Skip to main content

ලෝකයේ වේගවත් ම විදුලි කාරය දැන් ඇවිල්ලා! වේගය පැයට කි.මී. 249යි!

ලෝකයේ වේගවත්ම කාරය නම් කර තියෙන්නෙ, ඩෙට්රොයිට් ඉලෙක්ටි‍්‍රක් එස්.පී:01 කියලයි. එය නවීන යුගයට හඳුන්වා දුන් මුල් ම විදුලි කාරය වූ ටෙල්සා රෝඞ්ස්ටර් ස්පෝට්ස් කාරයට අභියෝගයක් වෙතැයි විශ්වාස කරනවා. ටෙල්සා කාරය හඳුන්වා දුන්නේ ස්පීඞ් එක්ස්, පේපැල් යන ආයතන ආරම්භ කළ බිලියනපති ව්‍යාපාරික එලන් මස්ක් විසින්. දැනට වෙළඳ පොළේ ඇති ආකර්ෂණීය විදුලි කාරය එයයි.

ඩෙට්රොයිට් ඉලෙක්ටි‍්‍රක් එස්.පී:01 විදුලි කාර් මාදිලියෙන් කාර් 999ක් විතරයි, ඩෙට්රොයිට් ඉලෙක්ටි‍්‍රක් ආයතනය නිපදවන්න බලාපොරොත්තු වෙන්නෙ. එය නිපදවන්නේ ලෝටස් සමාගමේ විධායක පිරිසකගේ සැලැසුමකට අනුවයි. වසර 100ක් පැරණි සන්නමක් යළිත් පණ ගස්වා ගැනීමට ඔවුන් එක් වී අලූත් සමාගමක් පිහිටෙව්වා, මීට වසර පහකට විතර ඉස්සරින්.

 
ලෝකයේ වේගවත්ම විදුලි කාරය, ඩෙට්රොයිට් එස්.පී.:01 - උපරිම වේගය පැයට හැතැප්ම 155ක් (කි.මී. 249ක්).

ඔවුන් දැනට නිපදවීමට අත ගසා සිටින ඩෙට්රොයිට් ඉලෙක්ටි‍්‍රක් එස්පී :01 රියක් ඩොලර් 135,000කට විතර අළෙවි කිරීමට බලාපොරොත්තු වෙනවා. එහි උපරිම වේගය පැයට කි.මී. 249ක්. පළමු කිලෝමීටර් 100ක වේගයට ළඟ වෙන්න ඒ කාරයට ගත වන්නේ එන්ජිම පණ ගන්වා තත්පර 3.7ක් විතරයි. වරක දී එක දිගට යා හැකි දුර කි.මී 304ක්. බැටරිය වරක් ආරෝපණය කරන්න ගත වන කාලය පැය 4.3යි.

ඩෙට්රොයිට් ඉලෙක්ටි‍්‍රක් ආයතනය සූදානම් වන්නේ, ලබන අගෝස්තුවේ දී නිෂ්පාදන ආරම්භ කර මීට වසර 100කට කලින් ඔවුන් නිපදවූ සන්නමකට යළි පණ දෙන්නයි.

 
පැයට හැතැප්ම 115ක් (පැයට කිලෝමීටර 249ක්) වේගයට ගිය හැකි මේ විදුලි කාරයට වේගය 0-62 නැංවීමට ගත වෙන්නේ තත්පර 3.7ක් පමණයි. වරක් බැටරි ආරෝපණය කළ පසු සැතැපුම් 190ක් එක දිගට යා හැකියි.

වසර පහකට කලින් නිෂ්පාදන සමාගම ආරම්භ කළ ද තවමත් ඔවුන්ගේ නිෂ්පාදනය වෙළඳ පොළට නාවේ ගැනුම්කරුවන් ඇති පමණ නො ලැබුණු නිසයි.

ඔවුන්ට අභියෝගයක් විය හැකි එක් මෝටර්රථ නිෂ්පාදකයකු වන ෆි‍්‍රස්කර් ඔටොමේටිව් නම් හයිබි‍්‍රඞ් විදුලි ස්පෝට්ස් කාරය නිපදවන ආයතනය පසුගිය ගිම්හානයෙන් පසු එකම කාරයක්වත් නිපදවා නැහැ. ඔවුන් දැන් නිෂ්පාදනයෙන් ඈත් වෙන්නයි යන්නේ.

