Skip to main content

ආජෙන්ටිනාවේ ශීත හිමගිරේදී හමු වූ විස්මිත මමි තුනේ කතාව!

ආජෙන්ටිනාවේ කෞතුකාගාරයක දැනට ප‍්‍රදර්ශනය කෙරෙන යොවුන් වියේ මමියක් තියෙනවා. ඒ මමිය කෙතරම් සුරැකිව තියෙනවාද කීවොත් ඒවා ඊජිප්තුවේ දී හමු වූ මිසර මමිවලට වඩා වෙනස්. ඒ නිසා ම ඒවා විද්‍යාඥයන්ගේ අවධානයට ලක් වුණා.

ඒ එක මමියක් හැඳින්වෙන්නේ ‘ලා ඩොන්සෙලා’(La Doncella) කියලයි. එහි අරුත ‘කන්‍යාවිය’ නැත්නම් ‘යෞවනිය’ යන්නයි. තවත් විධියකින් කීවොත් ‘නාඹර කෙල්ලක්’ ඇය මිය ගොස් ඇත්තේ මීට වසර 500කට පෙරයි.


ලෝකයේ උසම ස්ථානයකින් හමු වූ මමිය මෙයයි. 1999 දී ඇන්ඞීස් කඳුකරයේ අඩි 22,000ක් පමණ උසක දී හමු වූයේ මේ මමිය විතරක් නෙමෙයි, තවත් ළමයින් දෙදෙනකුගේ ද මමි හමු වුණා. මේ මමි පිළිබඳව විද්‍යාත්මක පරීක්ෂණ රැසක් සිදු කෙරුණා. ඒ අනුව දැන් රහස් රැසක් හෙළිදරවු වී තියෙනවා.

විද්‍යාඥයන් කියන විධියට මේ මමිවල අයත් වන යෞවනිය හා අනෙක් ළමුන් දෙදෙනා ඒ සීතල කඳු මුදුන්වල තැන්පත් කරන්නට ඇත්තේ ඉන්කා ගෝති‍්‍රකයන් විසින් වසර 500කට පෙර දෙවියන්ට කළ බිලිපූජා වශයෙන්.

නැෂනල් ජ්‍යොග‍්‍රෆික් සංගමයේ ආජෙන්ටිනාවේ නේවාසික නියෝජිත ජොහාන් රේන්හාඞ් කියන විදියට මේ තරම් හොඳින් සුරැකුණු මමි තවත් ඇත්තේ නැහැ.

දැනට ‘ලා ඩොන්සෙලා’ මමිය ආජෙන්ටිනාවේ සෝල්ටාහී කඳුරට පුරාවිද්‍යා කෞතුකාගාරයේ (Museum of High Altitude Archaeology) මහජන ප‍්‍රදර්ශනයට තබා තිබෙනවා. ඒ මමිය තැන්පත් කර ඇත්තේ මෙතෙක් එය ස්වභාවිකව සුරැකිව තිබූ පරිසරයට සමාන වූ අඩු ඔක්සිජන් මට්ටමක් සහ අධිශීත තත්වයක් යටතේයි.

අනිත්වා තවමත් අධ්‍යයන අවසන් වී නැති නිසා කලඑළියට ආවේ නැහැ. ඒවා දැනටත් ලෝකයේ විවිධ විද්‍යාඥයන් විසින් අධ්‍යයනය කරමින් තිබෙනවා.



‘ලා ඩොන්සෙලා’ මමිය

මෙම මමිය හමුවන විට අත්‍යාලංකාර ශීර්ෂ පලඳනාවක් හිසෙහි තිබුණා. එයින් අදහස් කෙරෙන්නේ ඇය සූර්ය කන්‍යාවක් ලෙස තෝරාගෙන තිබෙන්නට ඇති බවයි. ඇය කුඩා කාලයේ ම තෝරාගෙන ඉන්කා ගෝති‍්‍රක රජුගේ කන්‍යාවන් අතරට එක්කර ගන්නට ඇති.

එසේ තෝරා ගන්නා දරුවන් පසුව රාජකීය බිසෝවරුන්, පූජකවරියන් හා බිලිපූජා සඳහා කන්‍යාවන් ලෙස යොදා ගැනීම එකල ඉන්කා වරුන්ගේ සිරිතක්.

ඇය හැඳ සිටියේ දුඹුරු පැහැති ඇඳුමක්. ඇය සමග තවත් ප‍්‍රතිමා කීපයක් ද තැන්පත් කර තිබුණා. ඇගේ හිසකේ අලංකාර ලෙස ගොතා තිබුණා. කෙස් ගස් කීපයක් ඉදී තිබුණු අතර ඒවායින් ඇය මානසික ආතතියකින් පෙළෙන්නට ඇතැයි විද්‍යාඥයන් විශ්වාස කරනවා.

