Skip to main content

ආශ්චර්යවත් කමිසයක්! සෝදන්නෙ, මදින්නෙ නැතුව දින 100ක් අඳින්න පුළුවන්!

රෙදි සෝදන්න ලොන්ඩරි ගිය කාලෙ ඉවරයි! රෙදි සෝදන යන්ත‍්‍රවලින් පවා පලක් නැහැ. ඇමරිකානු රෙදිපිළි නිෂ්පාදන සමාගමක් විප්ලවකාරී කමිසයක් නිපදවලා තියෙනවා.

නිෂ්පාදකයන් කියන විධියට මේ කමිසය දින 100ක් එක දිගට පිරිසිදුව තියෙනවා විතරක් නොවෙයි, කොච්චර දාඩිය දැම්මත් දුගඳක් හමන්නෙත් නැහැ. හරිම පුදුමයි නේද? ඒ විතරක් නෙවෙයි, පොඩි වෙන්නෙත් නැහැ. ඒ නිසා මදින්න අවශ්‍ය වෙන්නෙත් නැහැ.

 
වූල් ඇන්ඞ් පි‍්‍රන්ස් ආයතනය කියනවා, මේ කමිසය නො සෝදා නො මැද දින 100ක් ඇඳිය හැකියි කියා.

වූල් ඇන්ඞ් පි‍්‍රන්ස් කියන ඇමරිකානු සමාගමක් තමයි, මේ විස්මිත කමිසය නිපදවා තියෙන්නෙ. නිතරම රෙදි සෝදන්න මදින්න අකමැති පිරිමින් වෙනුවෙන් තමයි අපූරු නිෂ්පාදනය කරලා තියෙන්නෙ.

නිෂ්පාදකයන් මේ කමිස දුන්නා පර්යේෂකයන් පිරිසකට ඒවා ඇඳ ගෙන ලොව පුරා විවිධ පරිසරවලට, විවිධ රටවලට, විවිධ දේශගුණික ප‍්‍රදේශවලට යන්න කියලා. සමහරුන් ඇන්ඞීස් කඳුකරයටත් ගියා. තවත් අය නිව්යෝක් රාති‍්‍ර සමාජශාලාවල නටන්නත් ගියා.

මේ විස්මිත කමිසය තනා ඇත්තේ වූල් නූලෙන්. ඒවා කපු නූලට වඩා හය ගුණයක් දිගු කලක් පවතිනවා. රසායනාගාරවල පරීක්ෂණවලින් ඔප්පු වෙලා තියෙනවා, සවිමත් බව අතිනුත් මේ වූල් නූල් කපු නූල්වලට වඩා ශක්තියෙන් වැඩි බව. වූල් නූල 20,000 වාරයක් නො කැඞී නවන්න පුළුවන්. ඒත් කපු නූල 3,200 වාරයක් නවන විට කැඞී යනවා.

ඒ විතරක් නෙවෙයි, වූල් නූලේ ප‍්‍රත්‍යස්ථිකතාව (resilient) ඉතා උසස්. ඒ කියන්නේ පහසුවෙන් ප‍්‍රකෘති තත්වයට පත් වෙනවා කියන එකයි. ඒ එහි ස්වාභාවිකව පවතින රැල්ලක් ඇති නිසයි. මොන විදියට පොඩි කළත් එහි පවතින තත්වයට එය යළිත් සැනෙකින් පත්වෙනවා.

 
වූල් නූලෙහි ස්වාභාවික රැල්ලක් තියෙනවා. එය කෙතරම් ඇද්දත් පොඩි කළත් වහාම එය එහි ස්වාභාවික තත්වයට පත් වෙනවා.

 
නිෂ්පාදකයන් කියන්නේ දහඩිය කමිසයෙහි නොඇලෙන බවයි. එහි ඇති වූල් නූලෙන් වියූ රෙද්ද තෙතමනය ඉන් ඉවත් වීමට ඉඩ සලසනවා. නිරධිශෝෂණය (desorption) - උණුසුම් දවසක වූල් කමිසය තෙතමනය ඇද ගෙන එමගින් තාපය පිට කර ඔබේ සිරුර සිසිල් කරනවා. අවශෝෂණය (absorption) - සීතල වැඩි දවසක වූල් කමිසය තෙතමනය උරා ගෙන ගබඩා කර ගෙන ඇති තාපය මුදා හැර ඔබේ සිරුර උණුසුම් කර තබනවා.

 
වූල් ඇන්ඞ් පි‍්‍රන්ස් ආයතනය සිය කමිස තැනීමට යොදා ගන්නා වූල් නූල මිනිස් හිසකේවලටත් වඩා සිහින්.

 
මේ වගුවෙන් දැක්වෙන්නේ වූල් (කහ) අනෙක් සියල්ලට ම වඩා හොඳින් තෙතමනය උරා ගන්නා බවයි. අනෙක් වර්ණවලින් දැක්වෙන්නේ - කපු (රතු), පොලියෙස්ටර් (නිල්), හා පොලිඇක්රිලික් (කළු) ආදියේ තෙතමනය උරා ගැනීමට ඇති ශක්තියයි.