දෙදෙනකුට පමණක් යා හැකි ඩෙට්රොයිට් ඉලෙක්ටි‍්‍රක් කාරය නිපදවන කම්හලේ වසරකට කාර් 2500ක් නිපදවන්න පුළුවන්. මුලින් නිපදවන එස්පී :01 මාදිලියෙන් පසු වඩා ඉඩපහසුකම් ඇති පවුලේ කාරයක් නිපදවීමට ඔවුන් බලාපොරොත්තු වෙනවා.

මේ නව කාරයේ නිමාවට වැඩි ම දායකත්වයක් ලැබිලා තියෙන්නෙ බි‍්‍රතාන්‍යයේ ලෝටස් කාර් නිපදවන සමාගමෙන්. ඩෙට්රොයිට් ඉලෙක්ටි‍්‍රක් ආයතනයේ විධායකයන්ගෙන් වැඩි කොටසක් කලින් එම සමාගමෙහි වැඩ කරපු අයයි.

එලිස් මාදිලිය තවත් කුඩා පරිමාණ කාර් නිෂ්පාදකයන් ගණනාවක් සිය කාර් සඳහා යොදා ගන්නවා. එයින් ටෙල්සා මෝටර් රථ සමාගම කැපී පෙනෙනවා. ලෝටස් චැසිය යොදා ගෙන තනන රෝඞ්ස්ටර් විදුලි කාරයක මිල් ඩොලර් ලක්ෂයක් විතර වෙනවා.

එස්පී :01 කාරයට කලින් වේගවත් ම විදුලි කාරය වූයේ ටෙල්සා රෝඞ්ස්ටර්. එය පැයට කිලෝමීටර් 201ක (පැයට හැතැප්ම 125ක) අපරිම වේගයක් ලබා ගත හැකියි.

 
ඩෙට්රොයිට් විදුලි කාරය මීට වසර 100කට පෙර පැවති ඒ මාදිලියේ විදුලි කාරයේ නව නිපැයුමක්.

 
එයට පැය 4.3ක් කාලයක් තිස්සේ බැටරි ආරෝපණය කළ පසු එක දිගට සැතැපුම් 190ක් දුර අඛණ්ඩව යා හැකියි.

ඩෙට්රොයිට් විදුලි කාරයක් මුලින් ම ආවේ 1907 යි. ඒ සන්නම යටතේ මාදිලි පෙළක් ආවා. 1939 වන තෙක් ඒවා පැවතුනත් අන්තර් සහන එන්ජිම සහිතව පැට්රල් කාර් වෙළඳ පොළට ආවාම විදුලි කාර්වලට ඇති ඉල්ලූම නැතිව ගියා. ඒ නිසා ඒවා අභාවයට ගියා. දැන් ඒවා යළිත් කරළියට එන්න පටන් අරන්.

යළිත් ඒ මාදිලියේ විදුලි කාරයක් ආවේ 2007 දියි. එවර චීනයේ යංමන් ඔටොමෝටිව් ගෲප් සමග එක් වෙලයි, මේ කටයුත්ත ආරම්භ කළේ. ඔවුන් උත්සාහ ගත්තා බංකොලෙත් වුණු ස්වීඩන් මෝටර් රථ නිපදවන සමාගමක් වූ සාබ්වලත් කැලිෆෝනියාවේ විදුලි කාර් නිපදවන සැප් සමාගමේත් අයිතිය ලබා ගන්න. ඒත් ඒක හරි ගියේ නෑ.

ඔවුන් 2007 ලෝටස් ඉංජිනියරින් සමාගමේ සහය ලබා ගත්තා, මේ මොටෝරිය සැලසුම් කරන්න. ඒ වගේ ම ඔවුන්ගේ තාක්ෂණික සහය ලබා ගන්න ගිවිසුම් අත්සන් කළා. 2007 අග භාගයේ දී ලෝටස් ඉංජිනියරින් සමාගමේ ප‍්‍රධාන විධායක ඇල්බට් ලෑම් ඩෙට්රොයිට් ඉලෙක්ටි‍්‍රක් ආයතනයේ හවුල් ව්‍යාපෘතියට එක් වුණා, එහි සභාපති හැටියට. 2008 දී ඩෙට්රොයිට් ඉලෙක්ටි‍්‍රක් ප‍්‍රධාන විධායක පදවියටත් ඔහු නම් කෙරුණා.