පූජාවක් ලෙස කඳු මුදුනේ දමා එන්නට පෙර ඇයත් අනෙක් අයත් බඩඉරිඟුවලින් පෙරූ බීර විශේෂයක් වූ චිකාවලින් මත් කරවන්නට ඇතැයි සැලකෙනවා. පුරා විද්‍යාඥයන් විසින් සොයා ගන්නා විට ඔවුන්ගේ සිරුරු කෝකා කොළ අතුරා ඒ මත තබා තිබුණා.

ඞීඑන්ඒ හා ප්‍රෝටීන් ඒකාබද්ධ කළ විශ්ලේෂණ ක‍්‍රමවේදයක් යොදා ගෙන පළමු වරට මේ 15 හැවිරිදි වියේ දී මිය ගිය දැරියගේ මමිය අධ්‍යයනය කළා. ඒ අනුව විද්‍යාඥයන් කියන්නේ මේ අවුරුදු 500 පැරණි මමිය අයත් තැනැත්තිය පෙණහලූ ආසාදනයකින් පෙළුණු බවයි. මේ නව ක‍්‍රමයෙන් ඉතා සාර්ථකව ඒ බව කිව හැකි බවයි. මේ බව තාරා ක්ලියරි වාර්තා කරනවා.

මේ මමිය හමු වූයේ 1999 දී ආජෙන්ටිනාවත්, පේරූ රාජ්‍යයත් අතර මැද ලූලයිලාකෝස් කඳු මුඳුනෙදියි. ආචාර්ය ජොහාන් රෙයින්ඞ්හාඞ් හා ආජන්ටිනා ජාතික කොන්ස්ටන්සා සෙරුටි යන දෙදෙනාට තමයි, මේ මමි හමුවුණේ. ලෝකයේ වැඩිම උසක පිහිටි ඉන්කා ගෝති‍්‍රකයන්ගේ සොහොන් බිම මෙයයි. එය හැඳින්වෙන්නේ ටාවන්ටින්සුයු (Tawantinsuyu) කියායි.

ඒ සමකාලීන ස්පාඤ්ඤ පූජකයන්ගේ ලේඛනවලට අනුව මේ ළමයින් තෝරා ගෙන ඇත්තේ ඉන්කා අධිරාජයාගේ ජීවිතයේ වැදගත් දින වකාවනුවලට බිලිපූජා පැවැත්වීමට මේ ළමයින් තෝරා ගන්නට ඇතැයි සිතිය හැකියි.

පිරිමි ළමයාගේ මමිය
හත් හැවිරිදි මේ ළමයාගේ ඇඳුම්වල ලේ සහිත වමනය තැවරී තියෙනවා. ඒ අනුව විද්‍යාඥයන් නිගමනය කර ඇත්තේ ඔහු පෙණහලූ රෝගයකින් පෙළී ඇති බවයි. ඔහු මිය ගොස් ඇත්තේ හුස්ම හිරවීමෙන්. ඒ මමි අතුරින් රෙදි පටිවලින් තදින් බැඳ තිබූ මමිය එයයි. ඒවා කෙතරම් තදින් බැඳ තිබුණේ කීවොත් ඉළ ඇට බිඳී උකුල් ඇටය විසන්ධි වී තිබුණා.

හෙණ වැදුණු ගැහැනු ළමයාගේ මමිය
මේ හය හැවිරිදි ගැහැනු ළමයාගේ සිරුරට මරණයෙන් පසු අකුණු සැර වැදී තිබෙනවා. ඇය ලෝහ තහඩුවකින් තැනූ නළල් පටියක් පැලඳ සිටිනවා. ඇය වළලා තිබූයේ ටිටිකා විලෙන් හා කුස්කෝවලින් ලබා ගත් මැටිවලින් තැනූ බරණි සමගයි. එයින් පෙනී යන්නේ ඇය බොහෝ දුරක සිට එතැනට ගෙන එන්නට ඇති බවයි. ඒ මමි තුනෙන් ම මුහුණ උඩුකුරුව තිබූයේ ඇයගේ මමිය පමණයි. මෙම දේහයේ කොටසක් පිලිස්සී ගොස් තිබුණා. අනික් හරිය 500කට පෙර තිබුණු ආකාරයට ම ඉතා හොඳින් සුරැකිව තිබුණා.

මෙම මමි තුන ම දැන් ආජන්ටිනාවේ සෝල්ටාහී ‘මාම්’ (MAAM) කඳුරට පුරාවිද්‍යා කෞතුකාගාරයේ එක මමියක් මාස හයක කාලයන් බැගින් මාරුවෙන් මාරුවට මහජන ප‍්‍රදර්ශනයට තබනවා. මේ මමි තවදුරටත් පළමු තත්වයෙන්ම සුරක්ෂිතව තබන්නටයි, එසේ පියවර ගෙන ඇත්තේ.



Comments

  1. ithama apoorui..mata mulinma meka
    mummy ekakda kiyalath andunaganna
    bari unaa.

    ReplyDelete
  2. අවුරුදු 500 ක් කියන්නෙ ලොකු කාලයක් නෙමෙයි නේද?

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.