක තියාගෙන පැහැදිළි හයි රෙසලූෂන් එකකට යෑම. අනිත් දේ ඇසෙ තිබෙන depth of field ප්‍රමාණය එක්ක කරන්න වෙන ගනු දෙනුව..

    තව විදිහකට කියනවා නම් කන්නාඩිය පැළඳි ඇස සහ අනිත් ඇස අතර එන dof අගය ..ඔය අගයන් වෙනස් උනොත් එක ඇහැකින් වත් හරි හමන් පින්තූරයක් මොළයට ගන්න බැහැ...

    ගූගල් එන්ජිනේරුවන්ට ගොඩක් මහන්සි වෙන්න උනේ ඔය හේතුව නිසා.නැත්නම් මේ අපිටත් පුළුවන් ෆෝන් එකේ ඩිස්ප්ලේ එක කණ්ණාඩියට හයි කරගන්න...


    කෙසේ උනත් මේ වගේ පෝස්ට් එකක් දැමීම ගැන ගොඩක් ස්තූතියි...

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.