 
විදුලි රිය අතර ඩෙට්රොයිට් විදුලි රියට ඇති ලොකුම අභියෝගය මේ ෆිෂර් කර්ම කාරයයි.

 
ඩෙට්රොයිට් විදුලි කාරයට ඇති තවත් අලූත් අභියෝගයක් වන ටෙල්සා රෝඞ්ස්ටාර්, එහි උපරිම වේගය පැයට හැතැප්ම 125ක්.

Comments

  1. හොද සොයා ගැනිමක් අනාගත ලොකයට අවශය මෙ වගෙ සොයා ගැනිම් බැටරිය චාර්ජ් වන කාලය අඩුවෙනවානම් තව හොදයි මෙකෙ ෆොන් බැටරි වගෙ බාගයක් චාර්ජ් වෙලා තියෙන කොට අයෙ චාර්ජ් කරන්න පූලුවන්ද

    ReplyDelete
  2. මේක ගැන නං මට විශාල සැකයක් තියනවා.. මොකද රයිමැක් කන්සෙප්ට් 1 කාර් එක පැයට කි.මි 305k වේගයෙන් යනවා.. voler e කාර් එක පැයට කිලෝමීටර 300යි ඒක චාජ් වෙන්න යන්නෙ විනාඩි 15යි එහෙම එකේ පී 1 කොහොම ලෝකෙ වේගවත්ම ඉලෙක්ට්‍රික් කාර් එක වුනාද මන්දා

    ReplyDelete

Post a Comment

Popular posts from this blog

ලෝකයේ වටිනාම මුද්දරය වෙන්දේසියට! දැනට ඇත්තේ ලෝකෙටම එකයි!

මුද්දර එකතු කිරීම (Philately) විනෝදාංශයක් වගේම හොඳ ආදායම් මාර්ගයක්. පුංචි වුණාට තැපැල් මුද්දරයක් කියන්නේ රටක ඉතිහාසය කියාපාන කැඩපතක්. රටකින් රටකට හොඳ හිත පතුරුවමින් යන සංස්කෘතික තානාපතිවරයෙක්!

ඒ වගේ පැරණි තැපැල් මුද්දරයක් එහි මුහුණත සඳහන් වටිනාකමට හුඟක් වැඩිවෙන වෙලාවල් තියෙනවා. එහෙම වෙන්නේ ඒවායේ ඇති දුලබකම නිසයි.

ඒ වගේ 1873 දී ලිපිගොනු ගොඩක් අස්සේ තිබී හමුවුණු පාවිච්චි කළ ශත එකේ තැපැල් මුද්දරයක් පසුව වෙළෙඳ පොළේ දී සිලිං හයකට විකුණුණා. බි‍්‍රතාන්‍ය ගයානාව (British Guiana) විසින් නිකුත් කළ ශත එකේ දම්පාට තැපැල් මුද්දරය (1c Magenta stamp) දැන් යළිත් වෙන්දේසිය සඳහා වෙළෙඳපොළට ඇවිත්. අද, වසර 141කට පසු, එයට මුද්දර වෙන්දේසියේ දී ඇමරිකන් ඩොලර් මිලියන 20ක මුදලක් ලැබේවි යැයි විශ්වාස කරනවා.

මෑතදී ‘ලොව වඩාත් වටිනාම මුද්දරය’ ලෙස හඳුන්වනු ලැබූ මේ පැති අටේ හැඩැති තැපැල් මුද්දරය 2014 ජූනි මාසයේ 17 වැනිදා ඇමරිකාවේ නිව්යෝක්හිදී ප‍්‍රසිද්ධ වෙන්දේසියේ විකිණීමට නියමිතයි.