ඒ සමාගම කියන්නේ මිනිස් දහදියෙහි ස්වභාවයෙන් ම දුගඳක් නැති බවයි. දහදිය දැමූ විට අප‍්‍රසන්න ගඳක් නිකුත් වන්නේ ඒවා සම මත රැඳී තිබියදී වර්ධනය වන බැක්ටීරියා නිසයි. නමුත් මේ කමිසය පැලඳි විට මෙහි ඇති වූල් මගින් දහදිය ඉක්මනින් උරා ගෙන ඒවා වායු ගෝලයට එක් කරනවා.

මේ නිෂ්පාදකයන් මාස හයක් ගත කළා මේ කමිසය නිපදවන්නට අත්හදා බැලීම් කරන්න. ඔවුන් මේ සඳහා විශේෂ වූල් රෙද්දක් නිපදෙව්වා, ‘කොට්න්-සොෆ්ට්’ යන වෙළඳ නාමයෙන්.

”අපි මෙතෙක් සුඛෝපභෝගී විලාසිතා ඇඳුම්වල යොදා ගත් හොඳම වූල් මේ නව රෙදි වර්ගය තැනීම සඳහා යොදා ගත්තා. අපේ රෙදි වර්ගය ඔබ වෙනදා දකින වූල් රෙදිවලට වඩා වෙනස්. වූල් නූල් යොදා ගත්තාට කමිසය ස්පර්ශ වන විට උසස් තත්වයේ කපු රෙදි වර්ගයක් වගෙයි දැනෙන්නේ.” ඒ නිෂ්පාදක සමාගමේ ප‍්‍රකාශකයෙකු ඬේලි මේල් අන්තර්ජාල පුවත්පතට කියා තියෙනවා.

ඒ සමාගම කියන්නේ මේ කමිසය එක දිරැට දින 100ක් නො සෝදා ඇඳි හැකි වුවත් එයින් පසුව කිසියම් අවස්ථාවක දී මෙය සෝදන්න සිදු වෙන බවයි.

ඔවුන් මේ පරීක්ෂණය සඳහා යොදා ගත් එක් අයකු වූ ආරොන් ෆ්ලැක් සිය අත්දැකීම් විස්තර කළේ මෙහෙමයි: ”මං මේ කමිසය ගුළියක් කරලා මගේ උරමල්ලේ අඩියට ම රිංගෙව්වා. මං උර මල්ල පැලඳ ගෙන නගරය පුරා ගියා. මං හිතුවා ඒක පාවිච්චි කරන්න බැරි විදියට පොඩි වෙලා ඇති කියලා. ඒත් එළියට අර ගත් හැම වෙලාවකම පොඩියක්වත් තැලිලා පොඩිවෙලා තිබුණේ නැහැ. හැම වෙලාවෙ ම අඳින්න සුදුසු තත්වයෙන් තිබුණා.”

මේ කමිස තවමත් වෙළඳ පොළට ඇවිත් නැහැ. ඒත් බොහොම ළඟදී ඒවි. දැනට මෙය මේ සමාගමට මුදල් යොදවපු අයට විතරක් පවුම් 63කට අලෙවි කරනවා. තවම වෙළඳ පොළට දමන නිශ්චිත මිලක් දක්වා නැහැ.

 
මේ විවිධ මෝස්තරවලින් හා ප‍්‍රමාණවලින් වෙළඳ පොළට නිකුත් කෙරෙනවා.

 
නිෂ්පාදකයන් දුන්නා පරීක්ෂකයන්ට දින 100ක් මෙය නො සෝදා නො මැද පාවිච්චි කළ හැකිදැයි ප‍්‍රායෝගිකව පරීක්ෂා කර බලන්න කියා.

 
පරීක්ෂණවලින් ඔප්පු වී තියෙනවා, ගමන් බිමන් කෙතෙක් කළත් මෙය මැදීමට අනවශ්‍ය බව.

 
නිෂ්පාදකයා කියන්නේ මේ විස්මිත කමිසයත් මෝස්තරයෙන් හා සුවපහසුවෙන් සාමාන්‍ය කමිසයක් වගෙයි කියායි.

 
මේ කමිසයත් පෙනුමෙන් සම්පූර්ණයෙන් කපු රෙදිවලින් නිම කළ කමිසයක් වගෙයි.




Comments

  1. ස්විට්සරලලන්තෙ ඩෙනිමක් මාසයක් අදින්න පුලුවන්ලු ටී සර්ට් එකකුත් සති දෙකක් ඇදත හැකිලු..ඒත් නිවර්ථන කලාපෙ ඉන්න අපිට ඒ වාසනාව නැහැ..

    මං හිතන්නෙ නැහැ ලංකාවෙදි ඔය තරම් කාලයක් අදින්න පුලුවන් වෙයි කියලා...

    ReplyDelete
  2. නියමයි ෙන් :-))))

    ReplyDelete
  3. This comment has been removed by the author.

    ReplyDelete
  4. අපෙත් ඔය කට්ටිය ඉන්නේ හෝදන්නේ නැතුව මාස ගණන් අදින අය.
    lol

    ReplyDelete
  5. ඉස්සරලාම ලංකාවට එවන්න කිව්වා නම් හොදයි වගේ

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.