මෙය දැනට ලෝකයේ සුරක්ෂිතව ඉතිරි වී ඇති මේ වර්ගයේ එකම මුද්දරය ලෙස සැලකෙනවා. මෙය නිකුත් කරන ලද්දේ 1856දියි. බි‍්‍රතාන්‍ය ගයානාවේ තැපැල් මහතා…

MH370 මැලේසියානු ගුවන්යාන අබිරහස! ලෝකයේ අබිරහස් ලෙස අතුරුදන් වුණු ගුවන්යානා 10 මෙන්න!

පසුගිය සතියේ (මාර්තු 8 වැනිදා) අතුරුදන් වූ පිසැරි අංක එම්එච්370 මැලේසියානු මගී ගුවන්යානයට වූ දේ තවමත් අබිරහසක්. රටවල් 10 ගුවන්යානා, නැව්, චන්ද්‍රිකා රැසක් මේ අබිරහස විසඳන්න තවමත් වෙහෙසෙනවා.

ඒත් මෙය දැනටමත් නොවිසඳෙන අබිරහසක් පත් වෙන ලකුණු පහළ වෙලා!

නස්රුදින්ගේ වේළීමේ රහස! අලුත්ම නස්රුදින් කතාවක්!

නස්රුදින්ගේ පොහොසත් මිතුරෙක් ඔහුට කතා කළා, ඒ මිතුරාත් ඔහුගේ පිරිසත් එක්ක දින කීපයක් තිස්සේ දඩයමේ යන්න. මුල් ම දවසේ ඔවුන් නස්රුදින්ට දුන්නෙ බොහොම හෙමින් යන අස්සයෙක්. දඩයමට යන්න පටන් අරන් වැඩි වේලාවක් ගියේ නෑ, හෙමින් ගිය අස්සයා නිසා නස්රුදින් හුඟක් පහුවුණා. නස්රුදින්ව පහු කරලා දාලා අනෙක් පිරිස ඈතට දඩයමේ ගියා.

ලොව පළමු සෙල් ෆෝනය මේකද? වසර 75ක් පැරණි පින්තූරයේ රහස හෙළි වෙයිද?

බලන්න මේ තරුණිය ජංගම දුරකතනයක් කනේ තියා ගෙන පාර දිගේ කතා කර කර යනවා! අද නම් මේ වගේ දසුනක් ගමක පාරක වුනත් ඔබ දැක ඇතුවාට සැකයක් නැහැ. ඒත් මේ දර්ශනය කැමරාවට නඟා ඇත්තේ මීට අවුරුදු 75කට පෙරයි!

1938 දී ඇමෙරිකාවේ වීදියක ගමන් කළ මේ යුවතියගේ අතට වර්තමානයේ අප පාවිච්චි කරනා තාලේ සෙල් ෆෝනයක් (ජංගම දුරකතනයක්) ආවෙ කොහොමද?

ඒ කාලයේ මේ වගේ දෙයක් නිපදවීම තියා මෙවැන්නක් ගැන හිතලවත් නොතිබුණා නම් මෙම දර්ශනය චිත‍්‍රපටයකට ගත් නිර්මාණයක්ද? සමහර අය කීවේ චිත‍්‍රපටය තුළින් අනාගතය දැකීමක් ලෙස මෙම දසුන සලකන්න පුළුවන් කියලයි. අනාගතය පරිකල්පනය කළ අවස්ථා චිත‍්‍රපටවල ඕනෑ තරම් තිබුණා. මේ වගේ

මේ රූප පෙළ මේ වන විට යූටියුබ් (YouTube) එක හරහා ලක්ෂ තුනකට වැඩි වාර ගණනක් සංසරණය වෙලා තියෙනවා. වර්ණ චිත‍්‍රපට එන්නට පෙරාතුව කළු සුදු ක‍්‍රමයට කැමරාවට නගන ලද මෙහි රහස පසුගිය දා හෙළි වුණා. මෙම තරුණිය තමාගේ මීමිත්තණිය යැයි යුටියුබ් ග‍්‍රාහකයෙක් හෙළි කළා.

අනාගතයට යාමක් ද? මෙහි දැක්වෙන්නේ ඇමරිකාවේ ඩුපොන්ට් ආයතනයෙන් පිට වී යන තරුණ සේවිකාවන් පිරිසක්. එයින් එක් තරුණියක් අතේ ඇති ජංගම දුරකතනයකින් කතා කරමින් යනවා ඔබට පෙනෙනවා ඇති. වසර 75කට ප…

දියණිය උපන් මොහොතේ පියා ගත් පින්තූරය අන්තර් ජාලය කළඹයි! වෛද්‍යවරයාගේ අතේ එල්ලී එළියට ආ ළදැරිය මෙන්න!

ජීවිතයේ විස්මිත මොහොතවල් ඡායාරූපයට නැඟීම වාසනාවත් එක්ක සිදු වන දෙයක්. එහෙම වාසනාවක් ලද මාපිය යුවලක් තමන් ගත් ජීවිතයේ අමතක නොවන පින්තූරය ‘මුහුණු පොතේ’ පළ කළා. මොහොතකින් එය අන්තර්ජාලය පුරා ‘කුණාටුවක්’ මෙන් හඹා ගියා.

මෙලොව එළිය දකින්න මොහොතකට පෙර පුංචි නෙවායි මව් කුස හිඳිමින් තම උදව්වට ආ වෛද්‍යවරයාගේ ඇඟිල්ලේ එල්ලූන හැටි!

හොල්මන් පින්තූර කතන්දර පෙළක්! මේවා දැකල බය වෙන්න එපා!

රාති‍්‍ර කාලයට අඳුරේ දී ඔබව බියපත් කරන හැම රටකටම, හැම සමාජයකම තියෙනවා. ඇත්තටම හොල්මන් තියෙනවා කියල ඔප්පු කරන්න හොල්මන්වල පින්තූර ගන්න අයත් ඉන්නවා. මේ ඒ විදියට ගත්තු පින්තූර පෙළක්!


අවුරුදු ගානක් තිස්සෙ විවිධ අවස්ථාවලදි ගත්තු පින්තූර තමයි, මේ තියෙන්නේ. මෙහි ඉන්නවා, ඝාතනය කළ වහල් සේවකයන්, රෝහල්වල වධබන්ධනවලට ලක්ව මියගිය රෝගීන්, අතීතයට එක් වූ මුහුදු නැවියන් ආදී නොයෙක් අය. මොවුන්ගේ හොල්මන් කතා අහපු බොහොම දෙනෙක් බියට පත් වුණා. තාමත් අහන අයගේ ඇඟ හිරි වැටෙනවා.

මුල්ම ඇපල් 1 පරිගණකය ලෝක වාර්තාවක් තියයිද? ඇපල් සමාගමේ ආරම්භය හෙළිකරන මෙතෙක් පළ නොවූ ඡායාරූපයක්!

ඇපල් පරිගණකය පටන් ගත් හැටි දැන් දකින කොටත් පුදුම හිතෙනවා. ඒ මුල් ම ඇපල් පරිගණකය අළෙවි කරන්න ගෙනියන්න පෙර පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුගිය දා ප‍්‍රථමවරට හෙළිදරවු වුණා.

මේ ඡායාරූපයට නගා තියෙන්නේ 1976 දියි. එතකොට ස්ටීව් ජොබ්ස්ට (Steve Jobs) වයස 21යි. ඔහුගේ මිතුරු ස්ටීව් වොස්නියැක් (Steve Wozniak) සමග එක්ව ඔවුන් දෙදෙනා මේ මුල්ම ඇපල් පරිගණක තැනුවේ ස්ටීව් ජොබ්ස්ගේ මාපියන්ගේ ගෙදර ගරාජයකයි. ඔවුන් ඒ තැනූ මූල් පරිගණක 50 තැන්පත් කරල තිබුණු ආකාරය දැක්වෙන මේ විරල ඡායාරූපය නිකුත් කරනු ලැබුවේ ලබන නොවැම්බර් 16 වැනිදා වෙන්දේසියට තැබෙන දැනට හොඳම තත්වයේ ඇති පැරණි ම ඇපල් පරිගණකය එළි දැක්වීම වෙනුවෙන්.

මෙය දැනට ලෝකයේ ඇති වටිනාම සන්නම ලෙස සැලකෙන ඇපල් පරිගණකයේ ආරම්භක තත්වය තේරුම ගන්නත් හොඳ අවස්ථාවක්. මේ සන්නමෙහි අද වටිනාකම පවුම් බිලියන 60ක්.

ඇපල් පරිගණකයේ ආරම්භය දැක්වෙන මේ කිසිදා එළියට නො පැමිණි ඡායාරූපයක්. ඒ මුල් ම ඇපල් පරිගණකය අළෙවි කරන්න ගෙනියන්න පෙර 1976 දී පෙට්ටිවල අසුරා ස්ටීව් ජොබ්ස්ගේ නිදන කාමරයේ තැන්පත් කර තිබූ ආකාරය දැක්වෙන ඡායාරූපයක් පසුග…

දුර්ලභ ගණයේ සේයා රුවක්! නවසීලන්තයේ ධීවරයකුගේ නවතම ගොදුරක්!

මෙය ලියැවෙන්නේ කලාතුරකින් හමු වන ඡායාරූපයක් ඔබ වෙත ඉදිරිපත් කරන්නයි. අන්තර් ජාලය පුරා මේ වන විටත් වැඩි දෙනකුගේ අවධානය දිනා ගෙන තියෙනවා.

මේ ඡායාරූපයෙන් කියැවෙන්නේ මිනීමරු සුදු මෝරකුගේ ඉරණම දැක්වෙන කතාවක්. පසුගිය සතියෙදි නවසීලන්තයේ මුහුදේදි ගත්තු එකක්.

මහා භූමිකම්පාවකින් පසු පාකිස්ථාන මුහුදෙන් මතු වූ ලෝකයේ අලූත් ම දූපත!

පසුගියදා පාකිස්ථානයේ ප‍්‍රබල භූමිකම්පාවක් ඇති වුණා. 7.8ක් වූ ඒ භූමිකම්පාවෙන් බලූකිස්ථානය අසල මුහුදේ අලූත් දූපතක් මතු වුණා. ලෝකයේ අලූත් ම දූපත එයයි.

සල්සාලා කෝහ් (Zalzala Koh) යනුවෙන් ඒ දූපත නම් කරලා තියෙනවා. දාල්බන්දින්වලට සැතැපම් 145ක් ගිනිකොන දෙසින් හටගත් මේ භූම්කම්පාව නිසා දැන් එය බලන්න සංචාරකයන් වගේම පාකිස්ථාන වැසියන් වැල නොකැඩි එනවා. ඒ දූපතටත් ගොඩ වෙනවා. ගිනිගන්නාසුලූ වායුව, විස දුම් ආදිය ඇති බව අනතුරු හැෙඟව්වත් ඒවා ගනන් නොගෙනයි, ඔවුන් එහි එන්නෙ.

ඒ දූපතේ පිපිරුණු මඩ, වැලි, ගල් මුසු බිම මත මුහුදු සතුන්ගේ මළ සිරුරු, විශේෂයෙන් ම මාළුන් මළකුණු පිරිලා තියෙනවා.

මෙන්න ලෝකයේ අලූත් ම දූපත අහසට පෙනෙන හැටි. මේ මඩ කන්ද මීටර් 15ක් 20ක් විතර උස ඇති. මිනිසුන්ට ඒ මත ඇවිද ගෙන යා හැකි තරමට එහි බිම ඝනකම් කියලයි, කියන්නෙ.

MH370 මැලේසියානු ගුවන්යාන අබිරහස : නියමුවාම යානය බලෙන් ගෙන ගියාද?

2014 මාර්තු 16 වැනිදා

අනතුරට පත් යානයේ නියමුවා වූ සහාරි අහමඞ් ෂා දේශපාලන උමතුවකින් පෙළෙන්නකු ලෙස දැන් සැක කරනවා. එම්එච්370 යානය නියමුවා ලෙස සේවයට වාර්තා කරන්නට පෙර ඔහු මැලේසියාවේ විරුද්ධ පක්ෂ නායකයා වූ අන්වර් ඒබ‍්‍රහම්ට එරෙහිව පැවති නඩු විභාගයට බලන්නට ගිය බවක් ෆෙඩරල් පරීක්ෂක නිලධාරින් කියනවා.